教育王國
標題: 大女細女都成日發脾氣,點算?真係煩死 [打印本頁]
作者: celialing 時間: 12-12-4 17:43 標題: 大女細女都成日發脾氣,點算?真係煩死
本帖最後由 celialing 於 12-12-4 17:51 編輯
大女同細女都成日發脾氣,無論事無大小都係咁,都唔知點算\
大女(7歲)
早上起身會發啦,
食早餐唔係佢想既會發
放學回家要佢貼眼會發(因有一隻眼有遠視)
要佢練長笛會發\
要佢拉根會發(跳舞)
叫佢執野會發
要佢做補充會發\\
睇完功課啲字好肉酸,要再寫過會發
改功課又不耐煩
如有玩電話遊戲叫佢收機會發(講緊係有時都耐咗成半個鐘至一個鐘,唔係成日,但有試過一個鐘,重點係無論時間長短都係會)
叫佢訓覺會發
重點係:佢兩個都係婆婆湊,婆婆都係好舊式教法,佢地成日咁樣,婆婆又覺得佢地唔尊重,又話勁啲,跟住佢地情緒會更澈動,三日唔埋兩就會打俾我,你個女又發脾氣,好似叫佢幫我做野咁,依家係佢自己既野,提佢做重係咁態度,唉!真係好頭痛
以上全部野都係每日發生緊,我就快傻啦
細女(5歲)
佢無咁嚴重,但只要件事唔順意就會即時變臉,但如你不理佢,等佢自己冷靜完,佢就會無事,不過如果同其他家長小朋友一齊去銜咁就唔係咁好囉!
E.G:有一次,上巴士時佢想同一個小朋友坐(一齊搭車返學),點知個日人地有MAMI同婆婆一齊,咁對住坐個啲中間位(4個位,都坐咗3個｣,咁DADDY就覺得唔好啦,佢一個人坐你人地度,人地要睇實佢,所以話唔好,咁佢就好快咁衝咗去最後,好嬲咁,其實中途婆婆已經話[來啦,來呢邊坐一齊啦]咁我地都有話,咁你去啦,一齊啦,但佢已經怒火中燒咁,[唔坐啦,唔洗啦]如果你再講,佢會話[都話唔坐啦]
佢就係成日都會有咁既,有好多不同情況大小事,佢都會咁,但要佢做佢應該做既事,佢就唔會好似家姐咁囉,好似好少少
作者: celialing 時間: 12-12-4 17:44
你地小朋友有冇咁樣架,你地會點做?指教下
作者: Jane1983 時間: 12-12-4 18:05
你打算點做？
作者: smallfoothk 時間: 12-12-4 18:05
本帖最後由 smallfoothk 於 12-12-4 18:15 編輯
我的小朋友都正在打game,等佢玩完先算
作者: Good-Luck 時間: 12-12-4 18:50 標題: 回覆：大女細女都成日發脾氣,點算
理應由現在開始，要比小朋友知道，主權是父母的，聽父母話是應該的。
如小朋友做的不對，作為父母應該堅持的。
起初真的要狠心些，要軟硬兼施。
以及，需要家人齊心的。
我深信 3歲定 80，所以，我的小朋友由半歲開始我會教他們做人的道理，唔理當時他們聽得明與否。
所以，現在他們都 ok 架。
作者: Jane1983 時間: 12-12-4 19:03
其實系咪樓主家人都系脾氣好剛烈的？ 所以小朋友有樣學樣？
據樓主所講情況，外人看就覺得好難接受，真系要幫小朋友改善脾氣問題。
作者: pandean 時間: 12-12-4 19:06
最近我也遇到這種難題了。下雨天在家教仔仔打乒乓球（對牆打），他次次都能從開開心心打到發脾氣的。他總想更好，不能做到就抓狂發脾氣。仲好惡添，恨不得用球拍打爛個球，次次批評，他道歉改正後次次都再犯的。我都很擔心他這種心態日後面對困難不知道點算。
作者: CarmenJack 時間: 12-12-4 20:03 標題: 回覆：大女細女都成日發脾氣,點算?真係煩死
佢兩、三歳時開始，我會用張心比己和同理心教囝囝，同時會當佢發脾氣時我地係唔會理，由得佢自己發，就算喊都唔理和我們亦都無鬧佢，只會同佢講發脾氣是解決唔到問題，記住要堅持到底，千萬不可屈服於小朋友在發脾氣時的要求。記緊
作者: Yanamami 時間: 12-12-4 20:26
Discipline呢家野要從2歲(或更早)開始做起. 由外婆(或工人)湊唔係自己湊係難搞d. 正如樓上講, 要俾佢知邊個係boss. 叫起身/ 食早餐/ 做功課.....發脾氣咩? 可以唔起身(自己同老師解釋為乜遲到/缺課), 唔like早餐唔食捱餓la, 唔做功課都OK, 自己同老師解釋. 每次講明打機30mins, 叫收機時發脾氣嘛, 扣一次無得玩. 要俾佢知發睥氣都無用, 大人唔會忌佢.
