教育王國
標題: 其實有冇需要做資優評估? [打印本頁]
作者: 廷廷媽 時間: 14-4-22 15:33 標題: 其實有冇需要做資優評估?
學校話阿仔偏向係資優生多過過度活躍, 如果check iq要大拿拿5仟銀, 好肉赤, 最怕check左出黎又唔係, 就算係, 之後有咩可以follow up? 我囝最令人困擾係佢行為, 情緒, eq上問題, 而家都知可以做d咩幫到佢, 唉.....
作者: CALVEN 時間: 14-4-22 16:46
你仔成績好好?
學校有無話如果係資優有咩辦法幚到你仔?
作者: 廷廷媽 時間: 14-4-22 16:54
回覆 CALVEN 的帖子
成績唔錯, 考全級5名以內....學校唔會有SUPPORT, 唔使諗學校方面, 我想係出面搵D EQ管理課程幫阿仔.....使唔使先做個資優評估先?
作者: Radiomama 時間: 14-4-22 17:21
回覆 廷廷媽 的帖子
如果純粹eq課程，好多NGO都有辦。
如果想參加政府的資優課程，就需要學校推薦，這樣的話，有一些認可的數據(IQ score)會較易說服學校。
為什麼斷言學校不會提供協助呢? 也許有，不過無公開吧。
$5000去個旅行也辦不到，做評估是為了多了解孩子一點。就算不是資優，您也何從中明白他是那方面較佳，個人認為若經濟能力許可，接受評估是好事。
作者: 廷廷媽 時間: 14-4-22 17:42
回覆 Radiomama 的帖子
其實佢叻唔叻我都唔緊要, 我係擔心佢而家D情緒問題係因為資優所以係咁, 我主要係想治療佢行為上既問題....
作者: Radiomama 時間: 14-4-22 17:51
回覆 廷廷媽 的帖子
行為和情緒問題就靠家人或其他師長支持。
我仔也是超級好勝，唔輸得; 在小組內要做話事人。但隨著年齡漸長(今年year 5啦)，佢明白天外有天，這個世界叻人何其多。撞板就會有學習囉。就算被罰、被杯葛也是學習，尤得他去面對和處理。我沒有刻意讓他上情緒管理課程，但我有讓他參與童軍活動(體合作)和大量體育活動(消耗剩餘精力)。就連他最弱的朗誦和彈琴也報名，我們常說，輸、不緊要，最緊要自己能面對。
作者: ANChan59 時間: 14-4-22 18:16 標題: 回覆：Radiomama 的帖子
Great parenting.
作者: 廷廷媽 時間: 14-4-22 19:21 標題: 回覆：Radiomama 的帖子
我仔係怕輸所以唔肯參與，同佢講左好多次輸咪輸，玩係至在過程唔係輸贏，但佢都係唔肯參加，其他小朋友久而久之唔叫佢玩
作者: Radiomama 時間: 14-4-22 19:41 標題: 回覆：廷廷媽 的帖子
你仔幾多歲、幾年級？又或從無分輸贏的活動開始，童軍是一例。
作者: 小曳人 時間: 14-4-22 22:49
本帖最後由 小曳人 於 14-4-23 11:26 編輯
我起初都好似你咁，嫌貴，唔想做評估，覺得做唔做都一樣
但最後因為情緒問題，發覺好多呢方面支緩都要出示評估報告，於是，俾錢做咗！但得著比嗰幾千蚊多！
首先，我對孩子了解多咗，對佢嘅要求有所微調，大家關係開始好轉 (我發少咗火啦~)
我樂意接納佢嘅不足，幫佢了解自己，面對自己，改善不足嘅地方
因為我知道佢有強大嘅理解能力，我會俾多d機會佢去學佢年齡唔應該學嘅嘢，學習動機好緊要呀！要keep住佢團火，要教佢自學！
