教育王國
標題: 想請教 [打印本頁]
作者: mybabycullen 時間: 14-8-7 11:30 標題: 想請教
本帖最後由 mybabycullen 於 14-11-18 11:22 編輯
睇左好多大細b入小学既資料，及前輩既剖釋，加上小学競爭激烈，我打算比bb遲一年先入小学（9月龍細b）但今年本應是考k1，將來目標是IB，或重視閱讀多活動既直私，想問有經驗考直私的家長，以下做法那个較好？
1. 今年做超大b報n讀直上
2. 今年做細b照考k1, 下年轉另一間做超大考多次k1
3. 今年homeschool,周圍玩，下年先考k1
4. 今年照考k1, 直去，k3之後一年homeschool再考小学
而我同老公既共識系，一定要令小孩身心發展良好，我地重視順應孩子自然發展。我擔心做錯決定影響佢心理，例如repeat对佢潛在既映响？homeschool比bb更多explore exp,但会否減低入学心儀学校机会,例如学校以為bb發展差先遲入学？等等等等問題。。。希望你們可以給我一些建議，那個方向对孩子心理最好。。。因孩子好叻仔，学野快，系大肌弱小小，但吾差，我好想keep住令佢愛探索，愛睇書，吾催谷佢学術！但我好擔心做錯決定会窒礙佢身心發展，甚至影響升小！感謝各位意見^^
作者: cherryird 時間: 14-8-7 11:54
提示: 作者被禁止或刪除 內容自動屏蔽
作者: millysmum 時間: 14-8-7 11:56
我囡今年升小一，個人認為方法一較可行。當年我囡也超細Ｂ(十二日中)，有多方面都比其他小朋友慢一點，我們為她先安排半年PN插班，待她先適應學校生活，她亦成功考進九龍塘的名幼。K3之後才homeschool我想是萬萬不能，這會減弱她的interview競爭力，尤其是群體遊戲那方面。
作者: NCSH 時間: 14-8-7 12:24
回覆 mybabycullen 的帖子
9月出生不算是細B, 除非進度強差人意先好當細B,
如目標係IB, 可以選啟思小學附屬幼稚園, 佢地都收好多11/12月細B,
可以上埋啟小
作者: phoebewong123 時間: 14-8-7 12:24 標題: 回覆：遲一年入小学
會不會考慮int'l sch
大多數ib
定你心目中想要cky?
其實啟思收9月b都應該不難
作者: little_yolky 時間: 14-8-7 12:26
mybabycullen 發表於 14-8-7 11:30 
睇左好多大細b入小学既資料，及前輩既剖釋，加上小学競爭激烈，我打算比bb遲一年先入小学（9月龍細b）但今 ...
我囡囡係11月底細B, 佢學前顯示好聰明, 但點知做咗細B之後變得好平凡, 可能係幼稚園階段, 差大半年至一年真係差好遠(佢學校專收大B), 一直好平凡, 我都調適咗好耐自己既心理......直至依家讀咗一年小一, 原來佢都真係幾叻的, 小小B要在大大B入面顯得平凡, 甚至中上, 而唔係包尾, 原來係唔易的。上到小學, 差距慢慢收窄, 再加上佢藝術方面表現好出色, 老師有讚無彈, 有咗自信心, 學習方面都有幫助, 叻返。
如果我係你的話, 因為target直資/私小, 咁我會做細B, K3時照考直/私, 唔玩大抽奬(因為唔同一眾龍B硬碰), 如果好彩入咗心儀, 咁咪照做細B囉, 唔得, 就轉一間IS幼稚園/homeschool repeat K3, 用超大B身份考多次直/私, 同埋大抽奬。你check一check入境處資料, 蛇年細路係唔係會少過龍年, 因為好似有JM提出資料, 蛇B多過龍B, 你自己check一check。
作者: Jane1983 時間: 14-8-7 12:37
9月吾算細，so far知道做超大B的，最多係10月，9月應該係比較少的。
作者: MrBeast 時間: 14-8-7 12:44
既然你小孩好叻仔，学野快，咁試下做細B先，大小肌可找些相關的訓練加強
作者: gigayan 時間: 14-8-7 12:46
本帖最後由 gigayan 於 14-8-7 12:47 編輯
9月都算係細B???
既然你倆公婆都想小朋友自然發展, 阿仔表現又甚佳, 根本無需要諗得咁複雜, 龍B應該黎緊9月返PN, 下年返K1, 一路咁上就可以, 除非小朋友發展和其他小朋友有好大差異, 否則點解要repeat?
