教育王國
標題: 阿仔的女友 [打印本頁]
作者: IreneIrenechan 時間: 12-9-2 10:44 標題: 阿仔的女友
阿仔升中二，一直讀男校，於補習識了讀女校女孩，這是阿仔第一次跟我談感情事，佢整晚心情興奮，望住佢又好笑，又擔心，開學在即，佢成績麻麻，我怕佢影響學業，各位過來人可以分享嗎？
作者: Yanamami 時間: 12-9-2 11:36
我唔係過來人. 不過覺得係仔肯開心同你傾係好事. 同teenager最緊要有偈傾先好辦事. 開心見誠同佢講唔反對佢交多個朋友, 呢個世界唔係男就係女, 唔一定同女仔做朋友就一定係拍拖(但要同對方講清楚意向, 係講, 唔係暗示, 咪俾人誤會), 來日方長, 睇定d先.....亦可同佢講清楚你既憂慮(怕影響成績, 你話佢知, 多少總會, 一齊開心又成日掛住對方, 唔開心又成日激心. 唔係d武俠小說入邊d高人練功洗乜閉關/ 禁慾, 要專心嘛!). 總之唔反對佢交多個friend啦. 順帶教埋正確性知識都好, 費事佢好奇, 盲中中自己亂搵料. 防範未燃嘛....
作者: baoying 時間: 12-9-3 13:03
个仔愿意同你分享感受就好，過一段時間就唔一定係拍拖，或者個女仔唔同左羅，你唔提唔問，好似無聽過甘，再過一段時間就會散，上大學個時，男仔已經被過去女生調教得獨立、自信、有主見、對未來有一定方向同目標，12-18歲之間年紀，最難教，好多野都唔知點溝通。e+我明白左，好男人係女人調教出來，
作者: baoying 時間: 12-9-3 13:37
回復 baoying 的帖子
e+女友好識照顧阿仔，我好安落，唔洗我操心
作者: kilykilyk 時間: 12-9-3 14:19
我都覺得子女主動同父母講私事特別係感情事是很好,
我都想呀囝會同我傾..
作者: IreneIrenechan 時間: 12-9-3 14:56 標題: 回覆：kilykilyk 的帖子
佢講些少，我要帶動佢傾，有這些事正常，希望佢健康成長！
作者: BallBallMaMa 時間: 12-9-3 16:57
回復 IreneIrenechan 的帖子
個女仔讀書叻唔叻? 如果叻, 咪鼓勵下仔仔要好像柯景騰為沈佳宜咁努力讀書囉
作者: like_travel 時間: 12-9-3 18:07
本帖最後由 like_travel 於 12-9-4 13:47 編輯
baoying 發表於 12-9-3 13:37 
回復 baoying 的帖子
e+女友好識照顧阿仔，我好安落，唔洗我操心
你囝囝都好大了嗎?。。。。。感受到你的喜悅! 我希望囡囡大學畢業先拍拖! 當然只是期望、、、、真係要拍拖都迫唔到佢聽我的 
作者: IreneIrenechan 時間: 12-9-3 18:59 標題: 引用：回復+IreneIrenechan+的帖子
個女仔讀書叻
原帖由 BallBallMaMa 於 12-09-03 發表
回復 IreneIrenechan 的帖子
個女仔讀書叻唔叻? 如果叻, 咪鼓勵下仔仔要好像柯景騰為沈佳宜咁努力讀書囉 ...
作者: VV媽 時間: 12-9-4 10:26
我個女今年升中一,
去年已經有拍拖,(不過只是精神上的,沒有出過街),
依家又換左畫啦 ,你話化唔化學呀?
有時都唔洗同佢咁認真,
睇定d先
作者: IreneIrenechan 時間: 12-9-4 12:11 標題: 引用：我個女今年升中一,去年已經有拍拖,(不過只
原帖由 VV媽 於 12-09-04 發表
我個女今年升中一,
去年已經有拍拖,(不過只是精神上的,沒有出過街),
依家又換左畫啦 ,你話化唔化學呀?
