教育王國

標題: 近視快速加深 [打印本頁]

作者: catcc2000 時間: 14-12-23 23:11 標題: 近視快速加深

亞仔小一，開學前8月尾同佢驗眼150度近視，由於近視，眼科醫生叫我3個月帶佢覆診一次，今早去覆診，竟然短短4個月加到275度

有冇過來人有d咩方法可以減慢加深？亞仔平日冇電視睇，因功課溫習已夠鐘瞓覺，近視一定是功課及讀書讀返來，咁加落去好快盲

作者: pooh仔 時間: 14-12-23 23:23 標題: 回覆：catcc2000 的帖子

其實單以做功課、温習好少加速咁快，
佢平時坐姿距離正確? 光線足夠? 有冇上電腦/平版電腦/手機?

150度應要帶眼鏡，冇帶慣性懞住眼睇令眼睛疲累 / 成日又除又帶都會兩者都會令近视加快喎.

作者: Yanamami 時間: 14-12-23 23:31

遺傳问題？試戴漸变鏡~

作者: pooh仔 時間: 14-12-24 00:32 標題: 回覆：Yanamami 的帖子

其實好多人話父母近視. 子女大多會. 我一向券信半疑. 大多人近視喺後天.

我自己都喺出嚟做嘢當年電腦有啲機橙色字再加filter, 因長期對mon 仲喺數字. 就咁一嚟就百幾度. 仲時帶時除. 好快加深. 當然老公都有(佢讀中學開始)
托賴亞仔(14)亞女(8)暫未有近視. 好多朋友仔女一上小學. 陸續跟住帶眼鏡. 有部分父母冇近視.

作者: catcc2000 時間: 14-12-24 03:55 標題: 引用：其實單以做功課、温習好少加速咁快，佢平

原帖由 pooh仔 於 14-12-23 發表
其實單以做功課、温習好少加速咁快，
佢平時坐姿距離正確? 光線足夠? 有冇上電腦/平版電腦/手機?

平時會在書桌做功課，枱上有博士燈，ipad/laptop除了做功課都唔會有得用。

作者: catcc2000 時間: 14-12-24 03:57 標題: 引用：其實單以做功課、温習好少加速咁快，佢平

原帖由 pooh仔 於 14-12-23 發表
其實單以做功課、温習好少加速咁快，
佢平時坐姿距離正確? 光線足夠? 有冇上電腦/平版電腦/手機?

但又帶又除是真的，之前醫生話係屋企唔使帶，所以我返學先俾佢帶

作者: catcc2000 時間: 14-12-24 03:58 標題: 引用：遺傳问題？試戴漸变鏡~

原帖由 Yanamami 於 14-12-23 發表
遺傳问題？試戴漸变鏡~

我有600度，老公3百幾，我都小四先帶眼鏡，冇深得咁快

作者: catcc2000 時間: 14-12-24 03:59 標題: 引用：其實好多人話父母近視.+子女大多會.++我一

原帖由 pooh仔 於 14-12-24 發表
其實好多人話父母近視. 子女大多會. 我一向券信半疑. 大多人近視喺後天.

我自己都喺出嚟做嘢當年電腦 ...

已經帶緊漸進鏡

作者: catcc2000 時間: 14-12-24 04:00 標題: 引用：其實好多人話父母近視.+子女大多會.++我一

原帖由 pooh仔 於 14-12-24 發表
其實好多人話父母近視. 子女大多會. 我一向券信半疑. 大多人近視喺後天.

我自己都喺出嚟做嘢當年電腦 ...

可能真係唔可以時帶時除

作者: scyauchris 時間: 14-12-24 06:48

我無除都加，不過200度做功課看書不用載的，我女都有用蔡司成長樂，但完全無用。平日多些戶外活動，去平台散吓步已ok. 每天要兩小時outdoor, 不過平日無乜可能做到。如家有露台，休息叫佢出去企吓！

作者: scyauchris 時間: 14-12-24 06:53

我女最初小一也是175左右眼，不到半年，375 同 400. 半年即剛剛小二已500.

作者: Yanamami 時間: 14-12-24 07:37

pooh仔發表於 14-12-24 00:32
其實好多人話父母近視. 子女大多會. 我一向券信半疑. 大多人近視喺後天.

我自己都喺出嚟做嘢當年電腦 ...

