教育王國
標題: 贏在中途站 [打印本頁]
作者: dativebond 時間: 16-7-5 18:41 標題: 贏在中途站
點解個個都話贏在起跑線，乜春都學，又非洲鼓又盛，入到好中學又點？唔見得一定入到好大學，雖然因為朋輩關係個機會係大D。同埋，入到好大學又點？係呢個社會要成功（除左要專業資格果類）往往最重要都唔係學歷，極其量只係一張入場卷，要成功其實講到尾都係個人醒唔醒和態度，唔係要讀書叻。
不過講得太遠，我就只集中講入大學呢個中途站，因為我雖然唔完全認同，但我相信大部份家長最終講所謂「贏」或「輸」都係講呢方面。
個思路而家成日話要入好大學就要入好中學，要入好中學就要入好小學....如此類推，推到要計埋出生月份？但其實要入好大學係香港既制度真係唔駛你入好中學，你考好DSE就得。
其實大部份小朋友最後都係考DSE，點解唔係小學或初中就開始教佢入面一D key concept，譬如經濟學既供求、生物學既身體結構運作、物理既光學。。。等等？
譬如如果我以前讀理科咪買本而家既DSE Physics Chem Bio自己重溫下，之後諗個有趣既方法同佢講。又例如科學館有個鏡子館，其實咪就係講緊高考物理學既光學囉，佢玩緊既時候又可以同佢講下唔同鏡子的原理，唔係玩完就算，都唔知背後原理。
唔駛講得好深，但概念要準確，簡單既概念應該會有少少入左小朋友個腦，佢地學野咁快。當十萬個為什麼咁講，或者當係故事咁講。讓小朋友唔駛係高中先勁趕先學，連past paper都唔夠時間做，又無時間比佢沉澱知識。呢樣先係贏在中途站。
反而細細個真係要玩多點，運動多點，學術上只有中英數最重要，打好根基，其它學科真係唔一定要好高分，最重要佢讀書讀得有成功感。
其實我咁諗係咪已經好怪獸？
作者: dse2017 時間: 16-7-5 22:57
提示: 作者被禁止或刪除 內容自動屏蔽
作者: Yanamami 時間: 16-7-5 23:09
我估而家有好多父母無時间、精力去陪玩、伴讀、陪伴同从旁示範或解釋，更多既係外判。外判係最简單方便快捷既方法：只要報个課程、交学費同請人帶出帶入就可以了｡
作者: dse2017 時間: 16-7-6 00:03
提示: 作者被禁止或刪除 內容自動屏蔽
作者: skkeung 時間: 16-7-6 07:07 標題: 引用：點解個個都話贏在起跑線，乜春都學，又非洲
原帖由 dativebond 於 16-07-05 發表
點解個個都話贏在起跑線，乜春都學，又非洲鼓又盛，入到好中學又點？唔見得一定入到好大學，雖然因為朋輩關 ...
作者: Cheeselover 時間: 16-7-6 07:41 標題: 回覆：贏在中途站
外判非香港政府獨有，任何地方也有，鐵娘子大力把產業私有化，目的是提升效率，她深明政府官僚制度缺乏效率，在香港情況類同，政府幹的永遠不及私人出色，前者提升效率是通過市民聲音，後者靠市場競爭。當然私有化並非完美，獲服務者付出更多(沒有免費午餐)，和出現受僱提供服務者遭剝削，因此，上述任何各走極端也出現問題，政府需準確掌控。
樓主所説贏在中途站，其實任何時候起跑也不保證笑到最後，一切講求機率，早起跑或更多資源當然可以提高機率，所以會出現怪異行為，怪獸家長和放任不管也是問題，早一點準備(合理情況下)總比晚來醒的失控機會低。
作者: ChiChiPaPa 時間: 16-7-6 08:23 標題: 回覆：贏在中途站
7月13日DSE放榜,但我覺得DSE並不如一般人所想的重要。真正決定孩子前途是他待人處事的能力,而非考試的結果。考試成績的好壞並不是決定性,並不真正影響他已掌握的能力。
求學不是求分數。任何階段都不應以考核要求去完全主導孩子求學取向和發展。孩子應找尋和確立自己的目標,和計劃多個途徑去達致目標,及應對不同的情況和結果。
作者: MASAYA 時間: 16-7-6 16:42
dse2017 發表於 16-7-5 22:57 
樓主你自己寫的?。一向強調個人全面發展而不係平面式加上單向讀書而係隨自己興趣及社會發展方向而走出自己 ...
