教育王國
標題: 被寵壞的小學生 [打印本頁]
作者: manwaimail 時間: 15-4-16 16:00 標題: 被寵壞的小學生
頭先CWB食野，隔離有一個St. XX 的女仔，應該小一或小二啦佢打個乞痴（無鼻水流出來果隻），個工人同媽咪，如臨大敵，兩個大人即刻又幫佢擦鼻，又幫佢洗手。
都小學啦，唔駛咁服侍啦
我果兩個，細細過上interview 班，老師已經教定我，唔可以太寵佢地，否則習慣左，interview 時就大件事
作者: little_yolky 時間: 15-4-16 16:27
manwaimail 發表於 15-4-16 16:00 
頭先CWB食野，隔離有一個St. XX 的女仔，應該小一或小二啦佢打個乞痴（無鼻水流出來果隻），個工人同媽咪， ...
作者: 王家爸爸 時間: 15-4-16 16:32
manwaimail 發表於 15-4-16 16:00
頭先CWB食野，隔離有一個St. XX 的女仔，應該小一或小二啦佢打個乞痴（無鼻水流出來果隻），個工人同媽咪， ...
作者: MASAYA 時間: 15-4-16 16:59
小事啦，我上個月見到對兄弟，應該係小二同小四，食完飯垂低手等阿媽抹咀...
我老婆話見到個學生大約中一，校服係band1A既，一邊食飯一邊打機，打機點食飯，張開口就有阿婆餵...
作者: tintinlam 時間: 15-4-16 17:24
manwaimail 發表於 15-4-16 16:00
頭先CWB食野，隔離有一個St. XX 的女仔，應該小一或小二啦佢打個乞痴（無鼻水流出來果隻），個工人同媽咪， ...
我當然唔肯啦, 佢阿媽係WHATSAPP群組內要人地既阿媽叫仔換飯比佢既仔. 個小朋友既阿媽唔想煩, 打比佢既仔叫佢換.
本來佢地2個小朋友好好朋友, 自此個小朋友唔同佢既仔玩. 原本就冇人同佢玩, 而家好啦, 連唯一一個都唔睬佢, 真係多得佢阿媽.
作者: manwaimail 時間: 15-4-16 17:53
回覆 tintinlam 的帖子
香港真係咩媽咪都有
作者: MrBeast 時間: 15-4-16 18:05
manwaimail 發表於 15-4-16 16:00
頭先CWB食野，隔離有一個St. XX 的女仔，應該小一或小二啦佢打個乞痴（無鼻水流出來果隻），個工人同媽咪， ...
作者: elizatyy 時間: 15-4-16 20:57
MASAYA 發表於 15-4-16 16:59
小事啦，我上個月見到對兄弟，應該係小二同小四，食完飯垂低手等阿媽抹咀...
我老婆話見到個學生大約中一 ...
作者: tws2010 時間: 15-4-16 21:15
I come across those 'kids' who actually at mid 20's, their mother still peel oranges and put oranges into their mouth, cut the nails for them and tie the shoelaces for them...well, they all from the same family. I tried to convince their mum but their mum said 'none of your business'
作者: MASAYA 時間: 15-4-16 21:24
你地係咪覺得呢d例子好勁呢？
再講多個聽返黎既故仔，識得有個帶制服團隊既阿sir，帶班中一生去camp，有個學生倒個袋d野出黎，有尿片跌出黎 
，原因係佢阿媽驚佢半夜瀨尿
p.s. 我有問過朋友，個學生係咪身體有事，佢話冇
作者: Cheungsai 時間: 15-4-16 21:58
提示: 作者被禁止或刪除 內容自動屏蔽
作者: bobbob 時間: 15-4-16 22:18
MASAYA 發表於 15-4-16 21:24
你地係咪覺得呢d例子好勁呢？
再講多個聽返黎既故仔，識得有個帶制服團隊既阿sir，帶班中一生去camp，有個 ...
作者: MASAYA 時間: 15-4-16 22:28
bobbob 發表於 15-4-16 22:18
膀胱肌肉控制唔到真係會瀨，正正常常邊個會懶到廁所都唔去寧願著尿片？
其實新聞話有人被騙性交轉運, 我都好懷疑咩人會上當, 呢個世界真係無奇不有
作者: little_yolky 時間: 15-4-17 12:18
王家爸爸 發表於 15-4-16 16:32
換另一個角度睇，佢高小／初中時一定唔會比你幫佢擦鼻，唔會比你幫佢洗手。所以好好享受小朋友給你照顧既美 ...
我住果度, 有位廿幾歲靚女, 朝朝阿媽幫手响小巴站排隊, 落兩阿媽幫佢擔遮, 仲幫佢整亂咗既頭髮。其實, 教到D仔女咁真係有乜謂呢。
作者: 大件仔 時間: 15-4-17 12:27
11,12歲仲有賴夜尿,
中1,2仲要剪碎食物比佢食,
中學仲要同亞媽訓
10歲人唔識刷牙,唔識鈕毛巾
...............很多很多
作者: Jane1983 時間: 15-4-17 12:28
回覆 little_yolky 的帖子
兩母女係咪好好感情，有傾有講？有時可能係父母太錫，搵位和仔女相處，吾係仔女出現自理問題。
作者: tingting_mum 時間: 15-4-17 12:30
我前幾日出去食飯都見到個大約4,5年級的小朋友要個媽咪喂佢食飯
作者: little_yolky 時間: 15-4-17 12:30
Jane1983 發表於 15-4-17 12:28
回覆 little_yolky 的帖子
兩母女係咪好好感情，有傾有講？有時可能係父母太錫，搵位和仔女相處，吾係仔女 ...
作者: Jane1983 時間: 15-4-17 12:36
回覆 little_yolky 的帖子
已經無得沖涼、剪指甲，呢樣都無比，驚個亞媽頂吾順，喊呀
作者: little_yolky 時間: 15-4-17 12:40
tws2010 發表於 15-4-16 21:15
I come across those 'kids' who actually at mid 20's, their mother still peel oranges and put oranges ...