作者: 豬C奶 時間: 12-12-4 23:06 標題: 回覆：大女細女都成日發脾氣,點算
我個女2歲同你一樣，唔知佢做咩事，扭咗先，我仲有對孖囝9個月，攪到我找社工傾，情緒失控，就來睇埋精神醫生，湊bb本來開心，但唔明佢地，佢地又未識表達
作者: Jane1983 時間: 12-12-4 23:40
你個case又吾同，可能女女一下子有兩個弟弟，分去父母大部分的attention，佢扭計係無安全感、想父母留意，或要make sure你地仲係好錫佢。
作者: ANNAFRIEND 時間: 12-12-5 00:16
celialing 發表於 12-12-4 17:43 
大女同細女都成日發脾氣,無論事無大小都係咁,都唔知點算\
大女(7歲)
我女女又係7歲, 大女最近又係成日發脾氣, 旭下就發. 叫佢只要佢唔想做的就比面色我睇. 我當然係堅持啦, 佢就攪靜坐. 如果唔係每日功課多羅羅, 我都有得佢坐. 最慘係每日要趕功課, 又要練琴, 真係冇時間同佢玩野. 佢愈唔做我愈嬲, 見時間一分一秒甘過去我就仲嬲. 我愈急就愈大聲鬧佢. 攪到大家關係都好差. 之前都幾聽話, 唔知係咪人仔大左, 開始有自己思想主見, 所以會反抗. 但呢個轉變我仲適應緊, 之前話哂幾聽話, 突然轉變我就接受不了. 兩姊妹又愈大愈多問題, 好似前世有仇甘.而家每日都要同時間競賽, 真係唔想浪費在無謂事情上. 我都想知道點處理小朋友的情緒.
作者: QOOGIRLZOE 時間: 12-12-5 01:14 標題: 回覆：ANNAFRIEND 的帖子
朋友你既情況我受左了，你等下啦！7歲半會好點，因半年一個週期，我受既比你嚴重呀！公司、亞婆、亞女、老公，亞婆5明打去公司講比我知，兩婆孫都喊哂！我在公司咩都做5到，唯有一放工就走，坐的士返到去一個嬲爆，一個喊爆，煩死我，有一輪唯有準時放工，點知到加人工時個死佬板話我準時放工即是冇野做喎！我拎番屋企做佢全不知，到我唔拎返家做，在公司做佢6：15（我放5：30）又問我幾時可以比佢鎖門，佢要十分鐘內走，再加埋一老一嫩扮哂野，嫩既跟我但野我做，老既不是我跟佢又只意我做佢領工，老公又5願聽我訴苦，我又擔心個女成績差，簡直人都din! 後來唯有自己想通點，比時間諗清楚先講野，節奏慢點，現在好一點了，最重要既係今天嬲完算，因為明天仲有新野嬲，嬲下嬲下都放鬆了，仲覺得好好笑添！不過個女既情緒現在已7歲半好左好多，但間中都仲有不知為何哭，朋友說要看心理醫生，我沒有理，因我會是她唯一最好的心理醫生，因為我會想辦法去慢慢解決，不要急所有事總有解決方法，對嗎？
作者: celialing 時間: 12-12-5 06:11 標題: 引用：你打算點做？
原帖由 Jane1983 於 12-12-04 發表
你打算點做？
作者: celialing 時間: 12-12-5 06:23 標題: 引用：其實系咪樓主家人都系脾氣好剛烈的？+所以
原帖由 Jane1983 於 12-12-04 發表
其實系咪樓主家人都系脾氣好剛烈的？ 所以小朋友有樣學樣？
據樓主所講情況，外人看就覺得好難接受，真系 ...
