教育王國
標題: band 1 英中讀唔掂, 被"勸"走... [打印本頁]
作者: Toni媽媽 時間: 12-6-27 14:56 標題: band 1 英中讀唔掂, 被"勸"走...
本帖最後由 Toni媽媽 於 12-8-27 10:29 編輯
如題, 可以轉去嘜野學校? band 2 間間都話唔收轉校生, 除非成績好/ 品行好. 無人無物無關係, 點算好? 報最近屋企果間 band 3學校?
作者: FungBBMaMa 時間: 12-6-27 15:16
不可以留班?
收復失地, 更上一層樓嗎?
作者: cy101 時間: 12-6-27 15:35
咁跨區都要試!
作者: 142526 時間: 12-6-27 16:31
回復 cy101 的帖子
你係邊區呀?我認為最好是留班 .
作者: 霖霖B媽咪 時間: 12-6-27 18:23
要睇讀唔掂既成績係差成點, 如果真係唔係太靚仔, 唔好話誇區, band 3校風好都要試. 另外, band 1尾 or band 2 既直資都可以問下.
作者: cellon 時間: 12-6-27 19:36
Toni媽媽 發表於 12-6-27 14:56 
如題, 可以轉去嘜野學校? band 2 間間都話唔收轉校生, 除非成績好/ 品行好. 無人無物無關係, 點算好? 報最 ...
作者: shatinbetty 時間: 12-6-27 20:12
好少聽到趕走學生 除非係一d 非學術問題
作者: son9698 時間: 12-6-27 21:53
男仔定女仔?
作者: kilykilyk 時間: 12-6-28 00:24
本帖最後由 kilykilyk 於 12-6-28 00:27 編輯
好小聽成績差會被趕走,勸退學生就聽過,勸退同趕走差很遠啊!
唔係要犯好大錯才有機會被踼出校咩??
作者: cheesenut 時間: 12-6-28 08:52
提示: 作者被禁止或刪除 內容自動屏蔽
作者: Toni媽媽 時間: 12-6-28 08:57
男仔. 官校, 上學期派成績表已講明, 總平均分(50)不合格就要走, 我仔45~49之間, 今次大考未全部派卷, 暫未知最後答案.
趕走可能字眼唔係咁好, 但總之就係"無得留底", 而且, 講明唔會幫你搵學校, 妳自已想辨法! 有嘜野辨法? 本區無直資, 唯有報 band 3. 當買個教訓, 做事唔認真之後果就要自已承擔!
作者: cy101 時間: 12-6-28 09:21
本帖最後由 cy101 於 12-6-28 09:26 編輯
主科唔合格無得補考? 一肥就要走咁強硬????
作者: 五歲仔 時間: 12-6-28 09:22
邊區? Form 幾?
中學係會趕人走, 我都識人係比學校迫走的
作者: JustAParent 時間: 12-6-28 09:43 標題: 回覆：band 1 英中讀唔掂, 被趕走...
教處指引，基本上15歲以下，官校中一至中三生是不「能」開除學籍的，如有特別情況，要得常任秘書長批准。
中四或以上可以但不鼓勵，學校亦不應單以成績差為由開除學生，要開除，一、學生及家長要收到事前警告，二、要通知常任秘書長。
但規定歸規定，如和學校無法溝通但硬留下來，學校不顧一切把學生照樣升級，最大受害者還不是學生。
其實，孩子從那年級開始追不上？真的讓他留級，有信心改善嗎？
作者: Toni媽媽 時間: 12-6-28 09:47
回復 cy101 的帖子
主科是剛合格(科科都係50多少少)! 但副科: 普通話, 電腦得30~40分, 總平均亦是肥, 不合學校要求, 就無得留底. band 2見你降呢, 亦唔收你, 只有 band 3頭, 希望搵到校風好啦. 我個仔都係唔見棺材唔流眼淚, 不過我都唔見佢有眼淚, 只係我唔甘心...
作者: cy101 時間: 12-6-28 10:37
本帖最後由 cy101 於 12-6-28 10:51 編輯
有無諗住其他區都考慮, 如有, 你寫明邊區, 睇下有無人有認識答到你, 操行如果OK, 再試下BAND 2!!!
作者: kilykilyk 時間: 12-6-28 10:37
本帖最後由 kilykilyk 於 12-6-28 10:41 編輯
小朋友讀F幾??成績差啲就要強迫要佢走,留班機會都無,本人有點反感...太難為小朋友同家長..
