教育王國

標題: 耀能 [打印本頁]

作者: ernesty 時間: 15-4-21 21:52 標題: 耀能

請問有無人讀荃灣耀能協會的s位呢？好唔好？本人比較喜歡協康，但協康得一間，如果唔要耀能就要夸區，所以唔知點揀！請有經驗的jm分享！多謝！

作者: 營養多多 時間: 15-4-22 10:38 標題: 回覆：耀能

協康好似有兩間，大窩口、象山

作者: 營養多多 時間: 15-4-22 14:32 標題: 回覆：耀能

Sorry,我記錯，協康係得一間無錯。
我去參觀過，石圍角就舊d，但係我能接嘅程度，見d老師嬸嬸都幾有耐心，另外阿仔係私人機構嘅老師話耀能係好嘅。
如果你想排協康要預排得耐，因為多人排，就算誇區都係，而且有規定滿六歲（以生日月份計，例如若七月放暑假，而小朋友六月生日就要出學校，小朋友九月生日就可以讀多一年）就要離開學校，所以要權衡下年紀、經濟揀學校

作者: ernesty 時間: 15-4-22 17:36 標題: 回覆：營養多多的帖子

多謝你，我想問下耀能係唔係專做自閉㗎？

作者: ernesty 時間: 15-4-22 17:43 標題: 回覆：營養多多的帖子

仔仔現在三歲四個月，舊年九月份開始排,唔知要等到幾時？夸區又係有個問題，如果天氣唔好都幾麻煩！唔知點揀好啊？

作者: 營養多多 時間: 15-4-22 18:36 標題: 回覆：耀能

石圍角個間有自閉同身體殘疾，課室係分開、教學方式亦唔同，其實耀能幾好，我參觀嗰陣，有間房個主題係剪髮，我仔都有呢方面困擾，我就進一步問詳細D，例如會嚮學校剪髮？姑娘話嚮學校就扮下洗髮、剪髮、介紹d流程用具，等小朋友認識熟悉，有時會安排識剪髮嘅義工到校剪髮，有時亦會成班帶去美髮店比小朋友體驗，我覺得幾好。
如果交通問題，可以揀地鐵站附近嘅，好似長沙灣合署個間

作者: ernesty 時間: 15-4-22 18:40 標題: 回覆：營養多多的帖子

請問有無按能力分班？定係自閉得一間？多謝你

作者: kiki_kittyhk 時間: 15-4-23 18:57 標題: 回覆：耀能

我個女今年派到 S 位，亦係耀能不過係石硤尾，老師話係會按小朋友能力去分班，我尋日參觀過佢地係會有自閉症的小朋友編同一班。

作者: kiki_kittyhk 時間: 15-4-23 18:59 標題: 回覆：耀能

我女係三歲三個月大，上年二月份排今年就有位，如果你今年冇位的話應該會在下一年四月大派位時會有，加油！

作者: 營養多多 時間: 15-4-23 21:22 標題: 回覆：耀能

我知道耀能同協康都有按能力分班，其他就唔清楚了

作者: ernesty 時間: 15-4-24 00:25 標題: 回覆：kiki_kittyhk 的帖子

請問你個女開始讀未？想問下有無進步？

作者: kiki_kittyhk 時間: 15-4-25 09:18 標題: 回覆：耀能

八月先開學，不過我參觀時 d 導師同緊 d 小朋友上課，都唔錯如你想知我話開學後話你知

作者: ernesty 時間: 15-4-25 10:07 標題: 回覆：kiki_kittyhk 的帖子

好，多謝你先！

作者: kiki_kittyhk 時間: 15-4-30 11:29 標題: 回覆：耀能

我尋日去考分班試，佢地一次過有七個職員幫我和女女評估包括:中心主任，主校社工，主校護士，高級特殊幼師，言語治療師，物理治療師和有 d 我唔記得的職員

作者: 營養多多 時間: 15-4-30 12:04 標題: 回覆：耀能

我仔派到荃灣耀能，已去咗面試，同樓上jm講嘅一樣，有主任、社工、特殊幼兒導師、職業治療師、言語治療師、物理治療師、註校護士圍住，輪住接觸小朋友，輪住問家長小朋友嘅詳細情況。
同大仔淨係去面試咗一次，跟住隔一星期再帶細仔去做言語治療時，遇見幼兒導師，佢已經記住我係邊個學生家長，嗌得出大仔名，亦清楚我身邊嘅小朋友係細佬，主任都好好，好有耐心關愛學生。

