教育王國
標題: 中文作文唔合格 [打印本頁]
作者: kamusc 時間: 12-11-7 15:20 標題: 中文作文唔合格
阿仔今年升上小四，派左今年第一次中文作文成績。以為佢成績都應該會同舊年差唔多，大約在八十分左右。我唔係D要求好高既家長，要個仔考九十幾先得，講真，自己以前讀書都唔叻，只係七、八十分左右，所以要求個仔唔好太差就得。點知大前日收到作文的分數，中文寫作分數只有56分，嚇到我成晚訓唔著，於是尋日特登請左兩個鐘假，放學接阿仔放學時搵左學校老師了解下咩事，老師話我個仔作文結構不清晰，又用左廣東話寫作文，更加係冇內容，一句講曬係亂七八糟。叫我要跟跟佢D中文。聽完之後，我勁唔開心，講真阿仔小三時的中文真係唔係叫做差，一百字的作文寫得都算通順，係間中用錯詞語，寫錯字。點知一上左小四，學校的作文分數直情係一落千丈，哩兩日係公司都冇心機，連老細都睇得出我有事，但冇仔女的佢又點會明白為人父母的辛酸！
睇怕未來一年都要同阿仔一齊同作文死過先得。
作者: 小豬嘜 時間: 12-11-7 16:20
有同感. 我的小朋友又係上左小四好似作文差左.
但我個人覺得1)作文好主觀; 2)小四既作文要求有唔同; 3)老師唔同.
原因好多, 如果3年級時中文不太差. 多多努力應該慢慢好起來.
作者: kamusc 時間: 12-11-7 16:55
回復 小豬嘜 的帖子
唉，這真是一條漫漫長路。
我同事同你講的都一樣，佢個小朋友今年升五年級，又係「同是淪落人」⋯⋯
作者: manwaimail 時間: 12-11-7 17:26 標題: 回覆：中文作文唔合格
中文真係要從小培養，我都係過來人，個仔同個女細過都無重乜重視中文科，點知一到五六年班，課程深左同老師要求高左，佢地成績就一落千丈。個女今年六年班，因為呈分，所以拿拿林幫佢揾補習，補左幾個月，睇佢成績好似好左d, 不過佢太懶， 成日掛住聽歌。。。。激死
作者: MariaTsui 時間: 12-11-7 20:11
本帖最後由 MariaTsui 於 12-11-7 20:12 編輯
P4的中文作文的字數要求要差不多250字,每篇文章都有第一段(引言),第2段(內容),第3段(總結),如果無3段,結構分多數唔合格,上到P5,要求會更嚴,因為會要求有修辭手法,成語在文章內,最少350字,仔仔學校除了長文,還有短文,最近寫抒情文,對仔仔來說,真的不易撑握,唯有慢慢教.
作者: tws2010 時間: 12-11-7 22:27
回復 kamusc 的帖子
My kid is now in P.3. Honestly, I think my kid's Chinese composition is pretty good. He writes clearly and think clearly. However, I am really astonished my kid only got a pass in almost all his essays. I copied the essays and let my colleagues who are lawyers from China and Taiwan. They both said my kid is not bad and some of his sentences and structures are even better than those marked wrong by the teacher. I really wonder what the marking system the teacher followed. Maybe the teacher just follows her 'rule book'.
So as parents, we must have confidence on our kids. Sometimes, the teachers are very subjective. Even worse, exam on Chinese composition will not be able to take home for parents to check. We are totally in dark...
