教育王國

標題: 點解想個女入間好學校係咁辛苦？ [打印本頁]

作者: ching1124 時間: 12-9-4 18:26 標題: 點解想個女入間好學校係咁辛苦？

今曰知道心儀學校有人放位，即打去問但話無位，但之後學校打來話比機會約見，本以為有機會，但最後都係失敗

點解之前已經面試過，有位都要再一次面試，但最後都係唔比機會我女

我真係有想喊

點解我想個女入間好學校要咁辛苦

作者: sotsang 時間: 12-9-4 18:54 標題: 回覆：ching1124 的帖子

边间咁殘忍？

作者: carriebaby111 時間: 12-9-4 19:02

或者你這樣想是否會好D???其實都不是完全無機會, 到今天都有面試的機會.....只是和這間學校沒有緣份罷了.........唔只你囡囡係咁, 好多人都好慘, 呢個遊戲是這樣了,不如收拾心情, 好好地讀好小一, 鋪排下年轉校!

作者: piyohk 時間: 12-9-4 19:35 標題: 回覆：ching1124 的帖子

請問那一間學校？

作者: Jane1983 時間: 12-9-4 20:17

係好殘忍，比我可能都會喊。

不過傷心完就繼續努力培養個女，長路漫漫，小一失意係慘，但如果小朋友係叻，有父母幫她奔走，係吳會被埋沒的。

作者: 點算好 時間: 12-9-4 20:36 標題: 引用：今曰知道心儀學校有人放位，即打去問但話無

原帖由 ching1124 於 12-09-04 發表
今曰知道心儀學校有人放位，即打去問但話無位，但之後學校打來話比機會約見，本以為有機會，但最後都係失敗 ...

希望在人間，但千萬不要在小朋友面前顯示出對現校不滿。

作者: MaiGao 時間: 12-9-4 20:55

今年唔得，明年插班仲有機會。不過記得要控制情緒，唔好令女女唔鐘意依家間學校呀。
加油﹗

作者: kkhon 時間: 12-9-4 21:20

真係好想知邊間咁玩法，最後関頭call得人去仲要揀。

作者: flocfy 時間: 12-9-4 21:22

千禧有位？

作者: 瑩希媽媽 時間: 12-9-4 21:22 標題: 回覆：kkhon 的帖子

是奉基吧?

作者: pingu_pinga 時間: 12-9-4 21:22 標題: 回覆：flocfy 的帖子

提示: 作者被禁止或刪除內容自動屏蔽

作者: flocfy 時間: 12-9-4 21:26

奉基？有位，跟著叫人in ，又reject人，咁又真係衰喎！

作者: happyty 時間: 12-9-4 21:34

一直都有留意樓主.....不要太傷心！或許會有轉機！若真的不行，小一加把勁，小二轉校吧！加油呀！

作者: 冬菇仔 時間: 12-9-4 21:49

支持樓主，唔好咁傷心啦！

作者: 冬菇仔 時間: 12-9-4 21:55

學校約見你們，可能被你們誠意打動但小朋友本身不在隊的前頭，因為順waiting list 次序是不須要見的。

作者: sotsang 時間: 12-9-4 21:58 標題: 回覆：冬菇仔的帖子

唔好想太多影響小朋友开学情緒，不然讀好了年準備明年插班。

作者: ching1124 時間: 12-9-4 21:58 標題: 回覆：點解想個女入間好學校係咁辛苦？

邊間我晤想講，但我唔知點解之前打去問話無位，轉頭又話有位要約見，正常嚟講有心想收我女先會再約見，可能咁做只想我死心吧

作者: 冬菇仔 時間: 12-9-4 21:58

佢肯見你，即表示仲有希望，因為音樂椅遊戲仲未完。希望在人間!

作者: lcys 時間: 12-9-4 22:10 標題: 回覆：點解想個女入間好學校係咁辛苦？

樓主不要傷心。又是老土的安慰說話，那學校不收你囡囡是學校損失。

作者: 點算好 時間: 12-9-4 22:20

ching1124 發表於 12-9-4 21:58
邊間我晤想講，但我唔知點解之前打去問話無位，轉頭又話有位要約見，正常嚟講有心想收我女先會再約見，可能 ...

可能系呢段時間有人放位呢? 唔關妳事既

作者: ae.mama 時間: 12-9-4 22:28 標題: 回覆：點解想個女入間好學校係咁辛苦？

其實約見你，係因為比你既誠意打動，你有冇從今次既面試中再吸取經驗呢？不如你先收拾心情，諗下邊度仲有進步空間，為將來作準備。唔好灰心，呢度有好多人支持你架！

作者: ching1124 時間: 12-9-4 23:04 標題: 引用：其實約見你，係因為比你既誠意打動，你有冇

原帖由 ae.mama 於 12-09-04 發表
其實約見你，係因為比你既誠意打動，你有冇從今次既面試中再吸取經驗呢？不如你先收拾心情，諗下邊度仲有進 ...

多謝大家的支持

我為大女由派位知結果煩到今日，真係要停了

跟住落嚟細女下年升小一又要再煩過

作者: 冬菇仔 時間: 12-9-4 23:08

回復 ae.mama 的帖子

贊成，約見你已代表學校無理本身的waiting list，被你誠意感動咗。我最心儀嗰間學校，枉我呢個暑假日寫夜寫，寫咗咁多封信，只求她再見多次小朋友，但都係石沉大海，連見都唔見啦。我們呢班過來人，全部都支持你的。加油呀！

作者: flocfy 時間: 12-9-4 23:18

唉！此刻的心，真的不容易受！振作呀！女女們好需要你的，加油！我們個個支持你！

作者: 點算好 時間: 12-9-4 23:30 標題: 引用：唉！此刻的心，真的不容易受！振作呀！女女

原帖由 flocfy 於 12-09-04 發表
唉！此刻的心，真的不容易受！振作呀！女女們好需要你的，加油！我們個個支持你！ ...