作者: MASAYA 時間: 16-7-6 16:51
諗個有趣既方法學習，呢個方向係可行既，有日我上youtube開左首The NEW Periodic Table Song畀小朋友聽 https://youtu.be/VgVQKCcfwnU
佢覺得有趣就自己去書櫃搵《原子有話要說！元素週期表》呢本書睇，有興趣就會自己縱向學習 http://www.books.com.tw/products/0010638756
愛因斯坦講過「興趣係最好既老師」，識得自學先係贏家，理得條起跑線終點線係邊
作者: Olympian 時間: 16-7-6 17:12 標題: 引用：諗個有趣既方法學習，呢個方向係可行既，有
原帖由 MASAYA 於 16-07-06 發表
諗個有趣既方法學習，呢個方向係可行既，有日我上youtube開左首The NEW Periodic Table Song畀小朋友聽 htt ...
作者: shadeslayer 時間: 16-7-6 20:19 標題: 引用：諗個有趣既方法學習，呢個方向係可行既，有
原帖由 MASAYA 於 16-07-06 發表
諗個有趣既方法學習，呢個方向係可行既，有日我上youtube開左首The NEW Periodic Table Song畀小朋友聽 htt ...
作者: wankikichu 時間: 16-7-6 21:24
提示: 作者被禁止或刪除 內容自動屏蔽
作者: ABC-DAD 時間: 16-7-7 07:32
人生頭三個六年，如何過？
如何學習成為獨立自主嘅成年人？踏入第四個六年，自有分曉。大概，係時候調節一下自省能力。
作者: ABC-DAD 時間: 16-7-7 08:40
有無做過父母，所講所寫，真係好唔一樣，人各有志，各施各法，但有實際經驗嘅家長，內容總係有骨有肉
作者: MASAYA 時間: 16-7-7 11:06
shadeslayer 發表於 16-7-6 20:19
這些有幫助，但孩子愈大，好老師愈來愈重要。
作者: ANChan59 時間: 16-7-7 13:04 標題: 引用：有無做過父母，所講所寫，真係好唔一樣，人
原帖由 ABC-DAD 於 16-07-07 發表
有無做過父母，所講所寫，真係好唔一樣，人各有志，各施各法，但有實際經驗嘅家長，內容總係有骨有肉:funny ...
作者: nintendo 時間: 16-7-7 14:40
ABC-DAD 發表於 16-7-7 08:40
有無做過父母，所講所寫，真係好唔一樣，人各有志，各施各法，但有實際經驗嘅家長，內容總係有骨有肉:funny ...
仔女漸大，越明白不能對人地有太多指指點點。
同一家庭，幾個小朋友可能有不同的路。
作者: shadeslayer 時間: 16-7-7 16:59 標題: 引用：其實小朋友未見過呢個世界既野，唔知自己鍾
原帖由 wankikichu 於 16-07-06 發表
其實小朋友未見過呢個世界既野，唔知自己鍾意咩，俾小朋友試下唔同既野，試過下，俾機會佢發掘下興趣囉。依 ...
作者: wankikichu 時間: 16-7-7 18:36
提示: 作者被禁止或刪除 內容自動屏蔽
作者: shadeslayer 時間: 16-7-7 20:27 標題: 引用：Quote:shadeslayer+發表於+16-7-7+16:59+因
原帖由 wankikichu 於 16-07-07 發表
咪就係咁樣, 攪到大人同細路都癲咗囉...