作者: jimjimjim 時間: 12-9-4 16:50
like_travel 發表於 12-9-3 18:07 
你囝囝都好大了嗎?。。。。。感受到你的喜悅! 我希望囡囡大學畢業先拍拖! 當然只是期望、、、、真係要拍拖 ...
希望囡囡大學畢業先拍拖<--- 要小心最後好難搵男朋友
因為好既男仔一早俾人MARK晒
要等人地散左先有機會
又或者做人小三
做野有好多工種都好難識男仔
作者: Joe媽媽 時間: 12-9-5 10:39
like_travel 發表於 12-9-3 18:07
你囝囝都好大了嗎?。。。。。感受到你的喜悅! 我希望囡囡大學畢業先拍拖! 當然只是期望、、、、真係要拍拖 ...
畢業後先開始搵? 好易跌落"剩女網". 
不過, 良緣天定, 既來之, 則安之吧!
不過, 樓主之中二生就過早了, 睇緊D好.
作者: Yanamami 時間: 12-9-5 10:48
說話講番轉頭, 時下男生自理力/責任心成疑, 寧為剩女, 莫為人"湊仔".
作者: kilykilyk 時間: 12-9-5 13:45
IreneIrenechan 發表於 12-9-3 14:56
佢講些少，我要帶動佢傾，有這些事正常，希望佢健康成長！
我囝佢升中二,都唔多女仔打比佢,男仔就很多,但就話身邊啲男性朋友都有拍拖,
我同佢講拍拖唔緊要,最緊要唔好應響成績,仲笑笑口問佢有無鐘意o既女仔!?
佢話暫時無拍拖這個心,亦未遇到個鐘意,對女仔要求都幾高,佢話要性格好成績好同靚女
作者: like_travel 時間: 12-9-6 19:11
jimjimjim 發表於 12-9-4 16:50
希望囡囡大學畢業先拍拖
作者: jimjimjim 時間: 12-9-6 20:47
like_travel 發表於 12-9-6 19:11
係喎! 原全無諗過呢一part tim. 好嘢都比人mark 實哂! 但有些男人拍左6 年拖失先同個女人講，溝通不了，同 ...
唔係有得拍= 一定有好結果
但係無得拍好似之前TV 0個D盛女就麻煩了
中二當然唔好拍拖，但入到U就要拍下了
作者: chinzw 時間: 12-9-23 20:40
提示: 作者被禁止或刪除 內容自動屏蔽
作者: chinzw 時間: 12-9-23 20:42
提示: 作者被禁止或刪除 內容自動屏蔽
作者: 瑄婷 時間: 12-9-24 09:45 標題: 回覆：阿仔的女友
我细女F1,每日 都有追求者出現，由F1至F3都有，又电話又情信又whatsapp,總之就煩死人，佢同我講初時都覺好笑，因為好幼稚，但現在有些擔心影響她的學習心情!
作者: IreneIrenechan 時間: 12-9-24 09:59
阿仔的愛情初體驗已完結，佢話個女仔太煩，早晚whatsapp問行蹤，煩過阿媽，所以最後放棄，都好，專心讀書！
作者: 瑄婷 時間: 12-9-24 10:03 標題: 引用：阿仔的愛情初體驗已完結，佢話個女仔太煩，
原帖由 IreneIrenechan 於 12-09-24 發表
阿仔的愛情初體驗已完結，佢話個女仔太煩，早晚whatsapp問行蹤，煩過阿媽，所以最後放棄，都好，專心讀書！ ...
作者: VV媽 時間: 12-9-24 10:27
回復 IreneIrenechan 的帖子
我亞囡個第二春都散左,
不過佢冇同我講,(睇佢facebook知的),
有第三者,
都好,細個有經驗,
大個會小心d.
但早一排拍拖時成日whatsapp,有影嚮到功課,
依傢好d,
希望大家小朋友都平安渡過青春期啦!
