教育王國
標題: 你地十三四歲既囡囡會唔會成日好反叛, 又"博"嘴? [打印本頁]
作者: sleepingbeauty 時間: 12-6-20 12:16 標題: 你地十三四歲既囡囡會唔會成日好反叛, 又"博"嘴?
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話佢好思文, 但佢係屋企對父母就好似我地講多句都好煩咁既樣!!! 我自己都真係覺得好無癮.... 都唔可以坐低傾.... 數學唔係太好, 叫佢plan吓暑假要點補, 又唔係即刻, 又話我係怪獸家長... 大佬... 你補習我都要俾錢架... 唉... 考完試叫佢執吓間房又係拖咗幾日, 成日話考完試要relax吓... 咁都抖咗幾日啦.... 話親都話救命呀,我想死呀....
作者: prettyboy 時間: 12-6-20 13:31
我個仔今年升 f2, 跟小學比較, 真的多咀了, 連老師都說他很多咀, 你話死唔死! 有時都搏我咀架; 叫他做嘢, 永遠拖到最后才做; 希望他大一點會好些啦 !
作者: JustAParent 時間: 12-6-20 13:52 標題: 引用：點解呢個年紀咁反叛?+係米我唔識教?+成日咁
原帖由 sleepingbeauty 於 12-06-20 發表
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話 ...
作者: Yanamami 時間: 12-6-20 14:21
Perfectly normal. 說話講多過一句 = 煩. 係阿女校長係新生家長日同我地講. 建議楂頸就命兩三年, 佢心情好就講多兩句, 無乜mood就咪哦禁多, 但凡唔影響生命健康成績品德事(e.g 執房), 唔好嘈禁多. 捱過呢兩三年, 應該會好過d.
作者: Ivy07 時間: 12-6-20 14:25
我個仔都一樣咁，唔知係咪我唔識教仔
作者: BallBallMaMa 時間: 12-6-20 14:26
prettyboy 發表於 12-6-20 13:31 
我個仔今年升 f2, 跟小學比較, 真的多咀了, 連老師都說他很多咀, 你話死唔死! 有時都搏我咀架; 叫他做嘢, ...
作者: k_0530_a 時間: 12-6-20 15:07
我果個已十六歲 , 反叛期由小學初申延到中學初期 , 真是好難頂 , 由初頭頂吾順到咸至現在既自然接受 , 反而關係好左好多 . 我反思最大原因是要學識 [ 接受 ] , eg ; 行為接受.........我覺得現在生活環境吾同以前 , 除了在學校 , 大多時間是在屋企 , 幾百尺地方 , 每晚你眼望我眼 , 一覺一動地被留意住 . 對年青人尼講是有很多壓力 . 所以需給她們適量空間及私人時間 , ( 就好像如日日比你奶奶望住你做野 , 話你尼樣話你果樣 , 您會點 ! )另外要成績接受.........要吹谷只能在小學 , 中學是要她們自已發力 , 在旁講讀書既重要性已講到識背 . 最終發吾發力是看她們自已 , 迫吾尼 , 但我會常提到路是自已選的 , 最終結果是自已承擔 . 父母責任是供書教學 , 不是迫你返學 . 更不會買課程比你讀書 , 讀書吾叻可接受 , 但沒動力沒承擔就好大鑊 .
作者: sleepingbeauty 時間: 12-6-20 15:49
多謝提議.... 唉, 但佢會唔會以為我地同佢妥協??!! 同佢講野佢態度好pair... 有事如要錢同同學出街, 出暗瘡, 要剪髮就先黎同你講野... 一講倒佢唔好講咁多電話上咁多網要温習多d就發哂老脾... 咁係米要到中五先會改變好d? 咁又係點解過兩年先會改善呢? 唉, 好苦惱...
作者: kilykilyk 時間: 12-6-20 17:05
本帖最後由 kilykilyk 於 12-6-21 00:01 編輯
sleepingbeauty 發表於 12-6-20 12:16
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話 ...
