教育王國

標題: 一個爸爸對報考幼稚園的感想 [打印本頁]

作者: alfredw88 時間: 11-11-10 14:05 標題: 一個爸爸對報考幼稚園的感想

近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上午班的幼兒園。

直至今年9月中，突然收到屋企附近一間由香港保護兒童會辦理的全日制幼兒學校電話說有位。由於兒子返開該會的日託中心，我們對該機構辦學很有信心，於是立即轉校。現在兒子返學很開心，又不用舟車勞頓，我們亦很放心。唯一問題是該校不是「名校」。

正如大部份家長一樣，我們自9月已努力填寫幼稚園報名表；由於是細仔，當初我們大包圍報名，看彩數。後來兒子轉校，我們心裏較定，才集中於5-6間「名校」半日班(主要九龍塘果堆)。

10-11月馬不停蹄面試；由於太太說兒子跟我較定性，加上太太有孕，現在我已包辦playgroup+面試。自問體能不錯，但也覺得很倦。

至於面試成績方面，暫時見了四間，一間reject，SN收下午班，其他兩間等消息，但似乎機會不大。之後還有兩間要見。

說了那麼多，不是說自己特別辛苦，因為相信很多同期父母也是類似情況。想說的，是有時自己心想，什麼才是對兒子最好/合適。

我認為，現在的孩子要學知識不難，只要肯安排，總有渠道，怕的是太多他受不了。反而我認為現在很多孩子欠缺的是紀律、自理能力和自發性。

在這些方面，我認為全日班是最好的，而且兒子現在的學校很近，很方便。兒子全日有學校照顧，將來家傭也較好容易照顧細B。

唯一問題是該校不是「名校」。儘管我認為兒子現在返的某名校playgroup，除了教英文很好(因為外籍老師)之外，其他只是普通﹔但太太心儀「名校」，認為「名校」收冇理由唔讀。

各位家長，要是你，你會怎樣選擇呢?

作者: babykei 時間: 11-11-10 14:11

提示: 作者被禁止或刪除內容自動屏蔽

作者: TIGERBAMA 時間: 11-11-10 14:17

我覺得上得黎呢度講野既家長, 大部份都係追求"名校"既人, 包括我自己!!!

作者: miranda0311 時間: 11-11-10 14:25

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

有名校收,就當然好。但同時都要考慮其他因素, 例如, 小學你要是直資還是資肋, 你想小朋友如何, 半日班還是全日會方便照顧, 小朋友是否中意間學校...考慮好所有因素, 比自己心目中有個目標先, 否則好難決定, 有時唔係一定要名校先好既...

作者: hangyodon 時間: 11-11-10 14:31

係呀......名校冇理由唔讀

唔係個仔女大個咗問你點解唔俾佢讀, 攪到而家點樣衰我都真係唔識答....難道同佢講話因為學費貴, 而自己又想買iphone 4s / 去旅行 / fine dining......所以最後都冇俾佢讀

我就乜都俾佢試, 佢有能力入到邊間幼稚園咩俾間最好既佢讀. 如果佢入唔到....我大過同佢講"我地報咗十幾間KG,你自己入唔到都冇法....We already gave our best, and We have no regrets at all!"...anyway, 做家長覺得自己真係盡咗力就算

你個case.....
俾我就考咗先, 咁佢係細B都入到SC/KV/PC等, 而屋企又真係俾得起$$......
我諗我會俾佢入, 唔讀屋企附近嗰間全日制
SN唔知算唔算名校, 我自己就覺得唔係

作者: gwlam 時間: 11-11-10 14:31

我也有同感，雖然在現今社會下，很難獨善其身，但小朋友開心快樂成長很重要，「名校」也不一定適合自己小孩呢.

作者: 梅媽媽 時間: 11-11-10 14:34

其實我都有和你一樣的矛盾,什麼是兒子的最好?

小兒也是細仔十月尾,說話少個子小.現在有一間出名有愛心但教學內容淺的學校,收了小兒讀全日.另一間貴但教學豐富有趣的學校,也收了小兒讀下午班 .

  另有兩間最心儀的未面試. 我是ftm ,每天和老公商討倒底讀愛心學校,還是程度深的那間.

