教育王國
標題: 留港升學vs海外升學 [打印本頁]
作者: yyk1009 時間: 21-5-28 23:55 標題: 留港升學vs海外升學
本帖最後由 yyk1009 於 21-5-28 23:56 編輯
純粹發表下,身邊一半朋友親人準備移民或已經移左民,自己仔女就留港等升中,見咁多人放棄留響香港,人人都話為仔女走,目的為仔女可以海外升學。留港升中,升大學真的無前途? |
作者: stillgood20 時間: 21-5-29 08:33
yyk1009 發表於 21-5-28 23:55
每個人/家庭/小朋友有不同的能力,背景,認知,際遇…
但肯定, 成功率不會是一樣.
就算在香港,成就的機會是否因一部份人離開而減少?
舉例, 究竟,拔萃,是因為有學生,而成就拔萃.
拔萃學生全走了, 那拔萃便完全變樣?
拔萃自己有自己歷史,文化,系統…學生一年復一年,更替…
究竟觀點是唯人,還是唯物.
選對自己的路,便可.
如果,真的為子女著想, 要詳細分析, 要有足夠'認知'.
作者: annie40 時間: 21-5-29 20:16
本帖最後由 annie40 於 21-5-29 20:19 編輯
yyk1009 發表於 21-5-28 23:55
樓主,
以個人有限的見識所知,留學畢業生和香港畢業生,在香港工作待遇上是相同或差距不大的。而在英國,一般工作薪酬是比香港低,而稅率卻比香港高。
英國政府的免費中小學,跟香港相同,是按所住地址區分的,中上階層住宅區的學校學生平均成績和校風比較好,而其他地區次之。另外有些地區會多一些grammar schools,grammar school就類似我們的brand 1,學生憑家庭住址和成績考進去的,每年退學的學生很少,因此不容易插班考入。進不了grammar school 而又覺得平民學校校風不良的,一般會去讀私校,私校學費是數十萬港元一年,依然有不少英國白人孩子入讀。
孩子教育,從來沒有「靈丹」和「不死藥」,那怕父母已經「步步為營」,也未必能阻擋「步步驚心」。總之自己孩子自己教,其他的量力而為便是。
作者: stillgood20 時間: 21-5-30 09:56
annie40 發表於 21-5-29 20:16
樓主,
以個人有限的見識所知,留學畢業生和香港畢業生,在香港工作待遇上是相同或差距不大的。而在英國, ...
究竟, 要離開的,是由於教育因素?而,最終有多少同學得到優質教育?
作者: Yanamami 時間: 21-5-30 13:53
身邊一半親友離港咁多?難以至信呢~
作者: b3410 時間: 21-5-30 18:11
同事,一個都未走。
朋友,總共兩個家庭送子女出去讀書。
又有幾個細路過來香港讀大學/研究生。有人走也有人來,大家選擇最適合自己家庭的。
作者: annie40 時間: 21-5-30 20:44
自己比較多年近退休的朋友,其中兩位打算退休後回加拿大溫哥華,兒女已經上大學,原因是工作多年用機構的房屋津貼租大屋或住無敵海景豪宅宿舍,未有在港置業,退休後不易在港生活。
另一位是外藉機師家庭,肯定復工無望,提早退休回加算了。
其他有工作有家底人士,選擇多多。
作者: yyk1009 時間: 21-5-30 22:59
Yanamami 發表於 21-5-30 13:53
身邊一半親友離港咁多?難以至信呢~
我只計後生的親友,年長少少的不計在內,的確有半數喎
作者: stillgood20 時間: 21-5-31 08:50
本帖最後由 stillgood20 於 21-5-31 08:52 編輯
annie40 發表於 21-5-30 20:44
自己比較多年近退休的朋友,其中兩位打算退休後回加拿大溫哥華,兒女已經上大學,原因是工作多年用機構的房 ...
如果唔係世界疫情,本想今年去加拿大睇楓葉.
探親。度假。
可能要下年秋天了.
