教育王國
標題: 激我地你會好開心咩? [打印本頁]
作者: Ahling2004 時間: 13-3-5 10:36 標題: 激我地你會好開心咩?
孩子:昨天學校打來話你發高燒, 病左,通知你要回家. 媽媽已心急如火, 公司又唔可以臨時請左假, 就叫你爸爸回去照顧你及陪你睇醫生, 但媽媽係公司已無心機做野了, 你知嗎? 一到夠鐘, 媽媽已即時放下手上所有的工作, 歸家似箭想回去睇下你的狀況, 又趕去超市買個面,想即時回去煮餐清啖的野比你落肚, 你又知嗎? 回到家中, 都沒放下我的手袋而走入你間房, 摸下你個頭, 叫你休息,唔好上綱大機啦, 難道又有錯嗎? 點解你一聽到我叫你唔好打機, 你就發哂脾氣, 大大聲地答: 我已睡左2個鍾啦, 跟住大動作地關上房門? 我真係當堂成個人呆哂, 較竟我做錯左咩, 要令你發我咁大脾氣?點解你唔心平境氣地同我講? 點解你要時時咁來激我? 我真係唔知自已錯係邊? 係唔係我太過緊張你, 而令你反感? 孩子, 邊個父母唔緊張自已孩子生病, 難道關心下病中的你,我有錯嗎? 你的行為令我好心痛, 平時的你已對我粗聲粗氣, 無來禮貌, 勸你少打機, 勸你勤力, 不論你的態度如何對我不敬, 我都可以忍受, 總希望你有一天會開HILL, 明白父母對你的關心係出自內心的, 係為你好. 我都明白, 15歲的你正處於青春模糊期, 我可以忍讓, 可以讓你自由發揮, 但唔代表你唔好的行為言行我可以當睇唔到, 我係你父母, 我係有責任在旁教導你,點解你唔明, 點解你總不斷咄咄逼人來傷害大家之間的感情. 我真係好累,好傷心, 每次被你的說話及行為中傷時, 都令我心痛到極. 但每次我都話比我自已知: 孩子係自已生出來的, 教的唔好都係我地責任, 我要比心機去輔導你, 總有一日你會明白,感恩.
孩子, 你已15歲有多啦, 應該要明白人與人之間相處之道, 明白父母的心, 唔好太再這樣去修我地心, 我真係好累, 好痛心. 你要我點做, 是不是大家不理會對方, 唔理你所做所為, 你才滿意呀?
作者: Yanamami 時間: 13-3-5 10:47
Print the above out and slip it under his door.....hopefully he will read it.
作者: mesmerising 時間: 13-3-5 11:08
本帖最後由 mesmerising 於 13-3-5 12:36 編輯
一些遊戲如first person war game（第一身戰爭）等係會令正在荷爾蒙時期的少年情緒脾氣暴戾的。 打少D。
平時多D交談內容豐富的話題，閑話家常。
慢慢改，教細路急不來的。
作者: hw1115 時間: 13-3-5 11:14
係唔係我太過緊張你, 而令你反感?
------------------------------------------
我覺得有機會, 但我地好難做到唔緊張bor.
e.g. 見到佢打機時, 功課係未做晒既時候, 身為媽媽一定出聲架.
作者: cindycyh1023 時間: 13-3-5 11:31
做人父母甚艱難
作者: 杰杰媽媽 時間: 13-3-5 11:52
本帖最後由 杰杰媽媽 於 13-3-5 11:53 編輯
佢地最最最反感的一句: 唔好打咁多機!
所以我已經睇化晒,我會任佢打,打到佢悶(佢有時都話好悶), then我會同佢講: 間中俾對眼休息下, 唔係會盲ga, 咁佢都會間中做下其他野, 所有功課/quiz又叫做攪得掂, 我就唔多講啦! 佢地一聽到呢句就會即時起晒鋼
作者: reginayu 時間: 13-3-5 11:56
我都好唔明點解而家嘅孩子咁唔識尊重別人, 有時同佢地相處都覺得好難受。不過佢地可能唔知果種態度係傷害, 只係隨心而為啫。所以, 有時唔好太認真或太介意佢地嘅行為。唔係會好傷心。
你愛錫佢, 佢一定知道嘅。
作者: karen2323 時間: 13-3-5 12:43
不要灰心，我女只得13歲，有時說話及行為也會令我很傷心，大家一齊努力，相信一天孩子會明白我們的苦心的。
作者: Ahling2004 時間: 13-3-5 14:41
謝謝各位.
佢不斷用咁的態度, 令我唔想同佢講野, 有少少心灰意冷對佢.
作者: orangebb 時間: 13-3-5 14:50
本帖最後由 orangebb 於 13-3-5 15:43 編輯
回復 Ahling2004 的帖子
我記得我14/5歲都有一排同我父母講野態度好差, 當時都覺得佢地好煩, 同埋朋輩間/學業壓力好大, 所以就成日會對父母用最發自來心嘅態度對佢地; 事隔咁多年, 我父母而家話我係咁多仔女中最細心, 最窩心嘅, 所以, 有時小朋友成長時所做的事, 你真係唔洗太認真架, 可能只係一時青少年期, 面對排山倒海嘅轉變+壓力, 未能好好咁控制情緒架咋, 仲有, 通常發脾氣都會搵熟人.
作者: Ahling2004 時間: 13-3-5 15:40
仲有, 發脾氣都要睇對象架, 通常越熟就越出事
_______________________________________
好驚喔見你呢句, 即係咩意思?
我個仔根本都唔緊張自已學業, 只係日夜打機, 咩都唔理. 至於朋輩都係打機一族. 但係人地可以控制到學業, 佢就唔的.
作者: Ahling2004 時間: 13-3-5 16:24
回復 Ahling2004 的帖子
喔, 明白. 謝謝!
作者: Clearsky 時間: 13-3-5 16:32 標題: 回覆：激我地你會好開心咩?
提示: 作者被禁止或刪除 內容自動屏蔽
作者: 2000winnie 時間: 13-3-5 19:07
提示: 作者被禁止或刪除 內容自動屏蔽
作者: Meikin 時間: 13-3-5 20:39
本帖最後由 Meikin 於 13-3-5 20:39 編輯
回復 Ahling2004 的帖子
你應該把這番說話印出來, 放在他桌面, 待他平心靜氣時看看..........
我有時都會趁阿仔心情好些, 大家閒談的情況下無意間向他們說說道理, 例如父母當年都經歷過青春反叛期, 但心裏反叛是一回事, 仍是可以控制自己的行為和言語, 不會對父母這麼無禮, 十問九唔應, 一言九頂的. 青春期反叛不是大晒, 我可以包容, 但不代表你可以無禮或太過份.
作者: phoebepanpan 時間: 13-3-5 21:17 標題: 回覆：激我地你會好開心咩?