我女小—下学期有近視，从不打机用电腦更唔阅讀，除左頼genes, 唔知賴乜｡k2去驗眼，視光師已“預言”佢会早有近視｡朋友女由P1到而家P5已增至近700, 又係唔打机唔睇电視更唔阅讀……

作者: wonderbaby 時間: 14-12-24 09:38 標題: 引用：Quote:pooh仔+發表於+14-12-24+00:32+其實

原帖由 Yanamami 於 14-12-24 發表
我女小—下学期有近視，从不打机用电腦更唔阅讀，除左頼genes, 唔知賴乜｡k2去驗眼，視光師已“預言”佢会 ...

我仔小三，因我800近視，先生500，所以我都係K.2開始同仔去驗眼，當年我仔一丁點遠視都無，視光師都話我仔應好快有近視，好彩到上年小二去驗都未有，不過下星期到期驗，我都已經有心理準備要帶眼鏡喇，我同自己講佢可以捱到小三先帶已經係keep得好好喇

作者: catcc2000 時間: 14-12-24 11:00 標題: 引用：我女最初小一也是175左右眼，不到半年，375

原帖由 scyauchris 於 14-12-24 發表
我女最初小一也是175左右眼，不到半年，375 同 400. 半年即剛剛小二已500.

咁你有咩方法？

作者: wwsugar 時間: 14-12-25 21:42

聽說吃甜食多也會影響視力。光管會閃，led燈不會，可能好些，但陽光是最好。

作者: barrybbmami 時間: 14-12-26 01:09

我仔四歲無哂小朋友正常的遠視，K2尾250度開始帶眼鏡，升小前已經400度，小一開學就帶矯視鏡，今年小二，touchwood keep 住無加深

作者: sunnygirl 時間: 14-12-26 09:21 標題: 回覆：近視快速加深

會唔會係假近視？

作者: yuenkw 時間: 14-12-26 15:46

sunnygirl 發表於 14-12-26 09:21
會唔會係假近視？

咩叫假近視？

作者: yuenkw 時間: 14-12-26 15:53

本身都成1,500度近視，呀仔剛check 過so far 都未有。不過都好擔心。

作者: sunnygirl 時間: 14-12-26 17:51 標題: 引用：Quote:sunnygirl+發表於+14-12-26+09:21+會

原帖由 yuenkw 於 14-12-26 發表
咩叫假近視？

所謂假近視，即眼睛因調節過度、調節痙攣而一時表現為近視眼的現象。一般讓眼睛好好休息，或點了散瞳藥之後，解除了調節痙攣，視力也就自然恢復了。所以假近視者配戴眼鏡不但不必要，而且是不應該的，是錯誤的。假性近視是真性近視眼之前的一種疲勞狀態，如果這種狀態不能及時緩解，眼睛發生了器質性改變就形成了真性近視。判斷真假近視眼需要做散瞳驗光。一提散瞳驗光家長便緊張起來，“散瞳對眼睛有害嗎？”散瞳的目的是解除眼睛疲勞，讓緊張調節的肌肉放鬆，這樣驗出的屈光度才是準確的。如果散瞳後裸眼視力能夠達到1．0，那就是“假性近視”，在短期內能治癒，比如藥物、針灸、埋耳針及理療儀器的使用，可使緊張的肌肉放鬆，疲勞緩解，視力恢復到正常狀態。如不想治療，只要讓眼睛眺望遠方，注意休息，視力也有可能恢復。

作者: catcc2000 時間: 14-12-27 01:26 標題: 引用：Quote:原帖由+yuenkw+於+14-12-26+發表咩叫

原帖由 sunnygirl 於 14-12-26 發表
所謂假近視，即眼睛因調節過度、調節痙攣而一時表現為近視眼的現象。一般讓眼睛好好休息，或點了散瞳藥之後 ...

已放大了瞳孔來驗

作者: scyauchris 時間: 14-12-27 13:58

回覆 catcc2000 的帖子

盡量天天都去户外走走，我女女不吃過甜食物，基本上不太重咪的食物，所以我不覺得食物有影響。其實坐姿好重要，不過無可能14小時睇住佢，係學校是要看她自己。

作者: tsangnamnam 時間: 14-12-27 14:13

請問你地小朋友係幾多度近視開始戴眼鏡?

作者: catcc2000 時間: 14-12-27 15:05 標題: 引用：請問你地小朋友係幾多度近視開始戴眼鏡?

原帖由 tsangnamnam 於 14-12-27 發表
請問你地小朋友係幾多度近視開始戴眼鏡?

