教育王國
標題: 小學受傷事件要邊個比錢？ [打印本頁]
作者: wuliqing 時間: 14-11-27 07:00 標題: 小學受傷事件要邊個比錢？
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生，睇了$530，以家叫學校要我賠錢比佢，讀小學一年級，當時老師都冇人見到，遇到甘樣的情況我可以點做，求救，thx
作者: wuliqing 時間: 14-11-27 07:00
個日老師冇通知我，過了第二日先通知我
作者: jumphigh 時間: 14-11-27 07:45 標題: 引用：個日老師冇通知我，過了第二日先通知我
提示: 作者被禁止或刪除 內容自動屏蔽
作者: Jane1983 時間: 14-11-27 08:11
你小朋友以前有無試過整傷人？
吾知有幾嚴重，不過擦傷額頭，正常情況係消毒藥水和貼膠布，極少話去睇醫生的。至於$530，有些私家醫生，坐低就係呢個數。
有疑問，可以問吓班主任什麼情況。
作者: wuliqing 時間: 14-11-27 08:30
冇哦！我仔每次去公園都係被人嚇吾會還手，因為當時老師都吾係度，
作者: Feimum 時間: 14-11-27 09:16 標題: 回覆：wuliqing 的帖子
不會理會，報警判傷也只會看政府急症。
作者: CALVEN 時間: 14-11-27 09:33
如果係學校發生,但當時老師又無知會你,仲要第二日先通知你,
你要了解清楚事件,唔需要咁快作決定.
作者: a_for_apple 時間: 14-11-27 10:19 標題: 回覆：小學受傷事件要邊個比錢？
我唔知係咪好嚴重，但我未必會俾…………小朋友踫撞一定有，冇人睇到，邊個啱/唔啱冇人知，郁啲就要賠，下次唔知要賠啲咩俾佢。
如果真係整到人係唔啱，可以叫仔仔口頭道歉，加道歉咭/信
作者: little_yolky 時間: 14-11-27 10:27
wuliqing 發表於 14-11-27 07:00 
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...
我又覺得咁睇, 小朋友响學校玩, 碰撞在所難免, 又唔係故意, 無話邊個啱晒邊個錯晒。如果問完阿仔話真係佢衰, 整親人哋(例如玩得好顛, 興奮過頭背後推咗人一下搞到人跌親), 咁就真係同人道個歉係要既。至於賠湯藥, 真係無言了。如果真係自己阿仔錯, 又無理由好似樓上咁講, 要人輪政府的, 人哋已經係受害者了。真心道歉係要既, 但我唔會賠湯藥囉 
。
作者: Jane1983 時間: 14-11-27 11:07
問清楚件事，一齊玩整親，吾係惡意推佢，真係未必有責任賠湯藥。
5百幾元事少，未搞清件事就息事寧人賠咗，認咗吾知該吾該認的責任，咁日後萬一有記錄、萬一追究，又或者學校認定小朋友係打人搞事果種就麻煩。
可能想多咗，不過牽涉到小朋友的事，真係想清楚、問清楚，想做決定。
作者: nekoneko79 時間: 14-11-27 11:41
回覆 a_for_apple 的帖子
最重要搞清楚件事先, 對方家長一開口就要求賠醫藥費, 似乎太誇張
如果真是傷得很嚴重, 即使老師沒有即場發現, 都會事後上堂見到再追究責任
作者: kirstyau 時間: 14-11-27 11:48 標題: 回覆：小學受傷事件要邊個比錢？
唔會啦！一開口就要錢都唔方好人，講真係我女比人整親，我會着眼有冇心，冇心既當唔好彩，叫小朋友以後玩得斯文d, 如果惡意，係要學校嚴肅處理，比個交代，要小朋友道歉，但唔係要錢！
作者: bbq2008 時間: 14-11-27 11:55
對呀，問清楚事情真相，錢就唔係多，但事情未清楚，會令你小朋友被其他人label左，若小孩子玩時不小心，雙方有責任，不可單方面受責，你推我撞，什麼事也可發生。也從中教孩子，玩時要分串。
作者: kingkingxoxo 時間: 14-11-27 12:01 標題: 引用：由于昨天啊仔係學校同同學玩，不小心整到同
原帖由 wuliqing 於 14-11-27 發表
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...
