教育王國

標題: 三歲未識講嘢！點訓練？ [打印本頁]

作者: newsky 時間: 15-11-13 10:25 標題: 三歲未識講嘢！點訓練？

仔仔就三歲了淨係識叫爸爸其他係BB語！有無媽咪分享點去訓練？有無三歲後先識講嘢的例子？

作者: skytammy 時間: 15-11-13 14:36 標題: 回覆：newsky 的帖子

有冇帶佢上言語治療呀？

作者: newsky 時間: 15-11-13 15:53

回覆 skytammy 的帖子

未啊！排緊期應該下個月有得上！已經上左幾個月密集Training 仍然係BB語！

作者: faichai2001 時間: 15-11-13 16:59 標題: 引用：仔仔就三歲了+淨係識叫爸爸+其他係BB語！+

原帖由 newsky 於 15-11-13 發表
仔仔就三歲了淨係識叫爸爸其他係BB語！有無媽咪分享點去訓練？有無三歲後先識講嘢的例子？ ...

我囝2歳半，仍然bb語，上左6堂言語治療就喊足6堂，作用不大。因為佢連基本的身體語言都未太了解。所以取消唔上住。另外上小組都唔糸好得。
反而上單對單特殊訓練好好多。有時肯合作聽老師指令做野

作者: Alam123 時間: 15-11-13 17:24 標題: 回覆：faichai2001 的帖子

我仔三歲幾,都未講,已上言語一年但冇成效,我都想知有何方法

作者: newsky 時間: 15-11-13 17:38

好期待仔仔叫我媽媽！我覺得語言最難Train 佢唔肯講真係無辦法希望有媽咪分享下經驗一起加油！

作者: newsky 時間: 15-11-13 17:40

未識講嘢係未代表智商低？好擔心大個左會自理唔到！

作者: lambk 時間: 15-11-13 19:38 標題: 回覆：newsky 的帖子

言語治療除了訓練講，理解別人的說話，明白指令也很重要。分享一下，小兒2歲3個月起接受言語治療，首先學俾嘅指令，口肌訓練，他到3歳才説第一個字，真是字字千金，現在6歳可講簡單句子，明白我講乜。樓主加油！

作者: Fa媽媽 時間: 15-11-13 19:50

孩子是要透過與環境和不同的人和事的接觸去學習語言的，並非靠死記、背誦。要成功學習語言，孩子必須先具備學習語言的基石。這包括：
1. 基本的專注力
2. 適當的目光接觸
3. 模倣能力
4. 輪流等候能力
5. 發聲能力
6. 控制口腔肌肉能力
7. 分辨、記憶聲音的能力
如果你的孩子還未有言語，我們就要留意，究竟他掌握了以上的能力沒有，再加以適當的協助!

作者: Maria20140423 時間: 15-11-13 21:17 標題: 回覆：newsky 的帖子

我侄仔都3歳先講嘢，現讀小學，考前几名。讀幼兒班時老師曾叫佢轉讀特殊學校，但我地無理佢

作者: hidi127 時間: 15-11-13 21:28 標題: 引用：我侄仔都3歳先講嘢，現讀小學，考前几名。

原帖由 Maria20140423 於 15-11-13 發表
我侄仔都3歳先講嘢，現讀小學，考前几名。讀幼兒班時老師曾叫佢轉讀特殊學校，但我地無理佢

...

你姪仔好叻

作者: skytammy 時間: 15-11-13 22:07 標題: 回覆：三歲未識講嘢！點訓練？

我仔2歲3 之前只係識爸爸媽媽但唔係有意識叫亦唔肯跟我講野上個月開始上言語治療開始肯跟我地講野而家識得跟住講開/俾/擺得單字見到佢有進步真係好開心
各位媽媽一齊加油呀

作者: skytammy 時間: 15-11-13 22:09 標題: 回覆：三歲未識講嘢！點訓練？

我仔的口肌控制有問題所以唔會一下子識講野淨係學講野我諗都有排學

作者: Baby豬1209 時間: 15-11-13 23:22 標題: 引用：我仔2歲3+之前只係識爸爸+媽媽+但唔係有意

原帖由 skytammy 於 15-11-13 發表
我仔2歲3 之前只係識爸爸媽媽但唔係有意識叫亦唔肯跟我講野上個月開始上言語治療開始肯跟我地講野而 ...

