教育王國
標題: 點樣令小學生有主動學習，求知慾的心？自己緊張自己的事 [打印本頁]
作者: alison422 時間: 23-7-12 09:04 標題: 點樣令小學生有主動學習，求知慾的心？自己緊張自己的事
如題
作者: Rtonon 時間: 23-7-12 09:08
家長求知慾高，每遇事情就學習再實踐，小朋友就會一樣
作者: alison422 時間: 23-7-12 09:28
Rtonon 發表於 23-7-12 09:08 
家長求知慾高，每遇事情就學習再實踐，小朋友就會一樣
我已經好高，我自己預習佢本數學書，試如何找因數，確保吾漏，我找左方法，佢糸旁邊睇TV，跟住好吾願意問，糸米預習呀？好似我讀書咁
作者: Rtonon 時間: 23-7-12 09:31
alison422 發表於 23-7-12 09:28
我已經好高，我自己預習佢本數學書，試如何找因數，確保吾漏，我找左方法，佢糸旁邊睇TV，跟住好吾願意問 ...
你get錯我意思
我意思係家長對自己嘅事好認真，佢旁邊睇，佢就會對自己嘅事認真！
而家你係做咗佢嘅嘢，咁佢咪冇嘢做囉！你緊張佢嘅嘢，佢何必緊張？
作者: alison422 時間: 23-7-12 09:33
Rtonon 發表於 23-7-12 09:31
你get錯我意思
我意思係家長對自己嘅事好認真，佢旁邊睇，佢就會對自己嘅事認真！
糸，咁點樣令佢緊張返自己嘅野？我吾緊張，佢繼續 hea
作者: Rtonon 時間: 23-7-12 09:36
alison422 發表於 23-7-12 09:33
糸，咁點樣令佢緊張返自己嘅野？我吾緊張，佢繼續 hea
咁要睇你小朋友幾大啦
自律不如好習慣，習慣要從小做起！
好似成屋都係書，屋企又冇人習慣睇電視，只會夜晚睇新聞，小朋友自自然然會拎書睇。
作者: alison422 時間: 23-7-12 09:38
Rtonon 發表於 23-7-12 09:36
咁要睇你小朋友幾大啦
自律不如好習慣，習慣要從小做起！
拎書睇，睇新聞，我已培養到！
升小四！可能我太緊張佢D野，令佢依賴左！我想扭轉呢個局面！如何是好？
作者: Rtonon 時間: 23-7-12 09:39
alison422 發表於 23-7-12 09:38
拎書睇，睇新聞，我已培養到！
升小四！可能我太緊張佢D野，令佢依賴左！我想扭轉呢個局面！如何是好？
本帖最後由 Rtonon 於 23-7-12 09:41 編輯
係仔仔就麻煩
囡囡易改變D
作者: alison422 時間: 23-7-12 09:40
Rtonon 發表於 23-7-12 09:39
係仔仔
女
作者: Rtonon 時間: 23-7-12 09:42
alison422 發表於 23-7-12 09:40
女
女仔應該會聽媽媽話，可以動之以情
作者: alison422 時間: 23-7-12 09:53
Rtonon 發表於 23-7-12 09:42
女仔應該會聽媽媽話，可以動之以情
佢吾蠢，讀書ok, 衰心急，同埋冇個心去記自己錯嘅野，又冇好勝心！
我想令佢好似我主動去學找因數，吾糸我去餵佢！我深信佢主動学，效果一定好過我去餵佢
作者: minichong28 時間: 23-7-12 09:58
同學讀書氛圍都好重要, 如果同學之間有良性競爭, 加上家長本身有要求, 小朋友多數都會緊張自己做既事情
作者: alison422 時間: 23-7-12 10:00
minichong28 發表於 23-7-12 09:58
同學讀書氛圍都好重要, 如果同學之間有良性競爭, 加上家長本身有要求, 小朋友多數都會緊張自己做既事情 ...
佢覺得自己好ok, 今次吾好，米下次努力！
作者: alison422 時間: 23-7-12 10:02
minichong28 發表於 23-7-12 09:58
同學讀書氛圍都好重要, 如果同學之間有良性競爭, 加上家長本身有要求, 小朋友多數都會緊張自己做既事情 ...
本帖最後由 alison422 於 23-7-12 10:04 編輯
收番！佢吾比，覺得自己ok
作者: 加樂爹 時間: 23-7-12 11:30
想下樓主題目:
1. 主動學習: 樓主是否想阿女專注在學校課程? 或是發起對其他興趣學習?