作者: wuliqing 時間: 14-11-27 12:10
以家我都吾知點算好，小朋友平時都幾乖，
作者: marcuscyrus 時間: 14-11-27 12:27 標題: 引用：由于昨天啊仔係學校同同學玩，不小心整到同
原帖由 wuliqing 於 14-11-27 發表
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...
作者: little_yolky 時間: 14-11-27 12:30
wuliqing 發表於 14-11-27 12:10
以家我都吾知點算好，小朋友平時都幾乖，
2. 同班主任商量, 知唔知發生咗乜事
3. 可以請學校約對方家長見面, 有老師在場, 對小朋友受傷向對方家長表示慰問
4. 如果份屬意外, 態度要不卑不冗, 但不能令對方覺得你包庇自己兒子, 否則只會火上加油
所以呢, 點解咁多學校唔俾小息去操場玩, 就係有啲咁既家長。我都覺得無端端要人賠湯藥係有啲過咗火位。
作者: MrBeast 時間: 14-11-27 12:35
其實呢個是家長定學校liability?
作者: Artie 時間: 14-11-27 12:55
MrBeast 發表於 14-11-27 12:35
其實呢個是家長定學校liability?
Should most injuries at school be covered by school's insurance?
作者: shadeslayer 時間: 14-11-27 12:57 標題: 回覆：小學受傷事件要邊個比錢？
叫佢民事索償或小額庭，官判咪比囉。
作者: sweethoho 時間: 14-11-27 13:09 標題: 回覆：小學受傷事件要邊個比錢？
我的意見是全交學校管理層處理, 不要直接與該投訴家長有任何對話, 我認為該家長開聲要賠錢, 初步估計也是麻煩人! 因為自己小孩依然要在這讀書, 該家長失禮是該家長的事, 保持自己的風度先! 再看學校下一步意見!
作者: sweethoho 時間: 14-11-27 13:12 標題: 回覆：小學受傷事件要邊個比錢？
搞到去報警驗傷法庭見, 我認為就不必了, 不要影響小朋友
作者: MrBeast 時間: 14-11-27 13:26
或許我太多e心，會不會賠左就=accept 左個liability 咁之後有乜頭暈身興都入你數。
不過點都好，問清楚小孩發生乜事先
作者: kerkermui 時間: 14-11-27 13:29
我會先了解咗件事先，如果雙方都有責任，無理由要我賠！
最好由學校做中間人，如果明明自己小朋友無錯或大家都有責任，我一定唔會賠！
想賠就報警，到時唔知邊個搞大件事喇！
作者: kenwong888 時間: 14-11-27 13:40
本帖最後由 kenwong888 於 14-11-27 13:41 編輯
wuliqing 發表於 14-11-27 07:00
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...
Please don't pay any compensation in whatever mean!
It is because the parent can further sue / claim you on consequence(s) of the "injury"!
The worst case is to report police, and ask them to investigate!
作者: shadeslayer 時間: 14-11-27 13:41 標題: 引用：我的意見是全交學校管理層處理,+不要直接與
原帖由 sweethoho 於 14-11-27 發表
我的意見是全交學校管理層處理, 不要直接與該投訴家長有任何對話, 我認為該家長開聲要賠錢, 初步估計也是麻 ...
作者: kenwong888 時間: 14-11-27 13:42
shadeslayer 發表於 14-11-27 13:41
我估學校己傳達賠償的要求。學校唔會再有意見。
作者: kenwong888 時間: 14-11-27 13:45
本帖最後由 kenwong888 於 14-11-27 13:46 編輯
kingkingxoxo 發表於 14-11-27 12:01
報警
Exactly true!
Reply the parent:
"I am not kind!
Come on! Guy!"
