教育王國

標題: 我仔小一就150度近視，想知正確帶眼鏡方法 [打印本頁]

作者: 萬樂豬 時間: 15-9-3 23:46 標題: 我仔小一就150度近視，想知正確帶眼鏡方法

6歲150度近視，視光師就話只需要返學帶，其餘時間唔帶，但我家人就話長期帶先唔會加深近視。。

我好怕亞仔繼續深落去，我應該長期帶家返學先帶呢？

作者: 洋蔥頭媽咪 時間: 15-9-3 23:55 標題: 引用：6歲150度近視，視光師就話只需要返學帶，其

原帖由 萬樂豬 於 15-09-03 發表
6歲150度近視，視光師就話只需要返學帶，其餘時間唔帶，但我家人就話長期帶先唔會加深近視。。

我好怕亞仔 ...

我都建議你戴開就帶，戴下除下近視有機會深得更快，留意小朋友讀書/寫字坐姿及距離，要求學校盡量安排坐前些，教小朋友間唔中望下遠野，唔好捽眼，亦要盡量減少看電腦及手機等等。

作者: 萬樂豬 時間: 15-9-4 00:13

thanks

作者: Yanamami 時間: 15-9-4 08:42

本帖最後由 Yanamami 於 15-9-4 08:43 編輯

150度要戴开就戴~我女小—时100度,而家小六300度。二三年班加得快轉用漸進鏡(低头做功課同遠望黑板度数不同)，就keep得好d.可以既話，驗眼密d, 睇紧d.

作者: yan315 時間: 15-9-4 10:15 標題: 回覆：我仔小一就150度近視，想知正確帶眼鏡方法

唔好信視光師:;pppp:
我小朋友100度，佢地都話上堂先用，結果唔知係好彩定唔好彩，眼鏡撞爛左，再去配我堅持要同佢驗多次，唔夠半年多左100度，最初驗眼既時間睇唔啱款鏡架，所以去左第間拎住之前驗眼張紙去配，第一間視光師叫佢有需要先用囉，激c

作者: nakoko 時間: 15-9-5 11:47 標題: 回覆：萬樂豬的帖子

一定要長帶，要明白近視升幅的主因是睇近野度致，尤其唔帶眼鏡做功課及睇書，會令雙眼用力去看而令佢升得更快，要留意坐姿，距離和光線，另外，以你小朋友目前小一150度黎講，漸進鏡是可以考慮，因為下鏡度數淺百幾度，會令睇近野時眼球不需用力從而沒有迫佢急升既情況，眼睛得一對，可以幫到既都要試下，希望幫到你。

作者: monsterparentss 時間: 15-9-5 14:35

我反而叫仔仔睇書同做功課唔需要帶。因睇過好多網上嘅文章，睇近嘢係唔需要的。

我仔仔由最初175度到依家3年後325度，好似加咗好多，但計返1年加50度，進度尚算滿意。

作者: babyaabb 時間: 15-9-5 23:47 標題: 回覆：我仔小一就150度近視，想知正確帶眼鏡方法

我小朋友也是小一，啱啱 check 到有 150度近視，之前見眼科醫生話唔冼成日帶，只是上課帶，運動堂小息唔好帶，出街也唔洗帶。做功課及睇書就帶醫生配比佢的遠視眼鏡。
希望 work 啦！

作者: 2boba 時間: 15-9-6 06:35 標題: 引用：我小朋友也是小一，啱啱+check+到有+150度

原帖由 babyaabb 於 15-09-05 發表
我小朋友也是小一，啱啱 check 到有 150度近視，之前見眼科醫生話唔冼成日帶，只是上課帶，運動堂小息唔好 ...

