教育王國
標題: 是否該結束，還是要繼續 [打印本頁]
作者: 祖明 時間: 13-1-21 16:45 標題: 是否該結束，還是要繼續
自問對細仔已盡心盡力，而且期望唔高，只求佢成績平平便算，
但我想盡辦法，用盡各種方法，成績仍然強差人意，
已經請私人補習老師，又返學習班，亦有參加運動課外活動，
因為唔想全部偏向學術性，有運動可以平衡下
今年小四啦！小五要分班，好怕佢跌入輔導班
又怕成績追唔上，升中派位會好差，真係唔知仲可以點做好
好想，好想放棄，但又唔想累咗個仔，心力交瘁
作者: kp_sin2001 時間: 13-1-21 16:52
每個人天生都有個優勝之處, 讀書都係要講天份, 有啲人係文人, 有啲人係武夫, 出來做事, 有白領, 有籃領, 行行出狀元, 父母應該要放鬆一點, 小朋友就可大膽面對自己成就.
作者: Jane1983 時間: 13-1-21 17:18
小朋友成績如何？問題在哪裡？中英數？抑或吾鍾意讀書？
講得具體d，大家可以幫手想辦法。
作者: MonkeyGirl 時間: 13-1-21 17:29
我 都 有 同 樣問題.. 但 我 已 學懂 欣賞佢既 優點, 而不是太過已成績黎 標籤佢...
唔 通佢成績唔好, 我trash her ? 但 願佢不是做壞事.. 而 盡了力.. 我 都感恩了 ...
作者: 祖明 時間: 13-1-21 17:54 標題: 回覆：是否該結束，還是要繼續
中成績啱啱合格，英多數都唔合格，數最好時有7x
我明白唔係個個小朋友有書緣，但作為媽媽的，都想盡能力幫小朋友
讀書叻唔一定行條康莊大道，呢點我明白，但我擔心嘅係
小朋友學業成績差，將來派位好危險，好怕會去咗D唔好嘅學校
我嘗試過放鬆點，唔好睇成績分數咁重，無奈知而難行
作者: JJDBB 時間: 13-1-21 22:30 標題: 引用：中成績啱啱合格，英多數都唔合格，數最好時
原帖由 祖明 於 13-01-21 發表
中成績啱啱合格，英多數都唔合格，數最好時有7x
我明白唔係個個小朋友有書緣，但作為媽媽的，都想盡能力幫 ...
作者: cy36baby 時間: 13-1-21 22:56 標題: 引用：自問對細仔已盡心盡力，而且期望唔高，只求
原帖由 祖明 於 13-01-21 發表
自問對細仔已盡心盡力，而且期望唔高，只求佢成績平平便算，
但我想盡辦法，用盡各種方法，成績仍然強差人 ...
作者: yuengooluk 時間: 13-1-21 23:48
我仔只是二年級，我未必有資格幫樓主。可是，我看過尹建莉的《被魔杖点中的孩子学习能力强》後，感受很深。不知她說的是否都真呢？
被魔杖点中的孩子学习能力强
作者: 祖明 時間: 13-1-21 23:51 標題: 回覆：cy36baby 的帖子
我指放棄嘅意思唔係完全放棄個仔，只係放棄過高期望，減少點補習或課外學術性堂啫！怎可以拉埋他人缺憾孩子嚟講呢？
作者: 祖明 時間: 13-1-21 23:55 標題: 回覆：是否該結束，還是要繼續
有同樣遭遇嘅媽咪應該明白我心情，口說放棄是否真的會坐視不理呢？只是感到沮喪時的一點悔氣話，心裡怎會不著緊
作者: 祖明 時間: 13-1-21 23:57 標題: 引用：我仔只是二年級，我未必有資格幫樓主。可是
原帖由 yuengooluk 於 13-01-21 發表
我仔只是二年級，我未必有資格幫樓主。可是，我看過尹建莉的《被魔杖点中的孩子学习能力强》後，感受很深。 ...
