教育王國
標題: 一直有交補習費但原來3個月都無去補 [打印本頁]
作者: fooky-hk 時間: 16-4-7 22:10 標題: 一直有交補習費但原來3個月都無去補
事件已經係上年12月開始,我仔原來由12月起已經無去補習班,但他會準時出門扮去補習,然後坐係商場打機。我2月尾發現後,嬲到我即時停曬3科補習。 點解一直有交錢但無上堂補習社都唔會打嚟問下? 你地的補習社對no show有無會問吓或通知家長?
作者: Jane1983 時間: 16-4-7 22:41
亞仔吾知米貴
作者: Busybody! 時間: 16-4-7 23:05 標題: 回覆:一直有交補習費但原來3個月都無去補
提示: 作者被禁止或刪除 內容自動屏蔽
作者: fooky-hk 時間: 16-4-7 23:34 標題: 回覆:Busybody! 的帖子
P6
作者: stockmike 時間: 16-4-7 23:48 標題: 回覆:一直有交補習費但原來3個月都無去補
先放下補習問題,現仔仔態度如何?
作者: Yanamami 時間: 16-4-7 23:55
補习社係大班視像?唔係小学雞唔会有人跟進㗎~
作者: 5kin 時間: 16-4-8 00:44
小朋友呃你雖然係唔啱,
但你有無諗過
1 你覺得小朋友需要補習嘅原因?
2 小朋友响邊度變部機出嚟打?
3 小朋友唔想去補習嘅理由?
作者: conniecheung 時間: 16-4-8 01:32 標題: 回覆:一直有交補習費但原來3個月都無去補
我女果間,遲到少少都會打黎問小朋友情況。
我覺得咁先係有責任感的補習社。
作者: HappyCheerBaby 時間: 16-4-8 01:36
回覆 fooky-hk 的帖子
你最好了解吓小朋友點解要咁做,錢是少問題,小朋友為什麼要騙你呢?
作者: coco_cocopig 時間: 16-4-8 02:16 標題: 回覆:fooky-hk 的帖子
提示: 作者被禁止或刪除 內容自動屏蔽
作者: karen55407 時間: 16-4-8 07:26 標題: 引用:事件已經係上年12月開始,我仔原來由12月起
原帖由 fooky-hk 於 16-04-07 發表
事件已經係上年12月開始,我仔原來由12月起已經無去補習班,但他會準時出門扮去補習,然後坐係商場打機。我 ...
真係比個仔激死補習社都離晒譜,乜都唔知,學費照支
作者: kayi0556 時間: 16-4-8 09:06
補習社咁都有, 小朋友唔見左好大件事, 成3個月都冇發現
媽媽要好好同你囝囝傾下, 時下小朋友好早就踏入反叛期, 盡量抽時間陪下佢地, 要冷靜咁聽下佢地點講, 依家小六已經係咁, 中學唔知會點, 加油
作者: Happyhappylive 時間: 16-4-8 10:06 標題: 回覆:一直有交補習費但原來3個月都無去補
下,甘冇責任,但你仔有𡥄欠交功課
作者: mayyylai 時間: 16-4-8 11:52
回覆 fooky-hk 的帖子
P6, 呈分試考成點,有冇跌?佢 3 個月冇去補習社但又冇人通知你,你嗰間係咪大型補習社?唔需點名?
而另一件事就係坐低平心靜氣聽佢講解釋,我都知你會好嬲,但問清楚原因先,宜家小朋友好早已經係反叛期,如果今次處理得唔好,往後日子仲難捱。
希望你可以儘快解決到個問題所在。
作者: Jane1983 時間: 16-4-8 13:28
樓主嬲完要同仔仔好好傾吓,吾去補習的原因?成績如何?吾好的話,佢有乜嘢打算?點解要呃你?一家人有乜嘢吾可以照直講? 呢件事突顯左親子關係的問題,要修正吓。如果佢吾可以同屋企人坦白,第日有事邊個同佢商量呢!
