教育王國

標題: DELETE [打印本頁]

作者: 神筒 時間: 14-11-13 02:41 標題: DELETE

本帖最後由神筒於 16-7-16 03:42 編輯

DELETE

作者: gg33 時間: 14-11-13 08:13 標題: 回覆：神筒的帖子

轉新校的原因係?

作者: ozduckie 時間: 14-11-13 08:30 標題: 回覆：如小朋友本身係超細仔，讀緊九龍塘迦南k2

大仔依家响迦南讀成點？跟到進度嗎？如果大仔依家讀得開心，跟到進度，我唔會俾佢repeat K2。除非佢依家覺得好吃力，跟唔上。
我唔會單單為左英普而轉校，我會寧願同佢出面報普通話堂。k2 小朋友已經好懂事，要顧及佢讀得開唔開心。
細b未必係差的。我大仔都係細b讀緊k2, 但老師話佢讀得好過d大b.

作者: 神筒 時間: 14-11-13 09:10 標題: 回覆：gg33 的帖子

1）在屋企附近，可行路返學！
2）英普班，外籍班主任，全日英普對話，我諗住對佢考英文小學有幫助！

作者: 神筒 時間: 14-11-13 09:16 標題: 引用：大仔依家响迦南讀成點？跟到進度嗎？如果大

原帖由 ozduckie 於 14-11-13 發表
大仔依家响迦南讀成點？跟到進度嗎？如果大仔依家讀得開心，跟到進度，我唔會俾佢repeat K2。除非佢依家覺 ...

都無乜特別，返學都開心！
但因為我仲有個細仔，讀緊n班，都被取錄咗K1英普班，所以細仔肯定會轉校的！
我又想兩兄弟一起返同一學校！

作者: 神筒 時間: 14-11-13 09:21 標題: 回覆：如小朋友本身係超細仔，讀緊九龍塘迦南k2

如果轉校讀K3，我諗學術無乜問題，因為迦南學術都唔錯，但我擔心大仔應付唔到聽同埋講k3英文！

作者: 神筒 時間: 14-11-13 09:35 標題: 引用：大仔依家响迦南讀成點？跟到進度嗎？如果大

原帖由 ozduckie 於 14-11-13 發表
大仔依家响迦南讀成點？跟到進度嗎？如果大仔依家讀得開心，跟到進度，我唔會俾佢repeat K2。除非佢依家覺 ...

如果直接讀k3，你認為點呢？thanks！

作者: IRK 時間: 14-11-13 09:42 標題: 回覆：如小朋友本身係超細仔，讀緊九龍塘迦南k2

樂沛兒與樂基同一校監及同一公司投資，我嘗試以樂基家長及觀察親友同年小朋友在迦南的學術作比較給你參考(兩位小朋友已k3)。樂基的語境好好，讀英普的話兩語的聽講完全冇問題，但讀寫要自己跟得好充或外補，數學開始進度好快，同樣要自己跟足及外補，但小朋友有好多present機會，對考小一有幫助。迦南未加深課程前讀寫已經比樂基深，現在只有更深，但應該冇根德咁深(我細的在kv讀k1)。坦白，兩位小朋友都有外補，如果以考小一結果，暫時我家小朋友還好，但親戚小朋友暫時没有收穫。但考小一存很多其他因素，包括性格及家庭教育，學校的影響其實很少。考小一看你心儀那些學校，大部份一線用廣東話考，二線會考廣東話及英文，少部份考埋普通話。如果說為應付考小一，多閱讀反而有用，因有些學校的題目包括句子找錯處，是preposition等gramma mistake, 只有多閱讀的小朋友by common sense才會識。老實，我仔告訴我時我也嚇一跳。希望幫到你。

作者: 神筒 時間: 14-11-13 10:01 標題: 引用：樂沛兒與樂基同一校監及同一公司投資，我嘗

原帖由 IRK 於 14-11-13 發表
樂沛兒與樂基同一校監及同一公司投資，我嘗試以樂基家長及觀察親友同年小朋友在迦南的學術作比較給你參考( ...

