教育王國

標題: 老師說這句話是否帶有侮辱性? [打印本頁]

作者: tracy0927 時間: 15-11-7 01:46 標題: 老師說這句話是否帶有侮辱性?

我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講我地班的男仔就粗魯，女仔就斯文，但我就唔中意xxx和xxx,xxx即係我女和那個女同學，這件事係放學後同班同學講俾阿女聽嘅，阿女就覺得好唔開心啦！覺得老師唔可以係佢背後講d咁嘅說話啦！我就同阿女講要向其他同學了解一下究竟老師有無講過哩句話，昨晚我就寫左字條俾班主任叫佢幫手了解情況，今天放學班主任小息的時候就叫左2個同學、體育老師一起傾，之後就回覆我:體育老師係有講過，佢係因為見到我女同那個女同學攞呼啦圈回體育室的時候將呼啦圈放在膊頭上覺得佢哋行為粗魯所以就在23個同學面前用她們做反面教材，阿女就話老師認為我哋唔啱可以當面講，無必在咁多同學面前講哩d說話。宜家班主任係支持體育老師嘅，佢覺得體育老師係想教好佢哋姐，用佢哋來做反面教材係無問題，而體育老師係新來我哋學校的後生仔，都唔知有無教學經驗嘅，我就覺得你作為一個老師無論你在咩情況底下都唔應該講:中意女仔斯文但唔中意xxx,咁樣去開名囉，而且佢哋宜家開始青春期好敏感，作為一個男老師咁講已經係失言，最後我同班主任的對話已經係不歡而散的，想問下大家如果你哋嘅小朋友遇到咁嘅情況你哋會點樣再同學校溝通呢？因為阿女讀到五年班一直都是風平浪靜，無問題，老師眼中的好學生。我都好少需要搵老師解決問題嘅。

作者: sunnygirl 時間: 15-11-7 05:24 標題: 引用：我阿女10歲（5年班），昨天放學回來同我講:

原帖由 tracy0927 於 15-11-07 發表
我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講 ...

你都同老師反映左你的不滿，我覺得已經夠，無需要繼續追究下去。

作者: lojo11 時間: 15-11-7 06:03 標題: 回覆：老師說這句話是否帶有侮辱性?

我覺得唔算帶有侮辱性！要開解呀女，都唔係大件事，睇開d！

作者: longlokma 時間: 15-11-7 06:11 標題: 回覆：老師說這句話是否帶有侮辱性

唔好再諗咁多，阿女快畢業

作者: Yanamami 時間: 15-11-7 07:17

本帖最後由 Yanamami 於 15-11-7 07:22 編輯

小五同班主任不和係自尋短見！唔好搞禁多野，專心考好成績畢業升中吧！影响了操行便麻煩~上到小五六係多—事不如少一事~

其实我一d都唔覚擺呼拉圈上膊头好粗鲁，禁攞法好正常~有好多時其他人係自己背後講閒話，唔开心总有，但既控制唔到人地，只要自己问心無愧，倒不如大方d當時运高听唔到？太執着对自己一d好处都無~俾着我此等小事，我唔会同学校溝通，反而会教阿女做人生存之道｡

作者: hkspiderman 時間: 15-11-7 09:27

約晒學校所有男老師開大會，話體育老師在學生背後講不事是八婆行為，係一個反面教材，佢地就會明白自己有幾啱。

作者: HaYi 時間: 15-11-7 10:01

可能個男老師是實習生冇咩經驗, 好少事, 叫阿女學識第時出來做野要成熟D, 背後講人非君子呵, 8婆野, 男女都不要做, 否則被人看不起呢.

作者: 4001cc 時間: 15-11-7 10:30 標題: 引用：可能個男老師是實習生冇咩經驗,+好少事,+叫

原帖由 HaYi 於 15-11-07 發表
可能個男老師是實習生冇咩經驗, 好少事, 叫阿女學識第時出來做野要成熟D, 背後講人非君子呵, 8婆野, 男女都 ...

