教育王國

標題: 耀中一問？ [打印本頁]

作者: humansy 時間: 15-8-14 23:36 標題: 耀中一問？

囝囝現升K1，本身N班已在原校就讀（傳統幼稚園），現在耀中有Offer K1位，唔知點好？因為我打算幫亞仔報讀直資（有心儀學校，唔想小6後再為升中煩惱，而且功課冇津貼咁多讀得咁辛苦）

至於點解煩惱？因為聽講多數直資interview時會以英語會話形式，亦有普通話問答。若果現在比小朋友就讀國際學校，主要以英普教育，對佢interview時很有幫助。但同時亦怕小朋友自由慣難適應傳統小學，銜接有難度，但若果繼續留在原校，又冇信心佢考得上😔

由於本人並不富裕，難以支持小學中學都在國際學校就讀，所以只限於3至6歲吸收期比最好嘅佢學習（其實亦擔心同學之間有所比較）

想問問有冇人試過由國際跳番傳統就讀小學經驗可分享？以及有冇人可以比d意見我?
可能表達得唔係咁好，請見諒😓

作者: winghanglai 時間: 15-8-15 01:30

我家的大孩子曾在YC大約5年, 讀完year one因為大抽奬抽到傳統名校所以轉校了... 我孩子以前在YC很開心，老師也很有愛心，教學方面我個人覺得中文方面比英文強，應該ESF在英語會話方面會強一點...... YC係數一數二貴的國際學校和中文科比較強，如果想加強英語會話和學費相宜一點的學校, 應該都有其他選擇, 視乎你自己想那間學校的英文科和中文科教學比重...

作者: yanyan123 時間: 15-8-15 02:23

回覆 humansy 的帖子

如果一心考直資/本地，就不應考慮耀中。燿中的課程是play based的，K1及K2是以英粤上課。不用寫字，認字也不多；課程跟本地的大大不同。若考不到你心儀的直資, 要考其他本地學校就會困難重重。
若只為英語而選耀中，其實也可考慮請一位native英文老師。

至於小朋友之間的比較就不用擔心。絶大部份的小朋友跟本就唔會諗呢啲。

作者: humansy 時間: 15-8-15 07:50 標題: 回覆：耀中一問？

多謝你地意見，本來諗住耀中都屬於數一數二學校，而且又係英普兩文，對佢幫助大d。但係而家聽到兩位意見，好似反而相反。請問兩位嘅小朋友係咪都讀緊國際？是否講叻過認字，是否都係國際一直上。我真係為左Lee個決擇攪到訓唔好，好大壓力😓

作者: nintendo 時間: 15-8-15 08:57 標題: 引用：多謝你地意見，本來諗住耀中都屬於數一數二

原帖由 humansy 於 15-08-15 發表
多謝你地意見，本來諗住耀中都屬於數一數二學校，而且又係英普兩文，對佢幫助大d。但係而家聽到兩位意見， ...

I am sure most other parents here would not consider YCIS 數一數二..........

作者: kTongho 時間: 15-8-15 14:55

耀中唔係唔好不過學費係數一數二貴，有好多國際學校一樣好好但就俾耀中平得多。如果你屋企英語環境不足或父母英語水平一般，就要睇小朋友天份同吸收多少，英文可能未必跟其他國際學校一樣，但中文肯定俾大部份為佳。睇你自己值唔值得俾呢個學費同付唔付擔得起。

作者: 964000 時間: 15-8-15 15:19 標題: 引用：囝囝現升K1，本身N班已在原校就讀（傳統幼

原帖由 humansy 於 15-08-14 發表
囝囝現升K1，本身N班已在原校就讀（傳統幼稚園），現在耀中有Offer K1位，唔知點好？因為我打算幫亞仔報讀 ...

你不如讀私家local幼稚園的英普班，像St Cat, LH, think etc 對學語言和考直資更適合。
我未聽過人讀國際咁貴學費，是為了更「容易」考上直資，反而有些會因學術不夠而更難考就真，於是有些人同時IS和local kinder(本人並不讚成）
另外，考直資私小一般不會考普通話的，如你只是為考小一，不如省卻這部分

作者: ritz_ng 時間: 15-8-15 15:19 標題: 引用：我家的大孩子曾在YC大約5年,+讀完year+one

原帖由 winghanglai 於 15-08-15 發表
我家的大孩子曾在YC大約5年, 讀完year one因為大抽奬抽到傳統名校所以轉校了... 我孩子以前在YC很開心，老 ...

請問小一係國際轉去傳統適應困難嘛？thanks

作者: winghanglai 時間: 15-8-15 15:46

回覆 ritz_ng 的帖子

初初係會比較辛苦, 因為中文水平同傳統名校真係有些距離, 功課又比國際學校多，我家老大不是天生聰明但算係比較勤力，所以成績在班中算係中間上dd

作者: samsam123321 時間: 15-8-15 17:11

本帖最後由 samsam123321 於 15-12-23 19:24 編輯

都唔知點解ycis在這論del.