2. 求知慾心: 是那一方面求知? 學校課程, 或是日常生活, 甚或天文地理課外求知?
3. 自已緊張的事: 先了解下阿女生活上有甚麼緊張的事, 包括看電視, 睇書, 玩...(玩什麼?)
以上幾種, 可能樓主認為應該是一致連貫.
但當有了基本了解後, 樓主可能發現你其實想要什麼?
例如, 樓主根本只係想佢溫好書, 而阿女就大既溫完就算...未上心.
那麼求知慾; 緊張自已的事, 這兩點, 根本對不上, 亦不用對上.
處理方法, 不用針對要加強求知慾; 緊張自已的事.
就是硬道理, 阿女要有規律, 責任, 讀好書.
當然, 雖然說是硬道理, 實行不能硬, 要有誘因, 規舉規範, 及溝通.
例如, 專注溫習時間, 教導方法, 補習(較深的增潤課程), 鼓勵佢完成目標, 可以自己編配自間做其他事....
作者: alison422 時間: 23-7-12 13:04
加樂爹 發表於 23-7-12 11:30
想下樓主題目:
1. 主動學習: 樓主是否想阿女專注在學校課程? 或是發起對其他興趣學習?
2. 求知慾心: 是那一 ...
好多謝你的引導問題，
我主要想佢对學校課程有多D兴趣去学，
佢想学，自然上心
緊張佢自己學校的事，例如吾好整吾見D file...等等
緊張下自己的成績，想下点解錯，点樣避免下次錯，点樣令自己進步
呢D系我想佢做到！吾想我仲緊張过佢！
作者: 加樂爹 時間: 23-7-12 14:47
其實，有無EK家長可以分享子女，如何因為喜愛學校課程而讀書？
我想好小，都是順從多，得到鼓勵，又或是好勝心強，再或是本身真聰明，輕輕鬆鬆讀下就考得好。
為興趣....我覺得可以，不過家長付出好多！
我想不能夠單是在學科上有興趣，而是整個人對事物有興趣，學科習只是一個窗口，比佢挑戰，甚或是show off, 而得到鼓勵。
這樣，你便成功地把興趣與學科配對上了。
作者: 加樂爹 時間: 23-7-12 15:04
本帖最後由 加樂爹 於 23-7-12 15:07 編輯
我仔都是三升四年級, 我覺得三,四年級正是他們腦袋發展好去吸收, 分析, 討論既時候.
二年級或前, 太依順了, 又或是根本仍專注自己, 好難去反覆討論, 假設, 辨論 (不是說駁咀).
要增加興趣, 可能要評估佢地有興趣既scope 有幾闊, 呢個係你二年級之前劃出黎個圈有幾大!
當然, 小朋友能力有幾強, 影響到佢會唔會繼續跟你個圈去學習.
去到呢度, 先諗下用什麼模式, 活動, 去令到佢在這個學習圈裡面找到興趣.
有左呢個學習模式, 便可以拉回到學校課程, 有興趣有能力既學.
**除非小朋友是IS, 或pre-IB 學校課程, 由小一起, 已經教小朋友自行找尋興趣, 知識. 學校在初小, 已經引導他們"自已" 找尋學習既圈子, 不是drill 題目模式.
作者: 加樂爹 時間: 23-7-12 15:17
以上是我的想法, 不一定對, 都是邊行邊想....
大部份家長, 都是"企硬", 要你做便做罷, discipline 重要, 學校課程重要, 其他為興趣都係次要.
所以, 我在起初想說明, 其實有其他方法去令阿女專注學習.
作者: pwhr 時間: 23-7-13 08:36
為何不選擇照顧小朋友起居飲食至大學畢業?
作者: 加樂爹 時間: 23-7-13 10:49
pwhr 發表於 23-7-13 08:36
為何不選擇照顧小朋友起居飲食至大學畢業?
重唔重要? 其實要視乎家長了解及看待幼兒, 小學, 中大學既分教育分別.
不過. 如果仔女叻, 真係唔洗多做!
作者: 加樂爹 時間: 23-7-14 09:23
樓主....另外仲有一個方法.
阿仔之前去MC補數學, 但始終太依循學校課程, "規規舉舉"步驟, 漸漸流於"交功課"式學習.
我想就是你講既"唔上心" 態度.
