教育王國
標題: 香港小朋友,最好醒醒目目,如果唔係.... [打印本頁]
作者: ecml 時間: 15-9-28 00:57 標題: 香港小朋友,最好醒醒目目,如果唔係....
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
作者: 小曳人 時間: 15-9-28 06:25 標題: 回覆:ecml 的帖子
本帖最後由 小曳人 於 15-9-29 09:38 編輯
唔同意!
你可以話學校鍾意揀某D質素嘅小朋友,但其實有D會鍾意乖乖坐定定,有D鍾意有探究情神愛發問,面試—般考題全面,所以學校係揀各方面表現好嘅小朋友
但無offer並不等於小朋友唔叻!只係多人申請競爭大,其他人評分較高!
記住,無offer唔等於失敗,只係出生率高競爭大,(好好認清孩子不足之處)如果真心覺得孩子適合某校,家長多花功夫同心機,11月後或六月,仲有機會!
另,直私校係成個教育體系嘅—小部份,大部份嘅學位都無需面試!如果真係好鍾意某D直私校,試小二插班,因較多人插津校,插直私相對容易,競爭會較少
作者: MrBeast 時間: 15-9-28 07:53
唔同意x2
除了叻,仲要唔怕羞、收放自如、口齒伶俐丶動靜皆能⋯
作者: gigiwin888 時間: 15-9-28 08:06 標題: 回覆:香港小朋友,最好醒醒目目,如果唔係....
唔同意 x 3
作者: celiakids2013 時間: 15-9-28 08:33 標題: 回覆:香港小朋友,最好醒醒目目,如果唔係....
直資、私校只憑一次,二次面試收生,不一定收到好野,津校大把叻仔叻女
作者: longlokma 時間: 15-9-28 08:39 標題: 引用:所謂直資/私校全部都係收叻嘅小朋友,其他
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
呢个係有小朋友讀紧直、私学校(基本上是任何一间)既家長普遍想法呢d家長自我感覺良好,何必打擊佢地呢?
作者: Soundervolt 時間: 15-9-28 08:41 標題: 引用:所謂直資/私校全部都係收叻嘅小朋友,其他
本帖最後由 Soundervolt 於 15-9-28 09:59 編輯
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
千祈唔好誤會!直私學校喺收生過程中係想搵出最能夠吻合該學校教學理念及適合該校教育模式嘅申請者(包括家庭),未必一定喺學術或特異功能上表現愈特出就愈能被取錄。況且而家好多直私學校都有幾千人報考,令到部分小朋友未能被取錄嘅家長以為能夠被取錄嘅小朋友一定係三頭六臂,其實並非必然。
作者: siden 時間: 15-9-28 08:50 標題: 回覆:香港小朋友,最好醒醒目目,如果唔係....
本帖最後由 siden 於 15-9-28 08:52 編輯
擇優而取。
呢個係殘酷現實兼社會潛規則。
人要接受社會現實。
將來揾中學揾工揾老公搵老婆只會係同一條規則。
點樣扶持支持小朋友去作出該時間點最適合(就算不是最心儀)的選擇才是正確方向。
作者: longlokma 時間: 15-9-28 09:12 標題: 引用:直資、私校只憑一次,二次面試收生,不一定
原帖由 celiakids2013 於 15-09-28 發表
直資、私校只憑一次,二次面試收生,不一定收到好野,津校大把叻仔叻女
...
官津一定有叻仔叻女,但係咪大把叻仔叻女就唔敢包…………
不过直、私小学收既就一定唔會全部係叻仔叻女,全部仲係幼稚园BB,所謂見过考过揀过真是得啖笑
作者: maymay321 時間: 15-9-28 09:13
根本係要搵d乖考、又或者叻、又或者比較受教既。如果唔係揀「雀」,就唔使考小朋友百般武藝,交份表,然後抽啦,受教坐定,已經係「叻仔叻女」的基本入場券,根本就唔係有教無類,要入直資私小,少d特質都難有offer......我地呢代好慘,一邊罵、一邊又陪學校癲!間間都想找學齡超前的,又或者好乖方便填鴨的,認字都唔得果d,就等派位好了。
作者: ffaye 時間: 15-9-28 09:14 標題: 引用:所謂直資/私校全部都係收叻嘅小朋友,其他
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
唔同意。同公司請人一樣,我唔係請最叻既員工,而係最啱我條team,入左黎唔會有衝突,令我頭痕既員工。
當然,面試過程要有野吸引到我。所以有一技之長(可以係學術,小朋友就可以計埋體藝、性格)當然最好。
我見身邊有d可能有好多offer既小朋友唯獨考唔到神校。亦有小朋友得一個神校offer。更有小朋友考唔到直資,但上到小一考頭三名。所以,唔好諗到入到直私就係叻。只係配對遊戲。
作者: bopui0607 時間: 15-9-28 09:31 標題: 回覆:香港小朋友,最好醒醒目目,如果唔係....
係面試過程中,有d特質係重要既,有禮貌,有耐性,定,專心,聽指令,主動,我相信小朋友如果係呢d方面好係幫到佢地突圍而出,亦即係適合玩面試呢個遊戲。其實面試係一個matching game。競爭大其實冇offer既係majority.
