教育王國

標題: 升中面試壓力 [打印本頁]

作者: hy2910 時間: 15-3-8 08:15 標題: 升中面試壓力

本帖最後由 hy2910 於 15-3-8 10:27 編輯

我囝囝在面試前壹,倆個鐘忽然間鬧情绪,痛哭,唔想去面試?唔知大家的小朋友面試前有冇呢個症狀?
是否面試壓力太大?

原來面試佔入學機會的10-30%,小朋友知唔知,或學校會提呢個比例嗎?
一面試定生死,殘酷嗎?

有冇家長分享下小朋友面試前后小朋友心態變化?

謝謝!

作者: STee 時間: 15-3-8 10:22 標題: 回覆：hy2910 的帖子

有壓力表示小朋友都在意這意這件事，本應是好事，但真要幫他們減壓。要少少年紀承受面試表現直接影響學校取錄與否，的確殘忍。

我地上年安排了—間ｂ２直資作頭炮，就算大家知道這只是測試，他起初都很緊張，但在過程中，面試老師配合得好好，令信心大增。

那知到了心儀的ｂ１直資，他還是一次比一次緊張。自行—，二也如是。

我地同小朋友講，輕鬆會助你表現得好些，但做唔做到真要靠自己。升中過程是必然的，他怎樣都會有中學學位。

在這還是想多謝ｂ２直資的愛心老師，他知小朋友緊張，在對話的過程中同他減壓，提他每次跆拳道比賽時，他都不知對手是誰，取勝方法是把所學全部運用出來，如果還是不及對手，下次再準備好些。希望他記住這點，而我就記著了這老師。

祝如願！

作者: Yanamami 時間: 15-3-8 11:09

本帖最後由 Yanamami 於 15-3-8 11:14 編輯

我都同上策略—样｡當年女係band1中，但揀左滙基(Kln East),沙田培基同St Paul's Convent(全部有得in)俾佢｡前两间有offer(培基有奬学金添), 而SPC好鬼难，明知唔收佢就俾佢見識下，結果佢in两间自行都好淡定，自—收左｡其实有学校interview佔40-50%添，仲驚~我無同女講昵d,盡力做就好，总之我—定揾到学校俾佢，叫佢唔洗担心，包係我身上｡

作者: 王家爸爸 時間: 15-3-8 12:01

先搵一兩間早面試嘅直資，例如港同和中基，既可試試小朋友嘅功力，又可訓練小朋友嘅膽量。

作者: fi-fi 時間: 15-3-8 12:29 標題: 引用：+本帖最後由+hy2910+於+15-3-8+10:27+編輯+

原帖由 hy2910 於 15-03-08 發表
本帖最後由 hy2910 於 15-3-8 10:27 編輯

我囝囝在面試前壹,倆個鐘忽然間鬧情绪,痛哭,唔想去面試?唔知大 ...

我仔之前面試三間直資都好輕鬆，但琴日去in自行果兩間直言好驚，佢同我講第一間等侯時想喊，第二間因有小组英語討論，明顯佢都有擔心，但我同佢講，面試只佔好少%，只要肯講嘢，盡力就可以了。。。慶幸地,佢覺得自己超额完成了，立即輕鬆哂

作者: sarali 時間: 15-3-8 12:47 標題: 引用：+本帖最後由+hy2910+於+15-3-8+10:27+編輯+

原帖由 hy2910 於 15-03-08 發表
本帖最後由 hy2910 於 15-3-8 10:27 編輯

我囝囝在面試前壹,倆個鐘忽然間鬧情绪,痛哭,唔想去面試?唔知大 ...

我一早報了幾間直資來熱身，以免影响自行選那兩間！
我女可能早熟點，没有什麽變化，有也放在心，第一間去 DGS in, 入去集合前仲摸下我個頭，似在安慰我，所以大家平常心啦！
係呢，點解你以為面試不計分的呢？通常入學申請需知一定有講的，你是否没有留意呢？

作者: Marians 時間: 15-3-8 12:53

正當的壓力應是最好的推動力, 如果over 左小朋友的信心就會下滑甚至產生恐懼。我沒有同亞仔講interview 佔幾多percent, 我只同佢講, 你預備足, 帶齊文件就吾駛怕, 我地都吾知中學問什麼, 盡力已為就得了