我我自己就好少發脾氣，但兩個女成日都發脾氣，我都俾佢地攪到都差咗，點可以成日就呀！其實我都好嚴架！要做既都一定要做，唔會話發咗脾氣就唔洗或者就咗佢，所以都唔係好明，點解每次叫佢做番應該做既野都係咁，真係唔知點？
總之最後，都係唔會就佢，只係每次都話完一輪好似明咗，但下次又係咁，點解每次都要咁樣角力
作者: celialing 時間: 12-12-5 06:25 標題: 回覆：pandean 的帖子
唉！係呀！要快啲攪好佢，因為形成咗慣咗少少事就發脾氣就好煩
作者: celialing 時間: 12-12-5 06:27 標題: 引用：佢兩、三歳時開始，我會用張心比己和同理心
原帖由 CarmenJack 於 12-12-04 發表
佢兩、三歳時開始，我會用張心比己和同理心教囝囝，同時會當佢發脾氣時我地係唔會理，由得佢自己發，就算喊 ...
作者: celialing 時間: 12-12-5 06:31 標題: 引用：Discipline呢家野要從2歲(或更早)開始做起.
原帖由 Yanamami 於 12-12-04 發表
Discipline呢家野要從2歲(或更早)開始做起. 由外婆(或工人)湊唔係自己湊係難搞d. 正如樓上講, 要俾佢知邊個 ...
作者: celialing 時間: 12-12-5 06:34 標題: 引用：我個女2歲同你一樣，唔知佢做咩事，扭咗先
原帖由 豬C奶 於 12-12-04 發表
我個女2歲同你一樣，唔知佢做咩事，扭咗先，我仲有對孖囝9個月，攪到我找社工傾，情緒失控，就來睇埋精神醫 ...
其實佢細個個時反而唔會咁，唔明點解依家會咁，仲越來越嚴重
作者: celialing 時間: 12-12-5 06:40 標題: 引用：Quote:celialing+發表於+12-12-4+17:43+大
原帖由 ANNAFRIEND 於 12-12-05 發表
我女女又係7歲, 大女最近又係成日發脾氣, 旭下就發. 叫佢只要佢唔想做的就比面色我睇. 我當然係堅持啦, ...
作者: celialing 時間: 12-12-5 06:45 標題: 引用：朋友你既情況我受左了，你等下啦！7歲半會
原帖由 QOOGIRLZOE 於 12-12-05 發表
朋友你既情況我受左了，你等下啦！7歲半會好點，因半年一個週期，我受既比你嚴重呀！公司、亞婆、亞女、老 ...
佢依家剛剛7歲，可能係一個週期啦！我希望佢唔好少少就咁唔鍾意囉
作者: celialing 時間: 12-12-5 06:50 標題: 回覆：大女細女都成日發脾氣,點算?真係煩死
多謝大家俾意見我，原來都有其他家長都係咁，大家都要努力改善佢地脾氣，如果唔係真係唔好。
尋日家長日，我都有問老師，佢係學校係點，有冇成日發脾氣，或者情緒易起伏，老師居然話佢好好，會問，同埋無發脾氣架喎！真係唔明佢點解係屋企會咁，係咪真係話得太多
作者: QOOGIRLZOE 時間: 12-12-5 07:43 標題: 回覆：celialing 的帖子
你既感受我完全理解，所以5係因為假多，我估已經遲左職了，最令人覺麻煩係無啦啦打黎果時都5識話邊個好，大同細都失理性，好無助，當時諗想立即辭工但無可能，返到家亞婆仲話你辭職5好做，返來湊番個女，我連自我都失去過，試過坐坐下巴士無端端喊，唯有lunch睇下電視麻醉自己！
我個女都係極大情緒上落，係完全無尼頭果隻，好易開心好易喊，但是只是4歲後先係錦，人地講既trouble 4 year, 完全係！佢記憶力超高，可以看2遍便開始識背，2歲時有專家已說可能是資優，朋友叫去check但我怕，5想知，知左仲煩！
