教育王國

標題: 兩歲剛評估有自閉傾向 [打印本頁]

作者: daodogdog 時間: 13-3-21 22:35 標題: 兩歲剛評估有自閉傾向

好少眼神接觸，語言係一歲，唔會手指指表達自己想要乜。但佢唔會點發脾氣，有無小朋友都係咁!? 仲想問大家什麼係"A仔"?

作者: cat1028 時間: 13-3-22 00:54

我囝上年都系一樣，剛三歲，二歲評為自閉普系，無咩重複古怪行為，都幾PR,系人都跟（大人），言語大落後，返緊言語治療，排i位。
手指指係我教至識，之前拉我去伸我手指去指，後來我收埋手指要佢自己指（捉住佢隻手指教佢指），試多幾次佢就明。指時就問佢＂係咪e個呀，呢個係xx呀，要唔要呀？＂，老師常說：他依家系一塊海棉，你教佢嘢，佢吸緊，吸飽就放出來，唔駛擔心。嘻，做家長又點會唔擔心。

作者: why-me 時間: 13-3-22 09:16 標題: 引用：好少眼神接觸，語言係一歲，唔會手指指表達

原帖由 daodogdog 於 13-03-21 發表
好少眼神接觸，語言係一歲，唔會手指指表達自己想要乜。但佢唔會點發脾氣，有無小朋友都係咁!? 仲想問大家 ...

自閉症英文係“Autism” A仔係自閉兒童簡稱

作者: eekg 時間: 13-3-22 09:48 標題: 引用：我囝上年都系一樣，剛三歲，二歲評為自閉普

原帖由 cat1028 於 13-03-22 發表
我囝上年都系一樣，剛三歲，二歲評為自閉普系，無咩重複古怪行為，都幾PR,系人都跟（大人），言語大落後， ...

請問你用咩方法可以教識小朋友手指指？我大仔兩歳4個月，都係拉我隻手指，我捉返佢隻手指左三個月，佢都冇sense手指指，所以想請教你方法！thx!!

作者: sayang_twin 時間: 13-3-22 22:12

回復 eekg 的帖子

我囝同cat1028個囝好似 ,都系上年在CAC評為ASD,，當時二歲二月,現在二歲九月，無咩重複古怪行為，言語大落後，返緊ST,OT,PST，排E位。佢都係拉我隻手去指嘢，過了兩三個月後,佢已經識指了.上年聖誕突然' 丁 '一聲, 講多左好多嘢(單字), 我都好認同這句話, 師常說：他依家系一塊海棉，你教佢嘢，佢吸緊，吸飽就放出來，唔駛擔心。比D時間佢地, 唔好心急.

作者: Vichang 時間: 13-3-23 16:52 標題: 回覆：daodogdog 的帖子

我個仔搵左私家確疹，都係未識手指指。成日都要拉住我只手，只識e e r r.... 不過可能聽得英文兒歌多，而家會識認得字母和數字。例如搭lift 去到G floor 會講g.... 。唉，都有少少進步嘅。

作者: Vichang 時間: 13-3-23 16:57 標題: 引用：回復+eekg+的帖子我囝同cat1028個囝好似+

原帖由 sayang_twin 於 13-03-22 發表
回復 eekg 的帖子

我囝同cat1028個囝好似 ,都系上年在CAC評為ASD,，當時二歲二月,現在二歲九月，無咩重複 ...

你個仔好叻呀，我個仔仲未好識聽指令，上緊pst, 下個月再有三天密集。其他私人服務仲排緊。

作者: cat1028 時間: 13-3-23 23:25

我囝返正規位的有兼收位幼稚園，老師校長都知佢係A仔，老師較有愛心，耐心，足2歲返暫託，依家系佢學生，睇住我囝有進步及愛上學，都幾開心架。

作者: cat1028 時間: 13-3-23 23:41

自從知囝系A仔，言語大落後，開始教他身體語言，如手指指，你捉住佢手指問要唔要時，你示範説＂要＂再加點頭，佢唔講迫不來，教d簡單動作令佢能表達需要，我仔捉手指，到點頭都花咗3個月。

作者: llam1210 時間: 13-3-23 23:55 標題: 回覆：兩歲剛評估有自閉傾向

Cat你仔有冇唔望人問題？如有，返了n班有冇改善？

作者: sayang_twin 時間: 13-3-24 00:19

回復 cat1028 的帖子

依家有愛心的學校都好難搵,我囝現在讀緊主流N班(村校), 上年十一月觀課日見完校長, 她話我囝係課室坐唔定,唔專心,25分鐘課程都認付唔到.當時呀囝只識聽英文,言語又delay.問我會唔會搵間英文幼稚園比佢.當時真係對這間學校好失望. 也好迷茫,驚冇學校收佢.現在呀囝進步好多, 連主任都話佢叻左, 識叫主任個名. 所以選有愛心的教育工作者的學校最重要.