多謝你意見！
你小朋友是由k1讀到K3嗎？
即k1已經响學校要全程講英文？

作者: NICOLE123 時間: 14-11-13 12:08 標題: 回覆：如小朋友本身係超細仔，讀緊九龍塘迦南k2

轉去—間全新的学校太冒險了！！

作者: IRK 時間: 14-11-13 15:06

我大仔係N1讀到K3，N1已經全英及普通話，英語應對他沒問題，反而普通話一聽就發脾氣（入學前，我們一點普通話也沒同他講，入學後才在閱讀中文書時變普通話時段）。不過下學期他已經習慣聽普通話，K1已經可以上堂用普通話說出自己的要求，這便是語境的訓練。不過為了配合考小一，K2開始要用廣東話和他閱讀，有一段痛苦的時間，但經過一年，他現在廣東話及普通話朗讀也沒問題了（間中一些字只識普通話）。

作者: acepno 時間: 14-11-13 17:12 標題: 引用：樂沛兒與樂基同一校監及同一公司投資，我嘗

提示: 作者被禁止或刪除內容自動屏蔽

作者: 神筒 時間: 14-11-13 17:51 標題: 引用：我大仔係N1讀到K3，N1已經全英及普通話，英

原帖由 IRK 於 14-11-13 發表
我大仔係N1讀到K3，N1已經全英及普通話，英語應對他沒問題，反而普通話一聽就發脾氣（入學前，我們一點普通 ...

如果K3先開始全英語普通話語境學習，會唔會好難適應呢？

作者: IRK 時間: 14-11-13 21:08 標題: 引用：Quote:原帖由+IRK+於+14-11-13+發表樂沛兒

原帖由 acepno 於 14-11-13 發表
may i ask which hkps u are referring to?

九龍塘

作者: IRK 時間: 14-11-13 21:10 標題: 引用：Quote:原帖由+IRK+於+14-11-13+發表我大仔

原帖由神筒於 14-11-13 發表
如果K3先開始全英語普通話語境學習，會唔會好難適應呢？

不知你的小朋友底子，如果完全冇，可能困難點。但越早學越好，如果兩文三語你的培養目標的話。

作者: 神筒 時間: 14-11-13 22:30 標題: 引用：Quote:原帖由+神筒+於+14-11-13+發表如果K3

原帖由 IRK 於 14-11-13 發表
不知你的小朋友底子，如果完全冇，可能困難點。但越早學越好，如果兩文三語你的培養目標的話。

...

Thanks！
我要好好考慮吓先得！😊

作者: 天悅 時間: 14-11-13 23:31 標題: 引用：樂沛兒與樂基同一校監及同一公司投資，我嘗

原帖由 IRK 於 14-11-13 發表
樂沛兒與樂基同一校監及同一公司投資，我嘗試以樂基家長及觀察親友同年小朋友在迦南的學術作比較給你參考( ...

請問你覺得樂基與kv,哪一間好些？

作者: IRK 時間: 14-11-14 09:06 標題: 引用：Quote:原帖由+IRK+於+14-11-13+發表樂沛兒

原帖由天悅於 14-11-13 發表
請問你覺得樂基與kv,哪一間好些？

視乎家長的要求及小朋友的性格。hkps的語境好，雙語聽講沒問題，但讀寫自己跟，kv學術好，雙對語境便稍遜。大囝k1時有kv的offer,我們按他的性格把他留在hkps。妹妹n1跟哥哥在hkps,我們也是按她的性格轉kv。沒有完美的學校，只有合適與否以及在取捨中家庭用甚麼資源去彌補不足。

作者: klm402 時間: 14-11-14 09:16

IRK 發表於 14-11-14 09:06
視乎家長的要求及小朋友的性格。hkps的語境好，雙語聽講沒問題，但讀寫自己跟，kv學術好，雙對語境便稍遜。 ...

我同你情況差唔多, 大女讀緊KV, 細仔讀緊HKPS, KV學術好, 教學系統好, 一步一步由淺入深. HKPS暫時睇英文比中文強.