她在學校亦只有讚，沒有情緒問題，老師眼中乖巧聰明學生，但她對自己要求亦相當高，做不到會發自己脾氣，仲有打自己係幾個月前開始，所以連鋼琴老師都開始更細心照顧她，叫她不要比太大壓力自己，但真的要時間，放左工再返到自己家得番2小時多，時間一分一秒過野又未做完既時間真係連自己既無名火都出來，日覆日。
記住呀！你都要放鬆，好日子會慢慢來的，雨過一定天青，太陽一定會出來的，努力呀！
作者: MrBeast 時間: 12-12-5 09:07
小孩性格都是天生和從照顧者學到的，有些techniques不防一試：
刻意忽視-等她知到發脾氣不會有人理佢，
獎勵good behavior , 用良好行為記錄表
做鸚鵡，她發脾氣時問她是否很嬲，paraphrase 佢嬲的原因。
有本書＂發脾氣＂新雅出板，和她一起看當古仔睇，但千其唔好話：拿，你就係咁啦，等佢自己領悟。
作者: celialing 時間: 12-12-5 12:10
QOOGIRLZOE 發表於 12-12-5 07:43
你既感受我完全理解，所以5係因為假多，我估已經遲左職了，最令人覺麻煩係無啦啦打黎果時都5識話邊個好，大 ...
真係完全同我一樣,每一次有咁既情況,個腦都即時想,如果係我自己湊,一定唔會咁嚴重,真係好想唔做自己湊番,但實際上真係唔可以呢,唔通真係兩個咩都唔學咩,我又唔想囉!
大女都係係學校無野架,而且都係記性好好,見過一兩次就會記得架啦!
多謝你,聽你講完,好似唔係自己一個人行咁!
作者: celialing 時間: 12-12-5 12:15
MrBeast 發表於 12-12-5 09:07
小孩性格都是天生和從照顧者學到的，有些techniques不防一試：
刻意忽視-等她知到發脾氣不會有人理佢，
係呀!!咁我要試下先!!
要忽視佢!
等我去搵下本書先!!
多謝你!!
作者: QOOGIRLZOE 時間: 12-12-5 16:20
回復 celialing 的帖子
你想傾訴的話pm我啦! 同是天涯鄰落人, 頭先我女打比我話5記得去失物部取回校褸鈕, 又好似想喊錦, 果時我諗起你講果句, 係咪自己閙到佢錦, 好無奈呀! 4點至5點見到電話簪令人有恐懼, 是"下茶響鈴", 心會想又咩事呀! 但自己同自己說要平和友善, 我諗我都好開心有人明白我, 但又有5開心, 點解會錦嫁! 好傻呀!
作者: MrBeast 時間: 12-12-5 17:32
celialing 發表於 12-12-5 12:15
係呀!!咁我要試下先!!
要忽視佢!
等我去搵下本書先!!
作者: celialing 時間: 12-12-5 18:08
QOOGIRLZOE 發表於 12-12-5 16:20
回復 celialing 的帖子
你想傾訴的話pm我啦! 同是天涯鄰落人, 頭先我女打比我話5記得去失物部取回校褸鈕, ...
你話亞女想喊咁,都係佢都好緊張自己既野先會咁,其實咁都係一件好事,只要唔好太過都可以,有要求先會進步麻,我個女同你個女唔同就係,佢唔係太緊張自己既野架,對自己無咩要求,所以次次要佢練習呀做功課要改個啲,就會唔LIKE,好似我要求佢做咁,我依家都教緊佢要有目標!
係呀!每次都要快啲冷靜下先得呀!!
作者: celialing 時間: 12-12-5 18:10
MrBeast 發表於 12-12-5 17:32
想補充一句，年紀大一些這方法有可能實行時會比較難，要同佢鬥耐力，可能要軟硬兼施會好d，最緊要keep cool ...
係呀!你都有係道理,佢個補習老師都有咁講過,我要COOL啲,因為我太心軟同友善(老師係咁講),要堅持到底,COOL啲
唔該晒你呀,我會努力!
