教育王國

標題: 巳評左係自閉傾向, 想問下小朋友讀緊I位或E位家長 [打印本頁]

作者: fishcowcow 時間: 13-1-9 10:35 標題: 巳評左係自閉傾向, 想問下小朋友讀緊I位或E位家長

昨天去CAC評估, 見職業治療師2HR及醫生2HR, 加埋社工, 足足由朝早9點玩到下午4點先走得
職業治療師評左阿囝有感統問題, 要排職業治療
跟住見醫生, 佢話阿囝智力無問題, 言語及體能2歲程度(而家阿囝就黎2歲半), 其實我囝識短句表達自己(我想食面包, 唔該媽咪抱我...)及形容外在事物(架巴士停左?/ 天空有飛機...), 不過佢同人溝通就差, 形成社交都差, 加上有固執問題, 見醫生期間我囝無喇喇想將房裡面既一張椅移去牆角位, 爸爸見狀去阻止, 但阿囝大叫堅持要移張椅, 其實類似固執問題平時經常發生, 所以我叫爸爸由佢移張椅, 佢移左去牆角後就無事了...加上我講阿囝日常都好多固執野+脾氣大(經常尖叫), 所以評左自傾

醫生建議可排I位或E位, 不過佢suggest I位, 因為阿囝好有動機講野, 佢覺得未必需要單對單言語治療去令佢開口, 佢覺得阿囝係需要社交/溝通訓練, 所以醫生覺得I位較適合, 不過我自己有以下想法:

I位: 阿囝而家N班都係I位學校既普通位, 阿囝巳習慣了及情緒好穩定, 雖然我都有排呢間學校, 但我上網睇過佢派位較慢(只排到03/2011 case), 所以好大機會要轉校, 有無過來人家長俾啲意見, 小朋友再適應新學校會否很難? 會否令他們情緒不穩定?

e位: 阿囝可以不用轉校, 但我需要帶阿囝去上堂, 同埋e位每星期可能只有1次, i位總算有個兼收老師每日有少少時間幫小朋友, 及2wk有一次言語治療, 但e位好處就係阿囝不用轉校

有無過來家長可以俾啲意見? (社工叫我是但排一面攞左個期先, 到時再改, 我而家排左i位)

作者: jjcow 時間: 13-1-9 10:51

fishcowcow 發表於 13-1-9 10:35
昨天去CAC評估, 見職業治療師2HR及醫生2HR, 加埋社工, 足足由朝早9點玩到下午4點先走得
職業治療師評左阿囝 ...

你可以好似我咁，攞咗 e 位先，再轉 I。我又係唔想轉校，依家讀住 e 等 I 位。
詳情請 check PM。

作者: wilyun 時間: 13-1-9 21:26

Same case, but my son cannot talk.

作者: ka-sandra 時間: 13-1-11 14:00 標題: 引用：昨天去CAC評估,+見職業治療師2HR及醫生2HR,

原帖由 fishcowcow 於 13-01-09 發表
昨天去CAC評估, 見職業治療師2HR及醫生2HR, 加埋社工, 足足由朝早9點玩到下午4點先走得
職業治療師評左阿囝 ...

我仔仔去茶果嶺做評估都無見職業治療?你小朋友係邊間做?

作者: fishcowcow 時間: 13-1-12 14:43

我囝向中九龍睇的
我有朋友向下葵涌, 都係只見醫生, 無見其他, 可能係我預約個陣填份問卷, 我有寫我囝有感統問題, 所以就安排埋職業治療師卦

作者: wilyun 時間: 13-1-12 16:04

我個人意見係睇你自己有無心想自己再教個仔,定係想全日比個仔返學校由老師教!(雖然老師未必教得好!!)

因我現在轉左做全職媽媽,所以我係改左排E位,因我想到時同佢一齊返訓練,順便自己在家再教!但你未輪到位之前,你會同你仔再出去比錢做訓練嗎?

咁聽你講,你仔都唔算好差,其實我覺得你會排I好D! 因兼收位最起碼D老師都見慣左類似小朋友,都識得點去控制!

作者: mikoko816 時間: 13-1-12 23:38

我個仔20個月，同人無眼神接觸，鍾意玩識轉既野，唔識講野，一唔鍾意就坐係地下將個頭撞地，咁佢係咪有自閉？18個月去健康院，醫生話要自已觀察下，兩歲先再去做評估，其實我係咪應該出去搵私人做評估？有無好介紹去邊度做？大約幾錢？

作者: fishcowcow 時間: 13-1-13 23:49

wilyun,
我而家係全職媽媽(原本搵到份工, 但評左自傾後refuse左), 我有心自己教個囝的, 不過我同阿囝而家學校校長傾, 佢都suggest排i位, 佢話e位每星期可能得1-2堂training, i位每日個兼收老師都會有20-30mins同小朋友上堂喎, 我唔知係唔係咁樣呢? 未排到政府位之前, 我會做私人training呀, 而家巳排緊協康(要排3-4個月)同庭恩(要排6個月以上), 不過而家再搵緊其他(聖雅各, 明愛...)