作者: bobbob 時間: 15-4-17 12:44
little_yolky 發表於 15-4-17 12:40
真係弊, 我都間唔中有削果皮俾我老公的, 咁我都要戒下了
作者: wan_sosin 時間: 15-4-17 13:18 標題: 回覆：被寵壞的小學生
有無研究，嗰D父母本身是否細個都係被照顧得好好？所以會比較照顧自己個仔女？
我細個長大係自生自滅，覺得人好應該識照顧自己，所以我唔會跟住個仔照顧佢，由得佢自己，我有時對老公都會咁，同佢講，呢D嘢係你自己應該做返，我唔會同你做！我老公又好好咁唔會要我做額外嘢！
所以呢D事會否同個父母本身成長有關？所以嗰D婆婆嫲嫲咁樣湊大D仔女，自己對D孫仔就更加！
作者: MASAYA 時間: 15-4-17 13:45
本帖最後由 MASAYA 於 15-4-17 13:51 編輯
wan_sosin 發表於 15-4-17 13:18
有無研究，嗰D父母本身是否細個都係被照顧得好好？所以會比較照顧自己個仔女？
我細個長大係自生自滅，覺得 ...
唔係，呢種小朋友其實更經常出現有工人照常個d度，工人最容易做既工作係完全支配小朋友既活動，你幫佢處理晒就唔會有額外工作，套返落父母照顧而出現呢類問題既小朋友度，就係父母唔想煩，幫個小朋友做晒，就唔會有額外野要處理，我地成日話懶d唔好幫子女做晒，講真，只係為好聽d去勸人，其實咁先多野做，長期習慣左一個幫開，一個被幫開就返唔到轉頭，長遠睇係先甜後苦
p.s. 頭盔係要戴既，唔係話請工人就有問題，好多僱主知道問題，會叫工人唔好乜都幫晒小朋友，呢d家長咪精明囉
作者: wan_sosin 時間: 15-4-17 14:43 標題: 引用：+本帖最後由+MASAYA+於+15-4-17+13:51+編輯
原帖由 MASAYA 於 15-04-17 發表
本帖最後由 MASAYA 於 15-4-17 13:51 編輯
我唔想個仔第人依賴我，我更唔想第日我仔個老婆話我，教到個仔乜都唔識做！為自己著想，都係教識個仔照顧自己好D!
作者: kayi0556 時間: 15-4-17 14:53
回覆 wan_sosin 的帖子
我都有請工人， 之前細囡俾工人姐姐湊， 乜都要工人姐姐跟， 我直情同工人講， 呀囡的日常自己可以做的， 叫佢自己做， 就算拎書包我都唔想依懶個工人， 呀囡唔聽就叫工人同我講
我汁得好緊架， 食完野食的包裝袋要即掉落垃圾箱， 用完的野要放返好， 起身姐姐一叫就要自動自覺起身， 起身後順手要摺被， 食飯前要洗手， 飯後要幫手拎返d碗入廚房， 換完d衫要放落洗衫蘿到， 重要著的衫要掛好。。。。重有好多， 由細到大要學習自理
作者: wan_sosin 時間: 15-4-17 15:22 標題: 引用：回覆+wan_sosin+的帖子
我都有請工人，+之
原帖由 kayi0556 於 15-04-17 發表
回覆 wan_sosin 的帖子
我都有請工人， 之前細囡俾工人姐姐湊， 乜都要工人姐姐跟， 我直情同工人講， 呀 ...
作者: little_yolky 時間: 15-4-17 16:32
MASAYA 發表於 15-4-17 13:45
唔係，呢種小朋友其實更經常出現有工人照常個d度，工人最容易做既工作係完全支配小朋友既活動，你幫佢處理 ...
我叫D細路自己搞掂, 我覺得好閑啊, 如果唔係, 又要刷牙, 又要沖涼, 又要check功課、執書包、溫測考, 咁咪有三頭六臂都唔掂 
作者: MASAYA 時間: 15-4-17 16:51
little_yolky 發表於 15-4-17 16:32
點解幫佢做會係唔想煩既
我叫D細路自己搞掂, 我覺得好閑啊, 如果唔係, 又要刷牙, 又要沖涼, ...
作者: little_yolky 時間: 15-4-17 16:54
MASAYA 發表於 15-4-17 16:51
細路一開始會做錯，做漏，整親，慢，大人幫佢地做晒咪冇呢d野，同埋香港人要快狠準同快靚正，即係最緊要快 ...
作者: MASAYA 時間: 15-4-17 16:58
little_yolky 發表於 15-4-17 16:54
但係, 幼稚園你俾空間佢慢三兩年, 到佢升小就一勞永逸, 條數應該要咁計喎, 唔係要跟到上升中, 真係自己搵自 ...
作者: little_yolky 時間: 15-4-17 17:14
MASAYA 發表於 15-4-17 16:58
所以長遠睇佢地係先甜後苦囉，雖然我都唔覺得有幾甜，如果個個好似你咁精明，香港冇港孩啦 ...
作者: MASAYA 時間: 15-4-17 17:41
little_yolky 發表於 15-4-17 17:14
其實都唔係精唔精明既問題, 老實講, 我蠢, 我諗極都唔明白點解會有港孩出現, 你自己乜都做晒, 咪即係搵自己 ...
作者: tws2010 時間: 15-4-17 23:25
回覆 tws2010 的帖子
覆Jane1983, (我 不 懂 用 點 評 >o<), 個kids 係 仔, 日 後點take care of 老 婆ah, hahaha
作者: tws2010 時間: 15-4-17 23:26
回覆 little_yolky 的帖子
老公 點 同lei, 要sweet sweet ma. I do the same too.
作者: YolandaTam 時間: 15-4-18 01:57 標題: 回覆：被寵壞的小學生
路過睇到各位引用嘅例子真係大開眼界。
我好懶又大頭蝦, 個女成日俾我指到「陀陀令」：食飯佢負責抹枱，出街食飯要為我哋洗筷子, 要幫手掃地, 放假自己洗內衣褲, 如果面衫污糟咗要自己先清除咗污跡, 否則自誤, 著衫執袋食藥呢啲由去年起更全不過問, 出街唔記得帶外套? 自己俾錢買, 帶漏八達通? 自己諗辦法! 一句話, 佢自己嘅事, 佢唔知唔通我知? 講真我好多時漏嘢, 試過漏低樽水, 又試過漏手機, 全部都係個女跟喺後面幫我執手尾, 真係慚愧!