作者: Doublefour 時間: 13-1-22 00:19 標題: 回覆：是否該結束，還是要繼續
提示: 作者被禁止或刪除 內容自動屏蔽
作者: pocoyo123 時間: 13-1-22 00:44
天生我才必有用嗎, 上天好公平, 每人行條路係唔同, 但每個人也會有機會到達成功之門, 盡力而為, 不要後悔
作者: 祖明 時間: 13-1-22 00:58 標題: 回覆：pocoyo123 的帖子
我就係要盡心盡力，想盡辦法，扭盡六壬，希望可以幫到個仔，就算結果不能改變，起碼我可以同自己講句無悔，只好接受孩子冇書緣，但在過程中，少不免失望，失落同無奈，往往費盡心神，花盡心思，最後感到心力交瘁，不知如何
作者: momama 時間: 13-1-22 07:36 標題: 回覆：是否該結束，還是要繼續
同書冇緣真係冇計，我姑姐講返有一年三個老表同一日見家長，同一年要留班，佢真係想跳河自盡。去到咁嘅地步，有冇考慮留班？中英數基礎唔好，好難捱到中學完。
作者: 祖明 時間: 13-1-22 10:48 標題: 回覆：momama 的帖子
香港嘅津校學位好寶貴，唔係你話留就俾你留，况且亞仔未去到包尾嗰個，學校一定唔俾
作者: smallfoothk 時間: 13-1-22 11:07
本帖最後由 smallfoothk 於 13-1-22 11:23 編輯
樓主己是很好了,朋友已盡心盡力，而且期望一定唔高，只求佢成績合格便算，
但想盡辦法，用盡各種方法，成績仍然強差人意，最差是7科紅色
已經請私人補習老師，又返學習班，亦有减少參加運動課外活動，年年上輔導班,真係唔知仲可以點做好
好想，又好想放棄，心力交瘁再交瘁,現看精神科醫生....大家可以幫手想辦法???借小小空間一用,thx 包尾可留班
作者: MonkeyGirl 時間: 13-1-22 11:41
做父母真的要學習放鬆...明白期望子女學業成績好, 將來可讀大學, 又搵到份好工...但這都係我們做大人的一廂情願吧!
條條路可通羅馬..明白條路可能比別人長一點, 但小朋友自己學習去選擇, 自己成擔後果.. 這才是做人其中一個真理...
就算小朋友將來成為一個specialist , 但跟他沒有什麼野可談.. 太可惜吧!!
or 小朋友讀到要看doctor or 做了自殘身體- 為咩 ?
我深信要他們明白, 讀書只是一生中1/4, 他們還有 3/4 的路要行..只要不要做壞事, 不要看得這麼灰..
可能男的將來遇到百樂, 女的嫁給一個好husband 呢 
作者: maylomaylo 時間: 13-1-22 13:22 標題: 引用：做父母真的要學習放鬆...明白期望子女學業
原帖由 MonkeyGirl 於 13-01-22 發表
做父母真的要學習放鬆...明白期望子女學業成績好, 將來可讀大學, 又搵到份好工...但這都係我們做大人的一廂 ...
作者: 祖明 時間: 13-1-22 14:03 標題: 回覆：smallfoothk 的帖子
請問是小朋友看精神科還是你朋友？
作者: MrBeast 時間: 13-1-22 15:01
本帖最後由 MrBeast 於 13-1-22 15:03 編輯
試下和孩子傾下佢有乜困難，再針性來幫他的弱項，大家盡了力便可。
隔離"讀好書＂個thread cover 左很多技巧，不防一試，但校果就因人而異，可能要試不同方法才知那個合適。good luck and don't give up.
