教育王國
標題: 幼稚園面試後感 [打印本頁]
作者: candylove111 時間: 12-10-16 09:58 標題: 幼稚園面試後感
提示: 作者被禁止或刪除 內容自動屏蔽
作者: bbrmb 時間: 12-10-16 10:10 標題: 引用：我是第一次做媽咪上星期帶14個月的小女兒去
原帖由 candylove111 於 12-10-16 發表
我是第一次做媽咪
上星期帶14個月的小女兒去一間幼稚園interview 明年N班
作者: poodlema 時間: 12-10-16 10:23
遊戲規則就係咁, 唔參與又唔得, 香港O既教育制度認真有問題!
作者: ppdada 時間: 12-10-16 10:28
阿仔今個星期六interview咁岩同另一間簡介會撞期~我同c6鬼死咁緊張~一個要去interview一個要去簡介會~我同c6又要咁著~阿仔又要咁著~靜一靜咁諗~我們真係好怪獸~但我地唔想的~因為個遊戲係咁樣玩~只可以繼續行落去~
作者: tuelovefei 時間: 12-10-16 10:38
有苦自己知
作者: cloudwingwing 時間: 12-10-16 10:50
ppdada 發表於 12-10-16 10:28
阿仔今個星期六interview咁岩同另一間簡介會撞期~我同c6鬼死咁緊張~一個要去interview一個要去簡介會~我同c ...
我都好希望我 c6 好似你 c6 咁緊張
我 c6 從來一d緊張都冇, 因為他直情唔理,
覺得實有書讀, 洗鬼理間學校好唔好
作者: happy.rita 時間: 12-10-16 10:57 標題: 回覆：幼稚園面試後感
之前同BB去過啲名幼稚園的playgroup，感覺都一樣，所以無報。
有啲家長盡力推自己個小朋友去老師面前「表演」或擁抱、爭玩具俾小朋友「表演」，可能想老師記得自己個小朋友，之後容易啲入PN，但真係好難頂，playgroup時已鬥一番，第時點算，咁係其中一個原因令我決定俾小朋友以後讀國際學校。
。
後來，參加過ESF、YMCA playgroup，感覺好好多，free play 時，媽媽們多鼓勵小朋友一齊玩、互相擁抱、我地都會擁抱其他小朋友，感覺自然、友善。
作者: vivicui 時間: 12-10-16 11:05
提示: 作者被禁止或刪除 內容自動屏蔽
作者: minirat 時間: 12-10-16 11:08
本帖最後由 minirat 於 12-10-16 11:15 編輯
同意！我唔系香港人，好難明點解香港的教育要甘樣運作，教育本身的意義有哪裡？我唸就算系香港人都可能不太認同。不過趨勢如此，我地做父母要系香港生活唯有屈服。我參與這個制度之餘，我都不停提醒自己唔好迷失，最緊要系俾仔仔一個開心的童年，讀書固然重要，但要開心的學習。好多人為了生活，為了唔拾輸，為了小朋友有“好”的教育，不顧一切，結果他們輸了品格，輸了真正的生活質素，好可悲。所謂教育，其實好大部分來自父母同家庭本身。
作者: 百畝林 時間: 12-10-16 11:09
世界是互動的.
家長喜歡什麼學校？希望小朋友樣樣皆能.
幾歲人仔返幾個鐘頭學, 要學自理去洗手間, 要飲飲食食, 要活動大小肌肉, 還要學各方話言, 懂得與人相處, 又要計數常識樣樣精......
要教出咁既人才, 學校為求自保, 又豈能不要小朋友過五關才收呢？
我都係新手媽媽, 囝囝八個月大啦. 都努力研究緊佢應該讀乜野學校.
都係嗰句, 學校教育重要, 家庭教育也同樣重要.
小朋友最緊要有個快樂的童年！
作者: Ryan_baba 時間: 12-10-16 11:46
我反而認同要透過面試才收呢個方式。學校可揀選覺得適合自己的學生，家長亦可多一機會去認識學校，減少錯配既機會，我個仔當年都係面試之後而放棄一間名氣頗大既幼稚園。試想下如果學校係已先到先得既形式去收生，你估大家會早幾多日去一d心儀既名幼稚園交表，到時候既可能更恐怖。
作者: ccarol 時間: 12-10-16 12:11
我自覺得要個2歲去interview 都有點過份.. 但僧多粥少冇辬法.. 係學校都想要個乖叻的學生架啦... 著得靚我自己覺得係一份專重, 你去見工/去飲都著好D ...
