教育王國
標題: 嬴在起跑線? [打印本頁]
作者: snoopybk 時間: 12-3-7 11:22 標題: 嬴在起跑線?
自問未算是怪獸家長, 對小朋友的教育是希望他愉快學習, 培養良好品格, 成績是其次, 學會學習, 有積極正面想法才是最重要.....
說得很漂亮, 但我也漸漸迷失了, 他入不到"龍校"是我做得不夠好, 沒有從小催谷他?做父母的責任應該是"迫"他入歷史悠久的"名校"還是讓他在有創意、自由、有好老師好同學但名氣略遜的學校愉快學習？
起跑線嬴了能代表小朋友開心嗎？他們要的跟我們想的是一致的嗎？現時讓他所謂"hea"住返學, 將來學得不好, 派不到好學校怎麼辦？
自己也是在一條龍學校長大, 明白父母當年的苦心, 但撫心自問, 雖然學習的生涯是平坦, 並不代表有愉快學習. 坦白地說, 我也不願意子女跟我一樣走這條路, 但我真的有這個選擇權嗎？香港的教育制度, 這幾年的超高出生率, 加上強國的雙非孩子, 周遭的壓力, 作為家長的, 我可以怎樣做？真的很無奈...
作者: jojoplanet 時間: 12-3-7 11:32
snoopybk 發表於 12-3-7 11:22 
自問未算是怪獸家長, 對小朋友的教育是希望他愉快學習, 培養良好品格, 成績是其次, 學會學習, 有積極正面想 ...
我同你一樣都自問唔係怪獸家長, 我個仔係11月尾出世世仔, 我一路都冇好迫佢學呢樣個樣,而且佢個人係比較冇自信同細膽, 成日要佢係學校以外的班房上堂佢好無安全感..直至佢k2下學校先同佢返下d普通話playgroup同英文playgroup. 當剛升k3 開始要小學面試時, 佢講番人地考d乜比我聽, 我就知道佢係輸蝕, 不過我無後悔因為我個仔未ready比佢學多d野去為咗應付面試佢會好唔開心。
我個人認為如果你目標係私校/直資現實你必定要用"嬴在起跑點"既策略。d野有得有失, 冇絕對的錯與對, 如果你覺得自己唔信嬴在起跑點呢個理念就堅持自己。
作者: gwlam 時間: 12-3-7 11:36
就係大家都對香港嘅教育制度無信心，所以個個挣崩頭入歷史悠久的"名校"，希望at least師資有保證。 其實所有津小都分精英班，大班，小班教學，都將小朋友歸類，小朋友亦不見得開心，我估最開心就係讀international school
作者: jojoplanet 時間: 12-3-7 11:41
gwlam 發表於 12-3-7 11:36
就係大家都對香港嘅教育制度無信心，所以個個挣崩頭入歷史悠久的"名校"，希望at least師資有保證。 其實所 ...
家長能夠做的都係在我地有既資源, 小朋友能力同我地既期望做個平衡.為我們的小朋友選出最適合他們的方向
作者: gwlam 時間: 12-3-7 11:44
回復 jojoplanet 的帖子
無錯，做得幾多得幾多，希望自己將來唔好後悔就够了。
作者: LyNeC 時間: 12-3-7 11:45
Thank you for gwlam's info on every 津小 has different classes for different levels... if it is the case, I agree only IS will be the "happiest" choice.
For me, I always struggle that do we have to provide baby with competition environment rather than to let her relax in shcool life??!!
作者: gwlam 時間: 12-3-7 11:56
relax school life 當然好，但最終嘅destination都要入U，我就係驚最終唔够人compete .... 先甜後苦 or 先苦後甜 .... 就睇大家點取舍 ....
作者: jojoplanet 時間: 12-3-7 11:57
本帖最後由 jojoplanet 於 12-3-7 12:04 編輯
LyNeC 發表於 12-3-7 11:45
Thank you for gwlam's info on every 津小 has different classes for different levels... if it is the ...
咁睇你既priority係乜同有幾多資源, 如果想佢開心而你又有資源可以比佢由香港讀IS去到外國讀大學, 咁IS係一個選擇, 但好似我咁priority都係想個仔開心唔好讀得咁辛苦但沒有資源比佢讀IS 咁我只可以選擇傳統, 而我自己比較鐘意傳統學校因為我覺得過程都係一d training. 但傳統我唔會選名校因為係辛苦+辛苦
作者: fatalbug 時間: 12-3-7 12:15
提示: 作者被禁止或刪除 內容自動屏蔽
作者: sheffield 時間: 12-3-7 12:28
適當的壓力是需要的。人長大過程中是一定要面對唔同的壓力！每人能承受的壓力亦會因性格而有不同，選什麼學校就要視乎父母怎樣看小朋友的能耐…還有一樣重要的，就是學校/父母如何幫小朋有去面對壓力和困難，簡單一點，就是我們有什麼方法幫小朋友去學習。例如是串英文生字，對於識phonics同唔識phonics的小朋友已非常不同！
我個人看，讀IS是開心的，但我也看到IS的唔好處(我看是唔好，別人看可能沒問題)。
冇資源去IS的但又唔想超壓力的，咪讀一些普通的傳統學校囉，我相信EK大部份家長都是由普通傳統學校出來的(包括我自己)，這些家長都有校可以有好職業和快樂家庭呀！在普通學校叻的，到時到候就自然會被編入去精英班，成績不會比名校的普通學生差呢！如不是精英，就做回一個普通小朋友，做回自己，不是都得好嗎？朋友教書的，精英班的小朋友連課外活動都由老師安排，但普通小朋友就可按自己的喜好去報名…
就算比你人到top tier的龍校，小朋友唔屬個類人，最終都係要離場(補勸退或是自己頂唔順)…
最重要是唔好群到壞同學…
隨住小朋友一路成長，屬於他自己的路也會慢慢行到出黎…到時再按路向去調校吧！
作者: vnghk0001 時間: 12-3-7 14:02
我唔覺得自己係怪獸家長，只不過係早教，我承認阿女係學術上係比好多人識多幾隻字，並唔係叻過人，係佢比較鐘意讀字/書，唔等如佢唔開心，只要係開心環境下教，佢只不過覺得係玩，父母心態唔好一心要同人地比較，盡自己能力尋找適合小朋友嘅教學方法，入唔到愉快學習嘅學校，咪盡量係屋企自己補充，其實同佢地一齊聽歌、跳舞、睇卡通，佢地已經好開心，從中再抽啲內容同佢地講，加深印象，唔好比'贏在起跑線'呢句說話赫怕左，賽事唔淨係學術上呢！
作者: gracedolly 時間: 12-3-7 14:29 標題: 回覆：嬴在起跑線?
