教育王國
標題: 明我12宗罪 (可能有更多, 不能盡錄) [打印本頁]
作者: melodywong903 時間: 16-5-12 17:18 標題: 明我12宗罪 (可能有更多, 不能盡錄)
一間以「谷」及銜接小學出名的港島東區幼稚園,
深受區內家長歡迎,
很多家長因覺得可容易入到心儀小學而報讀,
事實係絕無此事,
只是人云亦云,
如派位不理想,
此幼稚園甚至連一封推薦信都唔肯寫,
更不要說在升小上幫得上忙,
好老實我見到好多適應唔到都夾硬繼續讀,
搞到小朋友讀得好唔開心,
每個小朋友都唔同,
一般幼稚園升上小學適應一般都無問題,
根本不需麻木跟隨邊間幼稚園銜接小學就掙住報讀,
而且依間幼稚園有好多問題,
以下全是多年來親身經歷,
大家睇完後可能覺得我係怪獸家長,
其實我寫依篇野就係想脫離怪獸學校 (申利:
我細仔已轉校):
1)
十分擠迫, 一間只有一層樓既幼稚園,
竟然可容納上下午班學生超過600人,
可想言知是如何擠迫,
上放學時更加墟撼,
排隊條龍超過一條街,
旁邊商店怨聲載道,
如有火警就不敢想像, 學生活動空間非常少,
點解咁細可以收咁多人?
真係要問教育局, 但我只知道在學劵制度下, 當$20000/ 學生 x 600人=$12000000, 收得越多錢學生收得越多, 1年收入超過一千2百萬的幼稚園, 全港有幾多間呢?
2)
請新移民做老師-有重鄉音, 小朋友仲要聽佢教書講故事, 搞到小朋友D口音都有問題, K1小朋友正在學習說話, 竟然派一位不知來港夠7年未的黎做班主任,
真係接受唔到囉! 有咁多錢點解唔請個local呢?
作者: melodywong903 時間: 16-5-12 17:27
3) 用毛筆方法教寫硬筆, 寫中文字要有腳, 大部分幼稚園由K2開始便寫簡單0既字, 例如「人」、「大」、「天」, 此幼稚園教寫這些字最後筆劃是一捺, 還有一節位, 好似寫毛筆咁, 請問大家幼稚園是這樣教嗎?
我不是中文什麼專家或書法家, 我知道中文有很多字體, 但毛筆及硬筆寫法應有些不同, 我不想爭辯字體對與錯, 我只知道從小教錯很難糾正, 因為我大仔是讀這間幼稚園, 升上小一後原來沒有一間小學是接受此種寫法, 如默書也會當錯, 要立即改回正常一筆過的寫法, 可惜我細仔已入讀此間幼稚園, 又再次學了這種寫法, 跟老師說這種寫法升小學是不正確的, 老師說學校明白, 但堅持要教字的結構, 還暗示在評估及功課中也要跟此寫法, 老師說只好升小後再改正, 應很快可適應, 跟校長再反映這種教法是銜接不到小學, 竟然說: 「我地學校四十幾年都係咁教, 唔會改, 小學還小學教, 我地學校就係咁教 」完全唔聽家長意見, 教育局已電話及電郵通知唔可以咁教小朋友寫字, 真係唔知點監管課程? 簡直係誤人子弟!!
作者: melodywong903 時間: 16-5-12 17:30 標題: 回覆:明我12宗罪 (可能有更多, 不能盡錄)
咁樣教
圖片附件: myphoto.jpg (16-5-12 17:30, 30.59 KB) / 下載次數 8
/forum.php?mod=attachment&aid=Njc5NzN8MTYxMTk1YWZ8MTcxNzEzOTA3NHww
作者: melodywong903 時間: 16-5-12 17:32 標題: 回覆:明我12宗罪 (可能有更多, 不能盡錄)
咁都話錯
圖片附件: myphoto.jpg (16-5-12 17:32, 53.27 KB) / 下載次數 5
/forum.php?mod=attachment&aid=Njc5NzR8OTg2MGFmMWR8MTcxNzEzOTA3NHww
作者: melodywong903 時間: 16-5-12 17:36
4) 老師惡,門外時常有學生喊唔想返學, 另聽聞有老師曾打學生, 由於只是學生一面之詞 (其實有其他同學見到), 老師否認, 校長為息事寧人, 解釋只是老師家中有事, 語氣過重, 沒有打學生, 此老師繼續任教。
5) 無愛心-老師鬧小朋友蠢仔, 小朋友有D曳就話小朋友可能有問題, 叫家長帶小朋友去評估下, 評估結果是正常, 小朋友不是木頭人, 3-6歲要佢點乖呢?