作者: do-re-me 時間: 13-1-22 15:53 標題: 回覆：祖明 的帖子
细仔係唔鍾意讀書定係肯讀但讀唔識？
作者: 祖明 時間: 13-1-22 19:22 標題: 回覆：do-re-me 的帖子
肯讀，但教極都有錯漏，好似個穿窿膠袋咁，你一路入，個底一路漏，永遠裝唔住其實我都有同小朋友傾過，佢只識答我唔識，覺得好難，問過係咪因為考試緊張有壓力，個心有冇跳得好快，亞仔又話冇
試過好多方法，活動式嘅有，重點溫習亦有，但始終未見成果，我都好想搵出問題所在，但無奈老鼠拉龜，無從入手，真係好希望有人可以教到我點做
作者: candy_kiki2005 時間: 13-1-22 19:44
感同身受
作者: do-re-me 時間: 13-1-22 19:49 標題: 回覆：祖明 的帖子
學校課程深唔深？
作者: 祖明 時間: 13-1-22 20:15 標題: 回覆：do-re-me 的帖子
普通津校程度，並冇特別
作者: mietwins 時間: 13-1-22 20:25 標題: 回覆：是否該結束，還是要繼續
會晤會就硬，晤受軟?我其中一個經常發夢，所以周不時要喝番佢個靈魂返來!
作者: 祖明 時間: 13-1-22 20:44 標題: 回覆：mietwins 的帖子
一樣:;pppp:幾常性哋喊返個魂魄返來
作者: Jane1983 時間: 13-1-22 22:31
有無每日溫書？試吓每日溫果日教d，了解吓小朋友吾明甚麼，然而再試吓預習明天會教的。
中英文科，吾識的是閱讀理解？還是錯別字？針對弱項再溫習。
成績吾好，你覺得係程度深，小朋友跟吾上？定係小朋友吾鍾意讀書？找出他的興趣，便可以推動他。語文要好，看書是少不了，可就小朋友興趣和程度開始，每星期看一本課外書，看完一段或一頁，和他傾吓，看他是否明白，再逐步解釋和引導他。
開始時，可能幾煩幾辛苦，但好有用的，上了軌道，他自己會做。如果能夠堅持幾個月，應該看到成效。小朋友感受到你為他付出，都會生性。
作者: do-re-me 時間: 13-1-22 22:40 標題: 回覆：mietwins 的帖子
我女都一樣，小四，如果我唔坐响佢前面督住佢，佢就靜雞雞畫公仔，玩交剪，食紫菜，或者發夢，功課做到夜晚1點。例如中英文默書，如果我坐响前面迫佢讀，有90分以上。但上次我冇陪佢讀，佢竟然0分！真係0分，唔係講笑，仲冇唔開心！我成日諗，既然佢自己都唔緊張，我應該採取強硬態度定係由得佢？
作者: virgokaren 時間: 13-1-22 23:02
早幾年我有讀寫障礙的姨甥女升中，我都同佢一齊奮鬥左兩年。
成績當然去吾到band one, 但入左一間band 2 校風好的學校，也算鬆一口氣！
加油！不要在關鍵時刻放棄。
作者: mietwins 時間: 13-1-22 23:18 標題: 引用：我女都一樣，小四，如果我唔坐响佢前面督住
原帖由 do-re-me 於 13-01-22 發表
我女都一樣，小四，如果我唔坐响佢前面督住佢，佢就靜雞雞畫公仔，玩交剪，食紫菜，或者發夢，功課做到夜晚 ...
作者: chanchisum 時間: 13-1-22 23:22
用小朋友的節奏讀書，有進步就讚，從他興趣入手，抓緊成功的事。減去所有他不願意的補習，多出的時間走到圖書館。
作者: wwy512 時間: 13-1-22 23:34
樓主~我諗依家叫你放鬆都好難，但唔好令自己過份緊張
一來你會好辛苦，二來小朋友都會感覺到
有無試過同班主任傾過小朋友係學校既情況，始終第一手的知識是來自學校
係學校吸收唔到，返到屋企都好大機會原地踏步!
作者: do-re-me 時間: 13-1-22 23:46 標題: 引用：Quote:原帖由+do-re-me+於+13-01-22+發表我
原帖由 mietwins 於 13-01-22 發表
原來有同道中人!我有兩個都小四，我每天嘔嘅血係X2我成日都講如果有一日我屎咗，相信佢地連做人都 ...