請問你響邊度上呀？我仔上了幾堂言語治療，又係教車，擺嗰D，我仔又是話口肌弱

作者: skytammy 時間: 15-11-14 00:49 標題: 回覆：Baby豬1209 的帖子

Smiley

作者: sheung1126 時間: 15-11-14 10:02 標題: 回覆：三歲未識講嘢！點訓練？

我仔2歲半都未識講野，連BB話都唔多
幫佢報左d學習坐定同基本規矩既課程
嗰度既社工話阿仔坐唔定，好難學到其他野
所以訓練佢坐定先

想問其他媽咪小朋友有冇周圍走？
我仔評估時不停圍住張檯走
俾玩具佢玩，玩完一次要走一圈先再返埋位玩
其實咁算唔算過渡活躍？

作者: newsky 時間: 15-11-14 10:34

周圍走都係自閉症其中一項徵狀你仔仔評估左未？我仔仔都係唔肯坐定定上左幾個月密集訓練好左少少導師都話要坐定聽指先令學到講嘢呢個過程太漫長啦！我都等緊仔仔開金口！加油

作者: Linchu 時間: 15-11-14 23:28 標題: 引用：仔仔就三歲了+淨係識叫爸爸+其他係BB語！+

原帖由 newsky 於 15-11-13 發表
仔仔就三歲了淨係識叫爸爸其他係BB語！有無媽咪分享點去訓練？有無三歲後先識講嘢的例子？ ...

Same here 我仔好多野講，不過全部 Bb 話， ST 未咩幫助 ... 諗緊重有咩方法

作者: newsky 時間: 15-11-15 07:25

回覆 Linchu 的帖子

你仔仔幾大？識聽指令嗎？

作者: DENNIS201 時間: 15-11-15 07:56

newsky 你小朋友明唔明普通指令?
例如叫佢掉垃圾,拎毛巾之類
另外認知如何?你拎住本書講入面既內容,例如蘋果,車車,小朋友識指出?

作者: snailman 時間: 15-11-15 08:54

我的孩子有語言遲緩嗎?

可參考以下的兒童語言發展里程碑初步甄別，並找言語治療師詳細評估：

2歲  仍未說出任何單字
3歲  仍不會說句子
4歲  句式結構仍有明顯錯誤,
5歲  難以回答開放式問題 (例: 點解你會睇醫生?)
6歲  說故事時，時序混亂，省略很多重要內容

http://morethanspeech.org/2015/1 ... %e4%bb%8b/#more-146

作者: newsky 時間: 15-11-15 09:52

回覆 DENNIS201 的帖子

識扔垃圾同著鞋其他指令叫十次只做一次叫他個名無反應好似聽唔到你講嘢甘！唔識指嘢認知幾乎係零！

作者: leocherry2013 時間: 15-11-15 14:46

我個仔都未夠兩歲現在23mths！但係咩單字都唔講，早上淨係講BB野，已經成日同佢講嘢架，又唔模仿我哋講嘢！咁係唔係要打返去健康院同姑娘講，安排上語言治療班？

作者: DENNIS201 時間: 15-11-15 16:12

父母要加緊家居訓練了
我仔歲半乜都唔識,接近兩歲左右認知多左有單字,詞語
日日出街,去公園,去超市乜都教一餐,橙橙,香蕉,花生,粟米,總知估個仔可能學到就教
宜家兩歲四個月,拎碟雞翼出黎都識講雞翼
但對答唔得,句字極少,只識講佢自己喜歡做既野,例如「爸爸車車渣」即係想去街

作者: 琪寶 時間: 15-11-15 16:44 標題: 引用：我個仔都未夠兩歲現在23mths！但係咩單字都

原帖由 leocherry2013 於 15-11-15 發表
我個仔都未夠兩歲現在23mths！但係咩單字都唔講，早上淨係講BB野，已經成日同佢講嘢架，又唔模仿我哋講嘢！ ...