作者: Toni媽媽 時間: 12-6-28 11:10
回復 kilykilyk 的帖子
屯門區, S1, 其實成績仍有得追. 係本身個人升中後出問題, 小學成績好好的, 可能中中比較合適, 就算升到我都想佢轉中中 band 2 中, 等佢"開竅"後可以升回上去, 之前一路懶懶行, 以為自已好掂, 今次見佢應該知死! 但好似"遲左D".
無人無物, 己問過 band 2 學校, 講明幾會不大. 無人事, 又無實力 (有都唔駛轉就真). 聽天由命吧...
作者: jimjimjim 時間: 12-6-28 11:21
回復 Toni媽媽 的帖子
其實你死都唔走佢係唔可以一定要你走。
問題係你堅唔堅持。
學校一定講到好好聽:咩你追唔到轉左會讀得更好之類
但點都好你記住. 只要你講一句 唔走。打電話上EDB投訴。
咁佢一定唔會話一定要你走，但一定要俾留位/ 下年註冊一定要做足唔好俾佢搞到你MISS左，你一MISS左佢一定話你禿頭放棄個位。
作者: jimjimjim 時間: 12-6-28 11:22
回復 Toni媽媽 的帖子
不過點都好你都要同佢暑假時搞番好D成績!
作者: jimjimjim 時間: 12-6-28 11:23
回復 Toni媽媽 的帖子
你0個間係市中心0個間定碼頭?
作者: Toni媽媽 時間: 12-6-28 11:43
回復 jimjimjim 的帖子
多謝大家, 我其實 prefer 轉 band 2 中中, 成功就轉. 唔成功要轉 band 3 我就賴死唔走, 希望亞仔知死, 發力比心機
作者: share.gain 時間: 12-6-28 12:33
可能你見到佢上中學後懶懶閒依家攪成咁係抵佢, 但家長有無考慮到點解佢小學時成績都好, 上到中學就咁差? 我相信你個間係屯門區四大天王之一, 係咪個仔跟唔上無咗自信就無心機讀? 上年揀學校時係咪只係家長一箱情願要個仔入band1英中? (只要佢係band1, 就算係band2頭,band1尾都要博入band1頭中學, 入到去包尾都唔緊要-這是一般家長諗法). 要好好同個仔傾吓, 了解佢諗緊咩?唔好只係責怪佢唔好好讀書
作者: jimjimjim 時間: 12-6-28 13:27
回復 Toni媽媽 的帖子
PM左你。
你睇下係你仔只係今年太HEA所以唔掂定係D咩原因啦。
但記住一件事：學校唔可以一定要你走，但留班我睇係有需要，而今個暑假追番中一既課程更加有需要。
作者: Toni媽媽 時間: 12-6-28 15:18
但問題係我唔知點樣令到亞仔比心機去做... 
作者: Ivy07 時間: 12-6-28 15:27
我同事個仔band 1 直資，中三唔比佢升，又唔比佢留，因為成續唔之餘仲好hea，所以一定要家長簽紙離校，父母求學校留班，堅持唔簽紙，但唔編班比佢，又唔派書單，跟本係唔走唔得，不過佢個仔又真係好hea，完全唔謮書，後來去左一間band 3中學繼續hea落去。
作者: Ivy07 時間: 12-6-28 15:34
回復 Toni媽媽 的帖子
我唔知無錯資料，津中是可以勸人出校的，但至少要留左一年，再留先可以趕走，咁你小朋友有無留過班? 如果無，應該至少比小朋友留一年，再唔得先勸你離開。
作者: cellon 時間: 12-6-28 15:34
Toni媽媽 發表於 12-6-28 08:57
男仔. 官校, 上學期派成績表已講明, 總平均分(50)不合格就要走, 我仔45~49之間, 今次大考未全部派卷, 暫未 ...
作者: pooh仔 時間: 12-6-28 18:11 標題: 引用：男仔.+官校,+上學期派成績表已講明,+總平均
原帖由 Toni媽媽 於 12-06-28 發表
男仔. 官校, 上學期派成績表已講明, 總平均分(50)不合格就要走, 我仔45~49之間, 今次大考未全部派卷, 暫未 ...