昨日, 我估同樓上fifi 見同一間津貼校, 雖然我個仔未必入到, 我都想讚下校長, 未入interview 前, 佢同我地講左10 分鐘, 不斷叫小朋友relax, relax, 要笑笑, 班房我老師吾淮我俾貼士, 但係如果你地有禮貌老師會好開心, 問題懂就懂吾懂就老實講就可以了, 我作為家長都聽得舒服了

作者: mcl203 時間: 15-3-8 13:31

本帖最後由 mcl203 於 15-3-8 13:33 編輯

Yanamami 發表於 15-3-8 11:09
我都同上策略—样｡當年女係band1中，但揀左滙基(Kln East),沙田培基同St Paul's Convent(全部有得in)俾佢 ...

"我無同女講昵d,盡力做就好，总之我—定揾到学校俾佢，叫佢唔洗担心，包係我身上｡" <-------

呢D招數我都用過係考小學喎

....點知佢以後都係咁...認為做盡左就得...已有交待

作者: Yanamami 時間: 15-3-8 13:40

本帖最後由 Yanamami 於 15-3-8 14:39 編輯

mcl203 發表於 15-3-8 13:31
"我無同女講昵d,盡力做就好，总之我—定揾到学校俾佢，叫佢唔洗担心，包係我身上｡" ...

上到中學，又另一個階段，佢做既一切，喺向佢自己交代，換言之喺自複贏虧。阿媽攬上身幾野到此為止。

作者: wbmom 時間: 15-3-8 13:50

舊年阿仔第一間in就是最心儀那間，下午in，攞了全日假，等他放鬆，上午好地地，lunch話冇胃口，唔肯食野，跟住話頭暈，好唔舒服，要瞓一陣，最終去到又好似冇咩野咁。in完返家才講，剛才驚到雙腿系咁震呢，好彩結果系有second in 和收了。其後他in其他學校就唔驚了，所以真的應該畀他們熱下身先呢。

作者: hy2910 時間: 15-3-8 14:12

回覆 sarali 的帖子

昨日係囝囝第一場升中面試,未出發前我都好驚訝,為何面試有如此反應.我哋係糊塗家長(是福),根本唔知面試所佔分數比率,如學校,同學冇講,囝囝應唔知.
一直,我地都教佢,面試系形式,系去玩.
用一個面試幾拾分鐘去判斷學生6年收獲,6年能力,你想吓死的學生.
呈分都有3次啦!

話說回來,interview後,囝囝都好似好有自信,佢話自己表現
Ok.

我家囝囝參加過多項比賽,一向都較沉穩,淡定,所以冇刻意安排多壹,倆間学校去
In,攞經驗.

作者: 懶羊羊 時間: 15-3-8 14:34 標題: 引用：回覆+sarali+的帖子昨日係囝囝第一場升中

原帖由 hy2910 於 15-03-08 發表
回覆 sarali 的帖子

昨日係囝囝第一場升中面試,未出發前我都好驚訝,為何面試有如此反應.我哋係糊塗家長(是 ...

B1的直資收生標準好似迷一樣，無人可以話有甚麼條件就一定得或唔得。

通常申請表都有列明學校收生各項條件的%，當參考好了，不用太上心。

作者: sarali 時間: 15-3-8 14:57 標題: 引用：回覆+sarali+的帖子昨日係囝囝第一場升中

原帖由 hy2910 於 15-03-08 發表
回覆 sarali 的帖子

昨日係囝囝第一場升中面試,未出發前我都好驚訝,為何面試有如此反應.我哋係糊塗家長(是 ...

我估你囝囝一向表現出色

，對面試十拿九穏，所以冇理所有東西！
我一早已比小朋友有心理凖備了，盡了自己力就可以，學校收不收有他們的凖則！

作者: silvia_ng 時間: 15-3-8 18:58 標題: 引用：正當的壓力應是最好的推動力,+如果over+左

原帖由 Marians 於 15-03-08 發表
正當的壓力應是最好的推動力, 如果over 左小朋友的信心就會下滑甚至產生恐懼。我沒有同亞仔講interview 佔 ...