作者: MASAYA 時間: 16-7-7 22:12
shadeslayer 發表於 16-7-7 20:27
唉，那有閒情發掘興趣！有足夠時間睡覺已經還神。
作者: skkeung 時間: 16-7-8 08:10 標題: 引用：Quote:原帖由+MASAYA+於+16-07-06+發表諗個
原帖由 shadeslayer 於 16-07-06 發表
這些有幫助，但孩子愈大，好老師愈來愈重要。
作者: shadeslayer 時間: 16-7-8 13:43 標題: 引用：Quote:原帖由+shadeslayer+於+16-07-06+發
原帖由 skkeung 於 16-07-08 發表
越大，老師作用越小！
But you can keep your opinion.
作者: Yanamami 時間: 16-7-8 14:42
本帖最後由 Yanamami 於 16-7-10 00:29 編輯
skkeung 發表於 16-7-8 08:10
越大，老師作用越小！
調轉，細時受父母/ 湊小朋友果位影响較大；大時受朋輩老師影响較大｡
作者: MaryBrown 時間: 16-7-8 19:13 標題: 引用：點解個個都話贏在起跑線，乜春都學，又非洲
原帖由 dativebond 於 16-07-05 發表
點解個個都話贏在起跑線，乜春都學，又非洲鼓又盛，入到好中學又點？唔見得一定入到好大學，雖然因為朋輩關 ...
作者: lokbbmama 時間: 16-7-10 00:10
提示: 作者被禁止或刪除 內容自動屏蔽
作者: skkeung 時間: 16-7-10 12:35 標題: 引用：唔好咁癲好嗎？大家瘋癲咁去追追追，點解成
原帖由 lokbbmama 於 16-07-10 發表
唔好咁癲好嗎？大家瘋癲咁去追追追，點解成日要 ＂贏＂在XX 呢? 輸就會輸一世,永不翻身嗎? ...
作者: lokbbmama 時間: 16-7-11 22:52
提示: 作者被禁止或刪除 內容自動屏蔽
作者: dativebond 時間: 16-7-12 13:19 標題: 回覆：贏在中途站
我專登用「贏在乜乜乜」其實都只係想睇落吸引點，多點人討論。
其實我認同人生永遠有競爭，人應該係自己感興趣的地方搏盡做好，以做到卓越為目標。但由於無論大人和小朋友其實都未知小朋友的興趣和潛能所在，細細個比佢試多點不同的事物無可厚非，咁樣先可以慢慢選擇佢叻既地方進一步發展，做到卓越。重點係選擇，唔係要多，應該由多至精才是重要。選擇乜當然看小朋友的興趣，唔係為入幼稚園入小學啦。你迫佢做既話，無樂趣的話，無可能做到卓越。
由於免得討論失焦，要定義「贏」要簡化，所以寫「贏在中途站」係假設左大部份家長的目標是要小朋友最後入到好大學。我想講既係我認為大部份講「贏在起跑線」的家長係要達至入大學呢個目標上簡直用錯力。要入大學重點唔係小朋友入邊間學校，其實重點係DSE。我自己都經歷過會考高考，這些考試除了考你聰唔聰明，其實更考你勤唔勤力操卷。
但操卷其實好花時間，我只講要準備考一科，你要攞A我諗最少要做廿幾三十年past paper，仲要重覆做三次，即係要90次；每次約需4小時，咁即係你溫完書之後，仲要每科花360小時先叫有機會攞到A，而家考六至七科，粗略咁計即係約2500小時操卷。但你要記住，呢個係只計你溫晒書既時間，未計你學習和溫書的時間。
我想帶出既point係，要令你攞A定攞D有個客觀的事實係你有幾早學晒DSE的東西，你跟學校既schedule實死得，第一你唔會再有2500小時操卷，第二你無時間將知識沉澱，唔慌叻得出邊。
其實我係覺得DSE既野唔係真係難到小學和初中生唔能夠理解，佢係考既野範圍廣，你將學科斬開一份份，提早比小朋友接觸係好事，可以係無考試壓力下學左先，到佢高中時年地仲學習緊，佢已經操卷，鞏固知識。我敢講，做到咁無可能入唔到大學，只不過入唔入到神科真係睇佢資質幾多。
而家的「贏在射精前」家長根本諗得太早，但又諗錯方法。永遠諗住入咩好既小學中學，將教育外判晒比其它人，自己好似毫無責任，其實家長都讀過書，你都可以係教育小朋友方面出力，唔只出錢，你也可成為孩子的私人教師。
作者: shadeslayer 時間: 16-7-12 13:36 標題: 引用：我專登用「贏在乜乜乜」其實都只係想睇落吸
原帖由 dativebond 於 16-07-12 發表
我專登用「贏在乜乜乜」其實都只係想睇落吸引點，多點人討論。
其實我認同人生永遠有競爭，人應該係自己感 ...