無打算參予賽事。小朋友現讀的是活動教學幼稚園，在探索中學習，課程不深，不用過早執筆記字，我沒去考過其他名幼。讀深一級，過早執筆，過早背誦，失去童真，非我所願，讓小孩愛學習主動去學，融於群體、敏於思考才是我心目中的幼兒教育。
作者: Christi 時間: 12-3-7 15:40
回復 snoopybk 的帖子
我曾經和你一樣,有類似的問題.但現在已慢慢摸索出自己的看法.建議你不妨多些閒逛BK的小學及中學論壇,還有教育講場,亦建議你去聽多一點孩子已升小學/中學的父母的看法和感受.那麼,你會多點明白你會希望怎樣鋪排小朋友的未來.
或者看看這個:
http://www.edu-kingdom.com/forum.php?mod=viewthread&tid=2370554&extra=page%3D1
由小朋友一出生,父母就是不斷的學習(學怎樣養,學怎樣教).向那些BK內的資深爸爸媽媽取經,你現正走的路,他們用自己的方法走過了,他們的經驗,會令你得益不少的.
good luck.
作者: natnatm 時間: 12-3-7 16:33
提示: 作者被禁止或刪除 內容自動屏蔽
作者: natnatm 時間: 12-3-7 16:33
提示: 作者被禁止或刪除 內容自動屏蔽
作者: natnatm 時間: 12-3-7 16:34
提示: 作者被禁止或刪除 內容自動屏蔽
作者: 小克 時間: 12-3-7 17:29
提示: 作者被禁止或刪除 內容自動屏蔽
作者: 小曳人 時間: 12-3-7 18:00
本帖最後由 小曳人 於 12-3-7 18:01 編輯
在我，我只係一個每日淋水嘅農夫，定時施肥
我無要求佢開花結果，但如果我見到開花嘅話，我會好開心，好有成功感
總之，嘢我就輕鬆地盡做，無壓力~
我大仔都應該"暫時"尚算係贏嗰班
未來，我會繼續幫佢打氣！希望佢下一關都順順利利
其實好多嘢都係隨緣，睇小朋友嘅天份同造化..
作者: 爽媽 時間: 12-3-8 00:49
我個女今年考K1學位, 我報了11間, 考了9間(因為schedule clash所我們要放棄3間). 其實我覺得我個女IN得都好好. 佢係0907B. 我們IN的9間都係名校如SPK, HY, GH, KV, PC etc, 最后, 無一間收我個女. 就咁, 我個女會係E+讀緊果間幼兒園直上. 佢E+讀緊果間幼兒園其實我覺得好好. 好的地方是老師有愛心&耐心, 課程唔太淺. 但同唔收學卷的名校比始終淺D尤其是英方面. 還有, 間學校離家好近, 咁省了好多交通時間&金錢. 而且佢收學卷, 咁又令我們整個family輕鬆好多. 但眼見身邊朋友的小朋友唔係讀高主教, 就係培正, OR St. Cat.然后小學入讀聖家. 咁我就好驚我個小朋友會唔會唔夠completitive. 我有時會諗, 係唔係讀了名校, 龍校才會有出路呢? 其實我家收入算OK. 月入OVER 7萬. 但我地有兩個細路, 要供樓, 要供養兩邊父母. 還有, 我兩公婆年紀唔細, 我都40YR, 我C6仲大過我. 那麼, 我們都要為做打算. 如果妳們是我, 會花$$比孩子讀直資/私校嗎?
作者: josechan 時間: 12-3-8 01:21
爽媽,
我同你situation 差唔多, 個囡又係0907B, 我一路都冇迫個囡要學乜學乜, 因為我相信, 冇人大個係會唔識A-Z 同數字, 但我最終考local school 差不多全waiting, 但兩間international 同victoria 就收咗.
其實我day 1 已經諗住行international, 除咗唔buy local system 咁谷法, 我希望個囡睇野可以闊d, 個世界唔係凈係得測驗考試，亦都唔想佢為咗張 cert 去學琴or ballet. 我響大學做野, 咩野學生都見過, local training is not my cup of tea.
我屋企收入, 支出同你都差唔多, 我選int'l school 因為我覺得"直資學費+ N樣課外活動$"條數都響番到, 但我依家要諗既, 就係響唔響35歲前"咇"多一個, 同埋值唔值得為咗生多一個(供兩個讀 int'l), 而降低依家既 living standard...
作者: 小曳人 時間: 12-3-8 07:18
相信呢度唔少中產家庭、好多都會照顧埋屋企
尋晚c6先講起兩個小朋友學費支出唔細！
我地target係平價直資私小，然後抽間唔錯嘅地區官小(唔係好top嗰d)
偏向 最top嘅平價直資>good平價私小>good 官小>中價good私小
以上有一個假設：就係我地有得揀
養兩個，平有平養、貴有貴養
但兩個小朋友帶嚟嘅好處，我覺得大過俾少咗物質資源個大嘅
living standard在我地，幸運地唔算太大影響，少少就一定有嘅，但快樂係無價，亦唔係一定要用錢買嘅 (我細b係一個好鍾意笑、好可愛嘅小朋友)
作者: weiweibb 時間: 12-3-8 08:14
回復 小曳人 的帖子
Agree
作者: CZS831 時間: 12-3-8 09:51
看見在外國生活的家人及朋友們的子女都能愉快地學習然後上名牌大學。香港孩子咁谷法，就算能「嬴在起跑線」，都有可能「輸在終點前」。想改善子女學習及生活環境，有能力的不防考慮移民！
作者: chanwendy 時間: 12-3-8 11:04
我從來都冇要贏在起跑線的諗法, 劉翔咁勁, 你幾時見佢會贏在起跑線啫, 而往往贏在起跑線的選手最終連三甲都不入. 外國亦都有過研究 (我上年中後期在報紙上見到), 話幼稚園過份催谷的孩子, 去到高小就停咗落嚟, 之後無法前進, 即使繼續讀上去的水平都係落後的一群. 反而冇太大催谷的, 去到中小階段反而就發力勇往直前.
作者: Gerard 時間: 12-3-8 11:14 標題: 引用：我個女今年考K1學位,+我報了11間,+考了9間(
提示: 作者被禁止或刪除 內容自動屏蔽
作者: haydenden1023 時間: 12-3-8 11:44
回復 CZS831 的帖子
我都好想移民, 但係無能力..
不過我而家o既目標係升中學就比佢出外國讀, 等佢見識下個世界
同埋就算一星期比佢上兩堂英文 + 學校都有net, 但英文始終學唔到幾多..