作者: bubuG 時間: 15-9-28 09:43 標題: 引用:係面試過程中,有d特質係重要既,有禮貌,
原帖由 bopui0607 於 15-09-28 發表
係面試過程中,有d特質係重要既,有禮貌,有耐性,定,專心,聽指令,主動,我相信小朋友如果係呢d方面好係 ...
同意。有禮貌,有耐性,定,專心,聽指令,主動都是關鍵。
作者: bubuG 時間: 15-9-28 09:44 標題: 引用:所謂直資/私校全部都係收叻嘅小朋友,其他
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
唔好考,去抽。
作者: 晴晴小B 時間: 15-9-28 09:53 標題: 回覆:香港小朋友,最好醒醒目目,如果唔係....
聰明絕頂既細路唔一定面試叻,面試叻又唔代表一定聰明
作者: ronniedad 時間: 15-9-28 10:07 標題: 引用:Quote:原帖由+bopui0607+於+15-09-28+發表
原帖由 bubuG 於 15-09-28 發表
同意。有禮貌,有耐性,定,專心,聽指令,主動都是關鍵。
無法同意更多,絕對相信能做到以上幾點,無理由一間學校都睇唔到小朋友的優點,無謂神化直私學校了。沒有最好,只有最合適!
作者: babycat9001 時間: 15-9-28 10:14 標題: 回覆:小曳人 的帖子
可能要睇埋係唔係住私樓,讀名幼,父母績業,幾多張有用既証書。
作者: Lam3Tai 時間: 15-9-28 10:17 標題: 回覆:香港小朋友,最好醒醒目目,如果唔係....
百蝶選百花,人人(包括學校)選擇都可不同,直私佔學額只是少數,亦非唯一選擇。
我只為小兒報咗3間直私,唔得咪政府囉,當中父母心態亦成長不少,冇非卿不嫁嘅道理,亦無非直私小朋友不能發揮嘅思想。面試被揀選與否,太多因素,唔係單單叻唔叻。
Malala爸爸話齋,唔係我為女兒做咗乜,係我冇為女兒做乜。唔綁住佢對翼,邊度都飛到。
作者: mimi1102 時間: 15-9-28 10:43 標題: 回覆:香港小朋友,最好醒醒目目,如果唔係....
如果你有朋友做小學教師, 你可能會明白某些學校的收生資格未必係要收最叻的學生。
唔好比咁多負面思想自己, 我女考幼稚園時全軍覆沒, 但我唔會覺得佢比人差。
作者: Yanamami 時間: 15-9-28 10:49
幾千人報果百幾个位~~失望既人係大比数多,同意楼上講只係个matching game。我覚得考叩门同小二插班去名津果班先真正猛!
作者: ecml 時間: 15-9-28 10:50 標題: 回覆:MrBeast 的帖子
我當然知道啦!你以上所講的,咪就係叻嘅表現
作者: Jane1983 時間: 15-9-28 10:56
事實吾係咁,吾少小朋友考小一全軍覆沒,但抽獎抽到一線名津,仲要免費、益埋細佬妹。
做人係咁,講父蔭、講運氣、講能力...都無?吾緊要,小一只係開始,升中仲可以再搏,人生好多機會的。
作者: ylmanhk 時間: 15-9-28 11:17 標題: 引用:所謂直資/私校全部都係收叻嘅小朋友,其他
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
都係嗰句,讀書靠自己,唔係學校。係d家長自己想姐,唔係學生想入,官津生活更寫意吧。
作者: Yanamami 時間: 15-9-28 11:33
官津生活点会更寫意?
作者: ecml 時間: 15-9-28 12:07 標題: 引用:官津生活点会更寫意?
原帖由 Yanamami 於 15-09-28 發表
官津生活点会更寫意?
Yanomami, 你就帶出到我想講嘅重點喇!
政府嘅就話填鴨式!所以先有咁多人想唔跟教育局果套報直資私小!因為活動教學吖嘛,資源可以運用得好D嘛,係咪?!
作者: bubuG 時間: 15-9-28 12:07 標題: 引用:Quote:原帖由+ecml+於+15-09-28+發表所謂直
原帖由 ylmanhk 於 15-09-28 發表
都係嗰句,讀書靠自己,唔係學校。係d家長自己想姐,唔係學生想入,官津生活更寫意吧。
...
讀書確實靠自己,但學校的氛圍也非常重要。
作者: 晴晴小B 時間: 15-9-28 12:21 標題: 引用:Quote:原帖由+ylmanhk+於+15-09-28+發表都
原帖由 bubuG 於 15-09-28 發表
讀書確實靠自己,但學校的氛圍也非常重要。
同意,好既士兵都要有好既將領,相輔相成
作者: Yanamami 時間: 15-9-28 12:33
ecml 發表於 15-9-28 12:07
Yanomami, 你就帶出到我想講嘅重點喇!
政府嘅就話填鴨式!所以先有咁多人想唔跟教育局果套報直資私小!因 ...