我囝13歲,但駁咀唔係現在開始有,小學已經有...我會睇下佢為乜駁咀,駁咀都總有理由吧!
有時青少年都有思想,都想講出感受,未必係想與父母為敵,只係表達得比較直接,唔諗就講,
我囝佢有時都發下脾氣,但我會即刻同佢講道理,通常佢發完脾氣後...我再同佢傾一論..
之後佢都會眼濕濕同我講SORRY,大概小朋友都知父母痛鍚他,每個人都有脾氣,
只要教懂小朋友要尊重別人,一家人互相遷就一下,咁就無問題...加油~
作者: JustAParent 時間: 12-6-20 19:16
sleepingbeauty 發表於 12-6-20 15:49
多謝提議.... 唉, 但佢會唔會以為我地同佢妥協??!! 同佢講野佢態度好pair... 有事如要錢同同學出街, 出暗 ...
唔好以為小朋友聽教聽話最好, 日本多年研究指出, 由小到大從不頂撞父母的小朋友, 長大後出現嚴重行為偏差的機會遠高於那些頂心杉.
有時間看一看,
青春期為什麼愛叛逆？
http://www.parenting.com.tw/article/article.action?id=5020294
五招收服孩子愛頂嘴
http://www.parenting.com.tw/article/article.action?id=5020195
6招打開青少年情緒的黑盒子
http://www.parenting.com.tw/article/article.action?id=5026922
作者: 20091 時間: 12-6-20 23:31
回復 Yanamami 的帖子
但凡唔影響生命健康成績品德事(e.g 執房), 唔好嘈禁多. 捱過呢兩三年, 應該會好過d.
我好認同,
e.g 執房
我仔間房好
,
我囡
書柜不是放書的,學校的書,就放在地下,
是這幾本,那幾本,散放一地,連早上起床,都要找地方落腳果種,
1.我話她一次,冇改進,
2.我要她將書分類用環保袋/她喜愛的袋袋好,
又係放在床邊地下,
她間房好像人地的板間房咁,
作者: Ahling2004 時間: 12-6-21 16:05
我個仔就來15歲都係好鐘意駁咀, 咩都係自已對哂, 佢大聲就得, 你大聲就會話你太大聲同佢講野, 跟住會關門唔同你講野.
間房都係亂到不得了, 著過的MU脫下就掉係佢間房的門口, 飲完飲品或紙巾都唔拿出來. 成張檯又亂又污槽. 叫又叫左, 幫又幫左, 佢都係咁, 咪由的佢LU.
凡事真係由的佢, 越幫佢越令佢懶散. 讀書又係咁, 你越緊佢就越咩都唔著緊. 有又得無又得. 真係無氣了.
作者: antia 時間: 12-6-22 00:03 標題: 回覆：你地十三四歲既囡囡會唔會成日好反叛, 又"博"嘴?
我囡囡系中一、二最厲害！中三已很少駁咀了！反而生性左好多！不用過份擔心啦！如果知你對她好！長大了可能會變！
作者: 26771289 時間: 12-6-23 01:46
多謝分享
作者: cherrylemon 時間: 12-6-28 20:56 標題: 引用：回復+Yanamami+的帖子
+但凡唔影響生命健
原帖由 20091 於 12-06-20 發表
回復 Yanamami 的帖子
但凡唔影響生命健康成績品德事(e.g 執房), 唔好嘈禁多. 捱過呢兩三年, 應該會好過 ...
雖然有d難頂，全屋最亂佢間房，但我覺得都幾可愛(^.^)我唔想個女十幾歲就似管家婆咁
作者: 歌莉亞 時間: 12-7-23 21:17
回復 Ivy07 的帖子
唔關識唔識教，而係佢自己識唔識想!