我諗我地去左同一間呢，佢地真係安排得好好，細路聽完校長講野後真係放鬆左好多，呀仔in完出黎好開心，佢話自己表現幾好喎。

作者: tws2010 時間: 15-3-8 22:00

My strategy is - I will also push him, but in a way of motivating my kid.  I told my kid, to a certain extent, pressure can be treated as motivation.  Without pressure, even for myself, is too 'hea', i won't be able to concentrate on my work.  But then, I told my kid 'treat like doing homework as if you are sitting for exam and vice versa.  If the exam questions are really above his ability, no choice, but if not but just making careless mistake or without thinking but just said to me I don't know how to do, then I will scold him.  I will ask him, think first.  I will also privide him some guidelines for thinking.

I told him, there are not a lot of genius.  Road to success is - hardwork, focused and careful

Up tillnow, my kid is doing ok.  As a parent and working in HR, top students, are only a way to go to a relatively good companies, but in fact, for those average students with positive working attitude, their life span in our company is not worse than those so-called top students.

作者: Marians 時間: 15-3-8 22:03

好好呀，希望將來可以做同學仔，哈哈

作者: silvia_ng 時間: 15-3-8 22:41 標題: 引用：好好呀，希望將來可以做同學仔，哈哈

原帖由 Marians 於 15-03-08 發表
好好呀，希望將來可以做同學仔，哈哈

但其實呢間因唔近屋企，所以放自行二，但其實內心係最鐘意佢

而家好矛盾唔知想唔想自行一收囉

作者: Marians 時間: 15-3-9 00:27

吾緊要, 可能天父已經替每位小朋友安排好了

作者: 瑩瑩老豆 時間: 15-3-9 08:32 標題: 引用：+本帖最後由+hy2910+於+15-3-8+10:27+編輯+

原帖由 hy2910 於 15-03-08 發表
本帖最後由 hy2910 於 15-3-8 10:27 編輯

我囝囝在面試前壹,倆個鐘忽然間鬧情绪,痛哭,唔想去面試?唔知大 ...

面試一般占30%，最大影響的還是評分試，會否你強調一面試定生死而産生了很大壓力？

作者: silvia_ng 時間: 15-3-9 09:31

Marians 發表於 15-3-9 00:27
吾緊要, 可能天父已經替每位小朋友安排好了

係呀, 所以我地都係祈禱請天主幫我攪掂佢啦

作者: TomatoCat 時間: 15-3-9 11:05

回覆 Marians 的帖子

冥冥之中自有安排!
總有些是天意的

作者: qwop 時間: 15-3-9 11:23

hy2910 發表於 15-3-8 08:15
我囝囝在面試前壹,倆個鐘忽然間鬧情绪,痛哭,唔想去面試?唔知大家的小朋友面試前有冇呢個症狀?
是否面試壓力 ...

仔囝囝咁慘，好大壓力喎

，其實平常心，心態係要知：未必得架.去in當係機會，而家都考呈三，唔好影响心情。我仔in直資，佢話第一次in 時頗緊張，中英朗讀同問答無問題，係小組，話總會有一d同學係會講好耐，咁方法就係等同學呼吸事找緊機會發言，佢講時笑死我，佢話同學總要呼吸的，就在果時：丫，我都意見發表....。跟住in一間係無小組，佢話最開心呢間，因只同老師傾，老師又十分nice,好愉快。叫你仔不要緊張，平常心。

作者: wong333 時間: 15-3-9 15:04

我女第一部分又係緊張到手震，我已經同佢講順其自然，但都是緊張

作者: Jacky2010 時間: 15-3-10 19:20

小兒今年升中二,我覺得以比例,面試收生,機會十分渺茫

作者: sarali 時間: 15-3-10 22:00 標題: 引用：小兒今年升中二,我覺得以比例,面試收生,機

原帖由 Jacky2010 於 15-03-10 發表
小兒今年升中二,我覺得以比例,面試收生,機會十分渺茫

自行係比最級 top 10 去玩的

作者: sarali 時間: 15-3-10 22:00 標題: 引用：Quote:原帖由+Jacky2010+於+15-03-10+發表

原帖由 sarali 於 15-03-10 發表
自行係比最級 top 10 去玩的

全級

作者: marble2004 時間: 15-3-10 22:18

回覆 sarali 的帖子

Sometimes, it's not fair. The average mark is merely a difference of 0.5 to 1 mark. In fact, these students, top 10 or top 20, they are just at the same or similar level.

