教育王國

標題: 低功能自閉症=腦葉酸缺乏症 [打印本頁]

作者: Kyle 時間: 13-2-20 00:47 標題: 低功能自閉症=腦葉酸缺乏症

本帖最後由 Kyle 於 13-10-17 21:48 編輯

本人一向只是在這裏當觀眾, 好少發言. 看到大家的帖都感到很羨慕, 大部份的仔雖然有事, 都差不多高功能的, 做做針灸, 密集式訓練都會有所改進. 我跟自閉症己搏鬥了四年, 發現個仔有事是他大約一歲幾個月的時間. 一歲前他完全無事, 差不多一歲時, 他出玫瑰疹, 好了後個仔瘦了一圈, 我還不知死, 信廣告信到足, 在接住的四個月內, 給他打埋一歲針, 兩次半支的流感針和水痘針, 接住歲半針, 惡夢就這樣開始, 個仔剛識行, 便不停來回跑, 不望人, 不會用手指, 不識玩玩具, 只會亂搞出聲來. 歲半前我已發覺唔多妥, 歲半開始已做私人評估和開始訓練. 因當初家境環境許可, 可以支持我試好多好多的治療如ABA, 3T, Chelation (排重金屬), 針灸(銅鑼灣張醫師和廣華的邱醫師), HBOT(高壓氧), GFCF diet, IVIG (吊丙種球蛋白), 連無咩人打過的Stem Cell (幹細胞)我都帶個仔玩理, 睇過香港兩個專醫自閉的西醫Dr. Trodd and Dr. Lam, 英文唔多好都用Skype 睇埋美國Florida 的Dan Doctor 叫Dr. Rossignol . 搏鬥到今天很累, 真是人地未試過我都試過, 人地試過我一定玩過, 結果係今天個仔五歲了, 仍然是低功能, 語言慢同齡起碼兩年. 人家的個個用簡單(針灸, 介口或訓練)的方法就可以搞好個仔. 我條氣真係唔順. 不過唔順還唔順, 我想提提嚴重個案的家長, 好多唔識講野的A仔其實都有腦葉酸缺乏証, 是腦部不知何故產生抗體阻礙細胞吸收葉酸, 我個仔驗出他的抗體讀數是那美國醫生見過最高的, 現在他要食高劑量的葉酸, 吃後一段時間, 不能否認他的說話真的有進步, 起碼現在知道要出聲講野, 而研究顯示, 飲牛奶會增加抗體的數目, 所以美國醫生要我個仔介牛奶, 這個又同飲牛奶會遊魂的理論差不多.

作者: llam1210 時間: 13-2-20 00:51 標題: 回覆：Kyle 的帖子

你好勁！支持你！也祝福你仔仔！
咁係唔係都要食葉酸會好一點？

作者: Surveyor 時間: 13-2-20 01:04

Dear Kyle,

How to check your son is 腦葉酸缺乏証

Any doctor in HK can do so?

作者: Kyle 時間: 13-2-20 01:12

回復 llam1210 的帖子

其實應該係要食葉酸, 外國及香港的Dan Doctor 叫啲仔食supplement 唔多唔少都會開folic acid. 佢地可能 by trial 試過食葉酸對個証有幫助, 不明個中原因, 你知不知道自閉兒童被發現有腦葉酸(Cerebral folic deficiency CFD)問題只是近三年的事. 無語言的大部份有這個問題. 只是食葉酸食得少是無咩用, 係要食好高好高劑量的, 我又不可以在這裡叫家長自己去買高劑量回來. 只可以講, 如你有自己醫生跟進, 提提他這方面, 我自己這幾年上外國的網睇到爛咁制, 我都曾經同Dr. Lam 提過. 他亦有我個仔的外國的驗血報告.

作者: Surveyor 時間: 13-2-20 01:21

回復 Kyle 的帖子

Who is dr Lam, what is his charge

作者: Kyle 時間: 13-2-20 01:24

回復 Kyle 的帖子

Sorry 還要介牛奶. 個 Lab Test Kit 是當時 Dr. Rossignol 記給我的, 我拿給香港旳Dr. Lam 轉介我仔去柏立抽血, 由柏立幫我寄往美國, 個Lab 個mail address [email protected]. 個test 是用血來驗有沒有抗體, 不需要抽脊髓液, 好似話抽脊液痛到屎. 個 Test 當時收我 USD100.

作者: Surveyor 時間: 13-2-20 01:28

回復 Kyle 的帖子

Who is dr lam, and what is his charge

Thanks a lot.

作者: Kyle 時間: 13-2-20 01:33

回復 Surveyor 的帖子

Dr. Lam 未旺角中心專睇玩 IV Chelation果個兒科醫生. 我仔睇咗佢兩年, 佢好怕打針, 宜加無睇了, 因我已玩到破產同見到針都打冷震, 宜家都無睇Dr. Rossignol 了, 佢一年前開出新規定要海外家長每年起碼帶個仔到美國見佢一次, 我由有錢玩到變窮鬼, 一個美國Trip 旅費加看醫生費起碼十萬, 點睇佢?