我個女由細到小學畢業都很乘的，成績亦非常叻，個個都話我好彩，唔駛勞氣，唔駛我擔心，雖然得一個小朋友，但我時時都帶她與朋友的子女gathering，她有些怕羞，但個個小朋友都喜歡跟她玩，因她從不跟別人爭東西，很受人歡迎的。我的工作很忙，所以有請工人，雖然話忙，但每晚都會一家人一起晚飯，放假又會帶她去旅行見識，亦時時教她做人的道理，她亦曾參加遊學團去星加坡北京等地交流，所以大家應覺得她很獨立很理想，我相信我的教育方式亦無大問題吧!
但自從升了上中學後，她真的好像變了另一個人(好恐怖，話變就變，我常說若我老公變了，包二奶，我反而仲易接受過我的乖女兒變成這樣)，她上了一間Band 1 英中，但以她的成績，根本是應付到的，而且她的英文一向很不錯的。她十月開始很情緒化，跟你們所提及的有過之而無不及，心情好時還會跟你說一兩句，心情差時十問九不應，間房好似垃圾場一樣，但又唔比工人執，一日到晚無所事事，唔肯學琴，唔肯去上芭蕾舞班，整個人好似無晒動力，好不開心似的，我知她一定在學校遇上很多挫折，但她又不肯說，成日話無問題，連手冊通告都唔攞出來比我簽，我問佢有無唔識，佢成日話自己可以，叫我唔好理，一問佢功課上的問題就大發脾氣，我都感到好無奈，又幫不到她，雖然她應該學習自己處理，我亦應放手讓她學飛，但眼見她真的唔掂，所以非常擔心，最慘是成日話無好朋友，同學成日搵佢笨，她完全無左自我形象，以前小學好鐘意返學，連發燒都話要返學，去了中學，last minute都唔出門口，成日欠功課，未見佢溫過書，以前好鐘意老睇書的，老師叫佢小息去搵老師又係睇心情，鐘意就去唔鐘意就唔去，老師話佢，佢由得老師罵，從不解釋，從不求教，成個人好似自我放棄一樣，成份卷空了很多部分，老師話即使無溫習都應該識的，佢似乎係放棄。大家都唔明她為什麼突然會有咁大的轉變，社工問我家庭是否出現問題，我說我的家庭完全無問題，我地都想知點解。
有段時間真想帶她看心理醫生，但有些社工朋友又說她進入反叛期是這樣的，我明白青春期會出現一些問題，但她的問題實在大得很，影響學業，影響人際關係，整個人毫無動力，我完昭問她是否不喜歡這間學校，佢又話好鐘意，所以都唔知她在想什麼。
作者: Mymaggie 時間: 12-7-23 21:52 標題: 回覆：歌莉亞 的帖子
死啦，我囡囡九月升中一，她一向都好乖好易教，成績也不錯，現在考入傳統老校，她的房間又是似垃圾房，現在也是常頂咀，以前書不離手，現在像不願花太多時間看書；睇完你們講的事，我好驚，好驚自己招駕不住。
作者: BB0628 時間: 12-7-23 22:40
回復 歌莉亞 的帖子
青春期情緒較波動是正常, 但波動到好似變成另一個人, 而且對以往喜歡的事/生活習慣有太多的改變, 我想便不算正常吧, 現在有很多不同的情緒病會突然發生在學生/成人身上已非甚麼大新聞, 我建議還是盡早找個專業人事幫忙作個評估好點!
作者: humbertcarol 時間: 12-7-23 22:41
睇了咁多位家長講自己仔女的行為令我無咁擔心, 因我個女都有以上所講的時下少年態度.
老公提我不要再日哦夜哦, 講了便算, 做唔做是她們的選擇, 要她們日後自己承擔後果, 如果大家言語不相讓, 日後她們更加不會講自己的生活銷碎事給父母知.
大家加油! 互相遷就! 互相尊重!
