教育王國
標題: 開學幾天發現老師對孩子黑面冇耐性 [打印本頁]
作者: sasaheywing 時間: 13-9-6 02:42 標題: 開學幾天發現老師對孩子黑面冇耐性
陪開學已經見個位老師對不太聽指令小朋友黑面，返左幾日小朋友淨係話不喜歡呢位老師，想不到是九龍塘名幼的師資咁樣？應該點做投訴？又怕孩子要讀三年！定啞忍一年？出年轉老師？
作者: galaxybag 時間: 13-9-6 03:05 標題: 引用：陪開學已經見個位老師對不太聽指令小朋友黑
提示: 作者被禁止或刪除 內容自動屏蔽
作者: lovebb2 時間: 13-9-6 08:09 標題: 引用：陪開學已經見個位老師對不太聽指令小朋友黑
原帖由 sasaheywing 於 13-09-06 發表
陪開學已經見個位老師對不太聽指令小朋友黑面，返左幾日小朋友淨係話不喜歡呢位老師，想不到是九龍塘名幼的 ...
作者: breadbb 時間: 13-9-6 09:04 標題: 回覆：開學幾天發現老師對孩子黑面冇耐性
我小朋友之前唔係讀Kowloon tong既n班 未開學都話唔想轉校！但佢自己只係番左三日學 由第一日大喊 去到第三日好開心咁番學 我相信係老師嘅功勞!同埋我想講 一間學校都總會有唔好嘅老師 何況一個Kowloon tong..你咁講 未免對好多老師唔公平!或者了解下係咩問題 不過我都有朋友話小朋友返左半個月k1 班上已經話有人比老師罰企 大聲鬧 都係Kowloon tong!
作者: minirat 時間: 13-9-6 09:44
其實會不會遇到有愛心的老師好睇運數
同一間學校實有好同不好的
而愛心是不能偽裝的
作者: AJH 時間: 13-9-6 10:08 標題: 回覆：開學幾天發現老師對孩子黑面冇耐性
點解一定係老師有問題？唔出聲就係叫做黑面，就一定無愛心？少少事就投訴？現在做教師真係辛苦，好多時要對住在家中被縱壞嘅小霸王，仲要應付d事事過問嘅家長
作者: sasaheywing 時間: 13-9-6 11:32 標題: 回覆：AJH 的帖子
我有跟小朋友番另一間pn ,見過老師點教小朋友，相信我還分得出有冇愛心、睇得出有冇笑容。小孩好天真直接點解個個老師都鍾意浄係唔鍾意佢？宜家我問大家意見，如果已經投訴先叫小題大做
作者: sasaheywing 時間: 13-9-6 11:33 標題: 回覆：lovebb2 的帖子
很好彩你囡囡遇到好老師
作者: sasaheywing 時間: 13-9-6 11:34 標題: 回覆：breadbb 的帖子
罰企？請問邊間？
作者: sasaheywing 時間: 13-9-6 11:36 標題: 回覆：minirat 的帖子
做幼師愛心不是最基本嗎？
作者: hksunshine 時間: 13-9-6 11:42
which kindergarten ah ?
作者: evaroyshan 時間: 13-9-6 12:04
回復 sasaheywing 的帖子
我個小朋友個斑主住都係黑面王, 記得INTERVIEW 已經係呢個老師, 估唔到開學就係佢做班主任, 唉...個小朋友話驚老師, 無愛心.
作者: notcool 時間: 13-9-6 13:54
好老師 and famous kindergarten does not have relationship. Yes, maybe famous kindergarten can pay more for higher quali.