作者: judy 時間: 16-7-12 13:44
但操卷其實好花時間，我只講要準備考一科，你要攞A我諗最少要做廿幾三十年past paper，仲要重覆做三次，即係要90次；每次約需4小時，咁即係你溫完書之後，仲要每科花360小時先叫有機會攞到A，而家考六至七科，粗略咁計即係約2500小時操卷。但你要記住，呢個係只計你溫晒書既時間，未計你學習和溫書的時間。
誇張！
有10年paper做己好足够。
如果冇A嘅水準，做多100次都冇用。
作者: dativebond 時間: 16-7-12 13:58 標題: 回覆：贏在中途站
其實小朋友學習的十幾年就係以DSE作結，如果你有細心睇過DSE的考試範圍，你便知無論小學定初中根本就開始學緊，但遠遠唔夠深入，學校唔會教，但做家長係可以早點講詳細點。
譬如光合作用你小學都讀過，但個機制係點運作竟然要高中先詳細講，咁作為家長既你why not係佢接觸光合作用呢個詞語你就詳細同佢講個機制？
另外，你話操廿幾三十年past paper誇張，只反映你一係真係好叻，唔駛咁出力都考到好成績；一係反映你自己根本都無試過。我唔覺得有乜咁誇張。
作者: dativebond 時間: 16-7-12 14:11 標題: 回覆：贏在中途站
當然，我講操卷用咁多時間係以一個學生想科科都攞5**為目標。但這知易行難，我細個果時都無科科都咁操，只係一兩科特別有興趣例如數學和物理，就會廿幾三十年咁操。但事實係，有操卷的科目比沒有操的科目成績係爭好遠。以高考為例，一個中等程度學生唔操卷要攞D或E也有可能，但你唔操卷我覺得你無可能攞到C或以上，我理得你幾叻都好。當然，呢個世界可能真係有天才，唔操卷都科科A，當我見識少，真係未見過。
作者: judy 時間: 16-7-12 14:58
認同, 其實靠操卷攞A又有咩意思, 操咗個考試機器出黎.