我想問你排e位, 咁你小朋友係返半日班嗎?

作者: fishcowcow 時間: 13-1-13 23:54

mikoko,
我唔可以評你囝係咪有自閉, 不過我覺得你最好再約健康院睇, 或者去私家醫生叫佢refer去cac, 因為你話佢無眼神接觸, 同埋唔識講野(單字都無??), 其實都有啲問題, 最好能盡快做評估
私人評估我都唔知邊間好, 我做過協康(2yr2m時), 不過當時心理醫生評唔係自閉(連傾向都唔係), 不過協康要2yr先做到, step好似細個啲都做到評估, 我都有朋友向呢間評估, 不過我唔知好唔好, 你可以打電話去問問詳情

作者: jjcow 時間: 13-1-14 12:02

fishcowcow 發表於 13-1-13 23:49
wilyun,
我而家係全職媽媽(原本搵到份工, 但評左自傾後refuse左), 我有心自己教個囝的, 不過我同阿囝而家學 ...

我學校個 I 位老師又係咁同我講呀，佢地好擔心阿仔少咗訓練。咁睇嚟你返緊間學校都幾好，好緊張小朋友訓練，因為係壇裡面聽人講，真係唔係間間 I 位做得好。

其實 E 位開學時，會做一輪評估，會見齊 PST、OT、PT、ST。佢地會有一份標準的量表睇小朋友能力，按小朋友能力安排訓練（我係協康係咁做）。我見小組有啲同學仔一星期都要返去幾次。
我自己就要求 PST 同 ST 夾，我一星期只出去一次。因為我跨咗區，唔想走幾次，同埋我返緊全日，唔想太打擾阿仔嘅學校生活。

我依家間中心，ST 係俾我隔星期一次，每次足一小時。同埋跟緊個 ST 好有經驗同技巧，阿仔返咗幾個月，進步咗好多，我都學咗唔少野 ^^

作者: fishcowcow 時間: 13-1-14 14:50

咁即係你囝係返緊普通全日班, 再加E位training, 係咪咁? 跟住全日班放學再同阿囝做home training, 是嗎? 其實咁樣係咪應該進步最好呢?

作者: fishcowcow 時間: 13-1-14 14:51

同埋我想問2星期1次既e位training, 係咪導師會教家長呢兩星期點教小朋友?

作者: jjcow 時間: 13-1-14 14:58

fishcowcow 發表於 13-1-14 14:51
同埋我想問2星期1次既e位training, 係咪導師會教家長呢兩星期點教小朋友?

E 位無論個別同小組，都係要家長入課室一齊上架。除了訓練小朋友，同時亦訓練家長。上完堂治療師會寫低功課，回家要主力訓練小朋友咩，一般會有教具借你回家教小朋友。

作者: jjcow 時間: 13-1-14 15:05

fishcowcow 發表於 13-1-14 14:50
咁即係你囝係返緊普通全日班, 再加E位training, 係咪咁? 跟住全日班放學再同阿囝做home training, 是嗎? 其 ...

係呀，佢 N 班就開始返全日班普通位。
其實無話最唔最好，好多時要配合天時地利人和。我自己覺得阿仔留 E 位一年都好嘅，話晒有 3T 睇住。雖然我只有 ST 同 PST 訓練，但另外兩 T 半年會做一次評估，因為隨著小朋友長大，又會有不同嘅挑戰。

但我最後都轉排 I 位，主要考慮到學校老師都幾專業，而且我個 E 位跨咗區，返自己學校，第日升小支援都會好啲，起碼啲社工都熟啲自己區啦。

同埋我仔最需要特殊器材做 OT/PT 的階段已過，我覺得 I 位學校雖然幾個月至一次，但俾我嘅應該會足夠應付。

所以揀 E 定 I，真係好睇你自己需要同阿仔能力。

作者: Vichang 時間: 13-1-15 00:02 標題: 引用：我個仔20個月，同人無眼神接觸，鍾意玩識轉

原帖由 mikoko816 於 13-01-12 發表
我個仔20個月，同人無眼神接觸，鍾意玩識轉既野，唔識講野，一唔鍾意就坐係地下將個頭撞地，咁佢係咪有自閉 ...