我都會比佢去學野, 但小學一定係讀政府, 留番d資源
當然都會睇下我個小朋友o既性格, 但相信都ok
因為我個朋友佢個仔十歲就比佢去左英國
o個邊無人無物
但佢個小朋友非常適應, 非常開心
原來小朋友係可以好叻, 適應能力都好強,
只係我地做家長自己顧慮太多
作者: melonfans 時間: 12-3-8 11:58
haydenden1023 發表於 12-3-8 11:44
回復 CZS831 的帖子
我都好想移民, 但係無能力..
我有個女同學 F.2去咗澳洲讀書, 嗰邊無人無物, 青春期好多問題, 真係吾知落咗幾多個仔la! 到 U 畢業返咗香港, 吾適應, 點都要揾番過澳洲移民結婚, 吾肯留係香港! 父母以為畀最好嘅野佢, 其實係咪呢?
作者: caca316 時間: 12-3-8 12:12
回復 josechan 的帖子
其實如果讀本地私立小學學費要$3,000左右，加埋校巴＄600， 兩樣課外活動（一體一藝）$900+$900，英文(2 lesson/week)$2000, 國語(1 lesson/week＄600)
即是如果讀本地私立小學total 要＄8,000，我有無計錯？
咁係咪讀International School就唔洗咁谷呢？有無人可以分享下，讀International School的學生，就不用這麼多的課外活動嗎？
我現在考慮中…….想了解一下由local stream 轉去international stream…….(我囡囡而家pre nursery, 將會9月入K1龍校，另外，有一間唔太出名的international school收左)
作者: Gerard 時間: 12-3-8 12:28 標題: 引用：回復+josechan+的帖子
其實如果讀本地私立
提示: 作者被禁止或刪除 內容自動屏蔽
作者: 2Fats 時間: 12-3-8 12:35
本帖最後由 2Fats 於 12-3-8 12:37 編輯
chanwendy 發表於 12-3-8 11:04
我從來都冇要贏在起跑線的諗法, 劉翔咁勁, 你幾時見佢會贏在起跑線啫, 而往往贏在起跑線的選手最終連三甲都 ...
absolutely agree!
有D人好早發力, 有D人大個先開"hiu"...男仔同女仔各樣速度又會唔同.
當我把持不定/想面對現實而有所動搖時, 我就會問自己當初想生小朋友目的為咩!! 對我黎講, 係要一個有血有肉有自己理想而唔做社會寄生虫嘅小朋友. 只要佢喺我地比佢嘅做人處事道理下成長, 喺呢個框框內我地就會由佢自由發揮! 喺呢個情況下應該差極有個譜掛! 用興趣做出發點好似會恆久D...勉強出黎好似無咁'幸福'咁
至於要唔要谷, 真係好睇小朋友本身資質. 我擔心如果有D野over咗反而有負面影響呢.
如果要硬性規定自己要做咩, 人做我又要做, 我應該唔係培養緊一個人, 而係一隻'電子寵物'嘞!
Winner or loser, 睇你自己點睇姐, 洗咩理人咁多jack!
作者: Christi 時間: 12-3-8 13:05
2月14日appledaily
過早催谷 不利幼童
負面影響男多於女 或輸在終點站
【本報訊】贏在起跑線，可能輸在終點站。調查發現，為加強報讀名牌小學的競爭力，七成多幼稚園學童都有報讀各類課外興趣班，最熱門的是英話班。其中有 5%的 3至 5歲的幼童更參加了五個或以上的興趣班，每月最多花費 10,000元以上。教育學者警告，過早催谷對幼童日後發展有不利影響，其中對男童的負面影響比女童更大。
教育學院兒童研究與創新中心在上月訪問了本港 20間幼稚園共 1,260名家長，調查幼童參加課外興趣班的情況，當中 53%為男童， 47%為女童。調查結果顯示，只有 23%的幼童沒有報讀興趣班。其餘約五成參加了一至二個興趣班，兩成多參加三至四個，有 5%更報讀了五個或以上。
雖然逾六成受訪家長表示，為子女報讀課外興趣班的原因是「幼兒的興趣」，五成多家長最注重幼兒的體能與健康。但最熱門的興趣班是英語班，近一半幼童報讀。其次是繪畫班，佔四成。而第三位是舞蹈和音樂，各佔兩成半。只有一成半家長會為子女報讀有關體能發展的活動班。
家長為子女報讀興趣班花費不菲，八成多家長每月開支由少於 500至 2,000元不等。有一成半家長每月開支 3,000至 4,000元。 2%開支達 5,000元 10,000元， 1%更在 10,000元以上。調查又顯示，學童的年級越高，報讀興趣班的數目越多。而家庭收入及教育水平越高的家長，傾向為幼兒安排越多的興趣班。
教院幼兒教育學系講師劉怡虹認為，家長過早催谷子女的現象並不健康，英國有研究發現，參加太多的興趣班對幼童日後的發展可能不利，其中對男童的負面影響比女童更大。幼兒處於學習的初階，家長應提供不同的機會讓孩子從遊戲中學習，多些親子活動，「或者喺公園玩泥沙」，更有助促進兒童的全面發展。家長為了子女贏在起跑線，卻可能會輸在終點站。
作者: 小曳人 時間: 12-3-8 13:45
恐龍仔e+ K2，嚟緊要報小學喇！
作者: Kitty1230 時間: 12-3-8 14:46
回復 chanwendy 的帖子
係咪真架?
作者: maths 時間: 12-3-8 15:17
無去諗甚麼「贏在起跑線」，只係按小朋友嘅能力同興趣去發展。作為家長，我會盡力提供機會比小朋友，當然如果小朋友唔鍾意 / 無興趣，我都唔會迫佢，以免令佢抗拒，日後想佢再試都好難！
讓小朋友對各樣活動多作嘗試，搵岩小朋友嘅專長 / 方向，讓佢發展下去。父母可以做嘅係為小朋友開路，但條路係靠小朋友自己走下去，所以基本功 ( 待人處事，德育….. ) 都好重要，唔好忽略呢！
作者: tszyaumama 時間: 12-3-8 15:26 標題: 回覆：嬴在起跑線?
以為做大b機會會大啲，但競爭仲犀利
作者: Arcana 時間: 12-3-8 15:44
本帖最後由 Arcana 於 12-3-8 15:47 編輯
Gerard 發表於 12-3-8 12:28 
我們也有concern 呢個問題，首先，國際學校轉傳統學校比較難，而今天由non-Jupas 入HK U 也比較難，去年只 ...
According to the official press release (http://www.info.gov.hk/gia/general/201112/07/P201112070236.htm),the number of students admitted thru non-Jupas is far more than the number you quoted (百多個
).
Actually, the probability of non-Jupas admission would not be worse than Jupas’ candidates based on the numberof non-Jupas’ candidates is fewer.
