教育王國

標題: 世襲生增致超收競爭恐加劇 [打印本頁]

作者: loveDD 時間: 15-11-24 15:43 標題: 世襲生增致超收競爭恐加劇

本帖最後由 loveDD 於 15-11-24 15:43 編輯

http://news.takungpao.com.hk/paper/q/2015/1124/3242467.html

世襲生增致超收競爭恐加劇

2015-11-24 04:02:24|來源：大公網|

　　【大公報訊】綜合報道：2016學年小一自行分配學位結果昨揭盅。屬於必收的“世襲生”人數持續上升，較去年增加479人。其中，上水惠州公立學校提供75個小一自行分配學額，但因有48名“世襲生”，最終取錄78人，超收三人，變相令統一派位階段學額遭“蠶食”，恐令競爭加劇。

　　據現行升小自行分配學位機制，學校必須先取錄“世襲生”，惠州學校校長黃永強表示，校方今年收到240份申請，本地及跨境生各佔一半，首階段取錄的48名“世襲生”中，20名屬“跨境世襲生”；餘下的則按計分辦法，學童至少要有20分才有份抽籤，他們全為本地生，但仍有二人抽不到。

　　早上約九時，陸續有家長到惠州學校查閲自行收生結果，粉嶺居民李太的小朋友在計分制下只有15分（適齡10分及首名子女五分），昨日查看結果得悉榜上無名，有少許失望。
　　跨境校網料有助紓緩

　　她表示，父母不是校友故未能加分，選該校主要是因為接送較方便，不滿“世襲”會影響本地生入學機會，家中首名子女的分數便較吃虧。

　　黃永強認為，“世襲生”制度好壞參半，預料未來跨境生比例會下降。他説，“若弟妹在同一間學校就讀，對家庭而言是合理及好事，以方便照顧。”

　　他預計，由於教育局推行跨境校網，分散跨境生人數，跨境學童家長為提高成功率，會選擇較遠校網的學校，校內的跨境生比例應會減少。

　　獲派學位的學童，其家長鬚於明天或星期四（25日或26日）前往獲派小學辦理註冊。未能獲得自行分配學位的可於明年1月30日或31日前往指定的統一派位中心，辦理選校手續，以便參加統一派位。
責任編輯：大公網

作者: se6b03 時間: 15-11-24 15:48

其實學校應該係最大受害者，世襲生無得揀，焗住要收，家長最多報另一間。

作者: 晴晴小B 時間: 15-11-24 15:53 標題: 回覆：se6b03 的帖子

其實係學校角度係無分別，抽獎都係無得自己選

作者: 貝珠 時間: 15-11-25 22:40 標題: 回覆：世襲生增致超收競爭恐加劇

乜世襲生係必收咩？同分都要抽，唔明？

作者: HauMiranda 時間: 15-11-25 22:53 標題: 引用：乜世襲生係必收咩？同分都要抽，唔明？ +

原帖由貝珠於 15-11-25 發表
乜世襲生係必收咩？同分都要抽，唔明？

「世襲生」係指有兄姊在校讀書既弟妹，係必收的。

作者: winnienwy1978 時間: 15-11-26 01:37

應該加埋'港人父母加10分', '同區居住10年以上加10分'

作者: ajfamily 時間: 15-11-26 10:04

我覺得大抽獎應該要求起碼在該區住滿一年。

作者: 布希亞 時間: 15-11-26 10:29

提示: 作者被禁止或刪除內容自動屏蔽

作者: joetsang 時間: 15-11-26 11:00

winnienwy1978 發表於 15-11-26 01:37
應該加埋'港人父母加10分', '同區居住10年以上加10分'

宗教分先最唔應該, 我識人一家四口只有爸爸細時洗左禮, 但已冇去教堂多年, 呢個時侯拎張洗禮紙出呢就加分

作者: Twongcw 時間: 15-11-26 13:17

joetsang 發表於 15-11-26 11:00
宗教分先最唔應該, 我識人一家四口只有爸爸細時洗左禮, 但已冇去教堂多年, 呢個時侯拎張洗禮紙出呢就加分 ...

同意，宗教分既鼓勵急功近利之父母為加分而入教，又剝削未信教的小朋友接受教會學校教育的機會。

誠心信教的小朋友要維持信仰生活，根本，制度本身扭曲了道德價值。

作者: Twongcw 時間: 15-11-26 13:27

誠心信教的小朋友要維持信仰生活，根本不是必要在教會小學讀書，因為教會主日學的大門乃為所有人而開，而父母身教才最重要。

宗教分本末例置，其荒謬有如公屋政策變成；如果申請者已擁有物業及收入不少於$...之下限，可獲加分

作者: se6b03 時間: 15-11-26 13:56

其實宗教分本身涉及歧視，同時可能違反基本法保障香港居民享有宗教自由既規定。

各位覺得有冇可能申請到法援，向法院提出司法覆核 ? 有冇熟悉法律既jm知道 ?

作者: lkf_leung 時間: 15-11-26 14:31 標題: 引用：誠心信教的小朋友要維持信仰生活，根本不是

原帖由 Twongcw 於 15-11-26 發表
誠心信教的小朋友要維持信仰生活，根本不是必要在教會小學讀書，因為教會主日學的大門乃為所有人而開，而父 ...

若是本身是天主教家庭的媽媽，總希望自己的小朋友從小便能在天主教學校成長的。如果被派到不同宗教的學校，如佛教，也會感到十分煩惱的。

作者: penn_2010 時間: 15-11-26 14:54 標題: 引用：其實宗教分本身涉及歧視，同時可能違反基本

原帖由 se6b03 於 15-11-26 發表
其實宗教分本身涉及歧視，同時可能違反基本法保障香港居民享有宗教自由既規定。各位覺得有冇可能申請到法援 ...

