教育王國

標題: 你哋啲資優仔女有無焦慮 [打印本頁]

作者: 浩霆豬豬 時間: 14-1-7 23:12 標題: 你哋啲資優仔女有無焦慮

真係覺得好擔心，自從九月開學開始阿仔焦慮越來越嚴重，我帶仔返學，因為學校可以俾家長一齊早會，睇埋小朋友上課室先走，咁我仔一唔見我就去詢問處打俾我，我如果無聽佢會不斷打，就算講咗我係學校，可能同老師傾緊偈佢都會係咁打，

又試過有一輪失眠，10點上床，點幾先瞓得着，第二日仲要返學，問極都無原因。學校旅行第一時間話唔去，因為無咗親子，佢驚自己俾人拐，又驚老師漏低佢。係學校發生小小事都要打俾我，例如：整親隻腳小小，隻手指甩皮等等鎖碎事

我已經去上堂問過個教授，係話佢係焦慮，仲話好多資優生都有唔同程度嘅焦慮嘅。
但係今日佢放學同我講覺得隻腳有嘢梗住佢，話俾老師聽只要一諗就有，唔諗就無，跟住老師勸佢唔好打俾我，佢一放學就同我講，仲話老師話佢係心理作用，直到頭先上床瞓，佢又靜靜雞同爸爸講，我知佢一定胡思亂想，就問佢擔心啲咩，我檢查過又無嘢，又無痛，跟住佢竟然問我佢會唔會之前跌親而家生腫瘤喎！我嚇咗一跳，佢竟然會諗呢啲嘢

我就解釋咩叫腫瘤，再叫佢唔好成日亂諗嘢，我真係好擔心佢，八歲仔已經咁憂慮，幾時擔心到大呀！

你哋有無人有經驗，可以教吓我，開解吓我呀？

作者: lillymarie 時間: 14-1-8 04:49

帶佢睇醫生啦！

作者: 浩霆豬豬 時間: 14-1-8 10:42 標題: 回覆：你哋啲資優仔女有無焦慮

已經叫咗學校安排見心理學家或嘗試轉介精神科，不過要等囉！

作者: breadbb 時間: 14-1-8 12:00 標題: 回覆：你哋啲資優仔女有無焦慮

加油！

我亞仔3歲幾都成日好多野諗無做過任何test!cac跟進緊！佢都有好多焦慮我有時唔知係正常定咩我又唔知問邊個！佢開始問我生死！
有次佢話媽咪我想買呢度比你住我話等你大個仔d先呢度好貴要好多$先買到！咁佢問要幾大個先買到我話起碼三十幾歲佢話咁我70歲先買啦可以買大d!我話你70歲時媽媽多數去左天堂架喇咁亞仔就好擔心問點解你要去天堂唔同我一齊我話人老左就要離開個個人離開個時間都唔同！佢前排好唔開心日日諗住講住我唔想你去天堂！咁當佢唔係a仔唔係資優其實正常點同佢解釋呢方面既問題呢！
佢有排為第二d事好焦慮返親興趣班都喊好驚媽咪唔係身邊寧願點都留係屋企！佢又係隻腳指公成日甩皮佢會好唔開心覺得好痛

作者: lillymarie 時間: 14-1-8 12:54

回覆浩霆豬豬的帖子

要等幾耐？如果要等成年的話，考慮下睇私家先啦。先唔好諗佢資優，好少八歲小朋友會有他那種分離焦慮（成日打電話找妳）。
資優可能加劇他的問題，但亦可以成為他的幫助。因為他的理解力好，好快會從醫生處學懂幫助自己的方法。
但我就不認為他焦慮是因為資優，好多資優孩子都沒有焦慮。應該分開睇。

作者: 浩霆豬豬 時間: 14-1-8 13:16 標題: 引用：回覆+浩霆豬豬+的帖子要等幾耐？如果要等

原帖由 lillymarie 於 14-01-08 發表
回覆浩霆豬豬的帖子

要等幾耐？如果要等成年的話，考慮下睇私家先啦。先唔好諗佢資優，好少八歲小朋友會 ...

已經安排咗三月見醫管局兒情計劃，佢專門幫助小朋友緊張焦慮嘅，私家我問過精神科好貴，今朝同老師傾過覺得未去到咁嚴重，其實我仔大多數情況都正常嘅，係有小小風吹草動就會焦慮

但係我去資院上堂都有其他家長嘅資優小朋友有咁嘅情況喎！同我仔差唔多大㗎！佢仲嚴重啲會喊到嘔

作者: Anniemun 時間: 14-1-8 13:52

浩霆豬豬發表於 14-18 13:16
已經安排咗三月見醫管局兒情計劃，佢專門幫助小朋友緊張焦慮嘅，私家我問過精神科好貴，今朝同老師傾過覺得 ...

去多啲公園，跑跑跳跳啦！生死問題都唔難答，每日有人出生及離世，必然定律，平常心同阿仔講。

作者: lillymarie 時間: 14-1-8 18:16

浩霆豬豬發表於 14-1-8 13:16
已經安排咗三月見醫管局兒情計劃，佢專門幫助小朋友緊張焦慮嘅，私家我問過精神科好貴，今朝同老師傾過覺得 ...