作者: Gerard 時間: 12-3-8 16:45 標題: 引用：+本帖最後由+Arcana+於+12-3-8+15:47+編輯+
提示: 作者被禁止或刪除 內容自動屏蔽
作者: Yipapa 時間: 12-3-8 16:57
I don't know if a good KG means a better position on the starting line. If yes, I trust it is the starting line on a Marathon, not a 100 meters race. All he best to our kids and the parents
作者: josechan 時間: 12-3-8 17:24
Gerard 發表於 12-3-8 16:45
真的不好意思，提供了錯誤的資料，因為此數字只是朋友在政府部門工作，而他的兒子又是讀緊國際學校，所以沒 ...
我就正正係你引用個例子果到做, 信我, 大學係好鐘意收 IB (起碼到呢一刻都係), 因為覺得 IB 學生in general presentable D, at least 上堂唔會一舊木咁坐響到聽, 會participate, 咁對成個課堂既氣氛都好
(題外話, 其實好多外國 prof 同學生初初到香港, 都會好surprise, 點解上堂冇人問問題&有咁後坐咁後, 又或者個prof 一問問題就個個dup 低晒頭, 我話係呀, 我地自細既training 就係咁, 不要問, 只要信/記)
個數字得百幾, 係因為呢一刻ib 都唔係majority, 而讀得IB 多得 target overseas universities, 所以 local universities 咪好似唔係收好多咁, 但其實係唔係咁多ib 學生apply local...
作者: Macylau 時間: 12-3-8 19:32
回復 josechan 的帖子
絶對同意，我都覺得係IB學生很少報讀本地大學，而吾係本地大學吾鐘意收IB生
我自己係傳統中學同本地大學畢業，但出來工作後令我深深感受到本地學生同外國畢業生的分別！本地畢業生通常比較勤力，捱得，但英文會較外國畢業的差，最重要係吾及外國生甘street smart,exposure, presentation skill，social skill通通差少少！
我冇能力比個仔讀國際學校，但起碼大學一定去外國
作者: CoffeeCake 時間: 12-3-8 22:04
caca316 發表於 12-3-8 12:12
回復 josechan 的帖子
其實如果讀本地私立小學學費要$3,000左右，加埋校巴＄600， 兩樣課外活動（一體一藝 ...
作者: SCKnight 時間: 12-3-8 22:26
Macylau 發表於 12-3-8 19:32
回復 josechan 的帖子
本地畢業生通常比較勤力，捱得.....
作者: siden 時間: 12-3-8 23:54 標題: 引用：看見在外國生活的家人及朋友們的子女都能愉
原帖由 CZS831 於 12-03-08 發表
看見在外國生活的家人及朋友們的子女都能愉快地學習然後上名牌大學。香港孩子咁谷法，就算能「嬴在起跑線」 ...
作者: poonseelai 時間: 12-3-9 00:04
Let me share 4 essential things that help the children's brain grow: sleep, nutrients, water and exercise (according to professer JoAnn Deak, an educator and psychologist). No matter whether a child is studying in local or international stream, parents should try their best to make sure kids have all these 4. Also, children need spare time to consolidate things they have learned. So, never, never fill up every minute of their time with activities. Just give them time to "hea".
作者: iamauming 時間: 12-3-9 00:10
回復 sheffield 的帖子
非常認同你的說法啊！！！
作者: josechan 時間: 12-3-9 09:30
回復 caca316 的帖子
please check PM
作者: 爽媽 時間: 12-3-9 10:58
回復 josechan 的帖子
我又係成日反覆問自己:係唔係應該降低自己生活水準(係要降低好多好多果種), 而比D細路讀名校之類. 有時又覺得, 物質&娛樂係唔重要. 咁係唔係應該放棄ED嘢然后比D仔女讀名校之類. 但有時又會諗E+省下來的話$, 可以比自己退休, 或比佢地出國讀(如果真係讀唔到本地大學). 但又會諗, 如果唔比佢地讀好D的幼稚園, 小學. 咁就入唔到好的中學&本地大學. 到時又會唔會後悔當初唔比佢地讀名校呢? 唏, 真係唔知怎樣做先對?
作者: irene_the_pooh 時間: 12-3-9 13:59
身處香港真係好易迷失！
自己唔係一個怪獸家長，但身邊聽得多時，自然就會驚驚地！
唔好講遠，就算係我老公，佢聽得多朋友講自己個仔去邊d名校、要點谷、要點準備面試，佢返黎又會講下 (加上一個「恨」既面情)！
雖然老公唔係好干涉我點安排阿囝既路，但聽得佢講得多，每次又要同佢返番去起跑點度講，其實真係有d攰 / 煩！
所以我相信當阿囝真正返學後，再聽多d其他家長既「經驗分享」後，應該會更易動搖！
好多人覺得香港好似唔及外國好，其實好多人都講香港既教育程度勁過外國 (當然唔係講緊全部)，但最大既問題係香港既教育方法！佢既課程擺o係度係好好，但用不得其法，學生根本發揮唔到之餘，仲扼殺左佢地既學習動機 / 興趣。
作者: josechan 時間: 12-3-9 14:15
回復 irene_the_pooh 的帖子
係~ 其實從工作上都睇到, 香港學生其實學術水平好高, 但係唔識表達出嚟, 外國學生可能"吹"得好勁, 實際做落冇佢講得咁勁 (實際例子: 本地學生得閒響宿舍係打機, 外國學生得閒係去pub 飲野傾計, 兩班學生其實點都溝唔埋!)
作者: poonseelai 時間: 12-3-9 18:18
josechan 發表於 12-3-9 14:15
回復 irene_the_pooh 的帖子
係~ 其實從工作上都睇到, 香港學生其實學術水平好高, 但係唔識表達出嚟, 外國 ...
HK students may be strong in terms of the amount of knowledge, and yet most of them are weak in terms of the application. It is important in the workplace (and at schools as well) that you know how to apply the knowledge to solve the problems. A student "吹"得好勁 may mean that he knows how to apply the knowledge.
作者: irene_the_pooh 時間: 12-3-9 22:43
Dear josechan & poonseelai,
同意你地既講法！
調返轉頭睇，你寧願你既仔女係學術水平高但唔識應用，定係識用生活上就手既野但學術水平唔高呢？當然呢兩樣野唔可能一刀切，但如果以整個人生既道路黎講，一世人流流長，我寧願我既仔女係一個活學活用既人，否則就係一個讀死書既人。
我成日都覺得做人唔只係得讀書 / 工作，仲有好多部份，如果成世人只識讀書 / 工作，我唔覺得佢會開心。我好多時都提自己：陀住阿囝時只有一個最簡單但又最重要既願望：就係希望佢健康同開心。只可惜陀住時就會記得，生左之後呢D野就好似take for granted咁 (我老公有時都係咁)！
或者我要求低，我覺得健康同開心唔係必然，如果有呢兩樣野，好多野都可以做到；但冇左呢兩樣野，就好多野都做唔到。
sorry我好似講遠左，我只係想講：我唔贊成谷，亦唔認同現今香港既教育制度。但我身處香港，我冇得選擇。如果唔係o係香港，我根本唔會考慮比一個兩歲幾既人仔去讀書 (N班)，根本咁細要佢地同家長分開就係一樣違反天性既野，不過o係香港，讀N班就會term做「學習獨立」！
作者: Christi 時間: 12-3-9 22:46
回復 CoffeeCake 的帖子
點解讀國際kinder仲要一對一補英文?