作者: pyalisa 時間: 13-2-20 02:48 標題: 回覆：低功能自閉症=腦葉酸缺乏症

你個stem cell 喺邊度做？個盬水袋同個耳仔你怎樣保養？做咗stem cell 仲做針灸？

作者: Kyle 時間: 13-2-20 09:18 標題: 回覆：Surveyor 的帖子

My son was with dr lam for 2 years taking iv chelation. He is a doctor that is so believed in diseases are caused by heavy metal. Many children are treated successfully by his treatment. However the treatment doesn't work for my son's case. After two years' of intensive iv, my son was still dumping 10times lead and mercury. And his health condition was not good too. For example everyday soft poo, skin tone is yellow. The needle treatment is cruel to him. He cried a lot in those two years. Going this biomedical route you have to prepare that your son may end up taking 40 supplements or medications a day. So think carefully.

作者: Kyle 時間: 13-2-20 09:24 標題: 回覆：pyalisa 的帖子

Stem cell 關鹽水袋咩事？就係有效我就唔駛咩都試啦！講起我條氣又唔多順。stem cell 比較敏感，我知道香港有好幾個醫生有門路有得打。

作者: yauman76 時間: 13-2-20 09:56

Kyle 發表於 13-2-20 01:12
回復 llam1210 的帖子

其實應該係要食葉酸, 外國及香港的Dan Doctor 叫啲仔食supplement 唔多唔少都會開fo ...

請問高劑量葉酸, 即係幾多?

作者: Kyle 時間: 13-2-20 10:11 標題: 回覆：yauman76 的帖子

普通Folic acid 一粒只是400mcg. 我個仔以前食一種葉酸叫leucovorin 食到25mg. 即一粒=62.5 粒普通葉酸。leucovorin 要醫生處方。宜家用supplement 5mthf.

作者: yauman76 時間: 13-2-20 10:43

回復 Kyle 的帖子

嘩.. 真係好高劑量. 我想問supplement 5mthf係幾多mg? 喺邊度有得買? 有冇side effect?

作者: Kyle 時間: 13-2-20 11:08 標題: 回覆：yauman76 的帖子

咩 treatment 都有side effect 㗎！咩treatment 都有人得有人無效㗎！side effect 米hyper 囉！我帶仔睇醫生由信西醫信到足，到宜家唔多信佢地，自己manage 個case。久病成醫嘛！好多醫生都係段古無辛苦。西醫係頭痛醫頭，腳痛醫腳。但你自已如果係初哥，連supplement 都未試過點樣慢慢加上去，點樣觀察反應，而自已去買supplement，仲係高劑量我又驚教壞你，我想最好可能要交番些學費揾個醫生會好啲。我宜加唔玩biomedical，盡Cut supplement 只食有用的那些。因為我處理緊是一個很早介入但non responder 唔講野既case. 唔係這個forum 常見的什麼訓練，針灸就有進步對我來講simple case. 我覺得有責任講給大家知道腦葉酸的問題。

作者: Kyle 時間: 13-2-20 11:43 標題: 回覆：Kyle 的帖子

食下葉酸其實都無壞既，可以由低劑量800mcg 慢慢加上去，看反應，反應好米繼續囉！反應唔好米停囉！啲爛鬼醫生都係咁段古

都有人唔驗血直食葉酸試反應。iherb 有齊。但葉酸分幾個狀態，有些話bypass 一些conversion, 有人呢隻唔得，試第二隻又得咗。外國收到usd900 看一次的爛鬼醫生都係咁叫你試呢試路，有些連血報告得小小抗體都叫病人試下，所以自閉其實係做白老鼠。

作者: Kyle 時間: 13-2-20 11:51 標題: 回覆：Kyle 的帖子

要試就要做全套，記住介牛奶，一路增加葉酸供應叫細胞吸收多些，一路又去飲牛奶來增加抗體頂住吸收就晒鬼氣。

作者: apple~y 時間: 13-2-20 14:19

本帖最後由 apple~y 於 13-2-20 14:20 編輯

嘩!!!你好勁呀,你試0甘多種治療當中
好似HBOT(高壓氧), GFDF, IVIG (吊丙種球蛋白), Stem Cell (幹細胞)我未聽過
腦葉酸缺乏証我都係第一次聽
0甘食魚油有無幫助提升智力,專注力
我好明白你努力同回報不是正比.......呢種心情
你小朋友係咪今年升小學

作者: Kyle 時間: 13-2-20 14:39 標題: 回覆：apple~y 的帖子

魚油應該有幫助，我知對抗炎（自閉兒童主要係腦同腸發炎）有一定作用，但香港走入屈銀紙、萬o 買到既魚油又貴dha 成份又低到喊。要買要去專攻自閉童的店鋪買或美國的網站。Nordic natural, Carlson, green pasture 都不錯。同埋做魚油間廠要好講究，要make sure 魚類的水銀成份合格咁低先可以攞啲魚做魚油。

作者: Kyle 時間: 13-2-20 14:47 標題: 回覆：apple~y 的帖子

個仔要讀多年s位+Aba 先上小學。我都唔想咁勁。未嫁時我是大小姐，嫁後是幸福阿太，宜家是衰過綜緩。我好妒忌那些可以將時間放在研究手袋，化妝品，旅行啲太太們。噢！逝去日子。