作者: vincher 時間: 12-9-24 17:22
回復 Yanamami 的帖子
你好開通喎!有冇灌輸定D性知識俾大Y
作者: jeoy126 時間: 12-9-25 11:11
雖然唔系過來人，不過同家姐一起幫佢嗰女處理感情問題，非常成功。上面有家長講到唔理唔問，到時會散，我唔認同咁做法。如果喺浪費時間，影響學業嘅，點可以坐視不理？
1.有男仔/女仔鍾意，首先喺坦然接受和認同，但唔可以表現太緊張，你問得多，佢又會覺得你太八卦，就會收收埋埋。如果你首先來一輪思想教育，咁第日你可能再收唔到佢嘅料。
2.唔使問個仔女太多，直接邀請對方來屋企一起做功課溫書，咁就可以直接瞭解，唔需要間接打聽。注意，喺過來一起讀書，唔系特登請食飯！如果喺請食飯，第一，對方可能會驚，第二，阿媽做得太輕骨頭，小朋友就會更放肆。要畀佢明白，你接受佢地喺有前提，就系一起讀書，互相幫助鼓勵！
3. 見過對方后，如果對方小朋友表現有禮貌，有教養，咁就可以留食飯，喺飯檯上瞭解更多，有講有笑，鼓勵他們勤力讀書，一起考大學。咁就系正面引導。
4.如果對方冇麼禮貌，咁就要同自己小朋友建議一下啦。剛開始拍拖，小朋友未必聽得入耳，你只可以提醒，畀建議，唔可以強制分手，只能強調，你可以繼續玩，繼續拍拖，但絕對唔可以做出過格行為，呢個人可能唔系你想要個嗰。對對方小朋友，唔使留食飯，唔使再請對方來屋企溫書，間接拒絕。
5.如果對學業沒有造成影響，相反有正面作用，咁何樂不為？如果影響到學業，咁就要兩個一起捉來交流想法。唔系上教育堂，喺同佢地傾幾，唔會阻止佢地拍拖，但要明確方向，兩個人一起未必要行街食飯睇戲，你地而家喺學生，就要讀書為主，一起溫書一起進步，上同一大學，會比任何形式嘅戀愛更有意義。
將戀愛關係引導去一個正面嘅方向就得。而父母同仔女之間，又沒有隔閡，有信任感，風箏可以放出去畀佢一定自由空間，但條線始終要喺自己手度，你對眼亦都要始終望到自己個只風箏，唔好等到睇唔到，就收唔番。
作者: IreneIrenechan 時間: 12-9-25 11:41
非常贊成！
作者: Meikin 時間: 12-9-25 13:09
回復 jeoy126 的帖子
"......風箏可以放出去畀佢一定自由空間，但條線始終要喺自己手度，你對眼亦都要始終望到自己個只風箏，唔好等到睇唔到，就收唔番。"
非常同意Joey126 以上這個比喻. 孩子升中後日漸成長, 父母的收放也很講技巧, 我也在努力摸索中呢.
作者: Joe媽媽 時間: 12-9-26 10:13
vincher 發表於 12-9-24 17:22
回復 Yanamami 的帖子
你好開通喎!有冇灌輸定D性知識俾大Y
我見解就是: 如果上到中學, 甚至學人談戀愛你才教, 甚麼衰11, 唔好xx, 唔好xx, 就會太遲, 佢會覺得妳說話有骨, 下下針對佢, 講緊佢, 就聽唔入耳..
作者: VV媽 時間: 12-9-26 10:26
我就襯有新聞時.
同佢討論下,
分折下,
等佢自己諗,好過我下下正面同佢講
作者: Joe媽媽 時間: 12-9-26 14:41
本帖最後由 Joe媽媽 於 12-9-26 14:43 編輯
回復 Joe媽媽 的帖子
其實我那麼早教亞仔, 是因為他生得高大/ 靚仔, 小二/ 小三已有女同學送小禮物. 算命師傅亦算到他會早談戀愛, 要出國留學才會減"桃花", 唔係晒命, 其實做父母一D都唔會開心, 好怕他出事. 男仔學歷不高就麻煩, 所以細細個就已教他, 男才女貌, 男仔要高學歷, 一早已幫他"洗腦"...