作者: Toni媽媽 時間: 12-6-28 18:33
回復 Ivy07 的帖子
佢就係 "hea", 唔"hea" 都唔駛無得留底啦! 以前小學唔係咁! 成個人無晒動力, 一言難盡啦! 唔知點樣幫佢.
作者: 五歲仔 時間: 12-6-28 21:13
我朋友個仔, f.1時(b1英中), 掛住上網打機, 好hea, 好反叛, 唔同呀媽講野, 我朋友仲試過因為打機問題而同個仔大打出手, 最後, 佢唯一辦法係送個仔去外國讀書(f.3時), 個仔去到外國就好d, 可能因為見少左, 衝突少左
一間學校要逼走學生唔難, 日日玩針對, 3,5,7日就見家長去鵝你, 令你好無癮, 自己和小朋友都唔開心, 自然會走, 唔係話格硬留底就當無事, 成績越好的學校越心狠手辣
樓主, 你可以考慮band 2的直資, 誇區都要
作者: Toni媽媽 時間: 12-6-29 09:16
回復 五歲仔 的帖子
收到明白, 多謝各位關心. 學校會努力去間間試一下, 跨區 band 2 亦會試, 有結果再上報給大家知. 希望成功.
作者: AnnieClarabel 時間: 12-6-29 10:02
Toni媽媽 發表於 12-6-29 09:16
回復 五歲仔 的帖子
收到明白, 多謝各位關心. 學校會努力去間間試一下, 跨區 band 2 亦會試, 有結果再上報 ...
為人父母, 見到子女變成咁真係好心痛, 希望你仔仔經呢一次後會覺悟, 讀次一等 (band 2) 學校會搵返信心返嚟! 等你好消息! 加油!
作者: jojocw 時間: 12-6-29 11:56
band 1 考第尾 and band 2/3 考第一 ...
一個係信心能力問題, 一個係自己呃自己問題 ...
都吾易解決 ....
作者: htts 時間: 12-6-29 14:08
咁殘酷?
作者: par3186 時間: 12-6-29 17:07
樓主加油ar
比心機搵間校風好既中學比仔仔讀la
可能佢追唔上無左自信既0即
努力ar
作者: Toni媽媽 時間: 12-6-29 17:33
回復 par3186 的帖子
收到, 多謝. 我以前以為英中讀唔掂轉中中, 好容易. 原來唔係, 早知反轉來, 先讀 band 2頭中中, 讀得好 S2 叩回英中反而更好...
作者: Toni媽媽 時間: 12-6-29 17:36
時間過了就無辨法追回, 希望亞仔經過今次教訓會開竅/ 生性做人, 唔好再 hea 落去. 輸成績有得追, 但唔可以輸自信.
作者: 888Amy 時間: 12-6-29 21:36
本帖最後由 888Amy 於 12-6-29 21:45 編輯
Toni媽媽 發表於 12-6-28 11:10
回復 kilykilyk 的帖子
屯門區, S1, 其實成績仍有得追. 係本身個人升中後出問題, 小學成績好好的, 可能中 ...
其實我覺得你仔仔成績都唔係咁差, 仲有得追, 唔好咁快放棄.
作者: gaggag 時間: 12-6-29 23:34
校風好緊要 ,老師嘅品德都好緊要 ,九龍塘有一間就唔得嘞 .MA MA們睇真啲好 .
作者: jimjimjim 時間: 12-6-30 01:13
件事搞成點呀? 有無同學校再傾? 搵唔到BAND 2唔好走了，重讀啦。
有問過宣道、唐賓南嗎?
作者: smallfoothk 時間: 12-6-30 17:10
回復 Toni媽媽 的帖子
官校/資助一定唔可以被叮走,佢嚇你的,學校都唔想上頭條的.