作者: stillgood20 時間: 21-5-31 09:02
yyk1009 發表於 21-5-30 22:59
我只計後生的親友,年長少少的不計在內,的確有半數喎
最近参加了一個歡送會.可以理解一些群組的力量.
所以,有半數不是出奇.
可能, 接觸了,未決定的,
心態都响往.
其實, 每個人都有命運和際遇.
隨心所欲.
隨機應變.
隨遇而安.
作者: annie40 時間: 21-5-31 10:40
本帖最後由 annie40 於 21-5-31 10:47 編輯
yyk1009 發表於 21-5-30 22:59
我只計後生的親友,年長少少的不計在內,的確有半數喎
國際學校年輕媽媽朋友,告訴我的訊息也是如此。她丈夫是英藉華人,向她查詢移民生活和申請的媽媽群,不繼其數,她說幾乎可以去收費做移民僱問了。
想是不同年齡層有不同需求吧。
如果移民是追求更美好生活為前題,無論落腳點在那兒,要對自己有足夠認知,對移民地有足夠認識,這樣才容易迎接人生新樂章呢。
作者: NKpa 時間: 21-6-1 14:03
回覆 yyk1009 的帖子
本地大學對留港工作是有用的。
離港的家長嚮往的是外地教育和生活。 |
作者: gigayan 時間: 21-6-3 14:01
Yanamami 發表於 21-5-30 13:53
身邊一半親友離港咁多?難以至信呢~
阿女小學P6同班同學, 今年大約5-6個都去咗外國, 有一家人去, 亦都有自己去留學。
作者: twobirds 時間: 21-6-18 21:04
NKpa 發表於 21-6-1 14:03
回覆 yyk1009 的帖子
亞仔同我講他們學校的學霸沒人走,反問點會捨得走?呵呵...佢可能太愛自己間學校了
作者: vincentchiu888 時間: 21-6-22 18:32
多人去外國係真
作者: Cara2006 時間: 21-6-23 17:09
yyk1009 發表於 21-5-28 23:55
留港升中,升大學真的無前途?
留港 vs 離港。
每個家庭背景和狀況唔同,當然做的決定也不同。
其實,人哋選擇係點,又唔需要太上心。
移民與否,睇自己啦。
冇話留港好,定離港好嘅。
你問著一個就走的人,佢梗係話去外國好啦。
你問著一個唔會走的人,佢梗係話留香港好啦。
你唔走,就唔走囉。
唔洗理人地。
作者: Azzurro 時間: 21-6-28 07:44
https://zh.wikipedia.org/wiki/香港移民潮
https://zh.wikipedia.org/wiki/香港回流潮
這一波移民潮的將來我沒法說
但是過去移民潮的結果就擺在眼前
作者: ANChan59 時間: 21-6-29 07:48
Cara2006 發表於 21-6-23 17:09
留港 vs 離港。
每個家庭背景和狀況唔同,當然做的決定也不同。
其實,人哋選擇係點,又唔需要太上心。
Well said.
作者: stillgood20 時間: 21-6-29 09:01
本帖最後由 stillgood20 於 21-6-29 12:36 編輯
Cara2006 發表於 21-6-23 17:09
留港 vs 離港。
每個家庭背景和狀況唔同,當然做的決定也不同。
其實,人哋選擇係點,又唔需要太上心。
留離並不是什麼問題。
不過, 有部份要離開,(或已離開的).
意識形態十分離奇.
好像, 外媒作假(誇大)台山核電廠,
香港未見報導,
英國已傳來WhatsApp.
再附加一些諷刺言論.
(太太跟我說, 我回應:他們對核科技有多少知識?
等一兩天, 新聞報導才去理性理解,,)
要走,不要留.正常合理.
十分支持,
然而,唔好把自己標榜得太高,
人家太低.叫人反感.
(抱歉,個人心聲)
過去多少年,身邊都有親友移民.
都衷心祝福每位親友在國外生活愉快.
現在, 舖天蓋地, 在自己移民立場上, 做很多註脚.
P.S.在台山核電事故沒有新發現.