早前聽鄧靄霖講座，一件事講得好岩，時代不同，我地以前是清埸做好功課溫好書，才看TV，玩，但佢地生於Y世代是多功能動物，可同一時間做多種野，功課打機whats app看Tv聽歌，全都同歩進行，只要佢地做好應做不過火，就唔好再在打機問題上紏繞。
我想樓主要著眼提兒子小心盲眼，同埋提佢永遠都係做學生最好，現在只需顧學業一樣，其他時間任玩。而家不段浪費時光，將來後悔，要工作才邊工作邊讀書你就知爸媽沒講錯。
我成日用我的第一身真實例子講佢聽，當然你也要懂得說教時適可而止，
努力，我也在捱中，兒子日日話冇功課，晩晩拍片
圖片附件: myphoto.jpg (13-3-5 21:17, 95.06 KB) / 下載次數 14
/forum.php?mod=attachment&aid=Njk5MnxkMWYyZTBjMnwxNzE2MzExNTQ3fDA%3D
作者: Ahling2004 時間: 13-3-6 09:03
本帖最後由 Ahling2004 於 13-3-6 09:15 編輯
好浪費時光, 真係係無服.
作者: Ahling2004 時間: 13-3-6 09:08
回復 phoebepanpan 的帖子
呢幅相, 同我個仔的情景一樣.
作者: Ahling2004 時間: 13-3-6 09:09
回復 Meikin 的帖子
已講過哂呢番說話, 佢都係時好時壞. 唉....
作者: Ahling2004 時間: 13-3-6 09:24
日打夜打, 都唔明有咩好打, 又唔覺的悶. 其他野咩都唔理, 日日都無功課,浪費時間. 書又讀的差, 到底佢想點. 成F4啦, 總係咁. 叫佢出街行下或一家出去旅行下, 又一句頂回來: 依家邊有人總會同父母出街或去旅行, 唔好預我, 我係唔會去. 我又唔覺係全部呢個年紀的人都係咁, 只係佢自已抗拒,扮成熟, 扮大人, 態度又差 . 總之聽在耳內, 看在眼內, 真係火都黎咪, 又唔可以教訓佢, 心裹好難受....
作者: Ahling2004 時間: 13-3-7 09:01
回復 Ahling2004 的帖子
SET左都係廢. 唉~
作者: Momiumo 時間: 13-3-7 09:28 標題: 引用：謝謝各位.+佢不斷用咁的態度,+令我唔想同佢
本帖最後由 Momiumo 於 13-3-7 11:06 編輯
原帖由 Ahling2004 於 13-03-05 發表
謝謝各位.
佢不斷用咁的態度, 令我唔想同佢講野, 有少少心灰意冷對佢.
AhLing, 不難感受到你愛錫兒子，卻遭兒子不領情，還不斷對坑的那種傷心無助，因為我們都為人父母，很能切身處地想像你的處境。你說兒子十五歲了應該懂事，應該明白你對他的緊張是出於愛，但其實我想，他是真的不明白。不明白他病了很不舒服，回家睡了兩個小時，精神好一點又有點悶，所以想打一會機輕鬆一下，你卻一進門便哦他要休息，那是關心他的表現。他不明白大人不停跟他說要勤力讀書，讀書才有前途，但讀書又難又悶，讀了書還不是一個打工仔，每天上班做到下班，為什麼他不應及時行樂？他不明白你這麼愛他，為什麼要日哦夜哦迫他溫習那些他討厭的科目。他真的不明白⋯⋯
那你應該不理他了嗎？讓他天天輕輕鬆鬆作愛作的事才算愛他嗎？當然不！
試想你每天做著沉悶的工作，上司不停說你做得不夠好，不夠快，你有什麼感受？雖然不好過，但也咬緊牙關做吧？因為要生活，是嗎？但如果你只是賺錢買花帶呢？那可能你便會立刻辭職不幹了，對罷？
要你的兒子明白你的感受，先決條件是你也要明白他的感受，然後用適當的方法，對症下藥。不想兒子對坑你，不是要你多忍讓，而是要多稱讚，多鼓勵，幫他找出人生的方向。他有了目標便咬緊牙關去面對難關，否則一有不如意便會辭職不幹了。你明白了嗎？要努力呀，我相信要教好兒子便是你的目標，不要放棄呀！
作者: Ahling2004 時間: 13-3-8 09:48
回復 Momiumo 的帖子
係. 我同意你的分柝, 耐何有時真係好炆,見佢的態度,行為,不顧一切地去浪費時間, 思想無目標的周圍遊, 我真係好忟及唔開心, 又點會讃的落口. 我明白鼓勵及讃賞對於一個無目標的青少年來講係好重要, 但係佢的反應及行為令我精神緊張.
呢頭答應我會抽時間去溫下書, 那頭又忘記的一乾二淨, 打機就係佢的目標, 對人亂花脾氣及覺的父母煩都係佢的專利.
只可以講句, 做大人的唯有邊撞枝,邊受氣,邊學說教. 棄對我來講係無可能, 只可以講要放鬆心情, 放慢步伐,令自已心情唔好長期處於緊張狀態.
作者: kcimum 時間: 13-3-8 11:13
phoebepanpan 發表於 13-3-5 21:17
早前聽鄧靄霖講座，一件事講得好岩，時代不同，我地以前是清埸做好功課溫好書，才看TV，玩，但佢地生於Y世 ...
我仔動作同你仔一樣, 帶住headphone, 坐定定係度望住個screen
我仔都係打minecraft或上youtube睇人打/睇片
有時睇到d好笑既片都會同我sharing
作者: phoebepanpan 時間: 13-3-8 11:18
YOUTUBE, MINECRAFT 係我仔至愛, 好笑既片成日叫我睇, 我話冇佢咁得閒
佢近來仲同表弟一齊拍MINECRAFT 片放上YOUTUBE.
作者: 1773 時間: 13-3-8 12:44 標題: 回覆：激我地你會好開心咩?