作者: Tommy 時間: 12-7-1 11:00
回復 Toni媽媽 的帖子
如果孩子年紀唔算大，要求學校讓他重讀一年罷！
學校不能趕走學生。您只要問係唔係一定要走，佢地就唔可以挾硬來。記住：只問Yes or No 的問題，唔好比佢地帶您遊花園。
作者: 20091 時間: 12-7-1 11:48
主科是剛合格(科科都係50多少少)! 但副科: 普通話, 電腦得30~40分,
但係去了b3的中學亦要上副科,
男仔好少電腦會不合格,是否有其它原因,
作者: moyan 時間: 12-7-4 00:12
jimjimjim 發表於 12-6-28 11:22
回復 Toni媽媽 的帖子
不過點都好你都要同佢暑假時搞番好D成績!
agree, he has the ablity. Don't give up
作者: jimjimjim 時間: 12-7-4 00:21
佢突然之間未必知道點可以唔HEA下去。因為都叫HEA左一年。
轉校都係0個句，小心選校，中二好易學壞
作者: jeremyphlam 時間: 12-7-5 10:34
Toni媽媽 發表於 12-6-28 11:10
回復 kilykilyk 的帖子
屯門區, S1, 其實成績仍有得追. 係本身個人升中後出問題, 小學成績好好的, 可能中 ...
應該有留班位，企硬，叫小朋友俾心機！
作者: MRRWONG 時間: 12-7-5 16:30
你打去投訴啦，或者同學校拉布啦，本人教書多年，多次被老闆要求極力勸喻一些學生離校，好多時我地會蝦你地唔識，就用好似好強硬嘅語氣同你講無彎轉，但係無論一個學生嘅離校原因係乜，學校都有責任幫忙搵其他學校接收，仲可以有試用期，如對方學校有何不滿，就可以將學生退回．唔好被佢地大到你，有咩事就搵教育局搵傳媒(後者好啲)
作者: 杰杰媽媽 時間: 12-7-6 20:36
政府學校唔可以因成績趕學生走GA喎
作者: 杰杰媽媽 時間: 12-7-6 20:36
政府學校唔可以因成績趕學生走GA喎
作者: gaggag 時間: 12-7-7 00:24
牛津道啟小隔離.:;pppp::;pppp:
作者: jimjimjim 時間: 12-7-8 11:10
回復 Toni媽媽 的帖子
件事搞成點呀?
同學校傾掂未?
其實你仔讀0個間學校... 真係要求下REPEAT一年追下成績先會好D
定係你地已經搵左學校轉?
作者: Heihmom 時間: 12-7-11 11:55
你這間學校好差喔 , 我仔仔都係屯門Band 1英中S1 , 佢個間係本區排名頭三位之內架 , 佢話今年有一個同學因全年平均分唔及格 要留班 , 呢間排名在你間學校之上 , 都會埤機會學生唔趕出校 !
當然操行太差的會例阿外 !!
作者: Heihmom 時間: 12-7-11 12:16
回復 Toni媽媽 的帖子
其實你有無同個仔傾下, 點解會變得HEA左, 懶散左 ?
尼一步好重要喔 !! 否則去到邊間學校都無用 !!
作者: 多利是 時間: 12-7-11 14:29
官校,津校真係好難因為成積唔好叫學生走架wor, 起碼留班先啦, 好多開除學籍係因為嚴重行為失當, 操行問題, 我女同學家姐原校全港1x排名, 校規超嚴, 佢因為遲到拎左好多缺點, 最後被開除學籍, 結果去左間band 2 中既中學~
樓主同學校商量下, 若唔係因為操行, 嚴重過錯, 起碼lur 個留班機會呀.
作者: scheme 時間: 12-7-21 23:02
Toni媽媽
JustAParent 講得無錯, 你打电話去教局, 他們会安排分區主任幫你和學校溝通。唔好咁快放棄, 留班都好過去 Band 3 學校到hea 。你個仔重細, 不要說當買個教訓, 做事唔認真之後果就要自已承擔, 你是他的明燈, 不要怕咗間學校, 你的堅持一定幫到佢 - 打电話去教局是求助不是投訴
作者: ernestchow 時間: 12-7-21 23:40
cellon 發表於 12-6-28 15:34
係官校就唔駛怕，只要你唔簽紙，學校無權逼走學生。有問題可以聯絡教育局。
...
如留左班也追不上,可否賴死唔走?
作者: ernestchow 時間: 12-7-21 23:49
如留左班又追不上,可否在官校賴死唔走
作者: Emilyryan 時間: 12-7-22 10:57
gaggag 發表於 12-6-29 23:34
校風好緊要 ,老師嘅品德都好緊要 ,九龍塘有一間就唔得嘞 .MA MA們睇真啲好 .
...
作者: mercurycc 時間: 12-7-22 20:33
樓主如果只係成績唔得可以留班的, 他係咪操行有問題?