作者: kiki_kittyhk 時間: 15-4-30 16:16 標題: 回覆：營養多多的帖子

佢地真係好西利

作者: lolotwo2003 時間: 15-4-30 19:22 標題: 引用：佢地真係好西利 +

原帖由 kiki_kittyhk 於 15-04-30 發表
佢地真係好西利

我女兒在2014年10月尾入耀能S位讀書，至今讀了6個月，進步得很快，我女是自閉症，現在4歲7個月，感到學校很關愛學生，全校上下職員很有愛心，所以小女在此讀書很開心，老師很有經驗，學校亦有很多戶外親子活動，令小孩有開眼界的機會，之前學校舉辦了二日一夜的學校宿營，家長不用参加，只須帶小孩回校，讓小女有團體生活宿營的體驗，家長亦因此可以輕鬆一下，十分難得。

作者: lolotwo2003 時間: 15-4-30 19:37 標題: 引用：Quote:原帖由+kiki_kittyhk+於+15-04-30+發

原帖由 lolotwo2003 於 15-04-30 發表
我女兒在2014年10月尾入耀能S位讀書，至今讀了6個月，進步得很快，我女是自閉症，現在4歲7個月，感到學校很 ...

小女以後補身份入讀耀能，起初朋友建議我放棄入讀，提議我淨等協康S位，幸好我沒有放棄入讀，我覺得耀能很好，小女之前未入讀S位前，每星期也有參加2日協康的自閉症基礎班，每堂二個半小时，感覺耀能同協康一同樣專業，如果當初我放棄入讀耀能S位，真的不知道再等待協康S位是何年何月了，況且現在耀能S位返全日制，有齊3T，自己再不需要帶女兒左撲右撲去訓練，金錢上及自己也輕鬆不少，只是繼續帶小女去做針炙，見她一日比一日進步，放下了心頭大石

作者: kiki_kittyhk 時間: 15-5-1 06:53 標題: 回覆：lolotwo2003 的帖子

咁你女讀邊間耀能，我都係有帶佢去針灸加埋密集真係好貴

作者: lolotwo2003 時間: 15-5-1 07:55 標題: 引用：咁你女讀邊間耀能，我都係有帶佢去針灸加埋

原帖由 kiki_kittyhk 於 15-05-01 發表
咁你女讀邊間耀能，我都係有帶佢去針灸加埋密集真係好貴

大圍耀能，咁你女女是否A仔？我個女是A仔，一班最多七位同學，她現在學習得很開心。

作者: 營養多多 時間: 15-5-1 15:06 標題: 引用：Quote:原帖由+kiki_kittyhk+於+15-05-01+發

原帖由 lolotwo2003 於 15-05-01 發表
大圍耀能，咁你女女是否A仔？我個女是A仔，一班最多七位同學，她現在學習得很開心。

...

請問妳有冇比佢坐校車

作者: kiki_kittyhk 時間: 15-5-1 16:04 標題: 引用：Quote:原帖由+kiki_kittyhk+於+15-05-01+發

原帖由 lolotwo2003 於 15-05-01 發表
大圍耀能，咁你女女是否A仔？我個女是A仔，一班最多七位同學，她現在學習得很開心。

...

我女係 A 派左去石硤尾耀能下年開始讀

作者: lolotwo2003 時間: 15-5-1 22:06 標題: 回覆：營養多多的帖子

有坐校車

作者: 西瓜貓 時間: 15-5-1 22:29 標題: 回覆：ernesty 的帖子

其實我初初都好似你咁諗，覺得一定係協康最好，但當我上其他課堂時有好幾個老師同姑娘（ST,OT,老師，物理治療，社工），個個都同我講最緊要小朋友有服務為先，唔好比協康個名阻礙小朋友快D接受治療的機會，所以現在我都放開點，再加上我私人和協康都有上堂，覺得其實私人的都好專業，同埋S位係有政府監察，其實一定不會太差