E+D女生好主動, 我試過同亞仔搭車去街, 分開錯, 後來有同校之女生上車, 不知道他父母在身邊, 不停"攪"我仔, 我地扮睇唔到, 睇下佢地會發生 mud 事; 最後, 亞仔要避走去"下層", 佢話D女生好唔怕羞, 又煩 
亞仔本身反而遲熟, 暫時未對女生有興趣. E+同我暫時都叫做有計傾. 星期六晚會去我房玩 "超人打怪獸", 鋤大D...
亞仔話佢唔會係 gay guy, 不過對女生有要求, 要"長頭髮", "要靜", "要溫柔", 唔可以"吱吱喳喳". 我都放心D, 今時今日D港女邊樹會 gum 易達佢D大男人標...
作者: admiralhk 時間: 12-9-27 17:24
提示: 作者被禁止或刪除 內容自動屏蔽
作者: thenewipad 時間: 12-10-6 12:24
本帖最後由 thenewipad 於 12-10-6 12:26 編輯
借個位分享吓而家初中生拍拖狀況 :
昨天坐mtr 在 TST 站入來幾個QES 學生, 相信昨天QES 有活動....見一對小情人在擠滿人的車廂內係咁做親密動作, 後來更大庭廣眾相擁....兩位身穿校服既名校生好有guts..... 一d 都唔介意有人望住, 兩位主角最多form 3......真係好可怕......
作者: Meikin 時間: 12-10-6 12:57
本帖最後由 Meikin 於 12-10-6 13:00 編輯
我每天搭港鐵返工放工, 都見唔少著住校服的中學生在港鐵車廂內有親密動作, 完全超越我可以接受程度, 佢哋根本唔覺得著住校服在大庭廣眾作出這些行為有任何問題......唉!有時只可以講句"世風日下", 如果嗰個係我個仔女, 我一定激死!
所以我都希望阿仔專心讀書, 起碼讀完中學才拍拖. 而家D細佬唔似我哋當年, 拍拖可能只是一齊温書, 最多拖吓手, 今時今日D細佬一拍拖好多都全情投入, 不單影響學業, 更可能攪大個肚.
作者: thenewipad 時間: 12-10-6 13:51
本帖最後由 thenewipad 於 12-10-6 13:54 編輯
Meikin 發表於 12-10-6 12:57
我每天搭港鐵返工放工, 都見唔少著住校服的中學生在港鐵車廂內有親密動作, 完全超越我可以接受程度, 佢哋根 ...
我當年都係15歲拍拖...但穿著校服從不敢胡來, 更不要說在大庭廣眾既港鐵車廂中表演..... 因為佢地係名校生, 更加唔應該映衰學校...... 好彩我囡無入去讀.... 我真係好shocking 
作者: like_travel 時間: 12-10-6 22:35
thenewipad 發表於 12-10-6 12:24
借個位分享吓而家初中生拍拖狀況 :
昨天坐mtr 在 TST 站入來幾個QES 學生, 相信昨天QES 有活動....見一對 ...
作者: Jackieson 時間: 12-10-7 02:15 標題: 回覆：jeoy126 的帖子
多謝分享，要keep住，記住，第時作為reminder.
作者: Jackieson 時間: 12-10-7 02:24 標題: 回覆：thenewipad 的帖子
其實都見唔少b1學生,著住校服行街時拖手仔，少人嘅地方攬吓，但在地鐵咁樣又過份咗d...
作者: Meikin 時間: 12-10-7 13:21
以前我一向都較喜歡讀男女校, 但近幾年見得太多這些情況, 發覺讀男校或女校孩子雖然在社交方面沒有男女校咁自然, 但也減少了近水樓台, 人拍拖你又拍拖的機會. 我不是反對中學生拍拖, 但而家D中學生拍拖的程度等於我哋當時成人拍拖的程度, 佢哋心智不夠成熟, 很多方面都不懂處理, 又唔肯聽大人講, 沒事就好, 有事後果可以好嚴重, 甚至影響一生.