作者: kenwong888 時間: 14-11-27 13:46
MrBeast 發表於 14-11-27 13:26
或許我太多e心，會不會賠左就=accept 左個liability 咁之後有乜頭暈身興都入你數。
不過點都好，問清楚小 ...
Totally agree with you!
作者: Jane1983 時間: 14-11-27 14:22
本帖最後由 Jane1983 於 14-11-27 16:43 編輯
回覆 sweethoho 的帖子
講得對，擦傷少少(老師第二日先打比家長，應該係輕的)，就走去睇醫生，仲向你索償，係都應該係比較難搞的家長，無謂直接對話。
作者: ww08423 時間: 14-11-27 14:30
如果在校內受傷, 係唔係可以claim學校保險
作者: kingkingxoxo 時間: 14-11-27 15:29 標題: 引用：+本帖最後由+kenwong888+於+14-11-27+13:46
原帖由 kenwong888 於 14-11-27 發表
本帖最後由 kenwong888 於 14-11-27 13:46 編輯
如果真係孩子唔啱，可叫孩子給對方畫畫或寫咭道歉，但錢真係唔好俾，唔合理
作者: Yanamami 時間: 14-11-27 15:55
我想知唔理佢会有乜後果,老師都無即時call你唔会好大件事吧~唔知会唔会去照腦,然後claim你錢呢?
作者: dsedse 時間: 14-11-27 16:21
本帖最後由 dsedse 於 14-11-27 16:32 編輯
(我估學校己傳達賠償的要求。學校唔會再有意見。)
朋友的孩子在學校附近玩,其中一個跌倒,滿口血,是意外大家都唔想.另一個朋友的孩子學校玩,撞跌同學眼鏡.對方家長要個配新的,約過千元,朋友不肯,最後不了了之, 件事如嚴重,應立刻看政府急症,照Ｘ光,入院。小朋友不是技安大雄最好,就要提以後小心玩,真是小小事件.
作者: hadwinboy 時間: 14-11-27 21:25 標題: 引用：或許我太多e心，會不會賠左就=accept+左個l
原帖由 MrBeast 於 14-11-27 發表
或許我太多e心，會不會賠左就=accept 左個liability 咁之後有乜頭暈身興都入你數。
不過點都好，問清楚小 ...
小朋友玩起上來，誰是誰非難判斷，有可能是對方出手先而你小朋友還拖把對方推跌了..又或他們玩你抱我我抱你諸如此類... 如我是你，我會通過學校約對方家長見面再傾，到時執生，不過會客客氣氣，但不會輕易賠錢。
作者: Hiu_Yau 時間: 14-11-27 21:41 標題: 回覆：小學受傷事件要邊個比錢？
首先問小朋友，再同老師了解。此終事件在學校發生，無可能在老師不知情況下賠錢了事。如果當日有受傷，該小朋友沒可能不與老師投訴，再前往醫療室檢查。 所以賠錢小問題，但要了解事件，有錯要認，無錯無可能要小朋友食死貓……
作者: sweethoho 時間: 14-11-28 00:40 標題: 回覆：小學受傷事件要邊個比錢？
聽大家咁講, 既然對方有可能是麻煩友, 又好似報警備案, 叫對方驗傷穩陣喎! 
作者: kenwong888 時間: 14-11-28 09:16
sweethoho 發表於 14-11-28 00:40
聽大家咁講, 既然對方有可能是麻煩友, 又好似報警備案, 叫對方驗傷穩陣喎!
...