6) 家長日班主任無影又唔通知, 令家長白白浪費假期(是平日舉辦), 隨便搵個老師派成績表就算, 話有咩事想問就打返學校問返班主任, 跟住走得!
7) 班際比賽只有半班學生參加, 明明一班有30幾人, 但每次班際比賽只有20個小朋友可參加, 其他小朋友呆呆咁坐旁邊睇住所謂的班際比賽, 學校回覆有此安排的原因是個台唔夠位企咁多小朋友, 但所謂的台只是一張長櫈放地下, 其實加多2行就可以成班一齊比賽, 唔係咁都要教呀~
作者: Blueso 時間: 16-5-12 17:36
作者: melodywong903 時間: 16-5-12 17:36
8) 畢業典禮只可以有攞獎同學可參加, 獎項很少, 如一位同學同時攞幾個就更加少, 其實幼稚園的獎項重要性有幾大? 大家都心中有數, 可以分一等, 二等, 三等, 令小朋友人人有份不是更好, 搞到無獎的小朋友好唔開心, 問家長點解我無獎? 係咪我唔乖? 唔叻? 係咪想搞到幼稚園都有人自殺先安樂呀!
9) 學期終沒有表演,小朋友沒有發揮機會, 表演只揀合唱團, 跳舞組..等參加課外活動的小朋友表演, 參加這些課外活動人數佔全校人數很少, 收生越多越難參加, 而且大部分是上午班下課時間, 下午班上課時間, 即下午班無法參加, 學校也很少批准下午班同學加入這些課外活動, 十分不公平, 當然學校不會承認, 還說有甄選過。
作者: melodywong903 時間: 16-5-12 17:37
10) 詢問處老師沒禮貌,一早想投訴佢, 後來發現不是老師, 原來是一位姓楊的校長, 聘請校長係咪無任何要求? Anyway, 我覺得明我d嬸嬸有禮貌d囉!
11) 接放學要有接送證才可接走小朋友, 依樣完全明白係保安理由, 但有時有可能有其他接領人, 接送證只有一張, 現連登記個人資料及家長致電通知都不可接走小朋友, 要直至見到接送證為止, 咁此證比壞人執到就大件事lu。
12) 要K2小朋友講故事, 仲要幾長下, 係一定要講到個隻, 因為計考試分, 即佢地所謂既評估, 大家睇下幾長
作者: melodywong903 時間: 16-5-12 17:41 標題: 回覆:明我12宗罪 (可能有更多, 不能盡錄)
K2評估嘅故事
圖片附件: myphoto.jpg (16-5-12 17:41, 95.72 KB) / 下載次數 40
/forum.php?mod=attachment&aid=Njc5Nzd8NzQzNGIxY2R8MTcxNzEzOTA3NHww
作者: mrsmacaroon 時間: 16-5-12 17:46
本帖最後由 mrsmacaroon 於 16-5-12 18:23 編輯
關於11點, 我小朋友學校都係認証唔認人, 不過會有2張.
作者: yee123480 時間: 16-5-12 17:51 標題: 回覆:明我12宗罪 (可能有更多, 不能盡錄)
Waa咁差既呢間學校😓
作者: melodywong903 時間: 16-5-12 17:53 標題: 回覆:mrsmacaroon 的帖子
我地只有一張
作者: Shellyxlk 時間: 16-5-12 18:00 標題: 回覆:明我12宗罪 (可能有更多, 不能盡錄)
咁你當初點解俾你個小朋友讀呢?由k1開始讀?我哋有去面試,當時已經覺得唔對路,面試左咁多間學校我哋感覺佢係最差嘅,爸爸話冇可能比個囡去讀,好彩我哋唔相信所謂評語,信自己感覺眼見
作者: jesswu 時間: 16-5-12 18:09 標題: 引用:+本帖最後由+mrsmacaroon+於+16-5-12+17:59
原帖由 mrsmacaroon 於 16-05-12 發表
本帖最後由 mrsmacaroon 於 16-5-12 17:59 編輯
關於11點, 我小朋友學校都係認証唔認人, 一共會有2張.講 ...
我地學校得1張……
如其他人去接,會記低代行人身份證號碼,再打比家長(媽咪或爸爸)問係咪今日由1名叫xxx的親友代接,家長confirm有其事先放人……
我覺得咁幾好,有時真係有急事要人代勞……
作者: melodywong903 時間: 16-5-12 18:13 標題: 回覆:Shellyxlk 的帖子
你真係明智,我知佢冇愛心,老師惡,但覺得銜接到小學最緊要,點知佢越收越多人,迫到爆,最嚴重係咁教小朋友寫字,無間小學會接受,已通知學校,但照教不改
作者: prettyporky 時間: 16-5-12 18:14 標題: 回覆:明我12宗罪 (可能有更多, 不能盡錄)
第4、5點,身受其害,大仔已轉校,細仔交左留位費都唔讀,太可怕!