作者: SCKnight 時間: 12-3-9 23:07
Christi 發表於 12-3-9 22:46
回復 CoffeeCake 的帖子
點解讀國際kinder仲要一對一補英文?
一啲都唔出奇，既有家長想谷定小朋友英文喺K3嗰陣變P3，亦有家長屋企未必提供英語環境去培養小朋友英語能力。學校一日都係對小朋友三個鐘，小朋友英文唔會因呢幾個鐘嘅部份英文堂變成能操流利英語。
作者: poonseelai 時間: 12-3-10 00:24
回復 irene_the_pooh 的帖子
One quote I like is "the greatest gift a parent can give a child is the ability to live independently happy". I keep on asking myself what can be done to achieve this. Will pushing our children too fast too early make them becoming independently happy? Surely not. There is a research on 第10名現象:學生時的70分，職場上的100分"? Students doing average at schools receive less attention, and less pressure, from teachers and parents, and therefore can generally pursue things they like. They will not be purely focused on academic results and will have more exposure. Such different exposure in deed helps them to excel at work. 「人生是長跑，不應該拚命讀書贏了上半場，下半場就沒了持續力。」
作者: ronniedad 時間: 12-3-10 00:45
哈哈, 我都係第十名的支持者.
作者: CoffeeCake 時間: 12-3-10 02:47
Christi 發表於 12-3-9 22:46
回復 CoffeeCake 的帖子
點解讀國際kinder仲要一對一補英文?
作者: virginbaby 時間: 12-3-10 10:11
回復 爽媽 的帖子
HI 爽媽，
其實相信好多人都同你一樣，好似樓下既媽咪同我...好唔好降低自己生活質素黎生多個...比佢地多啲資源去學野???唉..真係好頭痕...
但又開始見到啲生左兩個既朋友，日日面對兩個小朋友爭野...兩公婆都做野...無時間教...真係金錢同精神上既壓力都唔細....
所以我同C6退反步又唸....生一個...我地真係有時間，有資源發掘佢既興趣....裁培佢...將來自己有足夠退休能力...到佢大時...就算經濟環境唔好...都仲有能力幫下佢......
我地咁唸...唔係想個仔一事無成...依懶我地.....而係覺得...如果照顧兩個有顧慮時...不如唔好唸咁多....最多就遲啲先再生。
嬴唔嬴在起跑線....我覺得現今香港都幾重要...但並唔係只代表學幾多野...而係屋企人對小朋友投入既時間...同教養.!
作者: tsobaba 時間: 12-3-10 11:07 標題: 回覆：嬴在起跑線?
我都發表下廢論先！現在教改係比多一個自由選擇比學校和學生，因供求問題，這個自由助長了一個兢爭平台，而幼稚園便成為了兢爭小學的一個平台，是否需要嬴在起跑線？做大人可以選擇兢爭與否，大抽獎都可以抽到好學校，始終私校自資在這一刻仍然不是主流，如果小朋友資質高，家長又有資源support小朋友，即係兢爭能力強的小朋友唔去兢爭，我會覺得很可惜，所以選幼稚園第一件就係要客觀地了解下自己和小朋友。
發表完廢論了！
作者: winnietingting 時間: 12-3-10 11:19 標題: 引用：我都發表下廢論先！現在教改係比多一個自由
本帖最後由 winnietingting 於 12-3-10 15:00 編輯
原帖由 tsobaba 於 12-03-10 發表
我都發表下廢論先！現在教改係比多一個自由選擇比學校和學生，因供求問題，這個自由助長了一個兢爭平台，而 ...
本人聲明自己政治中立（那個「英」當選都無所謂），剩係關心小女的教育。
作者: giyim 時間: 12-3-10 14:21
在我而言, 冇諗過嬴唔嬴在起跑線, 只係作為家長, 希望俾小朋友一個機會, 最起碼要有報名有帶佢去IN先會成事, 取錄與否純粹小朋友個人能力~ 所以大大小小既面試我都有參與, 成敗冇所謂, 一點壓力都冇, 小朋友又玩得開心 (小朋友根本唔會知自己係IN緊, 以為去出街玩JA MA)~ 須知而家所謂名校競爭咁大, 入到係彩數, 入唔到係必然既事, 入到而又負擔得起, 我又覺得讀名校冇壞~ 如果入唔到, 讀返一般普通幼稚園亦唔會有咩問題~ 無謂俾自己及小朋友太大壓力~ 
作者: ceriselung 時間: 12-3-10 21:48 標題: 引用：Quote:haydenden1023+發表於+12-3-8+11:44+
原帖由 melonfans 於 12-03-08 發表
我有個女同學 F.2去咗澳洲讀書, 嗰邊無人無物, 青春期好多問題, 真係吾知落咗幾多個仔la! 到 U 畢業返咗 ...
作者: stepyau 時間: 12-3-10 23:02
我計劃小朋友升中回加拿大，所以我的煩惱是要利用未來10年儲多點錢，因為屆時相信沒有這麼容易在那邊找到工作，要提早退休。也因為這個計劃，本來打算只生一個的我，決定在這一年努力追多個，雖然有兩個的話我提早退休的擔子更大，但想到日後初到貴境小朋友可以有手足互相扶持，我覺得這個擔子是值得的。本來有讀IS的打算，但生兩個的話就會讀政府或平的私直，課外活動也會控制在同期只學3樣（不過如要補習的話再調整下，4-5吧），希望維持最基本的競爭力，但又不用在時間金錢上付出太多。
作者: raymond338hk 時間: 12-3-11 01:23
irene_the_pooh 發表於 12-3-9 13:59
身處香港真係好易迷失！
自己唔係一個怪獸家長，但身邊聽得多時，自然就會驚驚地！
唔好講遠，就算係我老公 ...