作者: wan_sosin 時間: 14-8-7 13:03 標題: 回覆：遲一年入小学
9月唔係細B，能力又好，唔洗晒一年時間。使大仔到時大其他小朋友太多，高人成個頭，會比人指指點點，我仔有個同學就係咁，當然你可以話唔介意！
作者: mansum92 時間: 14-8-7 13:50 標題: 回覆：遲一年入小学
試都唔試就覺得自己小朋友做細b唔ok? 我仔仔都係9月b, 上到小學根本冇分別，成績仲非常好
作者: mybabycullen 時間: 14-8-7 14:51 標題: 回覆：遲一年入小学
本帖最後由 mybabycullen 於 14-8-7 17:45 編輯
多謝各位意見！我系度回應返各位，因為我知道其實足齡入学，規管上是放鬆到兩歲八个月，但教育專家意思是足三歲，我亦留意到愈遲入学对小孩發展愈好既報導，九月做大b除適齡外，更是对小孩發展有利。加上蛇比龍人數少一大半，競爭相对小，所以我希望遲一年，可以有更好既根基又可避开龍潮，討厭追追趕趕。而我心底裡最希望是homeschool，享受多一年親子。如果遲一年入小一，換來可以輕鬆享受生活，真正比佢自由同自然既development..很值得，亦吾会嘥時間，賺左年tim。＼
作者: mybabycullen 時間: 14-8-7 14:58 標題: 回覆：遲一年入小学
本帖最後由 mybabycullen 於 14-8-7 17:44 編輯
而我吾会選擇考兩次小学，只会考一次，亦吾会repeat k3，因為我吾系必入某些小学，而且对bb心理会造成壓力。如考不到ib, 入津小亦冇問題，只系希望可以少d功課同校风好,吾想迫佢，而我相信遲一年派位亦会放緩，家長亦吾洗咁緊張。至於如果決定今年照考k，我吾擔心，亦对bb有信心，只系好想反思究竟追追趕趕為乜呢
？
作者: mybabycullen 時間: 14-8-7 15:26 標題: 回覆：遲一年入小学
本帖最後由 mybabycullen 於 14-8-7 17:46 編輯
由forum睇，現實似乎認為，有問題，学習差，跟吾到先会遲入学，希望做教育既可以接受到家長有不同理念。
而bb雖然叻仔，但我吾会谷，所以佢系充滿自信既小靈精。而大細b差異，不論自理，学習，体格上，在幼稚园階段我相信必定存在，但幼兒階段是建立自信重要時間，錯失了難返，我搏吾起。。。
作者: mybabycullen 時間: 14-8-7 15:35 標題: 回覆：遲一年入小学
有次上pg trial, 班入面全部大b兼大大隻.而bb不但細，個子亦長得小小的。bb好开心好雀躍，話有好多哥哥姐姐，當老師説故事後問內容，佢好熱衷要答，不过比其他大b推走左，幸好他没哭，又走返轉頭，一定要老師見到佢指住答案。。才开心的走开
之後茶點，老師問想食既舉手，佢9秒9舉了，不過老師又好似望佢吾到，比左其他人先，睇到佢表情好失望，幸好他有耐性堅持舉几次手呢。我之前見前輩有説，好多老師会留意到大b先，突然心有同感，因為大b的確夠快夠大声，我又諗，如果經歷多几次，又会否因為冇人留意到佢而失去舉手或答題既動力呢？
作者: dlee_ca 時間: 14-8-7 15:46
紙上談兵
作者: gigayan 時間: 14-8-7 16:15
mybabycullen 發表於 14-8-7 15:35
有次上pg trial, 班入面全部大b兼大大隻.而bb不但細，個子亦長得小小的。bb好开心好雀躍，話有好多哥哥姐姐 ...
作者: mybabycullen 時間: 14-8-7 16:36 標題: 引用：紙上談兵
原帖由 dlee_ca 於 14-08-07 發表
紙上談兵
作者: mybabycullen 時間: 14-8-7 17:26 標題: 引用：Quote:mybabycullen+發表於+14-8-7+15:35+
原帖由 gigayan 於 14-08-07 發表
既然想愈遲入學愈好, 又唔介意homeschool, 可以小一先入學, 幼稚園可讀可唔讀, 只要自己理念夠堅定就可以! ...