話說我父母為口奔馳, 我都係細細個要自理,所以我好佩服啲服侍仔女無微不至嘅家長! 我自問做唔到, 一方面體力唔夠, 另一方面覺得煩。
作者: 大件仔 時間: 15-4-19 18:22
昨天在地鐵轉車時, 見到一對母女, 女孩有16-18歲, 轉車時媽媽跑去對面月台車廂霸位比女孩, 個女孩一路打機, 一路慢行, 全程頭都無抬起過, 佢媽媽同佢講野, 佢只是應下**唔, 唔**咁, 一句野都無講過, 到佢落車時, 媽媽又要叫佢又要幫佢拿東西, 真是極品港女
作者: awah112 時間: 15-4-19 18:40 標題: 回覆：被寵壞的小學生
提示: 作者被禁止或刪除 內容自動屏蔽
作者: annie40 時間: 15-4-19 19:54
凡事可以選擇。
親勁寵孩子，發揮大無畏無微不至精神的父母是在善待自己，因為過程是非常「過癮」，情到濃時愛到岀汁，對父母而言是充滿幸福感。有得選，我保證會任性放肆以行動來編寫「愛的樂章」！這些是媽媽的需要。
孩子需要的是感受到父母的「真愛」就足夠了。太多的愛令人容易窒息，可怕多出的量會讓孩子溺斃。
社團名句是「出得呢行，遲早要還」，其實十分恰似這一代孩子的下塲，大家今日幫洒孩子做的事，今天就萬事大吉，明天孩子還是要揹起條未找的數要還的。大家在孩子年少時做完happy mommy and daddy, 留低條人生艱辛路給兒女，情何以堪！
以上的是自勉的話，奈何！
作者: shadeslayer 時間: 15-4-19 20:21 標題: 回覆：被寵壞的小學生
雀鳥媽媽在雀鳥BB未長出羽毛前，為它們找食物。到雀鳥BB長大後，雀鳥媽媽便會推BB出巢，讓它們學飛學覓食。讓它們學會這些生活能力，不是漠不關心，是父母愛的表現。
世界上所有物種，上一代的責任，是教育下一代自己面對將來，因為上一代不會永遠在下一代左右。唯獨是有一些萬物之靈卻不會，失去判斷力。
作者: YanKanMom 時間: 15-4-20 10:50
annie40 發表於 15-4-19 19:54
凡事可以選擇。
親勁寵孩子，發揮大無畏無微不至精神的父母是在善待自己，因為過程是非常「過癮」，情到濃 ...
唉, 被妳說中心事啊﹗阿囝較阿囡「痴」身，搞到好像「傻母痴兒」般。感性上，我這傻母願兒為孩兒一生遮風擋雨，理性上我知我比他們早見天父，力不從心，他們不獨立不行。
作者: annie40 時間: 15-4-20 11:12
回覆 shadeslayer 的帖子
非常同意! 过多的文明洗礼, 人类反而失去了非常珍贵的原始判断能力!
因此要多点亲近大自然, 几乎任何问题, 大自然老早提供了答案!
作者: torunpoland 時間: 15-4-20 11:57
我係非常放手的媽媽！由佢地自己來，咩野都係，補一句，需要幫手就出聲，所以，3歲半仔已經自己澡涼洗頭，自己食飯，自己咩書包（有時見太重我會幫手）；細的現時2歲半，見到哥哥樣樣自己，都有樣學樣（當然他還未可以，我亦未放心俾佢細的澡涼洗頭）。
你早放手，佢早學識，你早休息。
湊仔教仔最煩，日日如是，天天一樣，但呢樣係最貼身的訓練。我個人好怪，如果補習係唔想傷感情，我係反對。我認為教仔（包括學識）都係做人父母責任之一。但是，如果因為父母唔識，冇時間教，就情有可原。
作者: little_yolky 時間: 15-4-20 12:26
torunpoland 發表於 15-4-20 11:57
我係非常放手的媽媽！由佢地自己來，咩野都係，補一句，需要幫手就出聲，所以，3歲半仔已經自己澡涼洗頭， ...