機緣之下, 識左另一個私補, 開頭覺得佢好串, 但後來發現佢D數學好勁.
幾次, D測驗卷唔洗比佢答案, 比佢5分鐘, 全部做晒, 仲可以chellenge 其中一兩題有爭議既題目.
阿仔覺得佢好勁, 呢個暑假我便叫佢跟阿SIR 學.
裡面, 數學可以有好多門路, 我不是要專門什麼奧數之類, 只是說多一個激發小朋友學習方法.
我都是邊走邊想....
作者: 加樂爹 時間: 23-7-14 09:51
另外, 因為我同阿仔都打網球, 昨晚睇溫網間, 轉左去Beinsport 台, 見到有種Padel 既球類運動, 好像是網球+壁球既運動. 睇下睇下, 我叫阿仔留意佢玩法, 同時間Google 下規則, origin, 有什麼大賽, player ranking, 打法, 球拍/球規格類型....呢半個鐘, 佢好似做個project 咁.
正好, 呢個暑假佢想做youtuber KOL, 但想不到有趣題目.
我便提議佢, 再鑽深D資料, 整理, 然後做一個10-15分鐘KOL 影片介紹.
當然, 到時做影片有很多拍攝, 剪片等安排...我都要學, 要google 下.
(所以, 我角色係partner, opinioner (not leader), 參與者, 激勵者, 甚或部份執行者)
認清自己不同角色好緊要, 我欣賞樓主想提升阿女既學習興趣, 但呢個係一個既長期又闊既方向.
作者: alison422 時間: 23-7-14 11:26 標題: 回覆樓主:
agreed for 又長又闊嘅方向
作者: alison422 時間: 23-7-14 18:53
加樂爹 發表於 23-7-13 10:49
我認為樓主沒有問題, 要考慮的是怎樣行, 目標是什麼.同營運一間公司一樣....樓主不是過份照顧孩子, 而是要 ...
你說出了我心底話，我想佢明白讀書為自己，不是為我！小一小二，太細，我要幫佢温書，小三，我已想佢開始有概念自己用咩方法温書！小四，佢更加要着緊自己嘅野，不可再依賴我！
作者: lambeanmama 時間: 23-7-17 00:07
這是一個很好的討論。我覺得家長的角色是陪伴者、引領者、激勵者；但不會是領導，更不可以是部份執行者。讓小朋友在成長過程中多點空間和留白；讓他們自己尋找興趣從而學習。
我小朋友都是升四年級，有時都好Hea, 我不會鬧「點解咁Hea」，我會問「有甚麼可以令佢更認真看待學習事宜」。佢俾咩理由答案我都好，我會接受、認同；然後再引領佢。佢地開始大，吓吓鬧都唔係辦法，我希望佢多思考，做個有諗法嘅人。
講也不易，做就更難。步入青春期前，打好學習態度基礎十分重要。
作者: 小曳人 時間: 23-7-17 03:00
本帖最後由 小曳人 於 23-7-17 03:02 編輯
其實，真係好難要孩子"愛學校課程"
因為做功課/默書/測驗/考試呢堆野，一來要下功，二來會有機會被鬧
相反，我會為咗孩子嘅學習動機，鼓勵佢去學自己鍾意嘅野，學常識，睇比學校課程較深嘅百科書，有唔明白嘅~就同佢一齊揾答案
响樓主嘅標準之下，我應該幾失敗:
阿仔唔鍾意返學，交唔齊功課，考試hea考 (or 好快就話溫完書)操行一般，老師唔鍾意佢 (特別係數學老師)
(註: 我兒係 band 1A成績~)
作者: 964000 時間: 23-7-19 10:54
alison422 發表於 23-7-12 09:53
佢吾蠢，讀書ok, 衰心急，同埋冇個心去記自己錯嘅野，又冇好勝心！
我想令佢好似我主動去學找因數，吾糸 ...
本地小學課程和形式太悶，離不開單向學習，回家抄背，回校測考模式，小朋友提不起興趣，聰明的小朋友求其交差算，靠「好勝心」，分數奬狀等是外在動機，培養內在動機更重要。
另外父母跟得太好亦會依賴，高小/初中會好D。
作者: jasminejade 時間: 23-7-23 08:27
alison422 發表於 23-7-12 09:04
如題
本帖最後由 jasminejade 於 23-7-23 08:28 編輯
我小朋友快小一
暫時我發現佢開始緊張自己升小一情況。會提點我要買書包，買用品準備上學。雖然佢仍K3 生、但早前學校默書、佢主動叫家人日日幫佢默書溫習，發現寫錯會自己會抄寫多幾次、番學前仲預習抄寫。老師講及佢上堂好專心、從來唔會俾身邊人影響到，有老師講佢係求才若渴的心。我想呢啲小細節我見到佢見到佢將來讀書的心，但我仍未知升小後會唔會保持，但我自己都覺得好神奇。
作者: pkjanel 時間: 23-7-23 18:20
同路人! 留名學野....