作者: 祖明 時間: 13-1-23 00:55 標題: 回覆：是否該結束，還是要繼續 ...
我每星期都有3日補習，都係跟進當日上堂教過嘅課程，因恐怕佢某堂遊咗魂冇聽書，盡快執漏，到考試時再執，已太遲有太多窿窿要填補，一定溫唔切，星期六返嘅中，數兩科學習班，都係跟書課程預習，再加其他課外項目。
亞仔做得好時，我有讚及安排獎勵計劃，只要達標，就送一本佢喜愛嘅圖書，我從不買玩具，亦唔俾打機，同你哋仔女一樣，要坐喺隔離督住，你行開就遊魂
作者: 祖明 時間: 13-1-23 01:00 標題: 回覆：是否該結束，還是要繼續 ...
我每隔一段時間，都會同學校各科老師溝通，了解亞仔上課情況，有時我都要求老師同亞仔傾下，搵出問題所在，因為我怕自己太緊張，亞仔又怕我鬧而唔敢講，同埋老師嘅稱讚同說話，比家長更有效
作者: mietwins 時間: 13-1-23 01:02 標題: 引用：Quote:原帖由+mietwins+於+13-01-22+發表原
原帖由 do-re-me 於 13-01-22 發表
咁你用咩方法？我唯有鬧, 唉, 氹又氹唔掂。不過佢而家未至於好曳,但就快踏入反叛時期,到時就大鑊,佢實唔肯 ...
作者: MrBeast 時間: 13-1-23 07:52
祖明 發表於 13-1-22 19:22 
肯讀，但教極都有錯漏，好似個穿窿膠袋咁，你一路入，個底一路漏，永遠裝唔住其實我都有同小朋友 ...
作者: Funny 時間: 13-1-23 09:12
HI 祖明, 記得我嗎?
會唔會你地一向的讀書方法唔適合你小朋友? 我有個小小的分享，我仔自從停了所有與學術有關的補習後, 成績反而更好。
作者: MonkeyGirl 時間: 13-1-23 09:50
回復 Funny 的帖子
點解會好咗既 你 有 無 同 佢 溫 ? weekend 出 街 玩 定 要 留在家溫習 ?
作者: car817ho 時間: 13-1-23 10:43
樓主，
你仔仔一星期三日補習再加埋星期六兩科學術性既班，
會唔會太多野塞比佢令佢消化唔到
講真，如果佢係學校學既野已經消化唔到，再上咁多學術班
佢無時間消化係學校既知識喔，只會愈堆愈多唔識既野，
如果追唔上學校成績，小朋友會對學習會產生抗拒
到時仲煩，不如CUT左D補習班，你試下跟下，睇下小朋友有咩唔明
你再解釋返比佢聽，我諗會好D! 努力呀!
作者: 祖明 時間: 13-1-23 11:13 標題: 引用：Quote:原帖由+do-re-me+於+13-01-22+發表咁
原帖由 mietwins 於 13-01-23 發表
唯一方法.....鬧!日日鬧!佢地真係晤鬧晤得架!完全無自覺性!我重要兩個都讀精英班，一年四次試，真係鬧少陣 ...