私小未必活动~如SFA APS KTS KRS其实全係傳統学校,不过無官津禁填同死古古,係活动dd, 但又未到直資国際禁活动~~功課測考默量比官津合理得多……奈何僧多粥少~
作者: Soundervolt 時間: 15-9-28 13:51 標題: 引用:Quote:原帖由+Yanamami+於+15-09-28+發表官
原帖由 ecml 於 15-09-28 發表
Yanomami, 你就帶出到我想講嘅重點喇!
政府嘅就話填鴨式!所以先有咁多人想唔跟教育局果套報直資私小!因 ...
直私學校唔係每一間都係「活動教學」。尤其直資學校所收嘅學費唔一定為咗去搞「活動教學」,有可能只係為咗請多啲尊科教師、加老師薪金、維修學校或甚至購買硬件去維持「傳統教學」之用,未必同「活動教學」有關。樓主喺選擇學校之前最好多了解一下心儀學校究竟係乜野教學模先至投考,唔好搞錯!
作者: B.BB 時間: 15-9-28 14:32 標題: 回覆:香港小朋友,最好醒醒目目,如果唔係....
有選擇權在手理所當然可以揀選,唔明有什麼問題。直資私小走的路線明顯就不是有教無類,家長亦根本不應有此期望。
作者: ylmanhk 時間: 15-9-28 14:42 標題: 引用:Quote:原帖由+ylmanhk+於+15-09-28+發表都
原帖由 bubuG 於 15-09-28 發表
讀書確實靠自己,但學校的氛圍也非常重要。
叻人從來都唔需要讀書氣氛,唔叻就會被朋軰影響。
作者: 2boba 時間: 15-9-28 14:57 標題: 引用:所謂直資/私校全部都係收叻嘅小朋友,其他
原帖由 ecml 於 15-09-28 發表
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
點解香港D大學唔收哂香港D學生,咁又係乜野教育呢!
作者: littlefaith 時間: 15-9-28 15:14
你只係講啱一半,其實有唔少直私,揀學生仲會考慮家長是否適合。
作者: bubuG 時間: 15-9-28 15:20 標題: 引用:Quote:原帖由+bubuG+於+15-09-28+發表讀書
原帖由 ylmanhk 於 15-09-28 發表
叻人從來都唔需要讀書氣氛,唔叻就會被朋軰影響。
冇錯,的確有「出於污泥而不染」,不敢現今社會,我唔敢用自己仔女來試下佢係咪呢type。
作者: MrBeast 時間: 15-9-28 15:23
ecml 發表於 15-9-28 10:50
我當然知道啦!你以上所講的,咪就係叻嘅表現
大家叻定義唔同,可以叻但唔識表達,or 叻但坐唔定或唔social. 有些學校只是想找一些平均能坐定定,不一定要好叻,當然出名popular 的可能會要你講嗰類
作者: ecml 時間: 15-9-28 15:54 標題: 回覆:香港小朋友,最好醒醒目目,如果唔係....
明白各位嘅解釋及角度
作者: Doray 時間: 15-9-28 16:29
本帖最後由 Doray 於 15-9-28 16:30 編輯
2boba 發表於 15-9-28 14:57 =一
點解香港D大學唔收哂香港D學生,咁又係乜野教育呢!
...
因為唔係所有學生都有能力同適合讀大學. 君不見台灣盲目擴大大學學位,但社會对大學生需求不足,因導致大學生水平下降,到時父母又接唔接受到一個大學生去做收銀或仕應先
作者: ylmanhk 時間: 15-9-28 18:05 標題: 引用:Quote:原帖由+ylmanhk+於+15-09-28+發表叻
原帖由 bubuG 於 15-09-28 發表
冇錯,的確有「出於污泥而不染」,不敢現今社會,我唔敢用自己仔女來試下佢係咪呢type。
...
你理解錯了我的説話。
作者: penguin_chick 時間: 15-9-28 18:56
回覆 ecml 的帖子
似乎全世都是這樣!孔夫子的有教無類,似乎他也做不到!
作者: 2boba 時間: 15-9-28 22:44 標題: 引用:+本帖最後由+Doray+於+15-9-28+16:30+編輯+
原帖由 Doray 於 15-09-28 發表
本帖最後由 Doray 於 15-9-28 16:30 編輯
其實我嘅意思係:無可能有一間學校,可以收哂所有報名嘅學生,有報名者不被取錄,此情況正常不過,不明為何樓主會因此而作出如此評論,唔通TSL真係每年都要收六千幾人!
作者: karen55407 時間: 15-9-29 07:57 標題: 回覆:ecml 的帖子
的確有人間間收,有人一間都考唔到,正如我仔都係,但我只怪自己技不如人!
作者: Yanamami 時間: 15-9-29 08:04
penguin_chick 發表於 15-9-28 18:56
回覆 ecml 的帖子
似乎全世都是這樣!孔夫子的有教無類,似乎他也做不到!
或者有教無類唔係解作收哂幾千个申請者(因為根本無可能),而係解作对校內学生—視同仁,唔会放棄力有不逮既学生,唔会只係顧住叻既学生~
作者: Jane1983 時間: 15-9-29 08:08
本帖最後由 Jane1983 於 15-9-29 08:08 編輯
一個5歲的小朋友,考到好多offers,當然係叻,值得慶賀。但即使全軍覆沒,都能於佢吾叻,只係佢係果個時間點「輸」左,輸的原因可能係太活躍四圍走、太細聲、比同組小朋友搞wo...好多時,同小朋友的智能無太大關係。
作者: MASAYA 時間: 15-9-29 08:44
penguin_chick 發表於 15-9-28 18:56
回覆 ecml 的帖子
似乎全世都是這樣!孔夫子的有教無類,似乎他也做不到!