作者: QOOGIRLZOE 時間: 12-12-8 01:53 標題: 回覆：celialing 的帖子
大家傾下心情會好點，起碼講左比一個明白既人聽，自己又舒服，點會覺得你煩喎！近排學校65週年要綵排，公司年尾我又忙，你5好介意我遲覆，我都希望可以成為朋友！
作者: MS.wong 時間: 12-12-8 22:51 標題: 引用：+本帖最後由+celialing+於+12-12-4+17:51+
提示: 作者被禁止或刪除 內容自動屏蔽
作者: CarmenJack 時間: 12-12-8 23:14 標題: 回覆：大女細女都成日發脾氣,點算?真係煩死
其實可以試吓在晚上睡覺前同佢一齊瞓，熄咗燈同佢傾吓心事，問吓佢點解唔開心,點解發脾氣。
夜晚熄咗燈真係可以傾到佢平時佢唔會講ga野。我都係咁樣同囝囝溝通架。
試吓了解佢多點
作者: CarmenJack 時間: 12-12-8 23:15 標題: 回覆：大女細女都成日發脾氣,點算?真係煩死
其實可以試吓在晚上睡覺前同佢一齊瞓，熄咗燈同佢傾吓心事，問吓佢點解唔開心,點解發脾氣。
夜晚熄咗燈真係可以傾到佢平時佢唔會講ga野。我都係咁樣同囝囝溝通架。
試吓了解佢多點
作者: 小魚兒正正 時間: 12-12-10 10:05
可能佢發脾氣..有某d野在學校發生.佢講吾到你聽,我仔之前開學都好開心,跟住一日衰過一日脾氣...我揾到佢發脾氣.原因,因在學校有同學蝦佢,跟住同佢傾多左計,唉...我仔.又係7y....我都就快比佢攪到din...佢同你個女一樣....郁吓都多多野講..我比你頭痛係一叫佢做功課佢會發,...後來先知佢一做功課會諗起0個日.轉堂時d人點蝦佢...你試吓問吓你個女點解要咁先(我估有原因.),唉開學時我個仔今年好快手做哂d功課...吾駛勞氣....e家同佢同教育局傾緊轉校問題...至慘我仔重有發惡夢,我巳同佢排期番評估中心跟進.....因我巳根皮力盡,叫你呀媽吾好成日話佢...比個時間佢要做好d野...做吾好番來教佢囉唯有...你呀媽對2個同埋日日對住佢哋係好抆呀....有時比個仔攪到我好抆.我會行左去...但如果佢罵我..一定罰佢..唉加油啦...
作者: celialing 時間: 12-12-11 17:40
QOOGIRLZOE 發表於 12-12-8 01:53
大家傾下心情會好點，起碼講左比一個明白既人聽，自己又舒服，點會覺得你煩喎！近排學校65週年要綵排，公司 ...
緊係唔會啦!大家都忙啦!!65週年,真係好耐呀!!係咪香港區架!!
作者: celialing 時間: 12-12-11 17:43
MS.wong 發表於 12-12-8 22:51
小朋友要用多方面教法，最好自己湊返，先可以更了解怎樣幫囡
係呀!真係個個小朋友都唔一樣,唔可以只用一個方法!
但無辦法,我又唔可以唔做野,其實如果係我自己帶,個問題應該無咁嚴重,所以我都儘量自己放工,放假都一定自己湊番晒!
作者: celialing 時間: 12-12-11 17:46
CarmenJack 發表於 12-12-8 23:14
其實可以試吓在晚上睡覺前同佢一齊瞓，熄咗燈同佢傾吓心事，問吓佢點解唔開心,點解發脾氣。
夜晚熄咗燈真係 ...
你依個方法我無諗過喎,不過大女就好想同我訓,成日都話有怪物架!!不過因為佢訓既時候,我多數都有好多野做緊,到我入去時佢一定訓咗架啦!
等我都要試下先!
作者: celialing 時間: 12-12-11 18:00
小魚兒正正 發表於 12-12-10 10:05
可能佢發脾氣..有某d野在學校發生.佢講吾到你聽,我仔之前開學都好開心,跟住一日衰過一日脾氣...我揾到佢發 ...
同埋,之前都有試過係學校有個男仔成日都整鬼佢,係校車又會係咁話佢,佢都有同我地講番,最後都解決咗啦!不過都唔係好大問題!
