教育王國
標題: 有OFFER先諗? [打印本頁]
作者: ky201105 時間: 13-11-12 10:34 標題: 有OFFER先諗?
其實只係有感而發, 見好多家長問喱間好定果間好, 總會有好多人出嚟講”有OFFER先諗啦!”
其實, 一個咁o既reply有咩意思? 對作為出帖的家長見到咁o既reply係無幫助, 唔理人地係咪有offer, 出帖就係想問意見, 你咁答, 就好似同人講”你發吓夢先啦~” 可能人地就係諗緊in邊間好呢, 或者人地時間只許可in一間呢? 喺喱度唔洗交代咁多嘢呀? 有意見咪俾lor!
作者: cherryird 時間: 13-11-12 10:50
提示: 作者被禁止或刪除 內容自動屏蔽
作者: poodlema 時間: 13-11-12 10:50
無錯, 當傾下計都得啫。
作者: oooasis 時間: 13-11-12 11:10
最奇怪係,叫人地有offer先諗
但等人地hold住兩個offer來問,又話,唔係報之前做好功課咩,現在先來問。
究竟應該幾時問?
作者: Holam920 時間: 13-11-12 11:21 標題: 回覆:有OFFER先諗
諗in邊間,同in完個人主觀願望間間都收,係兩種問法,同兩種答法,我諗每一年都好多in完 SC同KV,諗簡邊間好,最終無一間收嘅家長,不如收咗先諗!
作者: breadbb 時間: 13-11-12 11:42
同埋其實有d好熱門o既比較你可以search..其實大概會知道一二sc vs kv..一年都唔知有幾多個post問呢個~or sc vs km/ km vs kv/ km vs lh,到真係有offer再開post問大家會更好~~
作者: 剛果公主 時間: 13-11-12 11:55
提示: 作者被禁止或刪除 內容自動屏蔽
作者: yokeeland 時間: 13-11-12 12:13
其實可以先在學校睇資料,認為心儀就報名,在面試時可以實地視察環境和老師和教職員的態度。在收到確認信後,從之前學校給予你的印象,自行決定。
作者: rgalc 時間: 13-11-12 12:55 標題: 引用:其實只係有感而發,+見好多家長問喱間好定果
提示: 作者被禁止或刪除 內容自動屏蔽
作者: iamiris 時間: 13-11-12 13:14 標題: 回覆:rgalc 的帖子
agree
作者: Crystalspman 時間: 13-11-12 13:34 標題: 回覆:有OFFER先諗?
我諗個point係你問之前有冇做定功課先?報之前有冇預先了解間學校係咩類型啱唔啱你style?定係見好多人報你又驚執輸報定先?
到真係有offer喇,先上黎問其實呢間學校好唔好架?會唔會好淺架?俾其他好想入但入唔到嘅JM睇到呢啲post真係火都黎!
我自己報之前會爬文睇返邊類型學校啱自己小朋友,揀啱先報,然後整個排名表,問自己如果全部都收,最想入邊間呢?由1至1X咁排,撞咗時間嘅就放棄排名較低嘅唔去,有offer之後排名低過offer嗰間唔去,唔知其他jm有冇其他方法?
作者: mimwing 時間: 13-11-12 13:55
現在諗係浪費時間, 到有OFFER大把時間你諗, 都係$660 留位費..
作者: Ballack2012 時間: 13-11-12 14:21 標題: 引用:現在諗係浪費時間,+到有OFFER大把時間你諗,
提示: 作者被禁止或刪除 內容自動屏蔽
作者: Ballack2012 時間: 13-11-12 14:22 標題: 引用:其實只係有感而發,+見好多家長問喱間好定果
提示: 作者被禁止或刪除 內容自動屏蔽
作者: marcuscyrus 時間: 13-11-12 14:44
但往往問呢啲都係in完問,如果是撞期不會這樣問吧。
作者: kittyland06 時間: 13-11-12 14:47 標題: 回覆:有OFFER先諗
首先冇人知你 background, 亦冇人知你小朋友性格,又唔知你著重乜,就咁問 xx vs xx 其實冇人答到你。我會比幾個 criteria 我老公 rate 重要性再揀,有校舍,宗教,師資,學費,地點/校車,龍校,英普/兩文三語....etc, 諗清楚圥可以比較!
作者: aokiwong 時間: 13-11-12 20:45
cherryird 發表於 13-11-12 10:50
早幾年我小朋友考k1時都好似你, 想問人呢間同個間, 邊間好些呢?原來發覺係自尋煩惱, 人地都唔收
其實我真 ...
作者: kittyland06 時間: 13-11-12 21:05 標題: 引用:現在諗係浪費時間,+到有OFFER大把時間你諗,
原帖由 mimwing 於 13-11-12 發表
現在諗係浪費時間, 到有OFFER大把時間你諗, 都係$660 留位費..
你咁樣即係 keep 幾間 offer 比哂留位再慢慢諗,難為 waiting 嗰啲家長
作者: isolg_ying 時間: 13-11-12 22:14 標題: 回覆:有OFFER先諗
而家好多係。。唔理咁多,報左先諗。in左先諗。有offer先諗。留左位先諗。註左冊買左校服先諗。結果係開學果刻先決定到。當然,錢唔係問題,但hold住左個位就害其他人冇書讀,又令學校衍生行政問題。所以都係有offer前諗定好啲!
其實in完後除左學校有資料點揀學生,家長亦應該從in嘅過程多留意學校環境同老師,仲有自己仔女對該學校嘅態度,或多或少其實自己心裏有數,人地嘅評價點都唔及自己觀察所得,排名係你自己嘅先作準
作者: ^GGmami^ 時間: 13-11-12 22:44 標題: 引用:首先冇人知你+background,+亦冇人知你小朋
原帖由 kittyland06 於 13-11-12 發表
首先冇人知你 background, 亦冇人知你小朋友性格,又唔知你著重乜,就咁問 xx vs xx 其實冇人答到你。我會 ...
同意,如果自己都唔清楚自己邊間幼稚園適合自己個小朋友,咁都真係
所以應該問得具體d,唔係求其問邊間好!
作者: xoshan1025 時間: 13-11-13 22:24
回復 isolg_ying 的帖子
所以我仔好鐘意參觀學校...
作者: myheiheibb 時間: 13-11-14 14:08
我反而贊成早d問意見, 都係平常心傾下偈, 咪當大家交流下ge, 因為如果收到offer先上黎post問家長,分分鐘係成個幾星期都無人分享回覆意見, 因為我都試過咁情況, 唔係次次一post都有人會覆, 所以我明白樓主感受, 當然有d家長會俾多間留位費咁就可拖長考慮既時間慢慢再去諗, 但我就唔會。
作者: myheiheibb 時間: 13-11-14 14:16
所以我好感謝俾過意見我同分享經驗既家長門! :>
作者: Jane1983 時間: 13-11-14 14:37
報名之前,想清楚、大約排好次序,之後就真係有offer先想。
日日係都想邊個好d,xxx vs yyy,想到天花龍鳳,到頭來左一巴右一巴,真係慘爆,咪玩自己。
歡迎光臨 教育王國 (/) |
Powered by Discuz! X1.5 |