不是有冇意思問題，係根本操唔到。
作者: dativebond 時間: 16-7-12 15:27 標題: 回覆：贏在中途站
其實有一個point好有趣，逢操卷必反，真得意。
其實掌握一門學問係非常花時間，你學習可以好快學識，但要做到卓越係要花好多時間。點解要操卷？第一，遊戲規則。第二，入面有時考既野係常規學習好難掌握到，你唔做其實考果時好可能會轉唔到出黎。
我見過Biology有一題問如果呢個世界得番縁色光，會對植物的光合作用有何影響？最有可能的後果會有咩影響？我唔信你只讀書會識答或攞得足分。個答案其實唔難，入面既概念又的確學過，但就會唔識答，好過癮。
我唔反對操卷，我覺得道理和打藍球相似。你要識射藍唔難，但要準的話，你唔操點得？又唔見你話Stephen Curry無意思，只係射球機器？
作者: dativebond 時間: 16-7-12 15:32 標題: 回覆：贏在中途站
操唔操到和肯唔肯花時間，咪決定左你攞咩grade，極其簡單。呢個世界無話得唔得，小朋友將件事擺到幾重要，分配幾多時間去鑽研，咪得出相若成績。其實，考試比真實既職場已很公平。
未試過就話唔得，隨你。我成日都講人生最重要是選擇。
作者: dativebond 時間: 16-7-12 15:39 標題: 回覆：贏在中途站
我唔知大家如何看待考試。
以我經驗看，叻學生如果做足準備，考試既壓力唔會好大，反而心情仲會有點興奮，因為呢個係一場表現。
就好似藍球員足球員，做好準備的話，只會好想落場，搏盡無悔。
作者: dativebond 時間: 16-7-12 16:12 標題: 回覆：贏在中途站
為免大家誤會我認為讀書叻大晒，我想講清楚我今次討論只係話，假設一個家長視小朋友入好大學為最重要目標，佢有何方法達到呢個目標。
我認為方法是家長參與教育中，最起碼要了解最後DSE的考試範圍（真係要每一科每一科咁睇），唔做盲頭烏蠅，並且不要全部野外判晒，自己視自己為小朋友的私人教師。
事實上，如果你小朋友係學習上盡晒力，都未達到卓越的程度，咁其實讀到夠入大學就夠，因為大學學位只係基本入場卷。
要成功，還看小朋友的性格、態度和有無其它卓越的能力（例如體能、機器的運作、音樂、車輛維修、寫apps。。。等等）。
作者: ANChan59 時間: 16-7-12 16:29 標題: 引用：為免大家誤會我認為讀書叻大晒，我想講清楚
原帖由 dativebond 於 16-07-12 發表
為免大家誤會我認為讀書叻大晒，我想講清楚我今次討論只係話，假設一個家長視小朋友入好大學為最重要目標， ...
Like family resources, education background of parents and the quality of the kids. Very difficult to generalise.
作者: dativebond 時間: 16-7-12 16:40 標題: 回覆：贏在中途站
我相信小朋友的質素差不多，因為大部份人智商其實差不多。
我地呢代做家長普遍應該都讀過中學，我唔相信睇一睇考試範圍有幾難；如果家長以前都讀過仲好，可以溫故知新，係教育小朋友度出力，唔係只識用錢外判。當然，如果你認為自己能力或時間不足，外判係無辦法中的辦法。但唔可以未試過就唔出力，只出錢。迫小朋友學，但自己又唔學。
作者: ANChan59 時間: 16-7-12 16:48 標題: 回覆：dativebond 的帖子
你誤解了！
作者: dativebond 時間: 16-7-12 17:03 標題: 回覆：贏在中途站
其實我講咁多野都係好離地，因為我未有教育小朋友經驗，我都唔知work唔work，因為我個仔只有15個月大。但我認真諗過其實叩個方法應該可行，係佢有小學程度開始，就早點讓佢知道比較深入的學問，唔係死記個term。其實好多高考既學問都唔難理解，但我唔明點解要勒住勒住，要佢係高中三年咁短時間先學，搞到小朋友無時間沉澱知識。舉個例，點解你會見到的士係紅色。答案係光終包含所有顏色的光，射到的士上面，的士吸收了所有顏色的可見光（除了紅色），光線由的士反射到你眼球，所以你見到的士係紅色。咁樣真係要到高中先能夠理解？好難咩？
作者: dativebond 時間: 16-7-12 17:08 標題: 回覆：贏在中途站
但就算係咁簡單既概念，我相信大部份家長都比番晒學校，所以要溫故知新，用最簡單的方法講最準確既概念比小朋友知，勾起佢興趣。我都而家開始溫故知新，自己買而家既DSE書，溫定先，好好迎接小朋友最鐘意問點解、學習動機最強的時光。
作者: himching 時間: 16-7-12 17:49
個人教仔囡, "求學一定係求分數", 係冇更客觀更直接去評估學生學習成果之下, 分數係最容易理解. 不要再呃自己了.