我講得吾清楚，我吾系抗拒幼稚园，只系不忍心細b條路較難行，知道做大b都系可行既話，倒不如輕鬆d..大家开心，但实際行起上黎又会有好多現實問題不得不面对，所以要請教你們有經驗既家長，但我的確諗得太多了，多謝你地呀，每个回覆对我都有啟發
作者: Jane1983 時間: 14-8-7 17:27
每個家長都可以揀點樣教育自己的仔女，人地的意見都系参考的。
作者: gigayan 時間: 14-8-7 18:21 標題: 回覆：遲一年入小学
既然父母都追求自然發展，又何需考慮龍年的學位問題，不是應該focus返小孩的發展嗎? 小孩如果發展自然，三歲可以應付k1, 又何解要迫他遲一年入學又或考慮repeat的問題？
作者: HaYi 時間: 14-8-7 18:23
其實9月B都幾大, 如果等一年才入K1, 不是比大部份同學大成半歲至1歲, 如果本身己是叻B, 會悶嗎 ? 而且入左小學成日比人大, 心理會有影響?
如不怕此問題, 我會選 1 , 因為大些 interview 一定有利些. 以前我見我自己的仔半年前的interview 同半年後都不同晒人. 另外的方面都有homeschool / repeat 的因素, 我就不太讚同repeat, Homeschool 是可以親子, 但少社交機會, 我覺得對小朋友的發展未必有利.
作者: MrBeast 時間: 14-8-7 19:10
mybabycullen 發表於 14-8-7 15:35
有次上pg trial, 班入面全部大b兼大大隻.而bb不但細，個子亦長得小小的。bb好开心好雀躍，話有好多哥哥姐姐 ...
我之前和不同專業人士傾過大細B問題，全部都建議做大, 其實我都唔明e加d家長咁抗拒大B。
若你一心一意做大，其實都不能掉以輕心，之前有網友shared 過一項research. Turned out 細B的成就比大B高，不過只要你肯栽培你小孩，相信不會有問題的。
另外你在k1尾k2頭 時也一樣可考小一，in case u change ur mind, 有offer 都可以跳一級上小一
作者: sissysze 時間: 14-8-7 20:49 標題: 回覆：遲一年入小学
其實最主要咪都係想避咗唔做龍B. 雖然話叻，但都怕爭唔贏架ma
作者: jaycee_mami 時間: 14-8-7 20:57
本帖最後由 jaycee_mami 於 14-8-7 21:05 編輯
你問專業人士, 十個有十個都會答你做大B好, 但樓主你的情況較特別, 不是普通的大B, 而係超大B, 比較少聽到9月都repeat, 12月repeat就較多.
做超大B都有缺點的, 比人高一大截, 女仔讀男女校仲麻煩, 因為女仔早發育, 高頭大馬被人評頭品足會自卑. 另外, 人地會對超大B的要求和期望會更高, 做得好老師會覺得理所當然, 做得唔夠好甚至比細你年多的細B追過, 內心會有壓力.
作者: fishballbaby 時間: 14-8-7 22:11 標題: 回覆：遲一年入小学
我囝囝也是9月，還要9月尾，真的有需要做超級大大B嗎？你小朋友還是女孩子，到她上中學，比人大咁多，她未必會開心喎！
無錯，初初起步時，好像什麼也不及大B，但上K3後，我又不覺得有什麼追不上，甚至乎K3已經學習小一的課程。
做超級大大B我也有想過，除非，考不到小學、派位派不到好學校、連叩門也叩不到，我便會考多年私小直資小一，做超級大大B，否則我覺得浪費了自己小朋友的時間。
作者: janettsui 時間: 14-8-7 23:50
如果係叻仔 9月做超大B 小心佢會覺得悶 上堂會唔專心 失去學習興趣
我大囡有個同學12月仔做超大B 老師話佢好唔專心 上堂好似發夢咁 寫1-30都會錯 事實唔係佢唔識 而係佢已經識晒 覺得太淺 做尼做去都係尼D野 所以無心機上堂
想多d親子時間 就pn都唔好讀 玩多年 出年先考k
作者: Ming11 時間: 14-8-8 00:47
本人也是龍b家長，也正煩恼紧做大細b既問題。請問哪里知道蛇b比龍b少一大半呢？乃12月b也
作者: Gary_family 時間: 14-8-8 06:33 標題: 引用：睇左好多大細b入小学既資料，及前輩既剖釋
提示: 作者被禁止或刪除 內容自動屏蔽
作者: ckh311 時間: 14-8-8 12:57 標題: 回覆：遲一年入小学
我姪仔係11月B添，都無諗住報遲一年做番大B，我諗原因係同番同年紀嘅小朋友一齊無咁礙眼，同埋佢爸爸媽媽唔係想谷小朋友，最緊要佢開心健康成長。再加上讀書學嘢講到尾都好靠自己，細B都唔代表跟唔上，反觀有好多細B比大B仲醒目添。所以唔使擔心。
| 歡迎光臨 教育王國 (/) |
Powered by Discuz! X1.5 |