後面句因材施教經常消失左...
作者: MASAYA 時間: 15-9-29 08:51
Doray 發表於 15-9-28 16:29
因為唔係所有學生都有能力同適合讀大學. 君不見台灣盲目擴大大學學位,但社會对大學生需求不足,因導致大 ...
同意盲目擴大大學位係唔好, 不過香港都好搞笑, 好多工唔需要大學學歷都要求大學畢業, 公司盲目要求大學學歷先係家長學生盲目追求入大學既主因, 延伸落去就係盲目追求入U率既中學, 再落就係入band1率小學, 講到考名小既讀名幼應該貼返題喇
作者: ffaye 時間: 15-9-29 08:54 標題: 引用:Quote:Doray+發表於+15-9-28+16:29+因為唔
原帖由 MASAYA 於 15-09-29 發表
同意盲目擴大大學位係唔好, 不過香港都好搞笑, 好多工唔需要大學學歷都要求大學畢業, 公司盲目要求大學學歷 ...
香港都有擴大學額架!不過係俾國內生囉!我問d new grad staff,佢地話自己嗰屆有50人,有1/3係國內生。
作者: snow228 時間: 15-9-29 08:55
禮貌,人生態度同自信係來自家庭教育, 不要怨天尤人
作者: Soundervolt 時間: 15-9-29 09:05 標題: 引用:Quote:原帖由+MASAYA+於+15-09-29+發表同意
原帖由 ffaye 於 15-09-29 發表
香港都有擴大學額架!不過係俾國內生囉!我問d new grad staff,佢地話自己嗰屆有50人,有1/3係國內生。
...
呢個情況除咗香港之外,其實喺世界各知名大學都幾普遍,就以Ivy League嘅Columbia University為例,近年有大約一半讀Statistic嘅學生都係來自中國大陸。
作者: subb 時間: 15-9-29 09:33
ecml 發表於 15-9-28 12:07
Yanomami, 你就帶出到我想講嘅重點喇!
政府嘅就話填鴨式!所以先有咁多人想唔跟教育局果套報直資私小!因 ...
咁又不可以一既而論喎 !
一種教育養百樣學校,
玩完了解完升小, 我感覺是香港教育制度直/津/c小沒有大不同,
只是換湯不換藥 !
我也開始明白, 有D教師比小朋友在官津校讀書 !
作者: longlokma 時間: 15-9-29 09:57 標題: 回覆:香港小朋友,最好醒醒目目,如果唔係....
「香港教育制度直/津/c小沒有大不同,
只是換湯不換藥 ! 」
作者: ckh311 時間: 15-9-29 10:07 標題: 引用:Quote:ecml+發表於+15-9-28+12:07+Yanomami
原帖由 subb 於 15-09-29 發表
咁又不可以一既而論喎 !
一種教育養百樣學校,
玩完了解完升小, 我感覺是香港教育制度直/津/c小沒有大不同 ...
對你講直/私小換湯不換藥都有同感,始終直/私要俾錢讀,我覺得大部份家長都更加會睇呢d學校成績,質素,如果無番咁上下表現,咁點會肯俾錢讀,讀返津小好過。
作者: mimi靚媽 時間: 15-9-29 10:56 標題: 引用:聰明絕頂既細路唔一定面試叻,面試叻又唔代
原帖由 晴晴小B 於 15-09-28 發表
聰明絕頂既細路唔一定面試叻,面試叻又唔代表一定聰明
非常同意,所以我決定抽!抽唔到心儀學校,唯有試小二插班。
作者: HK-MAN 時間: 15-9-29 11:01
ecml 發表於 15-9-28 00:57
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?
...
樓主應該改標題為 : 香港家長,最好醒醒目目,如果唔係....迫到仔女跳樓或焦慮症你就後悔一世.
作者: Mario1234 時間: 15-9-29 11:08 標題: 引用:可能要睇埋係唔係住私樓,讀名幼,父母績業
原帖由 babycat9001 於 15-09-28 發表
可能要睇埋係唔係住私樓,讀名幼,父母績業,幾多張有用既証書。
可圈可點。朋友家庭父親是私院顧問醫生,母親是法官,阿仔的獎杯奬狀多到連書房都逼爆!但阿仔考直私只有一間二線直資收,其他不是waiting ,就是沒有2nd In....最大原因可能小朋友自以為叻,沒有禮貎。所以我相信大部有名氣的直私,主要是看小朋友的表現!
作者: ecml 時間: 15-9-29 11:48 標題: 引用:Quote:penguin_chick+發表於+15-9-28+18:56
原帖由 Yanamami 於 15-09-29 發表
或者有教無類唔係解作收哂幾千个申請者(因為根本無可能),而係解作对校內学生—視同仁,唔会放棄力有不逮既 ...