作者: methy 時間: 12-10-16 12:31 標題: 回覆：Ryan_baba 的帖子
屯門既幼稚園係咁 ，上星期既事，朋友夜晚8pm排到第二朝學校開門，排通宵既結果係1x位，一定入到間學校。
作者: bbqueendom 時間: 12-10-16 12:43
提示: 作者被禁止或刪除 內容自動屏蔽
作者: wiskylo 時間: 12-10-16 12:44
對於改變不了的事實除了面對沒什麼更好的方法
作者: secretrose 時間: 12-10-16 13:22
是一世流流長..呢句好。
我都報左幾間, 有人話我好報咁少，我估應該緊有一間收我個女, 下午班都照殺...我覺得帶阿女去interiview.好緊張呀....haha
作者: kbi 時間: 12-10-16 13:31 標題: 回覆：幼稚園面試後感
其實都唔關教育制度事，只是物競天擇，資源競爭是定律，就算一棵樹都要爭取陽光水份。最重要係家長怎樣面對，係不摘手段投機取巧，或積極準備坦然面對。大家一起努力吧。
作者: kbi 時間: 12-10-16 13:46 標題: 回覆：幼稚園面試後感
其實悉心打扮並無不妥，是一種禮貌，始終第一印象是重要的。讚賞小朋友，是對小朋友的鼓勵與認同，是很好的教導方法。但刻意比較其他小朋友，我就不認同，每個小朋友都有其特質同優點，唔需要用其他小朋友黎抬高自己。其實面試係一個配對過程，唔係要分叻唔叻，乖唔乖，而係小朋友既特質性格適合適合間學校，間學校又啱唔啱個小朋友，但小朋友噤細個，面試時間又短，所以面試只有象徵性。結論是，隨緣吧，不要太認真，只要努力過，盡力過，小朋友開心，享受過程，已是最好的結果。不要給予自己、老公、小朋友太多壓力。
作者: Manimon 時間: 12-10-16 14:51
methy 發表於 12-10-16 12:31 
屯門既幼稚園係咁 ，上星期既事，朋友夜晚8pm排到第二朝學校開門，排通宵既結果係1x位，一定入到間學校。
...
就算收左讀上午班既機會唔大, 覺得對唔住自己個B.:(
果日排完之後又過去另一間排, 又排左兩三個鐘,
真係唔知點解我地香港人要咁辛苦, BB出世前要撲床位, 之後又要撲奶粉, 宜家又要撲學位..
作者: flopsybunnies 時間: 12-10-16 14:56 標題: 回覆：bbrmb 的帖子
頂硬上! 支持你! 加油!
作者: 朵朵 時間: 12-10-16 18:15 標題: 回覆：minirat 的帖子
好認同你嘅觀點
作者: Daygin 時間: 12-10-16 18:31
我都認同你!!!香港的教育制度真係好有問題!教育應該係有教無類的, 但係而家學校就要用層出不窮的方法選資優學生!!!但係我唔覺得係咁短既面試入面, d所謂既老師可以見到小朋友真正一面, 選到合適既學生囉!!!要一個咁細個既小朋友就要不斷面對殘酷的競爭, 真係唔知呢個係咩世界!!!我都好討厭咁樣既生活!
作者: angel-papa 時間: 12-10-16 20:55 標題: 回覆：bbrmb 的帖子
Agree....
作者: angel-papa 時間: 12-10-16 21:22 標題: 回覆：幼稚園面試後感
我完全同意。唔知點解學校方面不能作出較有效率的安排。係鐘意d家長排、排、排！總之好似要兜兜轉轉的先可以得到報名表、面試機會~真的覺得幼兒園已攪到咁辛苦，幾時煩到上中學？
國際學校係無咁煩，不過，一個人仔每月都五千幾、六千最少！讀完國際幼稚園又點呢？是否繼續讀國際直到中學呢？除咗$之外，此教育模式又是否真的適合居住在香港的香港人呢？我想除非真的諗住將來這小孩子居住外地，否則，他並不會太適應或不會融合香港的社會生活！我自己都一直在本地學校及國際學校之中心理交戰中。。。
作者: 波蘿包1 時間: 12-10-17 10:05 標題: 回覆：幼稚園面試後感
我唔係好明點解要排隊？咁多學校都會有間收，定係家長已有心怡學校，一定要讀呢間？
作者: babyzhang 時間: 12-10-17 17:28
我baby E+仲未報讀呢,我打算2歲俾BB番學,,,,但E+都未有心水,,,都5知點算好,,,想問下邊位媽媽係深水步架~~
作者: Vlone778 時間: 12-10-17 17:56 標題: 回覆：幼稚園面試後感
其實世界冇一個地方兩歲就要番學，係香港咁特別，主要因為有商機有需求自然有人開辨，而需求從何而來，就是現今社會羊群心理下的一班受苦家長！
作者: taptap83 時間: 12-10-17 18:55
我上年同仔仔去幼稚園interview時感覺真係好現實，D家長喺外面等時互不理睬木口木面，入到面試室時突然親善大使上身，笑容滿面，態度親切咁同其他人講野，又主動share玩具，我覺得好假lo...
