教育王國

標題: 虛心請教 - 喇沙家長 [打印本頁]

作者: eeefamily 時間: 15-12-3 14:37 標題: 虛心請教 - 喇沙家長

小兒想入喇沙, 但全級名次只是中上游,  九龍城某小學就讀,

聽坊間話喇沙好睇數學,  小兒有多項奧數比賽獎項 (金銀銅, 一等二等獎都有),  數學兩次呈分試都滿分及管樂團成員,    唔知有冇機會博下.

如果都係有距離,  我抽獎就唔放佢,  免得浪費機會.

請各家長意見.  謝謝

作者: hktraffic 時間: 15-12-3 14:58

數滿分但仍然是中上，英文ok嗎？
如英文也好，我會先試自行。LS是全in. 再有2nd in, 就機會高。就不用諗直資或甲乙點填。

作者: 晴晴小B 時間: 15-12-3 15:12 標題: 回覆：eeefamily 的帖子

喇小自己都有幾個好強既樂團，除非你小朋友學個樣樂器係書院好等人用，如果唔係幫助不太大。

作者: eeefamily 時間: 15-12-3 15:34

hktraffic 發表於 15-12-3 14:58
數滿分但仍然是中上，英文ok嗎？
如英文也好，我會先試自行。LS是全in. 再有2nd in, 就機會高。就不用諗直 ...

學校競爭大,  分數追得好緊,  所以就算每科有9字頭,  名次都未必係好前

英文上次呈分較好, average 有 A, 但今次跌了,  average 小過上次 3 分,  只有 B

我自行都想試下,  佢 second in 時間係咪直資放  result 之前?

作者: hktraffic 時間: 15-12-3 15:50

小學之前D師兄有冇入LS?

作者: eeefamily 時間: 15-12-3 15:58

hktraffic 發表於 15-12-3 15:50
小學之前D師兄有冇入LS?

年年都有幾個

作者: hktraffic 時間: 15-12-3 16:13

咁一定要去啦！

作者: JustAParent 時間: 15-12-3 19:03 標題: 引用：喇小自己都有幾個好強既樂團，除非你小朋友

原帖由 晴晴小B 於 15-12-03 發表
喇小自己都有幾個好強既樂團，除非你小朋友學個樣樂器係書院好等人用，如果唔係幫助不太大。

...

都唔係呀，喇沙好睇音樂，唔會嫌音樂人多既。如果仔仔真係學得好和公開賽有不錯表現，之後叩門都收。不過只是學校樂團就唔夠。

作者: christy-chan 時間: 15-12-3 20:29

提示: 作者被禁止或刪除內容自動屏蔽

作者: eeefamily 時間: 15-12-4 09:39

JustAParent 發表於 15-12-3 19:03
都唔係呀，喇沙好睇音樂，唔會嫌音樂人多既。如果仔仔真係學得好和公開賽有不錯表現，之後叩門都收。不過只 ...

佢冇個人獎, 只有團體獎

作者: eeefamily 時間: 15-12-4 09:44

christy-chan 發表於 15-12-3 20:29
路過,
師兄們是成績好靠自行入,定抽獎入 ?定係運動員靠自行入?

師兄們幾樣入既情況都有, 但有老師話上年有個全級第9 既師兄都係叩門先入到, 所以有係..............唔識講

不過我自行點都會博下, 但抽獎就唔知填唔填佢第一好

作者: brianshe 時間: 15-12-4 11:08

提示: 作者被禁止或刪除內容自動屏蔽

作者: eeefamily 時間: 15-12-4 11:31

brianshe 發表於 15-12-4 11:08
其實好睇你小朋友間小學個BAND1 百分比, 如果只係一般---可能只有20-30%係B1. 你小朋友全級排幾多先 ...