你最明我想指出的意思,我表達得唔好,唔識出post
作者: Jane1983 時間: 15-9-29 13:08
回覆 Mario1234 的帖子
除非父母搭通天地線,否則小朋友黎interview都無禮貌,君臨天下咁款,老師日後點教呀。
小朋友衰也都值得同情(太活躍、太靜、怯場、學術...),唯獨衰禮貌,真係父母要負好大責任。
作者: LeeCC 時間: 15-9-29 14:33
識得小朋友學術超班,但任何場合都爭排第一,媽媽覺得無問題,說他只係愛表現自己,結果只有一間不太出名的直資收,媽媽話邊間連我個都吾收,都吾知收咩人
作者: simonwan 時間: 15-9-29 14:49
2boba 發表於 15-9-28 22:44
其實我嘅意思係:無可能有一間學校,可以收哂所有報名嘅學生,有報名者不被取錄,此情況正常不過,不明為何 ...
點解唔可以有十間TSL, 十間港同?其實樓主批判緊個教育制度。
作者: simonwan 時間: 15-9-29 14:52
snow228 發表於 15-9-29 08:55
禮貌,人生態度同自信係來自家庭教育, 不要怨天尤人
不怨天尤人,但政府政策可以批評。
作者: simonwan 時間: 15-9-29 15:29
本帖最後由 simonwan 於 15-9-29 18:28 編輯
依我理解,樓主唔系講緊津校有無叻人,或者面試點至叫公平。系批判緊個制度點解小一就要分兩類學校,學生起步就要接受唔同質素的教育。直資有很多優勢特權,系政策給與的,政府搞左直資制度后,呢幾年又不再發牌(無講到明,但熟教育政策就知政府唔想再大加直資學校)。而家政策明顯不公,做就兩類學校,直接影響學生及家長。TSL、港同等甘受歡迎,點解唔比佢地搞分校?點解唔比其他團體搞新直資學校?唔系土地問題(而家有好多以前殺校后空置的校舍),唔系辦學團體唔想搞,系政策問題!而家連受歡迎的津校話加班政府都唔比,因爲要學生去寶校!
點解唔可以有十間港同、十間TSL、十間救恩、十間真道?
現在政府政策系加深教育質素兩極化。身爲家長,絕對有資格有權力有義務批評。
作者: MASAYA 時間: 15-9-29 15:37
simonwan 發表於 15-9-29 15:29
依我理解,樓主唔系講緊津校有無叻人,或者面試點至叫公平。系批判緊個制度點解小一就要分兩類學校,學生起 ...
雖然我都唔認同政府政策,尤其是教育方面,不過受歡迎就開分店,我相信好大機會變成連鎖補習社咁樣... 有時辦得好,就係因為佢得一間... 當然假設性問題我都冇論點去支持,不過如果有得揀 (再發牌),我寧願百家爭鳴,好過變連鎖學店
作者: simonwan 時間: 15-9-29 15:43
MASAYA 發表於 15-9-29 15:37
雖然我都唔認同政府政策,尤其是教育方面,不過受歡迎就開分店,我相信好大機會變成連鎖補習社咁樣... 有時 ...
家長唔系蠢,會識分邊間好同唔好,好似幼稚園甘,識分分店同總店。尤其是識上EK的家長。
作者: MASAYA 時間: 15-9-29 15:48
simonwan 發表於 15-9-29 15:43
家長唔系蠢,會識分邊間好同唔好,好似幼稚園甘,識分分店同總店。尤其是識上EK的家長。
...
咁開分店既意義係咩...?
不過我唔同意「會識分邊間好同唔好,好似幼稚園甘,識分分店同總店」,你上EK一段日子,你講既真係咁諗?
作者: simonwan 時間: 15-9-29 15:58
MASAYA 發表於 15-9-29 15:48
咁開分店既意義係咩...?
不過我唔同意「會識分邊間好同唔好,好似幼稚園甘,識分分店同總店」,你上EK一段 ...
唔系分店做得好定唔好問題,可能好可能唔好。系點解辦政府要限制團體辦學?限制直資學校數目?限制家長選擇權?
家長取回選校權有什麽不對?是家長自己選的,無怨無尤,憑什麽說他選錯?
如果大家喜歡大抽獎制度,就唔會年年甘多人爭考直資啦!
作者: MASAYA 時間: 15-9-29 16:00
simonwan 發表於 15-9-29 15:58
唔系分店做得好定唔好問題,可能好可能唔好。系點解辦政府要限制團體辦學?限制直資學校數目?限制家長選擇 ...
我冇唔同意多d直資,只係唔同意開十間陳守仁十間港同
作者: MASAYA 時間: 15-9-29 16:11
simonwan 發表於 15-9-29 15:58
你無權唔同意,衹要政策容許,呢D系辦學團體的事。
我只係冇話事權,同你而家唔同意冇得多d直資但冇辦法一樣
作者: 2boba 時間: 15-9-29 16:19 標題: 引用:+本帖最後由+simonwan+於+15-9-29+15:46+編
原帖由 simonwan 於 15-09-29 發表
本帖最後由 simonwan 於 15-9-29 15:46 編輯
依我理解,樓主唔系講緊津校有無叻人,或者面試點至叫公平 ...