作者: Kyle 時間: 13-2-20 14:52 標題: 回覆：apple~y 的帖子

GFDF 打錯字，應該係gFcf, 你應該聽過，未係介gluten 同介奶囉！

作者: apple~y 時間: 13-2-20 15:29

本帖最後由 apple~y 於 13-2-20 15:43 編輯

回復 Kyle 的帖子

Aba都好貴0下,我負擔唔到
介口我上年都試過,效果唔太明顯
我小朋友現在係張醫師針灸,加食魚油,
我覺得針灸比較適合我小朋友
我仔仔係針灸之後主動表達大小便,之前無意識呀次次等我提先去
唔提就瀨0左就算又唔出聲話比我知,一地都係尿諗起都心傷
當時我一路清潔一路流淚,
s位老師都用0左好多方法都唔得,針灸之後解決0左呢個問題
老師同我都見仔仔其他方面都有進步,
針之前個人上堂好似無靈魂,完全唔知人0地做咩,現在好明白老師要求同跟到課堂
自己寫字,唔使我捉手寫,之前真係差到老師話係輕中度
所以我都keep住針灸
不過都仲有專注力問題要改善
0甘我0地小朋友咪一樣2014上小學

作者: wilyun 時間: 13-2-20 15:44

我仔都係,試左針灸,呢幾個星期開始識跟人講野,自發講的字滙就唔多,聽指等都有進步~
另外,我都係針灸+密集+N班+魚油! 就暫時未試戒口,但我已開始減奶量~ 但佢奶引都算犀利,因佢半夜夢迴都會叫"奶奶"...

作者: Kyle 時間: 13-2-20 15:45 標題: 回覆：apple~y 的帖子

針灸Work 未好囉！我試過張醫師九個月，個仔無咩得著，仲嚇親添！係嚇到成日喊。我唔太鍾意張醫師既大包圍式咁針法，一次針八十幾枝，成隻箭朱咁，唔嚇屎就期。之後去廣華，針十幾支，無咁驚嚇！玩咗三個月，無野睇。但有親戚個仔比我個仔遲開始，人地可以針到好埋。唉！巧唔開心。

作者: Kyle 時間: 13-2-20 15:54 標題: 回覆：wilyun 的帖子

經我多年研究，牛奶唔係好野嚟！小朋友好多免疫系統問題如濕疹（發炎在皮膚）哮喘（發炎在氣管）、自閉（發炎在腦或腸）都是來自食物敏感，好多時都關牛奶事，腸炎通常關gluten 事。若可以捉晒啲a仔去驗血，應該大部份都對牛奶敏感。

作者: apple~y 時間: 13-2-20 15:59

本帖最後由 apple~y 於 13-2-20 16:01 編輯

我初初去針都覺得張醫師既大包圍式針
但去得多就留意到都因應小朋友問題針
好似個小朋友無語言問題唔會針面,無玩手唔會針手
我仔仔都習慣0左,去到診所喊一陣,針完走時開心番
仲同張醫生打招呼
我都想仔仔針到好埋,希望有好番一日
你唔好唔開心,一定搵到出路
你仔仔aba上得好嗎?

作者: Kyle 時間: 13-2-20 16:45 標題: 回覆：apple~y 的帖子

我有時覺得做埋咁多治療，自己太心急，個仔俾我嚇親，其實我自己都嚇親，對佢和屋企人既心理創傷很大。現在我好聽到西醫，針灸、排毒針、吊針等，有打從心裏震到出來慄的感覺。現在我停了所有要拮佢既treatment 大概一年有多，佢宜家成日笑，單字，簡單短句都多咗。

作者: Capricorn2521 時間: 13-2-20 17:34

回復 Kyle 的帖子

咁..... City Super 果D Organic 魚油好嗎?

作者: Kyle 時間: 13-2-20 17:56 標題: 回覆：Capricorn2521 的帖子

好似叫Udo 嗎？要看成份，EPA dha 夠唔夠高！感覺上應該可以，因city super 啲野行得好前。香港未興佢地個採購已經揾咗嚟。但city super mark up 得巧勁，怕煩可以試下。其實上iherb 買仲平過香港買，但我唔知iherb 有無呢個u 字頭牌子。

作者: apple~y 時間: 13-2-20 17:59

vegepa魚油 ok嗎?

作者: Kyle 時間: 13-2-20 18:05 標題: 回覆：Kyle 的帖子

魚油要買成份夠高，和絕無水銀既。魚好多時有水銀，無水銀的有些人工哉培的魚，會用很多殺蟲藥來養魚。大家都唔想加重小朋友的負荷。食咗仲衰過唔食。

作者: Hello101 時間: 13-2-20 18:18

可否介紹下邊隻魚油較好？你之前介紹的網站各自的產品都有很多...是否EPA 及 DHA 數值越高越好？謝謝！

作者: BB頭maimimi 時間: 13-2-20 19:03

回復 Kyle 的帖子

Kyle,
請問高劑量係咪一定要醫生紙呢?我想比囝囝試下。

作者: myson727 時間: 13-2-20 19:58 標題: 回覆：Kyle 的帖子

驗血後，我仔都系對牛奶, 蛋，花生敏感。

另外，我仔睇開果個生物療法醫生，都有開葉酸+B12 藥丸比我仔吃，早晚一粒，劑量就吾清楚。

圖片附件: myphoto.jpg (13-2-20 19:58, 29.55 KB) / 下載次數 129
/forum.php?mod=attachment&aid=NjcxNnxlMzU5NGI1YXwxNzE1NTQwNTA0fDA%3D

作者: apple~y 時間: 13-2-20 20:22

本帖最後由 apple~y 於 13-2-20 20:28 編輯

我仔仔食呢隻魚油原味,大家參考0下
http://www.vegepa.com.hk/index.php

多口想問0下吊針係咩呢??