作者: melodylee113 時間: 13-9-6 14:47 標題: 回覆：開學幾天發現老師對孩子黑面冇耐性
如果系好出名既，除左果位老師有問題其他野都好好，甘我會讀完今年再算。投訴其實無咩用，果位老師只會俾校長嘈幾句，學校絕吾會因為你既投訴而轉老師。而且小朋友日日都會見到老師，投訴之後你覺得老師會點對你小朋友呢。我家姐個女就試過，系k2遇到個比較惡既老師，於是佢個女日日都話吾反學，我家姐日日都逼佢反學。有一次佢女系學校門口喊吾入去，甘岩俾校長見到，於是問佢咩事，佢女就同校長講話吾中意個老師成日鬧佢。之後校長就即刻搵果個老師，最後果個老師就無甘惡對佢個女，但就成日叫佢個女坐最邊，又叫佢自己一個人玩吾好影響其他小朋友，令到佢個女好似孤獨甘，不過佢女覺得自己玩都無所謂，我家姐就覺得個老師真系好麻麻囉。
作者: sasaheywing 時間: 13-9-6 18:21 標題: 引用：如果系好出名既，除左果位老師有問題其他野
原帖由 melodylee113 於 13-09-06 發表
如果系好出名既，除左果位老師有問題其他野都好好，甘我會讀完今年再算。投訴其實無咩用，果位老師只會俾校 ...
作者: 剛果公主 時間: 13-9-6 19:12 標題: 引用：陪開學已經見個位老師對不太聽指令小朋友黑
提示: 作者被禁止或刪除 內容自動屏蔽
作者: mammyleung 時間: 13-9-6 19:30 標題: 回覆：melodylee113 的帖子
之前我上九龍塘名校plAygroup, 因為稱上滿六個月，申請入學不用面試，但有次老師話如果家長吾嚴厲小朋友，他日上課時如果不守規則，老師會放棄佢，不理佢。最後學校收了我小朋友，但我沒有比小朋友讀這校。因為我相信幼兒教育不應是這樣！
作者: KittyMelody1 時間: 13-9-6 20:17
AJH 發表於 13-9-6 10:08
點解一定係老師有問題？唔出聲就係叫做黑面，就一定無愛心？少少事就投訴？現在做教師真係辛苦，好多時要對 ...
咪係.! 依家香港好多怪獸家長....
個老師無笑容都俾人投訴....
作者: teambuilder 時間: 13-9-6 22:15
同意老師愛心好緊要，不過唔係單睇惡唔惡或者有冇笑容斷定有冇愛心的。
作者: Moonlight819 時間: 13-9-6 22:38 標題: 引用：點解一定係老師有問題？唔出聲就係叫做黑面
原帖由 AJH 於 13-09-06 發表
點解一定係老師有問題？唔出聲就係叫做黑面，就一定無愛心？少少事就投訴？現在做教師真係辛苦，好多時要對 ...
作者: smallb2011 時間: 13-9-6 22:44
首先了解老師係咩情況之下黑面，如果小朋友好乖好聽話佢都黑面，咁老師的確有問題? 但係如果小朋友頑皮在先，老師用好FIRM既眼神語氣說教，咁我又接受佢惡D幫我教小朋友(因為我係一個惡唔出既心軟媽媽
)。
作者: sasaheywing 時間: 13-9-6 23:52 標題: 回覆：smallb2011 的帖子
重申是老師對小朋友露出不耐煩的表情，唔係佢地曵
作者: Vickyblah 時間: 13-9-7 01:20 標題: 回覆：開學幾天發現老師對孩子黑面冇耐性
如果可以我會轉校。我覺得3年都幾長時間。對小朋友成長好重要。我唔想有不必要嘅事情發生。啲老師就算幾高學歷無愛心都係無用。重申我唔係怪獸家長。我對小朋友要求唔高。最主要想佢開心健康。成績中等唔太差已經ok.