作者: gwan 時間: 15-3-11 07:13

回覆 marble2004 的帖子

所以運氣都好重要，見到好多平時考好頭的，偏偏呈分才撻Q, 衰一次，另外兩次點好都追唔番上頭幾，好慘。

作者: KT0603 時間: 15-3-11 08:22 標題: 回覆：升中面試壓力

提示: 作者被禁止或刪除內容自動屏蔽

作者: 小木偶媽咪 時間: 15-3-11 10:04 標題: 回覆：升中面試壓力

其實小朋友壓力源自父母，我囡考直資3間，自行兩間，叩門兩間，完全不感到佢有壓力。
表面一直同佢講，媽咪間間都鐘意，入到是但一間都好（當然心裡有排位啦

），
所以當囡囡註冊左直資後，自行及叩門完全抱住一個“唔收就算”既心理，輕鬆過渡。
就連最心儀叩門果間話可以入到筆試，及之後一日面試，我緊張到兩晚都瞓唔到佢都唔知，
所以....呢段緊張關頭，有咩自己頂晒去，唔好比小朋友壓力，佢自然，平常心會發揮得更好。

作者: TomatoCat 時間: 15-3-11 10:11

回覆 KT0603 的帖子

Band 1C 報 Band 1A 係唔係機會好微?

作者: ipadress 時間: 15-3-11 10:21

提示: 作者被禁止或刪除內容自動屏蔽

作者: 懶羊羊 時間: 15-3-11 10:25 標題: 引用：其實小朋友壓力源自父母，我囡考直資3間，

原帖由 小木偶媽咪 於 15-03-11 發表
其實小朋友壓力源自父母，我囡考直資3間，自行兩間，叩門兩間，完全不感到佢有壓力。
表面一直同佢講，媽 ...

我都係同囝囝講差唔多嘅內容，keep住b1成績，自行直資唔得，抽獎都實入b1(九龍城網)，唔駛怕。

結果，囝囝in第一間時都緊張都全程脚震

但之後的interview,就ok,無咁緊張。

作者: hktraffic 時間: 15-3-11 10:42

這遊戲要考家長們的膽色，我見有D幾好成績的去自行低D既學校。當然亦有成績平平的去報神校。旁人眼中前者，好似好唔底，後者好似太博命。各人的心態都不同，找合適不一定找最top。然後由子女去面對去考。似乎D家長越清楚個遊戲點玩，佢地D子女就越被玩死。考完，收了，註冊埋，以為攪掂，點知重要去自行和叩門再爭過.... 人都瘋了

作者: kintingrita 時間: 15-3-11 11:08

提示: 作者被禁止或刪除內容自動屏蔽

作者: KT0603 時間: 15-3-11 11:58 標題: 引用：回覆+KT0603+的帖子 Band+1C+報+Band+1A+

提示: 作者被禁止或刪除內容自動屏蔽

作者: CALVEN 時間: 15-3-11 12:28

KT0603 發表於 15-3-11 11:58
家長，我的經驗，越級挑戰不只局限band 1 a,b,c, band 2呢？還有band 3呢? 同樣有發生。越級挑戰甚至是誇區 ...

互相認識的同學家長，亦未必佰份佰交代為自己仔女的籌謀咖

我仔報小學時已見識過,

大家幼稚園家長傾開,有2個話會報D3線小學,咩欣賞老師有愛心,對教育有熱誠,我當時都打問號,

轉頭原來一個報左聖X得,一個報左英X.

作者: 小木偶媽咪 時間: 15-3-11 12:33 標題: 引用：回覆+小木偶媽咪+的帖子註冊了直資，不是

原帖由 kintingrita 於 15-03-11 發表
回覆小木偶媽咪的帖子

註冊了直資，不是資料已上報教育局，等於放棄自行及統一派位嗎？請問各位在自行的 ...

註冊直資後，只能玩自行的面試遊戲，就算自行收你，都會因你已註冊了直資而抽起的。
所以當時我註冊直資後，玩完自行兩間面試就摺埋心水等放榜叩門。

作者: eytben 時間: 15-3-11 13:35 標題: 引用：Quote:KT0603+發表於+15-3-11+11:58+家長，

原帖由 CALVEN 於 15-03-11 發表
互相認識的同學家長，亦未必佰份佰交代為自己仔女的籌謀咖

好有同感，上年小兒升中一，都遇到你所講的情况，真是講—套，但做又套，真是自己要，有一套方案，同其他家長只表面交流，到真實情况就自己行量，我真是領教过

作者: KT0603 時間: 15-3-11 14:26 標題: 引用：Quote:KT0603+發表於+15-3-11+11:58+家長，

提示: 作者被禁止或刪除內容自動屏蔽

作者: yiu_mimi 時間: 15-3-11 16:35

Jacky2010 發表於 15-3-10 19:20
小兒今年升中二,我覺得以比例,面試收生,機會十分渺茫

同意呀, 自行只得48個位, 但有4百幾人interview. 幾會只得十分一??