作者: jasminejade 時間: 23-7-23 20:18
964000 發表於 23-7-19 10:54
本地小學課程和形式太悶，離不開單向學習，回家抄背，回校測考模式，小朋友提不起興趣，聰明的小朋友求其 ...
同意。本身學習過程悶到咁，讀書點會有興致。要知道大多學校教育模式仲係80-90年代模式。仲有呈分試，又一個令學習方向係求分數。
培養責任感好重要。做家長要識得放手。
作者: melolo317 時間: 23-7-27 10:42
同意樓上所講，而家始終好多嘅學習模式都仍然係分數主導，要佢自己有心去做先得。
以我自己嚟講，初小時候的而且確好難放手，往往係自己緊張過小朋友。開始步入高小，要慢慢放手，例如平時嘅功課、小測、默書之類，我唔會再捉住佢溫，最多只係提下佢幾時有測驗。開頭嘅時候成績當然炒晒啦，甚至老師都試過「關注」然後係佢自己覺得唔可以再咁樣，有動機去自己搵方法改變，例如自己溫完，會主動要求我同佢複溫咁…
好明白樓主心情，大家都係摸着石頭過河。目標不變，試多幾個唔同嘅方法，總會搵到適合小朋友嘅。
作者: 天外之人 時間: 23-8-1 11:55
lambeanmama 發表於 23-7-17 00:07
這是一個很好的討論。我覺得家長的角色是陪伴者、引領者、激勵者；但不會是領導，更不可以是部份執行者。讓 ...
作者: Jean1769 時間: 23-8-1 13:15
alison422 發表於 23-7-12 09:28
我已經好高，我自己預習佢本數學書，試如何找因數，確保吾漏，我找左方法，佢糸旁邊睇TV，跟住好吾願意問 ...
咁搞法，家長好唔得閒。呢個世代的家長，就係做得太多，而唔係做得太少。
如果我係細路，我媽咁緊張，我駛鬼緊張咩
作者: snakesnake2013 時間: 23-8-4 11:28
我小朋友升小四. 我睇左教育家既書, 佢本書叫家長- 放手
1. 小朋友要有自主權, 即每日温幾多, 温那一科等等, 要父母同佢討論, 請佢解釋每一個安排, 做家長細心傾聽, 比意見, 但最終話事權係小朋友.
2. 小朋友要明白ownership, 佢既事情, 功課, 温習時間表, 等佢自己定, 大人比意見點樣完善, 佢唔做就講清楚個結果比佢聽, 等佢明白凡事都有結果. 真係無做, 欠交, 老師罰, 都等佢自己去bear. 但做父母唔好話佢, 返到來只要講返, 呢個就係你當日決定唔做功課既後果, 我地一起去處理吧!(但都係交比個小朋友自己execute)
3. 佢付出努力要visualise 出來, 比如貼紙, 日記mark低，chop, 我囡就鍾意用玻璃樽儲marbles, 每一日做好要做既事情， 就放一粒， 到某個數量就換gifts.
4. 咩情況下父母都係平心靜氣 小朋友學習自律， 唔會一步登天， 係少少，再少少咁改善。 所以當中失敗， 做唔到， 人之常情， 我地反而要讚小朋友失敗後ｋｅｅｐ 住嘗試．
我囡升小四， 我跟書本咁訓練， 而家暑假每日按時間表自己做好功課， 睇中英文書， 仲收拾好張書枱～ 所以心理學家既放法真係wｏｒｋ！
作者: 加樂爹 時間: 23-8-4 15:01
snakesnake2013 發表於 23-8-4 11:28
我小朋友升小四. 我睇左教育家既書, 佢本書叫家長- 放手
1. 小朋友要有自主權, 即每日温幾多, 温那一科等 ...
我都認為這正是小三/小四孩子應該行的方向!做到之後, 學校考試成績是幫助了解孩子的弱項, 評估, 改進.