作者: leungkit1005 時間: 14-11-28 09:55
想問下在什麼情況下，學生受傷或眼鏡手錶被損壞，
而要求賠償才算合理？抑或所有金錢賠償的要求都是不合理？
（純粹詢問）
作者: Jane1983 時間: 14-11-28 10:07
回覆 leungkit1005 的帖子
整爛嘢，責任誰屬？索賠？都係好煩、好傷腦筋和unpleasant的事，處理的過程，好大可能會同老師、家長，甚至校長嘈起上來，甚至搞到報警。
所以，學校都會叫家長千萬不要讓小朋友帶貴重嘢返學校。
作者: leungkit1005 時間: 14-11-28 11:38
咁係咪意外／玩玩下 令人受傷就唔洗賠？蓄意呢就要賠？
但你們講到好似受害人要求金錢賠償係好唔合理咁喎！（純粹詢問）
作者: Jane1983 時間: 14-11-28 12:45
有d事係觀點與角度，好似我小朋友，返學隔個星期就比同組的小朋友拿去eraser，我通常提女要問人攞番，之後買過比佢就算，反正幾元，如是者好多次了。
如果吾好彩遇到怪獸家長，佢可以話你小朋友偷野，更會把事情搞到不合比例甘癲。由于吾知對方什麽人，為保護小朋友，謹慎d好。
作者: BB312 時間: 14-11-28 13:43
本帖最後由 BB312 於 14-11-28 13:43 編輯
一定要問清楚, 好似我個女K3, 俾個不分黑白ga 班主任同一個講大話ga同學屈佢推跌另一個同學，好彩我信我個女，整出真相，還左個女清白
樓主，一定要查清楚！如真係自己小朋友唔啱就道歉，但個人就不會賠錢
作者: little_yolky 時間: 14-11-28 14:24
本帖最後由 little_yolky 於 14-11-28 14:25 編輯
leungkit1005 發表於 14-11-28 11:38
咁係咪意外／玩玩下 令人受傷就唔洗賠？蓄意呢就要賠？
但你們講到好似受害人要求金錢賠償係好唔合理咁喎！ ...
响樓主呢個case, 如果係雙方玩緊, 我係覺得要求賠償唔合理。
唔好話玩玩下, 我家姐個仔開學第一日, 排隊落樓梯時, 就俾個曳同學由後面推咗落去, 頭下腳上咁, 個頭起咗個大樓；我囡囡都試過興趣班同啲姐姐玩抱抱, 姐姐唔夠力, 跌咗佢落地下, 跌傷咗個下巴, 含膿；又試過返學玩大肌肉時, 坐小朋友單車尾, 唔小心小朋友開太快, 西咗我個囡落地, 額頭鼻哥成一直線咗損咗, 含膿again, 唔通又去睇醫生叫人賠。
小朋友只係皮外傷, 唔駛留醫, 好明顯, 個家長係怪獸家長 
作者: Dada3802 時間: 14-11-28 15:05
請問是津校定私校
作者: leungkit1005 時間: 14-11-28 15:39
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收道歉信算了，而不作出任何金錢索償？索償就等於怪獸？（純粹詢問）
作者: CALVEN 時間: 14-11-28 17:11
leungkit1005 發表於 14-11-28 15:39
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...
世界唔係非黑即白,
如果認為有需要咪提出索償,對方賠唔賠又另一件事.
作者: kenwong888 時間: 14-11-28 17:14
little_yolky 發表於 14-11-28 14:24
响樓主呢個case, 如果係雙方玩緊, 我係覺得要求賠償唔合理。
作者: little_yolky 時間: 14-11-28 17:35
leungkit1005 發表於 14-11-28 15:39
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...
(以上純屬個人意見, 不代表EK立場)
作者: Jane1983 時間: 14-11-28 19:00
回覆 leungkit1005 的帖子
如果你講的是欺凌，比人蝦到打傷和打爛個人用品，甘係一件好嚴重的事。
吾係賠償的問題甘簡單，吾係賠左湯药就可以算數，一定要正視，幫小朋友面對和解决，追究到底，令對方吾會再犯。事件性質吾同，大多數學校對bullying都係零容忍的。
作者: fishchow 時間: 14-11-28 21:38 標題: 回覆：小學受傷事件要邊個比錢？
如何係我 比同學家長要求賠錢，我一定唔會立刻比。而會建議對方家長報警驗傷，如果起訴後，個官叫我賠，我就賠。（簡直過哂火，受傷果個 未必係無辜果喎！）:;pppp:
作者: Shangrila 時間: 14-11-28 22:25 標題: 回覆：小學受傷事件要邊個比錢？
我覺得如果要賠錢，呢件事學校應該俾個正式交代你，絶對唔係揾老師傳句話要賠湯藥費咁就算，去到要賠錢，應該至少個學校訓導主任都要見下你，同你講解一下個情況。
如果乜都無，咁樣學校嘅處理方法都有問題。
如果你對學校嘅處理方式有疑問，不如打個電話去你嗰區嘅教育服務處問下好過。
作者: Shangrila 時間: 14-11-28 22:33 標題: 回覆：小學受傷事件要邊個比錢？
可問教育服務處那邊，咁嘅情況，教育局有沒有相關指引，指示校方點處理，唔需要話佢知係邊間學校住，因為一講咗，處方可能就會有電話同校方溝通，到時可能會引起其他麻煩嘢。
作者: hadwinboy 時間: 14-11-29 00:10 標題: 引用：若事情發生在高小，甚至初中，情況會否不一
原帖由 leungkit1005 於 14-11-28 發表
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...