你提到輸唔起，建議你俾佢學棋！我兒年半前開始學圍棋，一開始就贏多輸少，一輸就想喊，但輸輸下就慣啦！最重要係想玩~就自然有贏有輸！
作者: lillymarie 時間: 14-4-23 09:26
我囝囝又係好怕輸的人，以前所有會輸的遊戲都唔參加，寧願一個人自己玩。係屋企好辛苦先勸到佢和我們一起玩board games, 一輸咗就尖叫大哭，怨我"逼"他玩。連飛行棋／UNO都玩唔到。我地全都怕咗佢，由得佢。
另一方面，佢哥哥係個D輸極都肯玩的人。我就常把握機會在細囝面前讚哥哥唔怕輸夠毅力。有時候會講一些運動員或者音樂家的故事，讓他知道成功背後人家其實失敗過好多次。呢個諄諄善誘的過程做了三年多，他開始明白多一點。
還有一個對我細囝好有幫助的方法，就是教他做家務。他自理能力好些，自信心大些，真的沒那麼介意輸。有時倒瀉水或弄汚漕了地方，教他自己清理好。讓他明白，做錯了不要緊，他有能力自己收拾返好。
昨晚我們一起玩UNO，玩了兩次夠鐘要停，他就想哭。因為他未win過。我對他說，我也沒勝過呀！
常常掛在咀邊的一句"比賽勝出的只有一個，輸了是很平常的事。"，目的是幫助他明白，輸，不代表他很差。
作者: 廷廷媽 時間: 14-4-23 10:17
多謝各位意見, 我同C6傾下先, 咁你地係咪係中大CHECK?
作者: YanKanMom 時間: 14-4-23 11:41
lillymarie 發表於 14-4-23 09:26 
我囝囝又係好怕輸的人，以前所有會輸的遊戲都唔參加，寧願一個人自己玩。係屋企好辛苦先勸到佢和我們一起玩 ...
我們也經常跟他說偉人/發明家背後所付出的努力, 所面對過的無數失敗, 亦告訴他"台上一分鐘, 台下十年功"的道理, 但暫時他的情緒控制仍是不佳. 盼望他能進步啦! 對孩子總要存著盼望的心, 否則日子會很難過的.
作者: lillymarie 時間: 14-4-23 11:52
YanKanMom 發表於 14-4-23 11:41 
我囝不願意接受自己的想法不是最好的. 他的中文麻麻, 作文時我若教他用詞, 他就會大發脾氣及大哭, 說為什麼 ...
作者: YanKanMom 時間: 14-4-23 12:20
lillymarie 發表於 14-4-23 11:52
是呀！我囝囝亦不喜歡我指出他的錯。他練小提琴，每次我指出他的問題時，他十次有九次都會哭，好唔憤氣咁。 ...
其實除了不想失敗外, 我猜他有時可能是一種情緒的發泄, 因他社交不好, 在學校會遇到不如意的人和事, 可能累積了一些負面的情緒, 回家便肆意發作了. 當然這樣對家人不值鼓勵, 亦需指正及教導, 不過作為媽媽, 我是有些體諒的.
作者: 小曳人 時間: 14-4-23 12:41
廷廷媽 發表於 14-4-23 10:17
多謝各位意見, 我同C6傾下先, 咁你地係咪係中大CHECK?
中大好似貴少少 (~5-6K?)
我check過，小童群益會好似平dd，~4.5k
我跟學校做，4k
作者: 廷廷媽 時間: 14-4-23 12:43
請問評估左後的資優生, 中大或資優學院會唔會跟進架?
作者: 廷廷媽 時間: 14-4-23 12:53
回覆 小曳人 的帖子
咁其實係中大/小童群益會/資優教育學園CHECK有咩唔同?