Yes!!! 這裡還有很多有心人的。

作者: ching1124 時間: 12-9-5 00:30 標題: 引用：Quote:原帖由+flocfy+於+12-09-04+發表唉！

原帖由 點算好 於 12-09-04 發表
Yes!!! 這裡還有很多有心人的。

多謝大家

作者: MaiGao 時間: 12-9-5 01:00

冬菇仔發表於 12-9-4 23:08
回復 ae.mama 的帖子

贊成，約見你已代表學校無理本身的waiting list，被你誠意感動咗。我最心儀嗰間學校 ...

同感。寫左最多封信果間，朝朝五點幾起身去交信，盼校長見一見我地，結果無晒聲氣…

作者: 迷你大人 時間: 12-9-5 15:05

為人父母真系辛苦哦，不過我想擇校呢樣野，盡過人事，只能聽天命

作者: Haz-mama 時間: 12-9-5 15:57

冬菇仔發表於 12-9-4 23:08
回復 ae.mama 的帖子

贊成，約見你已代表學校無理本身的waiting list，被你誠意感動咗。我最心儀嗰間學校 ...

我都係, 寫咗好多封都冇reply, 我已經放棄了!!

作者: AAma 時間: 12-9-5 16:39

樓主,

塞翁失馬,焉知非福?

你有無考慮你囡感受? 當佢見到你情緒反應, 覺得入去一間差的學校, 會唔會開心返學,努力讀書? 不如開開心心接受現實, 比心機讀好書, 唔怕去唔到好學校. 加油.

作者: constanceng 時間: 12-9-5 17:45

我好明白你既感受, 亦清楚知道去到見校長都唔收, 有幾唔開心。我試過真係好想喊, 又喊唔出。我們冇可能知道學校如何選人, 事已至今, 只可以收執心情, 接受現實, 惟有寄望下年插P2了。

作者: ching1124 時間: 12-9-5 19:49 標題: 引用：我好明白你既感受,+亦清楚知道去到見校長都

原帖由 constanceng 於 12-09-05 發表
我好明白你既感受, 亦清楚知道去到見校長都唔收, 有幾唔開心。我試過真係好想喊, 又喊唔出。我們冇可能知道 ...

我收到學校打來约見，真的以為我之前不斷寫信比校長打動咗佢會收我女，點知去到係要我女再一次面試，臨走前我好誠懇哀求希望比個機會我女，但最後收到電話話我女落選了!個刻的心情真的難以形容，我係好想喊，但忍住淚水無喊出來！經過昨天，我而家諗通了，雖然阿女入到間差學校，但只希望佢能用功讀書，讀得開心，已經足夠了！

作者: amynatalie 時間: 12-9-5 20:30 標題: 引用：Quote:原帖由+constanceng+於+12-09-05+發

原帖由 ching1124 於 12-09-05 發表
我收到學校打來约見，真的以為我之前不斷寫信比校長打動咗佢會收我女，點知去到係要我女再一次面試，臨走前 ...

支持你呀！

作者: sissysze 時間: 12-9-5 21:59 標題: 引用：Quote:原帖由+constanceng+於+12-09-05+發

原帖由 ching1124 於 12-09-05 發表
我收到學校打來约見，真的以為我之前不斷寫信比校長打動咗佢會收我女，點知去到係要我女再一次面試，臨走前 ...

其實你小朋友學術如何？性格又係咪好怕羞嗰啲？在學校而言，去到叩門呢個moment可以揀學生就梗係想有甘好揀甘好，唔係話你小朋友唔叻，而係要明白身邊大把高人

作者: babyjean 時間: 12-9-5 22:30 標題: 回覆：點解想個女入間好學校係咁辛苦？

忘記背後，努力面前。差學校都可能遇到好老師，真係唔試過唔知。

作者: 點算好 時間: 12-9-5 22:49 標題: 引用：忘記背後，努力面前。差學校都可能遇到好老

原帖由 babyjean 於 12-09-05 發表
忘記背後，努力面前。差學校都可能遇到好老師，真係唔試過唔知。

更會遇到一生肝膽相照的死黨呢~~~

作者: flocfy 時間: 12-9-5 23:38

我也是過來人，真的不知道該說什麼了！

不過，我依然相信小一並非人生的結局，堅守信念，加油呀！可能我們中學會重遇呢！

作者: hugub 時間: 12-9-6 10:15

ching1124 發表於 12-9-4 23:04
多謝大家的支持我為大女由派位知結果煩到今日，真係要停了跟住落嚟細女下年升小一又要再煩過:s ...

我當年都係大囝派得唔理想要四圍揾學校, 到細囡我仍然決定博到盡竟然抽中第1志願, 加油祝你好運

作者: MAYANGUSPO 時間: 12-9-6 11:49

聽您講已感覺到個種尤如過山車既感覺, 千祈唔好認為自己小朋友技不如人, 只係得個幾分鐘時間, 點可能令到一個陌生人有幾了解自己小朋友? 輸既只係運氣, 當然另一邊廂仍要努力向上游, 做好裝備, 去面對將來每一個挑戰先為上策, 緊記每人總會有三衰六旺, 只係時機未到, 小朋友係努力, 上天會知道既, 會有好既安排~加油!!! 大家向住標竿正跑~~~

作者: MAYANGUSPO 時間: 12-9-6 11:50

直跑至係

歡迎光臨教育王國 (/)