教育王國

標題: 中華基督教會協和幼稚園 [打印本頁]

作者: maymay204 時間: 18-1-31 20:39 標題: 中華基督教會協和幼稚園

啱啱同阿女In K1, 即刻收左。上網完全揾吾到有關嘅資料，請問有曾經讀過或準備讀嘅可以講下呢間學校嗎？

作者: Dragonmama2012 時間: 18-2-4 00:35 標題: 回覆樓主

首先無最好學校，只有最岩小朋友既學校，校長好樂意為小朋友寫小一推薦信

幼稚園課程方面k2先寫字，有net teacher及普通話老師，校舍都大，老師有愛心。但程度不足以輕鬆函接小學，所以我有外報。

作者: maymay204 時間: 18-2-4 00:45

Dragonmama2012 發表於 18-2-4 00:35
首先無最好學校，只有最岩小朋友既學校，校長好樂意為小朋友寫小一推薦信

幼稚園課程 ...

你小朋友讀緊？外報英文班？

作者: Dragonmama2012 時間: 18-2-4 04:33

maymay204 發表於 18-2-4 00:45
你小朋友讀緊？外報英文班？

係。我外補中，英，數

呢間學生多數偏向跳跳紮紮既活動型小朋友，都有少數學術型既小朋友。呢間係適合我小朋友鐘意活動啲教學。我見如果ftm可以自己教就少外補，通常上吓跳舞，唱歌興趣班。

作者: Ronman 時間: 18-2-5 16:56

睇你要求咩啦，如要學術既，呢間唔適合你，佢比較淺。

但如你想小朋友讀得開心，要老師有愛心的話，呢間OK，活動教學，阿女好鐘意。

我女係唔谷得嗰種，所以我對佢學術冇咩要求，只外補英文等佢聽多啲就算了。

作者: maymay204 時間: 18-2-5 17:05

Ronman 發表於 18-2-5 16:56
睇你要求咩啦，如要學術既，呢間唔適合你，佢比較淺。

但如你想小朋友讀得開心，要老師有愛心的話，呢間OK ...

你個女讀緊K1? 我想佢返學讀得開心啲，平時屋企可以自己教多啲

作者: Ronman 時間: 18-2-5 17:28

回覆 maymay204 的帖子

我女讀梗K2喇，其實真係好多因素影響你覺得間學校好唔好。

識得一對師兄師姐，師兄媽媽完全唔關心個仔讀書，完全冇外補，派左寶校基全，宜家一年班過左上學期，佢媽咪話佢成日都班入面頭幾名，做埋班長，深得老師、同學歡迎，返學返得好開心，宜家好自信好鐘意返學。所以佢覺得協和學術都夠升小一。

另外一個師姐，幼稚園時佢媽媽已成日同佢外補。叩門叩到基榮，佢話晚晚補習班做功課做到8點幾都搞唔掂，星期六、日都要再補習，但都仍然keep住尾10左右。所以佢話覺得協和學術唔夠。

同一間幼稚園畢業，都有好大分別架.....

作者: maymay204 時間: 18-2-5 17:39

Ronman 發表於 18-2-5 17:28
回覆 maymay204 的帖子

我女讀梗K2喇，其實真係好多因素影響你覺得間學校好唔好。

六日都要補習好慘啊。。我對個女無咩要求，有個快樂童年就夠，希望佢係呢度讀得開心無壓力。眼見好多小朋友不停補習讀興趣班，真係睇都覺得顛，而啲父母仲覺得未夠。

作者: Kangaroojoey 時間: 18-2-5 19:31 標題: 回覆樓主:

基榮出名功課多同好谷。。。。

歡迎光臨教育王國 (/)