絕對可以。法院亦會受理，勝算好大。亦可去信平機會，由佢地施壓。幾年前胡紅玉任平機會主席，就政府不公平處理小六學能測驗男女學生成績提出司法覆核，平機會贏左，政府要馬上修改政策。

作者: penn_2010 時間: 15-11-26 14:55 標題: 回覆：lkf_leung 的帖子

個人希望，唔應該建立在一個不公平的制度之上。

作者: 803Joa 時間: 15-11-26 14:59 標題: 引用：誠心信教的小朋友要維持信仰生活，根本不是

原帖由 Twongcw 於 15-11-26 發表
誠心信教的小朋友要維持信仰生活，根本不是必要在教會小學讀書，因為教會主日學的大門乃為所有人而開，而父 ...

沒有一個制度能滿足所有人要求。當沒有多選擇時又覺得錯配，有選擇時又覺得不公。學校和家長同理念同信仰喜不是好嗎？唔通一個天主教學生到佛教學校讀書會覺得舒服？

作者: se6b03 時間: 15-11-26 15:05

penn_2010 發表於 15-11-26 14:54
絕對可以。法院亦會受理，勝算好大。亦可去信平機會，由佢地施壓。幾年前胡紅玉任平機會主席，就政府不公平 ...

之前已向平機會反映過，得到回應係本港沒有宗教歧視條例，只能夠用種族歧視條例去處理，

而本身小一自行計分方法只涉及間接上的種族歧視，所以未能作進一步處理，本人打算申請法

援及向法院提出司法覆核，想問是否有jm想加入成為與訟人，可pm本人。

種族歧視查詢

本函有關你的種族歧視查詢。平等機會委員會（「委員會」）已於2015年10月8日透過電話向你進一步解釋相關法例。

你表示小學自行分配學位的計分方法中，如申請者的宗教信仰與辦學團體的宗教背景相同將獲得加分。你認為教育局於小學學位計分方法上以宗教作為條件之一，可能構成對某些種族群體的間接歧視。

根據《種族歧視條例》（「條例」）第8條，“種族”就某人而言，指該人的種族、膚色、世系、民族或人種。宗教信仰並不屬於條例所定義的種族之一；條例的保障範圍並不包括政府執行其職能或行使其權力時的行為。你所查詢的事件似乎並未涉及條例下的種族歧視，因此委員會未能作進一步處理。

如有疑問，請致電21062116與本人聯絡。

平等機會委員會主席

作者: Cowbit 時間: 15-11-26 15:13 標題: 引用：Quote:原帖由+se6b03+於+15-11-26+發表其實

原帖由 penn_2010 於 15-11-26 發表
絕對可以。法院亦會受理，勝算好大。亦可去信平機會，由佢地施壓。幾年前胡紅玉任平機會主席，就政府不公平 ...

但你有無了解呢個轉變之後影響幾咁深遠?
你家的孩子是個公子嗎?

作者: Cowbit 時間: 15-11-26 15:23 標題: 引用：其實宗教分本身涉及歧視，同時可能違反基本

原帖由 se6b03 於 15-11-26 發表
其實宗教分本身涉及歧視，同時可能違反基本法保障香港居民享有宗教自由既規定。各位覺得有冇可能申請到法援 ...

我覺得你係歧視緊有宗教分的家長

你會唔會話喇沙歧視女仔, Maryknoll歧視男仔? 我就話上次評機會個judgement歧視普遍比女仔遲熟的男孩。其實我可以去評機會上訴? 有無熟悉法律jm知道?

作者: penn_2010 時間: 15-11-26 15:25 標題: 回覆：penn_2010 的帖子

宗教團體開辦的醫院，教徒病人沒有優先。宗教團體開辦慈善機構，沒有規定教徒優先享有服務。教育不是有教無類嗎？為什麼教徒有分加？

作者: penn_2010 時間: 15-11-26 15:27 標題: 引用：Quote:原帖由+Twongcw+於+15-11-26+發表誠

原帖由 803Joa 於 15-11-26 發表
沒有一個制度能滿足所有人要求。當沒有多選擇時又覺得錯配，有選擇時又覺得不公。學校和家長同理念同信仰喜 ...

學校又唔會迫你信佛，點解會唔舒服？

作者: bbqyou 時間: 15-11-26 16:00

本帖最後由 bbqyou 於 15-11-26 16:06 編輯

必收生同世襲生有乜分別?

作者: oho1 時間: 15-11-26 16:59

Cowbit 發表於 15-11-26 15:23
我覺得你係歧視緊有宗教分的家長
你會唔會話喇沙歧視女仔, Maryknoll歧視男仔? 我就話上次評機會 ...

現今香港就是這樣了...樣樣都說政府錯、政策失誤等等! 每事都說成歧視或不平等!

我反而覺得最大的問題是..."他們覺得應該得到比別人"更多"的公平或平等,才算是公平"，或者他們自身的公平公正比別人的更大更重要吧!

作者: Twongcw 時間: 15-11-26 17:13

lkf_leung 發表於 15-11-26 14:31
若是本身是天主教家庭的媽媽，總希望自己的小朋友從小便能在天主教學校成長的。如果被派到不同宗教的學校， ...

1. 對，不過小朋友絕對有權唔申請其它宗教的小學，是個人決定，跟應否獲取5分無關

2. 首先，未入教不等於唔認同該宗教信仰，領洗與否跟家庭背景、機緣、有否時間上慕道班等有關，例: A因父母"部署得宜" 出生後即獲嬰兒領洗但從未去過教堂，B自幼上教堂同主日學但尚未領洗，你認為哪位更有信德? 哪位應取得5分?

3. 事實上大多數未入教的家庭，因為校風、成績、甚至信仰等因素，同樣希望小朋友能在天主教/基督教學校成長的，分別只是有無一張領洗紙，為什麼成功部署者/世襲教友可取5分，高人一等呢?