作者: vincat 時間: 13-1-23 11:13
本帖最後由 vincat 於 13-1-23 11:14 編輯
會唔會因為太多BACK UP (補習班同媽咪) 所以上堂唔專心? 因為上堂唔專心, 點補都唔夠GA, 同埋會唔會因為佢覺得自己都係唔識, 考試唔敢答問題? 試下多D鼓勵佢, 可能會好D
努力呀~
作者: 魚兒小寶貝 時間: 13-1-23 11:19
真的很明白啊! 我某e甥仔都係咁，佢幼稚園時很ok，叩門考入沙田某B1小學，之後就死喇。。。我家姐用盡所有方法，屋企人輪流教（有大學生），私人補習老師轉過好多，個個
，!佢對讀書一d興趣都冇，發夢，唔上心，唔入腦。。。有時黙書考試同佢溫，果刻可能識，但原來佢只係用短暫記憶黎應付你，第二日六十幾或唔合格，名次長期3字頭。鬧佢罰佢獎佢都冇用，個人冇責任感，乜野都唔在乎，成條軟皮蛇! 我家姐一路冇放棄，對眼長期黑眼圈。。。個個安慰佢話男仔未開竅，家姐唔係要求高又緊張既人，佢明白唔可以勉強，但，佢只係要求亞仔作為學生最基本既野啫。。。
升中，老師話佢絶對係B3，幸運地自己叩到B2，皆因佢面試時背左一段英文介紹自己，group 討論時佢又搶先發言。今年中二了，家姐開始放手，因為家長不能跟佢一世。。。
作者: 魚兒小寶貝 時間: 13-1-23 11:41
家姐回頭想，有幾點當初做得唔係幾好。第一，幼稚園既時候，應該要打好基礎，第二，無須一定要B1小學，第三，初小見唔對路，應該轉校。
佢話，有好多小朋友幼稚園時都表現得好好，而父母會掉以輕心，冇諗過小學生涯同幼稚園差咁遠。。。可能，佢地已失去學習動機及興趣，係自己冇好好培養佢呢方面嗎?是教育制度太填鴨嗎? 若果從頭黎過，揀一間輕輕鬆鬆既學校（如果有），結果會否不一樣? 有陣時，家長真的很難決擇!
作者: car817ho 時間: 13-1-23 12:44
本帖最後由 car817ho 於 13-1-23 12:46 編輯
回復 魚兒小寶貝 的帖子
AGREE! 你家姐講得好ARM
試諗下依家全日制小學，小朋友6:30左右起身
食早餐返學，直至下午三點幾先放學，
放學仲要做功課，之後食飯溫書，好彩就有小小時間玩
9點鐘訓覺，小朋友已經用了15-16個鐘頭了
有D小朋友甚至要11點左右才訓覺，其實真正休息時間得個幾個鐘
大人都攰喇，而且佢地上堂要接收知識，再加埋測驗評估
樣樣都要用好多腦力+精神。
試想想小朋友要長期在此情況下作戰(整個小學階段) 六年時間
真係少D毅力都唔得。
所以我依家每天只要求小朋友溫半個鐘頭左右生字
一日記少少，同埋覆功課時同佢講解他錯的地方，就算
因為知識係要慢慢累積，今日唔得，唔代表他日唔得
最緊要係唔好怕返學，讀書同學習!
作者: Jane1983 時間: 13-1-23 13:08
而家小學真系好辛苦，時間好長，所以家長要看小朋友頂吾頂到順，吾好再自制補習班和多余興趣班。
見過吾少叻乖小朋友初中已經burn out，真系好可惜。太痛苦太無人道的學習過程吾長久，最好幫小朋友建立routine 和 painless 的學習生活。
作者: 洋蔥頭媽咪 時間: 13-1-23 14:03 標題: 回覆：祖明 的帖子
樓主,睇完妳對囝囝安排,好想回應吓妳,其實我覺得妳囝好惨,希望妳唔好介意.
首先,小朋友晨禁早起身返學,响學校上成十堂放學仲要做功課,雖然我唔知妳仔做家課是否要人幫?好多唔識?但平日妳仲要安排佢上課後補習,從温當日學習內容或者加習作,小朋友全部時間都係做..做...做... 唔知仲有冇課外活動要上? 但佢可能身心都疲累, 講真乜動力都冇哂啦. 星期六又係補習,又係重温或預習課文, 怕佢唔識又係再重覆做..做..做... 通常呢d情况小朋友只有跟着父母安排不停走, 慢慢小朋友就冇哂動力, 變成妳緊佢唔緊心態. 甚至補極習都冇進步.