校長話只要係全級考到一半以上已屬 band 1, 但我都唔知係b1a or b1b

作者: ek49 時間: 15-12-4 11:32

英或數成績其中一科唔係A,無運動獎? 如果係我,我唔博,太危險

作者: JustAParent 時間: 15-12-5 12:51 標題: 引用：Quote:JustAParent+發表於+15-12-3+19:03+

原帖由 eeefamily 於 15-12-04 發表
佢冇個人獎, 只有團體獎

團體音樂獎冇乜幫助，你應考慮其他因素，如成績。

作者: schumacher 時間: 15-12-5 17:50 標題: 回覆：虛心請教 - 喇沙家長

可以自行时去争取，Lsc不但要学得而且要玩得。对体育以及音乐都很重视。英文要求较高，如果英文唔掂，即使入到都会好吃力。

作者: eeefamily 時間: 15-12-10 11:41

老師都建議佢試喇沙第一志願, 但今次呈分名次跌了, 把握又小了,

請問各家長當年你小朋友入到係咪全級20名以內?

作者: SIYip 時間: 15-12-10 12:03

我朋友係喇沙家長。抽獎喇沙得極少位，除非你諗住人棄我取，否則乙一真係好搏。如果自行，你小朋友要英文好好，唔係考試考得好，係真係reading +oral 都好掂，甘你可以用自一搏一搏。我朋友個仔就係自一入，成績唔算最top, 但英文極好，個人一望都覺得醒目仔嗰款，如果你仔仔係死讀雪嗰款，就唔好嘥咗自行嘅機會啦。

作者: eeefamily 時間: 15-12-10 15:12

SIYip 發表於 15-12-10 12:03
我朋友係喇沙家長。抽獎喇沙得極少位，除非你諗住人棄我取，否則乙一真係好搏。如果自行，你小朋友要英文好 ...

佢就係唔係死讀書型, 成日都係依櫃自己小聰明來考試, 所以成績唔 stable, 外表就高大醒目

學校有面試班操, 但佢表現去到邊真係唔係咁清楚, 佢自己實話冇問題

(未識死)

作者: SIYip 時間: 15-12-10 15:56

面試班無咩用，真係好睇小朋友真功夫。我估計我朋友個仔嘅成績係b1b 左右，因為佢英文超好，數學唔錯，係中文拉低咗整體表現。不過，睇你講嘅成績，喇沙又真係勉強。數學滿分都只能拉到中上，因為數學一張卷已經佔9, 睇嚟其他科都係中中地。如果無band 1 中嘅成績，自一又真係。。。。我仔學校(唔係九龍城)有一個入喇沙，佢全級頭5, 基本上呢幾年呈唔呈分都一定係全級頭10 以內。九龍城我唔熟，不過，自一搏喇沙，如果你自二又係全九龍城最top, 跟手乙一又係喇沙，呢個組合你要肯定承擔到搏輸嘅後果。如果九龍城英中位多於band 1學生，而你又肯定仔仔呈三都保持到band 1, 攞自一嚟搏下都無壞嘅，唔搏唔知運氣好嘛

作者: eeefamily 時間: 15-12-10 17:58

SIYip 發表於 15-12-10 15:56
面試班無咩用，真係好睇小朋友真功夫。我估計我朋友個仔嘅成績係b1b 左右，因為佢英文超好，數學唔錯，係 ...

佢上次呈分,  除咗一科88,  其他 3 科都 9 字,  全級都係中上高小小, 今次係常識差咗得7 字尾,  所以又拉底咗,  但都係中上,

老師就建議博,  但我仍考慮中, 自行應會博,  但乙部真係唔知

係咪填自行時要填埋乙,  唔係好似撰小學咁分兩次填?

作者: www 時間: 15-12-10 18:09

本帖最後由 www 於 15-12-10 18:10 編輯

eeefamily 發表於 15-12-10 17:58
佢上次呈分, 除咗一科88, 其他 3 科都 9 字, 全級都係中上高小小, 今次係常識差咗得7 字尾, 所以又拉 ...

分兩次。自行還自行。自行和抽獎的交表時間相差很遠。

作者: SIYip 時間: 15-12-10 18:13

自行還自行，統一還統一，係兩回事。現階段係報兩間心儀中學。常識佔6 影響相對少。幾多分唔係重點，重點係老師估計嘅banding. 如果你對老師有信心，甘佢嘅建議好重要，畢竟有心嘅學校同老師係會細心分析每年學校派位情況。至於統一，考埋呈三再上嚟研究啦。

作者: 978212 時間: 15-12-10 22:50

如果係中上成績，我自已唔會咁搏，除非有特殊強項。

作者: 978212 時間: 15-12-10 23:51

俾個上年嘅例子，個男仔係地區一綫十幾名，校際音樂節連續幾年獨奏攞冠軍，喇沙第二輪面試都冇，男拔收咗佢，當然音樂係好大原因，所以我睇喇沙係成績第一，相同成績就睇才能。

作者: JustAParent 時間: 15-12-11 00:17

978212 發表於 15-12-10 23:51
俾個上年嘅例子，個男仔係地區一綫十幾名，校際音樂節連續幾年獨奏攞冠軍，喇沙第二輪面試都冇，男拔收咗佢 ...