作者: Jane1983 時間: 16-4-8 13:34
呢件事令我想起一個朋友,佢個女初小,成績好好,但可能學校測驗實在多,亞媽要求又高。有次佢測得吾好,竟然冒亞媽簽名,交番份卷比老師,亞媽問親都話未派。最後東窗事發,個亞媽嚇親之後,都係改吓同個女的相處方法。講到尾,你咩都會放棄,就係吾會放棄仔女。
作者: coco_cocopig 時間: 16-4-8 14:28 標題: 回覆:Jane1983 的帖子
提示: 作者被禁止或刪除 內容自動屏蔽
作者: fooky-hk 時間: 16-4-8 20:47 標題: 回覆:coco_cocopig 的帖子
佢性格OK的,也算聽話。唯獨是愛打機,我也不反對他打機放鬆,叫他停他會即停的。
他曾說過補習社的功課多,問問題但成日叫佢自己諗,所以阿仔唔鐘意去。曾和他約法三章補到呈三完結就唔補,結果佢頂唔到三月就走堂。
幸好呈三成績係3次呈分中最好全90以上。我只想知道其他補習社的做法而巳。
作者: Jane1983 時間: 16-4-8 20:52
回覆 fooky-hk 的帖子
三次90分以上,打機叫停肯停,算乖仔。甘其實吾算大事,係簁d錢遮
作者: little_yolky 時間: 16-4-8 21:24 標題: 引用:佢性格OK的,也算聽話。唯獨是愛打機,我也
原帖由 fooky-hk 於 16-04-08 發表
佢性格OK的,也算聽話。唯獨是愛打機,我也不反對他打機放鬆,叫他停他會即停的。
他曾說過補習社的功課多 ...
補習社做得唔好佢自會執笠,理佢咁多做乜。最緊要自己個寶貝仔。
作者: erictungcc 時間: 16-4-8 21:42 標題: 引用:佢性格OK的,也算聽話。唯獨是愛打機,我也
原帖由 fooky-hk 於 16-04-08 發表
佢性格OK的,也算聽話。唯獨是愛打機,我也不反對他打機放鬆,叫他停他會即停的。
他曾說過補習社的功課多 ...
咁既成績根本不用補,再勉強攪到個仔愈來愈反叛仲衰。另外,家長不應該甚麼也靠補習社,自己也有責任跟進。它是補習社,不是托兒所。補習社可能有不對,收錢的是老闆,補習的是老師,如果人多未必察覺有交學費但無出席。但最大責任是家長,即過去三個月你只將個仔俾左補習社,完全沒有理會個仔。你不會間中去補習社看看自己的兒子, 也不會接送。否則不可能三個月才知道。兒子是你的,你都不理會,又怎能怪別人?
作者: fooky-hk 時間: 16-4-8 22:12 標題: 回覆:erictungcc 的帖子
每個單位做任何事都有自己所屬的責任,不能説兒子有任何問題都是父母的責任。那麼學校不用對學生負責,醫院不用對病人負責。雖然補習社是謀利機構但對他的學生也要負責。
不是每個媽媽也是全職媽媽,每時每刻都能mon住孩子,我間中會打電話問我仔在那兒,亦不可能請假去接送。我對我兒信任,亦希望他能學會獨立自主,畢竟巳是6年級了。不想每事都限制住/直升機搖控住。 每人都有情緒,嬲完之後,我只明白到這補習社有不足之處,我亦有向他們反映,係心平氣和的。 雖有不足但我仍認為這補習社是有心教育的。
這事情上我當然有責任,但絶不是100%係我問題。 補習社不應只在乎教學,亦要注意行政安排。希望這家族式中型補習社吸取經驗,多加注意。多謝大家留言分享
作者: scyauchris 時間: 16-4-8 22:13
可能你囝唔補都ok, 練習做多同少分別也不大。
作者: fooky-hk 時間: 16-4-8 22:22 標題: 回覆:scyauchris 的帖子
他不是自動波的人,除了學校和補習社的時間外,他𣎴會溫習的。但坐定了就會專心溫(當然有我陪坐啦)
呈一比佢試一次自己溫,結果是80頭至中。雖然不算差但遊戲有規則,想穩佔一位只有努力玩好這遊戲。
作者: little_yolky 時間: 16-4-8 22:50 標題: 引用:他不是自動波的人,除了學校和補習社的時間
原帖由 fooky-hk 於 16-04-08 發表
他不是自動波的人,除了學校和補習社的時間外,他𣎴會溫習的。但坐定了就會專心溫(當然有我陪坐啦 ...