看樓主言語間感到呀仔好似有野都唔係好敢同妳講,小4小明友已經開始大個仔,有自己思想,其實佢想唔想補習?佢嘅意願係點妳有冇同佢頃下? 妳提到妳會有獎勵, 但又係獎買圖書. 從不買玩具, 想問妳妳仔仔內心深處又點諗?妳又知唔知?
每個小明友都喜歡玩,玩亦可以令學習變得更有趣, 响學校學哂嘅野不而重覆又重覆,唔係就會厭倦. 小4仲有得追,可嘗試由做家課入手,睇下佢有咩唔識, 重點教佢弱項, 其他時間留比佢休息下,玩下. 了解下佢有d乜獎勵可以令佢積極d,主動d,再讚賞下佢,可能會仲湊效.
作者: pandean 時間: 13-1-23 14:11
本帖最後由 pandean 於 13-1-23 14:13 編輯
家長們一說起孩子就希望他讀書勁、自信、獨立、勇於面對挫折與困難。不自信的家長怎麼教育孩子自信？自己遇到困難都有負面情緒的家長怎麼教育孩子不怕困難？
小學的知識到底有什麼算難度的？那些分數最多就是孩子步伐快慢跟讀書方法不同的差異，這點小問題就往孩子是不是讀書的料那邊想，不有點搞笑麼？若已經小四了成績還在及格邊緣的話應先考慮改進自己的教育方法和兒子的學習方法，肯定有方法上很多你們需要改進。
有些事情是you can when you believe～only when you believe you would keep trying despite the failures
作者: do-re-me 時間: 13-1-23 15:54 標題: 引用：我每星期都有3日補習，都係跟進當日上堂教
原帖由 祖明 於 13-01-23 發表
我每星期都有3日補習，都係跟進當日上堂教過嘅課程，因恐怕佢某堂遊咗魂冇聽書，盡快執漏，到考試時再執， ...
作者: shevachevy 時間: 13-1-23 16:27
樓主, 雖然我個女仲細, 未有你o既煩惱, 但我自己第一身o既經驗可以分享下~
小學階段其實真係唔難, 可以唔駛補習o既, 而書本上o既知識你同佢溫同問書已ok~
我認為學校出卷/默書就係想分開三種學生: 第一係唔讀書又唔讀課外書o既學生; 第二係讀書但唔讀課外書o既學生; 第三係又讀書又讀課外書o既學生, 所有咩常識題, unseen dictation 都係想搵出第三類學生出o黎做"精英" 培訓, 所以你幫佢補底學校教科書之餘, 睇多d 課外書啦~
另外仲有一樣o野我覺得好好好有幫助o既係: 執靚手字啦! 小學可能都唔係咁明顯, 中學同公開試就係升grade 秘訣! 自己第一身感覺, 你寫字靚就算答得一般都比人好印象, 寫字核突呢就令D MARKER冇心機睇, 就算答得好都可能只得個B咁,憑著一手見得下人o既字再加大量課外閱讀, 我會考同alevel 中文都係A 咖!