「所謂直資/私校全部都係收叻嘅小朋友,其他小朋友就唔收唔教,呢D係教育界所為嗎? 」
我好配服你,從樓主這番話,你會理解到樓主不滿"官津/直私"教育制度。但我看到的,只是樓主不滿直私收生的標準,與及一句極為偏頗的負面評語。
作者: hkpapa852 時間: 15-9-29 16:19
simonwan 發表於 15-9-29 15:58
唔系分店做得好定唔好問題,可能好可能唔好。系點解辦政府要限制團體辦學?限制直資學校數目?限制家長選擇 ...
唔, 要家長取回選校主導權? 好簡單, 請政府取消12年免費教育, 唔再強制要求適齡學童必須入學, 殺咗教育局, 全港不再有官津學校.
所有小學同中學都要好似幼稚園咁, 一齊去掙餐死, 政府最多整D中小學學券俾你, 不過人地學校又可以話唔收.
咁, 夠家長主導未呢?
作者: simonwan 時間: 15-9-29 16:22
MASAYA 發表於 15-9-29 16:11
我只係冇話事權,同你而家唔同意冇得多d直資但冇辦法一樣
有少少唔同,市民系有權批評政府政策,當有足夠數量市民批評某一政策,一個開明(縱然唔系民主)政府系有責任要聽,就算唔改政策,都要向市民解釋。而家教育局系靜靜雞唔再發直資牌。
作者: 魚爸爸 時間: 15-9-29 16:27 標題: 回覆:simonwan 的帖子
真的嗎?消息的來源是?
作者: simonwan 時間: 15-9-29 16:27
hkpapa852 發表於 15-9-29 16:19
唔, 要家長取回選校主導權? 好簡單, 請政府取消12年免費教育, 唔再強制要求適齡學童必須入學, 殺咗教育局, ...
我贊成你所講的!市民要有自由辦學權;家長要有完全選擇權(包括自家教學權);政府資助學生用真正的學券制(不附加任何條件)。
作者: hkpapa852 時間: 15-9-29 16:29
simonwan 發表於 15-9-29 16:22
有少少唔同,市民系有權批評政府政策,當有足夠數量市民批評某一政策,一個開明(縱然唔系民主)政府系有責 ...
何謂"足夠數量市民"?
何謂"開明政府"?
97年後過咗咁多年, 仲咁天真? 你見依家我地位教育局局長, 到底似攪教育定攪旅遊呢?
作者: simonwan 時間: 15-9-29 16:29
2boba 發表於 15-9-29 16:19
「所謂直資/私校全部都係收叻嘅小朋友,其他小朋友就唔收唔教,呢D係教育界所為嗎? 」
我好配服你,從樓 ...
甘系我自己意見啦!借樓主呢度發表意見啦!
作者: simonwan 時間: 15-9-29 16:32
hkpapa852 發表於 15-9-29 16:29
何謂"足夠數量市民"?
何謂"開明政府"?
我無天真,不過有機會我都要嘈,要小下個政府。
作者: karen55407 時間: 15-9-29 16:38 標題: 回覆:MASAYA 的帖子
保良局已經辦咗好多間直資學校啦!
作者: MASAYA 時間: 15-9-29 16:44
simonwan 發表於 15-9-29 16:22
有少少唔同,市民系有權批評政府政策,當有足夠數量市民批評某一政策,一個開明(縱然唔系民主)政府系有責 ...
如果呢個政府可以好似你講既咁,其實津校都可以辦得好好,事實上而家全部津校都好差咩?我唔反對批評政府,我都經常批評,不過講到尾我都只係唔同意十間陳守仁... 諗諗下呢個話題同上次同你講過以前大班而家細班個問題類似,係咪入到你想入既學校就得,就可以唔理佢點擴張?
作者: simonwan 時間: 15-9-29 16:48
MASAYA 發表於 15-9-29 16:44
如果呢個政府可以好似你講既咁,其實津校都可以辦得好好,事實上而家全部津校都好差咩?我唔反對批評政府, ...
都話比翻家長選擇,有D家長鍾意名校大班,有D家長鍾小班,無話邊個錯。
作者: 魚爸爸 時間: 15-9-29 16:49
其實呢幾年冇乜新直資學校O既出現, 會唔會係因為冇新申請?
我見教育局的網頁仍有提及「接受所有資助中學及小學均可申請加入直資計劃」! 可參閱以下連結:
http://www.edb.gov.hk/tc/edu-sys ... index/info-sch.html
作者: hkpapa852 時間: 15-9-29 16:51
MASAYA 發表於 15-9-29 16:44
如果呢個政府可以好似你講既咁,其實津校都可以辦得好好,事實上而家全部津校都好差咩?我唔反對批評政府, ...
其實咁辛苦做乜, 上網去馬生間上市公司旗下個檔口, 買張"蘇文大學"畢業証書咪得攞!
反正有國家認可, 即係有10幾億人認可, 咁係得啦!
作者: MASAYA 時間: 15-9-29 16:55
simonwan 發表於 15-9-29 16:48
都話比翻家長選擇,有D家長鍾意名校大班,有D家長鍾小班,無話邊個錯。
當時你係話變返大班就解決到名校收唔到咁多學生既問題... 呢個唔係家長選擇... 我一樣可以話你揀另一間大班名校就得,咁就沒完沒了...