問題係家長係"求分數"過程, 及了解"分數"意義, 上晒腦, 先攪到學生 死下死下.
作者: dativebond 時間: 16-7-12 17:58 標題: 回覆：贏在中途站
我覺得好多家長想幫個仔攞分數，但自己又唔識，連少少時間都唔攞出黎了解個遊戲點玩，盲目要個仔乜都做到最好，又盲目想入名校，希望有人代自己搞掂個仔既學業，花大量心力時間但又得唔到如願既成果。入好學校是果，你個仔掂才是因。
其實如果識玩個遊戲，絕對可以更有效運用時間，反而會多出好多時間係其它課外活動，追求全人發展，而唔係全部時間奉獻晒比學業。
作者: ABC-DAD 時間: 16-7-12 18:29
經驗豐富嘅師傅，講一兩句人地就有共鳴
作者: ANChan59 時間: 16-7-12 18:36 標題: 引用：經驗豐富嘅師傅，講一兩句人地就有共鳴
原帖由 ABC-DAD 於 16-07-12 發表
經驗豐富嘅師傅，講一兩句人地就有共鳴
作者: dativebond 時間: 16-7-12 18:39 標題: 回覆：贏在中途站
完全唔知你地係邊個？你地互相認識？我剛到群組，乜都唔識，多多包涵。
作者: ABC-DAD 時間: 16-7-12 18:46
回覆 dativebond 的帖子
無問題，今時今日，無咩人會有教育過五六個子女咁豐富經驗，講多啲，多啲分享係教學相長嘅，好多時閉門能知天下事，亦有時閉門可以做車
作者: dativebond 時間: 16-7-12 18:51 標題: 回覆：贏在中途站
唉。。。其實我都唔想做怪獸家長，但我都覺得自己都算係，其實我根本唔需要咁早入呢D群組，但又想睇下人地有乜經驗可以分享下。
某程度我而家諗緊既野就係回想「如果我小時候係咁，而家就可以再好點啦。」呢種老套思路。其實我深知咁諗唔啱，每個人有自己的人生，介入去孩子教育的程度其實都好難拿捏。
作者: dativebond 時間: 16-7-12 18:54 標題: 回覆：贏在中途站
介入得多又驚佢唔識自己飛翔，介入得少又怕自己未夠盡力。
搏盡無悔都唔係個個範疇都啱用。
作者: ABC-DAD 時間: 16-7-12 18:55
回覆 ANChan59 的帖子
無啦啦又講呢啲，唉！
作者: Stillgood2 時間: 16-7-12 19:06 標題: 引用：回覆+dativebond+的帖子
無問題，今時今日
原帖由 ABC-DAD 於 16-07-12 發表
回覆 dativebond 的帖子
無問題，今時今日，無咩人會有教育過五六個子女咁豐富經驗，講多啲，多啲分享係教 ...
作者: ABC-DAD 時間: 16-7-12 19:46
回覆 Stillgood2 的帖子
生育問題？我提經驗，數字上，喺咁睇。
你認為生育多少，同教育子女經驗無關？
當你好識教，教過一兩個，始終唔算好有經驗。
我係好咁單純去諗啫。
識唔識教我真係唔識畀意見
作者: MASAYA 時間: 16-7-14 13:32
dativebond 發表於 16-7-12 17:08
但就算係咁簡單既概念，我相信大部份家長都比番晒學校，所以要溫故知新，用最簡單的方法講最準確既概念比小 ...