  我想小兒入讀直資小學,但教學內容淺是否一定沒有機會呢?  暫時我也未有決定.
在我來說,我要的不是"名氣"是兒子能否讀得開心.

作者: pandabonita 時間: 11-11-10 14:46

我估都係睇小學有乜期望la. 如luck draw,咁冇乜所謂,就算考dss/私小,讀名kg都5代表一定有好多offer,讀村kg又5代表一定冇人收,名kg程度通常高d,上小一時會輕鬆d,但最重要都係自己點教.有時間去小一個邊望望.

作者: mumchow 時間: 11-11-10 14:46

其實有時好無奈, 睇你夠唔夠膽搏. 事實上好多幼稚園都唔差, 而名校亦唔一定保證你仔仔平步青雲, 有時一d"名校"老師甚至唔及一d冇咁出名嘅學校嘅老師.

但係而家小學競爭咁激烈, 萬一你仔仔2年後報唔到好嘅小學, 你會唔會後悔當初冇佢入讀"名校"? 我唔係話一定有關係, 只係有d家長(例如我自己) 會諗我做晒我可以做嘅, 學校收唔收就睇佢, 但如果我冇足, 我驚將來後悔.

我都覺得好辛苦, 啱啱生完2個月, 仲放緊產假, 又要幫大仔報K1 (因為佢舊年亦係細仔, 有D學校, eg 培正, 連表都冇得攞), 又要幫細B報 playgroups. 但身在現今社會, 我唔敢搏, 唔敢偷懶, 大家努力吧!

作者: wishwong 時間: 11-11-10 14:51

小朋友能力行先.. 如果資質一般..再加埋細仔.. 就算而家夾硬入到"名校"..到小一都係死...
反而入讀開心既學校我覺得比較緊要.. 至少小朋友喜歡番學... 當然家長經濟上化能唔能SUPPORT到都好重要...

作者: 4001cc 時間: 11-11-10 14:57

咸魚青菜各有喜好, 但我怕樓主轉去間唔係名校後, 會畀老婆埋怨一世.

係我, 只要有名校收, 都係聽老婆話好D.

作者: bopui0607 時間: 11-11-10 14:58

你其餘兩間是否SC, KV, 如果收, 真係好難唔接受offer woo.

至於已收的SN, 同你而家謮的相差又幾遠呢 ? 如果差唔多, 不如留番原校啦.

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

作者: jessica777 時間: 11-11-10 15:02

好個人架, 每人情況不同, 可考慮下:

將來讀官津小學?
  父母是否該心怡小學業生? 有無宗教分? 校網內?
將來讀直資/私校?
  生兩個去讀要俾錢既學校財政有無問題?
父母注重學術定語言?
  返學得大約3個鐘, 通常學術好但語言無咁好, 或者語言好但學術無咁好.
父母注重德育定學術?
  同理, 注重德育咁學術又可能無咁好.
活動教學定傳統教學?
  兩方面都有好處同唔好處, 睇下邊樣適合小朋友既性格.
讀有學卷定私幼?
  如果讀有學卷, 一般程度比較淺, 但可減輕財政壓力, 尤其有兩名小朋友的家長.
家庭支援?
  如果讀有學卷既幼稚園, 程度可能比較淺, 有無屋企人帶小朋友去補下習或上興趣班?

如果兩夫婦傾完以上問題並有共識, 咁揀咩學校就會清晰好多.

作者: MeganDad 時間: 11-11-10 15:09

原帖由 4001cc 於 11-11-10 14:57 發表
咸魚青菜各有喜好, 但我怕樓主轉去間唔係名校後, 會畀老婆埋怨一世.

係我, 只要有名校收, 都係聽老婆話好D.

好可怕喔!

作者: sheffield 時間: 11-11-10 15:21

名校都有好多種…有得上(小學)同冇得上的，有關係(如cckg同dgjs)同冇關係的…如是冇得上又冇關係果d，我唔會side小朋友時間再讀一年…
另外，都要睇睇你住邊個校網，如抽到好學校機會大的，讀邊間幼稚園就更加冇所謂…
如你所說，小朋友的紀律，自理等等都好重要，如理在的學校這方面做得好，小朋友又返得開心，咁咪唔好轉囉！如要去考直資同私校，自己同小朋友補補啦！

作者: 梅媽媽 時間: 11-11-10 15:29

原帖由 sheffield 於 11-11-10 15:21 發表
名校都有好多種…有得上(小學)同冇得上的，有關係(如cckg同dgjs)同冇關係的…如是冇得上又冇關係果d，我唔會side小朋友時間再讀一年…
另外，都要睇睇你住邊個校網，如抽到好學校機會大的，讀邊間幼稚園就更加冇所謂…
如你所 ...