個男仔件樂器唔match姐, 喇沙好睇音樂, 我可以100%肯定.

作者: beecatcher 時間: 15-12-11 05:46 標題: 回覆：eeefamily 的帖子

我外生六年前是小五六全級第一考入喇沙，但人獎項不多但勝在考取多個中英學歷證書。而我女兒同校同學今年亦考入該校, 他亦是小五六全級頭一二名。所以我想呢間中學睇重成績多一點。

作者: bubuG 時間: 15-12-11 08:47 標題: 引用：小兒想入喇沙,+但全級名次只是中上游,++九

原帖由 eeefamily 於 15-12-03 發表
小兒想入喇沙, 但全級名次只是中上游, 九龍城某小學就讀,

聽坊間話喇沙好睇數學, 小兒有多項奧數比賽 ...

我識人牌面比令公子強都插唔入。

作者: lovemusiclove 時間: 15-12-11 09:38 標題: 回覆：虛心請教 - 喇沙家長

提示: 作者被禁止或刪除內容自動屏蔽

作者: eeefamily 時間: 15-12-11 10:53

多謝大家意見, 我會慎重再諗一下

作者: SIYip 時間: 15-12-11 10:54

成績緊係重要，b1c 自行揀佢就當自己買六合彩，反正自行有兩個選擇，但是否一定要最top 嗰幾個？我諗學校考慮嘅唔單只係成績表上嘅成績，係潛在能力，中英水平係必睇。

作者: SIYip 時間: 15-12-11 10:57

lovemusiclove 發表於 15-12-11 09:38
一定成績行先，一般津小冇頭五名都唔洗諗。

我好肯定我朋友個仔係一般津小同非頭五，但佢英文真係非常好，加好醒目，反應快，好有自信。其他美音體都無突出表現。

作者: 晴晴小B 時間: 15-12-11 11:59 標題: 引用：Quote:lovemusiclove+發表於+15-12-11+09:3

原帖由 SIYip 於 15-12-11 發表
我好肯定我朋友個仔係一般津小同非頭五，但佢英文真係非常好，加好醒目，反應快，好有自信。其他美音體都無 ...

呈分排名會計埋視藝音樂，有啲小朋友學術強，但比術科拉低排名

作者: geox 時間: 15-12-11 13:43

有無人知，LS每年有幾多入到F.1，但升唔上F.2？

作者: eeefamily 時間: 15-12-15 17:40

星期日去咗 fun day, 入門口已被歌聲吸引了, 但好 surprise 有唔小 "印度之星" 都係該校生

希望我仔有機會啦

作者: youma 時間: 15-12-15 19:00

本帖最後由 youma 於 15-12-15 20:01 編輯

eeefamily 發表於 15-12-15 17:40
星期日去咗 fun day, 入門口已被歌聲吸引了, 但好 surprise 有唔小 "印度之星" 都係該校生

希望我仔有機 ...

若冇以下任何一項, 應該較難入喇叭 :

- 官津校全級頭3 (直私校, 頭20也可)

- 體育項目全港頭5 (通常喇叭會找你的 ), 而學業成績和操行不能太差.

- 樂器起碼5級或以上優異成績, 中級組或以上比賽曾獲冠/亞軍, 通常要跟名師, 學業成績(尢其英文)要上上. (其實喇小已經有足夠musicians去羸男女拔, 所以書院只收少量musicians, 中樂都得).

- 大型數學比賽經常全港頭 20, (只拿金獎, 一等獎未足夠)., 學業成績(包括英文)要中上.

- 特殊技能: 多國語言, 國際藝術大獎, 科學或國學大獎等等(極少例子), 學業成績(包括英文)也要中上.