見到家長好介意說, 自己太多參與小朋友學習, 好像是凡有參與的都是過份疼孩子一樣.
又或是, 美其名是讓小朋友自由成長, 實則是家長太愛自己....你既功課, 唔好煩我.
當然, 工作生活太忙, 家長抽不上時間是大部份原因.
我則認為參與無所謂, 但參與什麼? 目標是什麼? 要清晰.
好像snakesnake 說的學習模式, 我相信起始時, 家長很多時要昅實, 了解課程, 抽問...反問...
家長參與不是要"教", 而是要能夠使孩小有反遺, 有效率自我學習.
作者: 加樂爹 時間: 23-8-4 15:15
其實, 除非學校功課好chur. 否則, 我比較鍾意見到小三/小四學生個腦袋, 經常"轉動"緊.不是, 說那種駁咀, 賣口乖, 小聰明...
而是能吸收新事物, 有思想, 推論, 比較, 回饋, 再加新意思....
小三/小四, 不要老是跟大人說話一樣, 犯錯說錯不緊要, 就是給爹看到你腦袋在轉動罷!
作者: 加樂爹 時間: 23-8-4 15:44
本帖最後由 加樂爹 於 23-8-4 15:51 編輯
上月在書局買了一本"3小時掌握速算" 世荗出版, 便決定在暑假給孩子"玩玩" 這個遊戲.
丟下學校書本. 說實在, 香港小學教數學科好差, 我看學校都把數學公式化, 一步一步...從來沒有引發起小孩對數學的觀察及興趣! 我不是要"最強大腦"比賽那種能力, 但是對數字, 就是對四則運算, 圖形...都應該有個立體認識, 能夠嘗試用不同方法思考罷!
書中例子:
284 X 5
學校一定要學生照用乘法; 但是這樣欠了觸角, 就是284 X 10 / 2 = 2840 / 2 = 1420.
35 X 18
用二位數乘, 連大人都不願計算.
但是, 細心一看, 5是35, 2是18的倍數...
意思來了, 5 X 2 X 7 X 9 = 10 X 63 = 630
* 當然, 你亦可以折成 35 X (20-2) = 700-70 = 630 都可以...最重要是有思考!
這樣的一堆數字運算, 大家一同玩, 一同想最合適方法, 才有趣罷!
話說回來, 有須要的是家長參與, 就是學校/補習社教同一樣的東西, 都不如家長與他"玩數學" 的感覺!
作者: snakesnake2013 時間: 23-8-5 00:14
加樂爹 發表於 23-8-4 15:01
我都認為這正是小三/小四孩子應該行的方向!做到之後, 學校考試成績是幫助了解孩子的弱項, 評估, 改進.
見 ...
Exactly! 書都有提到，放手唔等於置之不理. 小朋友成長路上，父母就係最佳既引導者.
但中間要放幾多，收幾多，唔可以一概而論.
書中建議，父母同小朋友傾好一個目標，係雙方都接受的.
如果小朋友做唔到，家長就再了解小朋友做唔到原因（但唔係責怪的），大家討論下有咩方法解決. 如果係小朋友能力問題，就調低目標. 相反，如果小朋友好快做到，家長可以慢慢引退， 同時逐漸提高目標，等小朋友慢慢進步.
但有一點必須注意！小朋友是主導者，比佢覺得自己drive 成件事，係佢既responsibility.
作者: jasminejade 時間: 23-8-5 19:47
加樂爹 發表於 23-8-4 15:44
上月在書局買了一本"3小時掌握速算" 世荗出版, 便決定在暑假給孩子"玩玩" 這個遊戲.
丟下學校書本. 說實在 ...
本帖最後由 jasminejade 於 23-8-5 19:49 編輯
應該係早十多年前美國有一個教授用呢套新教學方法 中學的數都教得有趣
佢好似有出書
呢個影嚮學校教法 令好多學生愛上數學
作者: jasminejade 時間: 23-8-5 19:53
snakesnake2013 發表於 23-8-4 11:28
我小朋友升小四. 我睇左教育家既書, 佢本書叫家長- 放手
1. 小朋友要有自主權, 即每日温幾多, 温那一科等 ...
謝謝你分享
我認為而家真係有好多好書分別教育心得
可能都係我自己嘅偏向
書本主題普遍愈來愈強調加強小孩soft skills
可能呢樣真值得我地多做
學習如何適當地放手
| 歡迎光臨 教育王國 (/) |
Powered by Discuz! X1.5 |