教育王國

標題: 請問有無人知道做臚底骨治療是否對adhd兒童有幫助呢 [打印本頁]

作者: shirleycnf 時間: 12-1-31 01:41 標題: 請問有無人知道做臚底骨治療是否對adhd兒童有幫助呢

聽說話有幫助, 但不知成效有幾顯注, 因要成$750-780/50分鐘, 好貴呀

作者: yoyoslam 時間: 12-2-1 21:47

是的, 好貴. 但我覺得我個細路做咗有效. 咁我唔慳呢筆錢. 因時間過咗就係過咗. 我個仔係發展遲緩. 20個月才懂行路.... overall are delay.

作者: shirleycnf 時間: 12-2-1 22:30

謝謝你的回應, 請問大概要做幾多次倒才見成效?

作者: Reddish 時間: 12-2-2 13:25

物理治療話有幫助,祝你找到一個可靠的醫師。

作者: Jessmuimui 時間: 12-10-18 22:31

我想問邊度有得做臚底骨，想帶仔仔試吓？

作者: vivi12 時間: 12-11-5 03:01

你可試下找鮑姑娘, 佢 650 一個中, 系尖沙咀, 唔太多人家長識佢, 不過我本人覺得佢幾好

作者: yauman76 時間: 12-11-5 11:42

vivi12 發表於 12-11-5 03:01
你可試下找鮑姑娘, 佢 650 一個中, 系尖沙咀, 唔太多人家長識佢, 不過我本人覺得佢幾好 ...

對不起, 我個人comment, 我之前搵過呢個人幫小朋友做臚骶骨&健腦操, 感覺像受騙, 唔識handle A仔之餘態度亦好差, 真的有點氣憤, 大家要試呢d治療時要小心選擇.

作者: vivi12 時間: 12-11-5 11:58

態度好差?? 佢份人講野系好直, 不過我囡跟左佢一段時間我覺得佢又唔系無料, 最重要系我囡有進步

作者: yauman76 時間: 12-11-5 14:26

我就說白一點吧, 對住一個2歲都未夠的小朋友, 小朋友一唔多合作就大聲喝斥"收聲!!", "唔準嘈!!", handle唔到就"藐咀藐舌"同埋係咁"jeep", 我覺得佢唔識處理呢類小朋友嘅情緒, 唔專業同埋態度非常討厭. 至於臚骶骨, 佢閉目詐作按住小朋友個頭15分鐘, 跟住噏埋一堆"以為人地聽唔明"嘅英文學名就以為過到骨... 其實我想同佢地呢d人講, 若然冇心幫人又或者想搵餐晏仔食嘅話, 就唔好target我地呢班人, 家長同小朋友已經夠苦了, 明白嗎?

作者: chantaimama 時間: 12-11-5 18:58

我有幫襯緊鮑姑娘系尖沙咀, 唔覺佢系咁, 而且仔仔做完盧胝骨之後講野好左好多

作者: yauman76 時間: 12-11-5 19:17

沒所謂吧, 我只係講出我嘅經歷, 自己認為OK就得喇.

作者: chantaimama 時間: 12-11-5 20:01

其實盧胝骨治療令我好唔明, 按住一個位唔郁成十分鐘, 幾個位就差唔多一個鍾, 除左做口仔仔會有反應之外, 我都唔明系點幫到小朋友, 我既感覺系好似無同小朋友做到野就要比錢咁, 我有問朋友, 佢地都系咁....不過總之見到仔仔有進步, 咩我都會試, 有成果就得.

作者: wingzero 時間: 12-11-5 22:29 標題: 回覆：請問有無人知道做臚底骨治療是否對adhd兒童有幫助呢

我都係幫襯鮑姑娘既，我又覺得佢幾nice架喎!可能人夾人啦!至於厄飯食呢樣野我就不能茍同。始終呢種唔算係正統療法，所以我曾經上過其實物理治療師課程睇下用咩手法去治療病人，其他人做顱底骨都係保持靜態十多分鐘!因為要專心將自己去融入對方身體，同對方身體溝通，感受顱底韻律，跟住用一些手法去令唔通既地方通番，因為用力太軽，外人真係唔會知佢做緊乜。老實講我上堂時都覺得呢樣療法好不可思議，不過呢樣野又真係有效!我覺得亞女係有進步架!

作者: llam1210 時間: 12-11-6 00:00

回復 wingzero 的帖子

WINGZERO 能否講下你地做咗幾耐時間, 見到有乜進步?

作者: wingzero 時間: 12-11-6 16:05 標題: 回覆：llam1210 的帖子

我個女其實已經8歳，所以開頭我諗住試兩個月無進步就算，始終呢種治療都幾貴!亞女本身患既係䐉癱，先天䐉裂發育不良，左半邊身唔靈活同有ADHD,而家差唔多做左四個月，左手靈活度好左，組織力同記憶力都比4個月前好。

作者: chantaimama 時間: 12-11-7 11:39

見到你寫你女有進步, 好開心, 是一個祝福來既, 身同感受, 而家見到人地小朋友有進步我都會好開心, 其實做我地呢D媽咪真系唔容易, 要好有耐性, 自己情緒都要好穩定, 我初初一兩堂之後見仔仔無mud分別, 就已經好心煩...但勸自己要耐心, 同埋自己情緒唔好系會影響仔仔......一個月之後已有進步, 我覺得系祝福來架, 上天都系想考驗下我地咁啦...:).....希望你囡囡keep住繼續進步啦..

作者: coffei1 時間: 12-11-9 16:38

本帖最後由貓大姐於 12-11-16 01:55 編輯

我女唔係adhd,但佢8個月至歲幾都做過髗骶骨治療, 我係body wisxxx 幫我女做, 佢收1,000一次. 上網好而搵到. 我唔係介紹佢比大家, 不過知道呢樣野少d人知, 所以比多個資料大家選擇.
老實講,我真係唔知係髗骶骨治療幫到我女定佢大大下變番正常, 但佢係細心嘅治療師.

作者: Circle媽咪 時間: 12-11-14 19:22

我個仔已11歲,有讀寫障,請問髗底骨治療對讀寫障有用嗎?唔該!唔該!有冇識人係讀寫障小朋友試過?

歡迎光臨教育王國 (/)