我同女講, 最緊要考好呈分試, 自行係買個機會(如大抽獎派得不好, 都有個扣門機會)

作者: mcl203 時間: 15-3-11 16:52

本帖最後由 mcl203 於 15-3-18 12:05 編輯

CALVEN 發表於 15-3-11 12:28
互相認識的同學家長，亦未必佰份佰交代為自己仔女的籌謀咖

~~~~~~~~~~~~~~~~~~~~

作者: ipadress 時間: 15-3-11 18:11

提示: 作者被禁止或刪除內容自動屏蔽

作者: 黃巴士 時間: 15-3-11 18:31

本帖最後由黃巴士於 15-3-11 18:52 編輯

樓主, 小朋友in完會很快放鬆, 又玩又笑的. 既然是本著平常心, 家長行為嘗試都一致. 而且接受他/她的"緊張", 佢會安心些.
當小朋友驚或腳震時, 真的咩都聽唔到. 只可以向他/她們說淡然或拍拍膊頭或叫他飲杯暖水. 有時家長愈勸, 他/她們愈驚! 愈忟憎!

不如按是小朋友實戰-情緒調适訓綀吧.
當年, 事後我問個仔驚咩, 佢話都唔知驚咩?? 總之就緊張, 他說: 媽咪講的事情或情況, 他都明白及知道, 但就控制不了"驚"囉.
之後, 我覺得習慣了場合及氣氛, 自然他會自在些, 無咁驚. 有時孩子當場問有無帶依樣果樣等, 我都只會說: 555 或點頭(不多說其他). 免了他更不安.

作者: hktraffic 時間: 15-3-11 18:52

我的說，見越心儀的就越驚。見其他的，一D都唔驚，當傾計。

作者: wong333 時間: 15-3-11 21:31

hktraffic 發表於 15-3-11 18:52
我的說，見越心儀的就越驚。見其他的，一D都唔驚，當傾計。

非常贊同

作者: 小雄維尼 時間: 15-3-11 23:21

我上星期遇到神級band 3學校(名不開了) , in之前已經收到信list晒有咩當日要帶去,跟住電話黎問我收到信未, 又問邊位會同小朋友來&記得帶成績表, 點知......個日一去就問帶齊野嗎? 然後叫家長係圖書館等小朋友, 即係由頭到尾都無見過我, 之後問返我仔, 竟然又無要佢拎成績表出黎. 甘打黎比我做咩呢

作者: WATHT 時間: 15-3-12 00:07 標題: 引用：我的說，見越心儀的就越驚。見其他的，一D

原帖由 hktraffic 於 15-03-11 發表
我的說，見越心儀的就越驚。見其他的，一D都唔驚，當傾計。

同意！阿女見我好心儀那間，在second in前一天至面試後幾天都好似個胃定個心乸住乸住！
朋友們常叫我唔好俾太大壓力阿女，她會有挫敗感！但其實只是挫敗緊我一個人

作者: ydoris 時間: 15-3-12 09:52

仲等緊面試信...又等緊去面試..又等緊直資回音既信..個信箱真係日日俾我地D家長望到穿晒....跟住又到呈分試...3月真係好難過......

作者: queeniebee1 時間: 15-3-12 10:56

提示: 作者被禁止或刪除內容自動屏蔽

作者: bowling2004 時間: 15-3-13 16:00 標題: 引用：仲等緊面試信...又等緊去面試..又等緊直資

原帖由 ydoris 於 15-03-12 發表
仲等緊面試信...又等緊去面試..又等緊直資回音既信..個信箱真係日日俾我地D家長望到穿晒....跟住又到呈分試 ...

我仔3月生日㗎，但呢個3月要面試，又要考試，搞到冇晒心機同佢慶祝

作者: Marians 時間: 15-3-13 16:07

係咁易買個birthday cake 食下, 小朋友都開心ge

作者: ydoris 時間: 15-3-13 16:23

回覆 bowling2004 的帖子

加油呀..面試好似廿幾號完晒.學校考試幾多號完呀?我昨晚收到另一間面試信啦.即係過埋呢個WEEK,下星期一開始就可以鬆一下啦....月尾應該係小六生休息既時間....多D正能量啦....