作者: littlecatmiko 時間: 13-9-7 06:40 標題: 回覆：sasaheywing 的帖子
你話＂個位老師對不太聽指令小朋友黑面", 咁聽話嘅小朋友呢？ 咁在家你小朋友唔聽指令你做點做？笑騎騎對住佢叫佢聽你講？小朋友在學校不是要學習群體生活，怎樣與人相處，要聽指令嗎？這樣就批評學校師資實在太不公平了。
作者: bearcat2003 時間: 13-9-7 07:09 標題: 回覆：開學幾天發現老師對孩子黑面冇耐性
有人天生表情嚴肅。未有事情發生就擺老師上枱,好不公平。
作者: annayu 時間: 13-9-7 11:50 標題: 引用：做幼師愛心不是最基本嗎？
+
原帖由 sasaheywing 於 13-09-06 發表
做幼師愛心不是最基本嗎？
我囝返左幾日學，也見到老師教學presdntation超有問題&個人極冇愛心。
我都煩緊可以點做！
針吾吉到肉吾知痛！
作者: Hellomummy888 時間: 13-9-7 12:45 標題: 回覆：開學幾天發現老師對孩子黑面冇耐性
吾好忍，要轉校/轉老師，影響小朋友好深遠架！我仔仔去年响屋企樓下間幼稚園讀PN，足足喊咗成年，日日都話吾返學，經過學校門口都驚，喊。學校話係我仔問題，痴身，係屋企人就慣咗佢，我以為真係。
但今年幫呀仔轉咗另一間讀K，開頭1日都有喊，但返咗幾日已經無嘢，好開心，日日返到屋企同我分享學校發生既事，又模仿小朋友喊時老師安慰佢地既情況。
所以為咗小朋友，吾好忍呀！
作者: sasaheywing 時間: 13-9-7 15:17 標題: 引用：你話＂個位老師對不太聽指令小朋友黑面",+
原帖由 littlecatmiko 於 13-09-07 發表
你話＂個位老師對不太聽指令小朋友黑面", 咁聽話嘅小朋友呢？ 咁在家你小朋友唔聽指令你做點做？笑騎騎對住 ...
作者: sasaheywing 時間: 13-9-7 15:22 標題: 引用：有人天生表情嚴肅。未有事情發生就擺老師上
原帖由 bearcat2003 於 13-09-07 發表
有人天生表情嚴肅。未有事情發生就擺老師上枱,好不公平。
作者: 晞晞爸b 時間: 13-9-7 16:02
Sasaheywing, you are not alone, I fully understand your feelings.
我仔仔正面臨同樣問題，去年PN時好乖，日日好鍾意返學。
原校升K1，老師換咗，加埋要趕進度要谷（雖不是什麼名校，但課程敎深一年），講明小朋友坐唔定就去"naughty corner" 罰企，我仔唔知咩原因坐唔定（佢晌屋企坐得定），老師打來投訴幾次，幾乎日日naughty corner罰企有佢份，開咗學三星期不再鐘意返學，前兩日仲係喊住放學。
自問我仔仔並非頑皮搗蛋之類型小朋友，個性尚算乖巧，唯一係好奇心重，喜歡接觸新事物，間中走來走去。
講真，呢個年紀2歲幾小朋友有好奇心走來走去好平常，如果靜靜唔郁唔出聲仲驚佢是否有自閉。無奈有d老師唔願浪費時間去俾d耐性教，或者佢地本身都有壓力要趕進度，因此坐唔定就用最便宜最捷徑嘅方法：罰企
小朋友罰企罰得多都冇癮，尤其我仔"吃軟不吃硬＂個性，老師冇耐性冇愛心，我仔仔佢只會越來越冇心機返學，返學 = 罰企
我可以點？只能夠日日在屋企教佢叫佢返學要坐定定要乖要聽老師話。投訴老師？千祈唔好！你小朋友係佢手上，仲要日日返日日對住..投訴學校？更加唔好制，一陣俾學校標籤咗你係麻煩怪獸家長，你有排煩！
除非你已揾定後路（剛開學，全部都full.你走得去邊？）
唯有啞忍，再謀退路。
作者: sasaheywing 時間: 13-9-7 17:16 標題: 引用：Sasaheywing,+you+are+not+alone,+I+fully+
原帖由 晞晞爸b 於 13-09-07 發表
Sasaheywing, you are not alone, I fully understand your feelings.