其實幼稚園面試唔需要咁在意show off小朋友識D乜，反而可以當一個機會去了解小朋友多D。我帶仔仔in 時佢剛滿11個月(細b)，我冇期望過佢會做指令，會識答D乜，因為平時問佢乜佢都唔理你。正當我想陪仔仔去完成指令時，老師反應好怪，咁我唯有唔出聲等仔仔自己黎刁。奇怪既事發生啦!我估唔到有D嘢佢真係自己做到。我突然有所覺悟，其實哩個都係了解小朋友既機會，做媽媽既總以為自己好了解佢，為佢籌謀，但原來自己睇唔到仔仔喺唔同環境既另一面。
面試期間仲有更奇怪既事發生，個老師拎起個橙問我個仔what is this? 我心諗，如果我個仔剛滿11個月已經識答你orange呢三個音，佢仲洗乜黎你度讀書呀?!真奇怪!
作者: wkngan 時間: 12-10-18 09:41
為人父母，誰會不為子女的人生而著緊？
大家係時候要停一停、諗一諗究竟我們要比仔仔的是什麼？
記得當初幫阿仔搵n班時只係近屋企、方便接送就好，點知周邊的朋友、姨媽姑姐群起比意見，搞到自己經常失控都唔知，訓唔好，好緊張…成日睇信箱、成日check email，真係人都顛！
後黎聽左個講座，突然醒左，找回了自己原先的意願，發現一直被其他人的意見左右，在這黑暗時期將自己、將阿仔同人比，都唔知搞咩？
現在阿仔在同屋苑的幼稚園讀n班，每日見阿仔開心返學，我又放心返工，已經好滿足。
難以想像如果當初我繼續活在黑暗時期，阿仔要好似daddy長途跋涉跨區返工的情況，到升小我又要顛一輪，相信發顛的唔止我一個，阿仔會、daddy都會…，我的家都顛了！
作者: kittyland06 時間: 12-10-18 12:47 標題: 回覆：幼稚園面試後感
其實 interview 我當同小朋友去嘉年華咁，平常心啦！又唔會冇書讀 
作者: novelle 時間: 12-10-18 14:33
bbqueendom 發表於 12-10-16 12:43
其實面試入學並無不妥,只係面試既人心情質素各有不同(並沒有惡意),有人從容面對,有人嚴陣以待,一 ...
很同意！心態最重要！我也時常叫仔仔同人打招呼呀
作者: Manimon 時間: 12-10-18 16:36
kittyland06 發表於 12-10-18 12:47
其實 interview 我當同小朋友去嘉年華咁，平常心啦！又唔會冇書讀
...
作者: marshmallowbon 時間: 12-10-22 17:05
我覺得香港依家啲小朋友真係好慘，咁細個就要面對一個咁現實嘅世界...諗諗吓都係同阿女返英國算吧喇........
作者: SS0512 時間: 12-10-22 17:10
我都唔明兩歲唔夠的人仔，ｄ學校想佢哋做到ｄ咩呢！
小朋友做唔到，亦都係正常事！
但遊戲咁玩法，大家唯有無奈地接受！
作者: Luluyen906 時間: 12-10-22 17:39 標題: 回覆：幼稚園面試後感
而家香港d教育制度簡直不知所謂，我個女剛一歲就帶佢去interview,interview內容竟然包括問顏色，佢竟然叫個剛一歲嘅小朋友分顏色！我個刻呆左！但現今嘅香港教育制度係咁。如果你唔讀，大把大6人嚟搶住嚟香港讀，唯有無奈接受！
作者: olivianwan 時間: 12-10-22 19:29
果間幼稚園first come first serve?
作者: 歐文 時間: 12-10-22 19:41
我帶1歲阿仔去INTERVIEW N班，個鬼妹老師問佢What is your name? How old are you? 又問我阿仔戒左片未? 適唔適自己用spoon、fork食野? 我都覺得好好笑，唔通1歲唔適呢d野就無書讀? 學校都忘記了什麼是有教無類!
可悲又可笑!
作者: happy.rita 時間: 12-10-22 21:20 標題: 引用：我帶1歲阿仔去INTERVIEW+N班，個鬼妹老師問
原帖由 歐文 於 12-10-22 發表
我帶1歲阿仔去INTERVIEW N班，個鬼妹老師問佢What is your name? How old are you? 又問我阿仔戒左片未? 適 ...