我明白你嘅痛心，幾年嘅反叛期，賀爾蒙嘅影響，可能係佢自己都控制唔到自己㗎，就當佢病啦，過多一兩年賀爾蒙唔再作怪，佢就會好㗎啦！唔好灰心，加油！媽媽，加油！
作者: Momiumo 時間: 13-3-8 12:47
本帖最後由 Momiumo 於 13-3-11 10:40 編輯
回復 Ahling2004 的帖子
我明白，孩子無心向學是最令父母頭痛的問題．對著不聽教又態度差的子女，要保持自己心境平和已經很難，還要找地方稱讚他，聽起來真的像不可能的任務！其實一開始那對我來說，也是超級無敵勁難的！
雖說我的兒子還算聽話，但他也不是那種會自動自覺溫書做功課的類型．他從小由袓父母照顧，我因為平日不能幫他溫習，所以每到星期六日便會特別緊張，幫他溫書教他做project，還想帶他上山下海多作運動．他那慢條斯理的性格，常常浪費了很多保貴時間導致時間不夠用，這往往令我十分急躁，不停敦促他要快快快．．．．．．曾經，我的兒子為此不想放假來跟我同住．我好言相勸又試過，威逼利誘又試過，他就是不肯見我．最後我失控透過電話大駡他沒良心，說我工作多累多辛苦也願意放假幫他溫習做功課，現在他反過來厭我煩不想見我！我把壓抑在心裡的情緒一次過發洩出來，還叫他不想來便不要來好了，我自己也有很多節目．．．．．．放下電話我大哭一場，真的決定不逼他了，希望他有天會明白到我的苦心，會自動自覺來找我．我想，為人父母，你能想像我當時的感受罷．
等了一個星期，一個電話也沒有，我若無其事地打電話給他，他終於答應放假如以往一樣來我家溫書．幾星期後，我好像朋友閒聊一般提起此事，問他知否我為何會發那麼大脾氣，他竟然說不明白我為何什麼會如此傷心，他只是因為真的很累不想出門，還說看到我的反應很驚，很怕我會繼續駡他．我聽後才驚覺，我們成人以為理所當然的道理，無論我們說多少遍，小孩子有時真的還是會不明白．其實，我們自己也不完全了解他們，又怎能要求他們理解我們呢？我們明知子女怕我們煩，我們不也是常常控制不了要去哦他們？
你明白他為什麼會不喜歡讀書，只喜歡打機嗎？是因為功課難？是因為同伴影響？是因為沒有目標？你一天找不出原因誘導他，他自己更難改變．他除了打機，還有什麼興趣或強項他是有信心的？我的兒子也喜歡玩Minecraft，我沒有阻止，還和他一起玩其他益智電腦遊戲（他真的很醒，常常嬴我！）．他不但能從中學習到有用的知識，更因此和我更加親近．記著，要對症下藥，而不是像我以往那樣，一味逼他做自己認為對他好的事．凡事以他的角度出發，你便較容易理解他的真正需要．我知道很多道理知易行難，我也在一步一步學習，大家一起努力罷！
作者: 1773 時間: 13-3-8 13:53 標題: 回覆：激我地你會好開心咩?
突然間又諗到啲嘢....介唔介意睇下我嘅創作?
媽媽：我上課時突然覺得好唔舒服，好辛苦，話比你知，想你即刻嚟安慰我，點知你話工作中走唔開，叫咗阿爸嚟。你平日又話世界上最重要嘅係我，原來工作比我重要。阿爸可以即刻嚟接我同我睇醫生，雖然在不停哦我，但佢陪住我呀。你放工仲唔即刻返屋企，我都冇話想食麵，唔好話為我而去買，又入我數！返到屋企問候都無句就閙我打機，你知我等咗你成日嗎？你開口埋口就係話我呢樣唔啱果樣唔對，可唔可以齋同我傾下偈？
作者: 1773 時間: 13-3-8 13:56 標題: 引用：突然間又諗到啲嘢....介唔介意睇下我嘅創作
原帖由 1773 於 13-03-08 發表
突然間又諗到啲嘢....介唔介意睇下我嘅創作?
媽媽：我上課時突然覺得好唔舒服，好辛苦，話比你知，想你即刻 ...
作者: Ahling2004 時間: 13-3-11 10:25
回復 Momiumo 的帖子
謝謝!
我個仔又唔係非常不喜歡讀書, 佢就係懶散, 不專注. 好多野都係是是但但. 佢上左F4係讀文科, 佢對中,西史好熟,好有興趣, 有時佢會座係度同我地講足1-2小時世界歷史比我地聽. 佢講的真係好生動. 但是佢就係那種我行我素的人, 老是講: 我唔會為上大學而讀書, 都不是要賺錢而上學, 更加不會為上大學而去補習.... 唉, 無耐.
作者: 黃巴士 時間: 13-3-11 14:20
有時囝囡一句頂撞父母, 父母真係好難受. 但有時, 佢地一句關心(買開嘢食, 你食唔食呀?? 媽咪鍾意食ED. DAD果電話壞左, 唔知整返未?? DAD出左TRIP做咩咁耐至返???........), 就好窩心.
嘗試去諗D囝囡好嘢去蓋返D唔開心嘢.
原諒他們的撞口而出, 講俾佢地聽要收歛脾氣...... 終有一日佢地會明白的. ADD OIL.
作者: Ahling2004 時間: 13-3-12 09:20
THANKS ALL!
作者: alvinsiu2012 時間: 13-3-14 10:11
那一刻, 你一定很痛心了! 把這番說話寫在一張漂亮的card上, 連同你以往照護他 時的點滴時光, 和你對他的祝福與期望來感動他吧! 這個反判期做父母真的很要很小心, 多溝通讓他知道你也有感受吧! 我覺得這也是一個很好的機會讓他學懂“同你心”啊!
作者: bighinhin 時間: 13-3-14 20:25 標題: 引用：孩子:昨天學校打來話你發高燒,+病左,通知你
原帖由 Ahling2004 於 13-03-05 發表
孩子:昨天學校打來話你發高燒, 病左,通知你要回家. 媽媽已心急如火, 公司又唔可以臨時請左假, 就叫你爸爸回 ...
作者: Ahling2004 時間: 13-3-15 09:31
我只係想佢不要亂發脾氣, 試下理解下身邊人的感受; 好想同佢慢慢去傾, 他總是一句起二句止, 再加一句: 係咁架啦,又唔係我一個係咁. 糾正他的錯誤, 他總要大聲過你: 咩呀? 令你難受到唔想再講落去. 係佢心目中根本已標誌了父母是無用的, 沒有說服力, 所以你點去關心, 鼓勵,忍讓,說教都係無用的, 因為佢有佢自已一套. 正如上面家長所講: 就當佢有病般來看待及照顧. 咁我的心理上會舒服的.
作者: 26102007 時間: 13-3-15 12:32 標題: 回覆：Ahling2004 的帖子
我個仔都係咁，真係好無奈
作者: Ahling2004 時間: 13-3-18 09:31
好恐佈的新聞 " 打機打到殺左自已父母", 睇完個心好唔舒服, 好害怕及恐佈. 幻想有朝一日會唔會發生在我的身上. 好想乘機同個仔籍事去分柝及勸下佢不要過份沉迷打機. 佢只係答左我一句: 我又唔係打那隻機. 之後就唔出聲啦.
明知打機已令佢越來越孤獨, 不理學業都算, 又唔出聲,又唔講野, 日日係間房. 作為的父母係唔係真係可以做到: 等, 忍??
仔仔: 你可唔可以座底同我地好好傾下? 我真係好願意掉低父母的身份, 好好想同你多些溝通, 明嗎?
