教育王國

標題: 我個大仔好似讀得唔係咁開心，點算? [打印本頁]

作者: sang@yee... 時間: 14-1-7 22:47 標題: 我個大仔好似讀得唔係咁開心，點算?

之前我媽媽同我講話我個大仔喺學校冇朋友，我本身都唔係咁信，但最近我大仔啲工課成日都有啲錯，咁爸爸就叫大仔問同學攞電話號碼，方便問野，到尋晚又發生類似事件，咁就再問大仔有否攞同學電話，佢又話冇，之後就同佢傾訴下，點知佢同我講，佢喺學校係冇朋友，係一個都冇

，我話你可以小息搵同學玩下，但大仔話小息佢個老師經常要佢成日都做好多野，例如工課，又話食完午飯之後唔比佢地講野，唉……………咁點算我應該點做好?

作者: sang@yee... 時間: 14-1-7 22:57 標題: 回覆：我個大仔好似讀得唔係咁開心，點算

仲有，其實我開始覺得間學校有啲問題，之前小息，我個大仔無端端比啲高班同學打(將我個仔個頭撞去牆)，成日額頭腫咗一大舊，仲要黑咗，但好攪笑，我一直都冇收到學校嘅電話，我大仔去醫療室足足兩堂嘅時間，到返屋企我睇家課先知，

講真我真係好嬲，啲老師完全冇責任感。
仲有聖誕節………………轉頭講

作者: toys 時間: 14-1-8 14:47

你小朋友讀小一嗎？最好打比班主任了解下

作者: 肥嘟媽 時間: 14-1-20 00:27

有此情況，要主動搵下班主任，我個仔話同學仔趁佢彎腰執筆時用椅撞埋佢到，佢話老師唔知，但我明天都會打比班主任
早排囝囝係學校跌親，班主任都有搵我，講事發經過
小息時，按理有風紀員，你問下小朋友係邊度比高班同學蝦，掌握多些資料跟班主任講

作者: 07mama 時間: 14-1-23 11:59

sang@yee... 發表於 14-1-7 22:57
仲有，其實我開始覺得間學校有啲問題，之前小息，我個大仔無端端比啲高班同學打(將我個仔個頭撞去牆)，成日 ...

點解無左下文? 等待中... ...

作者: sang@yee... 時間: 14-3-17 22:43 標題: 回覆：我個大仔好似讀得唔係咁開心，點算

家長日見完老師之後，同老師都傾咗好耐，最近覺得我個大仔好似開心咗。

作者: littlemrs 時間: 14-3-23 21:18

回覆 sang@yee... 的帖子

有什麼都主動打電話向班主任了解下，對小朋友發展好重要加油！

作者: 豆豆B媽 時間: 14-4-1 08:43

D高班同學咁恐怖 ? 又無端端比啲高班同學打 . 好黑暗咁喎...

呢間校風唔係幾好架咩 ?點解會咁黑暗　？

作者: buddyfish 時間: 14-5-29 22:55

提示: 作者被禁止或刪除內容自動屏蔽

作者: babycat9001 時間: 14-8-18 22:51 標題: 引用：Quote:sang@yee...+發表於+14-1-7+22:57+仲

原帖由 07mama 於 14-01-23 發表
點解無左下文? 等待中... ...

我都等梗講聖誕遇到乜野。

作者: sang@yee... 時間: 14-9-3 00:53 標題: 回覆：我個大仔好似讀得唔係咁開心，點算

唔好意思，咁耐先講聖誕件事。
聖誕節老師叫同學每人要買一份禮物(唔需要貴)咁我就同大仔買咗一份，之後帶返學校交換，到放學嘅時候，我問大仔今日抽到啲咩？
大仔答我咩都冇

我見佢個樣有啲唔開心，就問點解佢會冇?
之後大仔話因為有同學冇買禮物，唔夠分，所以佢抽唔到，

咁我又再問大仔，冇買禮物嘅同學都有得抽?佢話係

我聽完之後真係興到核爆

立即打電話返學校搵佢班主任，
我話點解可以咁樣做，點解有心去買禮物嘅人會冇禮物抽到，
冇買禮物嘅又會有機會抽?咁我下年都唔買禮物喇，點解可以咁咖?
之後老師話會產檢討下喎。

作者: loy101 時間: 14-9-20 23:39

請問樓主現在囝囝情況怎樣？學校方面回覆成點？
原本我囝囝今年要選小一，一心想沙官。想問下有無其他家長可以分享仔女在沙官的感受？

作者: ecem000 時間: 14-9-23 23:23

點解呢間學校會咁?? 讀小學都比人恰

歡迎光臨教育王國 (/)