交學費是自己交定俾錢仔仔交?補習社係完全唔知少咗個學生咁誇張?三個月喔!
作者: 5kin 時間: 16-4-8 23:50
本帖最後由 5kin 於 16-4-8 23:51 編輯
講白d,件事主因响樓主度
你要個無需要補習嘅小朋友去補習,唔攞100分唔心息?除咗哂你錢同哂佢時間,仲傷緊佢自專,我睇完覺得佢唔係反叛而係逃避;另外温書無自動波,只係駛唔駛用力push先去温嘅分別,你叫佢就做成件事己經簡單好多;我覺得你比緊嘅係無形嘅壓力佢,仲要好勁添,依家早咗發現己經係好事
作者: ypiriswong 時間: 16-4-9 08:52 標題: 回覆:一直有交補習費但原來3個月都無去補
我同意補習社都要盡番基本責任,一個學生成個月都唔上堂,㸃解要繼續交學費?
如果咁都唔問下家長原因,咁呢間補習社好極有限
純粹個人感受
作者: siden 時間: 16-4-9 10:20 標題: 回覆:一直有交補習費但原來3個月都無去補
我肯定你仔好醒,真羨慕。
呢種性格,愈迫愈失去興趣。而且事實證明補習對他蹤$。
呢種醒人最好就係約法三章,專心溫一粒鐘書就可以打半粒鐘機。佢有動力專心溫習已經ok。
作者: rean_chau 時間: 16-4-9 12:15 標題: 回覆:一直有交補習費但原來3個月都無去補
其實佢有無真係交左學費架,交左錢會有收據。如果呢三個月個個月去交錢又唔補又無人問,咁補習社就有問題。阿仔無補習成三個月先知,其實係咪真係咁了解個仔呢?
作者: birdbird 時間: 16-4-9 17:01 標題: 引用:每個單位做任何事都有自己所屬的責任,不能
原帖由 fooky-hk 於 16-04-08 發表
每個單位做任何事都有自己所屬的責任,不能説兒子有任何問題都是父母的責任。那麼學校不用對學生負責,醫院 ...
你個仔本身係叻仔, 所以先会睇通你好小機會發現佢 “逃學”。 與其花時間追究補習社何解你仔冇上堂咁耐都唔打電話比你, 你不如諗下如何輔導你仔, 免得佢上到中學後變本加厲。
你忙到連間中去補習社接仔的時間都冇, 最好就唔好比個仔自由打機。打機令d細路沈迷, 浪費時間兼傷眼。想小朋友放鬆, 有好多方法。打機肯定不是最好的選擇, 尤其你冇時間監管個仔的打機行為
作者: HMmummy 時間: 16-4-9 23:45 標題: 回覆:一直有交補習費但原來3個月都無去補
首先換咗間補習社
作者: mayyylai 時間: 16-4-11 12:33
回覆 fooky-hk 的帖子
嘩,阿囝啲成績好好啦,再加上佢唔算沉迷打機,有啲小朋友會顛到用粗口鬧父母架,唔好迫佢,會有反效果
作者: erictungcc 時間: 16-4-11 13:55 標題: 回覆:fooky-hk 的帖子
沒有説家長有100%責任,但小六只是12歳,有幾成熟?男孩子最易變壞就係呢個年紀,無補習三個月,每天去了哪?有沒有了解點解佢唔去補?重點應該預防再發生,不是只怪補習社. 補習社係自由出入,不包睇仔。自己忙返工不是籍囗,而家香港大部份的家長都全職(我也是)。唔通發生事時,同警察講要返工唔得閒理?不一定要接,間中搵藉口打電話問下情況, 不太過份.