作者: 1773 時間: 13-3-18 10:23 標題: 引用：好恐佈的新聞+"+打機打到殺左自已父母",+睇
原帖由 Ahling2004 於 13-03-18 發表
好恐佈的新聞 " 打機打到殺左自已父母", 睇完個心好唔舒服, 好害怕及恐佈. 幻想有朝一日會唔會發生在我的身 ...
作者: sbb3 時間: 13-3-18 10:33
好無奈. 我姪仔都沉迷打機. 考試唔讀書. 屋企掉了陪電腦就去同學家打. 話吓又發脾氣. 真係好無助.
作者: Ahling2004 時間: 13-3-18 14:02
好多人都話只要家長放低身份,多些溝通, 多些好似朋友似相處, 多理解時下佢的心. 其實一隻手掌係打唔響架. 正如上面JM講: 等, 忍及當佢有病就算啦.
作者: sbb3 時間: 13-3-18 14:22
Ahling2004 發表於 13-3-18 09:31 
好恐佈的新聞 " 打機打到殺左自已父母", 睇完個心好唔舒服, 好害怕及恐佈. 幻想有朝一日會唔會發生在我的身 ...
應該是索左K. 之後好似失常.
其實打機, 索K都係想避被現實生活的壓力. 試搵吓你個仔有什麼活動佢有興趣, 最好是運動. 將精神記托在其他地方. 我姪仔學了畫畫(佢鐘意), 好似比之前好少少.
作者: 黃巴士 時間: 13-3-18 16:46
有時只怕生活太安穩, 讀書受不了挫折便放棄. 轉投打機去滿足自己.
作者: wudy 時間: 13-4-8 23:53
我個仔都係, 一埋機你就唔好騒擾佢。平時唔啋你，一入佢房就叫你出去。成日關埋房門，只有食飯十分鐘係廳。做父母見到個仔咁真心痛。辛勞工作都唔知為乜。又驚佢遲d 好似果兩個仔咁變咗殺父母狂魔
作者: Ahling2004 時間: 13-4-10 15:15
係, 好討厭見到佢打機, 打機真係傷死人. 依家就來測驗啦, 佢都係唔溫書, 埋首打機中. 有時忍唔住提佢要溫書, 佢就答: 有呀. 再提多次,佢就黑面啦. 直情入哂腦, 上隱及迷哂. 真係無藥可救, 不知點算好?
作者: 囝囝mama 時間: 13-4-13 01:24
回復 Ahling2004 的帖子
你們返工!!佢一放學回家玩電腦!!!玩都你們回來!!叫呀爸同佢傾吓啦!!!放學去補習社!!!做功課補習!!減小在家時間!!回家後睇吓電視!!!(在不可以找學校社工!!!)叫佢哋真係停打機!!要比番D時間過關!!!有心理準備會好D!!!問呀囝這一關要打幾耐!!在給他時間!我都係叫呀囝十分後要玩完電腦!!(我係教仔班都學)行出第一步!!加油!!加油!!
作者: Ahling2004 時間: 13-4-20 09:50
回復 囝囝mama 的帖子
係, 我地係出哂做工架. 玩完一輔又一輔, 真係無哂辨法.
我同爸爸都有叫佢停下, 休息下, 出來睇下電腦, 有時玩完一鋪就會出來飲下水, 睇下TV, 吹下水, 不過一陣又回去再來過. 爸爸同佢傾, 佢更加反感,黑面. 社工我已找過, 都係制止唔到佢打機. 叫佢適量安排時間, 佢成日自欺欺人, 根本不知幾浪費時間, 都係沉迷不悔.
作者: Mighty 時間: 13-4-21 17:44
AHLING、不知仔仔有無運動習慣？ 同埋打機在幾歳＆如何開始的？
作者: 囝囝mama 時間: 13-4-22 00:43
回復 Ahling2004 的帖子
希望佢玩到悶!!醒覺!!我囝小四之前都成曰玩!!跟住我幫佢玩,攞分做任務!!現在玩小佐!!
作者: Ahling2004 時間: 13-4-24 17:22
回復 Mighty 的帖子
亞仔無運動習慣, 叫佢去都要睇心情. 有時會連續性跑一段時間, 有時一個WEEK一次, 有時日日都唔見, 佢都無推動力, 就算我地叫佢或鼓勵佢去, 佢都係睇心情. 其實做運動係最好架, 跑完回來人都正氣些, 奈何佢無堅持.
亞仔由小學時都有打機啦, 那陣時禁的好嚴, 有時間限制, 開機要問準才開, 講明玩到幾時就要停. 點知上左F2就開始瘋狂啦, 都話怕怕地,偷偷地玩. 依家F4更加唔使講, 好似吃白粉咁, 日日唔打唔安樂, 就算考試都係咁照打機, 不過大部份去到12:00左右就自動關電腦, 跟住睇小說, 最後睡覺.
作者: Mighty 時間: 13-4-24 20:36
似乎男仔比女仔容易上「引」。 対不起、我没有良方、只是覚得通常有運動習慣的人、比較平衡点、但如果無的話、由現在開始、又好似好難？ 不過一点可以肯定、香港有好多個人、同AHLING有同様煩脳。 真的無社工可HELP一下？
作者: Ahling2004 時間: 13-4-25 15:00
有找過學校社工, 不過一點都幫唔到. 好失望. 依家唯有同個仔慢慢傾, 心情好時就勸下佢,打少些. 好扉佢自已啦.
作者: terencewpf 時間: 13-4-26 16:11
本帖最後由 terencewpf 於 13-4-26 16:30 編輯
我家中有三隻怪獸, 從小就教導他們不可打機, 令他們有一種概念, 打機是不好的事, 爸媽不喜歡, 會反對的.
雖然他們仍然有偷偷的打機, 但當要停止他們時, 他們沒有太大反應, 只是無奈接受.
樓主的繩子早已放鬆了, 要收緊真的不易, 若強行收緊, 定遇到反抗, 唯希望他早些發覺問題, 再在旁教導, 讓自己修正過來.
作者: Ahling2004 時間: 13-4-29 10:28
係, 真係好無耐. 令我依家對打機聲都產生左一種恐懼症. 一聽個仔房傳出打機聲, 我個心就好自然地好煩躁. 依家會在適當時侯SENT WHATSAPP比個仔,同佢講:唔好太迷啦. 佢時時都同我講: 打的好少呀, 剛剛打呀. 唉, 真係無哂方法可以停止佢的行為, 唯一自已睇開些, 否則我想我會癡線.