作者: mandy304 時間: 12-7-24 16:45
回復 歌莉亞 的帖子
我曾經睇過一本書. 人一定要有個玩得盡興的週期. 如果在小朋友兒時沒有太多玩到盡興的時間, 他會不斷尋求, 不斷累積這個欲望, 有朝一日他會突然爆發出來. 盡早比佢地玩, 越早越好. 希望幫到大家
作者: mielmiel 時間: 12-7-24 17:13
本帖最後由 mielmiel 於 12-7-24 17:31 編輯
阿女升中一，近這大半年反叛期開始，成日話我好煩，房間一樣似垃圾堆，又鐘意在廳做功課，凡她掂過的地方都會變咗垃圾缸，以前常為這些事跟她嘈。 但看過各位媽咪嘅經驗之談，開始學習包容，學習忍耐，學習提高EQ，唔太過份都隻眼開隻眼閉。 但她對學習的態度十分之散慢，真的拿她沒辦法。
但爸爸就經常為一些小事跟她嘈，話阿女對佢講嘢冇禮貌，有時阿女駁咀爸爸唔夠講，就喝罵阿女令佢收聲，攪到阿女喊晒。我已不斷提醒爸爸唔好成日鬧佢，因阿女已經常向我投訴話爸爸成日無估好大聲鬧佢，唔鐘意爸爸 (佢細個時好痴爸爸的)，但爸爸又話阿女成日冇禮貌，小時唔教，大咗就冇得教。 唉! 我怕過兩年阿女唔再反叛，但同爸爸成了仇人! 
作者: rogerlam123 時間: 12-7-26 20:50
樓主不用太擔心, 小朋友要經過這"大規模"的否定, 才可以重新建立自己的價值觀. 將來整體人格才會更完整. 大家都是過來人, 都曾經反叛, 當年父母眼中的我和你, 可能更差勁! 其實孩子不反叛, 才需要更加小心!
作者: sorfn89 時間: 12-8-2 16:59
我有兩個女係咁ge年紀, 有齊晒以上的症狀, 初頭我簡直係覺得世界末日咁, 點解自己咁失敗, 唔識教女。情緒低落到極點. 搞到大家關係又唔好，日日差不多以淚洗面。
而家自己睇開咗D,無咁執著, 說了她不聽也沒辦法，唯有祈求她們有一天突然開竅吧。
作者: oscarmama 時間: 12-8-3 10:27
我仔而家都未上中學已經反叛，你哋所講嘅行為，佢已經有初形，希望吸取到你哋經驗，我做阿媽嘅可以睇開d。不過我仔衰多一樣，無啦啦成日用把口挑"引"我，本來佢吾撩我，我會忍吓，但佢成日都撩交咬，我有時忍吾到就
佢
作者: caroltuen 時間: 12-8-3 11:26
我個仔都係一言九頂的, 叫佢做野就話我惡, 成日都係到hea, 佢老師話起碼要中四先會好d, 佢現在先升中一, 真係有排忍
作者: Ahling2004 時間: 12-8-3 13:16
回復 歌莉亞 的帖子
身同感受, 無耐,無助.
作者: hellodell 時間: 12-8-4 22:29
睇完妳地的經歷, 我好驚呀! 尤其話越乖越聽話, 反抗力越大, 我女剛12歲, 仲係一嚿飯, 如果到時出晒妳地所講我驚我接受唔到呀!
但做父母可以點, 只有忍忍忍, 眼見現在的小朋友青春期來得好早, 真係好得人驚, 判若兩人的行徑, 時常見到, 好擔心呀!
