教育王國
標題: 3歲單字 [打印本頁]
作者: suki_lkm 時間: 16-6-30 10:50 標題: 3歲單字
我女6月已經3歲了, 都只係單字對答, 依個情形已經維持左一年, 等極佢都去唔到雙字或句子.
有冇同路人分响下經驗?
作者: Sask999 時間: 16-6-30 22:35 標題: 回覆：3歲單字
如果有擔心，不如早些去健康院轉介去CAC做評估。
女仔一般2歳已經不停口。
作者: legolas625 時間: 16-7-2 09:34
正常女仔講野會叻過男仔，如果係女仔，仲已經係3歲，一定要正視，你可以照等健康院轉介CAC，但自己一定要搵私家語言治療師，睇下出現咩問題
如果唔理，而佢又唔可以自己進步，只會同正常小朋友差距愈來愈大，同埋好影響上學。
作者: suki_lkm 時間: 16-7-4 07:33 標題: 回覆：legolas625 的帖子
其實已經cac 評估左, 返緊I 位, 學校, 私人都有言語治療. 但好似作用唔大, 唔知可以點幫佢.
作者: Sask999 時間: 16-7-4 11:23 標題: 回覆：3歲單字
平日自己都要揾多D機會同佢練習，我覺得可以由生活練起，如去超市購物時什麼都跟佢講，蘋果，橙，西瓜，米、、、等等。好多時小朋友係因為不認識所以不開口講。
另外日常生活，儘可能要佢講，例如食餅，要佢講餅餅，慢慢地應該可以講多D。最緊要比多些機會佢開口！
作者: legolas625 時間: 16-7-5 09:33
我都覺得治療師(有無料，同小朋友夾唔夾)、家長訓練(日常生活要不斷練習，家中語言環境配合)、小朋友資質(語言能力與智能成正比)都有關係。
作者: legolas625 時間: 16-7-5 09:41
我唔知你小朋友咩能力，去唔到短句可能有不同原因(口肌發音、句型、詞彙、認知等)，如果佢有ST跟，ST應該俾到意見你，家長做家居訓練亦要勤力D。我仔而家快4歲，都用了2年時間追番同齡能力。
作者: suki_lkm 時間: 16-7-5 10:10 標題: 回覆：legolas625 的帖子
我小朋友global delay, 依家3歲, 但12月(即2歲半)時評估佢能力去到歲半至一歲9個月. 其實佢2歲已開始pt, ot, st. 2歲半開始每星期一堂pst. 每晚我630-9點 同佢家居訓練到佢訓. 佢每日放學去公園玩個半鐘練習大肌.
做左一年, 但進步空間好少.
作者: KCHK 時間: 16-7-5 11:02 標題: 回覆：3歲單字
唔好意思, 我會比較直接, 如果I位進步不大會唔會考慮轉S 位, 資源比較好
作者: DollyCC 時間: 16-7-5 11:02 標題: 回覆：suki_lkm 的帖子
可以做既已做左，唯有等，有時佢地儲埋一次過爆
作者: suki_lkm 時間: 16-7-5 12:04 標題: 回覆：KCHK 的帖子
其實我都考慮緊, 之前亦見過學校臨床心理學家. K1 開學時我會再約見佢睇情況決定.
作者: suki_lkm 時間: 16-7-5 12:06 標題: 回覆：DollyCC 的帖子
我都希望佢快啲爆, 等左成年仲係單字
作者: lulumelody 時間: 16-7-5 16:19 標題: 引用：我都覺得治療師(有無料，同小朋友夾唔夾)、
原帖由 legolas625 於 16-07-05 發表
我都覺得治療師(有無料，同小朋友夾唔夾)、家長訓練(日常生活要不斷練習，家中語言環境配合)、小朋友資質( ...
作者: legolas625 時間: 16-7-6 09:45
我都知智能評估包括好多項目，我講的是智能會影響語言能力的因素之一。
以下係求其上網搵:
幼兒的語言發展，深受智力發展的影響，通常以幼兒開始說話年齡，來代表幼兒往後的語言發展，智力高的孩子，在出生十一個月就能開始說話，智力差的約需三十四個月，智力更差的幼兒則需五十一個月。當然，我們不能以說話慢的其智力發展也較差，或以語言來推斷幼兒的智力，如此均極易產生錯誤，惟不難發現智力高的幼兒有以下三點特徵：
智力高的幼兒開始學說話的時間較早，反之則較晚。
智力高的幼兒使用語句較長，反之側較短。
智力高的兒童，在語言使用的品質較好，反之則較差。
作者: lulumelody 時間: 16-7-6 11:02 標題: 回覆：3歲單字
其實語言會影響智力測試，智力測試低分好多時受語言能力影響，要明白智力測試有佢的不足之處。
有Ｄ人講嘢叻，只可以反映佢語言能力言，但不反映佢其他方面能力！
有人講嘢唔叻，但其他方面可能好叻，唔通就話佢智力低。
睇過—片新聞，有個語言能力低的外國小朋友，要讀特殊學校（係外國要好嚴重才要入），學校只教自理能力，佢媽媽覺得佢個仔無興趣，就自己教，後來發現佢係物理天才！
只係想講小朋友有無限可能，亦不要只係因一個用幾小時，本身有不足之處的測試去決定小朋友的—生。唔同言語唔叻就—定智力有問題，只可以話智力有問題就言語唔叻，但語言唔叻就唔—定智力有問題。
作者: bettylovingbb 時間: 16-7-9 19:52
我個仔足3歲先開始講單字，宜家3歲半，係1個月前先開始講句子，但一般形狀顏色字母數字佢都識講同識認，識數數字，最近發現佢識加數，可以心算去到10，我諗佢雖然稱不上天才，但相信智力應該中上，所以語言發展慢唔代表智力差，尤其係6歲以下既小朋友，因為每個小朋友腦部發展都唔同，語文差唔代表數理都差。
作者: lulumelody 時間: 16-7-9 20:28 標題: 引用：我個仔足3歲先開始講單字，宜家3歲半，係1
原帖由 bettylovingbb 於 16-07-09 發表
我個仔足3歲先開始講單字，宜家3歲半，係1個月前先開始講句子，但一般形狀顏色字母數字佢都識講同識認，識 ...
作者: Baby豬1209 時間: 16-7-11 01:16 標題: 引用：我個仔足3歲先開始講單字，宜家3歲半，係1
原帖由 bettylovingbb 於 16-07-09 發表
我個仔足3歲先開始講單字，宜家3歲半，係1個月前先開始講句子，但一般形狀顏色字母數字佢都識講同識認，識 ...
作者: bettylovingbb 時間: 16-7-12 08:51
我個仔冇乜固執行為，不過佢想做嘅嘢，我地唔俾佢做，佢會發脾氣，不過有時好快佢會同自己講"it's okay"去calm down 自己
，佢亦好鍾意同小朋友玩，不過佢有時會抓人塊面，之前鍾意抓BB，宜家抓女仔
| 歡迎光臨 教育王國 (/) |
Powered by Discuz! X1.5 |