作者: muimui812 時間: 13-1-23 17:23
其實樓主有無研究過補習的內容？我高中時幫兩個初中生補過，佢地都有同一個問題：覺得有補習上堂不用留心聽書，結果每次我上到去都只能幫他們把當天的課文重新教一次，試問一兩個鐘點比得上老師每堂每科的講解？我有同佢地講上堂要先留心，到補習時再將不明白的拿出來問，成績才可上一層樓。無奈那兩個小朋友惰性已成，自己當時也太小，不懂向家長反映，結果也沒心機再補了。
出來做事後有朋友用同一個方法教小朋友，那個小朋友聽教，上堂留心，結果幾個月後自己搞掂，不用再補習。
我和我朋友都不是太熱衷幫人補習，只是朋友揾到就幫下手，教到的都盡力教。以上所見，如果老師肯教讀書方法，小朋友有機會脫離補習行列。某些老師要保飯碗，有時會留一手，只會make sure做到功課便算。當然不排除有好老師。樓主要看看是否所有補習都需要，還有老師究竟能不能教到小朋友正確讀書方法，始終讀書都是靠自己，補習只能輔助，不可成為主菜，太多補習有何壞處各位都講了好多，在此不冗。
還有中英文都係要靠閱讀課外書，開始時一個星期一本，由簡單開始，跟小朋友興趣選擇課外書，唔好當係功課，要係消閒活動。唔好覺得不是課文就唔睇，慢慢會見成效，要比時間，但絕對值得投資，好過死温爛温十個八個鐘。
明白好努力做一件事但唔見成果的滋味，希望樓主加油。
作者: do-re-me 時間: 13-1-23 19:01 標題: 回覆：do-re-me 的帖子
雖然補習太多係唔好，但補習可以比媽媽一個空間休息下，將平日小朋友唔識的叫補習老師教，媽媽可以放鬆下，或者補習老師有方法令小朋友學得識，所以我唔贊成完全唔補，只要適量便可
作者: mietwins 時間: 13-1-23 22:33 標題: 引用：雖然補習太多係唔好，但補習可以比媽媽一個
原帖由 do-re-me 於 13-01-23 發表
雖然補習太多係唔好，但補習可以比媽媽一個空間休息下，將平日小朋友唔識的叫補習老師教，媽媽可以放鬆下， ...
作者: do-re-me 時間: 13-1-23 22:56 標題: 引用：我每隔一段時間，都會同學校各科老師溝通，
原帖由 祖明 於 13-01-23 發表
我每隔一段時間，都會同學校各科老師溝通，了解亞仔上課情況，有時我都要求老師同亞仔傾下，搵出問題所在， ...
作者: do-re-me 時間: 13-1-23 23:01 標題: 回覆：do-re-me 的帖子
我要時刻保持EQ指數，盡量唔鬧，不停提佢專心d。其實點先可以令佢專心做好一樣野？做得快d？
作者: 長生不老 時間: 13-1-23 23:08
提示: 作者被禁止或刪除 內容自動屏蔽
作者: do-re-me 時間: 13-1-24 02:25 標題: 引用：樓主，我覺得你應該馬上轉去國際學校，傅統
原帖由 長生不老 於 13-01-23 發表
樓主，我覺得你應該馬上轉去國際學校，傅統學校好明顯不適合你小朋友，要盡快遠離默書及考試，最好就愈小功 ...
作者: do-re-me 時間: 13-1-24 02:35 標題: 回覆：do-re-me 的帖子
我諗左2年先下到衣個決定,點知原來唔係我話想轉就有得轉,幫我慳返幾十萬,真係多謝晒
作者: 祖明 時間: 13-1-24 09:57 標題: 引用：我諗左2年先下到衣個決定,點知原來唔係我話
原帖由 do-re-me 於 13-01-24 發表
我諗左2年先下到衣個決定,點知原來唔係我話想轉就有得轉,幫我慳返幾十萬,真係多謝晒
...
E+唔係你想讀就有得讀
作者: Mighty 時間: 13-1-24 11:16
本帖最後由 Mighty 於 13-1-24 06:16 編輯
其実国際学校也不是大家所想軽軽鬆鬆的、現在的国際学校大部分都是本地小朋友、本地父母入了国際学校仍然本着「本地父母」的心理、補習＆課外活動也不少的、小朋友之間的競争也很大。 所以我覚得這個不能解決楼主根本的問題。
作者: 祖明 時間: 13-1-24 11:24 標題: 引用：+本帖最後由+Mighty+於+13-1-24+06:16+編輯
原帖由 Mighty 於 13-01-24 發表
本帖最後由 Mighty 於 13-1-24 06:16 編輯
其実国際学校也不是大家所想軽軽鬆鬆的、現在的国際学校大部 ...