如果爸爸媽媽咁啱又更年期就大鑊喇
作者: like_travel 時間: 12-8-6 13:32
本帖最後由 like_travel 於 12-8-6 13:34 編輯
mielmiel 發表於 12-7-24 17:13
阿女升中一，近這大半年反叛期開始，成日話我好煩，房間一樣似垃圾堆，又鐘意在廳做功課，凡她掂過的地方都 ...
quote : 囡房間一樣似垃圾堆，又鐘意在廳做功課，凡她掂過的地方都會變咗垃圾缸，以前常為這些事跟她嘈。 但看過各位媽咪嘅經驗之談，開始學習包容，學習忍耐，學習提高EQ，唔太過份都隻眼開隻眼閉。
同我家女兒情既況一模一樣, 不過我加多一樣... 每當我教佢應該this & that, 佢Daddy立即還口叫我唔好要個囡做野, 十次著九次都係開口"急"著"利", 囡自然當佢盾牌啦 ! 我睇唔過眼唯有自己幫佢收拾囉 ! 連文具, 書薄, 校服, 去街衣服, 咩都要幫佢拾手尾, 真係自作孽, 仲有叫佢佢唔like 當聽唔倒, 無反應, 佢真係靈魂出竅果隻, 腦功能好利害, like 就聽到, 唔like 就聽唔到, 好似d 老人家咁, 人地耳功能差就話唶, 咁後生, 無理咁早由退化嫁 !
佢Daddy之所以做佢人肉盾牌, 係因為囡囡常要操水, 要返制服活動, 又要練piano, 又有好多暑期功課, 所以 Daddy 唔想佢辛苦囉 , 但都唔可以如此立亂嫁, 一有時間馬上看電視, 玩手機.....火滾...但囡囡成績又keep 到...又唔可以cut 活動, 我唔知點處理 (因為佢好多年都係咁) :-|
作者: mielmiel 時間: 12-8-7 10:36
回復 like_travel 的帖子
阿女現在還末出現「聽力退化」，但穿過的衣服臭襪、文具書簿永遠能在床舖上找到，完全不像女兒家。 在她房內的東西我唔會理佢，講到口都乾，只答你 “知啦”、”得啦”，但人仍坐在梳化，到下次想著嘅衫還未洗好就發脾氣，我都冇佢咁好氣，由得佢自食其果。
作者: C9C9 時間: 12-8-7 20:55
歌莉亞 發表於 12-7-23 21:17
回復 Ivy07 的帖子
唔關識唔識教，而係佢自己識唔識想!
我回頭想：
1•自己是否安排的太多？做功課、溫習、課外活動等，玩樂及自由的時間太小？所以形成反抗
2•佢的時期表是否欠缺自主缺定？
3•自己是否倍伴溫習太多，到要她自己溫習自律的時候，反而自我放從？
作者: Bettyperry 時間: 12-8-9 11:29
唔好太擔心，我個女之前都係噤，有齊晒以上的問題，當時我都問㸃解，真想喊，而家巳經十七歲，可以話過了這時期，正常翻了，其實唸翻自己當年都係噤。正常的青春期，總之唔好學壞就得，比多些自由同自主佢地，好快過的青春期。佢地成熟了，又會同你有商有量㗎啦
作者: hinhei 時間: 12-8-10 00:27
睇完咁多位..........我真係成個人定了一定!!
我以為我仔有問題.....成間房真係如同垃圾房, 最慘細佢三年的細佬同房....有樣學樣!!
佢張床上, 有洗乾淨的衫(我摺好放上去, 幻想佢自己放入櫃桶), 有著過的衫......乜都有!!
書枱成枱垃圾........做功課係細佬(下格)張床做......一係坐係梳化做, 我真係無見過佢係係張..........枱 ........上面做囉!!
D note 成堆梅菜咁.........
成日為咗咁而嘈.........成日爭札我係米真係當睇唔到, 咁樣啱唔啱, 幫佢執更加好似唔啱咁...........
而加睇完咁多位, 仔仔女女, 都係咁!! 我真係好安心!! 可以安心不理!!
