教育王國
標題: 升上中一脾氣超臭 [打印本頁]
作者: Woomingling 時間: 15-5-20 19:02 標題: 升上中一脾氣超臭
仔升上中一特別下學期後， 下下大大聲同我講野， 語氣極差， 有時好好聲氣叫佢埋位食飯， 叫佢沖涼， 收拾下書檯， 房等等， 一係十問九唔認， 一係大大聲fu氣咁回認我， 尋晚我頂唔順， 終於大聲過佢， 狂掃佢， 佢即時眼金金望住我...一粒聲唔咁駁.。我真係好嬲， 日頭要返工， 返工又要煮飯做家務， 佢唔幫手之餘仲要受佢氣。
作者: 黃巴士 時間: 15-5-20 22:04
反叛期開始.
作者: beaclem 時間: 15-5-21 10:36 標題: 回覆：Woomingling 的帖子
明白，同我仔差唔多，青春期係咁，過兩年會好D
作者: db7mu23 時間: 15-5-21 12:29 標題: 引用：仔升上中一特別下學期後，+下下大大聲同我
原帖由 Woomingling 於 15-05-20 發表
仔升上中一特別下學期後， 下下大大聲同我講野， 語氣極差， 有時好好聲氣叫佢埋位食飯， 叫佢沖涼， 收拾 ...
小學嗰陣，叫佢去左就去左，去右就去右，好聽話！
依家冇呢支歌唱，唉！
作者: dummie 時間: 15-5-21 12:34
我個女小五已經開始係咁,今年升中一
佢一黑面我就機關槍上身係咁掃,但掃極佢都照黑面照頂咀
作者: sandwichmum 時間: 15-5-21 17:17 標題: 引用：明白，同我仔差唔多，青春期係咁，過兩年會
原帖由 beaclem 於 15-05-21 發表
明白，同我仔差唔多，青春期係咁，過兩年會好D
作者: Yanamami 時間: 15-5-21 18:16
本帖最後由 Yanamami 於 15-5-21 18:17 編輯
阿女F4,我剛剛捱完，雨过天青了~大家加油！希望在明天｡
作者: Woomingling 時間: 15-5-21 19:00 標題: 回覆：升上中一脾氣超臭
無意中睇倒fb佢班同學嘅對話， 討論大家嘅媽媽點癲，好似返咗成日學返嚟打下機又唔得， 成績冇之前咁好， 只係退少少步又癲.....關電腦做功課又屈我打機， 係屋企冇空間， 唔開心等等。我睇完都心寒， 原來佢地唔覺得自己有問題， 喜歡做乜就要做乜， 大人要就哂佢， 否則就係大人迫佢地，唉唔識點教。
作者: YDLFATHER 時間: 15-5-21 22:29
青春期發育精力旺盛, 讓他在家幫妳做家務
作者: Yanamami 時間: 15-5-21 22:32
本帖最後由 Yanamami 於 15-5-21 22:34 編輯
Woomingling 發表於 15-5-21 19:00 
無意中睇倒fb佢班同學嘅對話， 討論大家嘅媽媽點癲，好似返咗成日學返嚟打下機又唔得， 成績冇之前咁好， ...
算啦~~你睇佢fb係自己揾黎激気！有d野要時运高睇唔到、听唔見呀~~
作者: kachunma 時間: 15-5-22 13:42 標題: 引用：+本帖最後由+Yanamami+於+15-5-21+22:34+編
原帖由 Yanamami 於 15-05-21 發表
本帖最後由 Yanamami 於 15-5-21 22:34 編輯
作者: au6822 時間: 15-5-22 13:47
Woomingling 發表於 15-5-21 19:00
無意中睇倒fb佢班同學嘅對話， 討論大家嘅媽媽點癲，好似返咗成日學返嚟打下機又唔得， 成績冇之前咁好， ...
你好 Woomingling,
我囝囝同你囝囝情況好相似呀 ! 我都唔知點算, 日後請多多指教... 有時對住亞囝... 真係無辦法, 唔出聲自己又忍唔到 ! 