作者: melodywong903 時間: 16-5-12 18:17 標題: 回覆:prettyporky 的帖子
作者: skl1010 時間: 16-5-12 18:37 標題: 回覆:明我12宗罪 (可能有更多, 不能盡錄)
我PN都有去見,環境真係比較混亂!
作者: Jane1983 時間: 16-5-12 18:47
有幾點真係吾可以接受....
作者: siden 時間: 16-5-12 18:50 標題: 引用:咁都話錯+ +
原帖由 melodywong903 於 16-05-12 發表
咁都話錯
寫字呢樣好過份
作者: melodywong903 時間: 16-5-12 18:56 標題: 回覆:siden 的帖子
最慘係小學唔接受,又要多樣野適應,有d小朋友要成個學期先改到,成日比老師圈,好大挫敗感,冇腳比幼稚園圈,到寫順左,上到小學又話錯,真係好離譜
作者: melodywong903 時間: 16-5-12 19:06 標題: 回覆:jesswu 的帖子
我係佢亞媽去接放學冇證都要登記身分證,幾搞笑😅
作者: prettyporky 時間: 16-5-12 19:21 標題: 引用:我係佢亞媽去接放學冇證都要登記身分證,幾
原帖由 melodywong903 於 16-05-12 發表
我係佢亞媽去接放學冇證都要登記身分證,幾搞笑😅
你小朋友已畢業?轉校?
作者: melodywong903 時間: 16-5-12 19:28 標題: 回覆:prettyporky 的帖子
已轉校
作者: vvnvvn 時間: 16-5-12 19:34 標題: 回覆:明我12宗罪 (可能有更多, 不能盡錄)
我真係曾經麻木咁希望仔仔可以上到好小學而好想好想入呢間,多謝佢冇收我仔
作者: Shellyxlk 時間: 16-5-12 20:43 標題: 引用:你真係明智,我知佢冇愛心,老師惡,但覺得
原帖由 melodywong903 於 16-05-12 發表
你真係明智,我知佢冇愛心,老師惡,但覺得銜接到小學最緊要,點知佢越收越多人,迫到爆,最嚴重係咁教小朋 ...
我唔知佢所謂銜接小學有幾好,但係你明知佢冇愛心, 老師惡,你仲俾你小朋友去讀咁你怪得邊個呢?!我覺得你最唔高興好似係佢搞錯寫筆劃而令你小朋友銜接小學唔好。
作者: melodywong903 時間: 16-5-12 20:53 標題: 回覆:Shellyxlk 的帖子
當然怪自己,差d害左小朋友,寫字係最離譜,教啱嘅野係最基本,明知錯仲咁教,個校長仲反問教育局,唔係咁教點評估學生,寫到有腳先分辨到佢識唔識寫?
作者: Shellyxlk 時間: 16-5-12 20:57 標題: 引用:當然怪自己,差d害左小朋友,寫字係最離譜
原帖由 melodywong903 於 16-05-12 發表
當然怪自己,差d害左小朋友,寫字係最離譜,教啱嘅野係最基本,明知錯仲咁教,個校長仲反問教育局,唔係咁 ...
個校長好離譜
作者: Shellyxlk 時間: 16-5-12 21:15 標題: 回覆:melodywong903 的帖子
其他家長有無覺得有問題?
作者: ojoj18 時間: 16-5-12 21:42
寫毛筆字都搞笑,仲有人咁教
作者: Beauty00724 時間: 16-5-12 22:32 標題: 回覆:明我12宗罪 (可能有更多, 不能盡錄)
西灣河公園下午放學後有好多明我學生同媽媽,八成媽媽操不純正廣東話。
作者: melodywong903 時間: 16-5-12 22:39 標題: 回覆:Shellyxlk 的帖子
大把人覺得有問題,但佢地唔敢同學校投訴,佢地會k3暑假教返小朋友寫冇腳嘅字
作者: melodywong903 時間: 16-5-12 22:40 標題: 回覆:ojoj18 的帖子
四十幾年都係咁教喎!即係冇進步囉!
作者: JJ_KK 時間: 16-5-13 00:25 標題: 引用:已轉校 +
原帖由 melodywong903 於 16-05-12 發表
已轉校
請問你而家轉左讀邊間?
作者: bubuG 時間: 16-5-13 00:31 標題: 回覆:明我12宗罪 (可能有更多, 不能盡錄)
好難理解佢可以經營40幾年......
作者: emilyhmw 時間: 16-5-13 01:26 標題: 回覆:明我12宗罪 (可能有更多, 不能盡錄)
明白晒。有圖有真相。可否告知明慧及民生你有無考慮?可分享一下嗎?