作者: webpaupau 時間: 12-10-23 22:35 標題: 引用：我反而認同要透過面試才收呢個方式。學校可
原帖由 Ryan_baba 於 12-10-16 發表
我反而認同要透過面試才收呢個方式。學校可揀選覺得適合自己的學生，家長亦可多一機會去認識學校，減少錯配 ...
好似返健康院做評核。而且考試內容也不涉及仔仔識那些中文字或ABC,感覺像交了三十元報名費用去bb嘉年華。
作者: lui 時間: 12-10-23 23:33 標題: 引用：而家香港d教育制度簡直不知所謂，我個女剛
原帖由 Luluyen906 於 12-10-22 發表
而家香港d教育制度簡直不知所謂，我個女剛一歲就帶佢去interview,interview內容竟然包括問顏色，佢竟然叫個 ...
作者: lui 時間: 12-10-23 23:35 標題: 引用：我帶1歲阿仔去INTERVIEW+N班，個鬼妹老師問
原帖由 歐文 於 12-10-22 發表
我帶1歲阿仔去INTERVIEW N班，個鬼妹老師問佢What is your name? How old are you? 又問我阿仔戒左片未? 適 ...
作者: BALL_B116 時間: 12-10-24 03:12 標題: 回覆：Luluyen906 的帖子
提示: 作者被禁止或刪除 內容自動屏蔽
作者: Ryan_baba 時間: 12-10-24 10:18
本帖最後由 Ryan_baba 於 12-10-24 12:17 編輯
其實大家唔需要對於面試內容咁緊張，根本冇人話過個小朋友一定要識答晒d問題至收，問問題只是一個途徑去觀察小朋友同家長既反應，比如小朋友留唔留心、與陌生人有冇交流、家長會不會對於小朋友過份保護或懂得對小朋友作出適當的引導。總之平常心面對才是正確態度。
作者: candylove111 時間: 12-10-24 11:50
提示: 作者被禁止或刪除 內容自動屏蔽
作者: cnineboy 時間: 12-10-24 14:08 標題: 回覆：kittyland06 的帖子
我都係當同阿仔去嘉年華一樣嘅心情去interview, 阿仔冇上過playgroup, 難得有機會見咁多小朋友，就當去玩下睇下野囉，佢interview第一間時，一入校園冇耐就喊到七彩，到第二間interview時浄係喊咗兩聲，望多兩望見有野玩都自己都去玩了，我覚得阿仔已經學到野啦，希望啲爸爸媽媽唔好咁緊張，平常心去interview啦，我地做父母都係希望小朋友有愉快嘅童年嘛
作者: yywongsum 時間: 12-10-24 20:40
我覺得現在家長太緊張了, 要小朋友細細個歲零就APPLE, APPLE, 作用不太, 我和太太帶小朋友去面試前沒有教他這些詞, 而且本著平常心去見, 只要表現唔緊張, 有條理去教小朋友應對每條問的問題, 就算唔識分那個球是大,那個是小, 而家長方面對話真心有條理, 結果見了兩間心儀的學校, 兩間都收, 當然我六見到有無奈的家長對著因不適應而大哭的孩子, 這樣是最不想發生的, 所以孩子不一定要去什麼PLAYGROUP, 只要平時讓他多些和大人,小朋友接觸便可以. 這是我的面試經驗,希望在此分享一下.
作者: kwan_0128 時間: 12-10-24 23:01
回復 taptap83 的帖子
你講得好O岩而家的家長真係好假何必樣樣SHOW OFF又要比較
得個十幾個月人仔又要INTERVIEW, 佢地咁細最緊要係玩玩玩
就係因為香港的教育制度, 令到我都成日教個女讀英文字
目的只為左佢可以入到好D的學校讀N班, 其實咁樣好唔正常!!
全世界冇乜地方好似香港咁, 我D外國客聽到香港的小朋友咁都話CRAZY
但冇計鬼叫你生活係香港, 唯有跟住一齊做怪獸家長
作者: mskiki 時間: 12-10-25 10:48
回復 bbrmb 的帖子
Totally Agree with you! I have 2 kids, my little son will go for PN next year as well. I also don't agree the system, but I still need to play with it. 好無奈.
作者: 歐文 時間: 12-10-25 15:49
回復 lui 的帖子
我好贊成你咁講，我老公都話，老師質素咁低，收都唔讀!
| 歡迎光臨 教育王國 (/) |
Powered by Discuz! X1.5 |