作者: Woomingling 時間: 15-5-22 23:08 標題: 回覆：au6822 的帖子
咁就好大家可分享下， 好幾次都俾佢激到眼淚水都標， 叫佢做東就做西， 講乜都駁咀，問佢有關學校情況， 一定答我唔知， 冇野發生..... 當正我係佢仇人。為咗咁朋友都提議我，在最嬲時就自己落下街， 食最想食嘅野， 買下野， 總之要離開現場， 之後等大家心情好d就傾下，希望可以多點了解對方想法， 最緊要俾佢知媽媽有幾不滿。
作者: Woomingling 時間: 15-5-22 23:11 標題: 回覆：升上中一脾氣超臭
希望有用啦， 我自己正慢慢學緊， 明白唔可以再硬鬥硬。大家一齊努力😜
作者: brother4 時間: 15-5-23 09:07 標題: 回覆：升上中一脾氣超臭
餓自然食，臭自然沖，小朋友大了不能日鵝夜鵝，自己要學習，做朋友好過做父母，咁大家都開心。。。
作者: TAOTAOLEE 時間: 15-5-23 11:18
提示: 作者被禁止或刪除 內容自動屏蔽
作者: annie40 時間: 15-5-23 14:14
如果話比大家知，孩子正在孤獨地面對艱難時刻，媽媽的傷心，應該轉化為「隱形」的關心，大家的心情，會唔㑹好些少？
作者: MM1155 時間: 15-5-23 15:46
兒子中一時與小學沒兩樣，沉靜，今年中二…不得了，更沉默，話佢佢唔答，無反應！激得我！不駁辯，不動亦不怒，話要說三次才叫得佢郁…命都無！後來我改變應對策略，現在好少少。
作者: 黃巴士 時間: 15-5-23 16:19
MM1155 發表於 15-5-23 15:46
兒子中一時與小學沒兩樣，沉靜，今年中二…不得了，更沉默，話佢佢唔答，無反應！激得我！不駁辯，不動亦不 ...
作者: MM1155 時間: 15-5-23 18:31
嘻嘻…對策是：
1. 敵不動，我不動！
2. 己所不欲，勿施於人！
3. 將心/身比己！
但切記自身要忍得才可出此三招，否則徒勞！共勉之！
作者: 洋蔥頭媽咪 時間: 15-5-23 19:17 標題: 引用：+本帖最後由+Yanamami+於+15-5-21+18:17+編
原帖由 Yanamami 於 15-05-21 發表
本帖最後由 Yanamami 於 15-5-21 18:17 編輯
阿女F4,我剛剛捱完，雨过天青了~大家加油！希望在明天｡ ...
我同意呢一代年青人的確比較自我，有佢地自己想法，同佢地相處(尤其青春期)要避重就輕，投其所好，見招拆招。
作者: YDLFATHER 時間: 15-5-23 21:07
本帖最後由 YDLFATHER 於 15-5-23 21:24 編輯
看了蔡禮旭<<幸福人生講座>>之<<弟子規>>篇, 好多父母都知道如何教養出好孩子!
https://www.youtube.com/watch?v=EwL2qZz_glw
作者: bogie888 時間: 15-5-23 21:21 標題: 引用：看了蔡禮旭之篇,+好多父母都知道如何教養出
原帖由 YDLFATHER 於 15-05-23 發表
看了蔡禮旭之篇, 好多父母都知道如何教養出好孩子!
理想願景永遠係同現實情景
有好大落差既……
專家齋講理論容乜易呀…
事實係阿媽唔易做呢……
作者: lamhimchiu 時間: 15-5-24 10:04 標題: 引用：+本帖最後由+Yanamami+於+15-5-21+18:17+編
提示: 作者被禁止或刪除 內容自動屏蔽
作者: NurseSally 時間: 15-5-24 10:23 標題: 引用：Quote:原帖由+YDLFATHER+於+15-05-23+發表
原帖由 bogie888 於 15-05-23 發表
唉…
理想願景永遠係同現實情景
有好大落差既……
作者: Yanamami 時間: 15-5-24 10:54
lamhimchiu 發表於 15-5-24 10:04
吓。。唔係要到中四先過完
作者: YDLFATHER 時間: 15-5-24 11:11
大事難事,看擔當; 逆境順境, 看胸襟; 是喜是怒, 看涵養; 有舍有得, 看智慧; 是成是敗, 看堅持.