作者: 964000 時間: 16-5-13 06:53 標題: 回覆:明我12宗罪 (可能有更多, 不能盡錄)
好多幼稚園都係打著教得深,可以銜接小學課程,考直資,學店制,吸引家長報,完全漠視幼兒的心理需要,小朋友好可憐
作者: Shellyxlk 時間: 16-5-13 07:54 標題: 引用:好多幼稚園都係打著教得深,可以銜接小學課
原帖由 964000 於 16-05-13 發表
好多幼稚園都係打著教得深,可以銜接小學課程,考直資,學店制,吸引家長報,完全漠視幼兒的心理需要,小朋 ...
同意,好彩我唔打算俾我小朋友做狀元
作者: prettyporky 時間: 16-5-13 07:59 標題: 回覆:964000 的帖子
完全同意,我大仔日日返來同我講唔鐘意返學,老師成日鬧佢,因為佢唔寫字⋯⋯
佢地堂上要重複地寫字,返到屋企又要寫一版字,比我都悶啦!何況一個4、5歲人仔?駛唔駛日日鬧呀,老師?
作者: melodywong903 時間: 16-5-13 08:51 標題: 回覆:emilyhmw 的帖子
明慧、民生離家比較遠,所以當初冇考慮,現都是轉返屋企附近正常嘅幼稚園
作者: melodywong903 時間: 16-5-13 08:54 標題: 回覆:964000 的帖子
教得深又唔太覺,英文淺到爆,中文只係提早寫,但教錯晒,完全唔覺有咩用,將揀或已揀嘅家長真係要小心
作者: melodywong903 時間: 16-5-13 08:56 標題: 回覆:Shellyxlk 的帖子
係明我中狀元嘅機會少之有少,d家長有幸入到課外活動已經好似中六合彩咁
作者: melodywong903 時間: 16-5-13 09:00 標題: 回覆:prettyporky 的帖子
我眼見好多開心活潑嘅小朋友讀左一個學期變成沈默㝰言,可憐!老師冇乜笑容,好似欠佢錢咁!
作者: tommyxsarah 時間: 16-5-13 10:41 標題: 回覆:明我12宗罪 (可能有更多, 不能盡錄)
呢架學校一早 black list 左
自己住呢區
我報都無報
同樣 我去過佢學校附近 是細細的行 門口 又馬路 好難想像 要我小朋友日日係呢甘陜窄既街道返學放學
第2 收生比例誇張 大家可以睇下佢學校報告就知
第3 接聽電話 果位串串貢 (先惡頂) 我幫阿女報其他學校 間間幾乎都好友善 唯獨呢間甘Q 串
樓主 所講的 我都相信是真的
我有朋友讀緊
好興幸當然無報
我相信是但一間都好過佢 樓主祝您好運
作者: puichingforsure 時間: 16-5-13 11:06
提示: 作者被禁止或刪除 內容自動屏蔽
作者: dreamdream081 時間: 16-5-13 11:14 標題: 引用:最慘係小學唔接受,又要多樣野適應,有d小
本帖最後由 dreamdream081 於 16-5-13 14:22 編輯
原帖由 melodywong903 於 16-05-12 發表
最慘係小學唔接受,又要多樣野適應,有d小朋友要成個學期先改到,成日比老師圈,好大挫敗感,冇腳比幼稚園 ...
Thanks for your sharing
作者: Yeahly_ly 時間: 16-5-13 11:16 標題: 回覆:明我12宗罪 (可能有更多, 不能盡錄)
本帖最後由 Yeahly_ly 於 16-5-13 13:54 編輯
"係咪想搞到幼稚園都有人自殺先安樂呀! "唔好意思...睇呢句真係笑左! 睇教育局評核報告都知道呢間唔係好野...連份報告都話呢間學校婁勸不改...令小朋友欠創作力...但都係仲有家長盲撐
作者: melodywong903 時間: 16-5-13 11:24 標題: 回覆:Yeahly_ly 的帖子
原來教育局d report不是年年去inspection㗎!幾年先一次,所以佢唔會驚,越收越多人,教育局完全監管唔到佢,大家揀學校真係要小心
作者: Yeahly_ly 時間: 16-5-13 11:32 標題: 回覆:明我12宗罪 (可能有更多, 不能盡錄)
係呀...太約4年先去一次inspection架渣! 多謝你提大家小心呢間學校....真係怕害左小朋友對返學唔鍾意,學習無興趣! 樓主,你小朋友返左幾耐?無咩事呀嘛?