150

作者: 史丹福 時間: 14-12-27 20:35

個人觀察所得，最主要係遺傳因素，父母都近視，子女九成都走唔甩！識一D父母冇近視，子女每日打機三個鐘都冇近視。

有冇人試過坊間D眼球操之類嘅方法，唔知掂唔掂？

作者: 艾艾 時間: 14-12-28 22:29

回覆史丹福的帖子

阿囡情況與妳仔相似,未開學前左眼50, 右眼100度近視, 升小一後短短四個月，左眼变成175度,右眼200度。仲有散光,大家有無試過阿托品眼藥水?想控制度數。

作者: catcc2000 時間: 14-12-28 23:22 標題: 引用：回覆+史丹福+的帖子阿囡情況與妳仔相似,

原帖由艾艾於 14-12-28 發表
回覆史丹福的帖子

阿囡情況與妳仔相似,未開學前左眼50, 右眼100度近視, 升小一後短短四個月，左眼变成17 ...

什麼是阿托品眼藥水？

作者: ming2006 時間: 14-12-29 12:27 標題: 回覆：catcc2000 的帖子

我女一樣，突然深得好快，現在準備帶眼膜矯神鏡，石硤屋盲人專科醫生都建議佢帶，直係好煩。

作者: catcc2000 時間: 14-12-29 14:51 標題: 引用：我女一樣，突然深得好快，現在準備帶眼膜矯

原帖由 ming2006 於 14-12-29 發表
我女一樣，突然深得好快，現在準備帶眼膜矯神鏡，石硤屋盲人專科醫生都建議佢帶，直係好煩。

...

但我的眼科醫生覺得佢太細個，叫我等下先

作者: 王家爸爸 時間: 14-12-29 15:41

少看電視

作者: scyauchris 時間: 14-12-29 16:34

回覆 catcc2000 的帖子

我唔會用藥水，用了她會怕光！我要我女女可以同正常小朋友在陽光下跑跑跳跳。我信個度數會停，但唔知幾時亦唔知幾度才停。佢表哥似爸爸完全無近視，每日打機又唔夠光，所以我相信深近視是天生的。

作者: BabyQQ~ 時間: 14-12-29 23:43

我囡都有呢個問題, 視光師話做功課時間太長, 眼睛太操勞, 加上我囡揸筆同坐姿勢唔好, 佢話唔咁樣字寫得好醜樣, 俾佢激C

. 依家一般小一便開始有近視就是因為太長時間做功課

作者: catcc2000 時間: 14-12-30 08:59 標題: 引用：我囡都有呢個問題,+視光師話做功課時間太長

原帖由 BabyQQ~ 於 14-12-29 發表
我囡都有呢個問題, 視光師話做功課時間太長, 眼睛太操勞, 加上我囡揸筆同坐姿勢唔好, 佢話唔咁樣字寫得好醜 ...

我絕對相信我仔係做功課做到近視，起碼每天我放工回家都做到瞓

作者: catcc2000 時間: 14-12-30 09:04 標題: 引用：回覆+catcc2000+的帖子我唔會用藥水，用

原帖由 scyauchris 於 14-12-29 發表
回覆 catcc2000 的帖子

我唔會用藥水，用了她會怕光！我要我女女可以同正常小朋友在陽光下跑跑跳跳。我信 ...

但我同老公都係3xx同5xx度，我都四年級先戴眼鏡，我讀大學瞓係床讀書都係3xx，出左來做野睇得電腦多先變5xx

作者: 艾艾 時間: 14-12-30 14:19

我都覺得係做功課時間長先至咁快近視,不過我地兩公婆都有700度近視,我父母都係近視,遺傳因素較多.

作者: happylogin 時間: 14-12-30 16:11

catcc2000 發表於 14-12-24 03:59
已經帶緊漸進鏡

請問咩叫漸進鏡, 是否帶一副眼鏡，我女E+戴緊矯視Con, Sofar戴左3年都冇加深近視, 但個衰女又唔成日自己戴, 要我幫, 如果有D齌戴眼鏡, 叫佢配番一副.

作者: catcc2000 時間: 14-12-30 20:21 標題: 引用：Quote:catcc2000+發表於+14-12-24+03:59+已

原帖由 happylogin 於 14-12-30 發表
請問咩叫漸進鏡, 是否帶一副眼鏡，我女E+戴緊矯視Con, Sofar戴左3年都冇加深近視, 但個衰女又唔成日自己戴, ...

