教育王國

標題: 超級怕事 [打印本頁]

作者: littleape0129 時間: 12-4-5 00:24 標題: 超級怕事

我囡而家22個月，佢對好多嘢都好驚。elmo 公仔超怕，連係電視卡通睇都怕。去Disney 又超怕人扮嗰Dmickey. 波波池同D坐嗰D車仔都怕。同佢去買鞋一定唔比試鞋，會喊。縂知D嘢唔係佢平時見開嘅，佢都唔會接受。請問有冇人係咁？我需唔需要擔心？

作者: bearcat2003 時間: 12-4-6 17:27 標題: 回覆：超級怕事

不如多同佢預告會看到什麼，比個心理準備佢，叻的話會有小小奬勵（如貼紙）,有試過嗎？

作者: littleape0129 時間: 12-4-7 09:47

上次去 Disney 之前都有不斷提醒佢嗰D Mickey 會好大, 但佢見到后都依然好驚. 而家攪到連見到 Mickey 公仔都驚埋, 唔知係咪有陰影...

作者: Starrylau 時間: 12-4-8 08:29 標題: 引用：我囡而家22個月，佢對好多嘢都好驚。elmo+

原帖由 littleape0129 於 12-04-05 發表
我囡而家22個月，佢對好多嘢都好驚。elmo 公仔超怕，連係電視卡通睇都怕。去Disney 又超怕人扮嗰Dmickey. ...

我阿囡有相同問題，依家24月.買鞋買衫唔俾sales同佢試，會喊。disney 好d,細個時喊，依家去之前同佢講定好多次，結果無喊。但睇show唔得，黑d又喊。見cartoon片主角跌倒，又喊。試過係公園有個叔叔睇住佢，佢話驚，仲大喊！兩個月佢都唔再去公園。有d大人巳知的，可以事先張揚，有幫助。不過太多野佢會驚.
我試過帶佢去旅行幾日，番黎後有改善。

作者: Glucks 時間: 12-4-8 18:21

littleape0129: 請問佢做你講個D野時,你有無同佢一齊做?

作者: littleape0129 時間: 12-4-8 23:39

回復 Glucks 的帖子

有架, 嗰次去波波池, 我直頭入埋去 (冇人嗰時), 但佢都係唔敢入...
去Disney 我都有同 Mickey and Daisy 影相, 特登做比佢睇...
嗰次仲攪笑, 我哋同佢表姐 (4 歲) 一齊去 Disney, 表姐當然唔驚, 仲走埋去 Mickey 度, 佢見 Mickey 抱住表姐, 就好大聲而又驚恐地叫表姐, 好似叫佢快D走咁...

作者: littleape0129 時間: 12-7-22 00:20

佢而家25 個月，叫做好少少，冇甘怕生。但依然驚 Elmo and barnie 卡通，一見到就叫關電視。佢都係唔鐘意著新衫，新鞋。新嘅嘢都係驚。今日同佢剪頭髮，喊到死甘。游水游過一次就唔敢再去。上 playgroup 成幾個月，都唔太投入，人哋一大班人跳舞，佢都冇跟。miss 拖手又唔比。
我睇到自閉症嘅其中一個 symptom 係唔接受新事物，佢呢個情況，我需唔需要擔心？言語方面，佢絶對冇問題，從 14 個月開始已講單字，而家可講到句子。我有少少擔心，唔知應唔應該帶佢去 check 下。

作者: bubucatcat 時間: 12-7-22 11:37 標題: 回覆：littleape0129 的帖子

提示: 作者被禁止或刪除內容自動屏蔽

作者: bugsmummy 時間: 12-7-22 12:13

請問有冇試下比佢玩啲靚態又要動腦筋的遊戲，如LEGO,看看她反應？

作者: littleape0129 時間: 12-7-22 12:15

回復 bubucatcat 的帖子

咁應該去邊度做？佢都有同小朋友玩，但唔係一齊玩嗰隻玩，我諗呢個年紀未係太識，但佢好鐘意去表姐屋企玩，亦好喜歡去會所。見到人都會同人揮手打招呼（如我叫佢）。我唔知佢算唔算聰見，但佢已識晒 a-z，數英文 1-30. 記性幾好，字卡D圖畫記得晒，識講自己名，父母名，公婆爺嫲名，等等。我只係唔知點解佢甘怕事，唔知喺邊度做評估好呢。

作者: littleape0129 時間: 12-7-22 12:17

回復 bugsmummy 的帖子

Lego 有玩，佢通常喜歡切高佢，或叫我切隻馬比佢睇。佢都鐘意 coloring, drawing, and read books.