作者: 芝麻街 時間: 15-5-24 23:53
多謝分享
作者: @@ 時間: 15-6-3 23:23 標題: 引用：仔升上中一特別下學期後，+下下大大聲同我
原帖由 Woomingling 於 15-05-20 發表
仔升上中一特別下學期後， 下下大大聲同我講野， 語氣極差， 有時好好聲氣叫佢埋位食飯， 叫佢沖涼， 收拾 ...
狠狠地爆佢一鑊之後再解釋輔導，touchwood 依家暫時仲ok 😁
作者: brother4 時間: 15-6-4 09:48 標題: 回覆：升上中一脾氣超臭
不能爆佢一鑊，朋友做了，效果是房門俾佢個仔踢爆，大家冇對話幾天，最後朋友
作者: Woomingling 時間: 15-6-5 12:59 標題: 回覆：brother4 的帖子
咁火爆， 究竟佢地當父母係乜？仇人定只當係供三歺一宿嘅工人。
作者: Woomingling 時間: 15-6-5 13:16 標題: 回覆：升上中一脾氣超臭
我果件成日撩我開火， 就算好聲好氣同佢講野，佢都當我仇人咁。只好忍，忍，忍.......，現在做人父母真艱難， EQ要有番咁上下高先得。
作者: 丸媽媽 時間: 15-6-7 14:03
brother4 發表於 15-5-23 09:07
餓自然食，臭自然沖，小朋友大了不能日鵝夜鵝，自己要學習，做朋友好過做父母，咁大家都開心。。。
...
作者: 黃巴士 時間: 15-6-8 10:48
Woomingling 發表於 15-6-5 13:16
我果件成日撩我開火， 就算好聲好氣同佢講野，佢都當我仇人咁。只好忍，忍，忍.......，現在做人父母真艱難 ...
或者咁諗,對於一些不懂表達或不知從何入手的孩子, 撩交嗌是想渲洩心中一些不滿或鬱結, 他/她們有話要說, 但內心掙扎, 可能知有些不滿是不應該投訴, 發洩或埋怨, 又有些是自己的錯失, 講出來不知人家點睇自己, 覺得自己很煩, 沒人明白, 心中 有些矛盾. 說到底都是想人關心. 但往往用上最挑釁方法去引大家關注.
作者: 123WING 時間: 15-6-11 15:10
洋蔥頭媽咪 發表於 15-5-23 19:17
Me too , 我隻大嘅今年S5開始開竅，不過以往我都盡量少哦…忍住，盡量保持溝通 ，保持良好關係，我重視態度 ...
這經常遇到, 又看不過眼. 考試期間天天同佢講道理, 但到頭來佢答[有].
如果你有遇到同樣情況, 你會如何做法.
只是亙相交流心得.
作者: Woomingling 時間: 15-6-11 16:22 標題: 回覆：123WING 的帖子
我會同佢坐底慢慢傾， 要佢明白讀書係為佢自己將來， 不屬於任何人的， 讀幾多都係佢自己所擁有的。將來條路由自己揀定人揀你，分別有幾大，我已經唔再迫佢溫習， 以佢明白為先。
作者: 123WING 時間: 15-6-11 17:27
回覆 Woomingling 的帖子
我都有用你的做法向亞他講, 都教佢溫書方法. 佢似是明, 勤力一, 二天, 之後又開始還原. 好像做給我看.同學不段打電話來, 人開始心散, 應該溫書時間都用來講電話或看Y-TUNE. 下班回來, 明知佢講大話, 怒火都來.