聽妳講以為好嚴重嘛！唔係話無資優小朋友有焦慮，只係話不是個個資優小朋友都有焦慮。有時候我地係因小朋友其它問題，走去評估，因而發現小朋友有資優。

作者: 浩霆豬豬 時間: 14-1-8 19:09 標題: 引用：Quote:浩霆豬豬+發表於+14-1-8+13:16+已經

原帖由 lillymarie 於 14-01-08 發表
聽妳講以為好嚴重嘛！唔係話無資優小朋友有焦慮，只係話不是個個資優小朋友都有焦慮。有時候我地係因小朋友 ...

係呀！我就係因為佢焦慮再加上老師話佢係資優我先去做評估㗎！本來我都出post嘅時候都覺得好嚴重，不過今日問咗老師同兒情計劃社工就放鬆咗小小，可能因為我都有輕微焦慮所以覺得好困擾

點都好，多謝你回覆

作者: sumyau1012 時間: 14-1-9 07:53 標題: 回覆：浩霆豬豬的帖子

我女5歲時，以為係唔專注見健康院醫生，結果醫生話佢有焦慮，叫我排期見精神心理醫生，結果排到7歲，再見精神科，心理學家話佢焦慮已經好左好多，暫時無問題。在這2年間我並不知自己的女兒是資優，我自己睇資料去處理焦慮，處理方法：不要看太多負面的新聞，及將佢焦慮的事情一一解釋和親身試俾佢睇。到左而家7歲發現女心事重重，去做測試，才發現佢係資優。

作者: hobby 時間: 14-1-9 09:58

我個囡4歲, 唔係資優, 但有焦慮, 已排期見兒童精神科, 但要等到2016

我個囡試過跌倒就話整到patpat去唔到VV, 整到手又話痛到不能動, 到最後去埋醫院, 照埋X-ray, 醫生話冇事之後, 特然又話唔係好痛 ... 見到我有白頭髮就喊話唔想我老唔想我死, 都唔知喊過幾多次, 不過佢大多時間都是正常, CAC介紹我下星期上一個workshop(免費), 希望對處理她的焦慮有幫助, 你或者可以再電話問埋, 有邊啲免費的workshop上

作者: 浩霆豬豬 時間: 14-1-9 14:42 標題: 引用：我個囡4歲,+唔係資優,+但有焦慮,+已排期見

原帖由 hobby 於 14-01-09 發表
我個囡4歲, 唔係資優, 但有焦慮, 已排期見兒童精神科, 但要等到2016我個囡試過跌倒就話整到patpat去 ...

係咪就咁打去中大就得㗎！thx

作者: 浩霆豬豬 時間: 14-1-9 14:51 標題: 引用：我女5歲時，以為係唔專注見健康院醫生，結

原帖由 sumyau1012 於 14-01-09 發表
我女5歲時，以為係唔專注見健康院醫生，結果醫生話佢有焦慮，叫我排期見精神心理醫生，結果排到7歲，再見精 ...

我唔俾啲慘嘅新聞佢睇，驚佢亂諗嘢，一見佢有嘢擔心或唔開心就要開解佢，但佢實在太多嘢諗，有時令我好惘然

希望見咗社工會好啲

作者: hobby 時間: 14-1-9 15:09

回覆浩霆豬豬的帖子

我是CAC俾資料及轉介, 可能要打去CAC問

作者: sumyau1012 時間: 14-1-9 15:11 標題: 回覆：浩霆豬豬的帖子

我覺得焦慮要慢慢處理，唔能夠一時三刻可以解決。你要佢見社工，也需解釋點解要見，否則可能又亂諗野，以為自己有病。我去見心理專家，都係解釋人人都要見，只係安排唔同時間見，因為我女會擔心自己係咪有問題。

作者: 浩霆豬豬 時間: 14-1-9 15:33 標題: 引用：我覺得焦慮要慢慢處理，唔能夠一時三刻可以

原帖由 sumyau1012 於 14-01-09 發表
我覺得焦慮要慢慢處理，唔能夠一時三刻可以解決。你要佢見社工，也需解釋點解要見，否則可能又亂諗野，以為 ...

呢個當然要做！我仔一定會諗自己做咩要見社工，正如當日佢去check資優都問長問短，我會話佢聽佢太多嘢擔心，有啲連媽咪都唔識答，所以揾個姐姐幫吓我哋！

作者: sumyau1012 時間: 14-1-10 08:19 標題: 回覆：浩霆豬豬的帖子

你仔仔幾多歲？

作者: 浩霆豬豬 時間: 14-1-10 10:20 標題: 引用：你仔仔幾多歲？ +

原帖由 sumyau1012 於 14-01-10 發表
你仔仔幾多歲？

啱啱12月八歲

作者: sumyau1012 時間: 14-1-10 12:30

回覆浩霆豬豬的帖子

你仔大我女一歲，大家可以交流下。^^

作者: 浩霆豬豬 時間: 14-1-10 15:01 標題: 引用：回覆+浩霆豬豬+的帖子你仔大我女一歲，大

原帖由 sumyau1012 於 14-01-10 發表
回覆浩霆豬豬的帖子

你仔大我女一歲，大家可以交流下。^^

歡迎光臨教育王國 (/)