不過我同意你講,有d家長鍾意大班有d鍾意小班,要有得揀就同一間學校裡面揀,好似普教中咁,一間學校有普教有廣教,家長選擇,不過我唔知學校可以點處理一間學校裡面有大班有小班
作者: ylmanhk 時間: 15-9-29 17:13 標題: 引用:Quote:ecml+發表於+15-9-28+00:57+所謂直資
原帖由 HK-MAN 於 15-09-29 發表
樓主應該改標題為 : 香港家長,最好醒醒目目,如果唔係....迫到仔女跳樓或焦慮症你就後悔一世. ...
好多家長唔明,唔想明⋯
作者: HK-MAN 時間: 15-9-29 17:30
ylmanhk 發表於 15-9-29 17:13
好多家長唔明,唔想明⋯
個個都以為唔會發生係自己身上面....
作者: ronniedad 時間: 15-9-29 17:41 標題: 回覆:香港小朋友,最好醒醒目目,如果唔係....
其實講到最後咪又係「點解?點解唔係你哋問,係我問呀!點解我老竇唔係李嘉誠?點解我生得咁靚仔,但係就要甩頭髮,你哋生得咁肉酸,但係冇甩頭髮?」呢段精彩對白!現實而家嘅遊戲規則就係咁玩,你有權選擇參唔參與,但就無得輸打贏要。到第時轉到的話(都唔知幾時啦,有都唔再關我地呢期嘅小朋友事。),又會再有人話唔公平嘅啫!
作者: ecml 時間: 15-9-29 17:58 標題: 引用:+本帖最後由+simonwan+於+15-9-29+15:46+編
原帖由 simonwan 於 15-09-29 發表
本帖最後由 simonwan 於 15-9-29 15:46 編輯
依我理解,樓主唔系講緊津校有無叻人,或者面試點至叫公平 ...
嗯!對呀!多謝你幫我長篇大論咁解識!
作者: simonwan 時間: 15-9-29 18:34
ronniedad 發表於 15-9-29 17:41
其實講到最後咪又係「點解?點解唔係你哋問,係我問呀!點解我老竇唔係李嘉誠?點解我生得咁靚仔,但係就要 ...
甘全部新聞媒體收歸國有,全部網站(包括EK) 關門,唔準再有時事評論員。以後有無奶粉、有無學位、公屋比香港人定新香港人、醫院排期排三年。。。。。。都唔好再嘈嘈閉。
作者: 魚爸爸 時間: 15-9-29 19:25 標題: 回覆:simonwan 的帖子
個人愚見,香港的教育問題不在於直私/津校制度!
現在我們面對教育問題,我覺得政府、學校及家長都有責任!
政府未有投放足夠資源到教育範疇,明知增加教師數目,減低師生比例,實行小班教學能提升教學質素,卻遲遲不實行!明知學校因教改而令學校的行政工作增加,而不增加人手!這是政府的責任!
學校因要避免殺校,某些學校比以往更著重收生質素、比以往更著重對成績的操練!結果小朋友漸變成考試機器,失去學習的興趣!
家長因擔心小朋友不夠競爭力,在不自知的情況下,給小朋友增添了不少壓力!
要解決問題,我認同政府要對教育投入更多的資源!另外,學校亦要反思現行的教育方式是否對小朋友的成長最為有利!同時,家長們亦要認清自己的小朋友的性格與能力,儘量不要讓小朋友加添不必要的壓力!
願我們的小朋友長大後,能有一個值得他們懷緬的童年!
作者: ronniedad 時間: 15-9-29 19:52 標題: 回覆:香港小朋友,最好醒醒目目,如果唔係....
香港就係庫房坐擁咁大盈餘,都唔係想辦法去攪好民生如醫療教育住屋等民生必需,而去充大頭去攪d大白象工程,呢個政府而家真係為民服務?
作者: catcat9 時間: 15-9-29 21:27 標題: 引用:根本係要搵d乖考、又或者叻、又或者比較受
原帖由 maymay321 於 15-09-28 發表
根本係要搵d乖考、又或者叻、又或者比較受教既。如果唔係揀「雀」,就唔使考小朋友百般武藝,交份表,然後 ...
Agreed
作者: catcat9 時間: 15-9-29 21:34 標題: 引用:Quote:原帖由+Yanamami+於+15-09-28+發表官
原帖由 ecml 於 15-09-28 發表
Yanomami, 你就帶出到我想講嘅重點喇!
政府嘅就話填鴨式!所以先有咁多人想唔跟教育局果套報直資私小!因 ...
I totally agreed with u2.
真心想選更合適小朋友讀的直/私,就是不想被填鴨,被洗腦
但現實是學校揀學生,家長們一窩蜂漁翁撒網,,就是買個機會
作者: bubuG 時間: 15-9-29 22:16 標題: 引用:香港就係庫房坐擁咁大盈餘,都唔係想辦法去
原帖由 ronniedad 於 15-09-29 發表
香港就係庫房坐擁咁大盈餘,都唔係想辦法去攪好民生如醫療教育住屋等民生必需,而去充大頭去攪d大白象工程 ...