作者: prettyporky 時間: 16-5-13 11:34 標題: 回覆:明我12宗罪 (可能有更多, 不能盡錄)
我仔頭先想同我講嘢,好大聲講「望住我!」,我問佢點解咁冇禮貌,係邊個教你咁講,佢話係老師!佢班主任冇禮貌已不是第一次,每次打電話來都好似警察盤人咁態度;越來越覺得選擇轉校係明智決定!
作者: Beazel 時間: 16-5-13 11:37 標題: 引用:"係咪想搞到幼稚園都有人自殺先安樂呀! "
原帖由 Yeahly_ly 於 16-05-13 發表
"係咪想搞到幼稚園都有人自殺先安樂呀! "唔好意思...睇呢句真係笑左! 睇考試局報告都知道呢間唔係好野... ...
有考試局報告?我都想睇下,請問邊度有得睇?謝謝
作者: melodywong903 時間: 16-5-13 11:47
回覆 Yeahly_ly 的帖子
寫字影響比較大, 希望轉左校可快快糾正!
作者: melodywong903 時間: 16-5-13 11:51
回覆 prettyporky 的帖子
我會同個老師傾返, 佢唔可以咁樣話小朋友, 問下佢有無睇迦南拋書包事件? (放心, 個校長一定唔會炒佢!)
作者: melodywong903 時間: 16-5-13 11:58
回覆 Beazel 的帖子
http://www.edb.gov.hk/attachment ... rt/DominicSavio.pdf
作者: Yeahly_ly 時間: 16-5-13 12:00 標題: 引用:Quote:原帖由+Yeahly_ly+於+16-05-13+發表"
原帖由 Beazel 於 16-05-13 發表
有考試局報告?我都想睇下,請問邊度有得睇?謝謝
上網search呀...or 去www.hkexam.com ...search明我幼稚園
作者: Yeahly_ly 時間: 16-5-13 12:02 標題: 引用:回覆+Yeahly_ly+的帖子
寫字影響比較大,+
原帖由 melodywong903 於 16-05-13 發表
回覆 Yeahly_ly 的帖子
寫字影響比較大, 希望轉左校可快快糾正!
轉左校就好嘞!
作者: 天悅 時間: 16-5-13 12:29
嘩!真係好恐佈喎!
作者: 貓后 時間: 16-5-13 12:56 標題: 回覆:明我12宗罪 (可能有更多, 不能盡錄)
我小朋友當年都有去interview, 感覺重迫過排隊飲茶, interview 環境好嘈好亂, 所以我地都無讀
作者: niclicma 時間: 16-5-13 13:29 標題: 引用:"係咪想搞到幼稚園都有人自殺先安樂呀! "
原帖由 Yeahly_ly 於 16-05-13 發表
"係咪想搞到幼稚園都有人自殺先安樂呀! "唔好意思...睇呢句真係笑左! 睇考試局報告都知道呢間唔係好野... ...
視學報告寫得咁差,呢間學校都可以入圍那些所謂50大xxxxx幼稚園,再一次證明呢d排行榜的公信力有幾高。但最慘係會令一d家長參考咗,所以以後最好係睇埋學校嘅視學報告穩陣d。
作者: dreamdream081 時間: 16-5-13 14:13 標題: 引用:我仔頭先想同我講嘢,好大聲講「望住我!」
本帖最後由 dreamdream081 於 16-5-13 14:22 編輯
原帖由 prettyporky 於 16-05-13 發表
我仔頭先想同我講嘢,好大聲講「望住我!」,我問佢點解咁冇禮貌,係邊個教你咁講,佢話係老師!佢班主任冇 ...
Thanks for sharing. Pls let more parents to know
作者: dreamdream081 時間: 16-5-13 14:15 標題: 引用:完全同意,我大仔日日返來同我講唔鐘意返學
原帖由 prettyporky 於 16-05-13 發表
完全同意,我大仔日日返來同我講唔鐘意返學,老師成日鬧佢,因為佢唔寫字⋯⋯
佢地堂上要重複地寫字,返到 ...
作者: dreamdream081 時間: 16-5-13 14:23
Yeahly_ly 發表於 16-5-13 11:16
"係咪想搞到幼稚園都有人自殺先安樂呀! "唔好意思...睇呢句真係笑左! 睇教育局評核報告都知道呢間唔係好野. ...