我簡易跟太太講解一下.
核電原理,核電廠結構,危機處理,
中國核水平.
理性的事.
近年都加上意識形態.
但,事情總要面對現實.
這才是教育!
作者: poonseelai 時間: 21-6-29 13:16
stillgood20 發表於 21-6-29 09:01
留離並不是什麼問題。
不過, 有部份要離開,(或已離開的).
本帖最後由 poonseelai 於 21-6-29 13:18 編輯
"然而,唔好把自己標榜得太高,
人家太低.叫人反感."
你講那些言論呀,而家官員都講到移民去做乞衣咁
作者: Cara2006 時間: 21-6-29 18:03
stillgood20 發表於 21-6-29 09:01
然而,唔好把自己標榜得太高,
人家太低.叫人反感.
你有朋友覺得移民好 "高"?咁得意?我的朋友又冇喎。
作者: Cara2006 時間: 21-6-29 18:08
poonseelai 發表於 21-6-29 13:16
"然而,唔好把自己標榜得太高,
人家太低.叫人反感."
你講那些言論呀,而家官員都講到移民去做乞衣咁
真係笑死,有啲人一講到朋友移民,就會好肉緊。
作者: stillgood20 時間: 21-6-29 18:34
Cara2006 發表於 21-6-29 18:03
你有朋友覺得移民好 "高"?咁得意?我的朋友又冇喎。
唔係只關移民ge事.只不過有人移民了,
仍散播謠言.
影衰嗰班移民人仕.
你覺得應該支持d人唔fact check.
亂咁將唔可靠消息流傳?
我都講過, 再講一次, 咁多年, 都有親友移民留學.
根本是正常事.
每個人生活有自由.
就算加拿大政府都話,檢視移民政策,
仍然需要留意移民人仕個人身份和背景.
作者: annie40 時間: 21-6-29 22:12
本帖最後由 annie40 於 21-6-29 22:13 編輯
最近加拿大朋友催我移民去加拿大,直覺被冒犯了。自覺在香港住得‘好地地’,實在無福消受外籍好心香港人的「同情」和「熱心」了。
易位思考,讓人覺得「不舒服」的建議,還是少談為妙。
自己移過民,又放棄過綠卡,非常尊重任何人追求或嘗試追求更美好生活。或者曾經亦有‘知得太少而話太多’的發文,令人不適,望諒。
作者: Yanamami 時間: 21-6-30 20:48
本帖最後由 Yanamami 於 21-6-30 20:49 編輯
所以嘛,甲之蜜糖,乙之砒霜。而家呢個年頭唔似以前賣豬仔,移民唔係好似睇食評,見人話好就走去試下間餐廳咁簡單,人人都會做好research, 評估好自己狀況同expectation, 唔係傻更更人做自己又跟既事,去或留,旁人真係唔好多多意見。
作者: poonseelai 時間: 21-7-1 07:06 標題: 回覆樓主:
昨天又一同事last day, 遲下一家四口移民,兩個孩子小學,擔心往後香港教育改變,大人預期做唔返本行,要捱,但為了下一代,決定走。昨日聽分析,近一兩個月,香港每星期淨流走5千人,相信會持續。
作者: Radiomama 時間: 21-7-1 09:07
上個禮拜school year end, 孩子與他的好友慶祝吹水,一講到明年公開試後四散,十幾歲的人兒也會感觸落淚。
往海外升學尚且如此,可以想像大人世界講移民,啲眼淚就足有一公升。
作者: Cara2006 時間: 21-7-1 09:57
移民與否,不用外人説三道四。
朋友圈內,兩種人也有。
一種係日日話香港就死,要快啲走,真係好鬼煩。
另一種,成日提我,香港點好,中國點強,離開就走寶。其實一樣咁煩。
有些人會走,日日唱香港會死。
亦有些唔走,日日笑移民的人。
當然,你自己一家幾口,閂埋門自 high 唔關我事。
但係唔好好似專家咁,教我做選擇。
在我眼中,兩種人都冇品。
作者: October. 時間: 21-7-1 10:24
本帖最後由 October. 於 21-7-1 10:36 編輯
yyk1009 發表於 21-5-28 23:55
朋友中,三家人已移走咗,一家就來走,仲有一個同事女係外國大學畢業,搵到野做,唔返來了。
經過今次,發覺香港有外國pass port既原來唔少,朋友中都有幾家人有。
移民連根拔起,影響好大,自己要慎重考慮。
可以肯定既係,今次BNO移民, 係最冇成本既移民機會,對有意既移民既港人來講係一個好機會。
作者: stillgood20 時間: 21-7-1 11:55
Cara2006 發表於 21-7-1 09:57
移民與否,不用外人説三道四。
朋友圈內,兩種人也有。
一種係日日話香港就死,要快啲走,真係好鬼煩。
E 嗰就係人性.