作者: kamusc 時間: 12-11-8 10:27
是啊。
除了要注重仔女的問題外，做為家長的都要俾多D重視。部份學校老師的水準係度就費事講了。重點都要靠自己。家姐介紹左佢用緊的專科老師俾我，試下效果先，都係急病亂求醫。我都買左D中文的練習，係屋企同佢做多D⋯⋯
作者: qkhui 時間: 12-11-8 11:45
樓主, 仔仔多唔多睇課外書, 多唔多出外睇唔同o既野, 我發覺到上佐高少, 好多作文都好靠平時o既觀察, 課外書吸收o既詞彙. 你試下多o的同佢出外, 睇多o的野, 問佢多o的唔同o既事, 一齊去傾. 如果唔多體驗, 作文好難, 因大佐要作o既野, 真係好難可以憑空想像, 如果係憑空想像, 就會有好大機會離題, 同唔知自己講緊咩. 你先試下多o的走出去, 多o的傾. 我相信會有幫助
作者: kamusc 時間: 12-11-9 11:15
回復 qkhui 的帖子
阿仔唔係好喜歡睇書，這個星期會帶佢去圖書館行下。希望能養成少少習慣啦，平時放假我地都會去郊外。都係希望佢能有見識多D唔同的事物。您的意見十分有用啊～
作者: qkhui 時間: 12-11-9 12:46
大家交換意見, 分亨下
作者: kamusc 時間: 12-11-9 13:37
作者: jollyma 時間: 12-11-10 12:07 標題: 回覆：中文作文唔合格
我都覺得學校好奇怪，明明一路冇講有問題，升咗班就要佢識啲從未教過既嘢，尤其係中文科，唔同英文，英文會假設你唔識，由頭教起，又文法又拼音，中文就冇，老師假設你識晒，而學校又冇一套好似英文既系統教小朋友，其實中文都有文法架，呢啲係咁多年重英輕中既惡果。
作者: kamusc 時間: 12-11-10 13:55
本帖最後由 kamusc 於 12-11-10 13:56 編輯
回復 jollyma 的帖子
這就是個問題，老師係學校又不教，以為個個學生都是天才。只能苦了家長。
作者: tws2010 時間: 12-11-10 14:05
回復 jollyma 的帖子
exactly. I let my son do the Chinese composition himself. but most of his classmates their parents taught them. So strange, at my time, we could only do Chinese composition at school, so teacher really knew if you could manage or not. but now, teacher allow kids to take the homework home. However, I still prefer my kid hold the responsibility because it's he taking the composition exam at school, not me. If he doesn't get used to do it himself, how can he do it at exam?
on top of this topic, I found out that in the English exam, there was also Eng composition (of course short essay) - but teacher never said we will have the Eng composition this year (at P.3). It's all of a sudden...We, as parents, do not know Eng composition is within the exam scope for this year!!!
作者: 花仔媽咪 時間: 12-11-10 14:06 標題: 回覆：kamusc 的帖子
因為依家學校覺得個個學生都會補習
作者: kamusc 時間: 12-11-10 14:10
回復 花仔媽咪 的帖子
現在變成補習係主導，學校老師係輔導角色。成績差就叫學生出去補習。
完全係錯。
作者: .com 時間: 12-11-10 15:31
提示: 作者被禁止或刪除 內容自動屏蔽
作者: kamusc 時間: 12-11-10 17:04
回復 .com 的帖子
果D唔使補都考得好啦，好既老師應該係把成績唔合格的補到合格。
作者: songyang578 時間: 12-11-12 10:55
提示: 作者被禁止或刪除 內容自動屏蔽
作者: kamusc 時間: 12-11-12 11:43
回復 songyang578 的帖子
可能係老師接受的訓練較少吧～
作者: ponysee 時間: 12-11-12 13:55
花仔媽咪 發表於 12-11-10 14:06 
因為依家學校覺得個個學生都會補習
作者: piagetmum1 時間: 12-11-12 21:41
好老師真是可遇不可求。
作者: caroline_kan 時間: 12-11-13 00:46
提示: 作者被禁止或刪除 內容自動屏蔽
作者: momama 時間: 12-11-13 07:09 標題: 引用：我都覺得學校好奇怪，明明一路冇講有問題，
原帖由 jollyma 於 12-11-10 發表
我都覺得學校好奇怪，明明一路冇講有問題，升咗班就要佢識啲從未教過既嘢，尤其係中文科，唔同英文，英文會 ...