最近都有問佢,因為佢數學退步咗,就問佢,佢就話都唔鍾意個數學老師,因為佢成日都鬧人,成日都成班一齊鬧,無錯都要罰埋,我都有講,咁係咪有小朋友唔乖,佢話係,不過唔係全部,但老師都會全部鬧,可能咁樣就無咩心機上堂,所以就退步,都有同佢解釋番,希望會好啲!
婆婆個度都係要間中提下佢,唔好成日都話,佢係好負面架,咩都話同埋咩都唔准玩,所以可能小朋友都會反叛,但佢又慣咗同埋性格係咁,好喜歡批評,唯有多啲開解番佢地啦!!
多謝你比意見呀!
作者: sumyau1012 時間: 12-12-12 13:52 標題: 回覆：QOOGIRLZOE 的帖子
我女應該同你女同校。我都試過因為攪唔到阿女的事坐車時想喊。今升小一，真係好唔慣，日日都好似同時間賽跑，近排我女又話呢樣唔學，果樣唔學。我真係唔知點好。你女小一時有無學校外活動，我諗緊停唔停小提琴，留小小時間俾佢同我
作者: hyatt 時間: 12-12-12 17:25
本帖最後由 hyatt 於 12-12-12 17:58 編輯
我個人經驗之談，小朋友到7歲開始有自己的思想，我們作為父母要開始懂得專重他們的想法，有時候可給予他們一些看似选擇但其實並非选擇讓他們选。
上了小學是很忙，又要早睡，跟時間競賽，大人通常做事講求效率，但對教育小朋友可能真係要放慢步伐，小朋友做事慢亦是他們學習的過程之一，不要事事催迫他們，興趣班/樂器的練習真係要迁就下和作個取捨。多點用我們的耳朵去聽他們的說話，而不是你有你講，佢有佢講，你會發現緊繃的親子関係會緩和下來，陪睡是一個不錯的溝通機會。
良好的親子関係建基於愛，要讓子女感覺到你對他們的愛，而不只関心他們的功課/黙書/練琴，他們自然會樂於聽話。說話亦不能太負面，句句都「唔可以乜，唔到以物」，是難於入耳的。管教要溫和但堅持，對自己要求高的小朋友，多點跟他們強調學習的過程而不是結果。當小朋友不高興的時候，除了發脾氣有什么出路，可以教一教他們。每個小朋友脾性氣質都不同，不能一本通書看到老。
介紹一本好書給大家，書內很很多實際情境和如何跟小朋友溝通，非常值得一看，書名叫「怎樣教出好孩子」，作者是簡雷瑞怡，在三聯有售。
作者: sumyau1012 時間: 12-12-13 07:50
回復 hyatt 的帖子
Hyatt,好認同你的分享。
我覺得父母一定要體諒子女，但當子女唔合作，時間又緊迫，跟住又忘記，又吵鬧。我每日回家前都叫自己一定唔好吵佢，好體諒，但有時好難做到，吵完又心痛又後悔。
作者: celialing 時間: 12-12-13 17:46
本帖最後由 celialing 於 12-12-13 17:58 編輯
sumyau1012 發表於 12-12-12 13:52
我女應該同你女同校。我都試過因為攪唔到阿女的事坐車時想喊。今升小一，真係好唔慣，日日都好似同時間賽跑 ...
佢有好多野學咩?
我個女又無話唔學架,除咗之前比佢試過中國舞,佢話唔學,其他野都好有興趣,你個女做功課用好多時間呀?
如果唔係真係好多就唔好停,同埋要睇下佢自己想唔想學,除非好影響學業,因為返學都好辛苦,都要有些喜歡的事做下,
我覺得咁樣可以減壓!
我地多啲傾下呀!,亞女依家P.2架啦!