剛網上睇見一個笑話.
香港點心店Tim好運的台北店, 送點心慰問台北市長柯文哲辛苦抗疫.
報導下來, 網民分兩派攻擊/支持Tim好運.
記者會問柯文哲對事件的睇法.
答: 好食便去食, 唔好食 , 便不去吧!
一間食館也被政治化.
食物質素才是食館的評價.
移民是命運的改變.
不管怎樣去拗?無意義.
總會,有人好,有人差.
因為,每個人的命運不同.
作者: bbc2018 時間: 21-7-1 13:55
本帖最後由 bbc2018 於 21-7-3 00:39 編輯
自己圈子無乜人走,有些已經有passport, 大家大部分仔女讀中或大學,家長和仔女又有能力選讀佢哋自己合適的學校,又好適應,唔少計劃大學才出外留學
以前外國回流親友,今次亦唔見走,反而因疫情,香港老人家年紀大,近二年有二個親人回流,一家團聚!
作者: Yanamami 時間: 21-7-1 22:59
本帖最後由 Yanamami 於 21-7-1 23:02 編輯
Radiomama 發表於 21-7-1 09:07
上個禮拜school year end, 孩子與他的好友慶祝吹水,一講到明年公開試後四散,十幾歲的人兒也會感觸落淚。
...
我阿公阿爺果代已移民歐美,從來我屋企人都係各散五大洋七大洲,所以對移民唔係覺得好生離死別。阿公阿爺果代仲未有互聯網,都係咁過,而家世界距離根本就好近,煲幾套片就到,日日social media都傾到偈……其實我覺得而家帶住細路走既,最慘係留下唔走既老人,見無仔女孫陪。我中學死黨,從未去過留學之類,走左去英國三個月,我就見佢一家好適應。我送佢一家出機場,都無喊。我自己兩個女就係更適應,無乜掛住同學朋友, 佢走時更係突然送佢走,邊有成年時間做心理準備吖。問佢仲有無聯絡,佢地話有啫。我自己部成日同老早移民美加澳中學同學傾偈,C9講下種花傾呢傾路,唔係覺得同佢地距離好遠。
作者: twobirds 時間: 21-7-1 23:25
October. 發表於 21-7-1 10:24
朋友中,三家人已移走咗,一家就來走,仲有一個同事女係外國大學畢業,搵到野做,唔返來了。
經過今次, ...