作者: momama 時間: 12-11-13 07:22 標題: 回覆：中文作文唔合格
喺另一版講作文，阿女讀SFA，小二嘅作文其實係作句，呢個階段係複句，“剛…就…“。同老公講起喺BK睇到其它學校已經去到100字，佢就話:“d細路連講句似樣嘅說話都未做到，仲作乜文！“ 如果大家認同，就試吓從基本做起。大家都話SFA又深又谷，但我越嚟越明白佢可取之處。鼓勵大量閱讀，但開學至今只做過兩次閱讀報告。
作者: momama 時間: 12-11-13 08:17 標題: 回覆：中文作文唔合格
又講吓又深又谷嘅SFA，小二冇正式英作，但用問答及仿句引導小朋友寫一個主題。評估時有五例句:i like swimming. I swim with my family.……之後試卷提供字關於jogging，你就照寫五句，連串字都唔考！當然有時深d，l like xmas. 你就要寫sandy likes CNY，考埋你文法。其實冇一間學校係完全啱自己心水，唯有多d交流，揾方法。
作者: kamusc 時間: 12-11-13 11:29
回復 ponysee 的帖子
小部份補專科的有教寫作，但好少。良師難求。
作者: pandean 時間: 12-11-13 11:57
本帖最後由 pandean 於 12-11-13 11:59 編輯
我細個時係内地讀書的，所以唔知係未有偏見，我總覺得香港中文教得好亂，無重點又跳得好快，學完就係䛊咗幾個字家長真係有排执手尾⋯
作者: songyang578 時間: 12-11-13 12:27
提示: 作者被禁止或刪除 內容自動屏蔽
作者: jollyma 時間: 12-11-13 21:18
momama 發表於 12-11-13 07:09
可唔可以解釋點樣冇系統去教中文？冇書？因為課文之間就係教緊中文，例如有教用為甚麼，誰，誰的，那裏，同 ...
有書, 有練習唔代表有系統, 你所指教法同英文一樣, 呢個就係問題所在, 中文自古冇文法呢樣嘢, 佢既所謂文法從來都係根據英文抄過來, 舉例英文有"形容詞" , 中文就指出"美麗"其實是形容詞, 好喇! 當你知道呢個係形容詞既時候, 又唔能夠好似英文咁相同用法, 又要加個"的"字喎, 另外, 中文同音字有很多, 但又冇人有系統去教小朋友, 一心諗住佢未用到, 但其實, 可以同小朋友去分析用法, 所以成日會出現好多用錯同音字既情況, 普通話/廣東話都有拼音啦, 呢啲即使唔教, 我覺得都應該比小朋友知, 所以真係應該要有一套中文所屬系統, 而唔係一味東拉西扯, 其實同老師質素當然有關, 因為老師都冇學過, 即使有, 佢都未必明白, 你叫佢點教小朋友呢, 最近看見阿女本成語書, 嘩!用啲好深既例子去解釋一個好簡單既成語, 我問阿女你明唔明, 佢話唔明, 結果我要用佢日常生活既例子, 從新教過佢, 佢先明, 我覺得出本成語書, 除咗係想賺錢之外,就諗唔到其他原因, 查字典不是一樣嗎?
作者: tws2010 時間: 12-11-13 22:51
回復 jollyma 的帖子
I don't even understand, how could I explain to my kid. Honestly, the syllabus nowadays is mega difficult...
作者: 呀芝 時間: 12-11-14 00:24
本帖最後由 呀芝 於 12-11-14 00:27 編輯
我小學果時作文比小學老師讚,到中學都仲有攞作文獎等等
練中文最好就比小朋友從小接觸多d圖書,漸漸轉變為純文字書本,咁睇得多就可以練成速讀
速讀對閱讀理解好緊要,我會速讀就比人快好多睇完文章,開始答問題
我中四五入選作文精英班,由校外老師教,讀完真係獲益不少,結果會考作文A左
所以真係要教得有技巧
作者: Reddish 時間: 12-11-14 15:26
作文是要教要學才會好的,首先要教詞語(即要識字),然後要小朋友識看題目(即主旨重點),然後才鋪起乖轉合等細節,最後文章修飾,而家好多學生讀到高中都取不到主旨,如題目是「一個傷心的经驗」,主旨是傷心的情绪,不是如何撞車,如何趕不到上堂,
作者: jollyma 時間: 12-11-14 23:31 標題: 引用：+本帖最後由+呀芝+於+12-11-14+00:27+編輯+
原帖由 呀芝 於 12-11-14 發表
本帖最後由 呀芝 於 12-11-14 00:27 編輯
我小學果時作文比小學老師讚,到中學都仲有攞作文獎等等
作者: kamusc 時間: 12-11-15 10:41
睇左好多討論，聽左好多朋友的意見，我決定俾囝囝半年時間，專注基礎，睇下有咩成效。當然，我也會同佢一齊努力。
作者: mamee 時間: 12-11-15 11:03 標題: 回覆：中文作文唔合格
初小，簡單的作文結構即係三段，開段時地人事、中段過段、尾段要有感受。另外，我同阿仔講五感：看、聽、見、吃同感覺，其實寫足以上部份，老師都俾合格。
小四，文章中要多有（高層次的更好）形容詞、運用到四字成語更好；老師堂上亦提及，最好寫多一段重點段，但我發覺考試中那50分鐘要寫短文一篇加長文一篇，時間上寫4段係好困難，我勸佢晤好搏。
另外，我認同捉到主旨是很重要的，平時和小朋友看文章時，可以順帶講下。我果個小五，我都係邊學邊做，一齊努力吧！
作者: ysnmama 時間: 12-11-15 13:43
請問初小, 是否一定要由句子結構打好基礎才可以作段落/作文? 例如熟悉重組句子, 擴張句子, 仿作, 排句成段, 標點等等先? 我發現不少學校只教同做很少以上的訓練, 已經跳到要學生小一要作50字以上. 他們生字/詞語又不懂太多. 句子結構又不懂太多, 錯就被老師改, 根本不知明不明白.......