作者: csy_ma 時間: 13-4-29 14:25
回復 Ahling2004 的帖子
試吓去理解下佢玩咩遊戲，有咩咁吸引？我囡之前都少玩，剛開學時，我見佢在房間裡原來不做功課在玩遊戲就發晒癲……後來老公提我：有種遊戲係要每日上去玩先攞到分，否則功敗垂成……
老公後來將佢部電話換了無限上網既plan，佢真係玩多咗好多
不過，回心一想，呢個都係佢呢代既共同語言，就好似我地往日睇電視劇一樣？就冇咁反感。
而家佢玩食糖遊戲，過唔到關時，就會問老公點解決。
我自己都會沉迷好低級既電腦遊戲，但迷了一陣，就會覺得悶，會抽返個身出黎。反而係老公本來唔玩既，為咗幫我解決難題同溝通，都有陪我玩……所以，試吓去理解佢既世界，佢會感受到您既改變。繼績關心，保持耐性，有少少改進就要狂讚……呢個，就係老公向來奉行既海豚式訓練法（佢幫阿囡溫書，真係一面攞住薯片，一面問問題架），我囡肯聽佢話多過聽我的，不妨試試
作者: 黃巴士 時間: 13-4-29 16:00
本帖最後由 黃巴士 於 13-4-29 16:01 編輯
我囝最近打機同同學一GROUP上網, 我同佢講, WEEKEND, 你可以玩一陣, 但是分配好時間, 如1小時同同學玩, 但另一小時自己玩, 不要JOIN同學. 因為, 一班同學玩, 只會增加其刺激度, 好勝更什, 小朋友自己控制唔到的.
但我又不可一吓子REJECT佢社交, 所以, 如協議不成, 我就索性唔俾佢玩了.
作者: 黃巴士 時間: 13-4-29 16:04
樓主, 請問你囝囝是否F.1是仍控制到他打機時間, 而高中才沈迷的?? 可否SHARE當中是如何改變的呢??
作者: 黃巴士 時間: 13-4-30 09:23
yanamami
1小時同同學玩, 但另一小時自己玩。。。。That's at least two hours in total ! Imagine you may use these 2 hours in studying/revision every weekend. You may make a difference. 發表於 昨天 20:57
***************************************************************************************************
我囝平日有一陣溫書, 加上weekend又已補了幾小時習, 功課又完成. 仲有sunday可以再睇書/出街, 什至可STUDY, 我會俾佢鬆吓. 他是一個不可整天埋頭溫書的, 俾佢WEEKEND打一陣機(CHARGE吓電)/聽吓歌/上FACEBOOK/WHAT APPS望吓, 佢至再有"電力"溫書. --- 可能他不是一個典型讀書型學生.
作者: Ahling2004 時間: 13-4-30 09:52
個仔由F1-F2都可以被控制到上綱打機時間. 到左F3就失控啦, 初初就籍口多多,又話要上綱做功課, 又話只係玩下,唔會迷. 總日日關上房門. 到左依家F4直情係明正言順, 每日都要玩一至二鋪. 佢依家係打開房門,比我地知佢係玩咩GAME, 我都有入去睇, 都係那些高達及隱形人等ONLINE GAME. 每鋪都要2小時之內, 又話唔玩會被人封鎖AC, 又話佢都係同的同學一起玩. 總之係失去方向感, 日日唔係對電腦就係對手提, 好討厭. 無心機讀書, 日日浪費時間. 我已好有耐性去勸佢, 鼓勵佢做其他野. 佢都係唔長進, 學業都係不平穩, 時OK, 時唔OK. 係佢心目中好似總有好多時間等佢慢慢去追咁.. 我個心已死了一大半啦.
作者: 黃巴士 時間: 13-4-30 10:38
樓主, 多口講句,
你有無俾佢在外學吓COMPUTER, 砌機, 寫吓PROFESSIONAL PROGRAMME咁. 我諗你囝會LIKE. :;pppp:
作者: Jackieson 時間: 13-4-30 10:54
回復 csy_ma 的帖子
我都係咁, 雖然覺得經常上網打機好討厭, 又浪費時間, 但有時都要代入佢地既角色去感受吓, 理解吓. 有時有d games突然quit, 個帳會被封, 所儲存的人物武器無晒, 佢地仲down, 心情仲差, 仲需要發洩; 一班人/同學約埋一齊玩, 既係社交又有共同話題, 又可當作課餘輕鬆一吓... 時代真係唔同晒. 但一定要加以管制, 否則易放難收, 初緊漸鬆. 例如唔好放電腦入佢房(雖然可set 密碼), 限時間比佢玩, 大家協議做完功課溫完書先玩, 電話無上網plan....雖然講就易, 但唔多唔少一定要做d.
我有時都會同阿仔一齊玩, 多些了解吓佢玩咩, 有時幫佢抽蛋, 一齊研究吓, 幫吓佢過關咁, 都可以視作親子時間, 同佢地又可以有共同話題, 最緊要同子女保持溝通, 有時當作朋友, 但有時又要哦吓, 叫佢唔好走火入摩.... 雖然真係好無奈, 又好矛盾, 大家一齊努力吧!
作者: 黃巴士 時間: 13-4-30 11:19
本帖最後由 黃巴士 於 13-4-30 11:21 編輯
yanamami I understand that it's a trend for boys to play online games but I still prefer some other acitivities that are more "healthy" for relaxation, such as hiking. 發表於 2 分鐘前
***************************************************************************************
明白, 多謝提點. 
我囝囝在校有打籃球及兵兵. 可惜, 假期中相約不到同學一齊玩. 可能同學仔家長大都不放心他們一大班同學們外出打波吧. 有時, 要團結一班同學們及其家長, 都有些難度.
作者: cc_2012 時間: 13-5-19 00:17
剛剛睇緊湯顯明上立會被審,又睇到你篇野~
有感而發:他(湯)讀書應算叻吧!是否孝順則不知,就又當係孝順仔啦,
事業也順利,攀上自己的高峯了!!又如何呢??
我想講係囝囝現時的情况只是人生的一個小過程,很快會過去。
重要是建立好相方的良好(像朋友般)關係,
有時真係只能提點,不可責備,要留意語氣~~
要成事其實父母所付出的肯定是孩子的數百倍努力也不止!!!
祝天下父母及小朋友也在平安喜樂的環境下成長
作者: Ahling2004 時間: 13-5-21 12:53
環境在變, 人潛在的資質及因子都會改變. 無可否認就係社會不斷的進步, 時下的人思想都不斷的轉變. 作為家長的我們都要學習去接受及改變. 但有一樣就係唔可以變: 大家的親情, 與人相處的人情及不可以否認的骨肉情. 有咩重要過一家人開開心心, 你就下我, 我就下你, 懂的去尊重別人. 家唔係純粹是吃及住的地方, 總係一個避風港,只有家人才會遷就,原諒,愛錫及關心對方. 但我個仔就來16歲都唔明白呢個道理. 家長的我不斷去尋試不同方式同佢相處及溝通, 佢總會潛在性的去反抗我地,抵悔我地,係別人面前不尊重的話我們. 要我地做佢身邊唔可以出聲的工人去服待佢. 作為家長連發言權都無, 時時都要睇佢面色過日子, 我真係受夠啦. 我明白, 佢有咁大唔好的改變 及青春期都係我做人亞媽教佢唔好, 錯都是在我身上. 就算平時點去好言相教佢做人處事, 點去遷就佢因青春期的壞脾氣, 我都可以忍受. 但有一樣野, 佢係唔應該做: 唔好抱怨自已父母及家永遠都係比人地差; 你的平心靜氣的提點, 佢都會做出令我們好HURT的動作. 例如: 激動的手勢, 凶神惡殺的表情及叫我地以後唔好提下,唔好出聱.... 請問你接受嗎? 我接受唔到. 就算幾叻仔都好, 就算在外對別人幾好 , 但又如何? 連自已的父母都唔尊重, 總算係一個好人嗎?