作者: soright 時間: 15-8-15 19:29 標題: 引用：都唔知點解ycis在這論壇有反對意見，會有特

原帖由 samsam123321 於 15-08-15 發表
都唔知點解ycis在這論壇有反對意見，會有特別原因嗎？不過好彩這有人護航。 ...

覺得呢度好多人敵視呢間學校。其實人地今年IGCSE 出左results 都唔差。

作者: samsam123321 時間: 15-8-15 20:12

本帖最後由 samsam123321 於 15-12-23 19:23 編輯

ib 平del.

作者: nintendo 時間: 15-8-15 21:29 標題: 回覆：耀中一問？

十幾個回覆，都冇人惡意批評。
係我講話佢非數一數二，但講真話都唔得？
討論一定有不同意見，次次唔合心水就話敵視，真係服晒。
我仔女是ESF，自問ESF也唔算數一數二，做人要公道，各間學校是甚麼定位，大家心中有數。

作者: samsam123321 時間: 15-8-16 10:18

其實大部分人都係講出事實，無話敵視或反對。
好多人講內裹大部分學生之間只講國語跟廣東話，少講英文。咁學校定位係咁，怕咩人講，反正香港回歸祖國是鐵一般事實，唔通話有人講內裹無人講俄文是話人敵視依間學校？

作者: yanyan123 時間: 15-8-16 15:34

humansy 發表於 15-8-15 07:50
多謝你地意見，本來諗住耀中都屬於數一數二學校，而且又係英普兩文，對佢幫助大d。但係而家聽到兩位意見， ...

我們一開始就決定走國際路線，所以耀中收我們的時候，我們沒有太多考慮、也沒有太多選擇就入了耀中，後來有其他心儀國際學校收了，所以就離開耀中。我的小朋友本身講話唔叻，認字也不好；不過這跟耀中無關。
樓主其實不用太煩惱應否接受耀中OFFER，因為你不打算行國際路線，入了耀中你將會更煩，壓力更大。

上面有回覆提到為什麼YCIS咁多人反對，其實我針對的不是YCIS，而是樓主。我認為樓主任何一間國際學校都不用考慮。因為樓主提到升小學不考慮國際學校，這個情況我會認為樓主應繼續在傳統幼稚園會較合適。如果"只是"為了英語而入國際學校讀幼稚園是不值得的。

作者: humansy 時間: 15-8-17 01:33 標題: 回覆：yanyan123 的帖子

先多謝各位意見，我明白單只為英文而入讀國際好奇怪！但我睇番這幾年我心儀嘅直資面試考畫畫,老師講故事然後問問題睇小朋友反應,還有砌積木其間老師同小朋友傾談(老師會選普通話或英語交談),一組大约十個小朋友同時進行,家長就係礼堂聽講座。所以我都諗以這樣面試方式，是否國際比傳統更有優勢，而且教學方式亦是一中一英雙班主任以英普教學。當然，我到時未必一定考上，到時要考其他學校就比較困難，所以這才讓我覺得困擾，很難作決定！

作者: poonseelai 時間: 15-8-17 08:09 標題: 引用：先多謝各位意見，我明白單只為英文而入讀國

原帖由 humansy 於 15-08-17 發表
先多謝各位意見，我明白單只為英文而入讀國際好奇怪！但我睇番這幾年我心儀嘅直資面試考畫畫,老師講故事然 ...

唔好意思我唔明你決定困難之處, 其實你自己亦説了知道考不上直資去讀傳統仲難, 咁你根本不用考慮國際，有家長亦已提過其他中英並重幼稚園

作者: lui 時間: 15-8-17 08:47 標題: 回覆：humansy 的帖子

If u target local school plus want to polish their English language skills. Don't think of YC as they focus on Cantonese in early years of education. Other IS may not satisfy U as most of them or all of them are play based teaching. 你還是應找local kindy .外補其他科（如你認為想Polish).

作者: minamitse 時間: 15-8-17 11:17

Actually, someone above had already recommended you a much much better option, like St Cat, Learning Habitat, or York. They have pth and english class. Forget about YC.

作者: bbchu2013 時間: 15-8-17 17:19 標題: 回覆：minamitse 的帖子

請問如果樓主揀左ycis, 係咪讀完k2，直上yr 1, 到時夠6歲，如果想讀番local，就出番來考直私，或者參加大抽獎(讀緊is可以抽嗎?)

作者: humansy 時間: 15-8-18 14:38 標題: 回覆：bbchu2013 的帖子

其實我當然明白大家嘅苦口婆心嘅勸導，只不過我敵唔過我媽的堅持，佢總覺得響國際出嚟嘅點都好過村幼。學校揀人都寧願揀間有名氣（佢只認識耀中）所以佢好堅持學費佢比。我都已經解釋過無限次佢都話要比個孫最好嘅，所以我先亞Q咁諗國際有d咩好處😔佢好想個孫入名校但我唔係咁諗，我只想佢搵間唔谷嘅學校，但經濟上我唔想永遠依賴佢，所以小學一定唔再國際。其實我最最最煩惱嘅正正是Lee個原因，為左Lee樣野，已經爭吵無限次，亦失眠很多晚😞

