教育王國

標題: 如何讓小一生自行閱讀 [打印本頁]

作者: lucky^^star 時間: 14-9-6 10:59 標題: 如何讓小一生自行閱讀

剛升上小一生, 尚未能完全自行閱讀, 只愛看圖, 不愛看/記字, 試過一頁一句式的圖文故事書重覆伴閱2-3次, 可是小朋友很快就覺悶, 要讀其他的, 是否小朋友有不夠專注的問題? undefined

小學各科作業大部份都是文字題, 作為家長, 希望小朋友早日學會自行閱讀, 認識多些文字, 從而有能力閱讀題目,理解如何做功課.
請教各位有經驗的家長,有哪些中文/英文書推介, 或有什麼閱讀方法/技巧, 可以提點一下? Thanks!

作者: mansum92 時間: 14-9-6 12:23 標題: 回覆：如何讓小一生自行閱讀

小一讀一頁一句會覺得悶好正常。我仔小一讀老鼠記者，小二讀大偵探福爾摩斯。小一讀老鼠記者是整個series睇，中文又睇英文又睇，每晚讀半小時，最初我讀，之後一人讀一句，再之後一人一段，最後就可以自己睇了。每本用字相似，可加強記憶，又是全新故事，唔會悶。

作者: Carsonshum 時間: 14-9-6 12:59 標題: 回覆：如何讓小一生自行閱讀

要從伴讀開始，阿女都是小一，由於K2
時開始伴讀，現在自己感到無聊便拿著英文書朗讀，所以伴讀過程必不可少!

作者: Carsonshum 時間: 14-9-6 13:00 標題: 引用：小一讀一頁一句會覺得悶好正常。我仔小一讀

原帖由 mansum92 於 14-09-06 發表
小一讀一頁一句會覺得悶好正常。我仔小一讀老鼠記者，小二讀大偵探福爾摩斯。小一讀老鼠記者是整個series睇 ...

叻仔!

作者: sora2013 時間: 14-9-6 15:35

我唔讀GA...

慢慢就自然識字...費事迫佢地

作者: jswailam928 時間: 14-9-6 21:02 標題: 回覆：sora2013 的帖子

我都係由k2 伴讀，而家小二都要我讀比佢聽，

叫佢自己睇啦，佢話媽媽讀得好d 喎，激死！我都想佢自己睇

作者: kcpak 時間: 14-9-6 21:35

我最少每星期帶佢去一次圖書館,任佢地自己睇或者玩,漸漸佢地就坐定定自己睇了~

作者: lucky^^star 時間: 14-9-9 13:29

回覆 mansum92 的帖子

謝謝各位的回覆!

其實我系由K2已開始伴讀, 我小朋友就是一直依賴我讀, 佢"聽"+"睇"圖. 好像不太吸收太多字/或沒記入腦?

我想找方法令佢可以漸漸記認到字, 自己睇+讀.

作者: hadwinboy 時間: 14-9-9 23:50 標題: 回覆：如何讓小一生自行閱讀

學校閱讀風氣如何？受同學仔影響快過你伴讀。

作者: MrBeast 時間: 14-9-10 06:32

lucky^^star 發表於 14-9-9 13:29
回覆 mansum92 的帖子

謝謝各位的回覆!

咁佢係認到字但現時方法好慢和悶or 好多字都記唔到所以未能自己讀？

作者: longlokma 時間: 14-9-10 07:41 標題: 回覆：如何讓小一生自行閱讀

初階段試同孩子輪流一人讀一段或一章，次階段试輪流各自看一章，然後互相告訴情節发展，到階段三则只和孩子伴讀書的首一、兩章，然後扮忙叫孩子自己看完成后告訴你大概內容及结局(只是大概就ok, 不要令孩子感到你在考核他而產生壓力)，若孩子以上階段均成功，便可正式進入独立阅讀的階段了！

作者: Yanamami 時間: 14-9-10 08:09

其實認字呢。。。除書本外，身邊周圍都喺字（餐牌、路牌、廣告牌、食物標籖、說明書。。。etc），睇他鍾意食定喺玩，總有機會教字。他識字到一定數量，自然有興趣自己讀。

作者: little_yolky 時間: 14-9-10 12:38

Yanamami 發表於 14-9-10 08:09
其實認字呢。。。除書本外，身邊周圍都喺字（餐牌、路牌、廣告牌、食物標籖、說明書。。。etc），睇他鍾意 ...

係, 我囡囡鐘意食雞, 一次响街, 有鋪頭有雞字, 佢即係指住話：媽咪, 我想食雞, 果度有。

作者: nillnill 時間: 14-9-10 21:27 標題: 回覆：Yanamami 的帖子

我小朋友鍾情巴士，由巴士燈牌開始，玩到巴士站個牌各站名字，再到巴士站其他巴士路線各經過巴士站名。舉一反三。識唔少字。由興趣入手。

作者: wan_sosin 時間: 14-9-10 23:05

Yanamami 發表於 14-9-10 08:09
其實認字呢。。。除書本外，身邊周圍都喺字（餐牌、路牌、廣告牌、食物標籖、說明書。。。etc），睇他鍾意 ...

我個仔個興趣都幾特別,鍾意記人名,睇名冊,問我邊個邊個同學名點寫,佢仲會記邊個國家總統名,首相名.
所以小一第一日我影低學生個名表，否則我答佢唔到邊個名又唔高興．

但因為咁，佢都識多唔少字．

作者: littlefaith 時間: 14-9-10 23:11

由小朋友BB開始，爹地媽咪每晚攞書同小朋友講故事，久而久之小朋友就自然會鍾意睇書。

作者: yankisam 時間: 14-9-11 12:46

longlokma 發表於 14-9-10 07:41
初階段試同孩子輪流一人讀一段或一章，次階段试輪流各自看一章，然後互相告訴情節发展，到階段三则只和孩子 ...

初階時, 可以玩角色扮演, 由小朋友讀喜歡角色的對白,讀下讀下, 你會發現小朋友會包辦書中所有可愛角色的對白. 都幾好玩. 不過唔知對小一生work唔work.

作者: haihaimom 時間: 14-9-11 13:38 標題: 回覆：yankisam 的帖子

work,我仔小一時都有噤玩。我覺得小一未必需要噤心急要佢自己閱讀，同佢一齊睇，玩吓role play,佢閱讀能力增强時，就會嫌你阻住佢睇，要自己睇……我重好enjoy同佢一齊睇架，不過佢話不如等我睇完再陪你番睇……

作者: lucky^^star 時間: 14-9-15 11:40

回覆 haihaimom 的帖子

謝謝各位不錯的提議呀!

我會找機會從日常生活, 尢其有興趣的事埋手, 慢慢教小朋友識字.

等佢吸收到並認到多D字, 自行閱讀的日子就不遠矣...

作者: Yanamami 時間: 14-9-15 11:51

好似有d拆字遊戲卡，可以同小朋有玩下。一學就學到幾個字/詞，e.g.（亁）燥、噪（音）、（洗）澡、操（場）。。。

作者: yanyan6 時間: 14-9-16 01:20

lucky^^star 發表於 14-9-6 10:59
剛升上小一生, 尚未能完全自行閱讀, 只愛看圖, 不愛看/記字, 試過一頁一句式的圖文故事書重覆伴閱2-3次, 可 ...

我仔小二,
小一冇參加好後悔
今日派回條,
比家長回學校一袋書咁借,一袋有中有英,借2星期
我仔以為係老師指定媽媽陪讀
咁我就好做了
希望伴讀成功

歡迎光臨教育王國 (/)