P.S. 相信有些家長可能會認為我用錯了方式或身教有問題, 但自問我已婁敗婁試, 不斷尋求不同方式去相處, 但對方都係狗眼看父母低. 真係死心.
作者: senpei 時間: 13-5-21 13:38 標題: 回覆：Ahling2004 的帖子
唔好咁down,現時下的青少年大部份都係咁，可否按排一個暑假旅行，一家人去玩下，開心下呢?
作者: Ahling2004 時間: 13-5-21 14:26
我地係佢心目中已是一個不起眼的外人, 佢點會同我地去旅行, 每年每個節日不論我地點去約佢出去旅行, 佢都係聲大夾惡想吃我地落肚咁大聲: 都話唔去, 唔會再同你地一起去.
真係好懷疑係唔係帶錯左佢來呢個世界, 令大家都幸苦.
作者: 黃巴士 時間: 13-5-21 16:10
點解佢咁唔滿意屋企嘅??? 唔滿意D咩呢???
作者: totheend 時間: 13-5-21 16:11
Ahling2004 發表於 13-5-21 14:26
我地係佢心目中已是一個不起眼的外人, 佢點會同我地去旅行, 每年每個節日不論我地點去約佢出去旅行, 佢都係 ...
既然你既仔已經15歲, 就來16歲, 是可以獨留屋企的年齡啦!
不如就你同老公兩個自己出去度一個長假! 不要理睬他. 2個星期, 他愛幹甚麼都由他去! 你們回來後也不用督促他溫書, 他成績差也不要過問--------總之就是採取一種不聞不問的態度!
青春期唔係大晒!----------我相信你, 所有的忍耐, 關心, 同理心........等等等等, 你已經做夠啦! 既然這個孩子態度惡劣, 如果俾我來處理, 我會完全不聞不問! 形同陌路! 到時到點開飯, 不出來吃的, 決不等候!
他不是愛抱怨自己的父母和家庭嗎?--------沒問題! 他覺得誰家好的, 可以去別人家, 決不挽留! 對付這樣的沒有心肝的孩子, 我不會發惡, 而是用非常冷淡的態度, 不愠不火, 就像不關自己的事一樣! 要讓他明白, 父母不是非要關心他不可! 這個家, 也不是沒了他就不行!
既然孺子不可教, 那就不教也罷!
一段時間之後, 他還沒有任何反省的話, 放棄也不是不可以!
畢竟, 每個人都有自己的人生, 都應該為自己的行為負責!
作者: Ahling2004 時間: 13-5-21 17:12
回復 totheend 的帖子
終於有人撤底地明白我的內心深處痛苦, 真係好感謝你能明白及理解我. 天下間真係沒有父母不痛鍚自已的仔女, 除非係大人本身有問題. 但我唔係, 我自已係一個小康之家長大, 自問自已係一個好孝順父母,好重視家庭的人. 我老公都係一個孝順仔, 大家都LIKE 小朋友. 所以結左婚後都好快地生左呢這仔出來, 我們家庭環境也比上不足, 比下不餘, 佢要咩,我都比足佢; 佢話我唔識同佢溝通,我就上來BK問其他家長意見再檢討自已應點去同佢相處, 點去大家和諧相處,點去遷就. 點知一直以來我的付出都係白做, 呢個無良心的仔對我地的意見好似殺父仇人咁. 總係隔一段時間就來傷我一次, 每一次傷完我都當無事發生咁. 我真係好灰心, 好傷心.
我試過激到透唔到氣,離開香港回去娘家-美國2個星期, 老公留係香港. 個衰仔一直都唔問我幾時去幾時回, 都唔介意我有無存在, 一點都無掛我, 一個電話都無. 當我回來, 佢都係不聞不問. 天呀, 到底我2公婆做錯咩事. 以前我都想過跟TOTHEEND所講, 狠狠地對佢採取不聞不問, 漠不關心. 但父母之心,又好似太狠心些, 咁佢會好可憐. 但係今次真令我好絕望, 好傷心, 今次我一定要咁做, 我要狠起心做, 否則我地真係無定企之餘, 總要被佢睇死, 跟住再不斷去傷我的心. 任何方法我都願意去試,去讓, 但要我再咁壓抑落去, 我真係怕自已出事. 好慘, 好傷心....
作者: totheend 時間: 13-5-21 18:11
Ahling2004 發表於 13-5-21 17:12
回復 totheend 的帖子
終於有人撤底地明白我的內心深處痛苦, 真係好感謝你能明白及理解 ...
既然如此, 就不如叫他到社會上去碰碰壁! ------他不是總覺得人家家的父母好, 人地屋企好嗎?!------讓他去試試, 看看不付出, 人家會不會無條件對他好? 關心他? 愛他, 給他吃, 給他住, 還要受他的氣?! 如果他能遇到, 那恭喜他! 祝他好運!
不見棺材不落淚! ------有的人是見了棺材都不落淚!
不在外面受點挫折, 以為父母的愛心和付出都是老馮?! 真是笑話!
呢個世界, 沒了誰都照樣運作!
作者: kilykilyk 時間: 13-5-22 12:22
本帖最後由 kilykilyk 於 13-5-22 12:22 編輯
曾經看過一則新聞,有對父母親手報警拉佢個兒子,當然,佢個兒子係做咗好多不可原諒錯事,為咗唔想佢個兒子再錯落去為有咁做..
更何況你現在只是隔岸觀火.靜觀其變,果斷點吧!