4. 明白政策原意是鼓勵同宗教報校，但無宗教人士報非教會學校又無5分，加上難以審查/阻止為分入教等，明顯是政策漏洞。。。正如雙非父母在target校網買樓，都是為子女好，合情又合法，但你覺得合理嗎?

作者: oho1 時間: 15-11-26 17:18

penn_2010 發表於 15-11-26 15:27
學校又唔會迫你信佛，點解會唔舒服？

我會!  我和小朋友就一定不會報讀那些與我們理念和宗教不同的學校，那理會它是什麼神校呀!

That's my choice!  以免後悔，到時像某些人一般...要求這樣、要求那樣，又要求校方、辦學團體取消什麼什麼來迎合他們的需要! 否則又說校方、辦學政策不公及歧視他們!!!

你可以選擇學校，為何校方、辦學團體不能選擇合乎他們理念和宗教的學生呀!?  樣樣有利於你才叫"公平"嗎!

作者: 布希亞 時間: 15-11-26 17:59

提示: 作者被禁止或刪除內容自動屏蔽

作者: b16a 時間: 15-11-26 18:37

bbqyou 發表於 15-11-26 16:00
必收生同世襲生有乜分別?

什麼是「必收類」：根據現行制度，官津小學甄選學童，必須先錄取在校就讀學生的弟妹或在校員工子女，這類學童的申請，必然會被取錄，所以叫「必收類」。因為這個原因，這類學生又被俗稱為「世襲生」。在「自行分配學位」中所收取的「必收類」學生，最多佔學校小一學額 30%，如有不足之數，以原本預留作「統一派位」的學額填補。

作者: leungsiupig 時間: 15-11-26 18:41

回覆 winnienwy1978 的帖子

作者: twlo 時間: 15-11-27 08:41

宗教分的問題，主要來自父母。
本人舊年大抽獎，由於原區加舊生有二十分，而母校是天主教學校，如果我去領洗的話，會有二十五分，已必入，但我也沒有領洗，只有二十分，抽不中。
身邊很多朋友也問我為何不領洗，我最後會問返轉頭，如果子女大了，問你為何會幫他小孩時領洗，你們會點答。
最後成功叩門成功，比用旁門左道開心得多。

作者: ffaye 時間: 15-11-27 09:05 標題: 引用：宗教分的問題，主要來自父母。本人舊年大抽

原帖由 twlo 於 15-11-27 發表
宗教分的問題，主要來自父母。
本人舊年大抽獎，由於原區加舊生有二十分，而母校是天主教學校，如果我去領 ...

我同你一樣。舊生有20分但要抽。點解唔攞埋宗教5分？因為真係過唔到自己嗰關。仔女大左去信主一件事，但如果自己為左小一去偽信一個suppose係信一世既宗教我會覺得係出賣左自己同小朋友。

我唔反對有呢5分，而且教會好寬宏，視任何走向主既，包括為5分而信既都係主既呼召，認為係種左粒種子等待將來發芽。但我自己會睇唔起為呢5分而信，用完呢5分就消失於教會直到永遠既人。

作者: tkinwong 時間: 15-11-27 09:15 標題: 回覆：世襲生增致超收競爭恐加劇

計分制或世襲生的討論年年在教育王國都有。我認為最公平的方法得兩個極端，一是像考私立和直資一樣，個個都有權考，另一個極端是全部抽。但這些是大家想要嗎？如果瑪利諾全部抽獎唔計分，過得十年八年，仲可保持到名校地位嗎？

作者: joetsang 時間: 15-11-27 11:29

回覆 joetsang 的帖子

交家長洗禮紙都得, 我都係今年先知道

作者: joetsang 時間: 15-11-27 11:52

回覆 joetsang 的帖子

要埋主任牧師信證明小朋友都有返, 咁樣公平好多

作者: rainbowyung1 時間: 15-11-27 12:02

回覆 ffaye 的帖子

我十分同意你的看法，我是基督徒，先生是佛教徒

我覺得都要對自己，先生，阿仔誠實，

雖然冇宗教分，是輸蝕左，

但心裡十分平安，對得自己，對得神。

作者: Sassa 時間: 15-11-27 12:44 標題: 引用：Quote:winnienwy1978+發表於+15-11-26+01:3

原帖由 joetsang 於 15-11-26 發表
宗教分先最唔應該, 我識人一家四口只有爸爸細時洗左禮, 但已冇去教堂多年, 呢個時侯拎張洗禮紙出呢就加分 ...

唔係間間都得，有啲要小朋友恆常出席主日學証明

作者: ffaye 時間: 15-11-27 13:42 標題: 引用：計分制或世襲生的討論年年在教育王國都有。

原帖由 tkinwong 於 15-11-27 發表
計分制或世襲生的討論年年在教育王國都有。我認為最公平的方法得兩個極端，一是像考私立和直資一樣，個個都 ...

我唔敢大大聲講呢個point,因為本身唔係呢類講求school spirit 學校畢業既未必會明。

响大家怒罵個制度既同時，有無人都為學校諗下？少左一班die hard校友，間學校又點會有咁多人力物力去攪好佢？

作者: Twongcw 時間: 15-11-27 16:25

回覆 tkinwong 的帖子

我認為名校地位來自3種力量：
1. 成績 (直私通過考核收生有優勢)
2. 資源 (硬實力，來自校友和辦學團體之財力，能一定程度上提升｢成績｣)
3. 聲譽傳統 (軟實力，屬於Intangibles，來自舊生之社會網絡和地位，能為學校提供｢資源｣)

直私始終無法憑成績完全擊倒所有官津，除學費$因素之外，我相信是因為官津名校所擁有的資源和聲譽，乃百年基業，依然吸引無數高材生慕名入讀。所以，就算瑪利諾全部抽獎唔計分，過得十年八年，估計名校地位依然可保持到，只是頂尖成績將較為分散於全港學校，各名校當然不會贊成這種制度改變。

始終，公平之餘亦需要平衡面試壓力、辦學motivation 和自決命運的機會，取消宗教分可行，但計分制不應取消。

作者: little_yolky 時間: 15-11-27 16:46

Cowbit 發表於 15-11-26 15:13
但你有無了解呢個轉變之後影響幾咁深遠?
你家的孩子是個公子嗎?