好多人都講香港既教育不好,但反思一下,最初是學校/教育制度 或是 家長自己去谷孩子的成績呢?其實在你的內容中看到其實是家長才是始作俑者,但卻不承認自己吹谷孩子的責任，只把責任推給學校/教育制度。我自己也是家長，只要放鬆一點，不要每每與他人比較，不要強求孩子一定要成為最top的一群，孩子也可在一個相對輕鬆的環境下成長。我個人亦只是希望孩子品德良好，成績中規中矩便可了，不會強求孩子一定要成為最top的一群！希望大家都可以放鬆一點吧!
作者: A1andA2 時間: 12-3-11 01:31
全世界亦如此.....
作者: janettsui 時間: 12-3-11 11:16
A1andA2 發表於 12-3-11 01:31
全世界亦如此.....
日日都係跑跑跳跳玩遊戲,
但一上到小學, 勁多功課, 小朋友好唔習慣!!
小朋友學習同我地教仔一樣, 凡事都要攞個平衡,
相信大家都明白教小朋友太鬆or太嚴都唔好
小朋友返學讀書都一樣, 開心既校園生活好重要,
但我個人覺得從小要俾佢習慣一下唔多唔少都要做下功課,
如果唔係到升小學對大人對小朋友都係痛苦既事
當然, 過份過量既練習, 係會握殺左小朋友既學習興趣
但適合適量既練習, 就能夠鞏固小朋友所學既知識
兩者如何去取得平衡係好高深既學問, 大家一齊好好努力呀~
作者: melonfans 時間: 12-3-11 16:54
ceriselung 發表於 12-3-10 21:48
Totally agree!!!我絶對唔會比個仔女去外國讀書！
我吾係反對人去外國讀書, 有屋企人或親下照顧之下, 就無問題!
咁讀u就自己去外國讀書都ok! 都成年la! 係香港讀書, 英文都可以好好! 視乎你點教!
我有D朋友, 真係pn/K1已經勁補習, 學好多野! 我只係問番我自己, 我嗰個年紀, 真係完全無記憶學過d咩? k2就開始記得上堂嘅情況! 點會可以贏在起跑線!
作者: stepyau 時間: 12-3-12 11:14
“josechan 你本身是canada citzen? 因為我就係"cake" 住讀大學呢個位, 兩個讀IS 到中學都重得, 但供兩個overseas university 就忟忟地, 因為我咩citizen 都唔係!”
係啊，我地係citizen，但都要計下數，如果daddy繼續在香港打工，要交個邊稅好甘，但兩公婆都提早退休的話，要好大筆錢。個邊福利其實越cut越多，始終後生交稅的人少，我地亦不希望做蝗蟲依賴政府，所以要計好條數；條數work唔到的話，成個計劃都要改 -- 可能中三、甚至大學先過去，但絕對不想小朋友自己先過去（雖然有家人在那邊）讀書，因爲青春期太易受影響，父母在身邊好一點。其實香港的大學水平比加拿大可能更好，而且就算用citizen的學費來比，香港讀大學的學費都平好多，但在香港求學過程好慘烈，我不想小朋友面對...其實我自己想逃避多一點
作者: jojoplanet 時間: 12-3-12 14:18
poonseelai 發表於 12-3-9 00:04
Let me share 4 essential things that help the children's brain grow: sleep, nutrients, water and ex ...
100% 同意.我識D人 K1就唔比小朋友NAPPING放學即刻去學呢樣個樣日日如是..我覺得咁係對小朋友好唔好囉..
作者: jojoplanet 時間: 12-3-12 14:31
irene_the_pooh 發表於 12-3-9 22:43
Dear josechan & poonseelai,
同意你地既講法！
我唔係想個仔係最叻個批, 只但求佢唔係最差, 怇係細仔無讀N班, 因為唔想佢上完幾個月N班又轉校, 一路我都無乜迫佢學D乜因為2歲後既PLAYGROUND唔可以父母一齊佢好驚, 所以我唔迫佢. 但佢今天升小一, 我而家同佢補定底等佢小一適應得快D. 有時教起上黎會好炆. 老公同我講佢得5歲人仔, 問我你記唔記得你陀住個仔時只但求佢開心健康? 我好記得但有時當你在跑道上會令人有點迷失, 我而家都成日提自己, 仲有時間比佢慢慢來.
我有2個仔, 2 個仔出咗世係醫院時隔離媽媽既小朋友都有D係身體上有問題, 所以我好同事小朋友四肢健全健康已係福氣, 讀書成績好係BONUS.....
作者: irene_the_pooh 時間: 12-3-12 20:45
raymond338hk 發表於 12-3-11 01:23
好多人都講香港既教育不好,但反思一下,最初是學校/教育制度 或是 家長自己去谷孩子的成績呢?其實在你的內 ...
你會唔會覺得係一個(惡性)循環呢？
冇呢D制度，家長點解要咁谷？
冇呢D家長，呢D制度點可以繼續推行呢？
作者: tsobaba 時間: 12-3-12 21:53 標題: 回覆：irene_the_pooh 的帖子
一切源於制度，引入兢爭，希望可以帶來進步，結果學校有學校爭，家長有家長爭，學生有學生爭，爭好學生、好學校和爭名次，過程係痛苦，苦了班教師、家長和學生，結果好唔好，要將來班僱主話比你知，政府不段在做實驗，母語教學的失敗，就是一個實驗的結果，所以才需要微調，不過我不認為香港教育制度比較其他大城市差，只是以前的港英政府做得比較好，起碼我當年這個貧窮學生，無錢也可以讀到大學畢業，讀埋碩士，有份有意義的工作，高過貧窮線少少，都算得上貢獻社會。
作者: raymond338hk 時間: 12-3-13 00:15
irene_the_pooh 發表於 12-3-12 20:45
你會唔會覺得係一個(惡性)循環呢？
冇呢D制度，家長點解要咁谷？
冇呢D家長，呢D制度點可以繼續推行呢？
回想自己很小的時候，也是在家附近的幼稚園讀書，不像現代的小孩，不用特意找有名的幼稚園，不用被吹谷!幼稚園的生活也算愉快!
當然，我明白家長吹谷小孩是出於善意，希望自己的小孩將來成年後有較好好的競爭力。可是大多數的家長也希望自己的小孩有比人好的競爭力，故出現了一個(惡性)循環,就是家長不斷吹谷自己的小孩。
而引申而來的就是學校為迎合/配合家長的要求而加強對學生的訓練!
所以，希望作為家長的我們不要為小朋友再加添壓力!
作者: irene_the_pooh 時間: 12-3-13 22:25
tsobaba 發表於 12-3-12 21:53
一切源於制度，引入兢爭，希望可以帶來進步，結果學校有學校爭，家長有家長爭，學生有學生爭，爭好學生、好 ...