睇完你既意見,我好似諗通左d野.thx

作者: coeychung0406 時間: 11-11-10 15:30 標題: 回覆 1# alfredw88 的文章

你真是一個好爸爸

其實唔好話係細仔啦,就算我小朋友是適齡的也很難入到心儀的學校;因為係好睇小朋友性格,表現,天時地理及彩數等...

細仔未必無機會的只要他很表現發揮到就一定有offer!我朋友個仔都係08年9月仔,佢當年考N時都係無咩學校收,但後來好彩Think(KLN)收咗佢讀咗一年後佢去考K1已經有根德園&學之園的offer

千期唔好覺得細仔女就一定唔收!我同阿女In過好幾間見有些細仔細女都好出色有D比阿女更smart添,再講如果你今年考唔到心儀的起碼出年可再考過嗎!但係我地今年哀咗就無得出年再嚟過啦咪重大壓力

其實大多數父母都想仔女可以入到名校!但係你講得對,有些名校可能在學術方面很好,但在某方面可能卻比不上一些村校!亦有朋友當年為入港島區名幼稚園鋪路,入教洗禮+找神父幫忙但結果都唔收要讀村校,三年後考入大坑名女中小學!當然這些例子唔多,但亦有可能會出現

要記住小朋友最重要的是品行,至於學術出面亦有很多選擇!重之盡咗力就夠,好多嘢係無得強求!

作者: 4001cc 時間: 11-11-10 16:00

原帖由 MeganDad 於 11-11-10 15:09 發表

好可怕喔!

睇樓主文章, 明顯睇出兩位家長有分析.

作者: polly8888 時間: 11-11-10 16:22

請問PC同DGJS的中文名是?

作者: heidys 時間: 11-11-10 16:27

我都有就照顧同埋"名校"的顧慮.
其實我地都返工, 讀全日班有延展的係最方便我地父母. 而家間PN老師都好有愛心, 不過好託兒FEEL. 希望比到阿仔讀一間, 讀出黎, 叩小學門時有返少許競爭力. 所以如果讀得到"名校",或較出名的(師資課程方面), 我地都PREFER 讀. 當然期望係阿仔都會讀得開心架啦. 事實睇口碑, 我地揀果D亦無乜邊間係話個小朋友讀得唔開心喎. 不過都係收先再諗. 到時反而要作出相應安排 (請工人/etc),都幾煩架. 但無理由仔讀到唔比佢讀啫.

作者: jaca 時間: 11-11-10 16:29

同意！in左好多間，自問村校比我印象是校園雖小、校舍較舊，但老師校長有心教，很有愛心！
名校有花園漁池、外藉老師，但很商業，可能只會現實地對幫到學校名氣的學生愛鍚。為學校名利，谷學生功課！
但究竟我們是希望給孩子過愉快的三年，還是為將來舖路？返學究竟目的為何？
如果學業成績不重要，為何大家都爭入名校？
我也在苦惱中！

作者: sheffield 時間: 11-11-10 16:30

原帖由 polly8888 於 11-11-10 16:22 發表
請問PC同DGJS的中文名是?

培正同小女拔…

作者: 蕎蕎BB 時間: 11-11-10 16:32

我贊成你太太既諗法... 因為好既學校先會出名... 如果唔好... 又點做到"名"校呢??? 由上年到而家除左要忙於工作及照顧囡囡... 仲要不停咁搜尋及更新多間學校既資訊... 其實我本人亦覺得好疲累... 有時仲會埋怨我先生咩都唔理... 但為人父母... 邊個唔望子成龍, 望女成鳳呢...