作者: mielmiel 時間: 12-8-10 09:44
回復 hinhei 的帖子
我女話佢堆梅菜notes同啲書係"亂中有序"，唔好掂，俾工人姐姐執完會搵唔返
作者: senpei 時間: 12-8-11 23:44
我其實係中五女生，借用了我媽戶口，我都係中一二時反叛過，想講下當時想法，希望可幫到咁多位。我其實小學全級頭十，非常幸運地升上傳統名校。跟住就自認很了不起，因考到好學校，同自覺大個女，想反抗同挑戰權威，就開始樣樣撐到行。同埋我開始追星同識左個男仔，誘惑多左，睌睌留校到七點先走，成績退步好多，佢地就開始訓話，咁米反感，再加上個時特別多愁善感，會覺得佢地唔明我，而唔覺得佢地係為我好。就算講左都唔會認同我，就乜都收埋。我個期每月SMS過200封以上，成日係我阿媽面前話18歲搬出去，亦試過離家出走，但最後我阿媽喊住同我講話唔知點教好我，我開始收斂，係中四個年成績去番頭30%。這全部真人真事，希望可以令大家了解一下我們當時既想法。
作者: k_0530_a 時間: 12-8-12 00:27 標題: 引用：我其實係中五女生，借用了我媽戶口，我都係
原帖由 senpei 於 12-08-11 發表
我其實係中五女生，借用了我媽戶口，我都係中一二時反叛過，想講下當時想法，希望可幫到咁多位。我其實小學 ...
日頭定夜晚出走？點解要阿媽咸主緊才會識念？吾通真係好聲好氣叫吾得？
一定要睇到阿媽D眼淚才明白？其實當時你們想緊乜？
作者: Meikin 時間: 12-8-12 00:47
回復 hinhei 的帖子
我都開始接受咗有部份男仔(或女仔)的自理和整潔能力是較差這個事實了, 我兩個仔都是如此.
接受還接受, 但不能就此罷手, 我唯有日哦夜提, 希望日子有功, 慢慢會有改善.
各位父母, 加油啊!
作者: headwind 時間: 12-8-12 12:15
提示: 作者被禁止或刪除 內容自動屏蔽
作者: senpei 時間: 12-8-12 14:41
回復 k_0530_a 的帖子
14歲到。黃昏俾我爸鬧，一氣之下走左去朋友家。消失五六個鐘，後尾見到電話幾十個留言，覺得自己好衰，晚上十點幾到先番屋企。其實我都唔知點解見到我媽喊先知佢對我好，可能係俾佢感動左同䦕始明白佢苦心。好聲好氣既話...我都唔知點解會唔聽...
作者: k_0530_a 時間: 12-8-12 15:18 標題: 引用：回復+k_0530_a+的帖子
14歲到。黃昏俾我爸
原帖由 senpei 於 12-08-12 發表
回復 k_0530_a 的帖子
14歲到。黃昏俾我爸鬧，一氣之下走左去朋友家。消失五六個鐘，後尾見到電話幾十個留 ...
作者: hinhei 時間: 12-8-12 23:01 標題: 引用：Quote:Meikin+發表於+12-8-12+00:47+回復+h
原帖由 headwind 於 12-08-12 發表
呢樣野係事實!
我每次幫阿女執房, 叫佢睇住我點樣擺, 都冇用. 一到佢自己執, 就亂七八糟咁塞落櫃桶.