入面D外藉同學鐘情外國品牌，買個公仔都4位數
作者: Mighty 時間: 13-1-24 11:40
不知楼主是説哪一間英基、我覚得不尽不実、或者可能是中学的、比較着重名牌子、但這個不要説外国人、任何人係現金金銭掛帥的社会、都会容易隨波俗流、又或者這個所謂外国人、是大陸人（＾－＾）、因他門実在是牌子掛帥的表表者。支出除了学費外、並無其他大量雑費。 有的也只有間中数十元而已。 英基算是平民国際学校、父母都是中産居多、算是不太「花」的一班了。
作者: shadeslayer 時間: 13-1-24 12:02 標題: 回覆：是否該結束，還是要繼續
英基小學無家課的，不是比本地輕鬆得多嗎？
作者: ysnmama 時間: 13-1-24 12:26
Mighty 發表於 13-1-24 11:16
其実国際学校也不是大家所想軽軽鬆鬆的、現在的国際学校大部分都是本地小朋友、本地父母入了国際学校仍然本 ...
作者: qkhui 時間: 13-1-24 12:36
其實學校少功課, 真係可以做多好多野.
睇課外書, 運動.
好似亞仔今個星期無咩家課, 每晚都可以睇好耐課外書, 如多功課, 真係好難先抽到時間, 有時真係覺得好慘.
作者: ysnmama 時間: 13-1-24 12:40
qkhui 發表於 13-1-24 12:36
其實學校少功課, 真係可以做多好多野.
睇課外書, 運動.
好似亞仔今個星期無咩家課, 每晚都可以睇好耐課外 ...
如果少功課後用來看書和運動是相當好. 不會走了去補習.
作者: qkhui 時間: 13-1-24 12:44
樓主, 你仔仔依家小四, 我相信你巳跟了仔仔4年時間, 應好清楚知仔仔邊方面是比較差. 升上高小, 好多時考試答問題巳唔係答幾隻字就可以, 要完整句子, 而閱讀理解亦唔係搬字過紙就可以. 所以真係要先看看仔仔哪一part 失分最多, 好似閱讀理解, 一次考試最少都佔20分, 如果全部做得唔好, 巳唔見了20分. 噉成分卷仲有幾多分可以比老師扣 ? 重組, 造句, 標點, 都是很易失分的. 所以一定要對正下藥去幫佢. 教佢一些考試技巧.
又好似常識, 其實巳好多野需要背, 背完又要寫返出來, 仔仔溫習時, 可唔可以做得到呢 ?
數學, 仔仔理唔理解到問題想問咩呢 ?
其實真係好多好多原因. 而我地亦知, 每一個小朋友都唔想取得低分.
樓主, 一定要加油. 同仔仔多o的看課外書. 一定有幫助的.
作者: shadeslayer 時間: 13-1-24 13:06 標題: 引用：Quote:原帖由+長生不老+於+13-01-23+發表樓
原帖由 do-re-me 於 13-01-24 發表
我之前問過幾間國際學校了,有d話冇位,其餘冇回復,原來而家讀國際學校唔係有錢就有得讀,好灰唯有大 ...
依家有D半國際的和私立行非DSE 可考慮。
作者: 祖明 時間: 13-1-24 15:12 標題: 引用：Quote:原帖由+do-re-me+於+13-01-24+發表我
原帖由 shadeslayer 於 13-01-24 發表
和本地學校一様，國際學校也有一些比較易入的。但如果要又不用債券，又平，又成績好，又乖的學校，一係不存 ...
作者: mymelody2003 時間: 13-1-24 16:21
我囝囝也是四年級, 他成績保持班內頭三名; 我認為如果小朋友在功課上做得好, 不太多錯誤的話, 考試也不用浪費太多時間溫習.
我會注重平時既溫習多一點, 考試時只需輕鬆地溫習即可, 因為考試前狂迫他讀書, 根本無法將各科資料記入腦, 太多會OVER LOAD. 雖然囝囝也有去補習, 但只會是輔助性質, 因為平時我會自己檢查他的功課, 從而知道他的強弱, 幫他溫習時便事半功倍
| 歡迎光臨 教育王國 (/) |
Powered by Discuz! X1.5 |