作者: tommyxsarah 時間: 16-5-13 15:31 標題: 回覆:明我12宗罪 (可能有更多, 不能盡錄)
不過呢間所謂老牌名校
真係好多人熱棒架
入左真係好似中左六合彩甘
作者: ojoj18 時間: 16-5-13 16:08
回覆 melodywong903 的帖子
呢個集團唔止一間喎,咁其他分校好唔好架
作者: melodywong903 時間: 16-5-13 16:25
回覆 ojoj18 的帖子
奧運校唔清楚, 但見奧運校個校長後生D, 好似易溝通D
作者: dreamdream081 時間: 16-5-13 16:29 標題: 引用:回覆+ojoj18+的帖子
奧運校唔清楚,+但見奧
原帖由 melodywong903 於 16-05-13 發表
回覆 ojoj18 的帖子
奧運校唔清楚, 但見奧運校個校長後生D, 好似易溝通D
多謝您的分享,EK的子民會作出明智的選擇,不會再做儍事。
作者: Beazel 時間: 16-5-13 16:54 標題: 引用:我小朋友當年都有去interview,+感覺重迫過
原帖由 貓后 於 16-05-13 發表
我小朋友當年都有去interview, 感覺重迫過排隊飲茶, interview 環境好嘈好亂, 所以我地都無讀
...
我都係,in完感覺唔好
作者: Beazel 時間: 16-5-13 16:55 標題: 回覆:Yeahly_ly 的帖子
Thanks
作者: 雲牛 時間: 16-5-13 16:59
我記得睇過佢幾年前的 report, 未有差成咁.
作者: ojoj18 時間: 16-5-13 17:04
melodywong903 發表於 16-5-13 16:25
回覆 ojoj18 的帖子
奧運校唔清楚, 但見奧運校個校長後生D, 好似易溝通D
之前都in過奧運, 印象好一般,又係亂亂地, 程序麻麻, 果一刻諗入到都應該唔讀
作者: anpanman_baby 時間: 16-5-13 17:22 標題: 引用:不過呢間所謂老牌名校+ 真係好多人熱棒架
原帖由 tommyxsarah 於 16-05-13 發表
不過呢間所謂老牌名校
真係好多人熱棒架
入左真係好似中左六合彩甘
但呢2年統一註冊後,上教育局網頁見到仲有位剩
作者: melodywong903 時間: 16-5-13 17:29 標題: 回覆:anpanman_baby 的帖子
好易入㗎!多數都收,上午全日可以難d, 揀下午收硬,一班30人起,最多個班37人,年年加一班,其實佢已收學劵唔算平,仲要咁嘅質數,可能請有鄉音個d老師會平d添
作者: hilouisll 時間: 16-5-13 17:38 標題: 回覆:明我12宗罪 (可能有更多, 不能盡錄)
有腳既字,第1次聽,亦第1次見,會教壞小朋友吧
作者: Ronman 時間: 16-5-13 17:45
如果唔係樓主po埋相出來,我都真係唔信/唔明咩叫寫字要腳
作者: melodywong903 時間: 16-5-13 17:57 標題: 回覆:Ronman 的帖子
小朋友寫唔到隻腳會不斷圈,不斷擦,日日寫,要寫到為止,點知係小學變錯字
作者: vpo0615 時間: 16-5-13 17:57
有腳嘅寫法....恕我無知, 第一次見.
作者: Sharon111 時間: 16-5-13 18:18 標題: 回覆:明我12宗罪 (可能有更多, 不能盡錄)
好心啦,轉左校咪算囉,仲要喺度數學校。
以上咁多點,有大部份都係你自己問題,唔好喺度賴學校。明我啲豬肉獎多到飛起仲話少獎,係你自己只著眼隻獎杯唧,自己小朋友拎唔到獎就賴人地少獎。
知唔知明我每年有幾多畢業生?百幾二百個呀!如果個個都要求寫信,校長點寫?
同埋推薦信跟本係其他學校啲門面野,校長真係搭到路嘅,打個電話單聲已經得啦,駛乜要信。揀明我唔係因為為左派位,一個有搜集過資料嘅人都知派位係睇彩數跟本唔關讀咩幼稚園事。係你自己無知唧!
讀明我事實係有優勢叩門,因為啲課程接到小學,小學叩門試係考小一啲野,咁明我生自然叩到機會大。
論校舍大小,呢啲純個人喜好,咁都有得鬧?
你當初去 interview時唔知咁細嘅咩?咁係你自己揀架喎,又要插?
替學校高興,少左個怪獸家長。
作者: melodywong903 時間: 16-5-13 18:35 標題: 回覆:Sharon111 的帖子
當然係我自己問題,明知間學校有問題都讀,所以轉校,其實依位家長所講全無事實根據,我每個pt都係事實,小一學位打個電話講聲就有,難道以為自己係梁特首,特事特辦
作者: Sharon111 時間: 16-5-13 18:36 標題: 回覆:明我12宗罪 (可能有更多, 不能盡錄)
其實合則來,不合則去,走左仲要唱衰學校,只顯得自己無品。
況且以上嘅所謂罪狀,完全係個人選擇、小朋友自己能力問題,老師打人又未經證實,你咁樣公開唱老師學校好不負責任囉。
作者: Sharon111 時間: 16-5-13 18:47 標題: 回覆:melodywong903 的帖子
真係自打咀巴,咁難度寫信又有效嗎?