我中過幾次計啦! 唔好話跟住放，係佢根本唔會執！！
作者: chiu0128mama 時間: 12-8-14 09:41
9月中一了, 十萬個驚
作者: 歌莉亞 時間: 12-8-16 12:10
回復 chiu0128mama 的帖子
我唔係成日得閒上來，但真係只有上來這裡才搵到共鳴，有你地一班姐妹傾吓，整個人都是舒服好多。你我都經歷過這個階段，當時我地父母所見的可能比我地而家更激氣，只係而家青春期早了很多，而且現在佢地又真係無晒私隱，以前阿媽唔會知我想什麼或做過什麼，因我地唔會將自己既問題或不滿公開，但現在有facebook，佢地又鐘意在裡面表達，搵人支持。有時想，如果只是我與個女相處，她未必會那麼反叛，我有耐性和方法慢慢幫助佢成長，但身旁既未必與你配合。有媽咪說是否細個時玩樂既時間不夠，或輔助太多，我相信不是，總之她在上中學前是十分正常的，可能就是越乖，到反叛期我地便更難接受。雖然得一個小朋友，但小時她都有正常的gathering(與同學仔、朋友仔女、同事仔女、BK既活動等)，每年我地都同佢去旅行及讓她參加遊學團，她是很獨立，很令我地不用掛心的。只是正值反叛期，加上爸爸是一名乖仔，讀書又叻(相反我細個時讀書不是太叻的，亦不是太乖)，所以他完全接受唔到個女，成日同個女起衝突。我既壓力是來自他及我的奶奶，奶奶成日話人地生幾個都教得好，我一個都搞成咁(即暗示我只生一個)，又話人地個個都耍返工，一樣教得好，唔明我地是個什麼樣的家庭，一時間講到好似連我個家都成為問題家庭似的! 但我相信個女過左幾年大了，一定會明白，由細到大她同我感情很好的，但由於今年心理生理既轉變，令佢自己都無晒自信，最大問題是她樣樣都放在心上，唔肯說佢真正的想法(可能她怕我擔心)其實我先擔心。但我有很多社工朋友都跟我說，他們處理過很多個案，而家早發生叛逆行為，便越早成長(正如有媽咪之前說因一定要經過這階段才真正大個的)，叛逆時期發生得越慢，到時付出既時間仲多。無論如何，我地是他們的母親，一定要付出十倍既努力去支持和鼓勵，讓他們好好過渡這個時期。
作者: hinhei 時間: 12-8-16 12:25
回復 歌莉亞 的帖子
其實最重要的一環........都係你同個女的關係好!!相信這以能面對所有難題!!
而奶奶...........唉!! 有邊個奶奶會好滿意自己個新袍架!! 算吧啦!! 不要給自己太大壓力呀!! 加油!!
作者: 大肥婆 時間: 12-8-17 11:21
升中開始, 所有証狀, 我家小姐全中, 但回想自己年青時, 亦是要經這一階段, 只是年代不同, 資訊沒現在發達。 私隱--真的沒有。我都相信駁口, 只是他/她一種仍未知悉自己身份之表現。 以為好叻, 叻在把口。我都相信1-2年他們會長大, 我對她有信心。當然太過份都會話她， 只是希望家"會"是一個她最不需要帶mask之地方。 沒必要推他/她出門外。<<只是個人意見，不喜勿插。>>
作者: chiu0128mama 時間: 12-8-17 14:52
本帖最後由 chiu0128mama 於 12-8-17 14:52 編輯
回復 歌莉亞 的帖子
完全同意,我已經作好心理準備,在這裡能看到很多不同意見,以作參考,其中曾經看過<不是大不了的,看開點,不要計較,不要出聲>我現在儘量記住,上來看看傾傾,分享分享!
作者: grace_xian 時間: 12-8-17 15:05
好惊
作者: like_travel 時間: 12-8-17 15:24
chiu0128mama 發表於 12-8-17 14:52
回復 歌莉亞 的帖子
完全同意,我已經作好心理準備,在這裡能看到很多不同意見,以作參考,其中曾經看過我現在 ...
我好明白你所講既 "唔好出聲" 理論, 知不過真係好難忍受佢既挑釁語氣, 我條藥引一點就著晒火, 我都明白係要忍一忍, 但要真係做得到又係另一門高深既學問 
作者: chiu0128mama 時間: 12-8-17 16:49
回復 like_travel 的帖子
呵呵! 總之大家記住忍得就忍, 起碼可以同佢哋KEEP住個
良好關係,能夠知道佢哋發生緊啲咩, 忍唔住就行開一陣同深呼吸.各位孩子升初中的靚媽,我們一同加油,互勉,順利過度這幾年的關鍵年!