作者: silvia_ng 時間: 13-5-23 00:19 標題: 回覆：激我地你會好開心咩
樓主，睇到你case, 鄧你傷心，我又擔心他日都會係咁。
想到一個辦法，唔知得唔得。揾晚收工，問個仔呢個遊戲打左係咪會令人開心啲，如果係，請佢教你打。你可以話工作上有唔開心，希望打機後可以開心返。
再揾日，你試下沉迷打機，飯都唔煮，餓到佢驚覺呀媽唔煮飯，唔做自己本份會影響到人。等佢反思下，每個人假若都沉迷打機，個家會變成點？！
作者: Ceci333 時間: 13-5-23 12:22
其實他已經中四．路，是要他自己行出來．你著緊也沒用．香港有很多出路，他朝一日他想再進修也有渠道，到2018年是全民大專生，他何時想讀就能找到機會．
如果他不是有甚麼特別身體問題或心理問題，就由他吧．不過首要是對你專重．例如如果他對你不禮貌，不要接受，但不罵．心平氣和說這樣是不對的．而且要有後果的．假如他不禮貌說你不能把他衣服預備好，你便說你不禮貌，那你已大個仔，已有能力，自己有責任，自己預備吧．而自己真的不幫他預備．
如果你不狠下心腸，他永不能感恩．但首要不罵，記住，是不罵．一句也不能罵．你一罵，就變一個煩人，所有道理就消失了．
我親戚就是一個反面例子．她兒子對她不禮貌，她罵兒子，但又繼續替兒子做呀四，繼續提醒兒子帶這帶那，結果就是兒子看不起她，說她煩，又要求她做這做那．完全不懂感恩．現在她兒子已經四十歲了，都沒有改善．
作者: 黃巴士 時間: 13-5-23 12:34
到依個時候, 可能家長再做不到什麼? 但不要再"圍著"他來轉. 他只會有所"持"了.不是說你不理會他, 但總要令他感受到沒有任何依旁的情況.
現在, 惟有靜觀其變. 有限的經濟封鎖是必要.
作者: Ceci333 時間: 13-5-23 14:25
重有一個例子，是一位愛打機的二十多歲年青人．他平日對家愛理不理，父母打電話多不接聽，吃飯就外賣比較多．不給家用，但有一夜父母已睡的時候就帶了女友回家睡，一睡就變同居．後來父母忍不了，就心平氣和說受不了外人在家住．年青人於是惟有和女友住劏房．現在終于說原來自己屋企最好！不經歷過又怎會知道呢？
作者: Ahling2004 時間: 13-5-27 09:32
長期的壓力及唔開心, 令我身體終於出現左問題. 剛剛BODY CHECK, 話我有婦女病. 依家的我要好好調理身體, 希望可以捱過唔使做手術. 當一個人唔開心時, 真係會拖誇身體, 各位做人媽咪的真係要懂的放鬆. 家中不孝子明明見我日日吃中藥都唔問我咩事, 好心談. 大家現時關係真係平淡如水,客客氣氣, 佢問我就答下, 我已唔問佢的學業, 唔理他的起居飲食, 唔叫佢打少的機. 或者佢留意到我對的態度改變, 但都係不認錯, 不改變. 有的食,住,玩機就可以啦. 唉, 凡事不能強求, 或者上世真係欠左佢, 今世佢來拿債.
作者: Ahling2004 時間: 13-5-27 14:00
回復 Ahling2004 的帖子
謝謝你們的關心. 相信一定可以過到.
作者: reginayu 時間: 13-5-27 19:01 標題: 回覆：Ahling2004 的帖子
我都係個仔上左中學就變哂, 可能我時時管佢, 而家佢都唔太尊重我,無論有無道理句句都搏。其實我都好傷, 無論心理, 至而家身體都挨得好辛苦。
我諗可能好多年前, 我媽媽都忍我忍得好難過, 原來做人地阿媽真係唔容易。
對一個自己愛錫嘅人心淡, 其實自己都唔好受。有時可能大方d,施比受更開心都唔定。咁可能係愛錫自己係另一種方式。
無論點, 保重身體, 祝您早日康復。
作者: Zen 時間: 13-5-27 21:45 標題: 引用：長期的壓力及唔開心,+令我身體終於出現左問
原帖由 Ahling2004 於 13-05-27 發表
長期的壓力及唔開心, 令我身體終於出現左問題. 剛剛BODY CHECK, 話我有婦女病. 依家的我要好好調理身體, ...
就當母子緣薄，由他吧！ 很無奈，郤很現實。
作者: annawong1122 時間: 13-5-28 04:28
Ahling2004 發表於 13-5-27 09:32
長期的壓力及唔開心, 令我身體終於出現左問題. 剛剛BODY CHECK, 話我有婦女病. 依家的我要好好調理身體, ...
作者: Ahling2004 時間: 13-5-28 08:58
thanks all
作者: totheend 時間: 13-5-28 12:03
Ahling2004 發表於 13-5-27 09:32
長期的壓力及唔開心, 令我身體終於出現左問題. 剛剛BODY CHECK, 話我有婦女病. 依家的我要好好調理身體, ...
愛自己多一些, 關心自己多一些!
有點好奇, 既然你兒子有吃有住, 有得打機就過到日辰, 那他還有甚麼是需要問你的? 現在是你老公煮飯給他吃嗎?
他不會覺得自己打機是錯的, 也不會覺得看低自己的父母是錯的, 當然不會認錯!------現階段他還沒有受過挫折, 怎麼會體會到父母的愛心和良苦用心呢!
你只是剛剛行出第一步, 不要希望這麼快就有效果.------也許, 要很多很多年後, 他才會有反思呢.
我要是你, 我會著重於重建自己的生活, 不再為這個孩子憂心. 當你自己成為一個樂觀, 健康, 時尚的現代女性的時候, 你的個人魅力才能令他引以為豪! 否則, 無論你如何為他好, 他只會覺得你是個長氣, 脫節, 管頭管腳的煩人c9.
作者: suemei 時間: 13-5-28 12:15
不要太動氣，身體要緊。教養是一件漫長工作。比個air time自己。
能夠陪他走過，就要想想辦法去做得開心D。
有時見一些母親手機不離手，玩online game 仲投入過亞仔，孩子讀書、親子關係都無問題，都好羨慕
。
我老公都係大細路，周不時開D日本動畫、偵探日劇，一齊睇，行下玩具舖、一齊砌模型，有個共同興趣，起碼傾起計黎易D。不過他們讀書就唔太enjoy啦，有時我都覺得有仔的媽媽要玩得，又要有好多energy. 或者用另一個角度去睇D男仔對電子產品的狂熱，可能好D！？當然要同用家約法三章，所以前期建立溝通關係好重要，適時比個反應。係就係，清楚表明你的立場。佢達到你地共識的要求，就要比番佢想完成的事，唔可以囉嗦。至於人的價值觀要從小培養。
作者: CHIULHJ 時間: 13-5-28 16:48
Ahling,
希望你保重身體，重建新生活(如 totheend 所說的)!