作者: Zoechanhoiyan 時間: 14-11-29 01:09 標題: 回覆：小學受傷事件要邊個比錢？
其實係番對方家長既角度，1）自己小朋友受傷已經好心痛，你自己覺得小事，但唔代表對方覺得少事（自己親生感受大d)
2）小朋友損傷痛或唔舒服，3）仲要自己比錢睇醫生。
即使你賠醫薬費，1）和 2）是不能用金錢改變的，相信對方媽媽都唔想發生
如果3）你都唔賠，即使say sorry,別人無端端有三項被傷害的事
如果真係有推，賠償係基本責任，也是身教，為自己做的行為負責
但是我都覺$500幾太誇張，不如了解點解呢個數,急診$100,係咪私家？有無單，擦傷撞到䐉？
作者: 金毛B媽 時間: 14-12-1 12:36
本帖最後由 金毛B媽 於 14-12-1 12:39 編輯
我又真係未諗過, 小朋友在學校有碰撞, 要找對家賠錢喎....
我仔初小時, 小息既時候, 俾一個小朋友推到去一條柱到, 咁岩個＂失頭哥＂撞左落條柱角，不停流血, 止唔到血, 學校 call 十字車, call 埋家長去學校, 我地去到學校, 救護員幫佢止到血, 但叫我地一定要入院聯針, 救護員話, 如果我地去政府, 起碼排6個鐘, 叫我可以的話, 去私家醫院, 所以我就同仔去左仁安, 聯針聯左4千幾, 計埋覆診, 拆線, 修口又爆過, 計計埋埋都要5千幾喎......
我真係無諗過要 claim 番同學仔, 原來有得可以咁, 我真係唔知......
不過我覺得小朋友推推撞撞, 唔小心, 在所難免, 如果要人賠償, 又唔係幾好喎
事後, 我知學校又跟進, 找出真兇, 叫個小朋友同我仔 say sorry, 同埋有罰個小朋友, 我覺得學校咁樣好合理呀
作者: little_yolky 時間: 14-12-1 13:02
金毛B媽 發表於 14-12-1 12:36
我又真係未諗過, 小朋友在學校有碰撞, 要找對家賠錢喎....
我仔初小時, 小息既時候, 俾一個小朋友推到去一 ...