浪費錢搞大白象,唉..........
作者: ecml 時間: 15-9-29 22:17 標題: 引用:Quote:原帖由+ecml+於+15-09-28+發表Yanoma
原帖由 catcat9 於 15-09-29 發表
I totally agreed with u2.
真心想選更合適小朋友讀的直/私,就是不想被填鴨,被洗腦
但現實是學校揀學生, ...
Thank you
作者: Heyheyjoyjoy 時間: 15-9-29 22:55 標題: 回覆:香港小朋友,最好醒醒目目,如果唔係....
競爭的殘酷,在大人世界每天都見怪不怪;在小朋友的世界是來得太早,奈何人越多,但有歷史的好學校來來去去得那幾間。
大人們唯有訓練自己更高EQ、AQ去陪小朋友跑!大家努力!
目前為止,阿仔零offer、無特異功能、無世襲、加上12月細仔…我們由最初很忐忑,現在只一心全力以赴,不行的話,就重讀k3,難聽的repeat、留班,聽多幾次就會淡然…小朋友快樂的童年最重要。
作者: ecml 時間: 15-9-29 23:19 標題: 引用:競爭的殘酷,在大人世界每天都見怪不怪;在
原帖由 Heyheyjoyjoy 於 15-09-29 發表
競爭的殘酷,在大人世界每天都見怪不怪;在小朋友的世界是來得太早,奈何人越多,但有歷史的好學校來來去去 ...
同意呀!我也是不介意留班。
作者: 2boba 時間: 15-9-29 23:47
本帖最後由 2boba 於 15-9-29 23:56 編輯
ecml 發表於 15-9-29 17:58
嗯!對呀!多謝你幫我長篇大論咁解識!
「香港小朋友,最好醒醒目目,如果唔係....
所謂直資/私校全部都係收叻嘅小朋友,其他小朋友就唔收唔教,呢D係教育界所為嗎?」
樓主:你問心你自己本來想講乜?
我只看到你不滿直私收生的標準,與及一句極為偏頗的負面評語。
非常可能係你未考到直資/私校的負面情緒發洩,之後知自己講錯說話,怕比人圍插,就不停抽其他資深會員水!
「呢D係教育界所為嗎?」
呢句話實在侮辱哂所有直資/私校。
作者: ecml 時間: 15-9-30 00:01 標題: 引用:+本帖最後由+2boba+於+15-9-29+23:56+編輯+
原帖由 2boba 於 15-09-29 發表
本帖最後由 2boba 於 15-9-29 23:56 編輯
你指你看到我,你看到我的心?叫我問心
作者: girouis 時間: 15-9-30 00:07 標題: 引用:個人愚見,香港的教育問題不在於直私/津校
原帖由 魚爸爸 於 15-09-29 發表
個人愚見,香港的教育問題不在於直私/津校制度!
現在我們面對教育問題,我覺得政府、學校及家長都有責任 ...
好可惜係你明,我明,相信大部分家長都明!!但冇用㗎,政府D官唔明,但明那些官員自己D仔女老早就安排去香港啲IS 讀啦!之後再安排去外國讀啦!我同事話頭要改好個敎育政策,除非改法例特首同主要官員D仔好由小學至中學一定要在香港讀,重要唔可以入is 及直私,重要參加大抽獎,相信個教育就大大改善!
作者: ronniedad 時間: 15-9-30 00:40 標題: 引用:Quote:原帖由+魚爸爸+於+15-09-29+發表個人
原帖由 girouis 於 15-09-30 發表
好可惜係你明,我明,相信大部分家長都明!!但冇用㗎,政府D官唔明,但明那些官員自己D仔女老早就安排去香 ...
仲要只容許擁有香港特別行政區護照,其他國籍一律要註銷,愛國呀嘛!
作者: ecml 時間: 15-9-30 01:12 標題: 引用:+本帖最後由+2boba+於+15-9-29+23:56+編輯+
原帖由 2boba 於 15-09-29 發表
本帖最後由 2boba 於 15-9-29 23:56 編輯
同你講埋,上嚟li度係大家分享和討論。如果你教我野我多謝你!你話我比人圍插,抽人水,侮辱學校,li d説話又冇建設性,又侮辱別人,你自己都核突啦咁俗。其實你之前留嘅言都好無聊架喇,不過我見無傷大雅咪當你發up風law, 因為你教我,人在做天在看吖嘛,多謝你資深會員
作者: 2boba 時間: 15-9-30 01:44 標題: 引用:Quote:原帖由+2boba+於+15-09-29+發表本帖
原帖由 ecml 於 15-09-30 發表
同你講埋,上嚟li度係大家分享和討論。如果你教我野我多謝你!你話我比人圍插,抽人水,侮辱學校,li d説話 ...
雖然我教咗你點做人,不過你唔洗多謝我嘞,只要你唔好再侮辱唔收你小朋友D學校就好了。
作者: momama 時間: 15-9-30 07:25 標題: 回覆:香港小朋友,最好醒醒目目,如果唔係....
支持樓主,不要考、只要抽;叩門官津都唔好,因為同考直私係同一道理。
歡迎光臨 教育王國 (/) |
Powered by Discuz! X1.5 |