作者: kamusc 時間: 12-11-16 11:32
自從發帖後，收到不少私人短訊。感謝各位補習老師的留言。
但已為小兒找到一位中文專科老師，因為會給小兒半年的時間看看成效，暫時不需要各位的幫忙。
謝謝！
作者: 呀芝 時間: 12-12-6 16:03
jollyma 發表於 12-11-14 23:31
有沒有哪類型中文書較適合小三，四學生？中文書同英文唔同，少有系列作品
...
我覺得睇課外書咩類型唔緊要，最緊要小朋友鍾意睇，有興趣先會繼續讀落去，帶佢去圖書館自己揀岩睇既書仲好。
我係中一先開始接觸大量課外書，鍾意睇可以兩個月睇二百本書，每本約五萬字，慢慢程度就會提高。
同埋睇書係會越黎越揀擇，要求文筆越黎越好，文意越黎越深，所以開頭唔一定要好難好深既書，最緊要有興趣。
作者: wwy512 時間: 12-12-7 14:31
作文一定要由底做起，唔可以叫小朋友一作就作幾百字
由造句開始一步一步上
我有個補習學生之前作文得六十分，之後教左佢D披技巧同方法之後，佢今次考試有七十九分
同埋養成一星期同小朋友去圖書館睇書既習慣，睇多D,俾佢自己揀書，佢自己又鐘意睇既話，咁佢慢慢就會學識多D句式同字
試問小朋友識太少字的話又點可以作幾百字呢?
希望你小朋友作文會有進步啦!加油!!
作者: leeping 時間: 12-12-16 16:02
http://detail.tmall.com/item.htm ... p;cm_id=&pm_id= 阿囡小一,我買左E套書返來自已睇,然后教寫日記或周記
作者: ELJCHL 時間: 12-12-17 13:55
回復 kamusc 的帖子
yes, read more chinese books is good for writing...my girl is good in Chinese and one of her habbit is reading....normally she read at least 1 or 2 books per week.........
作者: chrischeung 時間: 12-12-17 21:53
回復 songyang578 的帖子
好認同大陸教中文的手法,請問有冇邊度補中文好???
作者: songyang578 時間: 12-12-18 08:45
提示: 作者被禁止或刪除 內容自動屏蔽
作者: 傑西 時間: 12-12-19 06:07
kamusc 發表於 12-11-13 11:29
回復 ponysee 的帖子
小部份補專科的有教寫作，但好少。良師難求。
我個公子依家補緊那一間中文專科都算全面,有教句式, 閱讀理解咁, 而寫作,每堂約15分鐘教,老師話不浪費上堂時間比小朋友在堂上作,所以作文是功課, 我都幾認同唔好上堂作,因都唔知是公子作定老師作,返屋企,我可以肯定係公子作!
作者: sara11 時間: 12-12-19 09:53
本帖最後由 sara11 於 12-12-19 09:54 編輯
我囝上小四開學時, 老師就推介左一套作文書. "中華書局 - 我要寫好記敘文" 另外還有說明文, 寫人物....等! 呢套書全部輯錄本港小學生既文章, 再有老師既評語, 作文題目都同囝囝學校既差不多, 篇幅短,好淺易, 對初閱讀既小朋友無咁抗拒, 大家可以去書局睇下啱唔啱用!
我囝囝自從小四開始多睇範文後, 佢對作文既信心大左, 落筆易左, 可以有短期既成效. 如果再加上閱讀, 就更能穩固中文基礎!