其實, 男仔既家長可唔可以申請司法覆核, 因為好多研究已證明男女大不同, 用同一條隊評核係對男仔好唔公平, 係明顯性別歧視。

利申：我兩個都係女, 仲要讀緊小學, 不過對於B1男女校搞到好似女校咁有D不滿而已。

作者: se6b03 時間: 15-11-27 17:07

Twongcw 發表於 15-11-27 16:25
回覆 tkinwong 的帖子

我認為名校地位來自3種力量：

其實係科學上，自行計分同大抽獎所收既學生都係一樣既，因為自行計分根本上唔係計學生本身既成績同能力，d計分項目無一項係同能力有關，所以就算完全取消自行計分方法，用大抽獎取代，所收既學生質素係會一樣。就算係自行世襲，只係靠兄姊關係同父母關係入讀，同基本能力完全無關，同直私收生要經過面試，過關斬將先入到去讀，完全係另一回事。

作者: Twongcw 時間: 15-11-27 17:46

回覆 se6b03 的帖子

自行計分同大抽獎的student mix當然不一樣。。。

你只集中自成績能力一環，是一樣的；

但是在校方而言，學校地位還看資源和聲譽傳統，而舊生父母對此兩項就有好大影響力，而在讀兄姊作為自行世襲的傳承媒介，有助於延續舊生父母家庭對學校的影響力。所以自行計分雖然未能直接提升收生質素和成績，但間接令多年來該校能成為名校之元素延續下去。

作者: ffaye 時間: 15-11-27 19:15 標題: 引用：回覆+se6b03+的帖子自行計分同大抽獎的st

原帖由 Twongcw 於 15-11-27 發表
回覆 se6b03 的帖子

自行計分同大抽獎的student mix當然不一樣。。。

不能認同更多。

我見過db仔已經做左醫生，到學界比賽會打校呔番工。

呢d就係佢地既spirit,薪火相傳。

作者: Cowbit 時間: 15-11-27 19:59 標題: 引用：Quote:Cowbit+發表於+15-11-26+15:13+但你

原帖由 little_yolky 於 15-11-27 發表
其實, 男仔既家長可唔可以申請司法覆核, 因為好多研究已證明男女大不同, 用同一條隊評核係對男仔好唔公平, ...

exactly! 社會只會越來越唔平衡。

作者: Char_Mom 時間: 15-11-27 21:27 標題: 引用：Quote:原帖由+Twongcw+於+15-11-27+發表回

原帖由 ffaye 於 15-11-27 發表
不能認同更多。

我見過db仔已經做左醫生，到學界比賽會打校呔番工。

喇沙仔咪又係？我大把喇沙仔醫生不知幾吟有school spirit

作者: Char_Mom 時間: 15-11-27 21:29 標題: 引用：Quote:原帖由+Twongcw+於+15-11-27+發表回

原帖由 ffaye 於 15-11-27 發表
不能認同更多。

我見過db仔已經做左醫生，到學界比賽會打校呔番工。

所以我看不出 DSS vs 津貼名校school spirit的分別！

作者: ffaye 時間: 15-11-27 22:03 標題: 引用：Quote:原帖由+ffaye+於+15-11-27+發表不能

原帖由 Char_Mom 於 15-11-27 發表
所以我看不出 DSS vs 津貼名校school spirit的分別！

我並無直資同津校有分別既意思，只係咁啱我識既係db仔啫。而且好多直資名校多年前都係派位，亦係依家做醫生嗰班人讀書既年代。

作者: 20130401 時間: 15-11-28 05:53 標題: 引用：Quote:原帖由+joetsang+於+15-11-26+發表宗

原帖由 Sassa 於 15-11-27 發表
唔係間間都得，有啲要小朋友恆常出席主日學証明

是什麼學校？

作者: 20130401 時間: 15-11-28 06:05 標題: 引用：其實宗教分本身涉及歧視，同時可能違反基本

原帖由 se6b03 於 15-11-26 發表
其實宗教分本身涉及歧視，同時可能違反基本法保障香港居民享有宗教自由既規定。各位覺得有冇可能申請到法援 ...

吓！咁又司法覆核，如果個小朋友在宗教學校比較官校及慈善機構學校讀多一科宗教科，這樣是否需要向平機會進行司法覆核呢？

香港教育制度同香港政府經濟政策一向積極不干頂，所以對宗教辦學不管（除非違法）也許香港是宗教自由，而且宗教分也無可厚非，在各宗教角度，也希望多些信徒，也是對世人的包容，即使不是真心，也希望值著這5分間接鼓勵吸納多些自己宗教的信徒

作者: 20130401 時間: 15-11-28 10:18 標題: 引用：宗教團體開辦的醫院，教徒病人沒有優先。宗

原帖由 penn_2010 於 15-11-26 發表
宗教團體開辦的醫院，教徒病人沒有優先。宗教團體開辦慈善機構，沒有規定教徒優先享有服務。教育不是有教無 ...

吓！用醫院和學校比較，完全不洽當，學校有學位限制，不是過一晚，過一星期就個學生就如病人一樣

辦學團體也一定程度上自主，也是政府教育方針，一直以來行之有效

作者: se6b03 時間: 15-11-28 10:29

20130401 發表於 15-11-28 06:05
吓！咁又司法覆核，如果個小朋友在宗教學校比較官校及慈善機構學校讀多一科宗教科，這樣是否需要向平機會進 ...