近視戴遠視眼鏡？？？

作者: babyaabb 時間: 15-9-6 22:40 標題: 回覆：2boba 的帖子

醫生話看書帶遠視眼鏡，好似放大鏡咁

作者: bibikids119 時間: 15-9-7 11:43

咁請問如果係只有散光呢(不足100度),睇過3位視光師都係話望黑板做HW先帶

作者: 2boba 時間: 15-9-7 21:09 標題: 引用：醫生話看書帶遠視眼鏡，好似放大鏡咁 +

原帖由 babyaabb 於 15-09-06 發表
醫生話看書帶遠視眼鏡，好似放大鏡咁

我真係第一次聽，咁咪要配兩副眼鏡？咁配幾多度遠視？

作者: 甘恩 時間: 15-9-7 23:03

我囝睇了兩個眼科醫生，都係話唔好長戴，只須返學帶便可。佢哋解釋都一樣，話唔可以俾小朋友的眼球習慣有眼鏡輔助，否則會減弱視力！

作者: rean_chau 時間: 15-9-9 18:53 標題: 回覆：我仔小一就150度近視，想知正確帶眼鏡方法

我仔一百度近視都有呢個疑慮，我自己就係帶左眼鏡之後，度數砰砰聲加上去，由二百到四年間去到六百。之前無帶反而keep住二百。

作者: marble2004 時間: 15-9-9 22:19

回覆甘恩的帖子

我個醫生及配眼鏡的老闆都係甘講

作者: babyboy2008 時間: 15-9-11 08:59

請問你哋帶小朋友去邊度驗眼? 普通眼鏡鋪定眼科診所?

作者: jane-wang 時間: 15-9-11 09:10 標題: 引用：請問你哋帶小朋友去邊度驗眼?+普通眼鏡鋪定

原帖由 babyboy2008 於 15-09-11 發表
請問你哋帶小朋友去邊度驗眼? 普通眼鏡鋪定眼科診所?

同问，我女儿小一开学初坐三排，看不清楚，她自己同老师讲，老师安排坐一排，可以看清楚黑板。也想去看看眼科医生和验眼睛的度数，问问是否需要佩戴眼镜，谢谢

作者: mimi222shi 時間: 15-9-11 09:14

本帖最後由 mimi222shi 於 15-9-11 09:14 編輯

戴眼鏡後會加深得好快(長戴), 如果百幾度, 有需要先戴.

作者: 艾艾 時間: 15-9-13 22:13

回覆 mimi222shi 的帖子

過來人，我囡就係小一下學期175 度近視. 長戴眼鏡，不到七個月加到325 度, 後來眼科e 生話睇近野千萬不要帶眼鏡, 所以依家睇書都無俾佢帶

作者: joyce1234 時間: 15-9-14 08:27 標題: 回覆：我仔小一就150度近視，想知正確帶眼鏡方法

我仔卻剛剛相反，初初戴下唔戴下，睇書冇帶，但就一年間急增100度近視。

作者: melanieng 時間: 15-9-14 10:35 標題: 引用：我仔卻剛剛相反，初初戴下唔戴下，睇書冇帶

原帖由 joyce1234 於 15-09-14 發表
我仔卻剛剛相反，初初戴下唔戴下，睇書冇帶，但就一年間急增100度近視。

...

同你一樣，仔仔上堂先戴，短短一年由175度到現在300度。我立即叫佢開始長戴。

作者: 小小小孩子 時間: 15-9-14 16:52

回覆萬樂豬的帖子

有無試過糾視隱形眼鏡...有同學仔試過..只需訓覺時戴...日頭就不用再戴眼鏡...近視亦由4XX度變做無近視了...但就要KEEP住戴到發育完成

作者: dubdub 時間: 15-9-15 14:48 標題: 回覆：我仔小一就150度近視，想知正確帶眼鏡方法

提示: 作者被禁止或刪除內容自動屏蔽

作者: wwsugar 時間: 15-9-17 12:24

我記得曾看書提到幾樣很好的提醒,
1. 少吃甜食，糖份會影響對視力重要的某些營養。
2. 充足睡眠，不夠瞓是很大的視力敵人。
3. 書寫桌要合乎人工工學，自然不會頭太低。
4. 多用自然光，日間室內也一定要夠光，即使不是寫字時也要夠光，配合日間。
5. 夜了不工作時，燈要柔和用黃光多於白光，讓眼睛有休息。
我不知有幾多成用，不過我個人覺得有用，會照做。

歡迎光臨教育王國 (/)