我真的不再嘮叨嗎? 當看不到嗎? 期待有一天他真明白.... 唉!
作者: Woomingling 時間: 15-6-11 18:51 標題: 回覆：123WING 的帖子
我仔都會同你仔一樣， 但我嘗試緊盡量唔火爆，用朋友角色不段提醒佢， 同佢傾書讀得唔好對佢將來有咩影響， 讀得成又可以多些機會做自己喜歡做嘅野（當然開始時佢唔多受， 但傾多幾次佢又好似明白咗， 最緊要願意同我傾心事）。為咗要佢知道自己有幾多野等緊佢溫，考試前我會要求佢做溫習時間表， 計劃每日要溫乜，每日同佢review（用溫和態度）, 從而佢會明白自己溫書嘅進度。另外，我會買多些佢鐘意食的零食陪佢溫書， 溫得耐叫佢聽下音樂（佢至愛）,我咁做目的是俾佢知媽媽鼓勵緊佢溫書， 支持緊佢。 其實我自己都諗咗好多方法， 暫時覺得呢個最work, 明白中一生仲可以輸，只要唔留班就得。 成績唔係最重要， 最重要是養成有自律， 負責任及自覺去讀書嘅人。因為上中二我地唔可以再咁跟， 再唔放手根本唔太可能。
作者: 123WING 時間: 15-6-12 12:18
回覆 Woomingling 的帖子
多謝你的無私分享! 我都與你有同樣的想法.
作者: like_travel 時間: 15-6-13 12:31
有時， 初中的孩子有意無意撩您發火! 看您反應! 跟他們開火甚無意義，跟本唔會怕您! 我近年學會唔鬼採您既態度! 自己入房關門，或甚出街行一圈，做吓運動出身汗，回家又無事! 當然， 要孩子知道，佢咁既態度係唔啱的，但要待雙方心平氣和時才說大道理。而家我EQ 高左好多
作者: like_travel 時間: 15-6-13 12:38
本帖最後由 like_travel 於 15-6-13 13:10 編輯
回覆 黃巴士 的帖子
挑釁方法去引大家關注，應該係初小的行為。若論青少年反叛行為，佢地大把朋友，其實唔多想家長關注添，唔係點會問多兩句都話煩?
建議多參與制服紀律團隊活動如民安隊 / Sea Cadet / Air Cadet, 既可舒緩青少年情緒，又可從訓練中學習成為良好公民和優秀社會領袖! 又可為社會服務，非常正面!
作者: 洋蔥頭媽咪 時間: 15-6-13 23:37 標題: 引用：Quote:洋蔥頭媽咪+發表於+15-5-23+19:17+Me
本帖最後由 洋蔥頭媽咪 於 15-6-13 23:42 編輯
原帖由 123WING 於 15-06-11 發表
當你知道亞仔明明沒溫習時 ----在考前或考試期間經常講電話, 閱讀Y-TUNE, 但佢答"有", 你會怎樣應對呢? 星 ...
你孩子是否剛升S1？其實孩子性格，能力，個人習慣人人唔同，不同性格都有不同處理方法，好難一刀切究竟唔理佢定管束住佢，要睇小朋友本身自理能力，讀書態度，責任感，大家親子關係如何等等...