作者: celialing 時間: 12-12-13 19:30 標題: 回覆：大女細女都成日發脾氣,點算?真係煩死
剛剛收工打番去，亞女又同婆婆嘈，都唔明點解唔可以冷靜啲，兩個都係咁，真係好煩！
作者: sumyau1012 時間: 12-12-14 08:32 標題: 回覆：celialing 的帖子
我係小一開學前已經cut左部份興趣班，而家只係跳舞，畫及小提琴。3樣都係佢鐘意。小提琴唔想練習，所以唔想學，跳舞又話老師惡。但我真係唔想遇到困難就放棄，都唔知點好。又唔想成日吵黎吵去。唉！
作者: sumyau1012 時間: 12-12-14 08:35 標題: 回覆：celialing 的帖子
有時好難冷靜架，我明白，因為我經常發生。但吵完真係好後悔，叫自己下次唔可以再係咁，到下次又認唔到。
作者: celialing 時間: 12-12-14 10:48
sumyau1012 發表於 12-12-14 08:32
我係小一開學前已經cut左部份興趣班，而家只係跳舞，畫及小提琴。3樣都係佢鐘意。小提琴唔想練習，所以唔想 ...
作者: chowkarman 時間: 12-12-17 12:56
其實有冇諗過, 小朋友發脾氣係未必有原因嗰喎~~~~ 其實好似我哋大人咁, 有時都會有 "唔知點解" 好忟o既時候, 任何年紀o既人都會有情緒, 所以我哋唔可以抹煞佢有情緒, 而係要教佢點樣去控制同埋適當咁去處理。
當然, 經常發脾氣係唔容許, 但當佢情緒上有問題o既時候, 做父母o既係有責任去了解背後o既原因, 對症下藥, 幫助佢走出困擾住佢o既情緒。我個女八歲, 當佢發脾氣語氣唔好時, 我通常反應唔太大, 會好淡然咁講一句 : 你可唔可以用另一個語氣再答我一次?? or 如果你同我講嘢, 我咁o既態度, 我相信你都會覺得唔開心!!! 當然, 未必次次可以成功, 有時可以, 佢會自己收歛返, 但有時亦都會變本加厲, 呢個時候我就會講 : 好喇, 媽咪想終止個對話, 因為再講落去會傷害我哋感情, 我咁愛你, 我相信你都係, 所以唔希望比情緒影響到我哋, 你覺得好 d o既時候我哋再傾!!! 可能我由佢好細個嗰時已經係咁, 所以多數佢會唔出聲, 隔咗幾分鐘, 佢會 ok, 有時會道歉, 有時會當冇事發生過, 跟住我先會問返佢頭先有咩令佢咁激氣.............. 記住呀, 喺小朋友發緊脾氣時同佢拉鋸係唔會對件事有幫助!!!
而且小朋友係不停發育緊, 佢身體上會有好多變化係我哋未必知道, 而佢自己亦未必可以好具體咁講到比你知, 尤其是而家o既小朋友好早熟, 荷爾蒙可能開始有輕微改變, 呢 d 都未必係可以察覺得到, 但就有機會影響佢哋情緒!! 我自己就永遠記住一點, 小朋友做咩都會有原因, 要搵出問題根本先可以改善, 但切記, 自己情緒要先做好, 否則點教都冇用!!
比老人家湊o既唔好處大家都知道, 我自己都係要返工o既媽咪, 但我寧願比佢去補習社, 放工我自己去接返去, 一來學業上唔多唔少會幫到 d, 當然唔可以完全靠哂佢哋, 但你都會輕鬆好多!!! 二來喺教導方面唔會同老人家有分歧!!! 可以不妨考慮。
最後, 多 d 同小朋友擁抱, 擁抱係極佳o既身體語言, 大家都會充分咁感受到對方o既愛, 唔好怕醜, 要成日比佢知道你真係好愛佢, 就算佢發脾氣o既時候都係!!!!
作者: celialing 時間: 12-12-17 18:12
chowkarman 發表於 12-12-17 12:56
其實有冇諗過, 小朋友發脾氣係未必有原因嗰喎~~~~ 其實好似我哋大人咁, 有時都會有 "唔知點解" 好忟o既時 ...
好詳細,多謝指點,我都會試下,但去補習都有諗過,依家有專科補緊,功課又可以應付到又好似唔洗,不過如果真係要都係你講個個原因,都要心諗下先!!
作者: QOOGIRLZOE 時間: 12-12-17 18:16 標題: 回覆：celialing 的帖子
不是呀！九龍區呀！
| 歡迎光臨 教育王國 (/) |
Powered by Discuz! X1.5 |