有關補習亦深有體會。有另一帖有位媽媽, 不幸入咗名校, 囡囡小二, 成績有D跟唔上, 老師三番四次要求家長搵補習, 媽媽卻認為小二而已, 應該俾時間小朋友, 她亦有慢慢教小朋友, 陪讀, 但老師不賣賬, 家長老師關係搞得好差。
作者: IloveJJ 時間: 15-4-20 12:37 標題: 引用：我係非常放手的媽媽！由佢地自己來，咩野都
提示: 作者被禁止或刪除 內容自動屏蔽
作者: torunpoland 時間: 15-4-20 12:56 標題: 回覆：IloveJJ 的帖子
人生根本有開心傷心，親子關係亦然，有咩理由親子關係中，只有甜蜜？吃喝玩樂旅行開心寫意就得？你去茶餐廳叫個A餐，都有樣你唔鍾意食啦。所以，我們自有孩子以來，決定不請工人，我都明白請工人有許多好處，但冇理由玩就由父母玩，換片澡涼哄睡覺就給工人做。
作者: ANChan59 時間: 15-4-20 13:31
little_yolky 發表於 15-4-17 12:40
真係弊, 我都間唔中有削果皮俾我老公的, 咁我都要戒下了
作者: awah112 時間: 15-4-20 13:33 標題: 引用：人生根本有開心傷心，親子關係亦然，有咩理
提示: 作者被禁止或刪除 內容自動屏蔽
作者: 小時了了 時間: 15-4-20 13:56
今日報紙: 13歲童唔識沖涼換衫 或患「人格障礙」http://the-sun.on.cc/cnt/news/20150420/00407_065.html
【太陽報專訊】外傭唔易做！有調查發現，六成受訪外傭除照顧家庭起居飲食，還要兼教少主，當中三成六人感吃力，而少主行為及態度更是「頭號難題」。有富家子從小依賴外傭，不但要她隨傳隨到，至十三歲仍要人協助沖涼換衫。有專家形容該類孩子或患上「自戀型人格障礙」，即過分自大及難以接受批評，長遠影響社交。
香港記憶學總會聯同香港心理學協會在本年一至二月，訪問七百三十名平均來港五年半的外傭，需協助僱主教導少主讀書的六成外傭中的六成六人，形容少主的行為及態度是「頭號難題」，包括不聽教，亂發脾氣等，其次是文化差異，佔一成四，另不足一成人對少主學業感「棘手」。
自覺享有特權
香港心理學協會會長劉英健認為，調查反映港孩被寵壞，他五年前曾遇到一名十三歲男孩因被外傭「悉心」照顧，至青春期時沖涼換衫仍要假手於人，「乜都要命地呼喝工人做，甚至安個鐘『叮』一聲要佢撲埋嚟做嘢」。他形容，該男生患有「自戀型人格障礙」，包括覺得自己毫無問題及享有特權，遇上不稱心事情即發脾氣，但後來男生未完成治療已消失，無法跟進個案。他又警告，若不及早留意問題，最壞情況是孩子出現「自戀式父母化」，即當自己是「自己父母的父母」，可任意喝令外傭去拿自己想要的東西來服侍他，如他們長大投入社會，根本無法同人相處，容易出現「劈炮唔撈」、離婚，甚至自殺。
教育孩子是家長天職，但該調查亦發現有兩成半外傭曾因錯誤教育少主而惹僱主訓斥、大喝及責罵，有個別外傭甚至被斥「乜你咁鬼蠢」，或被下令「下次唔使再做」，部分僱主的發火程度，更被形容是瘋狂。
香港記憶學總會會長李玉娟擔心，外傭隨時成為「翻版Erwiana」。李建議，家長及外傭需協商教育手法，如給予小孩空間自己做功課，遇上問題才找人幫他一把，然後即離開，「比學童知自己可獨立做事」。她亦提議政府增加對外傭及僱主的心理輔導服務，另開設相關課程或研討會，為需要協助港童讀書的外傭紓解困難。
作者: mms_north 時間: 15-4-20 15:26
回覆 torunpoland 的帖子
我很同意教導子女是父母的責任,是責無旁貸! 同結婚一樣,有甜蜜時刻,但套餐內一定包埋其他惡頂既野. 同子女的相處,又點會只有父慈子考既情景, 邊有咁著數!
尢其是品德,做人方面,邊可以外判? 子女係你既,人地鬧佢"無家教"其實係鬧緊你,唔會因為你外判左而唔關你事.
作者: fc926 時間: 15-4-20 19:17 標題: 回覆：被寵壞的小學生
我覺得（Working mom+老人家+工人） 這個組合係好易出事。很多老人家很在意未用盡工人，所以就算小朋友有能力自己做嘅事都叫工人做左，working mom返左工係好難控制家中大小事，除非家中老人家冇話事權，不過都幾難
作者: IloveJJ 時間: 15-4-20 21:25 標題: 引用：我覺得（Working+mom+老人家+工人）+這個組
提示: 作者被禁止或刪除 內容自動屏蔽
作者: IloveJJ 時間: 15-4-20 21:30 標題: 引用：人生根本有開心傷心，親子關係亦然，有咩理
提示: 作者被禁止或刪除 內容自動屏蔽
作者: wan_sosin 時間: 15-4-20 21:40 標題: 引用：Quote:原帖由+torunpoland+於+15-04-20+發
原帖由 IloveJJ 於 15-04-20 發表
講得啱!我就係ftm兼唔請工人，所以仔整污糟，會被我鬧;放假，要摺返自己啲衫褲鞋袜。我相信，有工人，一定 ...
作者: wan_sosin 時間: 15-4-21 00:19
shadeslayer 發表於 15-4-19 20:21
雀鳥媽媽在雀鳥BB未長出羽毛前，為它們找食物。到雀鳥BB長大後，雀鳥媽媽便會推BB出巢，讓它們學飛學覓食。 ...
梁上有雙燕，翩翩雄與雌
泥銜兩椽間，一巢生四兒
四兒日夜長， 索食聲孜孜
青蟲不易捕，黃口無飽期
嘴爪雖欲弊，心力不知疲
須臾十來往，猶恐巢中飢
辛勤三十日，母瘦雛漸肥
喃喃教言語，一一刷毛衣
一旦羽翼成，引上庭樹枝
舉翅不回顧，隨風四散飛
雌雄空中鳴，聲盡呼不歸
卻入空巢裡，啁啾終夜悲
燕燕爾勿悲，爾當反自思
思爾為雛日，高飛背母時
當時父母念，今日爾應知
作者: YanKanMom 時間: 15-4-21 10:37
wan_sosin 發表於 15-4-21 00:19
燕詩-白居易
作者: 小時了了 時間: 15-4-21 11:03
YanKanMom 發表於 15-4-21 10:37
我分別在阿囝6-7歲和9-10歲期間，將這首「燕詩」讀及解給他聽。兩次他聽後皆感動飲泣，但不知他是為詩中的 ...
慈烏夜啼 白居易
慈烏失其母，啞啞吐哀音。
晝夜不飛去，經年守故林。
夜夜夜半啼，聞者為沾襟。
聲中如告訴，未盡反哺心。
百鳥豈無母？爾獨哀怨深？
應是母慈重，使爾悲不任。
昔有吳起者，母歿喪不臨。
嗟哉斯徒輩，其心不如禽！
慈烏復慈烏，鳥中之曾參。
我嗰個,兩年前背"燕詩"後,我要佢即刻背埋"慈烏夜啼",反而當時阿女好不齒"吳起",覺得佢好衰
作者: wan_sosin 時間: 15-4-21 11:23 標題: 引用：Quote:wan_sosin+發表於+15-4-21+00:19+燕
原帖由 YanKanMom 於 15-04-21 發表
我分別在阿囝6-7歲和9-10歲期間，將這首「燕詩」讀及解給他聽。兩次他聽後皆感動飲泣，但不知他是為詩中的 ...