我仔仔正面臨同樣問題，去年PN時好 ...
作者: KittyMelody1 時間: 13-9-7 17:33
晞晞爸b 發表於 13-9-7 16:02
Sasaheywing, you are not alone, I fully understand your feelings.
我仔仔正面臨同樣問題，去年PN時好 ...
其實點解咁煩惱呢? 小朋在課室內坐唔定, 對其他同學, 對老師, 甚至佢自己都影響學習. 打又唔打得, 勸又唔聽, 老師又可以點? 但又要教書WOR, 為有罰企....罰企係最有效而唔傷身體, 其實唔少幼稚園都用罰企教小朋友....我覺得你首先要搵出小朋友坐唔定既原因先, 而唔係怪老師, 因為佢地都有責任教好小朋友守紀律.....點解你唔想下,小朋友在課室坐唔定, 第日上小學, 點算? 小學一定無幼稚園咁包容....由其名小....
我小朋友起K1時,有一次都係俾老師炳到喊+罰企, 但我反而好多謝果位老師幫我教小朋友戒掉一個壞習慣.(真係打針都無咁有效, 起屋企都話極唔聽)...我小朋友依家係驚老師, 但上堂又變得好聽話WOR...有時對小朋友真係唔好過份呵護呀...
感覺你是一位好DADDY, 先講真心說話, 如果唔ARM聽, 當無講過....OK?
作者: notcool 時間: 13-9-7 18:01
Have you talked to the teacher? Communicate and not complain.
Maybe this is really the teacher style that you do not like. Find another school
作者: 晞晞爸b 時間: 13-9-7 18:34
KittyMelody1 發表於 13-9-7 17:33 
你好, 如果無記錯, 我小朋友同你小兒應該同一間幼稚園...
其實點解咁煩惱呢? 小朋在課室內坐唔定, 對其他 ...
希望我仔仔會早d坐得定，其實我唔清楚係咩原因令佢坐唔定…佢星期六校外上堂就反而坐得定，同星期一至五返學判若两人…
作者: hanahung 時間: 13-9-7 18:35 標題: 回覆：開學幾天發現老師對孩子黑面冇耐性
老師無愛心同無耐性真係會令人擔心！
作者: ^GGmami^ 時間: 13-9-7 21:13 標題: 回覆：開學幾天發現老師對孩子黑面冇耐性
其實老師都係一份工，我從來唔會覺得老師一定要超有愛心，就算真係好有愛心好有使命感，都唔一定要成日笑，又唔係賣笑
作者: stylishma 時間: 13-9-8 00:08
本帖最後由 stylishma 於 13-9-8 01:02 編輯
晞唏爸B：不如試下同老師講，小朋友喺學校唔開心，話成日俾老師罰企，叫老師可唔可以用其他方法教小朋友，如同小朋友傾下，如坐定定有小禮物等；又問下家長又可以點配合，令小朋友乖乖上堂之餘，又可以開心番學。你又可以問下小朋友點解行來行去，如老師教得深？很怕老師？老師教得好沉悶？嘗試了解一下背後原因，再教他克服。
作者: chitchitboy 時間: 13-9-8 00:12
Sorry , 應該是愛心不為首，又必為幼教？
作者: little-bunny 時間: 13-9-8 00:39 標題: 回覆：開學幾天發現老師對孩子黑面冇耐性
明白做家長的見到老師黑面一定會好擔心，老師喺家長面前都噤樣，好難想像無家長在場會係點。唔係要求老師一定要賣笑，但做得老師的，對每個小朋友都要有耐性去教導他們吧！
作者: a328 時間: 13-9-8 00:45
if 陪開學 already blackface, i also will feel worry, cos if teacher lack of patient, that can be really bad.