作者: Kyle 時間: 13-2-20 20:42

回復 apple~y 的帖子

我有用過Vegepa. 後來轉用nordic natural 和 green pasture. 因為覺得vegepa 唔係太專門, 個牌子廣告話自己是聰明豆, 對自閉, 發展遲緩有幫助, 個Sales 又話嚴重case 最多食兩粒, 但其實兩粒的EPA 及DHA都唔係好高啫，　駛鬼咁緊張，　跟住我去一些專攻自閉的店鋪網站睇（如香港的小巨人，　外國的iherb, kirkman, ourkidsasd) 都無人用佢的，　連我係Ｓkype 望到個美國醫生都係攞住支nordic natural, 知道應該無衰未轉用nordic natural. Vegepa 你都可以試下，　它最好是無奶. Nordic natural 是專做魚油，佢有好多味道，liquid 有，gelcap 又有，款式又多，有些可以加calcium, vit D等，　啲仔巧麻煩，　有啲一定要食liquid,　或者有啲只肯食gelcap, 某啲味道個仔又會唔肯食，　你都係想佢食到，　看一段時間後有沒有進步，佢地食唔到就看唔到效果噃！

作者: Kyle 時間: 13-2-20 20:48

回復 BB頭maimimi 的帖子

自己買supplement 都話由低劑量試起，　咁鬼心急巧易衰。你點知對你個仔一定有效。一出好高劑量，你個仔好容易hyper. 你一驚以為佢唔需要葉酸，　其實佢係要的，　只是適應不來。咁你永遠米解唔到個迷？

作者: Kyle 時間: 13-2-20 21:06

回復 myson727 的帖子

佢呢隻應該係Ｋirkman 出的，比較小兒科，同埋係folic acid　嚟，　葉酸分好幾種最普通folic acid, ＣＦＤ試folinic acid (高劑量或藥用叫ｌｅｕｃｏｖｏｒｉｎ），５ＭＴHF會好啲，　好似話唔駛經轉化。

作者: Kyle 時間: 13-2-20 21:12

提示: 該帖被管理員或版主屏蔽

作者: Kyle 時間: 13-2-20 21:39

回復 apple~y 的帖子

吊針米即是入醫院做ＩＶＩＧ（丙種球蛋白），　個仔血驗出來有腦炎（positive IgM to brain endothelial cells under Anne Connolly Test). 丙種球蛋白是從捐血者的血提取出來的，　一樽丙種球蛋白集合咗巧多捐血人正常的血蛋白，　吊入病人軆內用來沖走病人軆內不正常的血蛋白。主力用來減低不正常的發炎。　記唔記得有個醫生打咗豬流感疫苗，未出事，入咗公立醫院，個正苦醫院幫佢輸咗幾樽丙種球蛋白囉，醫番好咗仲行得番。我係網上見到醫生宜家會用IVIG 來醫不育添! 有些一是免疫系統失調, 體內有不知原因的發炎, 會影響受孕的. 其實我係一個失敗個案,個仔都未醫好. 都係唔好講咁多.

作者: Kyle 時間: 13-2-20 22:16

回復 Hello101 的帖子

自閉界比較出名是Nordic natural, carlsons. 我未用過Carlson, 但自閉界裏面好多人用佢, 你可以睇下. Green pasture 成份巧高下, 食少少就夠, 還有vit A&D, 不過就比較貴和難買啲. 食supplement 又係果句慢慢加大, 看反應, 每個仔唔同, 需要既野都唔同. 放心魚油應該係比較安全的supplement, 多食唔會有咩事.

作者: Kyle 時間: 13-2-20 22:58 標題: 回覆：myson727 的帖子

其實試下介口係無衰，宜加好多研究都話牛奶好有問題，好多時有濕疹的小朋友一介奶就無事。大家有無留意好多大人一飲奶就肚疴。人其實到了三歳消化奶的能力會慢慢沒有。小朋友最好都係跟大人食飯，從正常飲食吸取營養，而唔係大人為咗方便仲一日俾幾支奶整飽個小朋友囉！中國人以前係細個飲人奶，跟住介奶後食飯食菜食肉，無人幾歲後仲飲奶，以前邊有這些衰病，牛奶這些是西方野，唔多健康，我看過報道話現今奶農會不斷幫乳牛打激素令到乳牛生完牛bb之後很久都可以keep 住長時間產奶。西方世界宜加啲人搞出好古怪病出來，什麼克隆氏症、腸過激！其實一句講晒免疫系統出事囉！身體亂咗籠亂咁發炎。而最多人會食物敏一定係第一牛奶, 第二雞蛋。

作者: pyalisa 時間: 13-2-21 00:30 標題: 回覆：低功能自閉症=腦葉酸缺乏症

D stem cell 要在腦入面裝一個水袋養住d cell 先有用同先 active. 而個水袋近耳仔立置。保養得唔好小朋友會聾。
針灸係同一theory based logic 的treatment, 棘激神經缐生返。做stem cell之後係唔做得針灸。
做咗stem cell手術, 食會棘激腦細胞的薬物如葉酸要先問stem cell 移植醫生。