寫黎無用嘅做咩要求校長寫?唔寫就係衰?唔寫就無愛心?
咁你又知唔知,有啲最後叩唔到門嘅,如果有需要幫忙,校監真係會出手幫架?
作者: melodywong903 時間: 16-5-13 18:50 標題: 回覆:Sharon111 的帖子
作為母親,小朋友已是我嘅全部,不會容許在不公平之下傷害我的小朋友,我不介意你個人覺得我無品,無品就無品,我講出黎係要讀緊及將會揀嘅家長知道依間係間咩學校,接受到就讀,而且我地班家長只係投訴無門之下先開此post,因為我地向學校又投訴過向教育局又投訴過,都得不到改善,令妳不滿,不好意思,希望你小朋友學習愉快。
作者: melodywong903 時間: 16-5-13 18:53 標題: 回覆:Sharon111 的帖子
係明我開家長會講開校以來都唔寫推薦信,你可以打返學校問
作者: ddddssss 時間: 16-5-13 19:00 標題: 回覆:明我12宗罪 (可能有更多, 不能盡錄)
樓主,雖然用字比較主觀,但有其可閱性。謝樓主分享。有腳字真係第一次見
作者: bellarie 時間: 16-5-13 19:35 標題: 引用:作為母親,小朋友已是我嘅全部,不會容許在
原帖由 melodywong903 於 16-05-13 發表
作為母親,小朋友已是我嘅全部,不會容許在不公平之下傷害我的小朋友,我不介意你個人覺得我無品,無品就無 ...
多謝您的分享!
非常同意,小朋友也是我的全部!
會小心選擇!
你有圖有相,間學校太push !
作者: Sharon111 時間: 16-5-13 19:39 標題: 回覆:melodywong903 的帖子
駛乜打返去問唧,我一直都知唔會寫。
唔明點解要要求校長寫推薦信,又唔係校長嘅皇親國戚。
難道你覺得小學校長會睇幼稚園校長寫嘅推薦信嗎?當間幼稚園校長個個都寫時,呢封信已經無用用,純粹係要應你地家長要求先寫。唔寫我唔覺得係有問題。Copy n paste寫嘅我亦唔覺得個校長好有心囉。
作者: Sharon111 時間: 16-5-13 19:41 標題: 回覆:明我12宗罪 (可能有更多, 不能盡錄)
個個上小學都被老師圈錯字架啦,又賴明我老師害你個大仔挫敗
我個仔一開學咪又係不斷被圈,佢其他來自唔同幼稚園嘅咪一樣被狂圈
有咩大不了講到咁挫敗唧。我只會教個仔,小學老師教啲寫法係同幼稚園唔同,而家小學老師點教就點寫,自己留心上堂抄黑板。連呢少少野都受到,恕我直言,唔怪得咁多抗力低嘅港孩。
作者: melodywong903 時間: 16-5-13 19:45 標題: 回覆:Sharon111 的帖子
世間打手何其多,可憐
作者: melodywong903 時間: 16-5-13 19:45 標題: 回覆:ddddssss 的帖子
中肯
作者: melodywong903 時間: 16-5-13 19:49 標題: 回覆:bellarie 的帖子
童年係靠父母,大家一起用心做稱職嘅父母,減少小朋友行冤枉路
作者: Sharon111 時間: 16-5-13 19:50 標題: 回覆:明我12宗罪 (可能有更多, 不能盡錄)
咁如果自己阿媽有鄉音,咁係咪要向老豆投訴?
雖則我都唔 like大陸人,但老師有鄉音都要投訴都係罪?我覺得已構成歧視!
只要佢有合資格幼師資格就可以教幼稚園,學校請唔請係另一問題。
你睇下如果學校有個鬼妹班主任用帶英語嘅聲調嘅廣東話教書你又投唔投訴?
作者: Sharon111 時間: 16-5-13 19:56 標題: 回覆:melodywong903 的帖子
所有嘅野由大仔揀呢間學校,到細仔轉校,都係你自己嘅個人選擇,從來無人用不當手法呃你入黎讀。
你為左自己小朋友搵最好最合適嘅學校,無錯,亦無可口非。
但由始至終係你個人選錯問題,但就賴哂學校,仲要放上黎唱學校老師,我覺得好過份囉。
就係你一句為左自己仔女,就要毀學校校譽,好自私。
作者: Sharon111 時間: 16-5-13 20:02 標題: 引用:世間打手何其多,可憐
+
原帖由 melodywong903 於 16-05-13 發表
世間打手何其多,可憐
我自己小朋友都係讀呢間,都係第一身講出我所見到嘅事實,咩叫打手?