作者: ernesty 時間: 15-5-2 02:20 標題: 回覆：西瓜貓的帖子

其實我自己都好煩惱，唔知點揀！

作者: ernesty 時間: 15-5-2 02:23 標題: 回覆：營養多多的帖子

我廳人講好像好小個别堂上，唔知係咪真嘅？

作者: 營養多多 時間: 15-5-2 10:41 標題: 引用：我廳人講好像好小個别堂上，唔知係咪真嘅？

原帖由 ernesty 於 15-05-02 發表
我廳人講好像好小個别堂上，唔知係咪真嘅？

我都係聽人咁講，但諗返，為咗每個月兩堂嘅個別堂而少咗至少一年完善嘅訓練，我感覺唔值得，尤其係呢段黃金期

作者: ernesty 時間: 15-5-2 10:55 標題: 回覆：營養多多的帖子

我想問你排幾耐先至派到位？我問左社工距話荃灣三間的輪候時間差唔多！依家派到13年8月，我個仔係14 年9月開始排，都唔知等到幾時。

作者: 營養多多 時間: 15-5-2 11:04 標題: 引用：其實我自己都好煩惱，唔知點揀！ +

原帖由 ernesty 於 15-05-02 發表
其實我自己都好煩惱，唔知點揀！

我兩個小朋友，分別係協康同耀能上個別堂，講真，兩間機構都幾好，但最重要係老師用嘅方式，大仔之前係出面d私人機構跟過一個老師好識得按每個小朋友個性施教，又好正能量，跟嘅好好，後尾老師退休，轉咗去協康到而家都有半年，老師很好，試過好多方法要引起大仔興趣配合上堂，但依家仍搵緊令大仔配合方法。
細仔係耀能嘅老師都好好，同佢反應細仔嘅學習狀況或者某些固執行為，老師都會即刻跟進幫手解決。

作者: vincelo29 時間: 15-5-7 01:10 標題: 引用：我個女今年派到+S+位，亦係耀能不過係石硤

原帖由 kiki_kittyhk 於 15-04-23 發表
我個女今年派到 S 位，亦係耀能不過係石硤尾，老師話係會按小朋友能力去分班，我尋日參觀過佢地係會有自閉 ...

唔好意思，我仔仔剛去完大口環評估，醫生話係自閉症，要轉介社工，現在等緊，我來問問什麼是s位，什麼是 i位？

作者: kiki_kittyhk 時間: 15-5-7 06:16 標題: 引用：Quote:原帖由+kiki_kittyhk+於+15-04-23+發

原帖由 vincelo29 於 15-05-07 發表
唔好意思，我仔仔剛去完大口環評估，醫生話係自閉症，要轉介社工，現在等緊，我來問問什麼是s位，什麼是 i ...

e 位係早期訓練，i 位係兼收位 (入讀主流幼稚園但有一兩個特殊小朋友)， s 位係特殊學校

作者: kiki_kittyhk 時間: 15-5-7 06:17 標題: 引用：Quote:原帖由+kiki_kittyhk+於+15-04-23+發

原帖由 vincelo29 於 15-05-07 發表
唔好意思，我仔仔剛去完大口環評估，醫生話係自閉症，要轉介社工，現在等緊，我來問問什麼是s位，什麼是 i ...

如果你醫院有寫到轉介的話最快都要等到下年四月的大派位先有位比你

作者: vincelo29 時間: 15-5-7 09:58 標題: 引用：Quote:原帖由+vincelo29+於+15-05-07+發表

原帖由 kiki_kittyhk 於 15-05-07 發表
如果你醫院有寫到轉介的話最快都要等到下年四月的大派位先有位比你

所以我唔想等政府輪候，但私人又唔知邊的好，又想近香港島，因我孖仔，若太遠較難運送！

作者: kiki_kittyhk 時間: 15-5-7 10:14 標題: 引用：Quote:原帖由+kiki_kittyhk+於+15-05-07+發

原帖由 vincelo29 於 15-05-07 發表
所以我唔想等政府輪候，但私人又唔知邊的好，又想近香港島，因我孖仔，若太遠較難運送！

...

洞羅灣聖雅各

歡迎光臨教育王國 (/)