作者: Kyle 時間: 13-2-21 00:56 標題: 回覆：pyalisa 的帖子

Stem cell 有巧多種，你呢隻咁激，係頭開個窿，是不是德國叫什麼 xcell centre 的？有一隻係美國境外近中美唔記得是不是costa rica 用 iv 整入身體裏面。大陸都好似用iv 咋！而我用的是打兔仔的，之前未有一輪新聞果種囉！話東歐唔記得邊鬼個國家，醫院成日唔見嬰兒，啲媽咪生咗出來啲護士強話瓜咗，整瓜啲BB 攞去整stem cell 賣俾病人做治療。雖然我誇口咩都試過，但打屎都唔敢捉個仔玩你呢隻係個頭開個窿啦！

作者: 昊澄Parent 時間: 13-2-21 01:01 標題: 回覆：apple~y 的帖子

Thanks for sharing

作者: BB頭maimimi 時間: 13-2-21 08:50

Kyle,

可以PM給我係邊度買５ＭＴHF嗎? Thanks!

作者: Kyle 時間: 13-2-21 08:56 標題: 回覆：BB頭maimimi 的帖子

Iherb. My doctor protocol, you can find from the website, is 1-2mg / 1kg ( weight)

作者: Kyle 時間: 13-2-21 09:02 標題: 回覆：Kyle 的帖子

This is the final target. Increase gradually from 400 or 800mcg, you may take several months to reach the target. If any adverse effect, no need to push, stay there for a longer period or even reduce the amount. Children are different.

作者: Surveyor 時間: 13-2-21 09:12

回復 Kyle 的帖子

請問eye Q 如何。

我小朋友每天吃2-3粒，但效果不太明顯

作者: Kyle 時間: 13-2-21 09:14 標題: 回覆：Kyle 的帖子

I am now using the over the counter 5mthf at 10mg (only half the way of the target). Since I am satisfied with the performance I can stay at this amount. There is no need I must reach the target. This is unlike the traditional western doctor approach. The target is for reference. The suitable amount should be come from your observation.

作者: Surveyor 時間: 13-2-21 09:15

回復 myson727 的帖子

請問B12與葉酸在那裡買

作者: Surveyor 時間: 13-2-21 09:16

回復 apple~y 的帖子

樓主 n apply-y

你地有冇Try 聽樂治療

作者: Surveyor 時間: 13-2-21 09:18

Kyle,

可以PM給我係邊度買５ＭＴHF嗎? Thanks!

Surveyor

作者: Kyle 時間: 13-2-21 09:19 標題: 回覆：Surveyor 的帖子

Eye q, don't know. I need to research and reply you later. But smartfish don't buy. It contains milk. I would choose something pure, without milk and calcium. And also reading people review is important, just like we buy things at taobao.

作者: Kyle 時間: 13-2-21 09:24 標題: 回覆：Surveyor 的帖子

B12 - someone would use needle which I don't like. You may consider revitapop, which is lollipop. But don't eat too much, manage the hyperactivity.

作者: Surveyor 時間: 13-2-21 09:46

回復 apple~y 的帖子

apple-y,

你在那裡買，幾多錢 for one 有幾多粒，你一日吃幾多粒

Thanks a lot

作者: Kyle 時間: 13-2-21 09:47 標題: 回覆：Surveyor 的帖子

No la. 諗極唔明點解聽下啲音樂個腦會無事。又貴，有錢試咗針灸先- 中國國萃。

作者: HopeLJ 時間: 13-2-21 10:36 標題: 回覆：低功能自閉症=腦葉酸缺乏症

本帖最後由 HopeLJ 於 13-3-21 18:57 編輯

。。。。。。。。。。

作者: Kyle 時間: 13-2-21 10:46 標題: 回覆：Kyle 的帖子

Eye q - 感覺上銷售方法和級數同vegepa 差唔多，常强調EPA 同dha 的比例，呢樣野只有呢兩個牌子攞嚟講。成份低些，一日起碼食三粒以上。有gla 月見草油，有人有concern. 對男士唔多好喎（太多會不育）。

作者: Kyle 時間: 13-2-21 10:57 標題: 回覆：HopeLJ 的帖子

我緊係唔信啦！香港巧多治療都有點呃成份！這些sell 個爛鬼虛無的theory，就收人幾百蚊個鍾，至揾笨。我摷過所有自閉中外網站，無人話因為音樂治療醫好自閉症。領思、 s 位老師，連一個同領思有關的爛鬼醫生都叫我試下，點解？佢地抱住聽音樂非入侵性聽多無話，對小朋友可能會有效呢這個心理。大佬就算我有錢都唔好整啲咁神化野嚟晒我仔時間。鬧爆！

作者: Kyle 時間: 13-2-21 11:16 標題: 回覆：Kyle 的帖子

噢！vegepa 都有gla. 所以這就是點解要去轉攻自閉的地方買。人地啲魚油有針對性唔係俾普羅大眾，唔可以咩都加啲玩大包圍。自閉通常係仔，加月見草油做咩呢？

作者: chuchumo 時間: 13-2-21 11:34 標題: 回覆：低功能自閉症=腦葉酸缺乏症

有音樂治療是就咁買碟聽咪冇咁貴,可舒缓情緒.有些音樂也有的音樂治療是讓A仔一起彈琴打鼓,訓練聽指拎,合作和耐性的.
聽過有隻早期人胚胎stem cell未?話比其他動物,自體stem cell都好,但好貴,也要從某些途徑才買到,唔知對a仔有冇用?