但父母真的要知道，小朋友總會有離開獨立的一天，中國人喜歡幾代同住，香港地方細，住得遠極有限，做呀媽常想，可以就盡量去照顧，結了婚都常二話不說走上子女屋企！結果本想繼續同子女關係，但反而令子女想遠離，連地址都不想讓呀媽知道！
有些小孩4,5歲甚至上小學都仍用奶樽，點會唔當自己係BB,覺得別人要照顧自己，這樣生活上唔覺意暗示小朋友自己還是BB,如何長大？
作者: YanKanMom 時間: 15-4-21 11:26
回覆 小時了了 的帖子
妳囡很乖肯背詩, 我囝不會背的, 除非學校要背默的課文, 雖然他很"愛國", 口口聲聲說希望自己中文好過英文, 但又懶惰, 才不肯為此多下苦工. 我讀給他聽主要是希望他偶爾領略一下中文詩的滋味.
作者: YanKanMom 時間: 15-4-21 11:47
回覆 wan_sosin 的帖子
我沒有正面問他，但我相信他是為燕父母悲傷多些。因當我讀和解到「一旦羽翼成，引上庭樹枝」，他就悲從中來，再讀和解至「雌雄空中鳴，聲盡呼不歸」，他已泣不成聲，我也不忍再讀下去。我一定不是會上子女屋企幫他們執屋煮飯的阿媽。說來慚愧，在家頭細務上，我絶對不是一位稱職的妻子及媽媽。我囝的確幾喜歡做BB的當他想依賴懶惰時，但當他自覺有理時，則會突然長大與你爭持不已，企圖說服你為止。
作者: torunpoland 時間: 15-4-21 11:50
一次過要人背咁多句？我就通常係五絕五律，暫時未有排詩／古詩／賦／文。
作者: 小時了了 時間: 15-4-21 12:15
本帖最後由 小時了了 於 15-4-30 11:47 編輯
torunpoland 發表於 15-4-21 11:50
一次過要人背咁多句？我就通常係五絕五律，暫時未有排詩／古詩／賦／文。 ...
Deteled
作者: wan_sosin 時間: 15-4-21 12:19 標題: 引用：回覆+wan_sosin+的帖子
我沒有正面問他，
原帖由 YanKanMom 於 15-04-21 發表
回覆 wan_sosin 的帖子
我沒有正面問他，但我相信他是為燕父母悲傷多些。因當我讀和解到「一旦羽翼成，引 ...
我將來也一定唔會上個仔屋企幫佢，唔好話結咗婚，若佢第日帶女朋友返屋企食飯，我都要考慮下幫唔幫佢煮！除非佢自己幫埋手啦！
作者: YanKanMom 時間: 15-4-21 12:32
回覆 wan_sosin 的帖子
有感情是好的，但他有時對什麼舊物也說有感情也是很煩的事(可能與他是亞氏寶寶有關吧)。他連一枝很短很短的筆也不肯扔掉，盛開水果的碟爛了也哭，說對它們有感情。我有些怕他將來被女友拋棄時如何是好。
作者: wan_sosin 時間: 15-4-21 13:17 標題: 引用：回覆+wan_sosin+的帖子
有感情是好的，但
原帖由 YanKanMom 於 15-04-21 發表
回覆 wan_sosin 的帖子
有感情是好的，但他有時對什麼舊物也說有感情也是很煩的事(可能與他是亞氏寶寶有關 ...
作者: IloveJJ 時間: 15-4-21 13:30 標題: 引用：回覆+wan_sosin+的帖子
有感情是好的，但
提示: 作者被禁止或刪除 內容自動屏蔽
作者: YanKanMom 時間: 15-4-21 13:45
回覆 IloveJJ 的帖子
我猜是他的固執累事吧
作者: S-Kwok 時間: 15-4-21 18:54 標題: 引用：Quote:原帖由+torunpoland+於+15-04-20+發
原帖由 IloveJJ 於 15-04-20 發表
講得啱!我就係ftm兼唔請工人，所以仔整污糟，會被我鬧;放假，要摺返自己啲衫褲鞋袜。我相信，有工人，一定 ...
我成日同佢講，自己嘅嘢係要自己負責，唔識我會教，但唔可以連自己都唔對自己負責
作者: MASAYA 時間: 15-4-21 20:19
S-Kwok 發表於 15-4-21 18:54
我仔係平時都要自己摺衫、換枕袋，能力做到嘅，都會比佢自己搞掂。
我成日同佢講，自己嘅嘢係要自己負責， ...
作者: S-Kwok 時間: 15-4-21 21:58 標題: 引用：Quote:S-Kwok+發表於+15-4-21+18:54+我仔係
原帖由 MASAYA 於 15-04-21 發表
係，自己的事自己做，自己的床自己鋪，我女話要吸埋塵蟎，我畀佢做晒全套，佢都不知幾開心，好多野大人唔阻 ...
今朝同仔去超市買嘢，買完嘢主動幫我攞晒啲嘢，仲幫我攞埋手袋，我話手袋我攞啦，佢話唔得，我幫你攞，我要孝順你，真係心都甜晒。小兒只係小一，如果佢嘅嘢一向全部由我幫佢做晒，佢應該唔會識得有呢個心，主動咁樣幫我攞嘢。
作者: IloveJJ 時間: 15-4-22 08:53 標題: 回覆：被寵壞的小學生
提示: 作者被禁止或刪除 內容自動屏蔽
作者: little_yolky 時間: 15-4-22 12:46
S-Kwok 發表於 15-4-21 21:58
係呀！佢地仲會覺得自己好勁，覺得自己可以負擔責任，佢會好開心。
星期日時, 放咗兩隻龜仔落地玩, 因為驚沙門士菌, 所以玩完我就用1:49請兩個寶寶用地布抹乾淨個地。佢哋抹得好開心, 桶水黑到呢, 地板真係好乾淨, 仲乾淨過工人姐姐做 
作者: MASAYA 時間: 15-4-22 13:22
又講多次先，觀察身邊的人所得，幼稚園搞好自理，上小學可以照顧自己，學業多數冇問題；幼稚園專攻學術，上小學d野係識，不過好多連功課都顧唔掂，唔係冇能力，係各方面都依賴，唔可以獨立處理，功課默測考都要等大人有時間先開始
作者: mms_north 時間: 15-4-22 13:31
回覆 MASAYA 的帖子
要改變佢地既依賴性格,真係要持之以恆, 教識佢做唔難,要堅持做落去係難事. 如果你睇唔過眼, 幫佢係好易,但就前功盡費.