作者: minamitse 時間: 15-8-18 15:26

回覆 bbchu2013 的帖子

耀中冇串字冇寫字，一般學生不易參加考直資的遊戲。要名牌，小一要考神校吗？還有中学及大學呀！

作者: torunpoland 時間: 15-8-18 16:45

實際情況好簡單: 考私小直資, 小朋友要認到不少中文字英文字, 分分鍾已經識串字, 但真是國際學校的孩子(沒有其他私人補習), 往往在起步時, 不及其他小朋友快, 仍然懵懵的, 最多識串CAT, DOG, COW, 中文都不過是牛羊大小上下，好難勝過LH, YORK同齡小朋友。所以，耀中肯定不合你需要。

作者: lui 時間: 15-8-18 17:01 標題: 引用：其實我當然明白大家嘅苦口婆心嘅勸導，只不

原帖由 humansy 於 15-08-18 發表
其實我當然明白大家嘅苦口婆心嘅勸導，只不過我敵唔過我媽的堅持，佢總覺得響國際出嚟嘅點都好過村幼。學校 ...

你自己冇say?咁由佢讀law.不過你真係會後悔。事關我有兩個學生from YCIS.佢地知道唔對路，不過也考也不到其他國際。你又唔打算讀上去，真係浪費時間

作者: 貝珠 時間: 15-8-18 17:32 標題: 回覆：耀中一問？

咁你要俾阿媽看看education kingdom, 大部份阿媽覺得學之園，st cat , 樂基，先至係名校。

作者: yanyan123 時間: 15-8-18 18:34

humansy 發表於 15-8-18 14:38
其實我當然明白大家嘅苦口婆心嘅勸導，只不過我敵唔過我媽的堅持，佢總覺得響國際出嚟嘅點都好過村幼。學校 ...

原來你的媽媽才是最大的難題。
若入不到你的心儀學校/名校，你媽媽會否仍然堅持小朋友留在耀中(媽媽心目中的名校)及付出未來多年的學費?如果她不會的話，請她將選擇權交回給你。如果你媽願意承擔未來所有學費，這是家庭問題，更難處理。

作者: sagesage 時間: 15-8-18 19:09 標題: 回覆：humansy 的帖子

小朋友是你自己，不是婆婆或嫲嫲，不是佢話比學費就要聽從佢意思，你有思想！
客觀啲，我倆個小朋友2歲全日班讀了一年，今年升k1,我同她們轉咗另一間全英國際幼稚園！我知道目前他們要接觸多些英語，方便小學可以更容易轉更好的國際學校！其實有好多選擇，如果想操好英語，好似啓歷，Kingston,Anfield.

作者: licpd 時間: 15-8-18 22:35

我會照讀yc, local kg 都是要家長自己教識字. 小朋友有快樂學校生活又不用自己卑錢大家happy 啊！無論讀local or Is 要小朋友成才父母付出才是最重要

作者: oooray 時間: 15-8-19 09:47

回覆 humansy 的帖子

如果我呀媽肯包學費由幼稚園到中學畢業；fine；佢話事；打個比喻；只包幼稚園等同包條舢舨送你出大海；點過對面；你自己攪掂。

讀完國際學校幼稚園；不論邊間；讀完2,3年；錢係洗左；除左中文屎左；Oral English好d左；
其實睇唔到有咩突出(除非你自我感覺良好)；考local school有咩優勢；
(個人經驗讀International School要去到Year 3 or Year 4先會feel到供左咁多年會有少少成果；才覺得錢不是白花的；)
如果 Year 1去番local school；我相信一兩年間你幼稚園累積的 English skill會完成貶值。

作者: 964000 時間: 15-8-19 14:50 標題: 引用：其實我當然明白大家嘅苦口婆心嘅勸導，只不

原帖由 humansy 於 15-08-18 發表
其實我當然明白大家嘅苦口婆心嘅勸導，只不過我敵唔過我媽的堅持，佢總覺得響國際出嚟嘅點都好過村幼。學校 ...

你咪試下，自己再另教中文

作者: chappiebb 時間: 15-8-20 22:14 標題: 回覆：耀中一問？

我大仔係yew Chung 由n班讀到year 1, year 2 轉左其他IS. 我覺得最大問題係佢幼稚園同小學銜接唔到，幼稚園主要Cantonese,小學50% English and 50% mandarin. 但好多學生已經習慣用Cantonese or mandarin 溝通,英文程度較其他IS低. 我大仔完全唔enjoy 返學，日日放學都好累。我當初揀IS既原因，係因為我想佢英文好，之後大個送佢去外國讀書.yew Chung 比較注重中文，唔係咁適合我.再加上用咁既學費，我覺得有好多更好既選擇！我覺得用托兒所會比較適合形容yew Chung

作者: humansy 時間: 15-8-21 07:02 標題: 回覆：耀中一問？

多謝各位嘅意見！我好開心咁宣布，我贏左啦✌️

作者: etpianist 時間: 15-8-25 12:10

回覆 humansy 的帖子

If you are taking the local school/ DSS route, there is no need to go to YCIS. It won't be competitive enough for your child to get into a top traditional school. You should try York. I heard it is good for going to top local/DSS school.

歡迎光臨教育王國 (/)