作者: wingfamily 時間: 12-8-7 17:00
請問樓主係邊間中學呀 !
作者: roccolamar 時間: 12-8-7 21:39
Toni媽媽 發表於 12-6-28 15:18
但問題係我唔知點樣令到亞仔比心機去做...
Toni 媽媽，你仔仔讀得hea可能因為一時追不到，所以失去學習興趣。小學與中學是有gap的，係一個大轉變，就好似幼稚園到小學一樣，是需要有適應期，適應期長短因人而異。我記得我剛升中一時，都是完全跟不上，因為由全中變為全英，一時間太多英文應付不來，中一要留班tim。但留左班後慢慢適應左，重考左第2名，跟著有返學習興趣。我相信他小學成績好但中學hea，可能剛開始適應不來。
比d時間你小朋友適應，唔好咁快轉中中住，英中d term 全用英文，對將來讀大學很有幫助。如果讀中中，用中文的term，將來真係要重新背過，都幾頭痛。比多一年重讀你仔仔，真係重讀都唔得先轉中中，轉左很難轉返英中。唔係你話想轉就轉，無論科學定經濟、西史等如果頭幾年用晒中文名詞，到時你點轉返英中，前幾年的名詞要重新背過？
作者: jaci 時間: 12-8-8 19:50
I cant see it why?
作者: chanpa 時間: 12-8-8 22:13
Toni媽媽
不要放棄！學校不可以趕妳個仔走，根據教育則例，每級可以留級一次。學校不可以勸退學生，叫他簽自願退學信。你個仔中英數合格，其他科肥佬，有得追，首先檢討學習方法，一齊開家庭會議，每周一次，討論任何事，制定學習、溫習時間表，最重要是學習方法和時間運用。我有朋友個仔F.1留級band2中中，第二年就考番中間。有個band1A同學，一路hea，終於今年F.3要留班。不要以為band1不合，就去band2或band3，將貨就價，自己騙自己，band 3那有好校風，好校風就是比心機讀好D書，訓練自信心。
作者: chanpa 時間: 12-8-9 09:15
Toni媽媽不要放棄！
作者: RT 時間: 12-8-9 12:19
試下報天水圍直資既青協李兆基書院啦, 都屬於BAND2頭, 校風唔錯
作者: apple939 時間: 12-8-9 13:35
作者: chiu0128mama 時間: 12-8-9 16:59
回復 gaggag 的帖子
你好呀,請問係邊間呀?
作者: kathy_0246 時間: 12-8-9 18:05
唉！本人以前都試過S1留班，留班的感覺真係幾難受，看到自己的朋友個個在S2,須然在同一間中學，但見面時都好像不識，因為自己有點自卑啦！之後咪同新來S1的同學玩，我記起我留班果年的成績大躍進，由以前包尾160人到考全級30全班考第3,之後就讀得一般啦！到中四時，因學校要收repeater，我考得不好，又比學校踢咗出來，只好找私校讀埋落去，我去到私校，D同學個個都唔係讀書，我都唔知老師講咩，老師又是是旦旦咁教，同學又叫我去玩，最後我會考全部唔合格F,得翻我心愛的美術科取C,當時好傷心，回想起覺得band1同band3學習風氣上好大分別，而當時我又唔爭氣，讀唔上，之後走去讀Design,好彩我出來社會後，自己努力學英文和進修，現在是一位Art Director,在美術這行20年了，所以不要氣餒，做人生勝D就得。唉！回想自己的傷心事！
作者: NaheelSO 時間: 12-8-10 16:00
回復 Toni媽媽 的帖子
我都好想知係邊間學校, 咁絕...真係一次機會都唔比???
作者: Toni媽媽 時間: 12-8-10 16:26
jimjimjim 發表於 12-6-30 01:13
件事搞成點呀? 有無同學校再傾? 搵唔到BAND 2唔好走了，重讀啦。
有問過宣道、唐賓南嗎? ...
香港D學校真係好現實, 有D學校(band 2尾)重奇怪, 收"新來港學童", 但唔收我地D納稅人港童?
我 garndpa 10歲左右由大陸來港 around 100 年(已過身), 我爸/ 我99 已經香港出世, 正式到唔正式係香港人.但亞仔連報名資格都無, 大6人就有, 好似話收大6人, 學校可以攞多D資助...
