教育王國
標題: 智障 相於 發展遲緩 嗎 [打印本頁]
作者: SWSWSW 時間: 15-10-26 15:21 標題: 智障 相於 發展遲緩 嗎
我仔現2歲1個月 他1歲10個月比CAC評為 發展遲緩 9至12個月 及自閉症譜系 我唔識分到底係咪係咁就代表係智障？
作者: Jolly 時間: 15-10-26 17:16
No. 唔係一定係智障。
去google下developmental delay, 和 autism spectrum disorder. 你會清楚一些。
智力有冇問題，你個小朋友仲太細，應該未評估到。唔駛擔心住。
作者: SWSWSW 時間: 15-10-26 18:47 標題: 回覆：智障 相於 發展遲緩 嗎
謝謝你
作者: funghon 時間: 15-10-26 22:25 標題: 回覆：智障 相於 發展遲緩 嗎
你小朋友排S位嗎？ 而家有得追，6歲會再評估，到時才定係咪智障和程度。
作者: SWSWSW 時間: 15-10-27 00:03 標題: 回覆：智障 相於 發展遲緩 嗎
政府排s位e位 職業治療 兒科（腦科）神精科 語言治療 及遺傳科 比仔 （好似好嚴重咁 但評估又無講佢咩程度自閉 而譜系又太廣泛）樣樣都係得個排字 除職業治療（去2次每次連交談20分鐘走得）我現在做緊私人一對一訓練 及針灸 驗血奶旦敏感戒口 返n班（學校知佢係A仔 想佢快d走） 盡量日日去公園 打下千秋 由於仔完全無語言能力（爸媽都未識）又唔識聽指令 但經3個月自已湊返（之前奶奶太好服待） 我真係覺得佢進步很多 由一個bb 到自已食飯 攞起個碗飲湯無漏 水杯飲水 又識自已係我手袋攞屈x氏水樽扭開蓋自已飲水 再放好蓋 但無意識扭返）識自已著 同除尿片衫褲鞋 識除襪 識少少簡單指令（如:掉垃圾 過黎）學會手指指 申手要 拍下手 由唔肯行訓地到而家叫住攬住腳要抱 拖下拖下行到成條街 由唔望人 到而家對爸媽有少量眼神接觸 叫名都有反應（10次有1次回應下 係街好d會回頭望）我真係覺得佢進步得好好 但係周圍的人 仲是話佢差 到底係咪我要求低
作者: legolas625 時間: 15-10-27 09:59
你的小朋友有問題就要正視，佢地始終同外面的小朋友有不同，會有差距，要幫佢追番，唔係一朝一夕達到，會有挫折，但都要欣賞小朋友的進步。
你早發現仲有時間追，咁細個DELAY，好多可以追到，你要試下改變教養方法。
醫生話智力評估6歲先可以做，做左先會知係咪智障，但如果你的小朋友到4、5歲仲係整體遲緩，尤其是認知，就要小心。
有時，我覺得6歲前就叫整體遲緩，好似好聽D，其實6歲後就叫智障。我識有個媽媽，佢仔係整體遲緩，唔係A，4歲仲未戒片，好多野唔明，成日唔行路要阿媽抱。
作者: sorjomui 時間: 15-10-30 13:11
本帖最後由 sorjomui 於 15-10-30 13:48 編輯
SWSWSW 發表於 15-10-27 00:03 
政府排s位e位 職業治療 兒科（腦科）神精科 語言治療 及遺傳科 比仔 （好似好嚴重咁 但評估又無講佢咩程度 ...
我好欣賞你懂得欣賞你小朋友的進步，你知道昨天同今天的不同。
我大囡也是遲緩兒，在我的主題帖內有記錄她的進步。我也有另一女兒，她是正常小朋友。有大囡時，我同我先生都是少說話的人，所以我們的說話不多，再加上我有一個誤解，就是小朋友去到某一年紀就自然會識講嘢，會走路。但事實我錯了，小朋友在2歲前是腦部快速發展期，所有嘢在2歲前比小朋友接觸多，之後就輕鬆多了。
例子一: 我在大囡歲半還未開口講嘢先知有問題，於是立即常常講，但都不能報償之前無多同她說話的能力，要用七佰幾找治療師幫手，現在阿囡四歲先至叫做講到長少少的句子。由於大囡的問題，細囡我由細就同佢講嘢，佢8個月識講姐姐，家姐，到現在2歲已講到長句子。
例子二: 大囡歲半前去公園都少，於是佢大小肌都唔係好得，現在算追得好d，可以跑快d，雙腳跳，踏到單車，爬高爬低都好了，連行路都無咁飄；細囡由細玩到大，每日去2次公園，每次約1小時，人巨所有嘢差不多追到家姐，大小肌都發展平均。
所以我覺得照顧者是有影響小朋友發展的關鍵人物。唔想之後用咁多錢去做治療，就之前勤力d帶多d小朋友去玩，玩係小朋友在學習前的重要一環，唔好以為玩係花時間，玩的作用是大到你都想像唔到。
作者: SWSWSW 時間: 15-10-30 13:16 標題: 回覆：智障 相於 發展遲緩 嗎
我都頭痛緊 剛收到電話 有語言治療 可以比仔 但我仔完全唔識講野 唔知要唔要好 大家都知 成千蚊一堂 我又唔知無語言情況下上語言治療有無用（有錢都想留返比佢 上d更有用的堂）
作者: sorjomui 時間: 15-10-30 13:42
本帖最後由 sorjomui 於 15-10-30 13:42 編輯
回覆 SWSWSW 的帖子