你可以打返去健康院講, 但同時請盡快安排私人評估和訓練俾小朋友, 唔好錯過黃金期。等健康院refer 你去CAC評估最快都要半年, 評估後排服務又等一年半載。

作者: leocherry2013 時間: 15-11-15 17:14

琪寶你好，請問可以邊度搵私人評估同訓練俾小朋友呀？因為初次報道咩都唔識。我小朋友眼神弱，唔鍾意聽指令，又唔講嘢！仲成日沉迷風扇、洗衣機、抽氣扇，轉轉轉遊戲！已經阻止佢架啦⋯⋯但是佢連書就攞嚟轉，真係唔識點教

作者: leocherry2013 時間: 15-11-15 17:21

Dennis201 你好！請問男仔係咪真係遲啲講嘢架⋯⋯我已經每日捉佢係屋企咩都講eg 故事，事物，動作！但是每次都冇心裝在！哭極都唔肯講！冇晒佢辦法！

作者: DENNIS201 時間: 15-11-15 17:26 標題: 回覆：leocherry2013 的帖子

我地呢類小朋友已經唔關男仔講野慢呢回事，之前有人教落，無論任何時間任何地方，都要不停input，即時係唔會有反應，但其實佢地吸收緊，將來會突然表現番出來

作者: money82 時間: 15-11-15 22:27 標題: 回覆：三歲未識講嘢！點訓練？

1，先睇下個小朋友肯吾肯專注，0專注，講一百次，入耳沒有2次。呢類小朋友教距鐘意先。我仔先數字－>ABC－>波一>媽媽。吾好由自己做主導，講故事沒有用。追求距講。距中竟望風扇，＂風扇轉＂關風扇＂停＂。句子要短，兩三個字，要重複多次。另扮動物叫，小朋友都好鐘意。

作者: newsky 時間: 15-11-15 23:31

回覆 DENNIS201 的帖子

我都有不停同仔仔講嘢！但佢好似聽唔到甘當我唔存在甘！佢好鐘意自言自語有時好似對住空氣講嘢！呢幾個月會望住我地雙手遮住塊面放開然後講“wu ar“ 同我地甘嗰陣眼神接觸最好可能我真係要加倍努力！我應該從何入手？

作者: 琪寶 時間: 15-11-15 23:55 標題: 引用：琪寶你好，請問可以邊度搵私人評估同訓練俾

原帖由 leocherry2013 於 15-11-15 發表
琪寶你好，請問可以邊度搵私人評估同訓練俾小朋友呀？因為初次報道咩都唔識。我小朋友眼神弱，唔鍾意聽指令 ...

私人評估可以試下協康會、steps、耀能等機構, 評估完他們會建議你應為小朋友安排什麼訓練。照顧有特殊需要的小朋友真的令父母很費心, 但當見到他們不斷進步時, 會感到很鼓舞!加油啊！

作者: newsky 時間: 15-11-15 23:57

回覆 leocherry2013 的帖子

如果淨係未識講嘢！識聽指令肯望人有眼神接觸會模仿！甘都唔使太擔心！但如果無我建議你快啲揾私家估評估！我其實一歲半就發現仔仔有問題！但等政府轉介前後就等左成年到兩歲半先知係自閉白白錯過了一年的時間！

作者: Linchu 時間: 15-11-16 00:53 標題: 引用：回覆+Linchu+的帖子你仔仔幾大？識聽指令

原帖由 newsky 於 15-11-15 發表
回覆 Linchu 的帖子

你仔仔幾大？識聽指令嗎？

我仔33個月喇～指令都做到7成既... 評估左認知 delay 3個月，語言就2年

而家做緊 OT + PST ... ST 會停一停先

作者: anna52 時間: 15-11-16 10:33

我囝2歳都係bb語，上咗言語治療又喺作用唔大。跟住上特殊幼兒導師訓練好好，又肯聽指令，幾個月後就有叫我，幾開心。

作者: newsky 時間: 15-11-16 11:15

回覆 anna52 的帖子

特殊幼兒導師係咪即係S位？可以另外去上嗎？

作者: Linchu 時間: 15-11-16 15:18 標題: 引用：我囝2歳都係bb語，上咗言語治療又喺作用唔

原帖由 anna52 於 15-11-16 發表
我囝2歳都係bb語，上咗言語治療又喺作用唔大。跟住上特殊幼兒導師訓練好好，又肯聽指令，幾個月後就有叫我 ...

