教育王國

標題: 返N班,請問有乜野要為小朋友準備?好緊張>.< [打印本頁]

作者: cat8141210 時間: 12-7-24 16:30 標題: 返N班,請問有乜野要為小朋友準備?好緊張>.<

想請問有經驗既媽媽,
幼稚園開學要為小朋友準備什麼?
例如:有蓋杯?毛巾盒幾多個?毛巾幾多條?
未戒到片既要帶幾多條尿片呢?
定係帶學習褲仔呢?
通常買返學白短襪又會係邊度買?
咁白色外套又係邊度買?
名字織o麥,名字鞋貼同埋名字貼紙我都已經訂好左,仲差D乜?
有人可以話比我呢個新手媽媽知道嗎= ="?

仲有一個問題,
我個女仲係未識講大人話,
如果返學會唔會比其他識講大人話既同學仔蝦佢/唔彩佢呢?
定其實好多返N班既小朋友都係唔太識講野架呢?
好擔心~~>.<

作者: hanson 時間: 12-7-24 18:00

基本上, 學校都僧有好清晰指引叫你帶D咩. 要準備定一套乾淨衫褲夜學校. 另外書包要準備1-2條學習褲, 一條乾淨褲仔.
白襪仔我會去佐丹X/馬X買, 質料好D,
通常返左1,2個月, D小朋友就好自然識講大人話, 唔需要太擔心.

作者: winnietingting 時間: 12-7-24 18:01 標題: 回覆：返N班,請問有乜野要為小朋友準備?好緊張>.<

我都想知。我仲未預備，有d驚。請提點提點，謝謝。

作者: vnghk0001 時間: 12-7-24 22:56 標題: 回覆：返N班,請問有乜野要為小朋友準備?好緊張>.<

通常n班啲小朋友係自己玩多架。

作者: CatEgg 時間: 12-7-25 00:12

想請問有經驗既媽媽
幼稚園開學要為小朋友準備什麼?
例如:有蓋杯?毛巾盒幾多個?毛巾幾多條? 間間學校唔同,學校一定有張通告,要家長預備幾多毛巾、點樣的水杯未戒到片既要帶幾多條尿片呢? 半日一至兩條都夠用,要用學習褲,方便佢地除,老師會教小朋友點去洗手間定係帶學習褲仔呢?通常買返學白短襪又會係邊度買?無所謂啦,質地好就得咁白色外套又係邊度買? 學校有無指定款式?有無指定要係校服供應商度買?係買童裝的地方,或者買校服的地方一定有名字織o麥,名字鞋貼同埋名字貼紙我都已經訂好左,仲差D乜? 所有物件都貼名有人可以話比我呢個新手媽媽
知道嗎= ="?
預備一套乾淨的校服、內衣褲同白襪,尿濕佐可以替換

仲有一個問題,
我個女仲係未識講大人話,
如果返學會唔會比其他識講大人話既同學仔蝦佢/唔彩佢呢?
定其實好多返N班既小朋友都係唔太識講野架呢?
好擔心~~>.<
2歲班唔會有蝦人同唔啋人呢d嘢,呢d係成年人的擔心,2歲班的細路大多自己同自己玩,佢地暫時無社交圈子架。

作者: happy妹 時間: 12-7-25 10:00

有一次同朋友個4歲小朋友聚會, 有共5個唔同年齡嘅小朋友, 4歲嗰個係最大, 大家都係第一次見, 佢當時會選擇同某D 小朋友玩,佢仲同其中一個小朋友講話唔同你玩呀, 唔好跟住黎, 我當時真不咁相信, 咁細個小朋友竟然已經會以表面去選擇朋友,

作者: Lovely_Babybaby 時間: 12-7-25 12:48

我諗老師會睇住, 唔駛咁擔心,
學校係小社會,小朋友足齡就要自己學習生存之道,
唔可以永遠停留係屋企既溫室長大,
小朋友要學會成長,家長一樣要成長

另外,我囝學校有新生導向日,
學校已經派左好多要簽同要睇既文件比家長,
講解晒要準備既野.
如要帶4條學習褲/室內鞋/SPARE 校服/褲/白袜/毛巾仔/毛巾盒回校.
所有個人物品都要貼名等.
不過我唔知其他學校係咪都一樣.
同埋番學頭2星期係可以陪番學的,
每日番1-2個鐘, 我諗到我囝番得全日個陣,
老師又會再提家長要帶乜野番去.

作者: cdleep 時間: 12-7-25 14:56

我小朋友返果間要帶三個口罩、兩至三塊尿片、1套乾淨衫褲和襪、食茶點用既工具(膠杯、膠碟、膠匙和膠叉)、毛巾仔和毛巾盒。白襪我係馬x買。其實我有懷疑過我小朋友揹唔揹得起個書包仔，希望佢可以handle到!!!

作者: CatEgg 時間: 12-7-25 18:33

回復 happy妹的帖子

唔同你玩、唔好跟著黎呢d係大人講得多,小朋友咪學到
2歲的小朋友同4、5歲好唔同
2歲剛離家獨立上學,仲係一張好單純的白紙,一坐校車、返學,學習速度驚人
連我女班主任都話,小朋友一返學就好快無佐童真

歡迎光臨教育王國 (/)