而家D小朋友又識走精面,佢見你會幫,就又打回原形. 父母真係要硬下心腸先有成果.
作者: S-Kwok 時間: 15-4-22 21:52 標題: 引用：Quote:S-Kwok+發表於+15-4-21+21:58+係呀！
原帖由 little_yolky 於 15-04-22 發表
唔係佢哋覺得自己好勁, 佢哋真係好勁架。
星期日時, 放咗兩隻龜仔落地玩, 因為驚沙門士菌, 所以玩完我就用 ...
作者: S-Kwok 時間: 15-4-22 21:56 標題: 引用：又講多次先，觀察身邊的人所得，幼稚園搞好
原帖由 MASAYA 於 15-04-22 發表
又講多次先，觀察身邊的人所得，幼稚園搞好自理，上小學可以照顧自己，學業多數冇問題；幼稚園專攻學術，上 ...
作者: sunday987 時間: 15-4-29 17:02 標題: 回覆：被寵壞的小學生
我個仔系A仔，超級固執，怕失敗，但系我都好注重自理能力，系難教 d,因為佢一做唔到就會發脾氣，放棄，但系我將所有 steP's break down 甘教，而家都開始好多野都做到，所以無話教唔到，系方法同耐性。
作者: little_yolky 時間: 15-4-30 11:16
MASAYA 發表於 15-4-22 13:22
又講多次先，觀察身邊的人所得，幼稚園搞好自理，上小學可以照顧自己，學業多數冇問題；幼稚園專攻學術，上 ...
一女一仔, 小學入催谷小學, 阿媽安排十項全能, 一星期七日只有一日無補習/活動, 小朋友响屋企乜都唔駛做只需要讀書。兩姐弟順利入區內名band 1中學。
爸爸見家姐升中, 都應該幫手做家務, 叫佢自己摺返「自己」啲衫, 阿女中三, 摺到喊。
細佬中一, 成日俾老師投訴做功課拿西, 作文寫多個字都唔肯, 爸爸指導, 唔想改, 懶, 俾爸爸話兩句, 喊！
家姐中三, 阿媽有事出街, 禁電飯煲掣(已洗米)都要女麻女麻(即我99)山長水遠上去幫佢禁, 因為話唔識。
作者: MASAYA 時間: 15-4-30 11:51
little_yolky 發表於 15-4-30 11:16
身邊親人上星期發生真人真事。
一女一仔, 小學入催谷小學, 阿媽安排十項全能, 一星期七日只有一日無補習/ ...
尋日中文老師第二次要求見家長，又係話我個女做功課拿西，問我地係咪放晒手畀佢自己搞，我地話係，老師就話我地應該對佢要求高d，其實我已經成日叫佢做事認真d，呢個問題真係頭痛...
作者: longlokma 時間: 15-4-30 12:00 標題: 引用：Quote:little_yolky+發表於+15-4-30+11:16+
原帖由 MASAYA 於 15-04-30 發表
妳上網話兩個女既堂哥堂姐怕唔怕？
尋日中文老師第二次要求見家長，又係話我個女做功課拿西， ...
作者: MASAYA 時間: 15-4-30 12:26
longlokma 發表於 15-4-30 12:00
同意你老師所講，其實家長要对孩子有合理要求，再培養到孩子對自己有合理要求才適宜放手。
...
作者: little_yolky 時間: 15-4-30 12:28
MASAYA 發表於 15-4-30 11:51
妳上網話兩個女既堂哥堂姐怕唔怕？
尋日中文老師第二次要求見家長，又係話我個女做功課拿西， ...
拿, 我囡囡學校老師個溝通技巧就好D喇, 家長日時同我講, 頭兩次默書好低分, 佢問過囡囡係咪無溫書, 第三次我有同佢溫, 好高分, 老師話, 囡囡好開心咁同佢講媽咪同我一齊溫書。老師無講要我哋做乜, 只話有媽咪陪佢一齊溫書, 囡囡表現得好開心。
咁即係, 媽咪你識做啦
作者: little_yolky 時間: 15-4-30 12:31
MASAYA 發表於 15-4-30 12:26
呢個老師係好好架，因為佢講既要求唔係指分數上，而係態度上，不過我搞左好耐都未改善到... ...
作者: wan_sosin 時間: 15-4-30 12:38 標題: 引用：Quote:little_yolky+發表於+15-4-30+11:16+
原帖由 MASAYA 於 15-04-30 發表
妳上網話兩個女既堂哥堂姐怕唔怕？
尋日中文老師第二次要求見家長，又係話我個女做功課拿西， ...
作者: MASAYA 時間: 15-4-30 12:41
little_yolky 發表於 15-4-30 12:28
唉, 點解咁大個仔女都為咗D咁小事喊
作者: little_yolky 時間: 15-4-30 12:44
MASAYA 發表於 15-4-30 12:41
但我對家長同小朋友一齊溫書呢個做法有保留，如果要提高分數係有用，不過唔長遠，但對改善態度黎講，係咪有 ...
至於態度, 真係唔知, 因為無經驗。
作者: wan_sosin 時間: 15-4-30 12:50 標題: 回覆：被寵壞的小學生
講開幼稚園，小一生好易仍有之前幼稚園建立咗嘅行為模式，我有教兒童主日學，曾有兩個小朋友常出位來掂我放在枱上的教具，我有點奇怪，常都是那兩個，於是走去了解下，兩個原來是同一間幼稚園同學，原來嗰間幼稚園是容許小朋友這樣的，會接受間中起身走下！
我並唔係想講啱與唔啱！事情無錯與對！只係從小如何培養，小朋友出來就如何，所以從小自理好，負責任，有良好行為教導，真係非常重要！
作者: MASAYA 時間: 15-4-30 12:52
本帖最後由 MASAYA 於 15-4-30 12:59 編輯
little_yolky 發表於 15-4-30 12:44
無法啦, 但我只同佢溫弱項, 例如英默。但英文測驗考試就唔駛同佢溫。
至於態度, 真係唔知, 因為無經驗。:w ...