- 喇叭是法國傳教士創校, 所以每年都收幾個法/印/越等籍人士, 通常來自國際校, 中一入French特別班, 修法文, 英文, 副修中文.

作者: SIYip 時間: 15-12-15 22:09

我朋友個仔係無囉

作者: youma 時間: 15-12-15 22:41

SIYip 發表於 15-12-15 22:09
我朋友個仔係無囉

你話朋友個仔D英文係非常好, 這已經是一項特別技能!

喇沙重視英文, 其英文成績在男校中敢認第二, 考外國名U亦有很高成功率, 因外國大學很重視英文和數理, 對喇沙仔很有利.

作者: simonwan 時間: 15-12-16 00:21

youma 發表於 15-12-15 22:41
你話朋友個仔D英文係非常好, 這已經是一項特別技能!

喇沙重視英文, 其英文成績在男校中敢認第二, 考外國 ...

男校邊個第一？dbs 定 st joe?

作者: simonwan 時間: 15-12-16 00:24

youma 發表於 15-12-15 19:00
若冇以下任何一項, 應該較難入喇叭 :

- 官津校全級頭3 (直私校, 頭20也可)

多國語言？

多一國得唔得？韓文native 程度算唔算特殊技能？
謝謝。

作者: SIYip 時間: 15-12-16 10:34

youma 發表於 15-12-15 22:41
你話朋友個仔D英文係非常好, 這已經是一項特別技能!

喇沙重視英文, 其英文成績在男校中敢認第二, 考外國 ...

所謂嘅非常好係同一般學生比，唔係讀莎士比亞嗰款。自行有兩個選擇，揾一個當完夢無可厚非。喇沙自行有76 個男仔位，都唔係無得搏，以你提嘅條件，部份去咗神校直資，搏喇沙要派位先知結果，某程度上有風險。當然，前提係成績有番甘上下。

作者: hktraffic 時間: 15-12-16 14:03

回覆 SIYip 的帖子

若有LS 2nd in, 你就會有定心丸。

作者: chun媽 時間: 15-12-16 15:14 標題: 回覆：虛心請教 - 喇沙家長

其實，LS的數學人才何其多，單靠數學難穩操勝券，往年都有家長post類似的題目，樓主不妨爬文找找。
LS以往好重視世數，樓主仔仔有無考?是否來自一線小學?
三年前，有個case, 來自一線小學，數學好，考世數兩part都是distinction, 足球好，是best player, 英文B, 呈分試只是50幾名，有violin, 最後LS收左。有聞LS喜歡收all round的學生，以上case可供參考。
樓主看來唔試LS唔心息，既然自行有兩個，而老師又recommend LS, 何不一試?

作者: youma 時間: 15-12-16 21:31

simonwan 發表於 15-12-16 00:21
男校邊個第一？dbs 定 st joe?

DBS

作者: youma 時間: 15-12-16 21:33

simonwan 發表於 15-12-16 00:24
多國語言？

多一國得唔得？韓文native 程度算唔算特殊技能？

1. English, 2. French, 3. Spanish, 4. German

作者: honghong 時間: 15-12-22 19:12

想請教各位, 舊年喇沙小學有幾多個小朋友可以入番書院?

作者: schumacher 時間: 15-12-22 21:46 標題: 回覆：虛心請教 - 喇沙家長

親戚小朋友，舊年跨區自行入LSC，小學六年，年年三甲，六年品學兼優，六年英文全級第一，英文強，當時兩次呈分全A。不過體育音樂無特別成績，只係畢業個年在學校運動會得到接力獎項，音樂也只係合唱團，無獎項。數學都拿到一些x澳杯，x夏杯之類的豬肉獎。但在朗誦節多次得三甲，尤其係關鍵時刻的六年級連奪朗誦節英文同中文的冠軍及季軍。而且係天主教徒，在面試時也被問及。雖然我們自認為不算太差，但係入到先知，個個都係我地之上，個個都係精英中的精英。依家仍然要拼命往前追。

作者: scooper 時間: 15-12-23 11:17

本帖最後由 scooper 於 15-12-29 18:07 編輯

deleted

歡迎光臨教育王國 (/)