作者: sayang_twin 時間: 13-3-24 00:28

回復 Vichang 的帖子

唉...呀囝重有好多嘢要追,訓練唔停得. 做訓練的$夠供層細細的樓了.

作者: wilyun 時間: 13-3-26 14:32

我仔好D,佢果陣未夠兩歲做左評估,佢都係未做評估之前兩個月先識得指咋~我地都成日有示範叫佢指,雖然佢都係唔係好講到太多野,但呢兩個月先開口,係咁上下喇~
我同佢睇書,佢已經識得指返D動物同物件比我知,佢亦會跟我地講下野,最明顯係,佢之前唔識得睇人面色,到現在佢識得知你咩叫做嬲,都係由密集果邊D導師講返比我知,現在係屋企,佢玩野果陣,我都會嬲佢,比D面色佢睇,佢就知我嬲,識得驚~

我仔的言語都係DELAY得好勁,我之前上言語治療,老師話佢AROUND得歲幾能力... 現在我仔已經2歲5個月了... 之前在家同佢講咩係床,佢都識,係去到評估問佢邊個係床邊個係櫈,唔知係咪評估果度D道具太細而且變左木色,佢唔識得分呢... >.< 但我現在會襯出街同佢行商店果陣,會同佢再講多D唔同物件咁!希望呢舊海綿會快D吸夠喇~ 哈哈!!

作者: chowqv 時間: 13-3-26 14:37

sayang_twin 發表於 13-3-24 00:19
回復 cat1028 的帖子

依家有愛心的學校都好難搵,我囝現在讀緊主流N班(村校), 上年十一月觀課日見完校長, ...

我個仔出評估之時，已經讀緊；我當時喊住同校長講佢咁既情況，好擔心會被請離校。

不過校長好好，佢話只要我有為小朋友排訓練，就點都會俾佢讀到畢業/有學校收佢。不過校長都好坦白，佢地只係一般幼稚園，無老師識教呢類小朋友，所以家長要配合，老師就只可以盡量俾特別既關顧。

作者: wilyun 時間: 13-3-26 14:38

係度,我想發洩下,就係有關X世軍,原來都有提供一D便宜服務比我地呢D家庭,但佢要講到明係只比低收入人士,但佢地從來唔會MENTION佢地幾多先為之低收入家庭, 我老公其實都搵到DD, 都可叫做中產,但我變左係全職煮婦,已經少左份收入,又要供樓,又要供養兩邊的父母,又要比成萬蚊每個月比個仔去做TRAINING! 每個月都係唔夠洗,但果間機構就話因為我地收入高,唔合乎資格,所以就唔會比到果個服務比我地... 我真係好想喊囉, 我地呢D, 每年又要交稅, 都已經好大負擔, 政府果邊乜都要排餐死, 如果想襯個仔係黃金期前比佢做到一D訓練,真係無錢就乜都唔使做... 唔該有關機構有時真係要睇下個別情況,唔係下下所謂高收入人士係等於有大把錢... 如果我地有得抽公屋/居屋,我地都唔使買樓喇!!! 咁我果陣就係叫做有錢同個仔去做TRAINING! 仲使乜求佢先... 唉...

作者: louisvuitton 時間: 13-3-26 17:53

我囝囝就黎3歲啦, 佢無眼神接觸, 唔肯溝通, 但如果佢肯講, 可以講到英文短句, 單字, 亦可以在一堆中分出 26 個英文字母, 但醫生叫佢排 S 位, 唔係排 I 位, 知唔知佢地點介定呢??

作者: bbymc11 時間: 13-3-27 00:26

回復 wilyun 的帖子

作者: Vichang 時間: 13-3-28 00:17 標題: 回覆：louisvuitton 的帖子

我估係因為你囝囝冇眼神接觸、沒跟人溝通、沒有分享吧！唔緊要，快些做training 吧！

作者: wilyun 時間: 13-3-28 15:27

回復 louisvuitton 的帖子

其實係咪S位都唔太重要,最緊要係幫到個小朋友.S位乜都有晒支緩,唔使好似I位咁,只得果個言語治療(仲要兩星期先得一次...), 有晒ST, PT果D,全部都係獨立係果間學校度教, 但就排得比較耐D!

建議你未排到位前,自己帶佢去做下TRAINING同埋多D去街街, 返密集咁, 我見我仔都已經進步左好多喇~

歡迎光臨教育王國 (/)