作者: hellodell 時間: 12-8-18 15:21
回復 chiu0128mama 的帖子
係呀!大家其實都係想對方好, 但住住未能接受小朋友已經長大, 開始有成人的思想, 博咀博舌更係接受唔到, 但始終都要慢慢接受, 因為妳我都有過青春期, 反叛的時候其實都唔知自己做緊咩, 只知爸爸媽媽叫我去東, 我只想去西, 咩都反一餐才收手, 好似係要激死對方才安樂, 但內心當然唔係咁想, 只係想證明比人睇, 自己大個, 唔想太多管束, 奈何現今社會好多媽媽都無做嘢, 周時係子女頭上盤旋, 管東管西, 令到小朋友缺乏自信, 當一有能力就反抗力越大, 所以大家開始要學會接受小朋友已經大個喇, 比多些私人空間大家, 互相尊重。
作者: like_travel 時間: 12-8-18 17:49
hellodell 發表於 12-8-18 15:21
回復 chiu0128mama 的帖子
係呀!大家其實都係想對方好, 但住住未能接受小朋友已經長大, 開始有成人的思想, ...
作者: 142526 時間: 12-8-18 18:30
Hi 各位姊妹 , 我足足花了一個小時看妳們家的王子及公主 , 看時真是哭笑不得,我家的大少跟你們的一樣, 開始反叛期是小六時, 又要考呈分試,又要他行為好.派了中學校後, 他跟我說多謝,因為他知道我花了很多精神在他的學業上,我當時真的很開心, 但只是開心了兩日咋!!!他又回復以往的少爺本色,暑期作業永無識做 , 個人衛生總是一團遭, 終日遼交艾,....
佢老爸話希望他早日識諗 , 我家姐話, 要忍佢, 忍唔到就行開一陣.同等佢改變,但永不要放棄他.....佢好有經驗, 因為佢有兩仔一女,.....
作者: like_travel 時間: 12-8-20 16:13
142526 發表於 12-8-18 18:30
Hi 各位姊妹 , 我足足花了一個小時看妳們家的王子及公主 , 看時真是哭笑不得,我家的大少跟你們的一樣, 開始 ...
尤記得自己當年都要到16, 17歲先乖番. 14-15 歲那年直情似討債對自己亞媽... 如果唔係睇見呢個thread, 這些事早已遣忘.
不過而家d人早熟, 反叛可能12歲已開始...such as mine daughter
作者: MATHEWMA 時間: 12-8-20 17:19 標題: 引用：我個仔就來15歲都係好鐘意駁咀,+咩都係自已
原帖由 Ahling2004 於 12-06-21 發表
我個仔就來15歲都係好鐘意駁咀, 咩都係自已對哂, 佢大聲就得, 你大聲就會話你太大聲同佢講野, 跟住會關門唔 ...
作者: sorfn89 時間: 12-8-28 14:20
簡直
, 只有多多溝通及忍http://www.hkicons.com/_365.gifhttp://www.hkicons.com/_366.gif
作者: sorfn89 時間: 12-8-28 14:20
作者: Anloo 時間: 12-8-30 13:10
我同我女講，我知道我將來會點死, 是被你激死
作者: chiu0128mama 時間: 12-8-31 12:12
回復 Anloo 的帖子
Anloo - 我尋晚就以此問題問亞仔, (你知唔知亞媽將來會點死呢?佢答:我知,俾我激死吖嗎,媽咪!) 佢真有自知之名!
作者: Anloo 時間: 12-8-31 12:17
回復 chiu0128mama 的帖子
He's so clever...
作者: chiu0128mama 時間: 12-8-31 14:48
Yes, but lazy x 1000000000
作者: baoying 時間: 12-9-3 20:21
唔"博"嘴，凈係當我透明都慘啦，越叫越走，最近個仔返來幫我教過就好左D，
作者: cc1215 時間: 12-9-4 11:36
提示: 作者被禁止或刪除 內容自動屏蔽
作者: chiu0128mama 時間: 12-9-4 14:21
回復 cc1215 的帖子
| 歡迎光臨 教育王國 (/) |
Powered by Discuz! X1.5 |