我只係見到有個自私無品家長,自己仔女拎唔到豬肉獎、自己小朋友跟唔上,就係度唱衰學校。
作者: Sharon111 時間: 16-5-13 20:11 標題: 回覆:明我12宗罪 (可能有更多, 不能盡錄)
每間學校都有唔同風格,教學模式。
你自己選校之前應該要了解清楚諗清楚先揀。
既然大仔喺度畢業,你已讀多年,無可能唔清楚學校校舍細又人多又谷,但你仍選擇細佬跟住入讀,無人呃你入黎讀迫你入黎讀,你而家先出黎唱衰學校,一啲說服力都無!當中原因
如果你係第一個小朋友今年先讀 n班,讀左1年覺得唔 like間學校而轉校,我都仲覺得情有可原。明眼人都睇得出你為咩而唱學校啦。
作者: Sharon111 時間: 16-5-13 20:13 標題: 回覆:明我12宗罪 (可能有更多, 不能盡錄)
咁夠大把名校小學谷啦,咪一樣有家長爭住入!有人揀無功課學校,有人揀勁谷名校,各有各喜好,點解人地谷就係罪?!
作者: Sharon111 時間: 16-5-13 20:46 標題: 回覆:明我12宗罪 (可能有更多, 不能盡錄)
其實唔係話幫住學校講說話,學校的確仍有好多地方要改善,但你對學校嘅指控太無理。
做人唔好太過份,自私加無品。
校舍細,學生多,呢個已經係多年黎嘅事實,咁只要佢無 over左規定嘅師生及空間比例,又何罪之有?like校舍大操場大為首選條件嘅跟本一開始就唔應該揀明我,呢啲硬件人所階知,又唔係有心瞞騙,亦無人迫你揀。
老實,我大細仔夾埋遇過好幾個老師,都好有愛心有責任心,阿仔都好鐘意老師,畢左業都仲會話要返去探老師,你可能會話,你好彩唧!
咁又點?唔通係一間學校你遇過一個惡老師,就鬧話全校老師都無愛心?
我大仔讀左4年,年年都有獎杯,我真心唔係想哂命,有冇獎有幾多獎真係咁重要?我細仔第一年 n班夠無拎獎杯啦,咪又係咁,但我唔會因為咁就鬧爆學校點解咁少獎囉。個個小朋友都唔同,唔通大仔拎到獎細仔又一定有?
作者: 大埔之友 時間: 16-5-13 20:52 標題: 回覆:明我12宗罪 (可能有更多, 不能盡錄)
校園得一層, 一早喺你申請已知,咁都可以係一宗罪? 收600人又你新政策? 邊間學校會明文規定校長一定要替學生寫推薦信? 認證唔認人是為小朋友安全著想. 除非你係龍蝦, 我鬼知邊個係你個女咩!我估第13宗罪是收了你小朋友.
作者: tommyxsarah 時間: 16-5-13 21:00 標題: 回覆:明我12宗罪 (可能有更多, 不能盡錄)
樓主都係講出佢感受姐
如果有Jm 係佢忠實粉絲
就算明我比人唱到點 都會繼續比小朋友讀
係唔係?
甘樓主 比小朋友讀完 呢間學校 有唔好既感受 分享下都唔得?
佢就係讀完 覺得唔適合佢小朋友 咪轉學
唔岩讀都要繼續讀 ?
有好多 Jm 無清楚了解幼稚園 人地話名校 就讀 點知原來好唔合適小朋友
分享下感受姐 大家take it easy
意見唔係正就係反
作者: babycatrina 時間: 16-5-13 21:03 標題: 回覆:明我12宗罪 (可能有更多, 不能盡錄)
多謝樓主真誠分享!
作者: Sharon111 時間: 16-5-13 21:17 標題: 引用:樓主都係講出佢感受姐+
如果有Jm+係佢忠實
原帖由 tommyxsarah 於 16-05-13 發表
樓主都係講出佢感受姐
如果有Jm 係佢忠實粉絲
而家就係有人一面倒唱衰學校而唔係單止講感受,都係個句,點解唔啱自己口味就要去左右別人選擇?
唔好講到忠實 fans, 我都係好中肯地講出事實,難道佢遇到嘅"不幸"就一定係事實,而我遇到嘅就係老作就係打手?
讀緊唔覺有問題嘅當然會繼續讀啦,咁已經選擇左轉校嘅又為咩要寫長篇大論黎數衰學校?為左一己發洩,有冇諗過老師同埋繼續讀緊嘅家長嘅感受?
作者: Sharon111 時間: 16-5-13 21:17 標題: 回覆:大埔之友 的帖子
本帖最後由 Sharon111 於 16-5-13 21:21 編輯
歡迎光臨 教育王國 (/) |
Powered by Discuz! X1.5 |