今時今日,移民真係冇乜嘢,又唔需點慎重考慮,試一試,唔啱彼邦生活咪返來香港囉,啱嘅話咪留低落地生根囉⋯⋯
作者: Cara2006 時間: 21-7-2 01:10
我自己父母和老爺奶奶都係八九十年代移民,兩邊叔伯都多在美國加拿大。
我仔女一直在國際學校,有外國護照的人,比冇外國護照香港人多。
認識的人,移民,回流,一直都有。
見得多,聽得多,有人來,有人走,見慣。
作為朋友,人地選擇去,留,只有祝福,冇乜好批判。
如果睇人唔順眼,不如不見。
作者: annie40 時間: 21-7-2 08:53
本帖最後由 annie40 於 21-7-2 12:51 編輯
回歸前的移民發達國家人士是三大類:
A)投資移民,帶住幾千萬以上過去諗住做生意,開餐廰
B)技術移民,因為這類技術職業是在當地有需求,可以很快被當地職崗吸納。
C)家人團聚,家人在當地有一定資產,現金,工作和住宅,可以中短期接濟新移民親友,幫助他們盡早融入社會。
移民條件算唔算苛刻?有以上條件咪easy囉。
有人提及現在移民門檻成本最低,幾乎無成本,想移民者心動了。這個合乎邏輯。
在邏輯思考中浮遊時,又思考到發達國家為何把多年奉行的移民門檻降低到近乎「無任歡迎」的零。可能性或許如下:
1)是發達國家突然佛系的慈悲了嗎?來者無拒,救得一個是一個。
2)是政治?是經濟?需求
3)或是時間就是一把豬殺刀,美人已經不再美麗,品味改變,開始追求小清新。又或發達國家已經無咁發達,甚至唔多發達而褪減吸引力。從前懶得入法眼的「移民類別」,現在變得十分吸引?
4)或其他,歡迎提議。
以上純是努力學習邏緝思維下的空想,不喜勿插。
Ps,自己移民,攪來攪去,移來移去,還賺了點物業錢,最後成了移民是假,投資是真。
祝願香港人努力四處‘搵銀’,創造美好明天。
作者: annie40 時間: 21-7-2 12:59
愛人分手,世上最佳的打臉就是廢話少說:
天天努力向上愛自己,活得比你好。
海內外華人,各自安好⋯⋯⋯⋯⋯⋯
作者: stillgood20 時間: 21-7-2 18:02
annie40 發表於 21-7-2 08:53
回歸前的移民發達國家人士是三大類:
A)投資移民,帶住幾千萬以上過去諗住做生意,開餐廰
近日,睇了一些,一位香港年青男老師跟太太移民台灣的生活vlog.簡單直接說, 不為金錢.
只為理念.
生活很開心…
e幾日未見updated.
昨日,見台灣教育部出疫苗計劃同意書.
簽名願意接種疫苗,不可選疫苗來源.
都幾搅笑.
作者: annie40 時間: 21-7-2 19:20
本帖最後由 annie40 於 21-7-2 19:21 編輯
stillgood20 發表於 21-7-2 18:02
近日,睇了一些,一位香港年青男老師跟太太移民台灣的生活vlog.簡單直接說, 不為金錢.
只為理念.
香港人睇得開心就好。祝台灣人生活日日好。
作者: stillgood20 時間: 21-7-3 08:41
annie40 發表於 21-7-2 08:53
回歸前的移民發達國家人士是三大類:
A)投資移民,帶住幾千萬以上過去諗住做生意,開餐廰
有一種叫國家利益.
其實,凌駕所有人性.立場.道德.…之上.
而,往往,國家利益, 會用一些美麗的言語去隱藏著。
唔知,讀政治行政,有無講.
合乎邏輯。
作者: stillgood20 時間: 21-7-3 11:11
本帖最後由 stillgood20 於 21-7-3 11:12 編輯
annie40 發表於 21-7-2 12:59
愛人分手,世上最佳的打臉就是廢話少說:
天天努力向上愛自己,活得比你好。
有关分手, 我有這樣一個親身故事和一首經典的歌曲.
很久了, 也大約三十年了. 我在一台資貿易公司工作, 有天晚上, 經理致電我家, 說去日本公務參觀.
那明天, 自己去領事館辨簽証. 恰巧, 我申請辨証的前一位是王祖賢.
往後, 娛樂新聞, 見到王小姐的報導.
好幾年前 (即是二十多年後) 我看過一個齊秦的個人專訪, 講人生心路歷程, 講他與王祖賢的愛戀,
齊秦, 除了”大約在冬季”名曲,
還有一首. 我特別喜歡的: 夜夜夜夜.
這歌是齊秦失去王小姐, 兩三年後創作的.
“夜夜夜夜” – 第一句: 想問天妳在那裡….