作者: IRK 時間: 14-11-14 09:21 標題: 引用：Quote:IRK+發表於+14-11-14+09:06+視乎家長

原帖由 klm402 於 14-11-14 發表
我同你情況差唔多, 大女讀緊KV, 細仔讀緊HKPS, KV學術好, 教學系統好, 一步一步由淺入深. HKPS暫時睇英文比 ...

如果你打算細仔留在hkps的話，讀寫真的要自己跟足一點，你用kv那一套應該夠應付(我好友的孩子在kv的k3, 所以她的syllabus我也了解)。

作者: klm402 時間: 14-11-14 09:25

IRK 發表於 14-11-14 09:21
如果你打算細仔留在hkps的話，讀寫真的要自己跟足一點，你用kv那一套應該夠應付(我好友的孩子在kv的k3, 所 ...

其實真好難決定, 細仔考到入HKPS真好開心. 而KV又係一間難能可貴既學校, 我都要爭扎如果細仔考得返入KV, 到底應唔應該比佢轉. 但確好唔捨得HKPS呢個位. KV要求家長既投入肯定比HKPS少, 確切真係唔知應該點樣去取捨.

作者: IRK 時間: 14-11-14 10:05 標題: 引用：Quote:IRK+發表於+14-11-14+09:21+如果你打

原帖由 klm402 於 14-11-14 發表
其實真好難決定, 細仔考到入HKPS真好開心. 而KV又係一間難能可貴既學校, 我都要爭扎如果細仔考得返入KV, 到 ...

按性格決定。大囝性格怯懦怕事，我們為免他適應新環境，亦想他在小班中得到多點關顧決定放棄kv。也是經歷一番爭扎，很多朋友反對。細女性格很進取，也熱愛學習，自動波要求練習紙，所以嘗試轉她去kv繼續自動波，因為帶大囝已勞心勞力。

對不起樓主，好像説了太多題外話，最後一post。

作者: klm402 時間: 14-11-14 10:46

IRK 發表於 14-11-14 10:05
按性格決定。大囝性格怯懦怕事，我們為免他適應新環境，亦想他在小班中得到多點關顧決定放棄kv。也是經歷一 ...

我反而覺得hkps好似係比較out going性格既小朋友0岩讀, kv就係會坐定定個種.
所以女女係kv讀好0岩, 因佢確可以坐定定學習既人. 而細仔就係基於男仔既基因而中意周圍札札跳, 所以我想緊kv呢種形式會唔會唔0岩佢.

作者: klm402 時間: 14-11-14 10:47

IRK 發表於 14-11-14 10:05
按性格決定。大囝性格怯懦怕事，我們為免他適應新環境，亦想他在小班中得到多點關顧決定放棄kv。也是經歷一 ...

係wor. 好似騎劫左樓住個post, 不好意思.

作者: IRK 時間: 14-11-14 14:24 標題: 引用：Quote:IRK+發表於+14-11-14+10:05+按性格決

原帖由 klm402 於 14-11-14 發表
係wor. 好似騎劫左樓住個post, 不好意思.

若想再交流互相pm

作者: 神筒 時間: 14-11-16 12:53 標題: 引用：Quote:IRK+發表於+14-11-14+10:05+按性格決

原帖由 klm402 於 14-11-14 發表
係wor. 好似騎劫左樓住個post, 不好意思.

唔緊要，我都想學多啲野！

作者: purin18 時間: 14-11-16 15:06

本帖最後由 purin18 於 14-11-16 15:12 編輯

回覆 IRK 的帖子

希望樓主唔好介意，因我又系徘徊系樂沛兒，金巴倫到迦南，及樂基。我的bb是男仔細b，現報緊pn班，迦南及樂基未interview，但好想聽聽大家意見！

我想選一間小班教學，活動教學，不能太淺怕應付小一及難考小一（九龍區黎講，什麼小一都難考）。我重視中英語文，普通話是其次。本人小學時，學了2-3種其他語言，覺得學語言一定要“活學活用”先可以！母語的理解及認識是基礎，非常重要，所以我選擇了主流班。及考小一大部分學校都是用廣東話。