漸進鏡即係好似老人家d鏡咁，老花就上面唔使度數，下面要遠視鏡睇近野。小朋友近視漸進鏡就係上面要近視鏡睇遠野，下面唔使度數。唔知點解對減慢近視有幫助

作者: 艾艾 時間: 14-12-30 23:00

回覆 catcc2000 的帖子

請問小朋友幾多歲可戴矯視con?会有副作用嗎?

作者: daisy17772 時間: 14-12-31 00:17

You're not the first case I heard of myopia grows at this fast. There're several options:
1)  ordinary eyeglasses.

2) 漸進鏡.  You've already used but not improving.

3)  Atropine medicated eye drop.  I personally do not prefer it as it's chemical.

4)  Ok lens.

My two kids have been wearing ok lens.  My boy wears it since 2nd term of P1, few months before he turns to 7.  My elder has been wearing it for 3 years, her myopia stops developing, so does my younger one. I know some people are very against it. So you have to do research for yourself.  My experience is I ensure lens are cleansed thoroughly, try avoiding rubbing eyes, check eyes frequently to prevent infections, I don't see any adverse effect yet.  My objective is when they grow up to certain age when they can handle day time lens on their own, they can then switch to using day time contact lens.  That is to say, wearing ok lens is just a transition solution to try stopping myopia growth.  Myopia growth substantially when they are at young age.

no matter what, more outdoor activities definitely help.  However, the amount of such activities have to be substantial in order to totally stop myopia from further developing.  My boy does  more outdoor activities during summer, his myopia grows at lesser extent.  Besides, I strictly check on their sitting posture and remind them of keeping a distance from books.

作者: scyauchris 時間: 15-1-1 12:37

漸進鏡對我女完全無幫助包括我另一位朋友的女女，深近視一定是遺傳多。我女眼睛比較易敏感，ok lens 一定不適合她。

我只知有些小朋友坐姿不正確及狂打機，佢地就算有近視也不深！在香港大量戶外活動是無乜可能除左假日，我同我先生近視都深過六百度，所以我女女好大機會都是深近視加上她太專注看書。

作者: lui 時間: 15-1-1 17:09 標題: 引用：亞仔小一，開學前8月尾同佢驗眼150度近視，

原帖由 catcc2000 於 14-12-23 發表
亞仔小一，開學前8月尾同佢驗眼150度近視，由於近視，眼科醫生叫我3個月帶佢覆診一次，今早去覆診，竟然短 ...

帶矯視con, 阿女帶左三年，近視散光冇加深，今年就來13歲

作者: 艾艾 時間: 15-1-2 09:21

回覆 lui 的帖子

除了理大check 眼,仲有無其他好的眼科介紹？可以pm我嗎?因等唔切理大。

作者: lui 時間: 15-1-2 09:52 標題: 引用：回覆+lui+的帖子除了理大check+眼,仲有無

原帖由艾艾於 15-01-02 發表
回覆 lui 的帖子

除了理大check 眼,仲有無其他好的眼科介紹？可以pm我嗎?因等唔切理大。 ...

Me too. 理大當年要等半年，我去左香港視覺護眼中心在銅鑼灣禮頓中心。佢地好細心。収費合理。我們全家check 眼也去這裡。不過你自己做多d矯con 的research.自己確定應下應做。我做是因為我也大近視，想個女不要加深太多

作者: tutik 時間: 15-1-3 07:26

有冇人用過矯視眼鏡？就算得少少效都想比呀仔試下。

作者: babychin 時間: 15-1-6 18:39 標題: 引用：Quote:catcc2000+發表於+14-12-24+03:59+已

原帖由 happylogin 於 14-12-30 發表
請問咩叫漸進鏡, 是否帶一副眼鏡，我女E+戴緊矯視Con, Sofar戴左3年都冇加深近視, 但個衰女又唔成日自己戴, ...

