教育王國

標題: 好奇一問，點解家長們要同小朋友做評估？ [打印本頁]

作者: sukilau72 時間: 14-5-30 23:36 標題: 好奇一問，點解家長們要同小朋友做評估？

如題！

作者: hinhei 時間: 14-5-31 00:19 標題: 回覆：好奇一問，點解家長們要同小朋友做評估？

希望了解佢因邊方面能力弱而幫佢。

我曾經好猶疑，由佢未夠兩歲巳不停有唔同人同我講佢係資優，但我一直無理。到佢上到小學，佢越嚟越難教，我亦都只係著重點可以教好佢。
直到有一日同我姑奶傾計，佢再次叫我帶佢評估，我話其實我覺得佢有時真係好蠢，我怕check完令你哋失望。
但她的回應，另我改變諗法。
你唔好誤會，我叫你帶佢評估，不是睇佢有幾叻，而是搵出佢的弱項來幫佢。
我給她一言驚醒！因佢還有好多我不能理解的問題，希望能在評估中找到答案。如佢常常發惡夢，諗嘢負面等，我好希望經評估CP能比到方法我。

結果係一個好出奇的結果.....
CP 亦比咗好多意見比我去同呢個奇特兒童成長。

作者: hinhei 時間: 14-5-31 00:24 標題: 引用：希望了解佢因邊方面能力弱而幫佢。我曾經

原帖由 hinhei 於 14-05-31 發表
希望了解佢因邊方面能力弱而幫佢。

我曾經好猶疑，由佢未夠兩歲巳不停有唔同人同我講佢係資優，但我一直無 ...

補充
佢今次的評估結果只令我覺得奇怪，無乜幫到我。

反而哥哥好耐之前做的，結果係真係幫到我。哥哥係因為有另外的症狀，所以需要評估。

作者: sukilau72 時間: 14-5-31 12:37 標題: 引用：Quote:原帖由+hinhei+於+14-05-31+發表希望

原帖由 hinhei 於 14-05-31 發表
補充
佢今次的評估結果只令我覺得奇怪，無乜幫到我。

多謝你既詳細解釋，其實資優既小朋友係好事定壞事呢？睇件好多資優既家長都話小朋友性格、行為上出現問題既⋯

作者: hinhei 時間: 14-5-31 23:40 標題: 回覆：好奇一問，點解家長們要同小朋友做評估？

我覺得好壞參半。
在我而言，學術方面真係唔洗點擔心。但她的固執，主觀，頂嘴，甚至用辦法對付我....我真係日日練eq, 日日噴火！
但其實每個小朋友都有佢難教的一面，只係聰明的小朋友要用比佢更聰明同要超有耐性咁教佢。
所以我的精神暫時都只全放在教好佢做人，其他只順其自然，不想因資優變成壓力。

作者: 小曳人 時間: 14-6-1 20:09

當初係因為脾氣臭，硬頸，好想帶佢上EQ班，但資優兒EQ班要睇評估報名，所以去咗做評估
結果有d意外，因為確認佢之後，我唔當佢常人看代，脾氣好咗少少，但依然硬頸！

作者: papaof2 時間: 14-6-4 10:25

提示: 作者被禁止或刪除內容自動屏蔽

作者: hinhei 時間: 14-6-4 21:42 標題: 回覆：好奇一問，點解家長們要同小朋友做評估？

可惜我不覺重視，只有迷惘。

作者: sukilau72 時間: 14-6-4 23:09 標題: 回覆：好奇一問，點解家長們要同小朋友做評估？

其實資優小朋友係咪多數都係IQ高，但EQ情緒又比其他小朋友低呢？

作者: Aerosol_Ma 時間: 14-6-9 16:23

回覆小曳人的帖子

有小小同感. 我有時也不當我的小朋友為"小朋友." 尤其是關於他的長處, 我當他高小或"奇人"看待.

作者: 小曳人 時間: 14-6-9 17:42

sukilau72 發表於 14-6-4 23:09
其實資優小朋友係咪多數都係IQ高，但EQ情緒又比其他小朋友低呢？

未必一定，但好多時都會面對：點解教極都唔明架？！
佢地要花d時間，先明白其實係自己太快，唔係其他人太慢，但最慘係...佢地未必好脾氣去等！

作者: hinhei 時間: 14-6-9 23:57 標題: 回覆：sukilau72 的帖子

其實都唔係EQ唔eq, 我覺得係佢哋入面能力同出面能力唔成正比，再加年齡框框，結果諗嘢怪怪的不同常人，身邊人又不理解，eq 真係要超高才能忍得到。
再加上佢哋eq 只係佢哋實際年齡，點勞駕高於佢年齡的iq呢！

歡迎光臨教育王國 (/)