作者: fatfatwong 時間: 11-11-10 16:36

提示: 作者被禁止或刪除內容自動屏蔽

作者: choifung618 時間: 11-11-10 17:08

Hello 好爸爸,

上星期六細女岩岩考完一間,今個星期一排左2.5小時去交表,星期六又要去in,下星期二又繼續排隊交表,呢緊仲有2間要in,這個月都係排隊+in的日子!仲要寫好幾份問卷交俾老師,in小朋友仲要考埋我文筆.
點解?因為希望盡力去為小朋友安排我們認為是好的學校給她囉.起碼都去考左先,唔考又點知收唔收?
佢依定都係讀緊一間普通的學校n班,如果到時全軍覆沒(預左,因為今年報名人數好明顯勁增,競爭勁大),就唯有繼續讀依家呢間,不過我明年會再試,報心儀個幾間插班k2囉.又睇下到時點.
小朋友白紙一張,你俾咩佢,佢就會有d咩.
名校當然不是絕對的,名校有十優生,一樣有考第尾的,你小朋友冇咁既成績,讀唔掂一樣可以被叮走,我知有好多小朋友讀一條龍,上到小學4,5年級俾學校out出局都有.
反而我覺得家長俾幾多時間和心機(仲有$$)去栽培小朋友係最重要的,你唔好諗住考到名校,小朋友就自動波科科一百分,家長同埋小朋友都要好努力去不停做好多課堂以外的操練才會有好成績.
所以,你不用咁煩惱,等考晒d學校,睇下有邊間學校offer再同老婆傾清楚人手照顧,將來升學目標,學費,補習,興趣班才決定囝囝的去向.
希望大家都入到理想的學校,為仔女奮鬥!!!

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

作者: HinBB0624 時間: 11-11-10 18:37

好爸爸，我朋友個女都喺保護兒童會讀K1-K3, 因為近屋企。小一考咗入女拔。我諗要睇小朋友資質，同埋家長有幾多時間同心機栽培。

作者: polly8888 時間: 11-11-10 21:06

Sheffield, Thanks for your quick response.

作者: beebooli 時間: 11-11-10 22:00

我五年抱三，而家終於到第三個考K1,我真係攰到死，希望快D過埋呢個11月啦！

作者: alibabah 時間: 11-11-10 22:39

現在做人係咁架勒, multi-tasking 走唔甩架勒, 仔囡既未來日子可能重難呀, 競爭大呀!