老師唔識做無問題，但唔應該對人不對事。

學生做得唔啱成日有，老師做前係咪無講清楚要求先？係就怪錯學生。再做好榜樣，同學生道歉。

作者: tracy0927 時間: 15-11-7 10:32 標題: 回覆：Yanamami 的帖子

其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為體育課安排在下午2點上課，1:15先食完飯，佢哋學接力跑犯規一次罰跑操場5個圈，第二次罰跑10個圈，同學跑到下腹痛，老師都係要繼續罰，我就覺得出於健康理由唔應該飯後咁劇烈的運動，同學就覺得老師唔體諒佢哋，而班主任就不停同我強調同學好中意上體育課，唔覺得同學唔開心，其實作為班主任在這件事只係一個「中間人」的角色，未必要下下撩起我把火，因為今年學校來左幾多新老師，班主任係其中一位，都係後生女，宜家d老師真係越來越差

作者: Jane1983 時間: 15-11-7 10:34

我都真係吾覺得甘樣拿呼拉圏係粗鲁wor，係個男老師不知所謂。

但吾好因為佢而搞大件事，對小朋友無好處。同你女傾吓，可以借機會學吓做人處世。

作者: siden 時間: 15-11-7 10:47 標題: 引用：Quote:原帖由+tracy0927+於+15-11-07+發表

原帖由 sunnygirl 於 15-11-07 發表
你都同老師反映左你的不滿，我覺得已經夠，無需要繼續追究下去。

Yes

作者: siden 時間: 15-11-7 10:49 標題: 回覆：老師說這句話是否帶有侮辱性?

好少事。

將來出社會仲有大把氣受。

明白你和小孩難受，但正如樓上有講，小五同老師過唔去，小心因小失大。

作者: siden 時間: 15-11-7 10:51 標題: 引用：其實我本來的想法都係多一事不如少一事，但

原帖由 tracy0927 於 15-11-07 發表
其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為 ...

明白

忍一忍， PE唔係日日有，好易捱過一年

作者: HaYi 時間: 15-11-7 10:52

tracy0927 發表於 15-11-7 10:32
其實我本來的想法都係多一事不如少一事，但其實開學哩2個月以來班上同學對這位老師的做法都好有意見，因為 ...

PE 堂時間在Lunch 之後的下午又真係有D問題,
我個今年都是, 仲要隔個星期 swim,
佢有日說游下游下好似有野頂住心口, 我叫佢lunch 食少D.
(佢本身己是個個周未在外操開水的)

作者: Charlotte_mom 時間: 15-11-7 10:54 標題: 回覆：老師說這句話是否帶有侮辱性?

呼拉圈咁重，mer上膊頭非常正常，不過你亦犯不著攪大件事，學樓上話齋自己蝕底（大家都成年人好多野un嘅），又唔係咩大事，我會同個女傾下，佢係受太大影響就得，亦要接受唔會100%人都鐘意自己

作者: oooray 時間: 15-11-7 10:55 標題: 引用：我阿女10歲（5年班），昨天放學回來同我講:

本帖最後由 oooray 於 15-11-7 11:15 編輯

原帖由 tracy0927 於 15-11-07 發表
我阿女10歲（5年班），昨天放學回來同我講:上體育堂的時候，老師趁阿女同另一女同學放呼啦圈回體育室時就講 ...

道理係你呢邊，但師師相懼，嘈到上校長度都冇用，結論只有一個，你係一個麻煩家長。所有學校都係咁，只能說你唔好彩。

作者: celiakids2013 時間: 15-11-7 12:10 標題: 回覆：老師說這句話是否帶有侮辱性?

老師也是人，偶然也會爆肚失言，學生和家長知道後會難受。如果是無心之失，聽完最算，不必介懷，不須要和班主任反映。

作者: Babyeddie 時間: 15-11-7 12:34 標題: 回覆：老師說這句話是否帶有侮辱性?

其實佢講乜你都冇可能阻止，反而應該教仔女如何面對
小事一樁

作者: Wing_ 時間: 15-11-7 13:07

提示: 作者被禁止或刪除內容自動屏蔽

作者: shadeslayer 時間: 15-11-7 13:23 標題: 回覆：老師說這句話是否帶有侮辱性?