遲d讀中學,更加難跟足。而家唔搵方法解決,遲早有一日連學都唔返。每個小朋友都在試底線,你已經俾佢睇到你唔跟佢所以揾位走,倒不如快些收緊可能還可以補救。
作者: fooky-hk 時間: 16-4-11 21:02 標題: 回覆:erictungcc 的帖子
多謝各位意見,我和阿仔關係一向不錯的,事發後亦有同佢傾計和解釋。 我相信佢真係好憎再去那補習社,所以才走堂。我也有問佢如果升中後再有需要去補習,點算? 佢話只要不再去xx補習社就得。 他說成日都唔放人走,補一個鐘有時變成3個鐘。
12歲....呢個問題...我本人覺得可以適當地放手讓他學習處理事情。放手也要睇小朋友性格,不能一概而論。雖然今次事白花了5000元,但讓我們也上了一課。誰人沒錯過,我不會為這次事件做直升機阿媽。他還是一個直得我信任的兒仔
作者: Mapleac 時間: 16-4-13 12:26 標題: 引用:我女果間,遲到少少都會打黎問小朋友情況。
原帖由 conniecheung 於 16-04-08 發表
我女果間,遲到少少都會打黎問小朋友情況。
我覺得咁先係有責任感的補習社。
...
me too
作者: whywhywhywhy 時間: 16-4-15 16:18 標題: 引用:事件已經係上年12月開始,我仔原來由12月起
原帖由 fooky-hk 於 16-04-07 發表
事件已經係上年12月開始,我仔原來由12月起已經無去補習班,但他會準時出門扮去補習,然後坐係商場打機。我 ...
補習社好有問題,你本人有出現過或聯盟絡過補習社嗎?定只係叫仔交學費,自己從沒出現過,我試過游水係咁,結果突然一次去睇,原來一直無理我小朋友,只放浮板比佢,自此,學所有嘢我都不定期會出現或whatsapp老師
作者: fooky-hk 時間: 16-4-15 23:29 標題: 回覆:whywhywhywhy 的帖子
學費係我去交的,但並非我仔補習時間之內。之前我都會間中抽空接佢,但上小六之後就沒有了。
昨晚問了阿仔,原來佢最唔鍾意就係老板教。係又鬧唔係又鬧,所以我同d導師投訴的氣也省回了。
作者: whywhywhywhy 時間: 16-4-16 21:04 標題: 引用:學費係我去交的,但並非我仔補習時間之內。
原帖由 fooky-hk 於 16-04-15 發表
學費係我去交的,但並非我仔補習時間之內。之前我都會間中抽空接佢,但上小六之後就沒有了。
昨晚問了阿仔 ...
我小朋友都係咁,之前就係因為唔鍾意補習社,所以學習差左,後來佢主動同我講要轉,我問清楚原因,原來佢一早做好功課,但老師改功課太耐,而又多小朋友功課要改,結果佢本來去兩個鐘變了去三個几鐘,所以佢唔鍾意,而家轉左近學校的補習社,佢就無再投訴,不過小朋友真係要抽時間同佢地傾偈人,傾傾下先知佢地心事,特別我地小朋友都大,都唔知仲會同我地傾多几多年
作者: bobo700m 時間: 16-4-18 11:13
本帖最後由 bobo700m 於 16-4-18 11:14 編輯
個補習社都幾離普
3個月才發現,好彩冇出事
同小朋友溝通好重要
男孩多數中意打幾, 會吾會有其他運動--體育類
其實都算乖仔---呈三成績係3次呈分中最好全90以上
有好成績再打幾, 如果吾系太長時間, ok啊
作者: little_yolky 時間: 16-4-18 11:31
fooky-hk 發表於 16-4-15 23:29
學費係我去交的,但並非我仔補習時間之內。之前我都會間中抽空接佢,但上小六之後就沒有了。
昨晚問了阿仔 ...