作者: yovin 時間: 12-8-11 01:25
Dear jimjimjim,
我不認識屯門區,但他區有兩間可以一試ｏ
土瓜灣 ---- 新亞中学. 我妹曾任教此校, 親眼見到學生幾NICE. 今年收咗幾個女拔OUT出來的學生. 此校較多新移民 , 但都係努力學習進取的 , 所以結果成績好的都係新移民 , 中數特別強ｏ
將軍澳 ---- 匯知ｏ今期八月六日東方新地雜志副刊 , 正正訪問一個男仔 , 由超級名校OUT走後的心路歷程 , 最後到了滙知 , 才見到曙光 。文章好感人 , 有少與你相似的地方ｏ
希望幫到你!
加油
作者: ANChan59 時間: 12-8-11 12:30
mercurycc 發表於 12-7-22 20:33
樓主如果只係成績唔得可以留班的, 他係咪操行有問題?
作者: ALAL 時間: 12-8-12 07:07
有學校話用咪叫左該學生去補考,他沒有去窩,是很久以前的事,中四生
作者: Toni媽媽 時間: 12-8-14 16:33
MRRWONG 發表於 12-7-5 16:30
你打去投訴啦，或者同學校拉布啦，本人教書多年，多次被老闆要求極力勸喻一些學生離校，好多時我地會蝦你地 ...
首先謝謝指引, 我仔正正是"被勸喻離校, 不是被"踢出校". "但投訴/ 拉布之後, 學生會開心嗎?
而且, 單憑訓導主任同我講未見過反判期之細路, 所以幫我唔到, 這一句說話, 已令我不想再留在此校.
最後, 學校是比他 repeat 一年, 但亞仔唔肯, 無信心可讀得來. 而且, 我亦對此校"無好感".
亞仔不是被"趕"那麼差, 亦不是操行有問題, 只是英文成績真的未能達標, 學校就想"勸走"他, 因他不走, 就沒有多餘學位給其他叩門之精英學生, 所以就想洗走一些能力弱之學生吧了! 沒有針對, 只是好現實呵. 但在生意人之角度亦無可厚非!
最後找到一間 band 2中/ 尾之學校收他, 一個月內已收過新學校4次跟進之電話, 舊年果間, 成年我都無收過一次電話是學校/ 老師主動找我的. 成績一定無以前間學校那麼好, 但我反而覺得新學校之行政比以前間好, 起碼校長無成日轉, 所以連書記小姐都認真好多.
暑假期間, 補習四天, 共7小時, 另要做 grammar 書, pre-study S2 textbook... etc. 後事發展如何, 無人能知, 遲D再 update 大家.
新學校是補習姐姐推薦的, 她當年讀此間學校, E+在港大讀語文系, 都唔差啦. 不過, 各有前因, 姐姐話無 band 3學校, 只有 band 3 學生. 唔好放棄.
作者: Toni媽媽 時間: 12-8-14 17:19
ANChan59 發表於 12-8-11 12:30
我都有興趣知道。
亞仔不是被"趕"那麼差, 亦不是操行有問題, 只是英文成績真的未能達標, 學校就想"勸走"他, 因他不走, 就沒有多餘學位給其他叩門之精英學生, 所以就想洗走一些能力弱之學生吧了! 沒有針對, 只是好現實呵. 但在生意人之角度亦無可厚非!
作者: Toni媽媽 時間: 12-8-14 17:25
杰杰媽媽 發表於 12-7-6 20:36
政府學校唔可以因成績趕學生走GA喎
亞仔不是被"趕"那麼差, 亦不是操行有問題, 只是英文成績真的未能達標, 學校就想"勸走"他, 因他不走, 就沒有多餘學位給其他叩門之精英學生, 所以就想洗走一些能力弱之學生吧了! 沒有針對, 只是好現實吧了. 但在生意人之角度亦無可厚非!
作者: happydaughter 時間: 12-8-15 18:50 標題: 回覆：kilykilyk 的帖子
我囡囡係band 1 英中讀都係因成績未達標今年要留班！
作者: antia 時間: 12-8-16 08:11 標題: 引用：我囡囡係band+1+英中讀都係因成績未達標今
原帖由 happydaughter 於 12-08-15 發表
我囡囡係band 1 英中讀都係因成績未達標今年要留班！
作者: antia 時間: 12-8-16 08:12 標題: 引用：唉！本人以前都試過S1留班，留班的感覺真係
原帖由 kathy_0246 於 12-08-09 發表
唉！本人以前都試過S1留班，留班的感覺真係幾難受，看到自己的朋友個個在S2,須然在同一間中學，但見面時都 ...