我大囡2歲2個月前，只講過1次爸爸，其他連音都無隻，但佢聽得明指令。做咗1個月到，佢開始有其他音或字走出來，就覺得好開心，用咗7佰幾1節45分鐘都覺得值得。
作者: SWSWSW 時間: 15-10-30 13:55 標題: 回覆：智障 相於 發展遲緩 嗎
但係我仔指令都係識得幾個
作者: legolas625 時間: 15-10-31 09:32
語言要先理解才表達。
有家長分享過，未開口上ST好似無咩用，好似燒錢咁，未開口時的技巧都係先用簡單字句，不斷重覆，同幫自己和小朋友的動作配音，用玩具教，俾小朋友吸收。
你可以先上平D的PST，教下指令先，等儲左多D字再上ST，我仔都係咁。
你亦可以考慮上幾堂ST就停，聽下人地意見，自己學下技巧，返屋企自己教。
作者: chanyuen2012 時間: 15-10-31 20:47 標題: 回覆：SWSWSW 的帖子
既然情況係咁，你更加應該要帶佢去啦，你都明白政府排期都耐，有資源緊係攞左先啦，政府物理治療果啲都好夠經驗。
作者: SWSWSW 時間: 15-10-31 22:21 標題: 回覆：智障 相於 發展遲緩 嗎
多謝大家 同老公傾過 放棄語言治療 再排 因仔單字都無 我知有語言治療一定好過無治療 但現實歸現實 資限有限 想揾ot等其他治療 令佢聽得明指令先 再諗語言治療
作者: SWSWSW 時間: 15-10-31 22:29 標題: 回覆：智障 相於 發展遲緩 嗎
政府果邊我全部都有排 雖然好流 由其剛見完兒科醫生 同我講 轉你地過黎都係想揾咩原因自閉 但一般自閉都無原因 我地暫時觀察下 （我有問兒科醫生 可唔可以驗下重金屬有無超標 佢話無得驗），你出去驗血驗尿 排4個月後再黎啦 走得 當然驗血驗尿又搞一輪 但血尿驗d咩又無講
作者: SWSWSW 時間: 15-10-31 22:38 標題: 回覆：智障 相於 發展遲緩 嗎
最白痴係兒科醫生問:你仔係邊間醫院出世 我:威爾斯 醫生:順產？ 我:催生十幾個鐘失敗 開刀 醫生:咁有無話焗親你仔？ 我:我都想知？
作者: longsky 時間: 15-11-2 22:49 標題: 引用：最白痴係兒科醫生問:你仔係邊間醫院出世++
原帖由 SWSWSW 於 15-10-31 發表
最白痴係兒科醫生問:你仔係邊間醫院出世 我:威爾斯 醫生:順產？ 我:催生十幾個鐘失敗 開刀 醫生:咁有無話 ...
我仔都成兩歲半先講野.
作者: SWSWSW 時間: 15-11-3 14:14 標題: 回覆：智障 相於 發展遲緩 嗎
吹波波水嗎？ 我仔 唔識吹 又會搶黎想放入口 我都唔太敢比佢玩 佢到而家 久唔久就會用口試野 （仲未有認知咩 係唔食得） 我而家只好比p膠佢咬 但佢1歲多 有期 見佢自已係床仔度吹口哨 佢諗口王 會有 爸爸爸爸 但就唔會對住個爸爸叫 物質引都唔得 都唔知佢幾時先肯開金口
作者: daibolam 時間: 15-11-4 09:10 標題: 引用：我都頭痛緊+剛收到電話+有語言治療+可以比
原帖由 SWSWSW 於 15-10-30 發表
我都頭痛緊 剛收到電話 有語言治療 可以比仔 但我仔完全唔識講野 唔知要唔要好 大家都知 成千蚊一堂 我又唔 ...
作者: SWSWSW 時間: 15-11-4 10:29 標題: 回覆：智障 相於 發展遲緩 嗎
我老公剛讀緊 語言治療師 教家長技巧 的課程 ，就係諗住自已 在家 試下，排到的語言治療 太遠 小朋友開始返n班 出去上堂有難道 而家見話上水有 我再同佢排隊
作者: 營養多多 時間: 15-11-17 04:32 標題: 回覆：智障 相於 發展遲緩 嗎
評估時，會有三大項目，如果三大項目全中就係自閉症，中咗其中二項係自閉譜系。
CAC兒科醫生叫得排S位嘅，通常係需要好多支援同訓練嘅case，樓主加油！因為由依家開始，呢段黃金期好緊要！
另外，其實轉介排期嘅政府醫院兒科係包含腦科一齊睇，醫生咁問係有原因嘅，因為腦神經傳導異變都可以係後天造成，所以佢先會問返生產時有冇可能令到腦部受損嘅情況。驗血係驗有冇其他隱疾嘅可能，一篩檢係好多疾病一齊驗，雖然就咁睇好似冇幫助，不過，若小朋友太多重複行為，例如:眨眼、搖擺，係可以搵返醫生，有必要醫生會照腦，睇下腦有冇事。
睇樓主描述，叫10聲會回應1次，真係太少，建議多d主動引佢注意，就算佢唔理唔鍾意都要主動親近佢同佢講野，另外持續做OT。
作者: Maria20140423 時間: 15-11-17 23:19 標題: 引用：我老公剛讀緊+語言治療師+教家長技巧+的課
原帖由 SWSWSW 於 15-11-04 發表
我老公剛讀緊 語言治療師 教家長技巧 的課程 ，就係諗住自已 在家 試下，排到的語言治療 太遠 小朋友開始返 ...
| 歡迎光臨 教育王國 (/) |
Powered by Discuz! X1.5 |