作者: dativebond 時間: 16-7-14 13:47 標題: 回覆：贏在中途站
做家長其實好大學問，其中一個就係介入幾多，完全介入佢唔識自己飛，完全唔介入你又浪費了自己的人生經驗，始終，你比小朋友更了解個社會點運作，咩野對佢有利。
講就易，行就難，咁介入幾多非常難拿捏。我暫時既原則係佢每做一個選擇都會同佢分析好處、壞處、風險和後果，佢認真諗過都堅持自己果套，只要唔死得人唔犯法唔係無得補救，我會尊重支持。因為我既諗法講真都未必一定啱，只不過啱既可能多一點點。未來，佢做左選擇，有好後果當然高興；有壞結果都係一種人生閱歷，最緊要佢有認思考過做既決定，無怨無悔。唉，不過都係知易行難，但做家長要謹記囉。
作者: HKTHK 時間: 16-7-14 15:47
唔鍾意"贏在起跑線"? 咁樣就不如改為"癲在起跑線"啦, 小學就學晒DSE考嘅嘢! 乜嘢child development, 學習興趣, .... 都唔好理, 有分數咪得囉
作者: dativebond 時間: 16-7-14 15:55 標題: 回覆：贏在中途站
係咪真係對個仔咁無信心呀？唔好比題目呃到。「贏在乜乜乜」噱頭啫。
係小學初中階段講多點比小朋友知都比人話痴線，唔係叫佢操卷喎，唔係叫佢考試喎。
我都舉過例，係咪咁難理解？我個例子係科學館入面個鏡子館其實就係高考物理科既光學範圍，你講既佢知點解望自己會上下掉轉，原來原理係咁咁咁。又或者個仔問點解天空係藍色？原來係折射，跟住再解釋。點解的士係紅色？原來係反射，跟住再解釋。我唔覺得會咁樣對佢有害，我又唔係考佢。一次講唔明咪下次又講囉。如果咁都唔講得，咁科學館都唔好有鏡子館啦，或者高中生先入得？其實除了鏡子館，佢每一部份都關高考物理科事，譬如wave, electromagnetics。咁唔講得，咁科學館存在音人義係乜？只係玩樂？
作者: MASAYA 時間: 16-7-14 16:13
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下餵晒入咀，其實同呢十幾年主流操練、早教有咩實質分別？點解好似發現新大陸咁？子女唔識伸手去學？下下要切碎晒去餵？對仔女咁無信心？引導子女由內到外，發自內心去渴求知識，花既時間心血唔見得少囉。回報係乜？一個獨立既人。
作者: dativebond 時間: 16-7-14 16:16 標題: 引用：讀書只係學習其中一部份，學習只係教育其中
原帖由 MASAYA 於 16-07-14 發表
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下 ...
作者: dativebond 時間: 16-7-14 16:19 標題: 回覆：贏在中途站
想請教點樣令個仔女由內以外，發自內心去學習，我都好想知。
我仲諗住係科學館講多D可勾起佢興趣，想引導佢對科學有興趣，唔係入完寶庫乜都get唔到。
請講多點方法？謝謝。
作者: MASAYA 時間: 16-7-14 16:25
dativebond 發表於 16-7-14 16:19
想請教點樣令個仔女由內以外，發自內心去學習，我都好想知。
我仲諗住係科學館講多D可勾起佢興趣，想引導佢 ...
作者: dativebond 時間: 16-7-14 16:26 標題: 引用：讀書只係學習其中一部份，學習只係教育其中
原帖由 MASAYA 於 16-07-14 發表
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下 ...
我入黎講咁耐其實等人分享多點方法令小朋友對學習有興越，自發去鑽研，追求卓越。但可能我講野技巧差得交關，無野分享，只有抨擊。
謝謝你Masaya，終於講到我最想知既野～
作者: dativebond 時間: 16-7-14 16:28 標題: 回覆：贏在中途站
如果佢對科學無興趣，經濟學，簡單既供求定律，歷史館講歷史？我唔係文科，不過好在老婆係。
除左我呢種咁單向既方式，其實都未必能勾起佢興趣，好可能聽完就算。
有無乜仲可以勾起佢興趣？
作者: MASAYA 時間: 16-7-14 16:38
每個小朋友都係獨立個體，我個適用又未必代表你個適用，所以重點交流方向，至於方法，除非有具體問題，否則好難講，九樓我有講過一個
呢度既家長，主流意見都係閱讀，閱讀係基本，不過唔係唯一
作者: dativebond 時間: 16-7-14 16:38 標題: 回覆：贏在中途站
如果由我講歷史就大鑊，好可能講左三國演義孔明借東風，甚至講野史，越搞佢越亂～不過我都諗住講科學架啦，佢真係唔想聽咪算囉。但講到佢唔想聽個親子關係都可知一二。。。唔會咁差卦？
作者: MASAYA 時間: 16-7-14 16:42
dativebond 發表於 16-7-14 16:38
如果由我講歷史就大鑊，好可能講左三國演義孔明借東風，甚至講野史，越搞佢越亂～不過我都諗住講科學架啦， ...