作者: apple939 時間: 12-8-19 01:35
crying:
作者: happydaughter 時間: 12-8-19 15:04 標題: 引用：Toni媽媽JustAParent+講得無錯,+你打电話去
原帖由 scheme 於 12-07-21 發表
Toni媽媽
JustAParent 講得無錯, 你打电話去教局, 他們会安排分區主任幫你和學校溝通。唔好咁快放棄, 留班 ...
作者: FungBBMaMa 時間: 12-8-19 15:23
回復 Toni媽媽 的帖子
Hi,
我阿囝學校升F2有人出國, 係九龍塘, 可以一試.
作者: xTinction 時間: 12-8-20 20:06
如果真係適應唔到band1課程轉校未嘗唔係一個方法。
但如果仲未搵到心水，
可以叫依家間學校幫仔仔寫推薦信。
學校之間通常都有d聯繫，
好過自己搵得咁辛苦。
不過首先係你仔仔無一d嚴重既操行問題啦。
作者: Toni媽媽 時間: 12-8-27 10:25 標題: RE: band 1 英中讀唔掂, 被"勸"走...
回復 yovin 的帖子
Hi Yovin,
收到妳 scan 給我之band 1校孤, exactly 就是我兒子, 所以我要懂得放手, 係時候要"退一步海闊天空"了. 我仔以前不肯補習, 因為佢以前小學成績好好, 佢跟本接受唔到自已升英中後唔掂. 不過, 今過暑假開始肯了.
還有最重要之分別, 他好彩還有我在身邊...
作者: ANChan59 時間: 12-8-27 10:48 標題: 回覆：Toni媽媽 的帖子
妳要努力及更持。
作者: denbchumama 時間: 12-10-10 07:29 標題: 回覆：Toni媽媽 的帖子
"還有最重要之分別, 他好彩還有我在身邊... " 好一句為兒子一輪艱苦作戰的後的心聲，我也給你感動了... 你真是一位好媽媽！相信你仔仔一定能感受到，以後會生性起來的，放心吧！
作者: wendy_ 時間: 12-10-10 10:35 標題: 回覆：Toni媽媽 的帖子
如果真的讀唔掂被勸轉校，向好的方面也是好，有個朋友的女兒也是這樣最後轉了私校，在私校找回自信，好過在原校留班，在中學階段留班會令人失自信而越留越沈…真的要諗清楚…先好留班～
作者: 瑄婷 時間: 12-10-10 10:52 標題: 回覆：band 1 英中讀唔掂, 被"勸"走...
最新情況如何？
作者: man64321000 時間: 12-10-10 13:42 標題: 回覆：Toni媽媽 的帖子
唔好意思我想問什麼是(做事唔應真就這樣後果)，因為我想知點解學校收左你個仔仔，轉頭話要你走唔明白
作者: ha8mo 時間: 12-10-12 11:23
提示: 作者被禁止或刪除 內容自動屏蔽
作者: Rita 時間: 12-10-12 20:07
回復 Toni媽媽 的帖子
Toni 媽媽,
你好呀. 見到你同仔仔的故事 , 結局都算鬆一口氣 . 希望仔仔開始生性發力 , 令你可以安慰一點了.
加油 !!
作者: Ivy07 時間: 12-10-12 20:41
補習姐姐講得好啱，沒有band 3學校，只有band 3學生，加油！
作者: kilykilyk 時間: 12-10-14 11:55
happydaughter 發表於 12-8-15 18:50
我囡囡係band 1 英中讀都係因成績未達標今年要留班！
請問係邊間BAND1英中??thanks!
作者: chinzw 時間: 12-10-14 13:27
提示: 作者被禁止或刪除 內容自動屏蔽
作者: RT 時間: 12-10-16 12:40
之前有間直資比未達標既同學留班,的家長又去教署投訴又搵傳媒幫手攪到上哂報紙, 依家的官校小朋友未達標就用"勸退"方式踢走,但係家長就只有啞忍...2種學校既待遇真係天壤之別
| 歡迎光臨 教育王國 (/) |
Powered by Discuz! X1.5 |