作者: Radiomama 時間: 14-4-23 13:55 標題: 回覆：廷廷媽 的帖子
只要是認可的就可以了。
就算在中大或資優學院做評估，之後要報讀課程仍要go thru所有程序。中大課程要$, 後者則政府資助。
作者: 小曳人 時間: 14-4-23 14:08
其實邊個機構都一樣，佢地都係用相同題目，受過訓練，認可嘅人士做
聽聞有d有詳細報告，有d要詳細報告就要加錢
我覺得睇咗結果，如有需要先要註細報告，因為呢份報告本身見人嘅機會不高！
作者: 廷廷媽 時間: 14-4-23 14:56
我打左去中大問, 佢話如果唔係想要個IQ TEST REPORT去報學校, 佢話可以先比$1100做個初步評估, 做完之後等專家去評定佢需唔需要做進一步評估, 使唔使咁樣? 定一次就做智力評估?
作者: 廷廷媽 時間: 14-4-23 15:17
係呢邊問好D, 之前係親子果邊問係咁比人插, D人覺得你係度哂自己小朋友好叻, 其實我係擔心佢既行為情緒....
作者: lillymarie 時間: 14-4-23 15:23
本帖最後由 lillymarie 於 14-4-23 15:29 編輯
YanKanMom 發表於 14-4-23 12:20
唉, 我囝其實已九歲, 見他還這麼愛哭, 有時也不知道好嬲抑或好笑.
其實除了不想失敗外, 我猜他有時可能是一 ...
嘻嘻，我囝快11歲啦！由細到大都愛哭，我習慣了。他們在學校好似好大壓力咁，放學回到家要休息接近一個鐘。通常會食小點當放鬆心情。有時我見他們若情緒不太穏定，會叫他們沖個熱水涼，又或者在床上休息一下。可惜我兩個囝不喜歡運動，不然運動效果更好的。
我呢個媽媽EQ不夠高，所以不能忍受他們向我發脾氣。
明知囝囝不喜歡我話他，練琴時我仍會"提點"他。互相適應囉！外邊不是人人都會遷就他的嘛。他現在哭少了很多，但就會駁咀。好似我剛話佢彈琴彈錯，他應：" Yeah, I'm not deaf!". 
作者: YanKanMom 時間: 14-4-23 17:10
lillymarie 發表於 14-4-23 15:23
嘻嘻，我囝快11歲啦！由細到大都愛哭，我習慣了。他們在學校好似好大壓力咁，放學回到家要休息接近一個鐘 ...
他也是不喜歡做運動的, 動態的最多是一邊跑來跑去, 一邊唸唸有詞地自己作故事.
我也不是好好脾氣, 只比他爸爸多一點忍耐力, 他太過份時爸爸會打他的. 有時我們也由得他哭吵一輪, 當讓他減壓算了.
也是經常駁咀, 尤其在他認為自己有理時, 有時態度過於囂張, 更會惹來爸爸一頓教訓.
絶對是的, 外邊的人那會遷就他啊!他也知道的, 所以對外人他不敢太亂來的, 他只是欺負家人, 尤其是我, 但他暫時最愛的人也是我.
作者: Radiomama 時間: 14-4-23 18:39 標題: 回覆：YanKanMom 的帖子
個個小孩都不同；我仔是個happy boy, 但同理心接近零，鍾愛運動；最近班主任教他如何靜下來。
對做初評定full version無意見，畢竟人人看法不同；但要明白在香港培育資優兒童都幾貴，要有選取。
作者: YanKanMom 時間: 14-4-23 19:10
Radiomama 發表於 14-4-23 18:3蟲
個個小孩都不同；我仔是個happy boy, 但同理心接牠零，鍾愛運動；怒近班主任教他如何靜下來。
對做初評定f ...
作者: ANChan59 時間: 14-4-23 20:50 標題: 引用：Quote:lillymarie+發表於+14-4-23+09:26+我
原帖由 YanKanMom 於 14-04-23 發表
我囝不願意接受自己的想法不是最好的. 他的中文麻麻, 作文時我若教他用詞, 他就會大發脾氣及大哭, 說為什麼 ...