升上中學後，通常孩子會覺得自己已經開始大個，覺得會管理倒自己，就會挑戰父母權威，亦會爭取自由唔想父母樣樣管住佢，如果小朋友本身讀書態度OK，交齊功課，基本上家長亦可嘗試退一步讓佢自行分配，學習處理及承擔自己事情，你提及知道兒子沒溫習，但佢答你有，你點肯定佢一定冇溫過？你星期天在家佢好努力溫習，但你似乎又質疑佢究竟識幾多，你話佢有頃電話唔溫習，但佢又答你有，你又唔太信任佢，請問媽媽你其實想佢點？佢最終考試成績又如何？
當孩子年紀漸長，其實極雖要獲得父母信任與包容，你可以把你想法與孩子頃談，同時亦可以了解及接納孩子需求，適量放手，多與孩子溝通。如果係我，佢答我已經溫左，我會用相信口吻相信佢先，再同佢講你大個仔啦，要自己管好自己，為自己將來，媽媽只可以響我能力範圍內幫你，有咩須要可以同我商量，佢努力溫書我會拎d零食支持下佢，多與佢溝通/協商，講下道理，但切勿囉嗦，再觀察佢係咪真係能夠自理，考試成績又如何.... 收下放下，孩子有時係須要響錯敗中才能學懂，才能成長。
我兒S1我已經全放手，從小至大佢亦從不會對我講大話，不用欺騙我，因為佢知道有問題我可以有商有量，作為家長可以響背後幫佢，引導佢，支援佢。現今呢一代孩子生活富足，都比較自我難教，家長唯有提升自己EQ，見招拆招，多溝通，適量引導，專重佢地，孩子才容易受教。
我亦經常在學習中。互勉之
作者: 123WING 時間: 15-6-15 18:14
回覆 洋蔥頭媽咪 的帖子
考試結果要待派完成績表才知. 為何我知他每天考完回家講電話? 因我每次打電話回家都是cut我線. 我再打多次他才聽我電話. 因他不懂用家電話的forwarder功能, 他要cut左現有條線同時都會cut另一條進入電話線. 所以我才知道他在使用電話. 如果經常講電話有可能專心溫書嗎? 不是我不相信他, 實際我太了解他的行為.
不過我都多謝你的分享. 我現在都是讓他嘗試失敗結果. 佢有努力溫書, 我會支持和讚賞. 佢懶散, 只會講道理. 如佢依然故我的, 為有等考試結果出來才跟佢商談將來如何改變讀書態度.
作者: Woomingling 時間: 15-6-15 18:59 標題: 回覆：123WING 的帖子
我打佢手機， 因冇家用電話， 同佢講唔夠兩句就話要收線，一係打幾次先聽一次， 每一次解釋都係聽唔倒電話響， 語氣更唔太好。我見佢呢牌有溫書， 我就算。但都是待考試結果出， 才同佢好好傾計。其實除咗讀書， 我覺得處理佢行為同態度仲煩， 覺得我似佢女朋友咁， 成日問點解唔聽我電話又唔覆番我， 依家去到邊，做緊咩.......唉，如果係女朋友一早飛咗佢就唔駛咁煩！
作者: 黃巴士 時間: 15-6-15 19:20
本帖最後由 黃巴士 於 15-6-15 19:25 編輯
我覺得中一,二, 家長是最勞氣的階段, 因他/她們經過了P.6後, 全個人都會放鬆, 直頭放軟手腳, 佢地覺得交齊功課, 溫了少少書已覺得OK. 唔合格咩, 覺得好多同學都係咁..... , 又唔係差好多唔合格. 總之, 家長點講都聽唔入耳. 份人沒準備, 剎到埋身至算. 手機&同學&朋友至上. MUM入佢地房門, 佢: 你出去先啦!! 我會溫架啦. (很多朋友囝囡都係咁, 我都唔例外)
至S.3要選科了, 好彩的, 大家同學在博命溫書, 才會BOOT UP返自己.
作者: Woomingling 時間: 15-6-17 11:49 標題: 回覆：升上中一脾氣超臭
尋晚同我講今日係普選大日子要去銅鑼灣（佢對政治很有興趣）,我當然唔想佢去，點知佢發癲又吵又嘈， 今朝連電話都唔聽。唉！真係唔識教
作者: 黃巴士 時間: 15-6-17 12:02
本帖最後由 黃巴士 於 15-6-17 12:05 編輯
Woomingling 發表於 15-6-17 11:49
尋晚同我講今日係普選大日子要去銅鑼灣（佢對政治很有興趣）,我當然唔想佢去，點知佢發癲又吵又嘈， 今朝連 ...
是否孩子一開口, 你已SAY NO?? 其實SAY NO, 都要好有技巧!!
