教育王國

標題: 有冇人知培僑書院好嗎？ [打印本頁]

作者: dorachan843 時間: 16-7-10 09:52 標題: 有冇人知培僑書院好嗎？

昨天去佐培僑書院的小一簡介會，佢地原來用人教版的中文書，D小朋友D功課同香港差不多！英文，數學都有好多活動！睇落唔似傳統的學校！係簡介會上，由兩個小一的學生做主持，個男仔架普通話幾好，個女仔嘅英文都唔錯，而且睇落好有自信，有冇人知叫書院好唔好？

作者: sai913 時間: 16-7-10 10:06 標題: 回覆：dorachan843 的帖子

我都想知

作者: adriantai 時間: 16-7-10 10:24 標題: 回覆：有冇人知培僑書院好嗎？

自己去過覺得好就好了

作者: sunflower2000 時間: 16-7-10 10:27

昨天去過簡介會, 印象唔錯, 最緊要睇下適唔適合自己啦。

作者: stockmike 時間: 16-7-10 14:38 標題: 回覆：有冇人知培僑書院好嗎？

簡介會只講oral,唔好淨係睇一兩個人中英文. 每間 top tier 總令人 amazing. 你應該要好似陪審團貢，唔考慮呢個一兩個人的證據，看看其他因素。

作者: morgen 時間: 16-7-11 00:05

面試會考D咩嘢

作者: teambuilder 時間: 16-7-11 07:46

培橋唔止多活動，直頭係活動教學，而且小五小六係唔呈分，如果想中學參加派位就唔好諗。另外培橋數學同中文係普通話教，普通話老師係地道普通話老師，如果唔讚成普教既要諗清楚。

作者: keep-calm 時間: 16-7-11 08:13 標題: 引用：培橋唔止多活動，直頭係活動教學，而且小五

原帖由 teambuilder 於 16-07-11 發表
培橋唔止多活動，直頭係活動教學，而且小五小六係唔呈分，如果想中學參加派位就唔好諗。另外培橋數學同中文 ...

請問是普教數到中六嗎？另外常識是用甚麼語言教授？謝謝

作者: carka 時間: 16-7-11 11:37 標題: 回覆：有冇人知培僑書院好嗎？

常識即成長科，係用廣東話教既不過佢地會幾一啲science加入英文科去教。因為英文係用module分主題教，有my world介紹圍繞我地身邊既職業，有講動物，陸地海洋生物集性，甚至my space講唔同星球

作者: JadeW 時間: 16-7-11 11:44 標題: 回覆：carka 的帖子

五、六年級的成長科會有部份內容以英文教授。
數學六年級都仲係普教數。

作者: daddykei 時間: 16-7-11 12:05 標題: 回覆：有冇人知培僑書院好嗎？

好不好其實真係好個人，反而合唔會適先係重點。如果家長target 活動教學型同少壓力嘅學校，我覺得培僑可作考慮之列！簡介會學校將教學材料，書本等都展示出比家長參考，相信家長已有一定概念學校教學嘅方向。可以好好想想一下自己小朋友的性格和家中教育理念與學校是否一致，不竟一讀12年嘛！

作者: keep-calm 時間: 16-7-11 12:48 標題: 引用：五、六年級的成長科會有部份內容以英文教授

原帖由 JadeW 於 16-07-11 發表
五、六年級的成長科會有部份內容以英文教授。
數學六年級都仲係普教數。

...

請問去到中學也是普教數嗎？謝謝

作者: Joycemom 時間: 16-7-11 12:49 標題: 引用：Quote:原帖由+JadeW+於+16-07-11+發表五、

原帖由 keep-calm 於 16-07-11 發表
請問去到中學也是普教數嗎？謝謝

中學是英數！

作者: ireneyklo 時間: 16-7-11 16:09

今年囡囡回校幫手，我自己都有參觀各個課室，我好欣賞是學校將小一至小六的中、英明文課本和功課給家長看，這樣可以給參觀的家長更了解學校課程。

作者: B__B 時間: 16-7-11 23:35 標題: 引用：昨天去佐培僑書院的小一簡介會，佢地原來用

原帖由 dorachan843 於 16-07-10 發表
昨天去佐培僑書院的小一簡介會，佢地原來用人教版的中文書，D小朋友D功課同香港差不多！英文，數學都有好多 ...

培僑係咪有幾間？
柴灣、大圍

作者: dorachan843 時間: 16-7-12 18:04

好多謝各位家長嘅分享！我尋日幫個仔報咗培僑書院啦，如果你哋都有興趣，可以用以下係佢哋嘅網上報名link:
http://218.189.203.178/admission/
回應樓上嘅家長：喺柴灣嗰間好似叫做培僑小學。

歡迎光臨教育王國 (/)