粗魯，又唔係粗口，係一種正常的批評，無可追究。

作者: 洋蔥頭媽咪 時間: 15-11-7 13:52 標題: 回覆：老師說這句話是否帶有侮辱性

我覺得真係唔算咩大件事，老師話唔喜歡呀女亦未至於去到侮辱，待人處事，孩子亦要學習如何面對，學校是社會縮影，世界上冇人會絕對係任何人都鍾意，先唔評論老師行為啱唔啱，其實應該教導女女遇到此等事，可學懂大方啲去面對，老師唔喜歡，咪下次留意下，做好自己本份咪○K囉，如果老師並沒刻意刁難孩子，何須家長出頭硬碰。小五/小六生要升中呈分，操行係非常重要，家長如為一時之氣與老師結怨，最終受苦亦是孩子，一旦老師玩針對，劃花了操行，你真係有排煩，就算攪大件事，比你今次爭勝又如何？在眾人眼裡你只會係一個麻煩家長，女女亦只會係不討好嘅孩子。
明白家長會激氣，女女會唔開心，但高小生真係以大事化小為妙，教孩子克服問題，提升逆境智能，對小朋友亦係好好鍛鍊。我兒亦是小六生，從小四起已提醒佢在校要小心言行，要學習忍耐。
[ 忍一時，風平浪靜，退一步，海濶天空 ]
互勉之！

作者: mcl203 時間: 15-11-7 14:15

Babyeddie 發表於 15-11-7 12:34
其實佢講乜你都冇可能阻止，反而應該教仔女如何面對
小事一樁

x 2.....小事一樁 ~~~

作者: noellechu 時間: 15-11-7 15:27 標題: 引用：Quote:Babyeddie+發表於+15-11-7+12:34+其

原帖由 mcl203 於 15-11-07 發表
x 2.....小事一樁 ~~~

X3....

作者: kkmun 時間: 15-11-7 15:43

綜合各位家長的意見, 無非是 "投鼠忌器", 唯有 "臥身嚐膽"

作者: lonelyranger 時間: 15-11-7 18:16

是一個教育的好機會。

如果她不喜歡別人在她背後說壞話，那便告訴她日後要自我提醒，也別在他人背後說其壞話。

若她不喜歡被說粗魯，問她那行為是否真的粗魯。若不同意，教她明白同一件事，不同人有不同的看法。只要自己覺得無問題，既不影響自己又不影響他人，那便隨風忘記吧。

這些事用正面方法處理，小朋友得到的益處可能比想像的還多。

作者: Wonderlady 時間: 15-11-7 23:55 標題: 引用：可能個男老師是實習生冇咩經驗,+好少事,+叫

原帖由 HaYi 於 15-11-07 發表
可能個男老師是實習生冇咩經驗, 好少事, 叫阿女學識第時出來做野要成熟D, 背後講人非君子呵, 8婆野, 男女都 ...

啱，應該攞佢尼件做反面教材至真。

不過新老師仍未有意識，有時講野為令自己更容易同青少年溝通，故意咁既字眼和語氣。希望同學生打成一片

作者: birdbird 時間: 15-11-8 15:47

樓主,
恕我直言, 你放大o左件事黎睇.
首先, 女兒將件事轉告你知時, 佢的反應已經係有點敏感,
你仲要再放大件事黎同班主全傾,
由一件小事放大o左, 個小朋友以為你咁做係o岩,
覺得自己真係受屈.

你要明白, 個男老師係後生仔一名, 佢做o左幾耐人?
佢自己待人接物都未必好成熟,
佢有佢失言, 但呢個 '失言' 又未至於係侮辱小朋友
(所以我覺得你小提大做).
個女自己為著呢d 小失言而唔開心,
咁人生咪好易會好痛苦?

你需要做的, 係輔導你個女,
叫佢睇野睇闊d, 胸襟大d.
家長成日死心眼,
會連帶個細路都容影遇小事就覺得受屈.
小朋友抗逆力係由呢d小事中培養起來.

作者: jumbojet 時間: 15-11-8 15:56

Use the same example and tell headmaster, I like xxx teacher but don't like tt teacher. In the progress to teach students , need to teach kids to take care of other ppl's feelings. We lack of emphatic skills in Hk society .