樂基我喜歡因小班教學，對細b一定好些。但我知機會很微。

迦南好像平均d，知道系happy school，但怕太淺。

樂沛兒系一間新校。開辦此校的團隊是很有經驗。中文用書：pearson 出版，英文是Cambridge express 及有 readers (學校好似會安排考cambridge open exam添），而phonics 是Letterland，學費 $4500-$5000/ 1個月。用書及學費方面是非常吸引！好像好過其他一線，標榜英文強的學校！雖然讀一間新校是很冒險！但正因為新校，他們一定比心機辦好間學校，口碑對他們是非常重要！當然，老師如何教小朋友，有無經驗，我真的不知道，而家長是更關注！有時想想。。。其他歷史悠久的學校都不擔保你的bb遇到好好的老師，都是彩數成分。不好意思，講多了此校，因此校已有offer。

希望同大家交流下！

作者: purin18 時間: 14-11-16 15:30

回覆神筒的帖子

樓主，我覺得你應該比仔仔試下！你放手，比d信心比仔仔。我家姐的bb是細b，宜家升小一，老師都話讀得好過大b添！細b絕對未必差架！

作者: 神筒 時間: 14-11-16 18:01 標題: 回覆：如小朋友本身係超細仔，讀緊九龍塘迦南k2

多謝各位意見，我地決定咗唔需要大仔repeat K2，問吓學校可否收佢K3，如果可以，兩個仔一齊轉去呢間新校，而家反而擔心佢K3有無班！

作者: 天悅 時間: 14-11-16 19:17 標題: 引用：+本帖最後由+purin18+於+14-11-16+15:12+編

原帖由 purin18 於 14-11-16 發表
本帖最後由 purin18 於 14-11-16 15:12 編輯

回覆 IRK 的帖子

其實當你in完不同的學校，自會有不同的體會。有時候好奇怪，一些標榜兒童為本的happy school 都可以考得好深；有些名校的老師又可能樹大有枯枝，無乜愛心。況且都係等到有offer 先想啦

作者: purin18 時間: 14-11-16 20:03

回覆天悅的帖子

You are right! 去完york簡介會就唔鐘意呢間學校！都係interview時親身感受先！可能到時即刻有答案了！ Thanks!

作者: IRK 時間: 14-11-17 08:42 標題: 引用：+本帖最後由+purin18+於+14-11-16+15:12+編

原帖由 purin18 於 14-11-16 發表
本帖最後由 purin18 於 14-11-16 15:12 編輯

回覆 IRK 的帖子

由於樓主大方唔介意，那麼我再回應多少少，但只是我個人經驗，其他家長可再作添補。

單看樂沛兒的用書，與樂基不盡相同。中文用書和kv同一個出版社，樂基雖然有Cambridge 興趣班自己選報，但英文卻以phonics為基礎(我個人不喜歡Cambridge那套，但由於篇幅有限，有機會再分享)。Reading scheme是每星期一中一英，我只可比較kv及cannon,這方面我個人比較喜歡hkps的模式。我仍未查出樂沛兒是否與hkps同一校長(hkps n pods 係同一個校長，形式也很相似)，可能辦學重點會有所不同，樓主要留意。

至於cannon, 仍是學卷前已比hkps深，現據聞變得更深。

其實間間幼稚園也是happy school, 即使kv, 我細女同朋友d細路也天天開心返學，即使有assessment，家長不過度緊張，小朋友讀邊間也很happy。