作者: smallfoothk 時間: 12-12-19 12:22
好開心,幾年來,第一次考試作文合格有60分
今次只看別人文章如之上樓主介紹的書,下次定加上抄寫希望更好...
作者: BBTWIN 時間: 12-12-19 15:15
songyang578 發表於 12-11-12 10:55
回復 jollyma 的帖子
非常同意你所講既觀點,中文係有文法既,但係依家學校教既冇系統,學校鼓勵閱讀係好好, ...
極同意. 學校只鼓勵閱讀, 但在中文及寫作都冇提供方法. 其實呢種虛無縹緲的教學方法係咪大"吹"勢?
作者: BBTWIN 時間: 12-12-19 15:19
sara11 發表於 12-12-19 09:53
我囝上小四開學時, 老師就推介左一套作文書. "中華書局 - 我要寫好記敘文" 另外還有說明文, 寫人物....等! ...
好開心, 見你握介呢套書, 事關我巳買左, 一直放在書櫃未旭過. 事關我小朋友只初小, 未去到作文階段. 既然甘有用, 由而家開始叫小朋友睇多d呢類寫作書都好. 多謝分享.
作者: migohappy 時間: 12-12-21 13:04
回復 leeping 的帖子
係 taobao 咁可以點買？我未試過我見佢話要入手機號碼， 係香港的可以嗎？
作者: leeping 時間: 12-12-21 23:29
回復 migohappy 的帖子
http://www.baby-kingdom.com/forum.php?mod=forumdisplay&fid=631
作者: kamusc 時間: 13-1-18 17:52
同大家講個好消息！
阿仔係最近的一次的作文成績有小小進步，由56升至62。
雖然只係區區的六分，但老師在作文評語上就寫左「文句尚算通順，分段清晰，但在詞彙及修辭的使用仍雖努力。」
今晚可以斬料加餸囉～
作者: pthwong 時間: 13-1-22 14:05
中文作文能力真的是需要從小就培養的。我見過一些家長每星期會去大型圖書館借書，幾本中文幾本英文，而這種習慣從K1就開始，讓小朋友對去圖書館借書有一種期待的感覺，而圖書兩星期又會過期，又可培養學生在限期前閱讀。買書給學生閱讀不是不好，只是未必能令學生學懂珍惜閱讀機會。此外，據經驗所得,不論是學中文作文或做中文練習，請找到一個能為你的小朋友解釋錯處或詞語的老師，不然你的小朋友只是一部寫字機器，不能累積更多知識。老師的學歷不太重要，最重要他/她讓你的學生學習愉快，能幫到你的孩子提升中文水平。說真的，我中一就已經自己創作文章，那時有些中文老師都說我的中文水平不錯，中文拿全級第一也是常有的事，但我從小都是靠自己去借書看，真的是對中文閱讀很有興趣，父母不懂幫忙，沒有中文補習老師，最後會考高考中文成績都不錯。各位父母,你們對孩子的全心全意地付出實在令人感動，加油啊!你們的孩子一定會明白父母的一片苦心。
作者: tws2010 時間: 13-1-22 22:12
回復 kamusc 的帖子
阿仔作文竟然大有進步, 真是意料之外, 有7字頭, 但讀本卻插水式創新底...