請問漸進鏡即是蔡司鏡嗎？

作者: littlelamma 時間: 15-1-7 09:41

回覆 catcc2000 的帖子

有一視光師教我一健眼操,之前在電視節目也有介紹,可減慢加深速度:

把手指放在面前,眼睛對焦看著指尖, 然後轉望遠景
重複以上30次,每天早晚做,

持之以恆, 可減慢加深速度
我的孩子做了,效果不錯,希望有效

作者: catcc2000 時間: 15-1-8 21:44 標題: 引用：回覆+catcc2000+的帖子有一視光師教我一

原帖由 littlelamma 於 15-01-07 發表
回覆 catcc2000 的帖子

有一視光師教我一健眼操,之前在電視節目也有介紹,可減慢加深速度:

謝謝你

作者: Ving 時間: 15-1-18 10:58

Hi,

小兒三年級九歲有近視125度，請問有什麼好的治療方法。視光師說在堂上戴眼鏡，課後，在家不用，行嗎？會否加深。聽說葉黄素有用，請問效果如何，那種牌子較好，謝。

作者: scyauchris 時間: 15-1-18 13:26

回覆 Ving 的帖子

該做功課，看書，玩玩具，近距離不用載，但遠距離望遠野便要載上。

作者: Ving 時間: 15-1-18 14:27

因半年前驗眼是七十五度，但今次深了五十度，自問亦着重他的健康和坐姿，不知是否因之前冇戴眼鏡又太用精神望黑板所致？
但聽說每年深一百度以內是正常，那不到十四，五歲便六七百度近視，我是否聽啱定有些聽錯？

作者: catcc2000 時間: 15-1-19 12:15 標題: 回覆：近視快速加深

我真係唔知邊個岩，醫生又話係屋企唔使帶，但3個月又深了百幾度，視先師又話全日帶

作者: Muimuipig 時間: 15-1-19 19:27 標題: 回覆：近視快速加深

我女小一，今天驗眼係右眼150度左眼25度近視，一年前係正常架

我真係接受唔6歲咁細個就要帶眼鏡，我同老公都係到中學開始先有百幾二百度近視到而家，喊c我啦

作者: Muimuipig 時間: 15-1-19 19:32 標題: 回覆：近視快速加深

仲有，佢好少睇電視，一星期得一至兩個鐘，冇打機，電腦功課一星期一二次半小時內完成。但我女好鍾意睇書，功課又頗多

作者: scyauchris 時間: 15-1-19 20:52

回覆 Muimuipig 的帖子

因為女好鐘意睇書，所以咪加深得快。如果父母都過六百度近視，加得更快。

作者: 艾艾 時間: 15-1-19 22:27

回覆 scyauchris 的帖子

我都係喊左幾日,阿囡証實右眼200度,左眼175度,也是小一,才六歲,平時少睇書,從不看電視,但做功課每天都最少1.5hr。視光師話佢天生，因我同老公都差不多700度近視。又唔敢戴穚視con,怕角膜受損，真係好茅盾。

作者: Ving 時間: 15-1-20 00:13

香港地讀書好難做功課，温書，睇書吾超過一小時。

如有人發明一些藥食左冇近視，簡直應頒諾貝爾獎。

作者: himmamme 時間: 15-1-20 10:30

本帖最後由 himmamme 於 15-1-20 10:31 編輯

艾艾發表於 15-1-2 09:21
回覆 lui 的帖子

除了理大check 眼,仲有無其他好的眼科介紹？可以pm我嗎?因等唔切理大。 ...

香港眼科專科 29965800 旺角,中環
我阿大係到配ok len,戴左4年.呢間既好處係有眼科醫生跟,唔係淨係視光師,有問題,可以見醫生.我覺得保障大d會安心d.因為佢地視光部係連住一間眼科中心,所以配套,設施都較齊全,又新又準,d機出面未見過.視光師有4,5個,遇過的都好細心。醫生又有4,5個,係pro好多,d lens又靚，我最鍾意係佢地唔hard sell,好低調,我本想細仔戴，佢話唔建議,好老實。

作者: himmamme 時間: 15-1-20 10:36

littlelamma 發表於 15-1-7 09:41
回覆 catcc2000 的帖子

有一視光師教我一健眼操,之前在電視節目也有介紹,可減慢加深速度:

咁望遠景時個焦點是一直望手指，還是需要將焦點同時移到後面的景物上。

作者: Ving 時間: 15-1-20 10:56

回覆 himmamme 的帖子

Hi Himmamme,
So what is the price of OK lens in 眼科專科? And does your children any side effect?

作者: 洋蔥頭媽咪 時間: 15-1-20 12:35 標題: 引用：我真係唔知邊個岩，醫生又話係屋企唔使帶，

原帖由 catcc2000 於 15-01-19 發表
我真係唔知邊個岩，醫生又話係屋企唔使帶，但3個月又深了百幾度，視先師又話全日帶

...

其實又帶又除對眼晴唔係咁好，見過有d加深得仲快！

歡迎光臨教育王國 (/)