就你的描述，我不覺得他怕輸，他可能想自己獨立去嘗試，想證明自己有能力而已！
作者: ANChan59 時間: 14-4-23 20:52 標題: 引用：我囝囝又係好怕輸的人，以前所有會輸的遊戲
原帖由 lillymarie 於 14-04-23 發表
我囝囝又係好怕輸的人，以前所有會輸的遊戲都唔參加，寧願一個人自己玩。係屋企好辛苦先勸到佢和我們一起玩 ...
作者: ANChan59 時間: 14-4-23 20:54 標題: 引用：Quote:lillymarie+發表於+14-4-23+11:52+是
原帖由 YanKanMom 於 14-04-23 發表
唉, 我囝其實已九歲, 見他還這麼愛哭, 有時也不知道好嬲抑或好笑.
其實除了不想失敗外, 我猜他有時可能是一 ...
作者: ANChan59 時間: 14-4-23 21:01 標題: 引用：個個小孩都不同；我仔是個happy+boy,+但同
原帖由 Radiomama 於 14-04-23 發表
個個小孩都不同；我仔是個happy boy, 但同理心接近零，鍾愛運動；最近班主任教他如何靜下來。
對做初評定f ...
作者: YanKanMom 時間: 14-4-23 21:51
回覆 ANChan59 的帖子
你說得對, 他是想靠自己想出來. 但奈可因他遲遲才做功課, 故在時間的壓力下我便忍不住出手了！我也知道長遠是要放手的. 謝謝你的提醒.
作者: lillymarie 時間: 14-4-24 07:00
ANChan59 發表於 14-4-23 20:52
我都刻意安排他學識勝不驕，敗不餒！要些時間。
作者: KANAS88 時間: 14-5-3 23:06
本帖最後由 KANAS88 於 14-5-3 23:07 編輯
亞仔昨日家長會，老師叫亞仔去做測試，佢話佢同其他小朋友唔同，唸d野好特別，佢話佢應該係聰明個d，不過佢讀書唔叻，但老師話做左個測試可以睇下佢邊樣叻，去栽培佢，唔好晒喎，不過我見出面個d好貴，但如果中大有個初步評估$1100,係咪可以試下。順帶一提，本人完全唔覺自己小朋友叻，所以真係唔明老師點解話佢特別聰明
作者: apsm 時間: 14-6-2 09:07 標題: 引用：學校話阿仔偏向係資優生多過過度活躍,+如果
提示: 作者被禁止或刪除 內容自動屏蔽
作者: hinhei 時間: 14-6-3 23:14 標題: 回覆：其實有冇需要做資優評估
我女彈琴都係，由其呢排要彈scale考琴試，她就是我一話唔啱，佢唔認，我跟住拍低比佢睇，便開始發脾氣話我拍先錯，跟住便喊
總之一話佢的不是，就係落閘黑面。
我而加都盡量少行去睇佢練琴了。
你都試試放手吧！
功課方面，我彩取只睇有無做，其他中英作文我係完全不理，由佢發揮。我哋時間上都好緊迫，因我女係一個極需要瞓的小朋友，瞓少陣都唔掂。上年一年班我會坐正係佢隔離，篤速佢專心快做，但我巳是不看內容的了。
到今年二年班，我都只係遠遠吹趕。
作者: scyauchris 時間: 14-6-6 06:40
我都試過彈琴拍片，我女都會發瘨。功課同琴我小一開頭已放手，我只是簽手冊不睇也不對有沒有做齊。我女永遠不捉棋，同樣是輸不起。不過不是個個小朋友都不喜歡大人指出他們錯處嗎？學校同家裡基本上是兩個人。我女反而是不太瞓令我好累！
作者: jebbie 時間: 14-6-16 23:45
我想問，其實幾歲做測試好？謝謝！
作者: Bstar 時間: 14-8-15 16:41 標題: 回覆：廷廷媽 的帖子
我都有呢個煩惱，想知多啲可以點做
作者: Bstar 時間: 14-8-15 16:43 標題: 回覆：ANChan59 的帖子
請問那裡有網上資源，可否介紹一下！謝謝！
| 歡迎光臨 教育王國 (/) |
Powered by Discuz! X1.5 |