作者: dativebond 時間: 16-7-14 16:43 標題: 回覆：贏在中途站
閱讀就一定要啦～我都好中意睇書～我欣賞呢樣野，對佢終身學習都好。但往往感覺好似隔靴搔癢，到喉唔到肺。明明我知未來佢要考DSE，我緊係私心想或多或少佢可以閱讀相關既野啦，你反正最後都會讀。其實科學既雜誌可能啱，但佢連高考好簡單既概念都未聽過又點睇得明，我都驚佢比一D佢未接觸過既野嚇親，以後唔睇架嘛。呢樣先最難。。。
作者: dativebond 時間: 16-7-14 16:44 標題: 回覆：贏在中途站
我理解目標可能隨佢成長以改變，人生始終係佢既。我真係明架。不過我不嬲都係咁hope for the best, prepare for the worst.
作者: HKTHK 時間: 16-7-14 16:48
If your child is indeed 15 months old, good luck and enjoy fatherhood. Long way to go. Look forward to your sharing in 10 years time
作者: dativebond 時間: 16-7-14 16:50 標題: 回覆：贏在中途站
咁我十年後先番黎啦。唔好意思，麻煩到你你。。。
作者: shadeslayer 時間: 16-7-14 21:47 標題: 引用：Quote:dativebond+發表於+16-7-14+16:38+如
原帖由 MASAYA 於 16-07-14 發表
初為父母，大家都有一半經驗，以前作為子女成長既經驗，另一半作為父母既經驗都係缺乏，大家都係從學習中成 ...
大人又好，孩子又好，對一件事有熱情，專注，就會做得好。但要看際遇，有沒有啟蒙老師。沒有啟蒙老師，有天分有興趣都無用。啟蒙的可以係同學，老師，父母長輩。
作者: dativebond 時間: 16-7-14 23:31 標題: 回覆：贏在中途站
其實辯論隊好好，對理解人地說話內容、分析問題、洞悉對方說話漏洞、以例子作支持、表達能力、說服別人既能力好有幫助，唔單止對考試有用，根本對佢成長、䌽來工作都好有用。
我之前話人越大、學校影響越細其實只係大致啱，有例外。我會考時唔夠分入原校，中六去左一間band 3學校，遇到一個好勁好有心既中文老師。佢本身細個鍾意玩唔讀書，重考升大學，一級榮譽畢業，本身呢個例子都好動聽。但呢個唔係重點，重點係佢教我地分析時事政策利與幣，點樣定義題目，準確講中問題核心，以大量例子說服對方。呢D能力都來自佢大學的辯論隊經驗。我受益非淺，呢D唔單止幫我考試，更改變我思考的方法，甚至我大學時寫論文都能運用呢套思路。所以好老師遇到要珍惜要感恩。而家過左十幾年，其實我都仲好感恩。
作者: dativebond 時間: 16-7-15 01:40 標題: 回覆：贏在中途站
頭先我睇初中版，反叛、打機、睇電視、手機、hea、欠交功課、講野有骨，初中生乜都齊，好恐怖。。。
我未到果個階段真係講多錯多。。。
| 歡迎光臨 教育王國 (/) |
Powered by Discuz! X1.5 |