作者: CatEgg 時間: 11-11-11 00:18

~~~deleted~~~

[ 本帖最後由 CatEgg 於 11-11-11 00:19 編輯 ]

作者: MiniCooperS 時間: 11-11-11 00:44

我都係其中一個忙於為兒子選校的媽媽﹗
我為個仔報咗接近20間幼稚園，為咗咩呢？
我係想為小朋友舖一條比較闊、易行的路。亦可以話係俾足機會佢，令佢將來無得埋怨﹗

有一件事係好重要的，就係起碼我唔會為咗令佢面試有好的表現，而逼佢學野﹗

名校、村校都有好學校，俾小朋友去考唔同的學校，只係俾機會佢試，如果小朋友真係能力係得的，點解唔俾小朋友試？

係呢個世代，社會的競爭好激烈，政府的資源錯配，對教育的規劃無遠見，而小朋友的將來又係我地的手上，我地有咩選擇？

作者: CC119 時間: 11-11-11 01:03

有時候好難決定的, 好似我女女起11月出世, 區內兩間幼稚園REJECT, KOWLOON TONG 兩間幼稚園等消息, 有兩間未IN, 得一間附近區有OFFER, 我都唔知點好! 慢慢長路.....

作者: RoxaneMama 時間: 11-11-11 09:24

爸爸，你加油，我個仔都係2歲細仔，個女5歲又係細女，忙小學，你唔係好金啫，平常心吧

作者: joanna1388 時間: 11-11-11 09:49

agree too: 4001cc

作者: ypchana 時間: 11-11-11 09:52

我做爸爸也做緊一樣的事，希望兒子入左名校，也使妹妹可直入同一名校！

點解揀名校？因為想我兒女去好小學，然後上好中學！

Band 1學校收band 1學生，這是不能否認的；近赤者亦，近墨者黑，道理就是這樣！

我本人就是人板，我中學時期讀band 2中學，身邊群著一班同學只顧遊戲，結果會考只得五分，還差一點就學壞了；幸好，之後做學徒遇上另一班決心改過的師兄弟，互相鼓勵，由工業學院到讀完碩士，合共十多年的半工讀，極其辛酸！

因此，我希望我兒女上了好學校，將來可以不做有錢人，但一定要做個好人！

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

作者: vnghk0001 時間: 11-11-11 11:10

名校對入讀心儀小學有冇幫助？如果冇，就唔轉啦，不過個人覺得上全日班係冇時間再係屋企谷架啦，佢返左成日學，分分鐘冇訓晏覺，夜晚等你地放工都要上床休息啦，放工早返屋企，都想多啲時間親子啦，唔通再同佢讀書、讀字咭、認字咩？玩下仲開心啦。
成日話家長可以揀，如果小朋友係活躍嘅，一定要揀活動教學，等佢返得開心啲，但都要學校收先得架，我地家長只可以揀學校「報」咋。

作者: ronniedad 時間: 11-11-11 11:18

我諗話無幫助或無丁點兒優勢就呃人O既, 等於學校要填埋家長工作及以前的學校資料一樣, 而家有邊樣野係有平等先得架..............唉! 我都只係平常心做好自己應做及可做的就算了. 極同意樓上家長所講, 我地真係有得揀...............報定唔報ONLY.

[ 本帖最後由 ronniedad 於 11-11-11 11:20 編輯 ]

作者: richwong 時間: 11-11-11 12:58

其實是否想小朋友開心呢個問題，唔凈系而家選擇幼稚園，到小學，中學都系一樣。

就算如願以償入到名小學，Band 1 小學；我見到間間同學仔而家都被迫的好緊，一樣都唔多開心。

教育制度系咁，作為家長，別無選擇，硬住頭皮都要跟住玩呢個遊戲。

作者: ting-ma 時間: 11-11-11 13:06

提示: 作者被禁止或刪除內容自動屏蔽

作者: qq爹地 時間: 11-11-11 13:12

我也是爸爸, 十年前我也跟你這樣想, 可是當年兒子確是在K3時經耀宗畢業, 兒子表現很好, 現在入到理想學校, 正在行他的路...

現在跟你一樣為細囡努力, 講現實, 你兒子也是競爭學位的對手啊...哈哈...但我有點相信上天安排, 平常心, 但一定要嘗試改變 (不試會後悔)...

我亦已向香港現實世界低頭, 由細開始的路徑(當然可以調整), 真是決定小朋友往後日子的關鍵...

有人說: 你有無見高官放子女入主流學校?

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