作者: kamusc 時間: 13-1-23 12:42
我反而覺得老師的學歷、見識極為重要。一個中學學歷的補習老師和一個大學專科學歷的補習老師，不用說，我一定選大學專科學歷。
不為別的，單以專業知識而言就已經跑驘幾個馬位了。
就好像我們在中一至中三的時候都學中史，但大學歷史系的也學中史，他們學的都是五千年的歷史，其中有何不同呢？在於深度。
不可否認，如果小朋友喜歡一個補習老師，那是事半功倍，但如果老師的學識不足，那就是害了小朋友了。
當然最好可以找到一個小朋友喜歡而又有學識的老師。
作者: kamusc 時間: 13-1-23 12:43
回復 tws2010 的帖子
讀本要提升成績都容易，可能只是一時失手，作文有進步都應該好開心。
作者: shevachevy 時間: 13-1-23 16:51
本帖最後由 shevachevy 於 13-1-23 16:54 編輯
講起作文我都想分享下, 首先申報左自身先, 自己讀書果陣語文一向都算強o既, 會考中英兩科都係A, A LEVEL 中文5個細項都係A, 最後係A(01) , 中六開始我都有同人補習, 補中文同全科, 我個補習仔中文會考都考到B的, 唔係想晒命, 大家亙不認識我亦唔駛晒命, 只係作小小分享, 亦想o係度向其他媽媽取下經睇下點教自己個女比較好~
第一: 中文成績好不外乎閱讀, 唔好問我讀咩, 因為我係乜都讀, 但幾歲開始呢 ? 我自己係中一先開始, 中一之前我連圖書證都冇咖~ 小說我係睇得最多, 睇之餘要抄, 抄咩?! 抄金句!金句o既意思係自己覺得寫得好, 有同感, 有感動o既句子~
第二: 背! 背詩/背詞/背論語之類, 特別係寫議論文, 背上一段經典訓詁加出處, 所有中文老師都會刮目相看, 我自己每次作文之前都會先寫定一批我認為用得上o既經典/成語之類, 然後先動筆寫, (當然唔好過火, 句句成語, 段段之乎者也咁)
第三: 大綱, 小學階段大綱可能未用得上, 但係要有呢個邏輯, 起承轉合同結尾
第四: 錯別字, 通常呢d 係扣分位, 減少o既辦法係覆卷同埋多閱讀, 讀到個字同詞語o係腦中已經有個image, 寫錯字o既機會大減~
第五: 字體, 一定要執靚手字, 小朋友有能力o既話學埋書法, 我記得我以前作文有10分係格式, 標點加字體, 我次次都9分, 呢d easy point 要盡拎!
作者: tws2010 時間: 13-1-23 22:08
回復 kamusc 的帖子
對呀, 都好開心
作者: mymelody2003 時間: 13-1-24 16:45
我囝囝也是小四, 作文結構最弱, 所以作文唔會高分, 所以我考他作文前先寫大綱, 然後再從每段開始構思; 最重要是小朋友經歷不多, 構思會有難度.
幸好今次考試要寫一篇個人經歷, 他取得90分 
作者: lestat 時間: 13-1-24 17:49
kamusc 發表於 13-1-23 12:42
我反而覺得老師的學歷、見識極為重要。一個中學學歷的補習老師和一個大學專科學歷的補習老師，不用說，我一 ...
要揾一個好既補習老師都唔係一件易事, 即使係大學生, 有學歷但未必識教人, 始終每個學生長短不同, 不懂因材施教~
作者: BLUEYELLOW 時間: 13-1-24 23:25 標題: 引用：+本帖最後由+shevachevy+於+13-1-23+16:54+
原帖由 shevachevy 於 13-01-23 發表
本帖最後由 shevachevy 於 13-1-23 16:54 編輯
講起作文我都想分享下, 首先申報左自身先, 自己讀書果陣 ...
作者: shevachevy 時間: 13-1-25 10:51
回復 BLUEYELLOW 的帖子
我諗我同你一樣都算遲開始睇書, 但一開始左就一發不可收拾, 我睇得好雜, 你講果d我都有睇d, 除左 金庸係睇完又睇之外, 衛斯理, 瓊瑤, 亦舒, 張愛玲, 梁鳳儀, 梁羽生, 二月河, 林燕妮...都會睇 就算赤川次郎, 梁望峰都會睇, 不過睇完之後過水無痕... 另外都會睇d 詩詞賞析呀, 就算中醫學呀, 皇帝內經我都有興趣 我覺得咩文筆修辭都係咁樣build up, 同佢講一千次排比呀, 借喻, 隱喻都不及自己睇書時睇到咁深刻...
我覺得上咩作文班, 睇範文係最無用, 冇興趣閱讀的話呢d只係雞精, 頂唔得幾耐
講起興趣呢, 我諗你小朋友年紀仲細, 未去到自發睇書o既時候 ?
有d人係會因為睇左d 歷史劇而去追返d 書o黎睇, 好似睇三國就會想睇埋三國志, 睇雍正皇朝又會睇埋小說, 睇步步驚心又會追埋小說...
會唔會循阿仔o既興趣著手引導佢睇好d呢 ? 睇下佢鍾意d 咩人物介紹d 啱o既讀物比佢? 金庸小說佢有興趣睇嘛 ?