作者: cchappyforever 時間: 13-9-8 02:13
晞晞爸b 發表於 13-9-7 16:02
Sasaheywing, you are not alone, I fully understand your feelings.
我仔仔正面臨同樣問題，去年PN時好 ...
作者: novelle 時間: 13-9-9 16:56
晞晞爸b 發表於 13-9-7 16:02
Sasaheywing, you are not alone, I fully understand your feelings.
我仔仔正面臨同樣問題，去年PN時好 ...
對兩歲幾的小朋友說，「罰」應該不是唯一解決方法！
作者: Jane1983 時間: 13-9-9 18:23
返學日日罰企，吾可以接受。同老師好好頃吓，揾定學校走人。
作者: kyleebc 時間: 13-9-9 19:37
我相信樓主你是第一身感受，老師黑面使你氣憤。
我讚成你再觀察這位老師，佢是否慣性黑面or間歇性？老師是否與孩子積極建立師生關係？老師和家長熟絡了嗎？多一點溝通多D諒解，雙方都調較一下看看。
作者: BABY_HEBE 時間: 13-9-9 20:48
提示: 作者被禁止或刪除 內容自動屏蔽
作者: 晞晞爸b 時間: 13-9-9 22:05
stylishma 發表於 13-9-8 00:08
晞唏爸B：不如試下同老師講，小朋友喺學校唔開心，話成日俾老師罰企，叫老師可唔可以用其他方法教小朋友， ...
如果過多一兩個星期都冇改善，到時會用你提議嘅方法，再次謝謝你！
作者: lovebb2 時間: 13-9-9 22:15 標題: 引用：返學日日罰企，吾可以接受。同老師好好頃吓
原帖由 Jane1983 於 13-09-09 發表
返學日日罰企，吾可以接受。同老師好好頃吓，揾定學校走人。
作者: 晞晞爸b 時間: 13-9-9 22:52
cchappyforever 發表於 13-9-8 02:13
唏唏爸B, 明白你感受。我覺得要教導或引導咁細個小孩子，唔係剩係用罰嘅方法。或者試下同老師傾下？當然， ...
其實我呢兩個禮拜不斷反思：究竟我想俾一個咩童年我仔仔？是否真的谷、教深一年，入果d名校就一定係贏在起跑缐上？是否唔讀呢d學校就唔駛做人？入咗九龍塘名校就保證一世成功?
我好驚小朋友冇咗童真，尤其見到果d4、5歲小朋友學大人講野，我會覺得好做作好唐突..點解要搞到d小朋友咁？
2、3歲的小朋友，這年紀不應該是開開心心、無憂無慮的上下學？罰企不應該是常用的手段，尤其這年紀的小朋友，2、3歲更應該是用愛心及耐心去教導，在他們人生最初開始學習及接觸其他人（家人以外），不應該用負面、情緒化的責罵來對待小朋友，讓他們在這年紀就產生排斥學習，甚至是留下不可磨滅的童年陰影。
還記得我仔仔曾經1歲時參加某九龍塘名幼之playgroup,當時果位西人鬼婆上第一堂已好惡對住小朋友們，佢甚至話叫家長唔好理，因為佢話用果種惡d嘅語氣對住bb先可以教bb們規矩。當時我地幾個家長聽到佢呢番説話之後你望我我望你，大家都好厄然，自此我仔仔逄親見到西人及group interview一唱歌就大喊，這童年陰影要1年半之後先克服。
愈講愈遠，我覺得如果我有得再揀，我會搵間happy school, 俾仔仔由遊戲中學習，培養他的好奇心（在谷學校老師眼中好奇=坐唔定），増加他的自信，教導他有禮貌，向善、德育培養，這些比那一味求分數教深一年嘅學校重要多了。
作者: 晞晞爸b 時間: 13-9-9 23:09
novelle 發表於 13-9-9 16:56
好明白你感受。我囝返PN只三星期，近兩日有點頑皮，已經要罰企，但佢都未明白為什麼要罰。
對兩歲幾的小朋 ...