作者: chuchumo 時間: 13-2-21 11:36 標題: 回覆：Kyle 的帖子

GFDF是什麼?

作者: BB頭maimimi 時間: 13-2-21 11:40

回復 Kyle 的帖子

Thanks Kyle. 可否PM你食邊個brand?因為我小朋友都未試過吞葯丸,唔知葯丸大唔大粒呢?

作者: Kyle 時間: 13-2-21 11:52 標題: 回覆：chuchumo 的帖子

我只可以講香港醫自閉的方法好少到巧可憐。傳統醫生、訓練導師個個唔識扮代表。佢地只會叫你去做訓練3T、健腦操、音樂治療，要食、要打針、要介口、要針灸，佢地睇都唔睇就話係偏門野無根據，話知西方幾萬個根據擺係網上。咁健腦操、音樂治療又邊個可以揾個根據俾我睇下？佢地推既方法只是一些無入侵性，多做無壞，只是晒時間。其實係唔想有鑊！

作者: Kyle 時間: 13-2-21 11:58 標題: 回覆：BB頭maimimi 的帖子

我用過Thorne, metabolic maintenance. 你買時好似上淘寶咁睇晒啲review 和合適的份量。如玩細份量500mcg可以買1mg 每次半粒咁。我拆開個capsule, 溝少少水喂。你自已可以試下味。味道太激，要轉第二隻。我仔太酸會嘔㗎！巧煩！

作者: Kyle 時間: 13-2-21 12:09 標題: 回覆：chuchumo 的帖子

GFCF diet = gluten free casein free diet.

歷史很悠久的一個介口，簡單來說是介wheat （wheat 裏面有gluten) 同奶（奶裏面有casein)。這兩種是最影響自閉兒的致敏源。由期常疴爛屎（黃色，muddy) 跟gluten 有關. Brain fog （遊魂）通常關牛奶事。

我留意過poo poo 疴得靚既小朋友，自閉程度相對輕微。

作者: Kyle 時間: 13-2-21 12:14 標題: 回覆：chuchumo 的帖子

肯玩這些前衛野既醫生都唔包你生仔。有餘錢又安全可以試下，開個窿就米搞我個寶貝仔。佢老豆會鬧屎我。

作者: Kyle 時間: 13-2-21 12:39 標題: 回覆：chuchumo 的帖子

我聽下張國榮都可以舒緩情緒。播兒歌，bed time songs 未仲好？

作者: apple~y 時間: 13-2-21 14:15

本帖最後由 apple~y 於 13-2-21 14:25 編輯

回復 Kyle 的帖子

smartfish除0左有奶,我留意到含防腐劑

多謝你給我那麼多資訊,令我大開眼界
髗骶骨治療你有無試過
我上年比仔仔試0左3個月,呢3個停0左針灸想看看效果
結果無進步,仲表現差0左

Nordic natural香港有無得買
我上過它的網站,fish oil都有幾款,邊款係針到a仔呢?

作者: apple~y 時間: 13-2-21 14:22

回復 Surveyor 的帖子

vegepa bk有團購$178,可以mtr交收
我見交收方面,好似又幾好所以比仔仔試0下
我仔仔一日兩粒
食埋手頭幾盒,我都想試0下轉Nordic natural

作者: yauman76 時間: 13-2-21 14:32

apple~y 發表於 13-2-21 14:15
回復 Kyle 的帖子

smartfish除0左有奶,我留意到含防腐劑

我囝仲食緊smartfish

, 比對過d成份真係差好遠, 不過都好多謝Kyle同各位報料.

作者: dorisfan 時間: 13-2-21 14:44

其實我都好同意樓主的講法, 坊間的訓練, 健腦操, 感統, 髗底骨治療等對我仔通通都無咩用. A仔係個腦有關問題, 如果吾對症下藥醫個腦, 在外在同他們攪幾多野都無用. 剛才都上網找過下資料看有關folinic acid 同A仔的關係, 原來都好多RESEARCH 話對A仔有效, 我都會稔住比阿仔一試, 但因為阿仔雖然是A, 但亦有ADHD的症狀, 有D擔心會變得hyper

作者: Kyle 時間: 13-2-21 14:55 標題: 回覆：apple~y 的帖子

Smart fish 是俾普通小朋友。又貴仲居然有奶同防腐劑:;pppp:

Nordic natural
Little giant 成日無貨。
剛揾到個香港代理 www.nordicomega.com

美國網：
大家要習慣下摷下呢個站，什麼顧小培、嚴浩講埋啲野，什麼椰子油杏仁油，阿麻子油人地大早係呢個網賣咗好幾年，其實唔係新野囉！有機天然產品呢到都有。city super sell 緊now 牌子既supplement, 呢到大把。

Www.iherb.com
Www.vitacost.com

Iherb 連運費仲平過係香港買。

買邊隻？artic cod liver oil. 有唔同味，有啲liquid 有啲gelcap. 按你小朋友喜愛。

唔好買omega 369. Omega 6 is gla.