有無大家的交換條件??
作者: Woomingling 時間: 15-6-17 12:13 標題: 回覆：黃巴士 的帖子
佢份人一向冇交帶架，電話唔接放學去邊又唔講。尋晚佢問我時我話， 你份人咁冇交帶， 成日叫你放學打俾我， 同同學去食野講我知， 你都做唔倒， 我再俾你去街你未會更過份？點知我話都未講完， 佢即大吵大鬧，我都呆一呆。你說我可以再同佢講乜？？？
作者: 黃巴士 時間: 15-6-17 12:24
Woomingling 發表於 15-6-17 12:13
佢份人一向冇交帶架，電話唔接放學去邊又唔講。尋晚佢問我時我話， 你份人咁冇交帶， 成日叫你放學打俾我， ...
有時, 一班同學一齊, 由其是男生, 叫即場報到, 是否有些尷尬??
作者: Woomingling 時間: 15-6-17 12:31 標題: 回覆：黃巴士 的帖子
但之後見miss call都唔覆，今朝仲話唔想聽我電話， 你話點教好。
作者: STee 時間: 15-6-18 09:48 標題: 引用：+本帖最後由+黃巴士+於+15-6-15+19:25+編輯
原帖由 黃巴士 於 15-06-15 發表
本帖最後由 黃巴士 於 15-6-15 19:25 編輯
我覺得中一,二, 家長是最勞氣的階段, 因他/她們經過了P.6後, ...
最近在交談中，先知原來我地得到他的信任是因為我地共用同一電腦，但佢發現我從來沒有反查佢看 you tube 的紀錄，佢覺得私懚受到保護，所以信任我多咗。初中真係同高小唔同，請嘗試擴大孩子的自理範圍，當互信增加時，事情就易辦了。
作者: 黃巴士 時間: 15-6-18 10:10
本帖最後由 黃巴士 於 15-6-18 10:11 編輯
校長曾說 : 當孩子對父母提出一些不想, 不合理的應允的要求時, 父母應停一停諗一諗. 諗咩呢???
諗吓"點樣"去SAY NO!! 
作者: 波板糖yeah 時間: 15-6-18 13:02
提示: 作者被禁止或刪除 內容自動屏蔽
作者: Woomingling 時間: 15-6-22 11:09 標題: 回覆：波板糖yeah 的帖子
呢代人成日覺得父母，社會是應份對佢地好，無同理心。
作者: Yanamami 時間: 15-6-22 11:57
黃巴士 發表於 15-6-18 10:10
校長曾說 : 當孩子對父母提出一些不想, 不合理的應允的要求時, 父母應停一停諗一諗. 諗咩呢???
諗吓"點樣" ...
我女升F1時覚得自己好大个，竟然同我講想同同学去哈囉喂！嚇死我咩？一出就去夜街！我當時第一个反应就係：我点样say no又唔太礙耳呢？
作者: lai_123 時間: 15-6-23 23:28
回覆 like_travel 的帖子
請問有無資料可以提供?
作者: awah112 時間: 15-6-24 00:26
提示: 作者被禁止或刪除 內容自動屏蔽
作者: Rabbitlolo 時間: 15-6-24 11:30 標題: 引用：+本帖最後由+黃巴士+於+15-6-18+10:11+編輯
原帖由 黃巴士 於 15-06-18 發表
本帖最後由 黃巴士 於 15-6-18 10:11 編輯
校長曾說 : 當孩子對父母提出一些不想, 不合理的應允的要求時 ...
作者: 黃巴士 時間: 15-6-24 11:36
Rabbitlolo 發表於 15-6-24 11:30
係，依家做家長一定要諗定一大堆 SAY NO 的理由，仲要笑住同佢哋講喎！EQ低D就C火
大大吓, 依招唔掂, 佢會答你"點會咁啫? 好少會咁後果囉, 有無咁大件事........
| 歡迎光臨 教育王國 (/) |
Powered by Discuz! X1.5 |