作者: tracy0927 時間: 15-11-8 16:22 標題: 引用：+樓主,+恕我直言,+你放大o左件事黎睇.首先,

原帖由 birdbird 於 15-11-08 發表
樓主,
恕我直言, 你放大o左件事黎睇.
首先, 女兒將件事轉告你知時, 佢的反應已經係有點敏感,

其實我同班主任傾的原意係想了解究竟體育老師有無講過哩句話，因為當晚我打電話問過一些同學有無聽到，有人話聽到有人聽唔到，我都希望體育老師無講過嘅，一開始我都唔相信老師會在同學背後講d咁嘅說話，阿女對體育老師好大意見係因為9、10月上體育課時學接力跑犯規一次罰跑操場5個圈，第二次罰跑10個圈，在食完飯45分鐘後跑，好多同學都下腹痛，向體育老師提出但老師都唔接納繼續要跑，11月開始罰跑3個圈加掌上壓，有同學跑步時扭到腳，問老師可唔可以唔跑，老師話:你扭到腳?咁你隻腳有無腫啊？同學話:無腫，但有小小痛，老師話:無腫即係無事啦！繼續跑，阿女回家就嬲到摩拳擦掌，覺得老師不近人情，唔體諒學生，所以我先籍著哩件事一齊向班主任反映，亦希望幫助阿女改變對老師嘅睇法，「侮辱」這2個字係我朋友覺得係咁，我自己就覺得未去到「侮辱」咁大件事，所以我想問下大家的感覺係點，我有開解阿女，我都知道5年班要對住各科老師2年的時間所以先想盡快解決問題，

作者: Babyeddie 時間: 15-11-8 16:40 標題: 回覆：tracy0927 的帖子

咁似乎你本身都對呢個老師有d意見。咁加入建議您分開處理。一單還一單

作者: 1a2b3c4z 時間: 15-11-8 17:25 標題: 回覆：老師說這句話是否帶有侮辱性?

比我唔會再攪大啦！始終蝕底係自己！開解囡囡最重要，凡事不要太執著，自問無愧於心便好了！將來上中學，大學或出來社會做事，大把呢D事情發生，要教囡囡怎樣面對及處理

作者: poonseelai 時間: 15-11-8 19:45 標題: 回覆：老師說這句話是否帶有侮辱性

我也覺得老師這句說話不屬侮辱性, 但不合適, 老師在学生心中地位不同, 和其他同學講我唔鍾意你不同, 日後樓主女兒對着老師难免心中唔舒服, 会唔会又話我唔啱。老師應直接跟同學講問題所在, 同樣我有問題亦會直接同老師溝通, 一經班主班事情会变得復什, 若他無講或唔係咁講, 变成怪獸家長投訴, 有講又可能要找下台階。

作者: tracy0927 時間: 15-11-8 20:25 標題: 回覆：poonseelai 的帖子

我搵班主任就係想俾台階個體育老師，唔想直接問體育老師:有同學話你在我女背後講……，你有無講過啊？點知個班主任處事能力實在太差，竟然叫2位女同學同體育老師當面對質，嚇到另一位女同學在走廊就哭了，我女就忍住無哭，所以我都覺得搵班主任係做錯左，唉！真係好煩，不過阿女已經無乜嘢了，星期二會再上體育課睇下到時會點啦！

作者: 786 時間: 15-11-8 20:39 標題: 引用：我搵班主任就係想俾台階個體育老師，唔想直

原帖由 tracy0927 於 15-11-08 發表
我搵班主任就係想俾台階個體育老師，唔想直接問體育老師:有同學話你在我女背後講……，你有無講過啊？點知 ...

老實說，老師雖然說話不太合適，你的處理手法也不見得合適(找第三者不好，但你覺得自己手法無錯)……大事化小吧、忠言逆耳……

作者: tracy0927 時間: 15-11-8 20:56 標題: 回覆：786 的帖子

我在哩度問都係想學下應該點樣處理，我之前都寫左因為我女讀到第五年從無發生咁樣嘅事，我都會經一事長一智，jm無須用到忠言逆耳嘅

作者: Babyeddie 時間: 15-11-8 22:24 標題: 回覆：老師說這句話是否帶有侮辱性?