作者: bowling2004 時間: 15-3-14 08:14 標題: 引用：回覆+bowling2004+的帖子加油呀..面試好

原帖由 ydoris 於 15-03-13 發表
回覆 bowling2004 的帖子

加油呀..面試好似廿幾號完晒.學校考試幾多號完呀?我昨晚收到另一間面試信啦.即係 ...

多謝你呀！不過我自己好緊張。

但又唔想佢覺得有壓力。不過又唔放得手，因為我放晒手佢索性唔溫題目。希望佢今日表現得好啲。

作者: bowling2004 時間: 15-3-14 08:14 標題: 引用：回覆+bowling2004+的帖子加油呀..面試好

原帖由 ydoris 於 15-03-13 發表
回覆 bowling2004 的帖子

加油呀..面試好似廿幾號完晒.學校考試幾多號完呀?我昨晚收到另一間面試信啦.即係 ...

你哋都加油呀！

作者: Yanamami 時間: 15-3-14 08:56

bowling2004 發表於 15-3-13 16:00
我仔3月生日㗎，但呢個3月要面試，又要考試，搞到冇晒心機同佢慶祝

...

更加要買个生曰蛋糕許下願，祝面試順利、成功啦！

作者: Yanamami 時間: 15-3-14 08:59

本帖最後由 Yanamami 於 15-3-14 09:00 編輯

小雄維尼發表於 15-3-11 23:21
我上星期遇到神級band 3學校(名不開了) , in之前已經收到信list晒有咩當日要帶去,跟住電話黎問我收到信未, ...

借d意提你記得黎面試啫~~怕你唔黎少左个学生会殺校？

作者: bowling2004 時間: 15-3-14 12:58 標題: 引用：Quote:bowling2004+發表於+15-3-13+16:00+

原帖由 Yanamami 於 15-03-14 發表
更加要買个生曰蛋糕許下願，祝面試順利、成功啦！

好呀！搞掂晒所有嘢先一次過慶祝。唉，超大壓力的3月。我而家喺中學入面等緊仔仔in.

多謝你

作者: marble2004 時間: 15-3-14 22:31

回覆 gwan 的帖子

True. 運氣都好重要, but I believe it more luck fall on those hardworking and students with positive attitude.

作者: ydoris 時間: 15-3-18 08:34

請左2DAYS假溫呈3,今日考埋英文..只欠常識同音樂等....暫時歇一歇啦..但都發惡夢面試...唉...

作者: chanyukyan 時間: 15-3-18 12:04

大家一齊加油呀!

作者: silvia_ng 時間: 15-3-18 15:02

其實最大壓力係呀媽，小朋友都唔係好覺! 我仔都係3月生日，每年都冇得慶祝生日既(次次都撞TEST)，今年生日之後果日，將會係最後一次呈分試。我好大膽咁安排左一家人去食BUFFET。飯始終要食，識既始終都會識。呢年幾以來，我諗佢已經努力左，希望佢有好既成果啦!

作者: 小雄維尼 時間: 15-3-19 01:17

Yanamami 發表於 15-3-14 08:59
借d意提你記得黎面試啫~~怕你唔黎少左个学生会殺校？

confirm我有無收到封信...呢個無問題, 因為真係有機會會寄失. 但係係電話問我邊位會同小朋友黎學校, 甘我好自然會理解學校會/預備見我, 5知你同意我講嗎? 上到學校, 淨係問有無帶齊文件, 就趕晒d家長去圖書館, 甘即係點. 簡單d :題小朋友到時要帶xxxxx黎喎, skip左家長, 甘我反而直接問到時會5會見我, 等我有準備嘛

作者: 小雄維尼 時間: 15-3-19 01:20

bowling2004 發表於 15-3-13 16:00
我仔3月生日㗎，但呢個3月要面試，又要考試，搞到冇晒心機同佢慶祝

...

我仔3月都大鑊, 要參加校際音樂節同校際舞蹈節, 托賴兩個校隊比賽都有獎, 下星期又要考試