作者: Kyle 時間: 13-2-21 15:06 標題: 回覆：apple~y 的帖子

我真是玩過髗骶骨。是個爛鬼骨醫（香港正牌醫生）做㗎，收我千幾一次。條粉腸用手指懶陶醉咁由個仔個屁股按上去到頭，仲話每次之後一定有進步。唔好意思，俾人呃過果啲我好火下。

作者: Kyle 時間: 13-2-21 15:21 標題: 回覆：dorisfan 的帖子

我唔信 OT. S 位老師成日叫我幫個仔加私人訓練。我諗極唔明點解勁fing會定啲, 有個治療師同我講叫我留意下個仔擦完手背，會唔會飲多咗水同食多咗野。我覺得創理論果個都唔知自己做緊嘜！fing 下，擦下就掂，太陽從西方都會升起了。當然學校有免費就豉豉旦旦啦，叫我俾錢就唔好搞我.

作者: apple~y 時間: 13-2-21 15:22

本帖最後由 apple~y 於 13-2-21 15:24 編輯

kyle 你介紹隻fish oil成份真係幾高
liquid一支幾多ml,我仔仔都食liquid的,一支可以食幾耐
Iherb有無適合a仔食葉酸買呢?
多謝你介紹網站,好有用
好鬼鍾意你....thanks

作者: myson727 時間: 13-2-21 15:24

Kyle 發表於 13-2-21 11:52
我只可以講香港醫自閉的方法好少到巧可憐。傳統醫生、訓練導師個個唔識扮代表。佢地只會叫你去做訓練3T、健 ...

"高見"

作者: dorisfan 時間: 13-2-21 16:01

回復 Kyle 的帖子

我剛上左iherb睇, 有隻Quatrefolic 5mthf, 好似吸收好D, 有無試過?

"Quatrefolic 5-methyltetrahydrofolate complexed with glucosamine for longer stability, higher water solubility and improved bioavailability compared to other forms of 5-MTHF"

另外, 原來 5mthf 同 b12, b6, riboflavin一齊食會更有效.

作者: chuchumo 時間: 13-2-21 16:27 標題: 回覆：Kyle 的帖子

顱底骨應該是氣功

作者: Hello101 時間: 13-2-21 16:30

Kyle 發表於 13-2-21 09:19
Eye q, don't know. I need to research and reply you later. But smartfish don't buy. It contains milk ...

Hi Kyle,

Why not calcium? Calcium also not good to A?

作者: chuchumo 時間: 13-2-21 16:37 標題: 回覆：chuchumo 的帖子

我仔仔睇緊個自然療法都有俾佢食d supplements, 所以我都冇再自己買俾佢了.佢最初都唔肯食,後來要加入d果汁或蜜糖就肯食,仲好鍾意食

作者: Kyle 時間: 13-2-21 16:41 標題: 回覆：dorisfan 的帖子

未試呢隻。試緊隻普通的 metabolic maintenance 嘅5mthf. 因見多人用啲。係呀同b12,b2 and b6 話會好啲。但大家似乎係初哥，唔好搞咁多野住。同食supplement 要小心，我仔高峰時一日食50 種，係咁加落去唔係辦法㗎, 好容易變不歸路㗎！成個藥煲咁！人始終要還原基本步，從日常生活中去想究竟邊到出錯。經咁多年反思，我唔係太buy 生物治療果套，宜家我幫緊個仔慢慢cut 走啲無大作用的supplement. 我無奶油叫人再中個頭埋去。

作者: Kyle 時間: 13-2-21 16:47 標題: 回覆：chuchumo 的帖子

Oic. Another 中國國萃.

作者: Kyle 時間: 13-2-21 16:58 標題: 回覆：Hello101 的帖子

Calcium - 唔記得講a 仔要超小心唔好亂補calcium, 除非驗血證明缺乏。

A 仔通常個個身體唔識處理calcium. 同埋身體已經超多calcium. 我個仔唔補calcium一年有多，驗血都話佢 normal high. 一補calcium 佢就會撞頭，我估應該係頭痛。同埋calcium 和鎂是相對，calcium 一高鎂就會用好多，體內就會唔夠鎂。奶裏面嘅calcium 人係好難吸收，要補從食物方面入手，如骨湯，先可以。唔好俾廣告蒙蔽。

作者: chaimum 時間: 13-2-21 17:44

Kyle,

請問如3歲第一次試，可否選Thorne Research, 5-MTHF, 5 mg, 60 Veggie Caps? 還是選1 mg 試下先? 另外是否一日食一次?

作者: apple~y 時間: 13-2-21 17:57

kyle 你指係咪呢隻,係咪一日一粒

http://www.iherb.com/Metabolic-M ... g-60-Capsules/44131

作者: Kyle 時間: 13-2-21 20:33

回復 apple~y 的帖子

http://www.iherb.com/Metabolic-Maintenance-5-MTHF-Methylfolate-10-mg-90-Capsules/38360

我用呢隻噃, 普通料. 不過這隻和你講果隻是10MG. 初初唔好玩咁高, 試咗Thorne 1mg 先, 由半粒開始.

作者: Kyle 時間: 13-2-21 20:39

回復 chaimum 的帖子

真係恐怖, 咁搏做咩, 你估包生仔, 都話小小開始先. 1mg (一日半粒好了). 我以前心急到屎, 幾個月內捉咗個仔打咗幾支疫苗針, 搞到佢咁樣, 累鬼屎佢. 真係唔好咁心急. 心急令願唔好玩. 無好到都唔好搞衰咗.