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括罰企。
我可以點？唔通話唔好?
但最令我驚訝係佢講咗一句：＂在你仔仔嘅認知裡面, SCHOOL = PLAY. 但我地呢度 SCHOOL 不等於 PLAY."
一個2歲幾嘅小朋友/bb,人生學習剛起步，什麼叫做school 不等於play?? 乜唔係由遊戲中去學習?
難道返學校籍遊戲去學習係錯? 乜bb唔係經過玩玩具去鍛練小肌肉大肌肉？唔係靠唱歌遊戲玩耍去培養觀察力？合群?
究竟係鬼婆班主任為咗谷為咗趕進度而精神錯亂?定係我精神錯亂?
如果班主任為咗教學進度而要犧牲小朋友嘅玩嘅權利、剝奪小朋友好奇的求知慾，動則以罰企來處罰，這學校待一日都嫌多！
作者: nicolemsl 時間: 13-9-9 23:36 標題: 回覆：晞晞爸b 的帖子
我覺得唔同年紀，唔同性格就應用不同的方法教，最緊要受，好明顯仔仔係唔受。況且2歲幾的小朋友，又可否完全服從明白大人的指令？老師要從孩子角度出發，了解行為背後原因，再加以認同，然後帶返正確道理，如：“我好明白你起身想睇吓窗外有咩，但依家我地一齊唱緊歌喎，我地一陣有時間再睇過啦”，相信俾硬罰的更能教導佢返番課堂。另外，學校對老師的培訓都緊要，尤其是net,你地教育背景不同，文化生活不同，質素參差。
作者: sallytototo 時間: 13-9-10 00:36
應同!有時老師係忙到唔記得对家長笑架!最緊要係老師对每個小朋友都盡责!
作者: sasaheywing 時間: 13-9-10 02:56 標題: 引用：Quote:novelle+發表於+13-9-9+16:56+好明白
原帖由 晞晞爸b 於 13-09-09 發表
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...
有次我囡食茶點時在課室拉櫈，班主任罰她冇得食，放學主動匯報俾我知，我囡之後唔敢，乖左，佢頒best behavior 俾我囡，我囡好開心！自 此以後，好乖，仲好鍾意老師，佢地賞罰分明。
課程一樣教深一年，應該比九龍塘名幼仲深，因為pn 英文竟然教唱popcorn popping on the apricot tree , 我囡識唱成首。教法好吸收。
唔怕我地家長怪獸，每隔一排會打黍講小朋友情況，每個月仲影上堂情況相比家長！好有心機！每個月請一位小朋友家長一齊上一日堂了解！
利益申報，純粹用家，宜家出左九龍塘讀k1 ,好唔舍得，呀囡仲嗌住掛住老師同學！
可能我感受過咩叫愛心教學，所以第一日陪反k1好失望！
所以，唔係小朋友或家長有問題是教育方法問題，如果個個又乖又聽話又叻，咁洗鬼你教，有教無類才是教育宗旨！
出黍做野老細黑面要忍，所以三歳要開始訓練忍嗎？咩道理？
作者: spmok1999 時間: 13-9-10 08:09
經常黑色臉的老師仍然可以留低在學校相信是有一定份量的, 就算比你投訴都未必有用, 我相信有些學校都會有類似的情況...
我覺得可以有兩條路行, 一係轉校, 二係忍受.
如果你小朋友唔係屬於較樂觀的類型我建議你還是幫小朋友轉校好了, 度日如年的感覺真的很辛苦, 有邊個想日日捱苦o丫?
作者: MrBeast 時間: 13-9-10 08:32
晞晞爸b 發表於 13-9-9 23:09
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...