冇錯！呢個世界就係因為有「供」有「求」所以先會出現而家眼見到既野！
有競爭先有進步，呢個亦係一個循環。
而黎到而家呢個我覺得已經有若干扭曲既社會裡面，我只敢講而家既教育情況係(惡性)循環，因為可能有D家長覺得根本冇問題，只不過，我覺得好多人好多時已經唔記得咩係「還原基本步」！
作者: janiceau88 時間: 12-3-13 22:26
我係全職媽. 個女係0906. 我一心自己湊. 想佢有一個開心快樂的童年. 等佢足3歲先入學.所以冇好積極報n1. 只報了2間九龍塘n1. 吾收. 之後有好多好多朋友都叫我比佢讀n (求期都要比佢讀).. 但我覺得我自己有能力教佢而冇理會朋友的意見. 亦吾想急於送佢入學, 乜都早學早識. 我覺得學習係有次序.
我個女現在己介日片, 自行食飯, 著鞋著襪, 自理ok 啦. 但我都知冇讀n面試時都會欠一點點. 所以我好努力同佢報名面試. (因為如果只報幾間而真係冇一間收就真係大件事). 我同佢報左16間. 仲要全部冇撞期去見晒. 我睇住佢由當初吾願答人問題到最尾見的一間係即場先知要佢自己見校長都成功見完出黎. 我覺得佢已經好叻女. 我見到佢的進步.
但當接到一封封的reject/waiting letter 時, 我都好失落. 每次去面試. 我都係話同佢去玩. 佢每次都好開心. 所以好願意去. 我以為我自己係本住平常心去陪佢面試, 點知收到信時真係好失落. 即係點平常心極都有的期望, 每次收到reject/waiting letter 之後都要幾個鐘去平服心情.
今日又收到另一封reject letter. 我都反問自己, 係陀住佢時我希望佢健康快樂, 到呢一刻, 佢真係一個健康快樂小女孩. 但已經擁有時, 係會追求更多 (希望讀一間好的學校). 我開始有的迷失於自己的堅持是否正確, 莫非真係要乜野都要學得快快快先得
作者: irene_the_pooh 時間: 12-3-13 22:29
raymond338hk 發表於 12-3-13 00:15
回想自己很小的時候，也是在家附近的幼稚園讀書，不像現代的小孩，不用特意找有名的幼稚園，不用被吹谷!幼 ...
同意你講法！特別係最後一句！
作者: irene_the_pooh 時間: 12-3-13 22:36
janiceau88 發表於 12-3-13 22:26
我係全職媽. 個女係0906. 我一心自己湊. 想佢有一個開心快樂的童年. 等佢足3歲先入學.所以冇好積極報n1. 只 ...
雖然我未收到任何回覆信 (因為我只報左一間PN，而家未有結果)，但我好明白你感受！
「平常心」呢樣野有時係同自己講，叫自己唔好咁緊張，然後唔好將呢D緊張傳比個小朋友。
我都係同阿囝講去面試時係去玩，佢真係玩得好開心，而家經過呢間學校都仲講緊o個日玩過D咩！其實我個心有D唔安樂，因為我覺得好似呃左佢咁！
我今晚睇on call 36小時，佢重新提醒我有健康既生命先係最緊要！
我一邊睇，一邊同自己講：就算阿囝考唔到都唔緊要，最緊要係佢健康！
作者: Ackl1002 時間: 12-3-13 22:52
Janiceau88:
看完你的帖真令我感觸良多。有邊個父母吾想子女在無壓力的環境下快樂成長，而家係D學校去揀你，吾係你去揀學校，你又可以吾跟遊戲規則去玩咁潚洒嗎？但快樂同入名校又是否互相抵觸呢？其實小朋友去返學可能當去玩，好開心的。只是我地大人用學野就是辛苦這角度去看返學，以為苦了小朋友啫。我諗大前提是吾好迫佢去學野，但要俾機會佢去試下，鍾意就繼續返，吾鍾意就算數吧。
作者: lady-kaka 時間: 12-3-13 23:03 標題: 引用：Quote:tsobaba+發表於+12-3-12+21:53+一切
原帖由 irene_the_pooh 於 12-03-13 發表
冇錯！呢個世界就係因為有「供」有「求」所以先會出現而家眼見到既野！
有競爭先有進步，呢個亦係一個循環 ...
但當絕大多數的人都無奈地隨波逐流，要還原真係說時容易做時難。
父母難為啊...
作者: winnietingting 時間: 12-3-13 23:05 標題: 引用：我係全職媽.+個女係0906.+我一心自己湊.+想
原帖由 janiceau88 於 12-03-13 發表
我係全職媽. 個女係0906. 我一心自己湊. 想佢有一個開心快樂的童年. 等佢足3歲先入學.所以冇好積極報n1. 只 ...
到現在，分英中與中中，冇叻人想讀中中，因語言與大學函接不到，個個想入英中。
英中被迫變成名校，全部叻人入哂個百間英中。中中變成次等學校（有些名中中如培正除外），沒有尖子在中中，競爭不夠，中中學生很難突圍，除非異常努力。
到了現在，個個家長拚命谷子女入英中，變成現在「非常大」競爭。
以上只是小人愚見，有錯隨便指出，謝謝。
作者: janiceau88 時間: 12-3-13 23:12
irene_the_pooh:
thank you. 我都會以阿女健康為大前題先.
ackl1002:
我都知係現今係學校揀學生.. 吾係我地揀學校. 
今日再收到另一封信時有的感慨. 我都會比佢試下吾同的野. 多謝你的意見.
作者: 小曳人 時間: 12-3-14 07:06
raymond338hk 發表於 12-3-13 00:15
回想自己很小的時候，也是在家附近的幼稚園讀書，不像現代的小孩，不用特意找有名的幼稚園，不用被吹谷!幼 ...
嗰個年代個個忙揾食，教育水平偏低
點可以同e+比呢？
我6299都算讀書人(62有大陸學位)，佢地咪一樣30年前返教會等d仔入教會學校！
作者: caca316 時間: 12-3-14 10:27
回復 janiceau88 的帖子
janiceau88, 你有自己的教學理念而無讓小朋友讀N班, 我很欣賞, 因為父母才是孩子的老師, 你的小孩子很幸福, 有你這位好媽媽!
相反, 我有好多家長朋友同我講, 揀K1梗係龍校啦, 龍校好呀……
所以我帶住自己小朋友去考K1, 明明有許多offer 在手, 我都最後揀龍校而give up 了愉快學習的學校, 我都認為自己好諷刺呵……我不是想他開心學習嗎?
其實幼稚園3年生活, 係要讓佢地開心D?
定係要比佢地快D去預備小一的衝擊呢? (我都知小學係好唔同的世界, 會有好多功課, test, exam…etc) 不過, 我好無奈, 都係要揀主流的做法, 報N1,考龍校/名校, 去英文/PTH playgroup, 學dancing, 學畫, 體操……etc.