尾段是: 我也不願再放縱…
而那天, 我就正在王小姐的後面排隊.
作者: annie40 時間: 21-7-3 12:19
stillgood20 發表於 21-7-3 08:41
有一種叫國家利益.
其實,凌駕所有人性.立場.道德.…之上.
而,往往,國家利益, 會用一些美麗的言語去隱 ...
國際關係上只有利益,沒有敵人。這些作為政治梟楚的英國最「懂」。
作者: stillgood20 時間: 21-7-3 12:28
本帖最後由 stillgood20 於 21-7-3 12:53 編輯
annie40 發表於 21-7-3 12:19
國際關係上只有利益,沒有敵人。這些作為政治梟楚的英國最「懂」。
Sorry. deleted.
作者: AI1 時間: 21-8-1 12:25
提示: 作者被禁止或刪除 內容自動屏蔽
作者: babachau 時間: 21-9-3 16:24
接受海外教育當然係唔錯啦, 但都要諗下有冇能力負擔啊
作者: annie40 時間: 21-9-5 17:39
babachau 發表於 21-9-3 16:24
接受海外教育當然係唔錯啦, 但都要諗下有冇能力負擔啊
如果感到負擔上有壓力,最好現實地計算一下,成本,時間,回報等。
如果完全無壓力,負擔不大,那無論怎樣選都可以,反正大部份‘試錯成本’,也在承受范圍之內。
作者: annie40 時間: 21-9-5 21:14
Radiomama 發表於 21-7-1 09:07
上個禮拜school year end, 孩子與他的好友慶祝吹水,一講到明年公開試後四散,十幾歲的人兒也會感觸落淚。
...
小人兒初嘗聚散,哭哭啼啼,是真可愛青春啊!
年輕人多幾次經歷人生聚散,欲留留不住,留住人也不一定留得下原來純樸的'友誼小船’。
有日,看雲舒雲卷,花開花落,人間温情和仁愛,卻從來沒有缺席過。
作者: fairplay 時間: 21-11-25 11:32
好多出國留學既原因未必同有冇前途有關,有政治因素,有家庭因素(有親人在那邊方便照顧),競爭因素等等,主要看怎麼樣適合自己小孩。
作者: annie40 時間: 21-11-27 10:38
fairplay 發表於 21-11-25 11:32
好多出國留學既原因未必同有冇前途有關,有政治因素,有家庭因素(有親人在那邊方便照顧),競爭因素等等, ...
有得選,我還是支持孩子海外留學.
作者: annie40 時間: 21-11-27 10:44
annie40 發表於 21-11-27 10:38
有得選,我還是支持孩子海外留學.
因為疫情和政治氛圍,今天留學的孩子和父母,真的不容易。
在此祝願大家平平安安,回頭開開心心回憶“一起走過的日子”
作者: fairplay 時間: 21-11-28 16:33
annie40 發表於 21-11-27 10:44
因為疫情和政治氛圍,今天留學的孩子和父母,真的不容易。
的確是,尤其是疫情和政治氣氛都越演越烈,留學的決定真的越來越難做的,即使有錢。
作者: bbc2018 時間: 21-12-3 07:57
本帖最後由 bbc2018 於 21-12-3 09:17 編輯
對於留在香港升學的,將來就業可能會有更多機會。
保持正面態度和競爭力最緊要!
身邊親友仔女呢2年本地大學畢業的,都找到理想的工作
作者: annie40 時間: 21-12-3 10:23
2020年疫情初期,朋友要求留美的女兒Gap Year 一年,那知疫情拖延久了,美國治安亦愈來愈差,仇亞氛圍下,今年還是出國了。
希望明年暑假左右,一切可以撥開雲霧見青天。
作者: annie40 時間: 21-12-3 10:25
bbc2018 發表於 21-12-3 07:57
對於留在香港升學的,將來就業可能會有更多機會。
保持正面態度和競爭力最緊要!
本地和海㚈學生,求職機會應該是均等,主要還是看人。
歡迎光臨 教育王國 (/) |
Powered by Discuz! X1.5 |