照你既講法，點解唔係無宗教信仰既人可獲加分 ? 咁樣先可以吸引多d非教徒報讀，等辦學團體有機會傳教。宗教分呢樣野我真係想極也想不通。一個人既然已經信左教，咁仲洗乜野加分比佢呢 ?

作者: shersiu 時間: 15-11-28 10:52

提示: 作者被禁止或刪除內容自動屏蔽

作者: 20130401 時間: 15-11-28 11:19 標題: 引用：Quote:20130401+發表於+15-11-28+06:05+吓

原帖由 se6b03 於 15-11-28 發表
照你既講法，點解唔係無宗教信仰既人可獲加分 ? 咁樣先可以吸引多d非教徒報讀，等辦學團體有機會傳教。宗教 ...

你咪去平機投訴囉，去申請法援司法覆核囉！

作者: se6b03 時間: 15-11-28 11:35

本帖最後由 se6b03 於 15-11-28 11:43 編輯

20130401 發表於 15-11-28 11:19
你咪去平機投訴囉，去申請法援司法覆核囉！

已申請左，正等候排期。就算最後法院不批准司法覆核申請，起碼教育局都會研究優化自行收生辦法，可能你本身係既得利益者，先會維護現時既計分方法，但你亦無需要沾沾自喜。

作者: bbqyou 時間: 15-11-28 12:31

本帖最後由 bbqyou 於 15-11-28 12:36 編輯

個人超級反對世襲制度, 有人做左野就最好.........

依個制度等同富者越富, 貧者越貧..........政府應該取消

應該一視同仁, 上次取消TSA巳經失敗左, 希望今次有機會

作者: penn_2010 時間: 15-11-28 12:36 標題: 引用：+本帖最後由+se6b03+於+15-11-28+11:43+編

原帖由 se6b03 於 15-11-28 發表
本帖最後由 se6b03 於 15-11-28 11:43 編輯

講得好！支持你！一切順利！

作者: loveDD 時間: 15-11-28 14:16 標題: 回覆：世襲生增致超收競爭恐加劇

其實現時小一收生分甲乙部和統一派位係盡可能滿足唔同人/持分者嘅需要。

如果真的要做到除了有兄姊一類必收的之外劃一統一派位，那話之你間學校喺灣仔，你住沙頭角或深圳都可以派埋一份，我諗一定會有很多國內家長歡迎！

作者: 20130401 時間: 15-11-28 16:18 標題: 引用：+本帖最後由+se6b03+於+15-11-28+11:43+編

原帖由 se6b03 於 15-11-28 發表
本帖最後由 se6b03 於 15-11-28 11:43 編輯

浪費公幣

作者: ak1020 時間: 15-11-28 18:59 標題: 引用：其實現時小一收生分甲乙部和統一派位係盡可

原帖由 loveDD 於 15-11-28 發表
其實現時小一收生分甲乙部和統一派位係盡可能滿足唔同人/持分者嘅需要。

如果真的要做到除了有兄姊一類必 ...

同意，我相信所謂最公平的做法是全港大抽獎，仲要不可分校網，咁人人機會均等啦，但既然要公平，那些雙非就必然可以抽埋一份，因法律上佢地都係港人，否則又會有人話不公平，但到時大家唔好話人地分薄機會。或者另一較公平做法是實行小一入學試，但可想而知，到時啲家長會有幾瘋狂去催告小朋友，這是否大家想見？

作者: shersiu 時間: 15-11-28 19:29

提示: 作者被禁止或刪除內容自動屏蔽

作者: shersiu 時間: 15-11-28 19:33

提示: 作者被禁止或刪除內容自動屏蔽

作者: 豬C奶 時間: 15-11-28 20:14 標題: 引用：Quote:原帖由+se6b03+於+15-11-28+發表本帖

原帖由 20130401 於 15-11-28 發表
浪費公幣

十分認同，不如申請建多點遊樂場實際點，時間同錢都要用在對的地方

作者: 豬C奶 時間: 15-11-28 20:21 標題: 回覆：世襲生增致超收競爭恐加劇

世界是不公平，點解女人生仔，男人唔使，從公平去看是沒有一件事是公平的，有錢人越來越有錢，所以我們先想努力他朝有日做有錢人，當做了有錢人看世界上沒有公平不公平，只有努力同付出，小婦人之見，因為我都想荷包富有和心靈富有。你想有好學校，個個都想，有朋友自1歲不停操操操，今日結果子，抽獎話明講運氣，六合彩唔中就真是唔公平啦！哈哈！

作者: loveDD 時間: 15-11-28 20:59 標題: 引用：回覆+loveDD+的帖子如果父母忍受到小孩子

原帖由 shersiu 於 15-11-28 發表
回覆 loveDD 的帖子

如果父母忍受到小孩子每日幾個鐘頭舟車勞頓又搵到媬姆車由沙頭角去到灣仔，我又覺得冇 ...

或許你不認為這是個問題，但「鳩佔鵲巢」，一個無限制的統一派位，隨時可以使兩年前北區幼稚園的情況漫延到香港九龍其他區域，我諗香港地仍有不少家長是希望小朋友不用跨區上學。

作者: shersiu 時間: 15-11-28 22:13

提示: 作者被禁止或刪除內容自動屏蔽

作者: tkinwong 時間: 15-11-29 09:58 標題: 引用：回覆+loveDD+的帖子冇錯，包括我在內都不

原帖由 shersiu 於 15-11-28 發表
回覆 loveDD 的帖子

冇錯，包括我在內都不想小朋友跨區，教育署原意都不想小孩舟車勞頓，但點解計分制容許 ...