咁我都只係同佢溫英默，因為佢滿意而家個成績，所以佢唔明點解要認真d，雖然我都滿意佢而家成績，但唔識解釋佢知，咁既態度唔長遠，再係咁只有不斷退步
其實佢知返學係要對自己負責，正因為咁，所以佢成績理想就以為已經盡責，我已經盡量淡化個結果，希望佢注意過程要盡力，不過進展緩慢
作者: PeggieLam 時間: 15-4-30 13:16
回覆 S-Kwok 的帖子
好認同自理及幫手做家務都係由細習慣, 我兩個仔女, 未夠3歲幫手收衫除衣架, 大女3-4歲就自己換衫換校服, 4-5歲自己執床摺被, 洗完衫幫手摺好啲衫放好, 用除塵紙抺地 (我仔而家未夠3歲, 已叫佢抺, 當然唔好expect好乾淨, 但都有板有眼, 枱底梳化底識得mou底睇住黎抺), 阿女5歲開始有幫手擇菜洗菜, 自己沖涼洗頭..... 學習方面, k2自己做功課, 做完俾我睇, 做完功課溫習一下當日學既嘢, 執書包等...
小朋友, 佢有能力, 就可以俾佢試下做, 唔怕做錯, 只怕唔肯做, 做到佢又開心, 又可以為自己, 屋企, 出一分力, 我老公成日講, 有份食, 有份做, 自己既事情, 自己要負責, 有問題要提出, 唔識可以問, 會教你.... 就算以前有工人姐姐, 姐姐第一日黎已經講, 有邊啲佢自己可以做就要佢自己做, 唔可以要姐姐幫, 以免做壞手勢...
作者: little_yolky 時間: 15-4-30 13:39
本帖最後由 little_yolky 於 15-4-30 13:39 編輯
枱底梳化底識得mou底睇住黎抺 <==== 工人姐姐都唔識
作者: little_yolky 時間: 15-4-30 13:46
MASAYA 發表於 15-4-30 12:52
咁我都只係同佢溫英默，因為佢滿意而家個成績，所以佢唔明點解要認真d，雖然我都滿意佢而家成績，但唔識解 ...
瞓覺時, 熄咗燈, 我就同佢講, 媽媽知道佢好叻, 只係依家唔夠勤力。我問佢記唔記得以前講過齊威王既故仔(緊係唔記得啦), 我知道佢係聰明女, 只要勤力, 就會一鳴驚人, 一飛衝天。
我們都等著小朋友一飛衝天既一日。
作者: MASAYA 時間: 15-4-30 14:02
little_yolky 發表於 15-4-30 13:46
我細女聰明, 但係懶到無朋友。前幾日同佢讀ORT 1, 佢連a , an, the都未搞得掂, 我就好唔開心同佢講, N1已經 ...
我又冇同我女講佢好叻，只係同佢講知佢有能力做得好，唔好淨係做過就算
作者: little_yolky 時間: 15-4-30 14:06
MASAYA 發表於 15-4-30 14:02
妳大女冇態度問題，但細女有，又話冇呢方面經驗，咁有乜對策？
我又冇同我女講佢好叻，只係同佢 ...
作者: S-Kwok 時間: 15-4-30 14:12 標題: 引用：係呀！其實小朋友覺得可以幫到媽媽，係好開
原帖由 IloveJJ 於 15-04-22 發表
係呀！其實小朋友覺得可以幫到媽媽，係好開心。不過，可惜小學太忙，攪到佢地無時間幫手呢！我仔不知幾鐘意 ...
作者: littlemmo 時間: 15-4-30 18:48
剛剛睇醫生, 身邊有個似係小五六的男孩,在醫務所大吵大哭,話要食譚仔,要媽媽唔好睇醫生,媽媽個樣病到青晒,都要就範,同姑娘話唔睇
作者: MASAYA 時間: 15-5-3 18:29
http://goo.gl/QNpAqK <-- 又有故事睇
=================
他，一頭亂髮，刻意搬弄過的凌亂，眼高手低，剷青，兩邊高低。潮童打扮，drop crotch低浪褲名牌Tee時款球鞋，有點像發育中的Justin Bieber，全身散發一種劇烈的不耐煩，也像Justin Bieber。雙眼發直，盯着雙手打橫拿着的手機，不停發出嘈吵的音效聲，旁若無人，與世隔絕。十五、六歲吧，身邊的書僮爸爸問：「食魚好唔好？剝隻蝦俾你？」牛高馬大，用眼尾答了算，久經訓練的爸爸會意，賓至如歸又小心翼翼把一匙舀去骨蒸魚送入少爺口中。
香港奇景，不是修路圍城，假日外傭佔領，是遍地殘孩。
去鴨脷洲吃海鮮，街市揀料，買好餸直赴街市市政大樓的大牌檔食肆連隨搞掂之，海三刀、花竹蝦，清蒸白灼，我等你。大牌檔，搭枱，必然。來了一家四口。奇景。
書僮爸爸給兒子餵食殘廢餐不是一次半次，是全餐。潮童看上去不比黃之鋒小幾歲，一頓飯幾乎完全沒有動過筷，飯來張口極度熟練，毫無廉恥，光天化日眾目睽睽，全家表演。是全家。（我見識少，睇到眼都凸埋）
書僮爸爸左邊是大仔，右邊，細仔。細仔，四眼，八、九歲，由坐在他右邊的丫鬟媽媽招待。不停打機，雙手超忙，雙眼更忙，近視頗深，樽底類鏡片，爸媽都沒戴眼鏡。丫鬟很勤快，很專業，很無我。書僮還會邊食邊餵，丫鬟，先服侍細少爺周全，自己才吃殘羹。海鮮菜湯嫌熱，仰頭擰開不要就不要好了，白灼蝦剝好殼，像餵雀地給細仔張大口嚼。試過放入他的碗中，不動，懶理，一定要直航入口，溫度要對。蟹，當然拆肉侍候。別說海鮮有骨有殼，我六歲已懂把大閘蟹剝光豬而沒有鯁死健在至今。炒菜，冇骨喇啩，雞，骨頭易處理吧，不舉箸。