作者: IRK 時間: 11-11-11 13:26

好爸爸，去年我兒子IN N1，我還挺著大肚陪老公同囝囝一齊排隊報名INTERVIEW哩。所以，這兒有很多父母陪你一齊挨架﹗

至於辛不辛苦，我覺得見仁見志。對於我來說，去世的N1 HUNTING俾咗一個好好既機會我去了解我既囝囝。IN每一間學校過後，我都會發掘到囝囝既長短處（我指的並不是識幾多圖形顏色），我會知道佢點處理陌生環境同面對陌生人會有甚麼反應，事後我會嘗試想些點子去改善囝囝既表現，如果有少少進步，我會感到很高興。所以撇除等待成績時的緊張感，我覺得報考多間學校是值得的。

至於揀唔揀名校，我個人認為要看自己對培養孩子有甚麼期望。對我自己黎講，我想在幼稚園階段培養囝囝主動學習既態度以及閱讀的興趣，便選擇與自己相同理念既學校。所以揀唔揀名校，冇一個絕對性，不過你唔報考，又怎會有機會了解學校是否適合你孩子及你的家庭呢？

作者: qq爹地 時間: 11-11-11 13:28

我好怕人地終日叫「名校」, 都不過是一間較好條件的學校吧...

我會理解當是入選「國家隊」, 真係唔係個個小朋友可以催谷, 當長期被挫敗感打擊, 小朋友心理上會有反效果, 到那時要選擇退出, 你同小朋友也無悔, 唯有調節向較低一個層次再攻...

但是一個「受教」的, 一埋位及埋班(同類小朋友), 那效果就是向前衝,衝,衝, 將來確是可以看高一線

坦白講, 講世界末日來臨時, 讀書叻都未必可以救到人, 救到父母, 救到自己...品格培育最重要, 二線也不是世界末日..哈哈

努力...父母最終只是導航員...

原帖由 gwlam 於 11-11-10 14:31 發表
我也有同感，雖然在現今社會下，很難獨善其身，但小朋友開心快樂成長很重要，「名校」也不一定適合自己小孩呢.

作者: qq爹地 時間: 11-11-11 13:32

聽老婆話...你會少好多麻煩

(之後可以調整, 放心去馬)

原帖由 4001cc 於 11-11-10 14:57 發表
咸魚青菜各有喜好, 但我怕樓主轉去間唔係名校後, 會畀老婆埋怨一世.

係我, 只要有名校收, 都係聽老婆話好D.

作者: qq爹地 時間: 11-11-11 13:47

一條比較闊、易行的路, 我認為一定不是入 催谷的學校...

小朋友有志跟其他一起競爭要讀好書的, 才考慮為他安排一條路上不斷有良好支持的高階道路, 家長亦絕對要考慮資源問題...

原帖由 MiniCooperS 於 11-11-11 00:44 發表
我都係其中一個忙於為兒子選校的媽媽﹗
我為個仔報咗接近20間幼稚園，為咗咩呢？
我係想為小朋友舖一條比較闊、易行的路。亦可以話係俾足機會佢，令佢將來無得埋怨﹗

有一件事係好重要的，就係起碼我唔會為咗令佢面試有好的表現 ...

作者: qq爹地 時間: 11-11-11 13:49

將來可以不做有錢人，但一定要做個好人！

原帖由 ypchana 於 11-11-11 09:52 發表
我做爸爸也做緊一樣的事，希望兒子入左名校，也使妹妹可直入同一名校！

點解揀名校？因為想我兒女去好小學，然後上好中學！

Band 1學校收band 1學生，這是不能否認的；近赤者亦，近墨者黑，道理就是這樣！

我本人就是人板，我中學時期讀ba ...

作者: cowcowb 時間: 11-11-11 17:22

其實9月出世已比好多真正細仔(11-12月)出世既小朋友優勝, 記得我囡N1時, 學校連FORM都比我填。至於半日/全日班真係各有好處, 全日班又真係學多少少自理能力, 但半日班到K2,K3 時放學,可以有時間學野,唔洗全部放晒SAT先學。最後都係果句, 考倒名校更係唔好浪費啦。

但我都認同SN唔太算名校。

作者: ypchana 時間: 11-11-11 17:36

原帖由 qq爹地 於 11-11-11 13:28 發表
我好怕人地終日叫「名校」, 都不過是一間較好條件的學校吧...

我會理解當是入選「國家隊」, 真係唔係個個小朋友可以催谷, 當長期被挫敗感打擊, 小朋友心理上會有反效果, 到那時要選擇退出, 你同小朋友也無悔, 唯有 ...

品格培育最重要, 二線也不是世界末日

agree no more.....but my point is :