作者: chiu0128mama 時間: 12-10-8 09:54
回復 Joe媽媽 的帖子
hi, joe 媽媽, 你好似講緊我個仔咁,好多相似,不過我估你仔應該大d,我仔剛上中一,成日話d女同學煩住佢,同埋我好同意而家d女孩真係好主動呀, 我都一早教定個仔,做男孩要有風度同檢點d, 要識say no!
作者: Joe媽媽 時間: 12-10-8 11:57
chiu0128mama 發表於 12-10-8 09:54
回復 Joe媽媽 的帖子
hi, joe 媽媽, 你好似講緊我個仔咁,好多相似,不過我估你仔應該大d,我仔剛上中一,成日 ...
講個真人真事故事給大定知:
我同事個姨生仔(早2年剛好20歲, 讀緊HKU, 讀書好叻), 攪大人地果女個肚, 被迫結婚, 其實一直以來都係女追男, 但亞仔又唔識拒絕, 貪心/ 貪玩咪出事 lor. 男仔屋企有少少錢, 個女仔重要懶死唔走要過夜, 要男仔父母出聲趕走才肯走, 但唔知點解個女仔屋企又唔出聲? 可能唸住男仔屋企有D家底, 出事都唔怕?
男仔屋企唔讚成BB出世, 其實成年人都知有 mud 問題啦, 無獨立經濟基礎, 心理又無預備, 感情又唔係深厚. 點會好? BB又點會幸福快樂? 但女仔父母這時候又出聲, 又堅持話要結婚, 又話要生, 唔係就報警, 又.... , 可能真係發生事了, 又覺得自己過女"蝕底"? 已好詳細跟對方父母分析過BB出世後反而害多個人... 但對方父母唔理, 一定要結!
結果: 婚後大半年, BB出世, 2個大細路仍是"吵不停", 跟本就係唔夾, 而且大家都未玩夠! 最後玩埋離婚. 外婆收左嫲嫲一大舊錢之後就答應了以後照顧BB, 那其實又有甚麼意思呢? 最大受害人反而係BB, 無父母愛惜之BB, 長大後會快樂嗎?
不過, 亞仔知道教訓了, 答應父母會帶眼識人, 唔會再隨便攪出人命, 而且, 聽聞這兩個小父母無去探過BB, 個小媽媽更搬走了自己父母屋企. 而且, 有另一個"男人"!
BB 真係好慘好慘呀, 嫲嫲都有怪自己點解當初唔堅決要求唔要BB, BB係一條新生命, 但BB出世後, 得不到自己父母之愛惜, 那豈不是更加"一生一世"受難嗎? 所以, 我地一定要教好自己D囝囝囡囡; 仔女都好, 真係唔好輕易就話生BB, 攪出人命就真係害已害人.
作者: Meikin 時間: 12-10-8 12:40
回復 Joe媽媽 的帖子
這樣的真人真事每年都為數不少, 很感慨.....
最怕就是攪出"人命", 唔要個BB又好似好冇人性, 但勉強冇幸福, 生佢出來又是害佢一世.
講到尾, 都係要盡早教育D仔女, 拍拖唔好咁隨便, 到出事時就真係太遲了.
而家D女仔思想早熟且主動, 唔似我哋當年重會玩吓暗戀, 鍾意就主動出擊, 明刀明槍, 真係進取得好恐怖, 大部份男生都未必懂得如何招駕.
我阿仔自小四起被同班一位女同學狂追, 電話/小手工/情信/SMS等等攻勢.....阿仔對佢沒意思, 佢有俾D情信SMS等我睇, 但佢明示暗示拒絕個女仔後, 個女同學仍然不死心, 阿仔又唔夠決絶唔理佢, 佢當佢係同學, 怕太傷人哋喎. 到今時今日, 升中兩年了, 大家唔同校, 個女仔重不時whatsapp吓佢, 試探吓佢有冇女朋友, 且又舊事重提話重等緊佢......阿仔繼續駝鳥政策, 敏感資料扮收唔到, 而其他無關感情事則如常回答那位女同學. 我都話佢應該一早決絶D表明佢架立場, 唔好俾個女仔以為重有希望, 但阿仔又話"得啦, 我識自己處理啦".