作者: Ahling2004 時間: 13-5-28 17:47
回復 totheend 的帖子
我係在職媽咪, 老公都係有工作在身. 平時我一收工要趕回去煮飯. 怕來唔及煮飯,我會叫個仔煮, 講明佢唔煮: 大家都無飯吃. 佢平時除了吃及要零用錢之外,又真係無咩特別需要我地. 除了心情好少少講些學校的事比我地聽之外,大多數都係一個人係房打機, 不問世間事. 總之,我一問佢的學業及勸佢打少機之外, 佢就起哂鋼. 佢知平時我係公司已好多野做, 日日回來已好累, 佢都唔體諒. 最唔好就係唔將父母放在眼內,睇少我地. 好像依家咁, 佢明知我唔開心及對佢冷淡,都當睇唔到, 最多就借的話同我講一句起二句止.
總之, 依家我的心真係好痛, 每當想起佢的激動行為,我都好想喊. 真係唔明點解佢係咁.
作者: 黃巴士 時間: 13-5-28 17:53
如果沈迷打機到咁, 係咪要"再"搵社工傾呢???
作者: chun媽 時間: 14-1-2 09:36 標題: 引用：回復+totheend+的帖子
我係在職媽咪,+老公
原帖由 Ahling2004 於 13-05-28 發表
回復 totheend 的帖子
我係在職媽咪, 老公都係有工作在身. 平時我一收工要趕回去煮飯. 怕來唔及煮飯,我會 ...
個仔是否態度依舊?
作者: EMS 時間: 14-1-2 21:52 標題: 回覆：Ahling2004 的帖子
我細個父母管得好嚴，乜都唔比，初中時趁父母返工我都係咁打機，日日打都唔悶，好鍾意同朋友傾電話傾好耐，再大啲覺得佢哋唔好再管我，於是成日頂咀，online通頂，對住父母講嘢又粗聲粗氣，好忟。越唔比我做我越要做，出嚟做嘢越來越反叛(但無學壞)，直到有日，玩到半夜，家人等我番到嚟唔出聲又無哦我至去訓覺，我突然醒咗，其實佢哋都關心我，開始有啲內疚，我就無咁惡。
小朋友大個咗，就覺得唔想父母一開口就反對自己啲想法同行為(雖然有時知自己咁唔好)，而家我做人父母，講嘢都要學下說話的技巧，先扮到喺佢立場度諗，之後再講自己感受。
無計，我細個係咁對父母，仔女再大啲到中學應雙倍還返比我，我都要學定點冊招
作者: KKKK 時間: 14-1-3 12:47 標題: 回覆：激我地你會好開心咩
子女的心和父母如何可交流？明白父母对你的担心？
作者: ppchan168 時間: 14-1-3 14:42
一般男孩子，都要等自己有了仔女之後，或者是等老豆老母死了以後，才能明白當年的父母恩！所以，只可以安慰你一句，等你死了之後，孩子自然就會好了。如果你明白這是定律，你就能夠心平氣和了。
至於男仔沉迷打機，絕對是父母無知的結果。皆因對於男孩子來說，電腦遊戲堪比毒品，一旦嘗試，就會上癮。全世界的線上遊戲供應商都發過豬頭，就是一個好證明。
為了孩子健康成長，家長不妨考慮把家中電腦打爛以明志！20年前青島海爾電器的老闆，當著員工面前，打爛一些洗衣機次品（其實可以低價賣掉的），表明公司注重品質的決心，成就今天全球家電王國。近日股價還創歷史新高，PE才10倍左右，厲害！
作者: talent2000 時間: 14-1-3 15:41
提示: 作者被禁止或刪除 內容自動屏蔽
作者: gl 時間: 14-1-4 22:49 標題: 回覆：Ahling2004 的帖子
你又知唔知我哋啲青年人讀書己經好辛苦，星期一至星期曰都要溫書，又多測驗考試，壓力好大，打機就係我哋抒緩壓力嘅好幫手。你哋啲家長做咗好多嘢，我知，但可否俾小小選擇權俾我哋呢？而且你哋理得太多，反而會覺得你哋太煩，一見到你哋就如同見到死對頭咁。所以話，你哋D家長根本唔明。點先可以friendly 地理下我哋？其實好簡單，只要鼓勵下我哋想做嘅嘢，覺得唔好就俾建議（唔好🔥），並互相討論一下，冇一定嘅對或錯。大家和平相處就👌。（我兒子寫的）
作者: gl 時間: 14-1-4 23:11 標題: 回覆：Ahling2004 的帖子
唔係激你哋好開心，而係覺得你哋好煩。要同佢哋相處就要佢當你係朋友，咁樣佢哋會將你哋D建議聽入耳
作者: gl 時間: 14-1-4 23:15 標題: 回覆：激我地你會好開心咩?
以上說話是我兒子寫的，並不代表我的立場，我就來俾佢激到嘔血
作者: gl 時間: 14-1-4 23:17 標題: 回覆：激我地你會好開心咩?
以上說話是我兒子說的，並不代表我的立場，我就來俾佢激到嘔血
作者: kilykilyk 時間: 14-1-4 23:26
本帖最後由 kilykilyk 於 14-1-5 15:45 編輯
gl 發表於 14-1-4 22:49
你又知唔知我哋啲青年人讀書己經好辛苦，星期一至星期曰都要溫書，又多測驗考試，壓力好大，打機就係我哋抒 ...
適當用打機嚟減壓就無話啫!!現在係講緊唔做正經事而沉迷打機,懶理學業
作者: chun媽 時間: 14-1-5 21:33
kilykilyk 發表於 14-1-4 23:26
適當用打機嚟減壓就無話啫!!現在係講緊唔做正經事而沉迷打機,懶理學業
又有多少年青人能適當地打機????
作者: kilykilyk 時間: 14-1-5 22:54
本帖最後由 kilykilyk 於 20-2-22 00:56 編輯
chun媽 發表於 14-1-5 21:33
又有多少年青人能適當地打機????
所以做父母就要配合
作者: gl 時間: 14-1-5 23:04 標題: 回覆：激我地你會好開心咩?
現在的學生真係好多籍口，昨天我正在看這個貼子，剛好個仔在旁邊看到了內容，即搶左我手機來發表佢的所謂「偉論」
明明打機不對，還作出一大堆道理出來
作者: skkeung 時間: 14-1-6 08:01 標題: 回覆：激我地你會好開心咩
回基本，為何沈迷了打機！那部份做錯？
作者: chun媽 時間: 14-1-6 12:14 標題: 引用：一般男孩子，都要等自己有了仔女之後，或者
原帖由 ppchan168 於 14-01-03 發表
一般男孩子，都要等自己有了仔女之後，或者是等老豆老母死了以後，才能明白當年的父母恩！所以，只可以安慰 ...
.
不要下下同小朋友講`人權 自由', 他們的自制力弱，只會濫用自由。
我記得你寫過，大意是叫他們等下，考完DSE,入左大學才打機吧！我都有把這段內容比亞仔睇，叫他忍下手。
| 歡迎光臨 教育王國 (/) |
Powered by Discuz! X1.5 |