Band 1學校收band 1學生，這是不能否認的；近赤者亦，近墨者黑，道理就是這樣！

作者: 3pigmama 時間: 11-11-12 00:09 標題: 回覆 22# HinBB0624 的文章

我最欣賞這種小朋友和他們的父母.

作者: 力力媽媽 時間: 11-11-12 10:51

我去咗大約十間幼稚園面試，有村校、二線名校同九龍塘一線名校，我個仔係超細仔0912，但到現在有offer既上午班都係村校，其他都係下午班，所以我都要諗比我個仔讀村校上午好定，讀下午名校好呢？

讀名校除咗要金錢負擔，其實家長要預埋小朋友同其他有錢同學既物質比較。我聽個朋友講佢小朋友讀緊九龍塘一線名校，佢話個小朋友一到假期就話要去英國、瑞士或者去日本旅行，原因係佢啲同學會去呢啲地方旅行。

所以大家都要準備埋點様教育下一代既價值觀囉。

作者: alfredw88 時間: 11-12-2 16:50

今早終於完成最後一間的面試，現在只剩下等結果的時候。在此可以再抒發一下了。

首先，謝謝各位的分享和意見。在我而言，這幾個月的心情，比我當年考會考、A level甚至考大學更緊張。閱覽此網頁留言及在面試期間觀察其他家長，都覺得做人父母很艱難。簡單說，人人都望子成龍，希望子女可在起跑線起步(嬴在起跑線?)。

坦白講，我也想。誰不想仔女是名校高材生，文武全才? 正如有家長回應「名校」收冇理由唔讀，唔驚他日被人埋怨?

但問題是，小朋友年紀那麼小，為什麼好像變了入「名校」便代表成功? 難道入不到便是失敗?

我相信很多很多家長也和我一樣，相信和知道自己的小孩好叻，好聽話。問題只是未能在面試的時候發揮出來，又或者年紀太少，根本未發展出來。兩歲人仔，差幾個月就是差幾個月。

我兒子總共見了6間幼稚園。在5間公認「名校」當中，3間已覆reject/waiting(所謂waiting 其實也心裏有數)。2間等結果。

我絕對相信我兒子聰明靈悧，雖然很多時是在對着我們的時候。反而，我真的不知道「名校」的收生標準是什麼。很多家長的分享也只是各有各估；有家長說孩子In得很好但唔收，有人說孩子In的時候十問九唔應但又收；有人大仔唔收，細仔收。簡單說，我都唔知「名校」面試把「尺」係乜，又唔知兒子「衰」乜。

不過，我唔係要投訴。自願參與遊戲，便要跟遊戲規則。面試成功的家長，我衷心恭喜。我也不一定失敗，起碼還有兩「飛」。不過就算衰埋，我其實也很開心。

昨晚我同我太太講，可以說我是阿Q，但我覺得排在起跑線頭位是很太壓力的，因為一開始站在頭位，會很怕被人追過。反而在二線起跑，會冇咁大壓力。我太太說我是阿Q中的X.O. 。我說，要做的已經做了，唔係咁點呢?

在此少許分享，大家不妨參考一下。

我喜歡長跑，亦有參加馬拉松賽事。馬拉松賽事由起跑線至終點，全長42.195公里。要完成比賽，是耐力和意志的考驗。很多人在起步前要「霸頭位」，起步時神氣十足，氣勢如虹。有很多人起跑初期看見其他人快、自己便急起直追。

的確，很多人是很強的，我只是一個普通跑手，沒有資格排在起跑線，跑唔快，10,000人之中只跑3,000-4,000名。但我所見，有些「霸頭位」、人快佢快的人，都是新跑手；頭20-30公里的確很快，但到了最後的10公里便步行的步行、抽筋的抽筋；到終點前數米倒下的也見過。我只以均速跑，抱着「我們走着嘲吧！」的心態，反而卻很享受在中後段過其他人的感覺。這是「龜兔賽跑」的故事。

大家不需要覺得被冒犯，我亦沒有「唔抵得」任何人；正如上面說，我還有兩「飛」呢！我只是唔介意不在起跑線。

不過如果有人真的覺得被冒犯，你當我是阿Q便算了。

最後，有說如果他日被兒子埋怨沒有入「名校」的話怎辦，我想我會告訴他：「人是要靠自己的」。

祝大家好運，也請祝我和兒子好運吧。

作者: PIG1031 時間: 11-12-2 17:13 標題: 回覆 50# alfredw88 的文章

你比喻得好好！各位加油！！！

作者: 開心小花 時間: 11-12-2 17:33 標題: 回復 2# alfredw88 的帖子

十分認同!

作者: 虎媽媽 時間: 11-12-2 17:35 標題: 回復 50# alfredw88 的帖子

其中一個加分位係.. 能令"考官"留下印象

作者: NO9 時間: 11-12-2 18:00

盡力而為和明白感恩是現階段的座右銘

作者: shirleysung211 時間: 11-12-3 23:52