至於英普，要看小朋友語言能力。bb期我覺得大仔聽講能力ok, 便嘗試英普，n1那一年也密切留意他，亦曾考慮轉英粵，但問了班主任及自己的普通話老師，也建議給他多點時間，一年內他由零至聽講簡單指令，我已滿足了。當然為了考小一, k2開始我們家裡由中文全普通話閱讀改成全廣東話，他也有一段tough time, 但由於我們讓他母語為廣東話，他很快適應了。舉例，我親友在迦南同年的小朋友k1比我大仔識更多中文字，加上她有看本地電視，她說話的能力當時比我大仔好，但我是一個瘋狂的book lover, 不甘兒子不喜閱讀，所以瘋狂買書(我家中的幼兒書量應該比很多幼稚園多，連老公也曾出禁制令買書)，可能日子有功，兒子升k3summer忽然開曉，現在他的中英文閱讀能力已不俗，而且提升得很快，因他會自己随手拿書看(他原本是book hater bb)。
所以仍舊那一句，考入甚麼學校要相信上天(神)，但家庭的培養比學校重要得多。

作者: purin18 時間: 14-11-17 10:27

回覆 IRK 的帖子

Thanks for your comment! 閱讀都係我重視，咁呢方面似乎hkps比cannan及kv好d？
單看樂沛兒都唔錯，衣家唔知校長係邊位，老師有冇工力well use and teach 呢套教材，cambridge express呢套書都几深……等我去理open day再了解下先！

作者: IRK 時間: 14-11-17 11:33 標題: 引用：回覆+IRK+的帖子 Thanks+for+your+comment

原帖由 purin18 於 14-11-17 發表
回覆 IRK 的帖子

Thanks for your comment! 閱讀都係我重視，咁呢方面似乎hkps比cannan及kv好d？

Reading scheme 方面，hkps的一星期一中一英是天天要帶回校，全班分3組，輪流上主題課，一組中，一組英，餘下是自由組，老師鼓勵他們在自由時段讀那兩本assigned書，星期五老師會伴讀及comments，滿意便轉書，n班冇要求，k1開始自己讀，k2要認到書中單字，k3由於大囝開曉了，在家自己會讀，我冇跟老師評語好好。kv兩星期左右派3本書，留在家自己看，兩星期左右交還再轉書，老師唔跟。迦南用圖書教學，自己再找書做閱書報告。其實現今間間幼稚園也著重閱讀，只看怎樣實行。對於我家中已有大量圖書及已定時定量伴讀而言，個人覺得hkps的做法最合適自己。

作者: purin18 時間: 14-11-17 11:45

回覆 IRK 的帖子

I like hkps arrangement too! 一步一步帶個小朋友有閱讀習慣。 For KV and Cannan, kid is so small, just give them the story book is not much useful, not much follow up....unless parent read with them together at home...

作者: IRK 時間: 14-11-17 12:43 標題: 引用：回覆+IRK+的帖子 I+like+hkps+arrangement

原帖由 purin18 於 14-11-17 發表
回覆 IRK 的帖子

I like hkps arrangement too! 一步一步帶個小朋友有閱讀習慣。 For KV and Cannan, kid ...

其實也視乎孩子的性格，大囝是book hater, 勞心勞力到k3才見曙光，細女是book warm, 從開始識坐便拎住本書自言自語扮我平時伴讀，而家k1晚上唔伴讀發脾氣扭計。如果小朋友係後者，也不用學校花時間配合，所以我轉她去kv, 煩少個

作者: purin18 時間: 14-11-17 13:12

回覆 IRK 的帖子

作者: 阿早! 時間: 14-11-17 13:37

我都好鐘意HKPS的READING SCHEME, 真係有時, 唔迫家長係唔會同佢讀書(hkps因為會有comment, 有簡單assessment, 唔識係要重讀, 所以自己會緊張同佢讀). 一星期兩本書, 我同兒子天天讀, 開頭係有點辛苦, 但耐左佢自己都知每日都要讀/睇書, 有時星期六日我地無讀, 佢會主動話睇書啦.

一年過後, 雖然我未覺得小兒係好喜歡睇書小朋友但佢一定係知道亦習慣讀書呢回事.

作者: 神筒 時間: 14-11-17 14:04 標題: 回覆：如小朋友本身係超細仔，讀緊九龍塘迦南k2

真係好多謝你地嘅回覆，令我個腦清晰咗好多！

歡迎光臨教育王國 (/)