作者: apple~y 時間: 13-2-21 21:52

本帖最後由 apple~y 於 13-2-21 22:08 編輯

回復 Kyle 的帖子

多謝提點,係咪呢隻,初初半粒,有無話早,午,晚什麼時候食或者唔可以空肚食
http://www.iherb.com/Thorne-Research-5-MTHF-1-mg-60-Veggie-Caps/18447
我先試半粒再看看效果,係咪要同fish oil分開唔同時間食呀

作者: Kyle 時間: 13-2-21 22:51

回復 apple~y 的帖子

其實無所謂幾時食, 隨你喜愛, 跟唔跟魚油一齊食都得, 方便啲緊係一次過喂埋佢. 另外如你好驚有 hyper, 每次試新野我喜歡第一次等星期六先開始, 有咩不良反應我可以成個六日睇住. 至於一日裏什麼時間食好, 晚上唔好了, 因為費事hyper 會影響睡眠, 下午班小朋友我會選大清早, 有咩Hyper, 食完一個早上發晒出來, 上午或全日班我會選放學後回到家即食, 意思係想儘量減低在學校的影響. 有咩事我睇唔到. 下次加份量我又會重覆以上的等星期六先開始. 這些心得希望幫到.你.

作者: chris-BB 時間: 13-2-22 02:06

Kyle - 我係初哥, 我想問一吓"BIOGLAN" Kids Smart係咪都係唔好食呢? 佢無講有奶喎...

apple~y - 如你開始買Kyle介紹既葉酸可唔可以幫我一起買, 我約你攞, 除咗省運費, 我無淘寶戶口, 唔想太煩...

作者: chris-BB 時間: 13-2-22 02:24

Kyle - 另外, 我想問吓你有無試過(個別)ABA密集訓練比你仔仔, 試咗幾耐? 效果如何? 我朋友話半年有改善, 但太貴, 我怕浪費積蓄(因為我巳無做嘢照顧亞仔)

作者: Kyle 時間: 13-2-22 09:09 標題: 回覆：chris-BB 的帖子

屈銀紙賣既野係俾普羅大眾, 成份一定唔會高。個仔Aba 間公司個鬼佬老板又係苦主來的，佢勁到為咗個仔聯同其他苦主開咗間Aba 訓練中心，佢對我說全球識醫自閉既西醫只有三十人到，大部份係美國。我地揾supplement 就當然去美國揾。唔通走去美國揾中醫咩？dr. Rossignol 有兩個自閉仔，佢開的supplement 份量好重下，如我用Nordic natural , 佢叫我仔一日食15ml, 你估約我vegepa 或你講果隻，未要食十幾廿粒。點解要食咁多呢？因為腸發炎囉！吸收俾正常人差好多囉！講你知a 仔大部份都有腸炎。邊段發炎?一定係小腸末端叫迴腸果截有事，再嚴重個案可能大腸都有發炎。而果截係負責吸收營養。我捉過個仔去照過腸鏡，證實咗西方這個說法。

作者: Kyle 時間: 13-2-22 09:23 標題: 回覆：chris-BB 的帖子

我要返工，無辦法要用Aba. 係要什麼都高密度，屎操爛操先可以令佢地學到野。其實技巧人人有，咩都同佢屎操爛操，無錢有時間有心情未自己嚟！我要返工及無耐性未請人搞掂佢。Aba唔係咩神奇野，亦都唔係有些家長話專搞行為囉！宜係咩都教，單對單，日日操起碼幾個鐘。

作者: Kyle 時間: 13-2-22 09:39 標題: 回覆：Kyle 的帖子

努力試果個創辦人姓黃既女士，好似一日捉住個仔教起碼八個鐘。高密度唔多唔少都會有進步，問題教果個有無恆心啫。

作者: myson727 時間: 13-2-22 09:54

回復 Kyle 的帖子

我都睇過本"Changing the Course of Autism: A Scientific Approach for Parents and Physicians"

作者講: " 腸炎 (或叫腸漏)系做成小朋友各種發展問題的主原之一，醫好腸炎就可帶給小朋友重大改善。"

作者: myson727 時間: 13-2-22 10:10 標題: 回覆：Kyle 的帖子

Hi Kyle, 有無試過這含唎底B12呢？我仔年頭食，見佢做閱讀理解好左，昨晚同佢做中文詞話作句，佢自己想倒d處境，再提少少就自己作倒，好快做完。

圖片附件: myphoto.jpg (13-2-22 10:10, 70.64 KB) / 下載次數 120
/forum.php?mod=attachment&aid=Njc2MHxjNzBkZmFjZnwxNzE1NTQwNTA0fDA%3D

作者: Kyle 時間: 13-2-22 10:12 標題: 回覆：myson727 的帖子

呢隻腸炎唔係話醫就醫到。發炎唔係因細菌、病毒、霉菌引起，係免疫系統出事令到身體亂籠亂咁發炎。我知你玩生物療法但是唔好以為生物療法一定攪得掂。當然好彩係會有人得囉！我仔兩歳半就照腸鏡，找唔到發炎原因，食咗醫生開類似類固醇來suppress 發炎，醫咗一段長時間至放棄都未搞掂。所以我知道個仔邊方面有事，知道唔等於用生物療法就掂。

作者: Kyle 時間: 13-2-22 10:16 標題: 回覆：myson727 的帖子

自己幫個仔打針我都敢仲打咗好耐。so what? 唔好鼓吹biomedical. Biomedical 有佢既問題。

歡迎光臨教育王國 (/)