我仔都係協康上緊幼兒訓練導師，一年前本身都有上緊，但真係太貴，負擔唔到，唯有停左 .... 剛申請到資助，上左兩堂 ... 希望會有進步啦！

作者: anna52 時間: 15-11-17 09:57

回覆 newsky 的帖子

唔係S位係特殊導師，佢會單對單同囝囝上，我都一齊上，跟住會俾D訓練你返去溫習。

作者: anna52 時間: 15-11-17 09:59

回覆 Linchu 的帖子

你申請咗資助幾錢堂﹖

作者: Linchu 時間: 15-11-17 11:06 標題: 引用：回覆+Linchu+的帖子你申請咗資助幾錢堂﹖

原帖由 anna52 於 15-11-17 發表
回覆 Linchu 的帖子

你申請咗資助幾錢堂﹖

$170 jai

作者: whalebone 時間: 15-11-20 15:50

我仔四歲半, 淨係識講幾句野.... 如果唔係有要求係唔會講半粒字...我都好無奈

作者: newsky 時間: 15-11-20 16:11

回覆 whalebone 的帖子

幾時發現仔仔有問題？訓練左幾耐？

作者: lulumelody 時間: 15-11-20 16:13 標題: 引用：我仔四歲半,+淨係識講幾句野....+如果唔係

原帖由 whalebone 於 15-11-20 發表
我仔四歲半, 淨係識講幾句野.... 如果唔係有要求係唔會講半粒字...我都好無奈 ...

我個都係，五歲幾，由三歳幾到五歲都無
大進步，唔知幾時才有突破，唉…

作者: newsky 時間: 15-11-20 16:23

本帖最後由 newsky 於 15-11-20 16:25 編輯

回覆 whalebone 的帖子

作者: newsky 時間: 15-11-20 16:28

回覆 lulumelody 的帖子

讀緊S位嗎？

作者: whalebone 時間: 15-11-20 16:35

回覆 newsky 的帖子

二歲帶去評估, said delay 1 year, I brought him to private speech therapy, but it didnt really help much, bcos he doesn't really speak, not cooperate, just like english, but english is not very ok too, just a bit better than chinese, and my husband said he is normal, then we stop training, and wait for 2 years, Gov offers 早期訓練, once a month in TKO hospital, 30 mins only ...... better than nothing ... and now we found out he might have 自閉 symptom too ...

其實我女都有delay, 歲半帶去評估, 3歲政府先評估佢係整體發展遲綬, 我好早同佢係private (協康,) sp, catch up ok, 所以用左兩年k2 都停左,K3先真係排到政府資助o既協康服務,價錢真係10幾倍既分別... 用佐1年,而家小一,懷疑佢自閉, 專注力弱同讀寫障礙 ..........

作者: newsky 時間: 15-11-20 16:43

回覆 whalebone 的帖子

加油！睇你仔仔情況不算差！至少識講嘢！我仔仔仲係BB語我都好灰！

作者: whalebone 時間: 15-11-20 16:50

回覆 newsky 的帖子

我已經唔敢諗佢地o既將來.......

作者: newsky 時間: 15-11-20 17:18

回覆 whalebone 的帖子

想起佢連媽媽都未識叫就眼紅紅！四個月前知道仔仔有問題甘啱就快生第二胎嗰段時間最難捱！有陰影怕第二個會一樣！而家細仔兩個月大我一個湊兩個心力交瘁希望細仔正正常常大仔有進步！一起加油

作者: longsky 時間: 15-11-23 22:21 標題: 引用：回覆+whalebone+的帖子想起佢連媽媽都未

原帖由 newsky 於 15-11-20 發表
回覆 whalebone 的帖子

想起佢連媽媽都未識叫就眼紅紅！四個月前知道仔仔有問題甘啱就快生第二胎嗰段時 ...

加油!我仔成兩歲半先肯開金口，要停止佢玩iPad,多d帶佢去公園，比佢玩吹波波，吹囗琴，訓練佢口肌。

作者: IIKUSNAHC 時間: 15-12-1 00:09 標題: 回覆：三歲未識講嘢！點訓練？

我囡21個月近呢2個星期先開始講多咗野，見到人會揮手同飛吻，指令會做的，但依然有好多bb話，唔知點加強訓練😣😣好怕會有自閉傾向

作者: Lingyau1221 時間: 15-12-2 10:25 標題: 引用：周圍走都係自閉症其中一項徵狀+你仔仔評估

原帖由 newsky 於 15-11-14 發表
周圍走都係自閉症其中一項徵狀你仔仔評估左未？我仔仔都係唔肯坐定定上左幾個月密集訓練好左少少導師都 ...

點解自閉便坐唔定？感統問題?

作者: Lingyau1221 時間: 15-12-7 09:20 標題: 引用：仔仔就三歲了+淨係識叫爸爸+其他係BB語！+

原帖由 newsky 於 15-11-13 發表
仔仔就三歲了淨係識叫爸爸其他係BB語！有無媽咪分享點去訓練？有無三歲後先識講嘢的例子？ ...

識叫爸爸也是識講嘢⋯

歡迎光臨教育王國 (/)