我小孩不願上西人net pg ，所以有次決定自己帶看看什麼事，上堂前好聲好氣問下上課的情況，點知位net好defensive, 話小孩咁唔得，影響其他學生，不如唔好上，etc etc, 我只說了一句：now i understand why. 之後上理那月餘下的堂就冇再比$.
我不是建議大家做helicopter, 但如work out 唔到，而學校或老師又turn out 唔係你杯tea, 咁就應當機立判轉校，免得小孩留下陰影，又唔係同佢做人世，因了解而分開冇問題。
作者: Lovely_Babybaby 時間: 13-9-10 10:05
老師無愛心真係會好影響小朋友學習.
上年新生家長日,校長特別強調,小朋友開心學習,
先會吸收,事半功倍.
我揀學校時,都留意睇學校既老師有無愛心/耐性,
校長話佢地會用多D鼓勵,代替罰去教小朋友,
陪返學時,有小朋友唔坐好,老師就會停,話要個個坐好先繼續,
群眾壓力,小朋友見個個靜晒爭自己就會乖返.
日日返學罰企,比我都唔想返啦.
記得有次去IN 間學校, 見老師好唔耐煩的表情,
我囝15個月時唔識砌LEGO (未玩過),
佢即刻用好驚訝既口吻話: 吓,乜佢唔識砌LEGO 架,
我已經好唔鍾意呢間學校, 收我都唔會讀.
我自己在學期間,亦有遇過好老師同唔好老師,
遇到好老師,佢比心機教我亦會比心機讀.
用鼓勵代替罰好似係外國既教學文化, 唔知點解宜家D外籍老師反而咁鍾意罰.
我同D鬼傾計,佢地成日好SURPRISE 香港小朋友咁細個就讀書寫字,
佢地幾歲人仔都係係屋企玩或送去DAY CARE 玩,
4-5歲先正式返學寫字.
人夾人緣,我有朋友個囝都係中途轉校,
成個人開心晒,個家長的都放心比小朋大返學
作者: heiphy 時間: 13-9-10 10:10 標題: 回覆：開學幾天發現老師對孩子黑面冇耐性
其實有冇得具體啲講咩情況下黑面呢？我相信如果老師開心無端端都唔會黑面，幼稚園對老師都有要求，應該唔會揀一些係又黑唔係又黑面兼無耐性既老師任教。有時各有各觀點角度，可能你會覺得你仔女乖唔頑皮，但又可能老師唔覺，嗰下有情緒笑唔出都唔出奇。其實我睇番以前自己讀小學，個最惡最嚴既老師教嗰科真係我最好成績的，當時唔鍾意佢，而家好慶幸曾經有佢。每個老師有自己一套，你只看了短時間，建議再看一排，真夾不到就轉校
作者: heiphy 時間: 13-9-10 10:14 標題: 回覆：sasaheywing 的帖子
那代表你小朋友個性唔適合呢度呀，可能要揀活動教學啲既學校，每間學校有唔同宗旨方針，是旦一方唔願意配合都唔會有好成果
作者: Mymelody33 時間: 13-9-10 11:56
本帖最後由 Mymelody33 於 13-9-10 11:57 編輯
見到咁多爸爸媽媽既分享, 我都好想分享一下
我仔仔比同年齡既小朋友發展係爭DD既, 好多野其他小朋友懂, 可能佢要過多3個月或再多先會懂, 佢返N班時, 只係比屋企附近既村校佢讀, 我覺得N班只係比佢地過下群體生活, 學懂同其他人溝通, 同埋一D基本自理能力, 我冇要求佢學D咩, 班主任唔會成日打黎, 只會有事先打黎, 每次打比我就係話阿仔有咩唔好, 一係話佢食野慢, 會話到佢喊既, 一係話佢未戒片, 要盡快同佢戒, 一係話佢坐唔定, 佢話佢地要坐25MINS講故事講書, 但佢唔得, 叫我返屋企訓練下佢, 我真係冇言, O嘴, 一個2歲多既小朋友, 你要佢坐定定25MINS聽書, 唔係冇, 但我相信唔太多......我自問大人都未必有心機坐25MINS唔郁, 阿仔仲要好驚老師, 下學期返黎有時仲會話唔開心, 比老師鬧, 問佢咩事比老師鬧, 佢話因為佢食得慢, 所以老師鬧佢, 我話過我一定要幫阿仔轉過一間學校讀K1