佢有冇手指指想要嘅嘢？識唔識講嘢？如果唔識應該好似我咁常囝去做評估喇。

作者: Vichang 時間: 13-1-15 00:04 標題: 引用：我個仔20個月，同人無眼神接觸，鍾意玩識轉

原帖由 mikoko816 於 13-01-12 發表
我個仔20個月，同人無眼神接觸，鍾意玩識轉既野，唔識講野，一唔鍾意就坐係地下將個頭撞地，咁佢係咪有自閉 ...

你可以好似我咁問完呢度啲家長後去做私人評估，有需要pm 我。

作者: mikoko816 時間: 13-1-15 09:18

fishcowcow 發表於 13-1-13 23:54
mikoko,
我唔可以評你囝係咪有自閉, 不過我覺得你最好再約健康院睇, 或者去私家醫生叫佢refer去cac, 因為你 ...

佢基本上唔算識講野，剩係講bb話，係呢個星期開始講eye ear，我問過協康話要兩歲八個月先可以去檢查，仲要有轉介信，我會試下問step，唔該哂

作者: mikoko816 時間: 13-1-15 09:36

Vichang 發表於 13-1-15 00:04
你可以好似我咁問完呢度啲家長後去做私人評估，有需要pm 我。

佢無手指指話想要野架，佢會自已去拎，例如想食餅，佢拎左出黎比你意思想食，但佢唔會講，如果我只係拎住唔打開佢就發皮氣，扮喊踢腳，撞頭落地而家搵左間pn班有兼收位，唔知對佢有無幫助，係咪要有轉介信先有兼收老師幫佢？
vichang，麻煩你比資料我丫

作者: fishcowcow 時間: 13-1-15 11:42

協康2YR巳可做自閉評估, 唔駛轉介信架, 因為佢係私人評估, 要收$5XXX架, 我囝11月都做過

兼收學校既兼收老師只係for巳排到政府i位既小朋友, 你而家只係讀普通位咋, 唔會有兼收老師既服務, 你一定要睇左政府/私人評估, 再經過社署排隊, 先可以有兼收老師幫你小朋友

作者: mikoko816 時間: 13-1-15 11:47

我尋日打去協康問佢話要兩歲八個月先做得評估

作者: mikoko816 時間: 13-1-15 11:48

你個仔幾歲去做架？

作者: mikoko816 時間: 13-1-15 11:50

我問左ymca,佢話可以搵社工覆我，如果去上堂就按家庭收入收費，每堂一小時，你個仔有無去過邊度上堂呀?

作者: fishcowcow 時間: 13-1-15 15:57

mikoko,
我囝去協康時係2歲3個月

ymca我無去過呀, 有無網址參考下?

作者: mikoko816 時間: 13-1-15 16:41

http://fwc.ywca.org.hk/templates/fwc/default.aspx

作者: mikoko816 時間: 13-1-15 16:42

頭先問過STEP, 好貴...佢有個密集式課程, 要每日返1.5小時, 但要8000蚊月

作者: Vichang 時間: 13-1-15 16:51 標題: 引用：Quote:Vichang+發表於+13-1-15+00:04+你可

原帖由 mikoko816 於 13-01-15 發表
佢無手指指話想要野架，佢會自已去拎，例如想食餅，佢拎左出黎比你意思想食，但佢唔會講，如果我只係拎住唔 ...

今晚Pm 你啦

作者: mikoko816 時間: 13-1-15 16:54

好呀, 唔該哂

作者: fishcowcow 時間: 13-1-16 01:47

有無媽媽知 i 位係點樣派位? 因為可以choose地區, 例如我第一志願係柴灣區, 但柴灣區有5間學校, 又有3間有位, 咁佢會派邊間? 定係是但派一間?

作者: Capricorn2521 時間: 13-1-16 10:22

回復 fishcowcow 的帖子

I位係選3間學校，吾係選區。

S位先可以選區或選學校。

作者: fishcowcow 時間: 13-1-16 15:33

I 位可以選區呀, 社工講的, 我而家係咁填左表喇
其實可能政府啲野成日變, 正如我聽有媽媽講可以I+E咁排, 但社工話只能排I位或E位是但一隻

作者: chowqv 時間: 13-1-17 19:21

fishcowcow 發表於 13-1-13 23:49
wilyun,
我而家係全職媽媽(原本搵到份工, 但評左自傾後refuse左), 我有心自己教個囝的, 不過我同阿囝而家學 ...

同我一樣，不過我排e位。

阿仔已經讀緊普通學校，問過校長，班主份；都話又唔覺佢問題好大，所以我排e位；同時學校盡量就住佢既問題黎跟進。

歡迎光臨教育王國 (/)