作者: littleape0129 時間: 12-7-22 12:21

回復 bugsmummy 的帖子

仲有，佢喜歡玩 flash cards. 最鐘意叫我排好（not in order), 我問，佢抽番張咭出嚟

作者: bubucatcat 時間: 12-7-22 12:44

提示: 作者被禁止或刪除內容自動屏蔽

作者: bugsmummy 時間: 12-7-22 12:54

可試下比佢參加LEGO班（中文或英文），慢慢讓你小朋友螎入羣體也有幫助。

作者: bubucatcat 時間: 12-7-22 17:36 標題: 回覆：littleape0129 的帖子

提示: 作者被禁止或刪除內容自動屏蔽

作者: littleape0129 時間: 12-7-22 18:49

回復 bubucatcat 的帖子

多謝你嘅意見！其實我都不太明白左右腦嘅發展分別，請指教！你有冇評估地方介紹呢？據你嘅意見，佢只係太 sensitive?! 甘其實會有咩影響？
Sorry, 我問題太多，請見諒。

作者: bubucatcat 時間: 12-7-22 19:54

提示: 作者被禁止或刪除內容自動屏蔽

作者: bubucatcat 時間: 12-7-22 20:16

提示: 作者被禁止或刪除內容自動屏蔽

作者: bugsmummy 時間: 12-7-22 23:56

回復 littleape0129 的帖子

我小兒年幼時亦好＂麻煩＂。新衫的招牌一定要剪去才肯著；未嚐過的食物不肯食；對紅或克色的食物甚抗拒；唔好話陌生人，見到相熟的親戚在他情緒低落時連叫人一聲也不肯，點樣責罵佢，小兒都唔肯開口，但當佢情緒穩定後佢知道自己唔啱又會補叫人一聲。上他喜歡的興趣班如LEGO或英文班時，佢又會變成另一個小孩，玩得好開心好投入。我唔識左右䐉教法，只能給他多些機會比佢接觸佢喜歡的事物，慢慢讓佢改變。不用太擔心吧！

作者: ANNAFRIEND 時間: 12-8-1 22:38

細膽唔駛驚, 大大下就咩都唔會怕.. 只要唔係有特殊問題就OKAY. 我女女細時超細膽, 對咩都係驚餐死. 係我在家連去TOILET都要跟住我. 我去到邊佢地又跟到我去邊. 在婆婆屋企無數次, 次次去到都一樣驚. 有人黎又驚, 日日都在驚驚驚. 所以咩COURSE我都冇同佢地報. 最初我媽咪都以為佢地有甚麼問題, 我亦曾懷疑她們有特殊問題. 直至到K3我自己湊返, 佢地又大個左. 突然變得大膽好多, 我先開始敢同佢地報COURSE. 今年升小二啦, 冇咩問題呀.

作者: ttrrmm 時間: 12-8-3 17:36

我的儿子都是超级胆小，胆小到看到小朋友走近都要绕开，读了一年的PN都不敢和小朋友交流。忍无可忍，上周去看了心理医生，医生说他绝对不是自闭症，因为他有很好的眼神接触及懂得SHARE。但是医生说超级胆小，引起社交困难，都需要及早介入。这种孩子往往天生敏感，后天教养上又因家里保护得太好，导致独立性差，不能适应陌生的环境。医生叫我自己先要转变教养的模式，再让孩子去尝试不同的环境，让他多碰点挫折，不要不舍得让他哭闹，这样慢慢就可以克服。如果自身做不到，那就要出外治疗。我也参观了一些治疗机构，不过大多都是自闭症孩子治疗机构，不是很合适。昨天报了朗研社开始为期一周的密集型训练班，然后还想给他做一点音乐治疗，因为我都怀疑他有点选择性缄默症，不过和好几个儿科医生和心理医生提起，他们都很不赞成这样的LABEL。

我儿子还是个左撇子，刚才看了左脑右脑的说法，觉得是否左撇子用右脑思维，真的会和我们大部分人不太一样。

作者: S.TANG 時間: 12-8-27 13:52

littleape0129 發表於 12-4-5 00:24
我囡而家22個月，佢對好多嘢都好驚。elmo 公仔超怕，連係電視卡通睇都怕。去Disney 又超怕人扮嗰Dmickey. ...

我個囝而家2 1/2 YR, 佢1YR時我帶佢去迪迪尼時, 佢都好怕果D公仔人, 死都唔很靠過去, 果次仲係佢生日, 果2隻老鼠想同佢影相切蛋糕, 佢即刻喊. 之後大D, 係街見到D人扮公仔, 佢都驚, (好似賣魚干油果個大頭仔, 佢怕到唔敢過去攞糖食).
到早几個月, 我同佢去OCEAN PARK, 佢一見到果D人扮公仔, 即刻要我抱往, 唔很落地. 又怕去兒童天地入面果個彈彈床玩,

但佢就唔怕同人溝通, 見到小朋友佢會好熱情同小朋友玩, 熱情到成日抱往D小朋友, 又KISS KISS, 攪到好多小朋友都怕咗佢. 尤其係女仔, 佢真係特別鐘意, 成日跟往D女仔, 眼金金咁. 同大人溝通都冇問題. 成日係條街到同D三唔識七既人講嘢同SHOWOFF.

作者: 迷你大人 時間: 12-9-5 15:21

我個女成3歲去到迪士尼見到D人扮的公仔都吾想，避遠D先得

歡迎光臨教育王國 (/)