我最後選左兩間學校交留位費, 一間有學券, 一間係九龍塘私校, 有學券果間係HAPPY SCHOOL, 九龍塘果間係小班教學, 講過K1係開心教學, K2先開始慢慢谷D, 最後因為小班教學同開心教學, 我選左九龍塘間私校, 依家阿仔讀得都OK, 老師好好, 最初一個星期, 每日都打比我地家長講下小朋友點, 之後有特別事佢先會打黎, 亦會叫我地有咩問題隨時打比佢, 我估哩D就係小班教學既其中一個好處, 一班十幾人, 老師要打電話都係十幾個, 唔似有些廿幾三十人, 如果要老師每日打廿幾三十個電話, 都真係要幾多時間架, 但我都有少少後悔的, 可能競爭真係太大, 我覺得學校今年K1都已經開始谷, 唔係等到K2, 其實小朋友真係需要咁早就過哩D生活嗎......
作者: mamath 時間: 13-9-10 15:11
晞晞爸b 發表於 13-9-9 23:09
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...
作者: Lovely_Babybaby 時間: 13-9-10 16:49
mamath 發表於 13-9-10 15:11
聽到這樣的學校, 心中有些突兀... 如果轉其他心儀k1不成功, 我會情願轉happy school也不要影響仔仔對返學的 ...
對,如果小朋友日日返學都唔開心,
日日喊,驚左返學, 家長都好頭痛又心痛!
不過宜家都係剛開學,可以睇定D先,唔駛咁急要轉.
作者: siden 時間: 13-9-10 22:42 標題: 回覆：Lovely_Babybaby 的帖子
我理解樓主感受的不快。
誰不想老師能和顏悦色一點。
只是，缺少笑容和耐性的老師雖然不是perfect, 但相信是有能力教好小朋友的。尤其是初開學情況混亂，可能老師很吃力也不一定，觀察久一點老師情況或許有可能改善。
最最要緊，千萬不要心急轉校。理由極簡單: 囗碑多好的學校也不會保證每位老師都充滿愛心耐性。如轉了又遇到相似的老師，那又要怎樣？又再轉過嗎？
作者: siumanma 時間: 13-9-11 04:56 標題: 回覆：開學幾天發現老師對孩子黑面冇耐性
Saysayheiwing: 我同妳處境差唔多！我諗我地小朋友係讀同一間pn幼兒園，唔知係咪同班Tim! 很巧合！K1也是轉了九龍塘被稱為名幼的學校，小朋友開學后一直也是開心，但這兩天因某些事情小朋友哭，當我接放學時，老師在我和小朋友面前，講番小朋友哭的事情，我感覺老師有點不耐煩，又說「唔知奌攪」!挨！我只好安撫說小朋友需要點時間適應！help! 我真的有奌後悔轉校！讀番之前一間咪幾好！我都唯有是繼續觀察。
作者: Jessie730818 時間: 13-9-12 14:40
回復 Hellomummy888 的帖子
咁你咪好嬲囉, 就算係真係痴身唔乖, 都要學校家長一齊找解決方法, 唔係只係放問題係小朋友到.
白白浪費左一年.
作者: Jessie730818 時間: 13-9-12 14:58
回復 晞晞爸b 的帖子
SCHOOL 不等於 PLAY ?????
好想知邊間學校呀, 真的好想知, 我今年要報校喇, 唔該哂.
作者: BABY_HEBE 時間: 13-9-13 22:12
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |