教育王國
標題: 培英 / 可風 [打印本頁]
作者: moniquechoy 時間: 13-8-29 10:44 標題: 培英 / 可風
各位, 小女今年就讀荃灣區小六, 全級成績在5-10位, 但我不覺得她突出, 有很多不足! (自己知自己事).
小女天生活潑好勳, 很怕死讀書! 現在是學校籃球和游泳校隊, 亦是學校管樂團成員 (不過都係玩下, 唔算勁), 奧數有些獎項! 小女聽師兄師姐說, 可風有很多活動, 不是死讀書, 所以很喜歡可風! 而我本來亦很喜歡"安柱", 但有見去年派位, 在荃灣區, 自行報"安柱"的同學, 比亞女叻, 都未必收到, 感到機會渺茫! 聽老師推介, 沙田"培英", 亦是一間好學校, 所以在BK 內找料, 亦覺得感覺良好!
現在想請各位給予意見, 若想選這兩間學校, 各位會覺得
(1) 轉用沙田區報名, 入的機會多些? 還是留在荃灣區, 當誇區去沙田好呢? 因為我覺得可以入到可風的機會是比較大的!
(2) 應該要如何填表呢? 例 : 自行 1. 培英 2. 可風; 甲部: 自行 1. 培英 2. 可風; 乙部 : 自行 1. 可風 2.培英 3. 王少清.....
(3) 若用沙田網, 我怕不懂填哂30間學校
煩請指教! 謝謝!
作者: cychan39 時間: 13-8-29 14:29
今年我校有在乙部第3志願入到可風。估計荃灣區的學生前10名第1志願通常都會報荃官，入不到的因爲第2志願何傳燿已滿，只能入可風。估計10名外的報何的比較多，反而可風執到寳：收咗好多前10名的學生。如果想入可風，估計自行時就可以入。
作者: moniquechoy 時間: 13-8-29 18:22
明白, 唔該!
作者: elmkc 時間: 13-8-29 23:55
如果想入可風多過培英, 在自行及甲部時便應該1. 可風 2. 培英.
作者: senkawa 時間: 13-8-30 09:37
沙田區BAND 1位多, 自行階段反而吸引勁多區外人湧入沙田報, 我相信自行的話, 入可風應該易過入培英...
我以前識人在培英教書, 據說功課量都幾高?? 因為果位朋友話改簿改到癲...要拖喼返屋企...
唔鍾意死讀書的話, 似乎可風較培英好??
另外就係, 上年荃灣band 1位好唔夠, 乙三入到可風真係好好彩...係超好彩...仲要通常乙三唔係會填保險校? 竟然會有人把可風填第三, 估計小學老師見到應該好想阻止=p
作者: 小之爸 時間: 13-8-30 12:58
提示: 作者被禁止或刪除 內容自動屏蔽
作者: moniquechoy 時間: 13-8-30 13:25
其實我本人想是 : 入到可風我都OK, 如果入到培英就當BONUS 囉!
而大家有所不知, 根據我這幾年聽D 家長分析, 可風雖然是BAND 1, 不過因為比較多活動, 有好多家長感到
(1) 太多活動, 子女未能專注學業, 心比較容易散, F3, 4 才要佢地收拾心情用心讀書, 為時已晚; 所以寧選何傳耀, 一直谷谷谷, 谷到盡較好!
(2) 又因為多活動, 小朋友會多"拍拖", 很多家長都不喜歡喇
(3) 位置比較偏遠, 唔方便
這都是我聽返來的, 所以可風不及官中, 何傅耀收歡迎
作者: moniquechoy 時間: 13-8-30 13:27
另想多問一句, 培英和沙崇, 那間比較好呢?
作者: peggy 時間: 13-8-30 13:49
senkawa 發表於 13-8-30 09:37 
沙田區BAND 1位多, 自行階段反而吸引勁多區外人湧入沙田報, 我相信自行的話, 入可風應該易過入培英...
我以 ...
上年仔仔既同學是b1生 , 第一志願選可風, 入唔到派左去1x志願
作者: cychan39 時間: 13-8-30 15:25
其實看今年情況，荃灣的學生在自行時被外區的學校超收很多，所以在統一派位時B1的學生夠位派。我校不止一個第3志願派入可風，估計通常B1A報荃官、B1B報何傳燿、B1C報王少清，所以少人報可風。而一般人的心態第2志願不敢報熱門學校，而可風也屬熱門，故大家都不報可風，造就第3志願都入到。好在今年學校不要求第3志願報保險綫，否則就大禍了，去到B2，説明B1在荃灣是夠學位的。
作者: peggy 時間: 13-8-30 16:03
cychan39 有可能錯估Band [color=rgb(153, 153, 153) !important]發表於 半小時前
作者: moniquechoy 時間: 13-8-30 16:33
我就是怕大抽獎no. 不靚, 那位同學最後怎樣呢? 有叩門嗎?
作者: moniquechoy 時間: 13-8-30 16:37
回復 moniquechoy 的帖子
我問過今年升中一的朋友仔們, 李兆基好難入的, 我怕浪費一個機會, 唉!
作者: cychan39 時間: 13-8-30 18:41
引用Jackieson 乙部第3志願入到可風!?是否自行已入? 發表於 2 小時前
自行沒有報可風，只在乙部第3志願報。
作者: dobbybabie 時間: 13-8-30 22:15 標題: 回覆：cychan39 的帖子
肯定荃湾band1位唔够,我仔同班同学肯定係band1頭,佢自选荃官,李兆基,统一派了廖寶珊,識人才轉了王少清.統一係第五六自願.
作者: dobbybabie 時間: 13-8-30 22:17 標題: 回覆：cychan39 的帖子
有時佢係甲三填,真是乙三没什么可能.
作者: peggy 時間: 13-8-30 23:10
cychan39 那上年跟今年情況不同。 [color=rgb(153, 153, 153) !important]發表於 4 小時前
作者: jaci 時間: 13-8-30 23:52
會不會他不是荃灣區, 轉左去葵青區, 葵青區乙部可選可風, 不過只有幾個位
作者: cychan39 時間: 13-8-31 10:26
peggy 發表於 13-8-30 23:10
荃灣b1位根本不夠位 , 這幾年都要係他區借學位
本來是不夠位，但自行時外區收多咗荃灣區的學生，在統派是就變相多咗學位出來。在報統一派位時，需要統計全區的總學生人數，參加統一派位的學生人數，B1的統一排位學額，全區B1總學生人數，通過分析，可以大約知道是否夠學額，再確定保險綫的排位。我說的同學如果按往年習慣第3志願填廖寳珊，就真會派去B2，但好彩今年進取第3都係填可風，結果得著。如果上面家長說的個位同學全部先填曬英中，就可能會執雞入到B1學校，點解要甘早填B2？B2放在最尾都能入到，可能是學校政策吧。
作者: moniquechoy 時間: 13-8-31 11:35
恕我直言, 荃灣區不夠BAND 1 位, 已是不變的事實. 需要你說"自行時外區收多咗荃灣區的學生", 但我參考過其他荃灣區的小學派位 (本人亦識人唔少在同葵青和荃灣區小學讀, 五, 六年級), 發現很多學校有見荃灣區為"重災區", 而不停勸誘BAND 1C, BAND 2 的同學跨區去直資中學, 所以你會發現不少派得好的學校, 所派不同 "主要用英語教學的中學" 數量可以多達6, 70 間的, 不過每間只有1-2 位同學, 去到屯門都有! 分散投資! 而這些包括了BAND 1 & BAND 2 生. 但你不要不知道, 荃官, 何傅耀亦有收外區生的, 很多深水埗區都會入來的, 王少清亦在九龍區有點名氣的, 我就有朋友住在九龍灣讀王少清, 但若家長堅決留在荃灣區, 一棣是慘烈的!
其實第三志願都可以入"可風", 就是因為"可風"正如你所說 "估計通常B1A報荃官、B1B報何傳燿、B1C報王少清，所以少人報可風", 如果你放"何傳耀第3, 你估計會有何結果".
你說的填表方法, 不是盡錯, 只是那些堅決留守在荃灣區的不適用, 用在沙田網, 絕對沒問題!
作者: 小之爸 時間: 13-8-31 12:06
提示: 作者被禁止或刪除 內容自動屏蔽
作者: dobbybabie 時間: 13-8-31 15:20 標題: 回覆：moniquechoy 的帖子
有時有些家長的话只能参考,荃湾区不够band1是鐵一般的事實
作者: dobbybabie 時間: 13-8-31 15:27 標題: 回覆：dobbybabie 的帖子
小兒學校有两位肯定不是band1的同學入了band1中學,一個入荃湾,一個入黄大仙,如果家長没有實情相告,就會误了很多学弟学妹的升中.一個是叩門,一個是自行.都是識人.
作者: 小之爸 時間: 13-8-31 15:35
提示: 作者被禁止或刪除 內容自動屏蔽
作者: dobbybabie 時間: 13-8-31 16:21 標題: 回覆：小之爸 的帖子
自行那位因同宗教，而且有有力神父写信，佢見的是降呢女校，四班中有一班是中文班。荃湾那位叩門就真是識人了，仲應該好高層添。
作者: hellokitty525 時間: 13-8-31 17:31
回復 peggy 的帖子
Hi Peggy, 想問一問,剛看到廖寶珊編班名單2c和2d在名單左邊有分(Math:M1,M2,M3,Eng-R,Chi-R)
是什麼意思?thankｙｏｕ！
作者: peggy 時間: 13-8-31 18:31
本帖最後由 peggy 於 13-8-31 18:33 編輯
hellokitty525 發表於 13-8-31 17:31
回復 peggy 的帖子
Hi Peggy, 想問一問,剛看到廖寶珊編班名單2c和2d在名單左邊有分(Math:M1,M2,M3,Eng-R, ...
Eng -R 是代表英文科較差, chi-r是代表中文科較差, 所以要另外抽掉出來小組上堂
Maths 分為3組上堂,m1成績ok, m2成績麻麻, m3成績較差
作者: senkawa 時間: 13-8-31 20:02
回復 小之爸 的帖子
今年荃灣肯定係Band 1位不夠，幾間英中競爭依然激烈，第三志願入到可風肯定係意外，我相信今年不少家長唔敢搏，好保守，反而造成有人咁好彩第三志願都入到Band 1，如果係上年，不知幾多人派唔到頭三？派到去屯門元朗喊晒呀...之前在其他post見過d家長講可風換左新校長之後於中二中三按學生能力分班分組，中四仲將四班擴大為六班，睇黎新校長幾有魄力，黎緊真係要留意學校的變化，單憑以往的資訊實在冒險。
我有位鄰居個女升到可風，有機會我都要收多d風！
作者: senkawa 時間: 13-8-31 20:05
回復 peggy 的帖子
其實咁，個標籤都幾明顯喎，見到係M3，真係想喊，如果差到中英都有R，叫我點返學？
作者: senkawa 時間: 13-8-31 20:16
moniquechoy 發表於 13-8-30 13:25
其實我本人想是 : 入到可風我都OK, 如果入到培英就當BONUS 囉!
而大家有所不知, 根據我這幾年聽D 家長分 ...
作者: 小之爸 時間: 13-8-31 22:13
提示: 作者被禁止或刪除 內容自動屏蔽
作者: peggy 時間: 13-8-31 22:20
本帖最後由 peggy 於 13-8-31 22:22 編輯
senkawa 發表於 13-8-31 20:05
回復 peggy 的帖子
其實咁，個標籤都幾明顯喎，見到係M3，真係想喊，如果差到中英都有R，叫我點返學？ ...
有些中學都會每個科目按成績分班再分幾個小組上課 , 其中唐乃勤都是這樣
作者: moniquechoy 時間: 13-9-1 11:14
本帖最後由 moniquechoy 於 13-9-1 12:18 編輯
因為小六好動, 所以專注學業的何傳耀並不適合. 就算我聽過可風的評語有好有壞, 但我都相信自己, 相信亞女在此會讀得開心!
作者: OiyingMa 時間: 13-9-2 18:03
我同阿女都好鐘意可風 (我個女都真係紮紮跳, 咀啫啫, 啱晒佢, 幫佢放咁D電, 我冇咁辛苦) 小女亦都好好運地自行第2成功被錄取, 剛啱返咗幾日學, 感受未係好深, 但見佢日日開心, 食得瞓得, 應該氣氛唔錯, 星期6家長會亦都見到D學生尚算乖巧.
可風係呢度嘅討論熱度係唔太高, 但係根據以往佢收到嘅學生都係100% band 1 生, 佢無異係會比王少清高一線(個人意見, 不喜勿插)
講真, 荃灣區B1英中只係得個4間,個個打崩頭,俾著你入到邊間都應該還神,
舊年我都係15,16, 真係好怕自己嘅選擇會害咗個女,
但係讀官小, band1生, 係無可能唔填荃官第一,
同阿女同老師商量過, 真係連第2都唔可以填可風, 基本上都真係第一志願都派晒, 佢話你要搏, 都只可能搏到王少清, 好多band 1 生嘅第2選擇已經係王少清.
理據上, 派到可風第3, 真係可喜可賀.
作者: moniquechoy 時間: 13-9-4 23:15
那位人兄所說是真的, 不過都是少數囉!
作者: csy_ma 時間: 13-9-6 03:31
本帖最後由 csy_ma 於 13-9-6 03:37 編輯
moniquechoy 發表於 13-8-29 10:44
小女天生活潑好勳, 很怕死讀書! 現在是學校籃球和游泳校隊, 亦是學校管樂團成員 (不過都係玩下, 唔算勁), 奧數有些獎項
荃灣／沙田網：梗係沙田網好啦！荃灣得果三間傳統英中，不加一間升呢狂谷英中，跟住既幾間外區執雞位，抽唔抽到要講運氣。當然，夠膽既話第一志願揀外區學校，機會好大，不過抽唔到第二志願揀返可風，就有少少冒險？
如入沙田網，除咗曾記，或者仲有新校舍好吸引既沙崇（呢兩間都係幾谷既學校，未必適合您囡），第一志願揀其他學校機會都非常大，英中有十三間，去到第四第五揀1C抽到亦大有人在，應較荃灣好？
不過，假如您唔打算搬屋，就要計埋交通時間，沙培是否值得長途跋涉去讀？
前幾年，家住深井既我地亦有您既考慮，當時，主要係老公參觀完可風之後，唔係太like果三位男校長，因：
1. 無論中英文，新生會既ppt都有幾個錯別字，看來，管理層是理科出身？ppt缺人把關，亦顯示行政能力的缺失。
2. 介紹會以管理層為主導，沒有學生司儀。最先係有學生樂器表演之類，但沒介紹，有點無厘頭。我地怕管理層做事偏向家長制，唔太啱有點反叛個性既阿囡。
3. 兩位校長不只一次抬高自己優點，與其他不點名學校作對比（如謂其校位置空氣好，學生可跑山，唔似得人地學校跑馬路食塵），似賣藥，校長講野有點官腔，似宣言多於跟家長溝通，老公唔太喜這樣的表達方式。
4. 回來網上做了頗多資料搜集，主要是搜尋校長的經歷，發現其為建制新貴，剛隨團赴京參加國慶。當年國教風波已漸浮桌面，可風又每年搞一次全級既內地交流，雖然，我唔覺得去內地交流就等於洗腦（我年輕時曾帶過類似既交流團去北京，當時，係新華社教科文部代策劃行程，帶名校生見盡尖端科技，都唔覺佢地有被洗腦？），但係校長明顯係積極靠攏建制和北京，我地驚學校教既可能同家庭教育有點相違，唔想造成阿囡價值分裂或言不由衷。
5 最後是徵詢過當中學老師既朋友，佢話可風換校長前後，老師既流動性偏高云云……
所以就放棄咗唔駛阿囡親身去參觀。不過，選校其實係緣份，每間學校都有優點同缺點，睇吓你點揀？我記得，可風既圖書館是家長義工參與很多的，我參觀時就很喜歡。
我囡最後揀咗沙培，現在看來也很熱愛（因我地都好唔捨得要搬離深井，但係，就算佢好懷念深井同荃灣已習慣既社區，都從冇表示過後悔揀培英）。不過，同您囡唔同，我囡小學較有機會發揮既係英文朗誦、話劇、舞蹈等，皆與表演有關，而沙培，演示或匯報係課堂或課餘既重要活動。沙培自然也有籃球隊和泳隊，球類每周兩日留校練習，但係冇乜認識泳隊既人，真係唔覺有經常性游泳練習（晨跑則偶有因事/天氣取消既電郵通告）？？
每間學校都有不同特點，學校既學生亦有不同氣質，您可能帶阿囡親身去感受下，先係最實際既？
作者: moniquechoy 時間: 13-9-6 11:47
回復 csy_ma 的帖子
非常感謝你既資料, 那你是用荃灣區網, 還是沙田網呢? 你選校填表是如何填的呢? 可否如我分享一下呢!
作者: 小之爸 時間: 13-9-6 11:59
提示: 作者被禁止或刪除 內容自動屏蔽
作者: moniquechoy 時間: 13-9-6 12:45
回復 moniquechoy 的帖子
那你意思是本來派保祿?
作者: 黃巴士 時間: 13-9-6 14:09
可風換了校長, 聽講在學業上老師積極多了.
作者: senkawa 時間: 13-9-6 20:57
其實計校網始終係沙田好得多啦，荃灣真係唔好！
作者: moniquechoy 時間: 13-9-6 21:42
明白哂， 今年會去參觀各學校， 給女先參考！
作者: 小之爸 時間: 13-9-6 21:46
提示: 作者被禁止或刪除 內容自動屏蔽
作者: fungman915 時間: 13-9-6 22:09
本帖最後由 fungman915 於 13-9-6 22:13 編輯
小之爸 發表於 13-9-6 21:46
咁可風依家DSE及入大學情況如何??
迎新家長會沒有提到,阿女說開學禮有講但阿女英文唔好,校長開學禮有講dse成績,不過佢靜係聽得明level 4是65%
不清楚入大學情況
作者: judywan 時間: 13-9-15 19:17
回復 fungman915 的帖子
咁多年都未聽過講及入U情況。。
作者: senkawa 時間: 13-9-16 20:16
回復 judywan 的帖子
如果level 4有65%，與何傳耀成績相若，估計JUPAS OFFER應有六成或以上；去年有家長寫過可風第一屆DSE升讀大學約六成，不大肯定資料來源。。
| 歡迎光臨 教育王國 (/) |
Powered by Discuz! X1.5 |