我同意讀全日班，我又幫仔仔報左名校，看看入唔入到lor。不過，入到又係煩，我怕追唔上，又要補補補。入唔到又唔係一定唔好，有d人話上小學跟唔到，看你平時有無自己教，有無提升小朋友興趣。
我自己著重品德，我首選係基督教的學校，之後再看老師，教材，校舍等...
總之，讀得開心是重要的，令小朋友怕了讀書是很難再令他有心機再讀，培養他對學習的興趣是幼稚園重要的，學到幾多，才不是重要。我們做父母的，想小朋友win在終點吧，不要想太多復雜問題了。

作者: bbtcy 時間: 11-12-4 01:39

活在香港，要不豁出去，要不就遊戲繼續玩下去。其實在這段其間，兒子試過一天見三間學校，回到家累到呼呼大睡，自己也很心痛。我當然希望他入到名校，但不是希望就有；也不覺得非要他學18般武藝才能入名校。我覺得盡力吧，但提醒自己平常心，不管是否入到名校，努力過，孩子大了也不會怪父母的。更何況孩子更需要的是我們的愛和關心。看見大家如此努力和費必神，很感動，我想香港的父母真的很super! 忙碌的工作以外還有這更重要的要兼顧！大家加油！聖誕快樂！

作者: ppatzhu05 時間: 11-12-4 15:28 標題: 回覆 41# IRK 的文章

我當然希望有心儀的KG 會收，但我跟IRK 對面試的想法是一樣的，在過程中睇到小朋友的強弱及對各KG 的多一點了解，都是很好的得著。
同時都是希望小朋友在這幾年快樂享受幼稚園生活時，亦會培養主動學習同喜愛閱讀。在以后的個人成長及上中小學都會是享受當中的過程。

作者: qq爹地 時間: 11-12-9 14:15

世上是沒有Band 1學校的...

二線學校, 一樣有出色學生...

原帖由 ypchana 於 11-11-11 17:36 發表

品格培育最重要, 二線也不是世界末日

agree no more.....but my point is :

Band 1學校收band 1學生，這是不能否認的；近赤者亦，近墨者黑，道理就是這樣！ ...

作者: qq爹地 時間: 11-12-9 14:27

我有另一個比喻...

我大仔已經入讀了很好的學校, 亦已經上了中學, 第一年更入了暗盤精英班 (校方說沒有), 第二年差數分跌出了名單外, 被其他上一年很努力努力的同學佔了位置...

他當然不開心....

我以足球聯賽跟他打比喻 (他很喜歡英國事物), 紐卡素上年也失分降格到英冠, 一年努力, 又可以高分重返英超比賽, 人生也如此一樣, 沒有絕對輸掉...

努力中....

原帖由 alfredw88 於 11-12-2 16:50 發表
今早終於完成最後一間的面試，現在只剩下等結果的時候。在此可以再抒發一下了。

首先，謝謝各位的分享和意見。在我而言，這幾個月的心情，比我當年考會考、A level甚至考大學更緊張。閱覽此網頁留言及在面試期間觀察其他家 ...

作者: thingy 時間: 11-12-9 15:09

我自去年11月已為兒子的K1面試作準備。由於鋪排了咁長時間，我的心路歷程也走了很遠，以上家長分享的想法也有出現過、考慮過。
到了近月的頻頻面試(已見了10間，當中有名校，有樓下"就腳"幼稚園)。我和先生經過實實在在的觀察學校、接觸老師、甚至接觸校長,etc的經歷後，又再整理下我倆的思緒，要為兒子揀間怎樣的學校，至今，我們的結論是:
選間校風好的(因為讓孩子可近朱者赤，盡量減少接觸不良分子的機會);環境好的(返學開心d。我所讀的中、小學校校園都很細(它們都是區內名校)，上體育課往往要離校到街外的運動場，我對學校歸屬感一般);老師有愛心，上課氣氛好，不用浪費時間來管理學生秩序。
以上3大點或其他家長注重的關鍵往往是名校才能實現，所以做成家長掙入名校吧。儘管如此，我倆不是非名校不入，而是以我們歸納出來的原則選校。

故此，我認為你先要和太太整理下你們對學校的期望/對孩子學業"生涯"的期望，然後再去選校，而非被學校的offer牽著鼻子走。

純粹個人分享，如有太過，見諒。

PS: 另有家長分享過 "什麼名校比起健康已相對不重要", "當初陀住囡囡時只求佢健康正常。而家到揾學校變左有點迷失。"很有啟發，大家也去看看吧！
(at標題: "更深體會,想再和大家分享" http://forum.edu-kingdom.com/vie ... &extra=page%3D2)

歡迎光臨教育王國 (/)