甘拜下風。小學之後，爸爸已不許家中傭人餵食，如有犯例或見我邊玩邊食，必被爸爸罵個甘香鬆脆，祇罵我，不罵六姐，但六姐疼我，便不敢再餵了。細路仔啜飯汁、慢食、沒有table manners，隨時被修理。在我家，沒禮貌比成績不好罪大九倍。
溺愛縱容現在好像是常態，成行成市。好友在《大家樂》目睹，又係十幾歲仔大牛龜，爸媽二對一，哄着問「食XX餐好唔好？定乜乜餐你鍾意多啲？」殘孩總之坐喺度等食，聽歌打機少理，父母慇懃買齊兩款餐不敢待慢大帝，豬扒鋸成小塊送入口，另一個餵汽水。他很想車巴掌埋去，兩個成年人，不似父母，書僮丫鬟不如，有如太監。
怪獸家長外國稱為“Helicopter parent”，指家長終日在子女上空盤旋候命，伴讀陪吃身先士卒搶着替他們斟茶遞水，身兼百職做齊打雜秘書管家傭人，把子女當寵物也養成廢人。奇怪是他們一面拚命溺愛一面亡命催谷，要孩子讀名校學外語運動琴棋書畫補習十項全能，但生活、常識及社交即管無能。長期飯來將口的殘孩，和朋友同學相處時挺討厭的吧。聽過知名專欄作家到中學客串家政課的真人真事，有女同學對着雞蛋哭了出來。原來她因為不懂打蛋，嚎哭了，慌了。中學生。
應香港大學邀請，客串教過創作、通識、寫作，這些年來，除了見證香港和大陸學生的比例越來越主客對調、懸殊，香港學生越少大陸學生越多，就是驚嚇於一代代孩子常識和基本水平的大倒退。走出課室請同學們吃餐飯，飯桌上有人問，其實「廣東菜同上海菜點分？」係真唔識。法國同意大利菜當然唔懂順手粗略解埋。不分階層，父母都沒有理會過。常識低能如殘疾。準時點教？責任感呢？好友陳慧在演藝學院教授編劇，多次聽她用吐血tone講「咁大個，父母冇教我哋點都教唔番」。
某次課堂完成，記不起那位Dean盛意請我到Cova吃頓飯「謝師」，告訴我他現在要求盡量降低，曾向醫科同學打趣說：「將來睇怕我老咗瞓喺手術床都係靠你哋㗎喇，希望至少記得幫我縫番埋啦」。
人大了，才慢慢意識到父母怎樣影響了自己，模塑過自己，整蠱過自己。我慶幸我父母有大量時間和我同枱吃飯，很多道理和細微，價值觀和趣味，都是在飯枱上潛移灌輸的。現代的孩子是否太少機會和父母一起吃飯？
我老爸，說書人一樣。時而說我阿爺即佢老豆如何修理小時候頑劣的他，“spare the rod spoil the child”是我人生最早學懂的英諺，我爸是體罰之星，家教森嚴。飯桌上，吃大閘蟹他就講《紅樓夢》如何鐘鳴鼎食吃蟹，我媽我哥即鳥獸散，為了蟹，我留下啃之。《醜陋的中國人》出版了，他讀後深切有感，我那時在讀金庸，唔知佢噏乜，他由柏楊講到白先勇鍾曉陽，毫無章法。但原來我輕輕袋了一個幾毫。他的書架，是我的書架。又由馬克吐溫的Huckleberry Finn說到韋小寶，中國人的品性。流行歌詞都不放過，小鳳姐的「熱烈地彈琴」他不愛，愛《隨想曲》：「是我的雖失去他日總會有……名和利不刻意追求」。人，很難不追名逐利，不「刻意」追求就好。「披散頭髮獨自行，得失唯我是」，愛那老莊瀟灑。飯桌奇人，他也像所有男人都愛聽：《My Way》。
但我父母從不迫我讀書，從來讓我自由發展，不學壞，有禮貌就可，甚至不必要成功。美國作家L. Ron Hubbard說“You want to raise your child in such a way that you don't have to control him, so that he will be in full possession of himself at all times. Upon that depends his good behavior, his health, his sanity”。可惜失去sanity的，是太多父母。
作者: MASAYA 時間: 15-5-4 11:43
本帖最後由 MASAYA 於 15-5-4 11:43 編輯
今日阿女問點解高年班同學要阿媽幫手孭書包，原來佢離遠見到有個仲高過阿媽既學生個書包畀阿媽孭，我女由K1開始返學就自己孭書包，個書包仲大過佢咁濟，我都驚畀人離遠話我地虐兒
作者: little_yolky 時間: 15-5-4 13:31
MASAYA 發表於 15-5-4 11:43
今日阿女問點解高年班同學要阿媽幫手孭書包，原來佢離遠見到有個仲高過阿媽既學生個書包畀阿媽孭，我女由K1 ...
細女N4(即K3)了, 平時爸爸送返學。前排有一日, 爸爸唔得閒, 我返工前趕送返學。女女入課室前要換鞋, 然後將街鞋放入鞋袋, 再放入鞋櫃。女女手腳慢如慢鏡頭, 媽媽又趕返工, 心急如焚, 催過幾次, 見毫無進展, 一手搶去街鞋, 塞入鞋袋, 再塞入鞋櫃。見女女哭如淚人兒, 主任拖入課室。
翌日, 又要送返學, 入校門前, 女女再三叮囑我：媽咪, 校長話小朋友要自己將鞋放入鞋袋的, 唔可以叫爸爸媽媽做。
意思係提醒我不要多事。我又做錯事了, 不過, 也學習到下次送小朋友返學, 要早一點出門口就是了。
| 歡迎光臨 教育王國 (/) |
Powered by Discuz! X1.5 |