所以計分和抽獎各佔約一半名額。目前的制度是很多考慮的妥協，照顧學校傳承因素和就近入學的需要。如果只考慮地區，我不是住九龍城，那是否又對我不公平？我或我的小朋友點解沒機會讀那幾間名校？

作者: ajfamily 時間: 15-11-29 10:09

shersiu 發表於 15-11-28 22:13
回覆 loveDD 的帖子

冇錯，包括我在內都不想小朋友跨區，教育署原意都不想小孩舟車勞頓，但點解計分制容許 ...

因為有一半位分咗去按居住地址做大抽獎，所以我反而覺得要在大抽獎時加一個限制，即起碼在該區連續住滿1年/2年.....。

作者: loveDD 時間: 15-11-29 10:38 標題: 引用：Quote:原帖由+shersiu+於+15-11-28+發表回

原帖由 tkinwong 於 15-11-29 發表
所以計分和抽獎各佔約一半名額。目前的制度是很多考慮的妥協，照顧學校傳承因素和就近入學的需要。如果只考 ...

正確來說，計分制佔了小一學位兩成學額，同區統一派位佔四成半，是計分制的一倍，而無區域限制的統一派位佔半成。

作者: loveDD 時間: 15-11-29 10:45 標題: 引用：Quote:shersiu+發表於+15-11-28+22:13+回覆

原帖由 ajfamily 於 15-11-29 發表
因為有一半位分咗去按居住地址做大抽獎，所以我反而覺得要在大抽獎時加一個限制，即起碼在該區連續住滿1年/ ...

但實際施行是也有考慮，例如如果有人一家住開深水埗擋房，有日收到政府派公屋住東涌/天水圍，總不能叫人未來一兩年返深水埗上學吧。

作者: loveDD 時間: 15-11-29 11:05 標題: 引用：Quote:原帖由+shersiu+於+15-11-28+發表回

本帖最後由 loveDD 於 15-11-29 11:15 編輯

原帖由 tkinwong 於 15-11-29 發表
所以計分和抽獎各佔約一半名額。目前的制度是很多考慮的妥協，照顧學校傳承因素和就近入學的需要。如果只考 ...

區域限制可以幫助家長，讓他們的孩子不需要跨區上學，目的是好，但想深一層，此舉會不會做成叧一種「不公平」呢？那些灣仔，赤柱和九龍塘的小學，我們這班住深水埗的街坊是不要去痴心妄想了，要怪就怪自己唔知幾時去過日本、唔知幾時食過自助餐，唔去儲錢買樓，又或者怪自己基因差，生唔到個全級考第一的孩子吧!

作者: ffaye 時間: 15-11-29 11:09 標題: 引用：Quote:shersiu+發表於+15-11-28+22:13+回覆

原帖由 ajfamily 於 15-11-29 發表
因為有一半位分咗去按居住地址做大抽獎，所以我反而覺得要在大抽獎時加一個限制，即起碼在該區連續住滿1年/ ...

其實計分只係2成左右學額，而個計分制度有人話公平有人話唔係，講到尾大部分人都係企响自己利益去睇。老實講，我覺得學校對自己宗教或舊生有偏好都唔係過份吖！

要鬧不如鬧假地址嗰班人。佢地影響緊4成半學額。大家見到身邊有人用假地址有無拎起電話舉報？定係因為係親戚朋友就另計？唔識既又影響唔到自己所以唔理？响現有制度下，呢d都係大家可以做既，咁最不滿嗰班家長有無挺身而出？

作者: ajfamily 時間: 15-11-29 11:26

loveDD 發表於 15-11-29 10:45
但實際施行是也有考慮，例如如果有人一家住開深水埗擋房，有日收到政府派公屋住東涌/天水圍，總不能叫人未 ...

這個居住年期限制，好清楚是用來針對某些區，根本好多抽中名校的，就算不是借地址，也多是抽奨前搬過去，抽到後就走人，對原先一直住在該區的不公平，亦嚴重令政府錯誤估計各區學位。住唔夠嘅冇優先權抽。有些國家也有這方面的限制。

作者: 布希亞 時間: 15-11-29 11:29

提示: 作者被禁止或刪除內容自動屏蔽

作者: loveDD 時間: 15-11-29 11:48 標題: 引用：Quote:loveDD+發表於+15-11-29+10:45+但實

原帖由 ajfamily 於 15-11-29 發表
這個居住年期限制，好清楚是用來針對某些區，根本好多抽中名校的，就算不是借地址，也多是抽奨前搬過去，抽 ...

明白，可以有方法去防止「騙子」行騙當然好，但我意思是說條例係死的，特殊個案係真的，在實施條例同時，也應該人性化地去考慮一些有可能發生而是否應予括免的例子。

作者: pooh仔 時間: 15-11-29 12:05 標題: 引用：Quote:原帖由+se6b03+於+15-11-26+發表其實

原帖由 Cowbit 於 15-11-26 發表
我覺得你係歧視緊有宗教分的家長
你會唔會話喇沙歧視女仔, Maryknoll歧視男仔? 我就話上次評機會 ...

support.

作者: ajfamily 時間: 15-11-29 12:06

loveDD 發表於 15-11-29 11:48
明白，可以有方法去防止「騙子」行騙當然好，但我意思是說條例係死的，特殊個案係真的，在實施條例同時，也 ...

好似我之前講，分兩輪抽。住滿年期可先抽，唔夠數未後抽。

作者: pooh仔 時間: 15-11-29 12:16 標題: 引用：回覆+joetsang+的帖子交家長洗禮紙都得,+

原帖由 joetsang 於 15-11-27 發表
回覆 joetsang 的帖子

交家長洗禮紙都得, 我都係今年先知道

天主教一定學童洗禮紙or再加父/母洗禮紙(某些天主教學校需要).

但不可只是父/母洗禮紙.

作者: traeh 時間: 15-11-29 13:28 標題: 引用：Quote:loveDD+發表於+15-11-29+11:48+明白

原帖由 ajfamily 於 15-11-29 發表
好似我之前講，分兩輪抽。住滿年期可先抽，唔夠數未後抽。

分區派位原意，係想小朋友就近入學，只要真係住當區，就可以抽該區學校，無論你係自己買樓租樓，定公屋派入去住。

改為兩輪派位，年期點分？一年？三年？七年？而且受影響家長實叫教育局解釋理據。到時又日日嘈。

作者: shersiu 時間: 15-11-29 16:12

提示: 作者被禁止或刪除內容自動屏蔽

作者: shersiu 時間: 15-11-29 16:47

提示: 作者被禁止或刪除內容自動屏蔽

作者: shersiu 時間: 15-11-29 16:57

提示: 作者被禁止或刪除內容自動屏蔽

作者: traeh 時間: 15-11-29 18:10 標題: 引用：回覆+loveDD+的帖子可能大家唔係好了解住

本帖最後由 traeh 於 15-11-29 18:12 編輯

原帖由 shersiu 於 15-11-29 發表
回覆 loveDD 的帖子

可能大家唔係好了解住深水埗劏房的住戶，佢哋是不會接受住東涌或大西北，大部分申請者 ...

政府改政策，唔可以只睇深水埗搬走嘅人。如果有人住灣仔或九龍塘區十幾年，因破產或其他原因，要搬去另一區。假如實行住滿某個年期有優先嘅制度，咁你認為呢個家庭點計呢？

教育局分區派位，係依照就近入學原則而設。如果行居住年資制度，實有反對人士要求解釋，就近入學同居住年期有何關係？點解同住一區，有部分人比其他人更值得就近入學？

作者: shersiu 時間: 15-11-29 20:52

提示: 作者被禁止或刪除內容自動屏蔽

作者: 20130401 時間: 15-11-29 22:15 標題: 引用：+本帖最後由+bbqyou+於+15-11-28+12:36+編

原帖由 bbqyou 於 15-11-28 發表
本帖最後由 bbqyou 於 15-11-28 12:36 編輯

個人超級反對世襲制度, 有人做左野就最好.........

如果閣下小時候(起碼20年前)在香港長大而又不是獨生兒，我敢100%肯定當時閣下入讀小學時，未有统一派位制度下，一般學校一定收細佬或細妹先，而且一早(進行內部)認購預先向在校的哥哥姊派表
所以樓上各人覺得世襲生，不公平的話，我敢肯定當時一定不在香港度過童年

作者: shersiu 時間: 15-11-30 00:46

提示: 作者被禁止或刪除內容自動屏蔽

作者: shersiu 時間: 15-11-30 01:13

提示: 作者被禁止或刪除內容自動屏蔽

作者: ajfamily 時間: 15-11-30 07:31

shersiu 發表於 15-11-30 00:46
回覆 20130401 的帖子

你錯了，我父母，我和兄弟姊妹，以至下一代全部生於香港，成長於香港，但我可以300% ...

如冇記錯，世襲生這產物是80年代初才出現，因此如果你生於70年代尾前就不是這個制度了。所以我父母有幾個孩子，也只是最細那個才能以世襲生入學，其餘的也要面試和筆試，只是當年應該沒有現在那麼艱深，因為大部分家長也情願就近返學，學校是否名校反而不很理會。我父母的孩子也有因為考不上兄姐的學校而要在另一間附近小學就讀，但父母也沒有半句怨言。

作者: ajfamily 時間: 15-11-30 07:46

所以我自己讀的不是什麼名小，我亦沒有安排我的孩子入讀自己的小學，而是揀選了一些我認為更好的直資，我反而慶幸如果這些好學校現在仍然是津校，我的子女反而沒有機會入讀，因為他們沒有任何加分理由，住址又不在附近。所以這些世襲生對既得利益者當然不會反對。雖然我當年不是什麼名小，但靠自己的努力，仍然考上了一間現在仍是band 1 頭的中學，跟著還入了港大，一個現在很多人也夢想的科目。同樣地，我的另一半走的路也與我一模一樣，也是從一間沒有名氣的小學考上了一間現在仍是band 1頭中學。現在我的孩子靠不了運氣, 也唯有靠自己吧!

作者: ffaye 時間: 15-11-30 08:55 標題: 引用：Quote:shersiu+發表於+15-11-30+00:46+回覆

原帖由 ajfamily 於 15-11-30 發表
如冇記錯，世襲生這產物是80年代初才出現，因此如果你生於70年代尾前就不是這個制度了。所以我父母有幾個孩 ...

去到呢d時間，通常都會有人好不滿現有既制度，覺得佢地心中既制度至係最公平。

其實每個制度都會有人覺得公平有人覺得唔公平。例如，如果我住12網隔離街住左20年，又係响隔離街嗰間12網既舊生。咁又點至對我公平呢？可能我講遠左，但都想大家開懷d,6月大家睇運氣囉！之前都提過，要鬧不如鬧借地址班人，你要有3,5,7年住址証明？我識人出世紙已經用定假地址報！

作者: ajfamily 時間: 15-11-30 09:11

ffaye 發表於 15-11-30 08:55
去到呢d時間，通常都會有人好不滿現有既制度，覺得佢地心中既制度至係最公平。

其實每個制度都會有人覺得 ...

無論如何，一個制度沿用了三十年檢討下也好應該。未能改動前，政府也要堵塞一些不妥善地方，大抽獎真的要多點抽樣調查，尤其幾個名校網。

作者: se6b03 時間: 15-11-30 09:31

ajfamily 發表於 15-11-30 09:11
無論如何，一個制度沿用了三十年檢討下也好應該。未能改動前，政府也要堵塞一些不妥善地方，大抽獎真的要多 ...