以前我地細個無呢D『學嘢潮流』, 只要你學多人一樣野, 已經好出色,
但今時今日, 有無人可以唔跟主流, 而又嬴在終點時呢?
作者: ksorange 時間: 12-3-14 10:41
本帖最後由 ksorange 於 12-3-14 10:47 編輯
回復 caca316 的帖子
我家有好例子
名校出生:
ST CLARA, 聖安當
結果係 中七會考 FAIL 左
佢地都用心讀書 有補習
村校出生 :
幼稚園畢業 識簡單英文字 A-Z等 不懂用英文溝通 勁淺的教育(活動教學)
小學讀屋村小學 (成績好) (一般的課程)
中學入BRAND 1 葵青的中學 (冇補習)
中五會考拔尖 讀完中六就入港大
係我表妹 同細佬
佢地都唔係win在起跑線 但win係終點線
我唔知晞晞日後成績點
我決定左 俾佢讀浸幼(活動教學) 希望佢有廣濶的思想 佢日後讀書好有用
所以我release左一間幼稚園 因為比較谷
可能谷的學校唔係我杯茶 所以我一直唔係跟社會的風氣走 舒服得多
作者: applepiepie 時間: 12-3-14 11:26
提示: 作者被禁止或刪除 內容自動屏蔽
作者: Ackl1002 時間: 12-3-14 11:56
I think it would be a bonus if the child does not only be a good citizen, but also a professional. While I don't force my girl to be a top student at school, but I don't prohibit her from entering a good school and achieving whatever she is able to.
作者: SalasIwak 時間: 12-3-16 16:41
嬴在起跑線. 嬴幾步
還不如一個中段發力. 嬴人幾個圈.
作者: torunpoland 時間: 12-3-16 17:05
不如, 大家試想想
(1) 如果要贏, 終點在哪裡? 是起跑線還是終點?
(2) 為何要贏? 人生是一場競賽嗎? 有勝負之分嗎?
作者: applepiepie 時間: 12-3-16 17:16
提示: 作者被禁止或刪除 內容自動屏蔽
作者: mosibaby 時間: 12-3-16 18:41
其實有邊個唔想自己小朋友可以開開心心咁成長丫?坦白講帶佢去學野, 山長水遠, 我自己都唔係咁想去, 但係當你小朋友的同學個個懂得簡單英語對答時, 自己小朋友就一d都唔明既時候, 又有幾多個父母係那一刻唔心up呢? 之後會唔會搵英文class俾佢上呢? 自問我已經算好隨佢自己意願了, 初初話要學ballet就幫佢報, 點知第3堂就喊住話唔去, 跟住又話學彈琴, 又係第3堂就話要訓覺唔想去, 之後我都冇心機帶佢上興趣班, 宜頭咩都冇學, 因為覺得佢太細仲未真正知道自己既興趣, 但係見到佢d同學仔表現既時候, 真係好難唔擔心佢會跟唔上, 我唔係要佢做top student, 有中游我都已經感恩, 但係如果由佢開心成長, 我驚開心唔到幾多年, 就有排捱了....
作者: gigi812 時間: 12-3-16 23:50
每個阿媽口中, 當然講唔想谷, 開心讀書, 開頭幾年可以講得好輕鬆, 但當小孩到小學時, 你思想又會改變, 這個思想改變, 完全來自你朋友的表現. 如係叻仔叻女, 當然可以開心,愉快啦 !! 相反真係心都實理, 不管你讀活動/全統教學.
所以不是一定會贏, 但你做咗, 你未來唔洗後悔 !!! 但輸自已囝囡就賠了代價.
時間過了, 追唔番. 盡做自已可做的事, 讀唔讀到, 就唔到你諗啦.
作者: Ackl1002 時間: 12-3-17 08:06
十分讚同mosibaby 及gigi812的見解。寧願在有限資源下鼓勵她學多㸃。但若她抗拒就無謂勉強。
作者: ottomum 時間: 12-3-18 05:05
回復 Ackl1002 的帖子
Agree with you ==> professional not equal to good citizen
作者: Zeiweipapa 時間: 12-3-20 12:50
回復 gigi812 的帖子
我都係咁話,
作者: Zhuangshinai 時間: 12-3-20 13:18
本帖最後由 Zhuangshinai 於 12-3-20 13:19 編輯
我沒有諗過要女兒嬴在起跑線, 但我希望她可以在一個較好的環境下成長和學習, 所以我都會替女兒報考名校, 有緣份咪讀囉, 冇都唔會覺得挫敗, 只係她未ready姐。
唔需要跟多數的父母一樣學得太多野, 但一定要讓女兒學她喜歡的野。
作者: CatEgg 時間: 12-3-21 00:36
嬴在起跑線......敢問起跑線在那裏?順利入到名校/龍校就是嬴了嗎?
其實讀書很簡單,上堂專心一點、回家溫書,再加一點小聰明小智慧,要考好成績並不難,順順利利考入大學也不難。
一帆風順的年青人往往跌得最痛最傷,因為從來不知失敗為何物,不懂得處理失敗。
今時今日的香港滿街都是高智慧的小孩,但他們面對逆境的能力也最差。
小孩學了十八般武藝,還原基本步的自我照顧卻學不懂,因為他們沒有時間學自理、也不需要學。
大膽的說,看不見這些小孩日後會很成功。
作者: gigi812 時間: 12-3-21 01:00
未來入大學應真的不難，唐唐話増加大學學額
哈！
作者: linseymom 時間: 12-3-21 10:47
睇下現今大學生的質素，相信望子成龍的父母，志不在本地大學吧!:
作者: Ackl1002 時間: 12-3-21 11:23
Maybe 20 years later, the problem is which U to enter, not whether one can enter any U. Just like the situation of entering kinder, you dont worry no school to study, but which one.
作者: ochan650 時間: 12-3-21 11:46
My friend, who was a graduate of Stanford and Northwestern MBA, quited his job at a top consultant firm, and joined World Vision and worked in Yunan village. His three kids, 10, 8, and 5 were home schooling for the first few years, then attend local village school in Yunan. They did not take any math or piano or phonics classes, instead, they did rock climbing, and biking around China / Vietnam. They are the smartest and happiest kids I've seen. We should give our best support and let our kids to enjoy their life.
作者: Ackl1002 時間: 12-3-21 12:03
You could have the choice between the job in investment bank and biking in the mountain only if you have a good degree. I will leave the choice to my child. Of course going biking in the mountain doesnt mean you wont get a goid degree, but since i dont have the money to send her study overseas, i am nit dare to risk not going the conventional way.
| 歡迎光臨 教育王國 (/) |
Powered by Discuz! X1.5 |