有無搞錯, 你自己去交學費, 都可以學生失咗咁耐踪都唔問句 D咁既補習社, 真係你鏟佢都無用, 佢會有千千萬萬個借口耍你, 一於唱衰佢。
作者: mayyylai 時間: 16-4-18 11:44
回覆 fooky-hk 的帖子
唔好意思,請問係邊區?可以用來借鏡
作者: maggie789 時間: 16-4-19 10:04
補習社有冇攪錯呀,你月頭交錢時都唔問下你仔冇返喎,仲要三個月tim
作者: elain141519 時間: 16-4-20 17:23 標題: 回覆:一直有交補習費但原來3個月都無去補
我阿囡都有出現過相同的情況,有一個星期無返阿sir whatsapp 我先知(果日咁啱仲要去面試),係出發前一個鐘收到whatsapp,果下真係好愕然,繼續whatsapp問清楚左阿sir邊幾日。同時我都尋住气當無事發生過,果晚先問阿囡發生咩事。
阿囡都係因為轉左阿sir,做完功課等好耐先對,加上又唔俾工作紙佢做,所以好唔想返。
當時呈分試在即,我都係希望佢繼續返,我同阿sir 反映後,阿sir 都好配合。
講真有些全職家長真係未必可以接補習,我倆個準時收工返到屋企都8點,阿囡邊有幾機會仲晏過我地放補習。雖然阿囡有補習(6年級開始),但我倆公婆都係慣左每天keep住檢查功課,但完全都唔知,幸好阿sir 有講,以加小學生就開始反叛期,間唔中就要check下佢,放任得太耐,到大左就會講唔聽。
作者: Cara2006 時間: 16-4-20 18:02
fooky-hk 發表於 16-4-7 22:10
事件已經係上年12月開始,我仔原來由12月起已經無去補習班,但他會準時出門扮去補習,然後坐係商場打機。我 ...
好心痛,無論有甚麼原因,都唔應該咁。
而家d細路真係難教,小學己經咁,中學點算。
作者: fooky-hk 時間: 16-4-21 00:00 標題: 引用:回覆+fooky-hk+的帖子 唔好意思,請問係邊
原帖由 mayyylai 於 16-04-18 發表
回覆 fooky-hk 的帖子
唔好意思,請問係邊區?可以用來借鏡
屯門
作者: sonicmama 時間: 16-5-8 18:33
提示: 作者被禁止或刪除 內容自動屏蔽
作者: Wongsfamaily 時間: 16-5-12 16:29
提示: 作者被禁止或刪除 內容自動屏蔽
作者: leletse033 時間: 16-5-13 16:46
無理由咁耐冇番都唔通知!!
你每次去交錢職員都冇同你講?定係你俾錢仔仔交補習?
作者: lvsating 時間: 16-5-24 13:14
提示: 作者被禁止或刪除 內容自動屏蔽
作者: sexymami 時間: 16-5-27 00:15 標題: 回覆:fooky-hk 的帖子
我小時候都試過父母俾左錢補習社,但我去左一排就冇去,仲帶埋細佬妹在街上玩到夠鐘先返屋企。
但第二個月就東窗事發了。俾人打左獲金
之後換左第二間補習社,我就冇再唔去了。
其實那時候真係好唔喜歡第一間補習社的老師,又惡又冇愛心!
所以你囝唔返係有原因的
歡迎光臨 教育王國 (/) |
Powered by Discuz! X1.5 |