作者: kin818kin 時間: 15-3-20 17:26

小木偶媽咪發表於 15-3-11 10:04
其實小朋友壓力源自父母，我囡考直資3間，自行兩間，叩門兩間，完全不感到佢有壓力。
表面一直同佢講，媽 ...

小木偶媽咪你好

請問你註冊左直資，點解仲可以去扣門既？我以為一註冊，教育局有RECORD 就唔可以去扣門同自行。可以解釋比我知道嗎？

謝謝﹗

作者: 小木偶媽咪 時間: 15-3-20 18:19 標題: 引用：Quote:小木偶媽咪+發表於+15-3-11+10:04+其

原帖由 kin818kin 於 15-03-20 發表
小木偶媽咪你好

請問你註冊左直資，點解仲可以去扣門既？我以為一註冊，教育局有RECORD 就唔可以去扣門同 ...

註冊直資後，唔可以參加自行，但於放榜後是可以無限制去叩門的

作者: Pearlma 時間: 15-3-20 20:49 標題: 回覆：小木偶媽咪的帖子

小木偶媽咪，我想請問：放榜後叩門成功的話，還要不要向先前註了冊的中學拿回那張「小六學生資料表」，才去叩門成功的中學註冊呢？謝謝你！

作者: 小木偶媽咪 時間: 15-3-20 21:21 標題: 引用：小木偶媽咪，我想請問：放榜後叩門成功的話

本帖最後由小木偶媽咪於 15-3-20 21:23 編輯

原帖由 Pearlma 於 15-03-20 發表
小木偶媽咪，我想請問：放榜後叩門成功的話，還要不要向先前註了冊的中學拿回那張「小六學生資料表」，才去 ...

小六學生資料表只是一張“臨時證”
放榜日你會收到一張註冊證，註冊證會寫上你所入讀的中學。每人都需要在幾天內到中學報到，交回註冊證。（一定要先交，因為你不知道會否成功叩門）
如你在所需時間內叩門成功，直接把註冊證交到叩門學校就可以，如在所需時間後才叩門成功，就要返回已交註冊證的學校取回證，去交到叩門成功的學校。

以我作例子，放榜後收到註冊證入讀A學校，我便在A學校提供的兩天內先交回註冊證，而交回當天正是叩門B學校的筆試，約5天完成筆試及面試，最終取錄我便去A校取回註冊證第二天交到B學校。

作者: Pearlma 時間: 15-3-20 22:02 標題: 回覆：小木偶媽咪的帖子

小木偶媽咪，謝謝你這麼詳細的講解，我清楚明白了！

作者: 小木偶媽咪 時間: 15-3-20 22:34 標題: 引用：小木偶媽咪，謝謝你這麼詳細的講解，我清楚

原帖由 Pearlma 於 15-03-20 發表
小木偶媽咪，謝謝你這麼詳細的講解，我清楚明白了！

順帶一提，註冊證是“無限復活”的，即就算交到B校，而C校又收你，你就回B校取走到C校，不限學校次數

作者: BBKDWLAM 時間: 15-3-21 13:58 標題: 回覆：小木偶媽咪的帖子

個人覺得小朋友的壓力多來自父母，所以父母要先學識調節自己。
其實絕大部分學校睇的是已塵埃落定的呈分試成績，面試影響有，但可能幾輕微。成績前的繼續收，成績後的繼續唔收，所以唔好有心態見得好好就一定會收。壓力過大反而影響正常表現。

作者: winniecws 時間: 15-3-21 14:19 標題: 引用：仲等緊面試信...又等緊去面試..又等緊直資

原帖由 ydoris 於 15-03-12 發表
仲等緊面試信...又等緊去面試..又等緊直資回音既信..個信箱真係日日俾我地D家長望到穿晒....跟住又到呈分試 ...

講得好中我地的心聲，今日終於全部見曬，而家要等到七月七日，日子好難過

作者: ydoris 時間: 15-3-22 19:23

今日IN埋最後一個面試,佢要睇學生資料表而吾係身份証...明天又緊張啦..派卷啦...

作者: himamama 時間: 15-3-22 23:55

提示: 作者被禁止或刪除內容自動屏蔽

作者: IwanBB 時間: 15-3-23 09:41

岩岩完左面試, 努力埋下星期呈三試, 就可以輕鬆D喇!!

歡迎光臨教育王國 (/)