教育王國

標題: 梁文燕紀念中學交流區 [打印本頁]

作者: etK@n 時間: 12-9-27 14:50 標題: 梁文燕紀念中學交流區

本帖最後由 ZZdaphne 於 12-9-27 21:20 編輯

大家好！
今年有無人去左梁文燕？我亞仔剛入左梁文燕讀F.1，希望有家長同我分享下啦！

作者: etK@n 時間: 12-10-3 16:33

今年係學校承辦商買左2套夏季校服，點知洗完朗乾時見到兩條褲唔同色水架！？D質地都唔得喎，冬季果套都唔想係佢度買略！

作者: Mokch 時間: 12-10-12 13:08

Hi etK@n,
終於見到有同一中學嘅家長喇, 多多指教

作者: Mokch 時間: 12-10-12 13:13

我仔讀梗中一，都幾多默書同小測，仲好恐怖話成日有五成人唔合格，好得人驚

作者: etK@n 時間: 12-10-16 23:21

好開心認識你，同校的書友仔以後可以多D交流下！

係呀，呢間校好嚴！

今晚已開始溫習下周的統測，呀仔最怕串字，死到灘灘腰

作者: Mokch 時間: 12-10-17 12:44

你小朋友係咩班呀? 我仔讀1A, 啱啱上星期五去家長會, 我覺得亞仔班主任好盡責, 亦真係有留意小朋友平時嘅表現, 好開心無幫亞仔搵錯學校

我仔都勁怕串字, 唔知來梗個統測, 會唔會又出中轉英, 英轉中咁呢? 老實講, 我自己讀英中, 我對住佢D中文教科書都幾R頭, 好似PATTERN係數學嘅解釋叫咩, 我到依家都唔記得

作者: etK@n 時間: 12-10-17 17:19

唔係喎，1A班係英教數，數學係用英文教架！

作者: etK@n 時間: 12-10-17 19:47

呀！我可能誤會左喇！係呀D中文譯名好古怪架！
我個仔都係1A，真巧啊！

作者: Mokch 時間: 12-10-18 12:40

咁啱

來梗個統測要俾心機, 下年編班好重要, 大家要努力呀

作者: Mokch 時間: 12-10-18 12:45

回復 etK@n 的帖子

最慘佢測驗係俾中文解釋你, 要你填番英文TERM呢, 真係想死

作者: etK@n 時間: 12-10-18 14:27

我果日要去飲無去家長會，你知唔知下年有無普教中？

作者: Mokch 時間: 12-10-18 17:01

咁又無提喎, 但可申請中教數

作者: Mokch 時間: 12-10-18 17:15

啱啱問左其他家長, 應該唔係普教中喎

作者: etK@n 時間: 12-10-18 20:15

唔該晒！

作者: cobilau 時間: 13-1-24 12:45

etK@n你好,
想問下你小朋友讀左梁文燕一段時間覺得怎樣,
比想像差還是好,我仔仔是今年選校的因我都想選梁文燕,
佢自己都好想入呢間,所以請你幫忙提供一下謝謝!

作者: HLMSS 時間: 13-3-31 02:10

近年大攪交流活動,一年下兩三次,有官方的如星加坡、近則有台灣及內地的數天團,遠則也有紐西蘭。而最近則有一個為中三至中六的東南亞考察團,為隆重其事,校方派發通告與中三至中六四級共約六百人,連同一文格紙,有興趣參加者需要作一文章表達參與的目的及期望,很多同學為此費盡心思,為的只求勝出!但結果公佈後,出奇地全數為中四及中五級某學會的廿多名會員!有同學問老師評審準則,大部份老師均设有明確回應!而校方亦设有提及準則及張貼勝出作品!情況有點令人不安!而另一個將會舉辨的星加坡團,因參加的同學需於家中接待另一來自星加坡的同學,但由於該校學生家境一般,能達標的可能只有三數個!而參與該團的其他要求不高,費用也可接受,但一直也设有同學報名!經不段地加以推銷,最終全校只有四名同學參與!我的兒子亦未能參加!感到十分失落!其實該校以往一直也不攪這類為小數人服務的交流活動,而我選校的原因是校風簡樸,學生儀容良好,老師關愛學生。但轉換校長後!一砌皆變!到處包裝得五彩繽紛,最令費解的是掛於正門的〝關愛〞橫額,與一些如〝無煙校園〞之類的有異曲同工之妙!帖子實在有點長!不過不吐不快!請見諒,其他家長如有相似的情況,歡迎提出。

作者: HLMSS 時間: 13-3-31 02:12

本帖最後由 HLMSS 於 13-3-31 02:13 編輯

今年中六的畢業班!

http://www.youtube.com/watch?v=uvcVRA8q-4U

作者: etK@n 時間: 13-4-25 22:23

HI cobilau 對不起，呢排少左上黎睇！

依家第二學期了，個仔讀得幾開心，其實D野唔係好難，功課唔多。
過往校長點推交流活動我唔知，亞仔重係中一所以沒有什麼交流。
整體來說校風都幾好，害群之馬每間學校相信都有，給他早些經歷真實社會都會有的事。讀書真的好講個人，現在慢慢摸索由中小轉了英語教學(部份)，開始有點兒適應。

作者: etK@n 時間: 13-4-25 22:34

忘記回答你，是比想像中好的。因亞仔係B1尾B2頭果隻，蠢又蠢唔晒、叻又唔話得，初時想遲D再轉英中啦！(想下炸！)讀下又覺得係度適應英語教學都有D辛苦，而中文又幾OK嗃，加上結識到幾個傾得下算幾乖的同學，佢都話未必想走。
唔知有咩你想知的呢？希望可以幫到你啦！

作者: 鋒媽 時間: 13-6-17 16:37

Hi!你們好, 我都想知多啲學校的生活, 例如: 食飯是否在學校, 課外活動,課後補低等等?

作者: etK@n 時間: 13-6-25 21:58

回復鋒媽的帖子

今年只係中一可以在校內訂飯，其他班不可以。不過我個仔想出街食，試下跟同學仔一齊食飯都幾好。附近D食市唔會雜，好多是屋村公公婆婆，聽講話有D人會向學校報料，若果見到學生有咩事會Call番學校報料。

課外活動中較為出名的就是劍擊，前幾年的成績很好曾經得很多獎。只要主動一點，老師會邀請你入組。至於補課都有架，因為英教數，亞仔做左邊緣人，係考試前就額外有幾個星期放學後補數。

作者: 鋒媽 時間: 13-6-26 09:43

Thanks! etJ@n

請問中一有否英文班?老師方面呢?因是官校是否吾想家長發問問題?因本人覺得小學是這樣 (真心發問)!

作者: etK@n 時間: 13-6-27 08:12

今年中一有一班英教數及普教中，有一班普教中，另兩班是中文班。
我都好多野問架,個校長都好親民,入學冇耐就有家長會,聖旦又有聯歡會，4月參加過旅行，可以同老師校長一路行一路傾。不過我見D老師得一兩個較年輕D。

作者: etK@n 時間: 13-6-27 08:18

出年S2分班係全部英教數,有一班英科; S3再多D用英文教。
依家S1就算係中文班都要學英數名詞(默書),可能想預備上S2啦!

作者: EMMA88 時間: 13-12-9 14:56

etK@n 發表於 13-6-27 08:12
今年中一有一班英教數及普教中，有一班普教中，另兩班是中文班。
我都好多野問架,個校長都好親民,入學冇耐 ...

想問下其他科係咪都英文教? (因聽講梁是2c列, 如有一班是英中既應該很好)
知吾知上年自行申請幾多人

歡迎光臨教育王國 (/)