作者: BLUEYELLOW 時間: 13-1-25 14:04 標題: 回覆：shevachevy 的帖子
真是謝謝你的分享。我自己也喜歡中國歷史、無論課本、歷史小說或野史的書、我都很喜歡看。我舊年買了一些兒童歷史書給他看、發覺他颇喜歡看三國和楚漢相争歷史的書、但一多字他就没趣看下去、叫他看金庸、實在難過登天。現在唯有多伴他看書、多迫他用腦、希望可以找到一個好的中文補習老師、双管齊下、在他上中學前能將他中文程度提高。
作者: shevachevy 時間: 13-1-25 14:38
回復 BLUEYELLOW 的帖子
我發覺好多男仔都鍾意"三國"歷史, 係咪因為打機有三國志 ?? haha...
你仔仔有冇打機 ? 如果有打機我覺得比較難喜歡上閱讀, 打機o既人覺得打機先有樂趣, 閱讀為左交貨 (交貨做閱讀報告/交貨比媽媽睇), 我自己就由細到大都唔係好打機, 可能因為打得"渣", 所以平時冇o野做都係左做下手工, ,寫書法同埋睇下書~
雖然我而家都唔知阿女有冇興趣睇書, 不過我都儘量培養, 屋企我地好少開電視, tbb 劇我n 年冇追, 對上一套劇係宮心計了, 果時都未生b, 而家果套咩老表我都有d 興趣睇(因為王祖藍係我中學同學o黎咖, 不過為左阿女我都唔會o係佢面前睇), 我要返工的, 夜晚返到屋企只會做3樣o野, 食飯, 沖涼, 睇書, 我會o係佢面前睇書, 等佢覺得呢樣係好自然o既事~
作者: BLUEYELLOW 時間: 13-1-26 22:30 標題: 回覆：shevachevy 的帖子
是的、我的兒子真是喜歡打电子遊戲机、但是只是不常打、他喜歡直接簡單東西和運動、所以要太用腦的功課就出亂子、他的英文和中文作文都不好、只是他讀的是普通小學、所以英文作文暫時仍可過關。我家從來都很少看电視、根本没時間、而且我也不喜歡看、有時間都看書啦！又不想常常迫他背成語、這樣學語文又太没趣、但讓他慢慢愛上閱讀、使語文有進步、又不知要等到何時？真是一個難题！
作者: SheepMummy 時間: 13-1-27 11:07
回復 kamusc 的帖子
我都很有同感. 我個仔一上小4後, 中文作文成績愈來愈差, 時常都觸不住題目的主旨, 要從作. 教完他如何作先貼題, 聽完好似無聽過, 完全入唔到腦.
去年9月已開始補習, 但至今仍然無好到. 而最慘的是今次EXAM(中文讀本)都急跌20分, 差些不合格, 聽到都心寒. 都唔知如何幫他.
各位媽媽, 請問有無好的補習社或老師介紹, 有沒有提升成績的好方法. 而出面有些試題操練班, 有無人試過, 有無用呀?
作者: kamusc 時間: 13-1-28 11:47
回復 SheepMummy 的帖子
我都試緊個中文補習老師，但因為時間尚短，雖見一點成效，但未知長遠如何，暫不介紹給妳。但我覺得學習中文是一項長期抗戰，補習老師有作用，但家長和小朋友自已的努力更重要。
就如好多家長都說，帶小朋友去圖書館閱讀，我個人認為是個好方法，而我也正在這樣做。
作者: momama 時間: 13-1-28 12:29 標題: 回覆：中文作文唔合格
等我呢個中英皆A嘅都搭下咀我個年代唔睇英文課外書係可以A，因你知道考試規則係重文法，所以我有A但詞彙超弱。中文反為難搞，所以閱讀係基本動作，如衛斯理淺易文筆故事又吸引。
作者: momama 時間: 13-1-28 12:32 標題: 回覆：中文作文唔合格
另外背詩背書係好有用，可借現代家長又話呢d叫死背書，不合時宜，細路仔學話到嘢喎
作者: momama 時間: 13-1-28 12:34 標題: 回覆：中文作文唔合格
寫多個詞語又話功課多……
作者: momama 時間: 13-1-28 12:35 標題: 回覆：中文作文唔合格
係“細路仔學唔到嘢喎 “
作者: songyang578 時間: 13-1-28 13:38
提示: 作者被禁止或刪除 內容自動屏蔽
作者: catmilkw 時間: 13-1-28 14:16
而家老師只睇成績, 成績唔好就叫你去補習, 人人如是
| 歡迎光臨 教育王國 (/) |
Powered by Discuz! X1.5 |