呢個政府，連同家長討論檢討TSA都好似完全唔想做，你睇教育局局長唔黑儉果副愛理不理既態度，竟然可以多次以私人理由拒絕出席會議，而家仲話要檢討小一自行收生制度，政府官員心態就係多一事不如少一事，我自己就真係唔樂觀。

作者: Vickyblah 時間: 15-11-30 11:09 標題: 引用：Quote:joetsang+發表於+15-11-26+11:00+宗

原帖由 Twongcw 於 15-11-26 發表
同意，宗教分既鼓勵急功近利之父母為加分而入教，又剝削未信教的小朋友接受教會學校教育的機會。

十分同意!

作者: 20130401 時間: 15-11-30 11:42

本帖最後由 20130401 於 15-11-30 12:02 編輯

shersiu 發表於 15-11-30 00:46
回覆 20130401 的帖子
你錯了，我父母，我和兄弟姊妹，以至下一代全部生於香港，成長於香港，但我可以300%肯定答你，即使我哥哥在校讀緊，我升小一時是要考試入去的，我姐姐因為成績不達標而拒諸門外，結果讀另一間學校，我沒有讀過什麼名小名中，但一樣經歷過學能測驗，中三評核試，中學會考，高級程度會考才能擠身大學。所以我相信成功要靠自己
你錯了，我父母，我和兄弟姊妹，以至下一代全部生於香港，成長於香港，但我可以300% ...

"小一時是要考試入去的"..............我相信一定是個別學校及名校了, 或者閣下因為姐姐的情況耿耿於懷而感到不公平,
我也為你姐姐不值, 我小時間我和兄妹也要面試但是有優先, 或者我們當時學校多,也不是什麼名校, 鄰居一家3姐弟只有大家姐和細佬到和我們同一間, 二家姐面試衰左, 但是也沒有埋怨什麼

作者: ffaye 時間: 15-11-30 13:56 標題: 引用：有兄姐在校讀緊，弟妹必收能方便照顧，合情

原帖由 shersiu 於 15-11-30 發表
有兄姐在校讀緊，弟妹必收能方便照顧，合情合理。但父母舊生加5分絕不合理 ...

正如隔離舖都有講，除非你讀私校或母校拆左或後生到母校係直資，否則大家都有舊生分。你講既唔公平係講緊要入某間較出名學校而自己唔係嗰間學校舊生既scenario.

我自己並非名津出生，但就算自行唔夠分去揀名津，我都情願小朋友入自己母校多於其他差不多的小學。其實對母校較有親切感，想小朋友入番都好正常，而學校對舊生相信亦抱有類似態度，所以舊生分公唔公平非常見仁見智。

作者: shersiu 時間: 15-11-30 16:08

提示: 作者被禁止或刪除內容自動屏蔽

作者: shersiu 時間: 15-11-30 16:23

提示: 作者被禁止或刪除內容自動屏蔽

作者: ffaye 時間: 15-11-30 17:09 標題: 引用：回覆+ffaye+的帖子名校對於想入又入唔到

原帖由 shersiu 於 15-11-30 發表
回覆 ffaye 的帖子

名校對於想入又入唔到，當然酸葡萄，我只想帶出一點沒有名小名津一樣可以有成就，如果 ...

100%認同沒有名小一樣可以有成就。小學只係幾歲人仔，所以父母唔插手都唔得，但將來成就又點可以著眼响呢一小處。只需環顧四周朋友同事。唔係名小而位於高處既大有人在。

講到中學大學，呢d已經唔多到我地張羅，靠仔女自己能力了。佢能力係唔得既，比埋嗰10分佢都無用，棧大家痛苦。

至於變直資，反對既可能係因為由25分差不多收硬變要考。而學校就想自己揀學生。我相信同依家一樣，任何一個制度都有人贊成同反對。

題外話，咁大個都仲要以我情意結去幫佢舖排的話，咁佢資質好極有限。

作者: ffaye 時間: 15-11-30 17:16 標題: 引用：回覆+ffaye+的帖子名校對於想入又入唔到

原帖由 shersiu 於 15-11-30 發表
回覆 ffaye 的帖子

名校對於想入又入唔到，當然酸葡萄，我只想帶出一點沒有名小名津一樣可以有成就，如果 ...

而且，我相信學校轉直資既原因唔一定係純要揀學生。直資响課程同資源調配上比官津靈活。

好多出名直資既資源都靠校友捐獻。back to the point ,校友對學校有一定既支援。

作者: shersiu 時間: 15-11-30 17:52

提示: 作者被禁止或刪除內容自動屏蔽

作者: ffaye 時間: 15-11-30 18:05 標題: 引用：回覆+ffaye+的帖子中學以至大學雖然唔到

原帖由 shersiu 於 15-11-30 發表
回覆 ffaye 的帖子

中學以至大學雖然唔到父母全權話事，但意見很重要，難道他們不能以父母為榜樣，對該校 ...

難道中學大學都要以住址去揀學校？每個階段有唔同既能力同需要，不能以一蓋全，一本通書諗到老吧！俾佢讀醫，無能力只得情意都無用。

作者: shersiu 時間: 15-11-30 18:08

提示: 作者被禁止或刪除內容自動屏蔽

作者: wu_ho_yan 時間: 15-11-30 18:08 標題: 引用：Quote:原帖由+se6b03+於+15-11-26+發表其實

原帖由 penn_2010 於 15-11-26 發表
絕對可以。法院亦會受理，勝算好大。亦可去信平機會，由佢地施壓。幾年前胡紅玉任平機會主席，就政府不公平 ...

我反而想上訴番男仔女仔六年級時要一起計分那單案。我其實問過平機會, 佢地話要有受害者報案才可以調查, 不能一個概念咁去投訴。而且佢地話只是覺得男女仔分開計是涉及歧視, 但至於要是否一起計, 或者怎樣計則應該是教育局的人負責。唉…真令人氣餒，請問有冇人知道應該怎樣做?

歡迎光臨教育王國 (/)