我問過囡囡, 片咗佢落車個男仔見佢塊面損咗, 都嚇到面都青埋, 佢都要定定驚, 咪算囉。
作者: Jane1983 時間: 14-12-1 13:22
見到大家分享，我都講吓其實我個女讀K都有比其他小朋友整傷過，一條大血痕，老師在學校消了毒，我地無睇醫生，亦無追問邊個同學。
所以到而家，都好怕收到學校電話。老師吾會打黎讚你仔女叻，實吾方好野。
作者: rean_chau 時間: 14-12-1 23:39 標題: 回覆：小學受傷事件要邊個比錢？
岩岩先係公海見到有家長話小朋友比人畫花左件衫，應唔應該叫佢賠。其實真係有啲人對錢睇得好緊，佢未必係諗得咁復雜要留後著，而係太直接，覺得比人推親要睇醫生。我覺得唔駛講到報警咁大件事，以後仔女仲要係度讀書架。如果因為咁搞大件事以後啲老師點睇你仔女？唔需要因為一時之氣而作反擊。同學校商量，到底學校機制係點樣，以往係點處理？了解左先啦！
作者: 阿Yan 時間: 14-12-2 09:36 標題: 回覆：小學受傷事件要邊個比錢？
如何對方平時都常欺負人, 即是沒有跟他玩, 他都會主動攻擊人呢? 若孩子在這情況下受傷, 你會報警或提出要賠償嗎?(純粹討論下)
作者: little_yolky 時間: 14-12-2 10:44
阿Yan 發表於 14-12-2 09:36
如何對方平時都常欺負人, 即是沒有跟他玩, 他都會主動攻擊人呢? 若孩子在這情況下受傷, 你會報警或提出要賠 ...
如果我小朋友常被欺負, 我會嚴正同學校交涉, 因為這是欺凌事件, 如果學校唔處理, 我會好清楚咁表示會向教育局投訴, 如受傷更會報警跟進, 但唔會考慮賠償問題。
大部份學校都唔可能容許欺凌事件的, 小朋友又唔係校董個仔, 包庇佢做乜啫, 係咪?
作者: 阿Yan 時間: 14-12-2 16:16 標題: 回覆：little_yolky 的帖子
贊成這做法。雖然現實中很多學校都希望被欺凌而受傷小朋友的家人息事寧人, 但家長都應鄭重地請校方好處理, 以及報警。報警是要令校方和對方家長認清事件嚴重性, 同時備案, 保留追究權利(少少傷我不會要求賠償, 但嚇下對方也好, touch wood有甚麼長手尾, 亦真的可向對方索償, 讓對方負責任。)
至於, 小朋友一齊玩時不小心受傷的話, 就絕不會要求賠償。只能教導小朋友以後小心點。如果因為玩得太癲, 我會提他們以後要適可而止。
作者: vincher 時間: 14-12-2 19:00
咁我算几好人了！
儿子小二被高年级同学chok甩手腕，
冇追究！
人家都唔想la,细佬仔，佢都受驚，
自己果仔都一定玩到顛！
作者: bibitom 時間: 14-12-3 00:33 標題: 引用：咁我算几好人了！儿子小二被高年级同学chok
原帖由 vincher 於 14-12-02 發表
咁我算几好人了！
儿子小二被高年级同学chok甩手腕，
冇追究！
作者: little_yolky 時間: 14-12-3 09:28
bibitom 發表於 14-12-3 00:33
我囝囝前幾日放學時俾個有過渡活躍症的同學仔用書包整到隻脚腫哂黑左一大噠，即場喊左，夜晚同我講，我仲插 ...
不過, 你囝囝唔係學功夫的嗎, 真係點解避唔到? 佢近來好啲未? 考試仲有無玩嘢?
作者: bibitom 時間: 14-12-4 03:34 標題: 引用：Quote:bibitom+發表於+14-12-3+00:33+我囝
原帖由 little_yolky 於 14-12-03 發表
唔好話佢啦, 佢都咁慘了。
佢考試第一日玩野，之後正常。第一日中文得六十幾分，其它 ok 啦
作者: meowymeowy 時間: 14-12-10 20:09 標題: 回覆：小學受傷事件要邊個比錢？
你應該contact 教育局，學校不可以這樣左手交右手的。
作者: cowmoon 時間: 14-12-10 22:22
本帖最後由 cowmoon 於 14-12-10 22:24 編輯
回覆 meowymeowy 的帖子
我也覺得責任主要在學校，如果是有 liability 都是學校(老師）的疏忽引起的。你可以當聽左算數，如果老師真係追（我覺得機會不大），你可以問洗唔洗經校長處理呢？洗唔洗報警呢？現在的處理手法（學校發生的意外，不在場的家長私下解決）好似有點唔 appropriate 呢。
| 歡迎光臨 教育王國 (/) |
Powered by Discuz! X1.5 |