作者: like_travel 時間: 12-10-8 13:27
本帖最後由 like_travel 於 12-10-8 13:27 編輯
Joe媽媽 發表於 12-10-8 11:57
係呀, 我仔S2, 唔好話仔就唔洗驚呀!
講個真人真事故事給大定知:
妳個仔一定係又靚仔, 讀書又叻既精英, 所以呢個女仔咁長情, 當投資籃籌股票咁長揸..... 佢識得用時間去培養感情........ 我建議你仔block 左佢向whatsapp... facebook 都block 埋, 既然無感覺...無謂比人幻想..... 因為呢個女仔真係太長情 
ops:" />
作者: Meikin 時間: 12-10-8 14:12
本帖最後由 Meikin 於 12-10-8 14:16 編輯
回復 like_travel 的帖子
我個仔只係高廋sporty, 唔算係靚仔, 如果靚仔多幾隻狂蝶埋身就重煩.
阿仔是男仔性格+對感情遲鈍型, 佢對男女同學都一同仁視, 只要啱傾就做到friend, 相識滿天下, 即使有女仔明示暗示, 佢都未必收到, 令人產生無限幻想.
我都有建議阿仔唔好覆佢whatsapp or block晒咗佢D whatsapp, 但阿仔話始終小學同學一場, 唔可以咁絶, 又或者(我估喳)阿佢雖然唔鍾恴佢, 但都enjoy俾人追嗰種感覺. 本來我都以為升中後冇同校, 少聯絡, 嗰位小姐會停止行動, 點知重未斷尾, 阿仔重pik唔nut佢. 我有時不方便建議太多 或 參與太多, 一來想俾佢自己handle番, 二來怕佢嫌我多事, 以後有事都唔同我share, 唯有靜觀其變啦!
作者: chiu0128mama 時間: 12-10-8 14:21
回復 Meikin 的帖子
多謝各位媽媽的分享
,今晚有有好多話提跟仔仔分享了!
作者: Joe媽媽 時間: 12-10-8 14:31
回復 Meikin 的帖子
hahaha, 妳仔一定係 "韓流明星", 我仔好D, 無 gum 利害.
而且, 我仔好大男人(成日笑個老豆係老婆奴), 女仔 facebook/ whatsapp 單對單佢唔會覆, 怕有麻煩/ 誤會, 打電話亦最多3~2句, 講多2句, 佢唔耐煩就鬧人, 叫人"收線啦", 電話打黎如果一開口叫佢估下佢係邊個, 佢又會即刻收線, 佢話D 女仔好無聊, 我問佢點知D係女仔, 佢話男仔唔會做D無聊野. 而且, 佢估到係邊件"扒女"!
因我仔比較高/瘦, 所以全部 over 40Kg (90 Lbs以上), 164cm以下都係佢眼中的"扒女". 希望佢D標準唔變, gum 就搵唔到 partner, 我就唔駛"怕"...
作者: Joe媽媽 時間: 12-10-8 14:39
回復 Meikin 的帖子
係呀, 靜觀其變得 lar, 唔好講 gum 多, 有 feel 就話要理, 無 feel 妳都多事, 以後有野就唔同妳講, 重煩!
其實我好明白, 亞媽都想D仔平凡D好, 男仔大個左, 有高學歷, 有份好工, 搵到錢, 洗怕無女咩... 易招惹D女埋身跟本唔係好事
作者: Joe媽媽 時間: 12-10-8 16:05
thenewipad 發表於 12-10-6 12:24
借個位分享吓而家初中生拍拖狀況 :
昨天坐mtr 在 TST 站入來幾個QES 學生, 相信昨天QES 有活動....見一對 ...
但亞女自始以後同屋企關係疏離左好多, 無再同父母傾心事. 成績無退步, 反而好左, 原因係要証明比父母知, 係父母對佢唔住, 攪散佢地, 睇死佢地, 令亞女無晒幸福!
反叛期, 無辨法, 學校社工話要等佢地大個D先明白父母苦心...
| 歡迎光臨 教育王國 (/) |
Powered by Discuz! X1.5 |