我並不同意因為怕得罪老師而禁言，因為如果老師真是不對，可以示範比女看如何解決件事。但亦不同意樓主做法，搵班主任代言。因為呢d死位，唔通班主任會同你講係同事唔識做人，佢自己都差不多grade，所以冇可能責備對方，簡單來說，你應該打比pe老師問佢其實女兒是否有可以改善地方，因為女兒聽到同學杼轉述，怕聽錯，但知道老師唔多歡迎自己上堂的方式，有d傷心，動之以情，希望可以改善.其實不用質問老師的。這樣老師亦收到你訊息

作者: poonseelai 時間: 15-11-8 22:33 標題: 引用：我在哩度問都係想學下應該點樣處理，我之前

原帖由 tracy0927 於 15-11-08 發表
我在哩度問都係想學下應該點樣處理，我之前都寫左因為我女讀到第五年從無發生咁樣嘅事，我都會經一事長一智 ...

我相信有類似经驗家長未必多, 有亦可能只啞忍, 但我不認同因為怕影響个女而唔出声, 所以聯络老師前我会先想想自己希望想有什麼效果, 我自己會最想弄清楚件事, 因為自己同个女都不在場, 或者可同老師講个女有d唔開心, 好似有些事做得不好不知应點做。就算老師不認多口, 起碼俾他知道他這樣做会影響学生, 家長亦會關注。可以的話用email問老師, 讓他也有時間想想点回應。

作者: oooray 時間: 15-11-8 22:46 標題: 引用：Quote:原帖由+tracy0927+於+15-11-08+發表

原帖由 poonseelai 於 15-11-08 發表
我相信有類似经驗家長未必多, 有亦可能只啞忍, 但我不認同因為怕影響个女而唔出声, 所以聯络老師前我会先想 ...

呢種遊戲我幫人玩過一次，一級一級上，最後坐係校長室傾足一個鐘，結果算係慘勝。結果唔重要，但過程係要花好多時間同心機，如果冇咁多私人時間同佢戰鬥，純為啖氣，要三思。

作者: skkeung 時間: 15-11-9 08:25 標題: 回覆：sunnygirl 的帖子

養小孩自己去解決!

作者: sukitelfold 時間: 15-11-9 13:04 標題: 回覆：skkeung 的帖子

根本就是小事一樁，但被擴大了

作者: Heyheyjoyjoy 時間: 15-11-11 09:19 標題: 回覆：老師說這句話是否帶有侮辱性?

其實他說的是xxx的粗魯，焦點是粗魯，名字只是direction pointer，如他所說，是舉例而已，說出他對同學的要求。
PE老師願意去從嚴指正，其實他幾有心去教學生造人。換轉造了幾十年的老師，會嗎？本人讀書時，每逢上PE，總有同學有家長信說她生理期、身體不適…目的就是不用上堂，老師但求有家長信，不理是否隔個星期又來…

作者: little_yolky 時間: 15-11-11 09:52

Heyheyjoyjoy 發表於 15-11-11 09:19
其實他說的是xxx的粗魯，焦點是粗魯，名字只是direction pointer，如他所說，是舉例而已，說出他對同學的要 ...

1. 托呼拉圈又大又重, 托上膊完全係正確的搬法, 唔覺有咩粗魯, 我買米都托上膊, 無咁易整親。不過, 重點係老師如果覺得有問題, 唔應該响同學背後講, 因為似八婆學是非, 當事人又聽唔到無改善, 完全唔能夠理解係為教好學生。如果佢覺得托上膊有問題, 下次就叫D男同學做, 唔好叫女同學做啦。

2. 不過, 如果係我都只係會同體育老師講, 直接表示我既關注, 唔會同班主任講。

作者: miujoey 時間: 15-11-11 14:04

回覆洋蔥頭媽咪的帖子

作者: wan_sosin 時間: 15-11-11 14:05 標題: 引用：其實他說的是xxx的粗魯，焦點是粗魯，名字

原帖由 Heyheyjoyjoy 於 15-11-11 發表
其實他說的是xxx的粗魯，焦點是粗魯，名字只是direction pointer，如他所說，是舉例而已，說出他對同學的要 ...

要指正，就應該直接向該學生指正，而並非向其他學生講，要教導，老師應該親身示範正確搬運呼拉圈姿勢。我讚成直接跟PE老師溝通。

歡迎光臨教育王國 (/)